|
O'zbekiston Yangiliklari
|
|
| BAXOR | Date: Payshanba, 11/08/18, 9:15:15 AM | Message # 121 |
 Peshqadam
Group: Ishonchli
Messages: 4086
Status:  | 
O'zbekiston aholisi 28,639 mln. kishini tashkil qildi
2011 yilning 1 iyul holatiga ko'ra respublikada doimiy aholi soni28639,0 ming kishini tashkil qiladi. Shundan 51,3% aholi yoki 14697,0 ming kishi shahar joylarida istiqomat qiladi. Joriy yilning yanvar-iyunida tug'ilish koeffistienti 18,8 promilleni tashkil qildi va 2010 yilning shu davriga nisbatan 1,6 promillega kamaydi.
O'zbekiston Davlat statistika qo'mitasi ma'lumotlariga ko'ra o'lim koeffistienti 4,8 promilleni tashkil qildi va 2010 yilning shu davriga nisbatan 0,2 promillega ko'paydi. O'lganlar umumiy sonidan 66,9% qon aylanish sistemasi kasalliklaridan, 7,5% o'sma kasalliklaridan, 6,2 foizi nafas olish organlari
kasalliklaridan, 6,2 foizi ovqat hazm qilish organlari kasalliklaridan, 4,5 foizi baxtsiz hodisa, zaharlanish va jarohatlardan vafot etgan.
Joriy yilning yanvar-iyunida FHDYo organlarida 113,6 ming nikoh ro'yxatga olindi, ajralishlar soni esa 9,0 mingtani tashkil qildi. Ming aholiga nisbatan
hisoblaganda 8,0 ta (2010 yil - 7,9 ta) nikoh va 0,6 ta (2010 yil - 0,7 ta) ajralishlar to'g'ri kelmoqda.
Dastlabki ma'lumotlarga kira, joriy yilning yanvar-iyun oylarida respublika bo'yicha ko'chib kelganlar soni 65,1 ming kishini tashkil qildi. Ming aholiga
nisbatan hisoblanganda aholi ko'chib kelishi darajasi 2010 yilning shu davriga nisbatan 5,0 promilledan 4,6 promillega kamaygan. Joriy yilning yanvar-iyun oylarida ko'chib ketganlar soni 79,3 ming kishini tashkil qildi. Ming aholiga nisbatan hisoblanganda aholi ko'chib ketishi darajasi 2010 yilning shu davriga nisbatan 6,3 promilledan 5,6 promillega kamaygan. Migratsiya qoldig'i minus 14,2 ming kishini (2010 yilning shu davrida minus 18,0 ming kishi) tashkil qildi. uza.uz saytidan olindi
|
| |
|
|
| OSIYO | Date: Payshanba, 11/08/18, 7:15:21 PM | Message # 122 |
 Peshqadam
Group: Ishonchli
Messages: 7146
Status: | Ўзбекистонга экстрадиция қилинган қочқинлар устидан ҳукм ўқилди
Июн ойида Қозоғистондан Ўзбекистонга экстрадация қилинган 29 нафар қочқиннинг айримлари устидан маҳкама ҳукми ўқилган.
Бу ҳақда Ўзбекистондаги “Эзгулик” инсон ҳуқуқлари ташкилоти маълум қилди.
Ташкилотга кўра, Сирдарёда ўтган маҳкама 31 яшар Файзуллахон Акбаровни 5 йилга озодликдан маҳрум этган.
Қозоғистон Миллий Хавфсизлик Қўмитаси изоляторида юрак хуружини бошдан кечирган Акбаров "Жиҳодчилар" диний радикал оқимига мансубликда айбланган.
“Эзгулик” инсон ҳуқуқлари ташкилотига кўра, Сирдарё вилояти суди қарори билан 30 яшар Аҳмад Болтаев Ўзбекситон конституциявий тузумига тажовуз қилиш, жиноий уюшмалар тузиш, жамоат хавфсизлигига таҳдид солувчи материаллар тарқатишда айбли деб топилган ва 15 йилга озодликдан маҳрум қилинган.
Шунингдек, Тошкент вилояти судида ҳам 29 нафар диндорнинг 10 нафари устидан маҳкамалар бошланган.
“Уларнинг аксарияти "Жиҳодчилар" диний радикал оқимига мансубликда айбланмоқда. Мазкур жиноят ишлари Тошкент шаҳри ва вилоятлардаги ҳуқуқни муҳофаза қилиш оргналарида тергов қилинмоқда, диндорларнинг тақдири борасида аниқ маълумотлар йўқ”, - деб билдирди "Эзгулик" ташкилоти.
Айни пайтда Ўзбекистон томонидан қидирувга берилган яна бир ўзбек қочқини Қозоғистонда ҳибсга олинди.
Нижний Новгород шаҳрида олти йилдан бери қурилишда ишлаб келгани айтилаётган қўқонлик 39 яшар Собиржон Носиров ўтган ой Россия Қозоғистон чегарасини кесиб ўтаётганида қозоқ ҳуқуқ-тартибот ходимлари тарафидан ҳибсга олинган. Ўзбекистон конституциявий тузумига тажовуз қилганлик каби оғир жиноятларда айбланаётган Носиров саноқли кунлар ичида Ўзбекистонга экстрадиция қилиниши мумкин.
ozodlik.org
|
| |
|
|
| DURDON | Date: Juma, 11/08/19, 1:26:47 AM | Message # 123 |
 SUPER ADMINKA
Group: Admin yordamchisi
Messages: 10149
Status: | Ўзбекистонга экстрадиция қилинган қочқинлар устидан ҳукм ўқилди
18.08.2011
Июн ойида Қозоғистондан Ўзбекистонга экстрадация қилинган 29 нафар қочқиннинг айримлари устидан маҳкама ҳукми ўқилган.
Бу ҳақда Ўзбекистондаги “Эзгулик” инсон ҳуқуқлари ташкилоти маълум қилди.
Ташкилотга кўра, Сирдарёда ўтган маҳкама 31 яшар Файзуллахон Акбаровни 5 йилга озодликдан маҳрум этган.
Қозоғистон Миллий Хавфсизлик Қўмитаси изоляторида юрак хуружини бошдан кечирган Акбаров "Жиҳодчилар" диний радикал оқимига мансубликда айбланган.
“Эзгулик” инсон ҳуқуқлари ташкилотига кўра, Сирдарё вилояти суди қарори билан 30 яшар Аҳмад Болтаев Ўзбекситон конституциявий тузумига тажовуз қилиш, жиноий уюшмалар тузиш, жамоат хавфсизлигига таҳдид солувчи материаллар тарқатишда айбли деб топилган ва 15 йилга озодликдан маҳрум қилинган.
Шунингдек, Тошкент вилояти судида ҳам 29 нафар диндорнинг 10 нафари устидан маҳкамалар бошланган.
“Уларнинг аксарияти "Жиҳодчилар" диний радикал оқимига мансубликда айбланмоқда. Мазкур жиноят ишлари Тошкент шаҳри ва вилоятлардаги ҳуқуқни муҳофаза қилиш оргналарида тергов қилинмоқда, диндорларнинг тақдири борасида аниқ маълумотлар йўқ”, - деб билдирди "Эзгулик" ташкилоти.
Айни пайтда Ўзбекистон томонидан қидирувга берилган яна бир ўзбек қочқини Қозоғистонда ҳибсга олинди.
Нижний Новгород шаҳрида олти йилдан бери қурилишда ишлаб келгани айтилаётган қўқонлик 39 яшар Собиржон Носиров ўтган ой Россия Қозоғистон чегарасини кесиб ўтаётганида қозоқ ҳуқуқ-тартибот ходимлари тарафидан ҳибсга олинган. Ўзбекистон конституциявий тузумига тажовуз қилганлик каби оғир жиноятларда айбланаётган Носиров саноқли кунлар ичида Ўзбекистонга экстрадиция қилиниши мумкин.
|
| |
|
|
| OSIYO | Date: Shanba, 11/08/20, 9:37:54 AM | Message # 124 |
|
Peshqadam
Group: Ishonchli
Messages: 7146
Status: | Ўтган ҳафтада ўзбекни суюнтиргани ва куюнтиргани
Ўзбекистонликларни ўтаётган ҳафтада нима суюнтирди ва нима куюнтирди? Озодлик мана шу икки савол билан тинловчиларига мурожаат қилди.
Сирдарё вилоятининг Сирдарё тумани Усмон Юсупов маҳалласида яшовчи Обиджон Насриддинов ўтаётган ҳафтада суюнгани - уйида рўзадорларга ифторлик қилиб бергани эканини айтади:
- Шу ҳафтада уйда ифторлик қилиб бердим. Чамамда 30тача одам бор эди. Оллоҳга шукр, -дейди Обид ака Насриддинов.
Ҳафта давомида Обид акани куюнтирган хабар мана бу бўлди:
- Чорвачилик бўлими, фермер хўжалиги бор. Ўша ерда катта бино бор эди. Шуни бузди. Бузиб, тепасидаги материални сотиб, алам қилгани хом ғиштини халққа тарқатмай теп-текис қилди. Шу алам қилди холос, ачинарли хол бўлди. Халққа тарқатса бўлмас эдими шу ғиштни? Ўн минг-ўнг минг ғишт тарқатилса, йигирма хўжалик уй битар эди. Йўқ, булдозерни олиб келиб, текислаб қўйди. Ғишт нобуд бўлди, одамлар хом ғиштга ета олмаяпти ҳозир. Уста бўлганим учун шу алам қилди, - дейди касби уста бўлган Обид Насриддинов.
Тошкент вилоятининг Бекобод туманида яшовчи нафақахўр Аҳмадали Ташанов эса: "Бу ҳафтанинг ичида қувонтирган нарса бўлмади шекилли", дейди хўрсиниб.
Бекободлик тингловчи шу ҳафта ичида маҳалла фуқаролар йиғини раиси қишлоқ жойидаги уйларнинг расмийлаштирилган ҳужжатларини сўраётгани ўзини куюнтирганини айтади.
- Бизни ўн йил олдин олиб қўйилган қуриладиган участкалар бор, уларга ҳужжат қилинмаган. Қишлқо жойида 90-95 фоиз одам ҳужжат қилмаган. Қуриб яшайверади, - дейди ҳафта давомида куюнтирган дардини айтар экан Аҳмадали ака.
Бу ҳужжатларни ўз вақтида расмийлаштирмаган Аҳмадали Ташанов Бекобод туман ҳокимлигига мурожаат қилиб жавоб ололмаган. Шундан сўнг у шу ҳафтанинг ўзида вилоят ҳокимлигига хат ёзган.
- Вилоятдан икки –уч куннинг ичида прокуратурага жавоб келибди. Улар мен хатни ёзганим бўлишига қарамасдан, уларни (маҳалла расини назарда тутмоқда- таҳр) чақириб, текислаб ёпиш билан овора бўлмоқда. Бугун вилоят ҳокимими, қишлоқ хўжалик вазирими келиб, йиғилиш ўтказар экан деб эшитиб, соат 9да келиб кутиб пойлаб турдик, келмади. Келса тўғри ўша одамга мурожаат қилмоқчи эдик, - дейди бекободлик тингловчи.
Озодликнинг доимий тингловчиси, яккабоғлик Бухор Юсупов ўтаётган ҳафтада нафақа пулини олганлигидан суюнганини айтади:
- Қувонтирадиган нарса, олаётган нафақамизга 15 % қўшилди. Шунга хурсанд бўлиб турибмиз. Олдин 295 минг сўм олар эдим, ҳозир 340 минг сўм бўлган.
“Нимадан куюндингиз?” саволига Бухор Юсупов шундай жавоб қилди:
- Худога минг қатла шукр, унча хафа бўладиган жойим йўқ. Бу ҳафтада хафа бўлган жойим деярли йўқ. Насиб бўлса бўлмайди ҳам,- деди яккабоғлик Озодлик тингловчиси
ozodlik.org
|
| |
|
|
| DURDON | Date: Yakshanba, 11/08/21, 11:03:42 AM | Message # 125 |
SUPER ADMINKA
Group: Admin yordamchisi
Messages: 10149
Status: | Ўзбекистонда Интернет хавфсизлигини Эксперт комиссияси кузатади 
21.08.2011
Басира
Ўзбек расмийлари ахборот ва коммуникация соҳасида эксперт комиссиясини тузишга қарор қилди.
Ўзбекистон ҳукуматининг 5 август куни қабул қилган “Оммавий коммуникациялар соҳасида мониторинг тизимини такомиллаштиришга доир қўшимча чора-тадбирлар тўғрисида”ги қарорига кўра, эксперт комиссияси таркибига 13 нафар мансабдор киритилган.
Эксперт комиссиянинг асосий вазифалари ўлароқ унинг низомида қуйидагилар кўрсатилган:
- Миллий ахборот макони ва оммавий коммуникация воситалари фаолияти, шу жумладан, замонавий ахборот-коммуникация технологиялари, йўлдош тизимлар, Интернетнинг глобал тармоғи, ахборотни узатиш ва тарқатишнинг бошқа электрон воситалари, шунингдек, босма маҳсулотлар мониторинги натижаларини кўриб чиқиш.
- Ўзбекистон алоқа ва ахборотлаштириш агентлигининг Оммавий
коммуникациялар соҳасида мониторинг маркази томонидан тақдим этиладиган
мониторинг материалларини оммавий коммуникация воситаларида тарқатиладиган ахборот материалларининг ахборот соҳасида шахс, жамият ва давлатнинг манфаатларини ҳимоя қилишни таъминлашга, фуқароларнинг ижтимоий онгига бузғунчи салбий ахборот-руҳий таъсирнинг олдини олишга, миллий-маданий анъаналар ва меросни сақлаб қолиш ва уларнинг узвийлигини таъминлашга йўналтирилган республика қонун ҳужжатлари талабларига мувофиқлиги юзасидан экспертизадан ўтказиш;
- оммавий коммуникациялар соҳасида хизматлар кўрсатувчи субъектлар фаолиятида қонунчилик талабларининг аниқланган бузилишлари бўйича хулосаларни тайёрлаш ва тегишли давлат органларига тақдим этиш;
- миллий оммавий коммуникация воситаларининг самарали фаолият кўрсатишига тўсқинлик қилувчи муаммоларни аниқлаш.
Ундан ташқари, ушбу комиссия миллий ахборот маконида аниқланган конституциявий тузумни зўравонлик билан ўзгартиришга, Ўзбекистон Республикасининг ҳудудий яхлитлиги ва суверенитетини бузишга, ижтимоий, миллий, ирқий ва диний адоватни авж олдиришга, давлат тузумига қарши қаратилган бошқа тажовузларни содир этишга оммавий даъват қилган материалларни, шунингдек, уруш, зўравонлик, порнография ва шафқатсизликни, терроризм ва диний экстремизм ғояларини тарғиб қилишга йўналтирилган ахборотларни таҳлил қилади ва улар бўйича хулосалар тайёрлайди.
Айни пайтда Озодлик билан суҳбатлашган соҳа мутахассислари ва таҳлилчилар бу қарор юзасидан ўз мулоҳазаларини билдирдилар.
Даниил Кислов, “Фарғона.ру” сайтининг бош муҳаррири:
- Бош вазир имзолаган қарор моҳиятан амалдорларнинг фуқаролар онгига қайси мақолалар “деструктив” ва “салбий” таъсир кўрсатишини аниқлаш ҳуқуқини қонунийлаштириб берди. Умида Аҳмедова, Абдумалик Бобоев ва Владимир Березовский ишлари бўйича барчага маълум жараёнлар чоғида суд қарор чиқаришда таянган қандайдир комиссиялар бор эди. Бироқ бу комиссияларнинг фаолияти ўша пайтда четдан танқид қилинганди. Эндиликда эса бу каби экспертлар фаолияти қонунийлашади: экспертлик кенгашини юқори лавозимли амалдорлар гуруҳи танлаб олади. Яна такрорлайман: давлат оммавий ахборот воситалари устидан назоратни кучайтириш бўйича қонунчилик базасини барпо қилмоқда. Ишончим комилки, бу комиссиянинг барча хулосалари жамият фойдасини кўзлаб эмас, балки давлат тепасидаги бир гуруҳ шахслар манфаатини кўзлаган ҳолда чиқарилади.
Абдураҳмон Ташанов, мустақил журналист, Ўзбекистон “Эзгулик” инсон ҳуқуқлари жамияти фаоли:
- Бунинг мустақил журналистларга таъсири бўлиши мумкин. Интернет материалларни таҳлил қилиб, интернет сайтларни бўғиш ёки журналистларга нисбатан экспертиза хулосаси бериб, уларни жавобгарликка тортишгача бориши мумкин. Бундан олдин ҳам матбуотни бўғиб туришга қаратилган бир қанча қарорлар чиқарилган ва жамоатчилик комиссиялари ташкил этилган. Масалан, 2000 йилларда бош муҳаррирлар кенгаши тузилган эди. Бош муҳаррирлар газета, телевидениеда чиқаётган мақолаларни кўриб, таҳлил қилиб, қонунга, сиёсатга мос келишини кўриб беришар эди.
Камолиддин Раббимов, сиёсатшунос ва социолог олим:
- Қўйилган вазифа асосан интернет. Агар сиз Google тармоғини очиб, у ерга “Ўзбекистон” сўзини ўзбек тилида ёзсангиз, сизга бир нечта ишорат таклиф қилади. Биринчи ва энг кўп таклиф қилаётган варианти “Ўзбекистон халқ ҳаракати” деган таклиф бўлади. Ўзбекистон ҳукумати эҳтимолий ўзгаришлардан қаттиқ қўрқаяпти. Ўзбекистон жамиятига бўлиши мумкин бўлган таҳдидлар ҳам бор. Бу ерда улар шунчаки номига санаб ўтилган. Лекин асосий ядро - Ўзбекистон хукуматини безовта қилаётганлар, яъни инқилоблар, халқнинг жунбушга келиши, “араб баҳори” каби воқеалар бўлишидан қаттиқ хавотир олганлиги учунлиги кўринади. Бундан олдин ҳам 2000-йилларда ҳам, 1990-йилларда ҳам бунга ўхшаган комиссиялар тузилган. Лекин комиссияларда ҳар сафар хавотирлар қирралари бир-биридан фарқ қилган. Бу сафар айнан интернетни ҳукумат ҳавфсизлиги нуқтаи назаридан ревизия қилиш вазифаси қўйилаяпти.
|
| |
|
|
| OSIYO | Date: Chorshanba, 11/08/24, 12:21:03 PM | Message # 126 |
|
Peshqadam
Group: Ishonchli
Messages: 7146
Status: | Жарқўрғонда фермерлар казарма ҳолатига келтирилди
Ҳоким қаҳрига учраган юздан ошиқ фермер икки ҳафта маҳаллий коллеж ëтоқхонасида "ҳарбий ҳолат"да ушлаб турилган.
Озодлик манбаларининг хабар қилишича¸ Сурхондарё вилоятининг Жарқўрғон тумани фермерлари касб-ҳунар коллежи ётоқхонасида икки ҳафталик кечаю кундузни “биргаликда” ўтказганидан сўнг, уларга уй-уйларига тарқалишга рухсат берилган.
Вилоят ҳокими буйруғига кўра, фермерлар дала ишларини ўз ҳолига ташлаб қўймаслик ва ҳокимиятдан тўғридан-тўғри топшириқ олиб туриш учун, икки ҳафта мобайнида кўрпа-тўшаги билан тунни бирга ўтказишга мажбур қилинган.
Озодлик беш тунни бошқа ҳамкасблари билан коллеж ётоқхонасида ўтказган жарқўрғонлик фермер билан суҳбатда бўлди:
Озодлик: Тунги навбатчилик ҳали ҳам бўляптими?
- Йўқ. Кеча тугатиб келдик.
Озодлик: Неча кун бўлдингиз?
- Мен дам олишда эдим. Чақириб олишди. Беш кеча бўлдим. Қолганлар мендан кўпроқ туришган.
Озодлик: Хўш, нима иш қилдиларинг тунда навбатчиликда?
- Ҳеч нарса, ётиб дам олдик, селектор эшитдик.
Озодлик: Озиқ-овқат, еб-ичиш кимнинг ҳисобидан бўлди?
- Кимнинг ҳисобидан бўларди, ўзимизнингда. Фермерлар пул ташлашиб у бу нарса олиб келдириб едик, дейди исми сир тутилишини сўраган жарқўрғонлик фермер.
Жарқўрғон тумани коллежининг исми ошкор этилишини истамаган ўқитувчисига кўра, юзга яқин фермер худди ҳарбий ҳолатдагидай кўрпа-тўшаклари билан коллеж ётоқхонасига келиб ётиб олган ва уларга нисбатан қаттиқ текширув жорий қилинган:
- Мана ҳозир ҳамма фермерларни битта жойга ёпиб ўтирибди. Мисол учун¸ 100-100та фермерни группа қилиб, коллежларнинг ётоқхоналарига ётқизяпти. Буни устига ҳар битта фермер ётоқ жойи учун 10-15 минг сўмдан пул ҳам тўлайди. Кечаси эса армиядагига ўхшаб перекличка қилиб чиқади. Яна ярим кечаси ҳам турғизиб, перекличка қилар экан. Эрталаб эса ҳаммани ишига жўнатар экан. Кечқурун эса қилинган ишлар ҳақида ҳисобот олинар экан. Худди ҳарбий ҳолатдай, дейди Жарқўрғон коллежи ўқитувчиси.
Суҳбатдошга кўра, вилоят ҳокимлиги бундай "ҳарбий сафарбарлик" сабабини, қишлоқ хўжалигида фавқулодда ҳолат юзага келгани билан изоҳлаган:
- Мен ўзим ўқитувчиман, ҳеч ким билмайди, нима учун шундай қилинганини. Бизда вилоят ҳокими бор, Туроб Жўраев деган. Ҳаммани сўкади, фермер борми, аёл борми, фарқи йўқ, сўкади. Яна “она” билан сўкади. Ўзи илгари Маориф вазири бўлиб ишлаган, энди сурхондарёликларни фақат онаси билан “сийлаяпти”. Эшитишимча, ҳатто туман ҳокимларини ҳам уриб, сўкар экан. Мана шундай бошқарув кетяпти-да, Сурхондарёда, дейди ўз хавфсизлиги учун исмини сир тутишга мажбур бўлган сурхонлик ўқитувчи.
Жарқўрғонлик бошқа бир суҳбатдош, Ўрол ака фермерларнинг икки ҳафта туну кун сафарбар қилингани сабаби очилган пахтани ўғрилардан ҳимоялаш эканини айтади:
- Бир ҳафта олдин шундай бўлган тўғри. Пахта очилган, уни теришга ҳали рухсат бўлгани йўқ. Лекин кечқурунлари ўғрилар териб кетаётган экан, шунга фермерларни икки ҳафта роса қаттиқ ушлабди, дейди Ўрол ака.
Қизириқ туманида фермерлик қилаётган Абдураҳмон ака сўзларига кўра, Жарқўрғонда содир бўлган пахта ўғирлаш ҳолати вилоят ҳокимининг фермерларни бир жойга қамаб жазолашига баҳона бўлган:
- Жарқўрғонда шундай факт бўлган. Вилоят прокурори билан Жарқўрғон туман Ички ишлар бўлими бошлиғи, бир фуқаронинг пахта кўсакларини юлиб, пахтани териб олаётган пайтда шу воқеанинг устидан чиқиб қолган. Шунинг учун жарқўрғонлик фермерларга шундай чоралар қўлланилган, токи улар беэътибор бўлишмасин деган мақсадда, дейди фермер Абдураҳмон ака.
Сурхондарё вилоят ҳокимлиги қошидаги Қишлоқ хўжалик ишлари бўйича бўлимининг ўзини таништирмаган ёрдамчиси Озодлик билан суҳбатда, фермерларни мажбурий ётоққа жалб қилиниши юзасидан ҳеч қандай ахборот беролмаслигини айтди.
|
| |
|
|
| DURDON | Date: Chorshanba, 11/08/24, 4:53:21 PM | Message # 127 |
SUPER ADMINKA
Group: Admin yordamchisi
Messages: 10149
Status: |
Ўзбекистонда ким қаҳрамон?
Президент Каримов кўкрагига қаҳрамонлик нишонини тақадиган қорақалпоқ фермерининг юзлаб гектар сувга сероб ерлари бор.
24.08.2011
Сарвар Усмон
“Ўзбекистон Қаҳрамони” унвонига сазовор топилганлар рўйхатига яна уч кишининг исм-фамилияси қўшилди.
Тахтакўпирлик фермер Сарсенбой Сейтназаров, олмалиқлик кончи Александр Фармонов, асакалик технолог Хасанбой Қосимовлар кўксини бундан буён “Олтин Юлдуз” медали безаб туради.
Мамлакат президентининг 23 август кунги фармонида айтилишича, тилга олинганлар “Ўзбекистон Қаҳрамони” унвонига “Ватан мустақиллигини мустаҳкамлаш, унинг жаҳон миқёсидаги шон-шуҳратини юксалтириш, ислоҳотларни янада чуқурлаштириш борасида давлат ва халқ олдидаги улкан хизматлари, ишлаб чиқариш ва ижтимоий соҳалардаги узоқ йиллик қаҳрамонона меҳнати учун сазовор бўлганлар”.
Фармон матнидан "Ўзбекистон Қаҳрамони" бўлиш учун нима қилиш кераклиги кўриниб турибди.
Қаҳрамонликнинг фармондаги аниқламаси умумий бўлгани учун, янги қаҳрамонлардан бири – қорақалпоғистонлик Сарсенбой Сейтназаров жасоратини ўрганмоқчимиз. Сейтназаровнинг юртдоши Алланиёз Утениёзовга 2001 йили “Ўзбекистон Қаҳрамони” унвони берилганида ҳеч кимда савол пайдо бўлмаган эди.
Қорақалпоғистонлик эски қаҳрамон Алланияз Утениязов.
Чунки бир умр мактабда ўқитувчилик қилган Алланиёз ака 1954 йилдан бошлаб ўз қўли билан 40 та уй, иккита мактаб, иккита болалар боғчаси, иккита касалхона, битта кутубхона қурган. 2000 йили 15 гектар майдонда боғ яратган.
Ҳар ҳолда Алланиёз акага қаҳрамонлик унвони берилгани тўғрисидаги матнларда шу фактлар келтирилганки, бу ишлар чиндан ҳам жасоратдир ва “Олтин Юлдуз” домланинг ҳалолидир.
Қорақалпоғистонлик фермер Қубай ака Ортиқовнинг фикрича, “Олтин Юлдуз” янги қаҳрамон Сарсенбой Сейтназаров учун ҳам ҳалол.
Озодлик: Қубай оға, Сарсенбой ака Сейтназаров деган фермеримиз “Ўзбекистон қаҳрамони” бўлибди.
- Ҳа¸ муборак бўлсин.
Озодлик: Биз ҳам табриклаб қўяйлик¸ деб ўзини топа олмаяпмиз. Сиз ҳам фермерсиз, тадбиркорсиз. Шу кишининг ишларидан хабарингиз борми?
- Бор. Жуда яхши фермер. Жуда меҳнаткаш йигит. Елиб-югуриб юрадиган одам. Ўзи билан танишмиз. Тўй-маъракада бир-икки марта учрашиб қолдик. Тошкентда бўлганман бир марта у билан.
Озодлик: У кишининг қаҳрамонлиги нимада деб ўйлайсиз?
- Қаҳрамонлиги ишни яхши ташкил қилгани, меҳнаткашлиги, одамгарчилиги, элга намуна бўларли ҳаракат қилаëтганида, дейди Қубай оға Ортиқов.
Демак, Қубай оғанинг фикрича, Сарсенбой Сейтназаров “Ишни яхши ташкил қилади, меҳнаткаш, одамгарчилиги яхши, элга намуна бўларли ҳаракат қилмоқда”.
Шунинг ўзи етарлими қаҳрамон бўлиш учун? Ахир Ўзбекистонда меҳнаткашдан кўпи борми?
Гап меҳнаткашликдагина эмасдир? Сарсенбой ака эришган муваффақиятнинг бошқа сири ҳам бордир?
Қубай акадан сўрадик:
Эндиликда "қаҳрамон" сенатор Сарсенбай Сейтназаров.
Озодлик: Муваффақиятининг сири нимада? Меҳнаткашлигидами ë бошқа бир сири ҳам борми?
- Меҳнаткашлигида. Бошқа сири йўқ, дейди Қубай оға.
Қониқмадик Қубай оғанинг гапидан: барибир бир гап бор!
Саволларни Сарсенбой Сейтназаровнинг ўзига беришнинг иложи бўлмагани учун у ҳақда эълон қилинган материалларни излаб топдик.
Маълум бўлишича, Тахтакўпир туманидаги “Тайимбет” фермер хўжалиги раҳбари Сарсенбой Сейтназаров 2006 йили 130 миллион сўм сарфлаб 478 миллион сўм даромад топгани учун “Ташаббус-2007” Ўзбекистон танлови ғолиби бўлган.
Юртдоши ва касбдоши Қубай оғанинг айтишича, Сарсенбойнинг даласи “Сувга яқин ерда, каналнинг бўйида жойлашган ерлари. Оғайнилари, инилари бор¸ жон куйдирадиган механизаторлари борда ўзида. Бирдамлик билан ҳаракат қиладиган одам”.
Ахир Ўзбекистонда даласи сув ёқасида бўлган фермер ёлғиз Сарсенбой эмас-ку?!
Демак, бу ҳам жуда заиф изоҳ.
Uzbekistan today нашрининг бундан икки йил олдин ёзишича, Сейтназаров 65 гектар ерда деҳқончилик қилиб, (бошқа маълумотларда Сейтназаровнинг ери 328 гектар) ҳар гектар ердан 46 центнердан пахта ҳосили олган, сатҳи 300 гектарли кўлидан 2008 йили 45 тонна балиқ тутиб сотган.
Икки йил аввал Сейтназаровнинг чорвачилик фермаларида қорамолнинг ўзи 200 бошдан зиёд, қўй-эчкилари ҳам юзлаб эди.
Сейтназаров бундан икки йил олдин консерва цехи очмоқчи эди, шу кунда цех ишлаётган бўлса керак, қаҳрамоннинг меҳмонхона, сартарошхона, сауна ва банкет залидан иборат аҳолига хизмат кўрсатиш маркази ҳам ишлаб турибди.
Ва ниҳоят, Uzbekistan today нашрининг ёзишича, бундан икки йил олдин Сейтназаровнинг бутун бошли машина-трактор паркида 30 дан зиёд техника бўлган. 2011 йилда қаҳрамоннинг техникаси ҳам анча кўпайгандир.
Хуллас, янги қаҳрамон Сарсенбой Сейтназаров рисоладагидай капиталист.
Капиталистнинг эса, биламизки, мақсади битта – капиталини кўпайтириш.
“Раҳмоннинг берганини шайтон қизғанибди”, демангу, қаҳрамонликнинг капиталист Сейтназаровга нима алоқаси бор?
Айниқса, бутун умри, ўқитувчиликдан топган тўртта сўм пули, ёзги меҳнат таътилларини хайрия ишларига - ўз қўли билан 40 та уй, иккита мактаб, иккита болалар боғчаси, иккита касалхона, битта кутубхона қуришга, 15 гектар майдонда боғ яратишга сарфлаган Алланиёз Утениёзов билан битта сафда – қаҳрамонлар сафида туришга Сарсенбой Сейтназаровнинг ҳаққи борми?
Ҳамюрти ва ҳамкасби Қубай Ортиқовнинг фикрича, ҳаққи бор:
- Унга тўғри берилди. Давлатимиз, президентимиз унга шунақа унвон берган экан¸ муборак бўлсин. Тўғри берилди¸ деб ҳисоблайман мен. Меҳнатни ўзи учун қилди деб айтамиз, лекин бу меҳнатнинг натижасидан эл-юрт фойда кўрдику. Қанча пахта берди, қанча буғдой берди. Ахир бу буғдой элнинг дастурхонига боради. Пахтанинг натижаси ўзига бўлса ҳам¸ давлатимиз сотади уни. Шунинг учун унга “Ўзбекистон қаҳрамони” деган унвон берилди. Мен шунақа тушунаман, дейди Қубай оға.
Қубай оға тушунаётган нарсани Қубай оғадай тушунишим учун ўзимни жуда қийнашим шарт эмас: тўғри, деб қўйсам бўлди – олам гулистон!
Лекин бугунги Ўзбекистонда тушунчалар, қадриятлар аралашиб кетгандай туюлаверади.
Бу чалкашлик ҳатто бугунги суҳбатдошимнинг гапларида ҳам яққол кўринади.
“Сармоядор одам. Топган сармоясига завод қурса элимиз учун, учта техника сотиб олса, уни капиталист деб айтиш менимча ноўрин. Тадбиркор у. Эл учун югурадиган инсон”, деб турган одам фикрини кутилмаганда мана бундай тугатди:
- Лекин у эл учун девонаи Машраб эмаску ахир ҳаммасини халққа берадиган. Ҳамма одамни бир одам боқа олмайдику. Ҳар ким ўз меҳнати билан кун кўради, дейди Қубай оға.
Хўш, бу чалкашлик илдизи қаерда?
Ҳамма гап, балки Ўзбекистон иқтисодиётининг шаклан капиталистик, мазмунан социалистик, сиёсатининг шаклан демократик, мазмунан коммунистик қолаётганидадир?
Мақолага сўнгги нуқтани қўйиш олдидан бугунги қаҳрамонимиз – янги қаҳрамон Сарсенбой Сейтназаров ҳақида яна бир-икки маълумот:
Янги қаҳрамон 1960 йил, 1 апрелда туғилган, олий маълумотли агроном, сенатор, Олий Мажлис Сенатининг ташқи сиёсат масалалари бўйича қўмитаси аъзоси.
|
| |
|
|
| BAXOR | Date: Payshanba, 11/08/25, 0:00:37 AM | Message # 128 |
|
Peshqadam
Group: Ishonchli
Messages: 4086
Status: | 
Nihol 2011 taqdirlash marosimi natijalari
ALIShER FAYZ, GULSANAM MAMAZOITOVA, ZIYoDA, HOSILA RAHIMOVA, G'IYoS BOYTOEV, ZULAYHO BOYXONOVA, OZODBEK NAZARBEKOV IShTIROKIDA NUFUZLI MUKOFOTNI TANTANALI TOPShIRISh MAROSIMIDAN EKSKLYuZIV FOTOREPORTAJ!
2011 yilning 19-avgust kuni "Istiqlol" san'at saroyida "Nihol-2011" g'oliblarini tantanali taqdirlash marosimi bo'lib o'tdi. O'zbekiston Madaniyat va Sport ishlari vazirligi tomonidan tashkil etilgan dasturning har tomonlama mukammal o'tishida Toshkent shahar hokimiyati, "O'zbeknavo" estrada birlashmasi, "Kamolot" YoIH Markaziy Kengashi o'z xizmatlarini ayamadi.
Shu yilning aprel-iyul oylarida bo'lib o'tgan "Nihol" mukofotining saralash bosqichlarida mamlakatimizning barcha viloyat va Qoraqalpog'iston Respublikasidan 10688 nafar yigit qizlar ishtirok etdilar. Yakuniy bosqichda 137 nafar nomzod qatnashib, ulardan 11 nafari g'olib deb topildi.
"Nihol 2011" g'oliblari:
1.Qozieva Ruxshona
2.Akbarova Tamara
3.Shodiev Sherzod
4.Hasanova Shahzoda
5.Nizomova Yulduz
6.Otaboeva Shahnoza
7."Navo-soz" ansambli
8.Raimjonov Mashhur
9.Akbarova Dilnoza
10.Mahmudov Otabek
11.Mo'minov Lochinbek
Mukofotni taqdirlash marosimida Mustaqilligimizning 20 yilligi arafasida sharafli "Nihol"lar bo'lish baxtiga muyassar bo'lganlarni san'atimiz "chinor"lari qutladi. Jumladan, Hosila Rahimova, Mahmud Namozov, Munojot Yo'lchieva, Zulayho Boyxonova, Ozodbek Nazarbekovlar 2011 yilning "Nihol"lariga o'z qo'llari bilan mukofot topshirishib, ularning katta ijod yo'liga kirib borishida omadlar yor bo'lishini tilashdi.
"Nihol" mukofoti Prezidentimiz tashabbusi bilan 2000 yil, 25 avgustida yosh iste'dodlarni qo'llab-quvvatlash maqsadida ta'sis etilgan bo'lib, musiqa, opera, raqs, qo'shiq va estrada san'atida o'zini yorqin namoyish etgan, 25 yoshgacha bo'lgan yoshlar mukofotlanadi.
Izzat Ibragimov, Tohir Sodiqov, Gulsanam Mamazoitova, Dilnoza Ismiyaminova, Lola Ahmedova, Rayhon G'anieva kabi mashhurlarimiz turli yillarda "Nihol" mukofoti sovrindori bo'lib, "O'zbekistonda xizmat ko'rsatgan artist unvoniga ham sazovor bo'lganlar. manba
|
| |
|
|
| BAXOR | Date: Juma, 11/08/26, 3:26:52 AM | Message # 129 |
|
Peshqadam
Group: Ishonchli
Messages: 4086
Status: | 
Islom Karimov Oqsaroyda AQSH Senatorini qabul qildi
O‘zbekiston Respublikasi Prezidenti Islom Karimov 25 avgust kuni Oqsaroyda AQSH Senatining qator nufuzli qo‘mitalari a’zosi, Janubiy Karolina shtatidan saylangan respublikachi-senator Lindsey Grexemni qabul qildi, deb xabar beradi O‘zbekiston Milliy axborot agentligi.
Davlatimiz rahbari mehmonni yurtimizga tashrifi bilan qutlar ekan, O‘zbekiston AQSH bilan qaror topgan munosabatlarni yuksak qadrlashi va aloqalar istiqboliga katta ishonch bilan qarashini ta’kidladi.
O‘zaro hamkorlikda savdo-iqtisodiy, sarmoyaviy va ilmiy-texnikaviy aloqalar muhim o‘rin tutadi. Joriy yilda o‘zaro tovar ayirboshlash hajmi sezilarli darajada oshishi kutilmoqda.
Muloqot chog‘ida mintaqaviy va xalqaro ahamiyatga molik keng ko‘lamli masalalar yuzasidan fikr almashildi. Jumladan, Afg‘onistondagi vaziyatni barqarorlashtirish muammosi muhokama qilindi. O‘zbekiston Afg‘onistonda tinch hayotni tiklash ishlarida faol ishtirok etmoqda. Afg‘onistonning iqtisodiy tiklanishi mamlakatda siyosiy barqarorlik o‘rnatilishi va aholining bunyodkorlik faoliyatiga jalb qilinishining muhim sharti ekanligi ta’kidlandi.
L.Grexem samimiy qabul uchun, ikki tomonlama munosabatlar va tomonlarni qiziqtirgan boshqa dolzarb masalalar yuzasidan atroflicha fikr almashish imkoniyati yaratilgani uchun davlatimiz rahbariga minnatdorlik bildirdi.
Senator Afg‘onistondagi vaziyatni barqarorlashtirish, iqtisodiy tiklash va mavjud dolzarb ijtimoiy muammolarni hal qilish masalalari borasida mamlakatlarimizning xalqaro maydonda o‘zaro hamkorligi muhim ahamiyatga ega, degan fikrni qo‘llab-quvvatladi.
|
| |
|
|
| BAXOR | Date: Juma, 11/08/26, 3:33:32 AM | Message # 130 |
|
Peshqadam
Group: Ishonchli
Messages: 4086
Status: | 
Авиакомпания "Россия" открывает рейсы в Бухару
13 сентября 2011 года авиакомпания "Россия" открывает новый рейс по маршруту Санкт-Петербург - Бухара.
Полёты будут осуществляться по следующему расписанию:
FV 817 Санкт-Петербург - Бухара по вторникам, вылет из Санкт-Петербурга в 21:00 по местному времени;
FV 818 Бухара - Санкт-Петербург по средам, вылет из Бухары в 04:00 по местному времени.
На маршруте будут эксплуатироваться комфортабельные самолёты Airbus A319, сообщает сайт www.aviationtoday.ru
Авиакомпания "Россия" уже представлена такими направлениями в Узбекистан, как Ташкент, Фергана, Самарканд, Наманган, Ургенч и Карши.
|
| |
|
|
| BAXOR | Date: Juma, 11/08/26, 3:35:09 AM | Message # 131 |
|
Peshqadam
Group: Ishonchli
Messages: 4086
Status: | 
"Свинец" узбекского режиссера Зульфикара Мусакова.
Организаторы открытого фестиваля кино стран СНГ, Латвии, Литвы и Эстонии "Киношок-2011" объявили о том, что в основной конкурс мероприятия вошли 14 картин. Кинофестиваль будет проходить в Анапе (Россия) с 11 по 20 сентября 2011 года.
В основную конкурсную программу вошла кинолента "Свинец" узбекского режиссера Зульфикара Мусакова.
Кроме того, фильм "Свинец" включен в программу VII Международного кинофестиваля "Евразия", который пройдет 19-24 сентября в городе Алматы (Казахстан).
Зульфикар Мусаков в своей картине сталкивает прошлое и настоящее, герой заново переживает и переосмысливает свой выбор, сделанный в сталинскую эпоху. Это взгляд и размышление 53-х летнего человека, об эпохе, начавшейся в 1922 и закончившейся в 1956 году. Это своеобразное объяснение в любви нашим дедушкам и бабушкам, нашим отцам и матерям, которые, несмотря на страшные ужасы тех лет, жили, любили, строили и оставались людьми, сохраняя честь и достоинство Человека.
В главных ролях снялись Бабур Юлдашев, Тимур Мусаков и Отабек Мусаев.
|
| |
|
|
| BAXOR | Date: Juma, 11/08/26, 3:40:41 AM | Message # 132 |
|
Peshqadam
Group: Ishonchli
Messages: 4086
Status: | O‘zbekistonlik Twitter foydalanuvchilari "#uzb20”ni trendga olib chiqishmoqchi
Twitter ijtimoiy tarmog‘ining o‘zbekistonlik foydalanuvchilari O‘zbekistonning Mustaqillik kunida "#uzb20” xeshtegini trendga olib chiqish niyatidalar. Bu haqda "Gazeta.Uz” internet nashri xabar bermoqda.
Bu haqdagi ilk takliflar ikki oydan beri muhokama qilib kelinmoqda, 1-sentabr yaqinlashgani sayin esa bu takliflar kuchayganidan kuchaymoqda.
Blogger Avaz Ibragimovning yozishicha, #UZB, #Uzbekistan, #Uzbekistan20 kabi ko‘plab xeshteg variantlari taklif qilingan, ammo yakunda foydalanuvchilar o‘rtasidagi norasmiy tanlovda "#uzb20” xeshtegi eng tushunarli va lo‘nda deya topilgan.
Twitter mikrobloglar xizmatidagi xabarlarga qo‘shib yoziladigan xeshteglar ma’lum mavzuga oid xabarlarni saralash imkonini berib, eng ko‘p ishlatilgan xeshteglar Twitter trendida yoki boshqacha qilib aytganda, tarmoqda eng muhokama qilinayotgan mavzular ro‘yxatida paydo bo‘ladi.
Aksiya tashabbuskorlari maqsadga erishish niyatida "#uzb20” xeshtegini imkon qadar ko‘proq ishlatishni so‘rashmoqda, deyiladi "Gazeta.Uz”dagi xabarda.
|
| |
|
|
| BAXOR | Date: Juma, 11/08/26, 3:44:29 AM | Message # 133 |
|
Peshqadam
Group: Ishonchli
Messages: 4086
Status: | 
Мустақиллигимизнинг 20 йиллиги байрам дастурида кимлар чиқади?
Ўзбекистон Республикаси мустақиллиги куни байрамига санъат вакиллари
алоҳида тайёргарлик олиб боришяпти. Айниқса, Мустақиллик байрамини катта майдонда ўзгача руҳ билан ўтказиш азалий анъаналардан бири. Шундай экан,
ушбу байрам дастури ҳақида маълумот бериб ўтмоқчимиз.
Биз шу муносабат билан Тошкент шаҳар маданият ва спорт бош бошқармаси бошлиғи, Ўзбекистонда хизмат кўрсатган санъат арбоби, Давлат мукофотлари совриндори, Ўзбекистон халқ артисти, байрамнинг бадиий раҳбари ва бош режиссёр Рустам Ҳамидовга мурожаат қилдик:
— Йигирма йиллик байрамга ҳар бир Ўзбекистон фарзанди алоҳида тайёргарлик кўраяпти, десам ҳато бўлмайди. Биз ҳам бир неча ойлардан буён бу муқаддас санани муносиб нишонлашга ҳозирлик кўряпмиз. 20 йил давомида юртимиз эришган ютуқларга бадиий томондан ёндошиб, уларни байрам дастурида намоён этишни режалаштирганмиз. Табиийки, бир неча соат давомида қўшиқлар, рақс, саҳнавий кўринишлар, видеолавҳалар байрамга ташриф буюрган меҳмонлар ва телетомошабинларга ҳавола этилади.
Байрам дастурини саҳналаштиришда биз энг замонавий ускуналардан фойдаланяпмиз.
— Мазкур байрам кўнгилдагидек ўтишида кимлар қатнашаяпти?
— Умумий ҳисобда олти мингдан зиёд инсон байрам дастурини тайёрлашда меҳнат қилишяпти. Оммавий саҳналарда эса биз олий ўқув юртлари талабалари кўмагидан
кенг фойдаланаяпмиз. Улар ёрдамида «тирик» бадиий фонни яратамиз. Шунингдек, «Ўзбекистон», «Сабо», «Офарин» каби рақс дасталари ҳамда хореография олий билим юртидаги раққоса талабалар ҳам байрамимизнинг чиройли тус олишида катта ҳисса қўшишади. Байрамнинг бош хореографи Ўзбекистон халқ артисти Қодир Мўминов эса ўзининг ўзгача бадиий ечим ва композицияга эга рақс кўринишларини тайёрлаяпти. Қодир Мўминовга ёрдамчи сифатида Маъмура Эргашева, Карима Узоқова каби ўз ишининг усталари, балетмейстерлар, вилоятлардан ташриф буюрган бадиий жамоалар ижодий ишлари билан режиссёрларга катта ёрдам беришаяпти. Нодира Қурбонова бошчилигидаги «Томоша» ашула ва рақс театри, «Тантана», «Севинч» каби болалар гуруҳлари ҳам ўзларининг ажойиб саҳна кўринишлари ва куй-қўшиқлари билан даврага яна ҳам файз бағишлашади.
— Бу йилги байрам ўтган йилгиларидан қандай фарқ қилади?
— Олдингиларидан катта фарқи бор, деб бемалол айта оламан. Йилдан-йилга янгича кўринишлар билан ёндашилган саҳнавий чиқишлар қилишга ҳаракат қилаяпмиз.
Байрамда халқ артистлари билан бир қаторда давлат кўрик-танловларида олий ўринларни эгаллаган, ўз санъати билан кўриниб келаётган ёш ижодкорлар ҳам иштирок этишади. Майдоннинг ўзига тўхталадиган бўлсак, бугунги кунда декорация устида ҳам ўз ишининг усталари, қурувчи ва техник усталар катта ўзгаришлар олиб боришяпти.
Марказий майдонни деярли қайта қуришаяпти, десам ҳам муболаға бўлмайди.
Майдони бадиий безатиш эса бош рассом Толибжон Ғозиев зиммасига юклатилган. Дастурдаги мусиқий безакларни эса Ўзбекистонда хизмат кўрсатган санъат арбоби Бахрилло Лутфуллаев бажараяпти. Ўзбек санъатидаги энг сара мусиқий асарлар хам байрам дастурида намойиш этилади. P/S: Асосий майдондаги байрам дастуридан ташқари, 1 сентябр куни 15 та катта майдонларда ҳамда маданият ва истроҳат боғларида байрам тадбирлари давом этади.
«ИНСОН АЗИЗ» Зулайҳо Бойхонова, Ўзбекистон халқ артисти:
— Яқинлашиб келаётган энг улуғ, энг азиз байрамга алоҳида тайёргарлик кўрганмиз. Ижодкорлар билан ҳамкорликда «Инсон азиз» деб номланган қўшиқ ёздик. Ватанимиз, юртдошларимизни тараннум этувчи ушбу тарона байрам дастуридан ўрин эгаллайди. Таъкидлашни истардимки, Мустақиллик майдонида куйлаш барча санъаткорлар учун юксак шараф!
«ТАЙЁРГАРЛИК ҚИЗҒИН» Гулсанам Мамазоитова, Ўзбекистонда хизмат кўрсатган артист:
— Бу йилги байрам йигирма йиллик юбилей бўлгани учун ҳам олдингилардан катта фарқ қилади. Ўз-ўзидан унга тайёргарлик ҳам ҳар бир кишига катта масъулият юклайди. Халқимизда байрам кафиятини кўтаришга ҳисса қўшиш бахтига муяссарлигимдан фахрланаман.
«ВАТАННИ КУЙЛАШ ХАР БИРИМИЗНИНГ БУРЧИМИЗДИР» Жаҳонгир позилжонов, хонанда:
— Ёшларимиз кўнглига, Ватанпарварлик руҳини, уларнинг ўзларига мақул келадиган ёшларбоп қўшиқлар билан кириб боришга ҳаракат қилаяпман. Ҳаракатларим бефойда кетмайди, деган умиддаман. Зеро, Ватанни тараннум этувчи қўшиқлар куйлаш ҳар бир хонанданинг бурчидир.
|
| |
|
|
| BAXOR | Date: Juma, 11/08/26, 3:46:36 AM | Message # 134 |
|
Peshqadam
Group: Ishonchli
Messages: 4086
Status: | 
Современное киноискусство Узбекистана в Индии
Второй «Кинофестиваль дружбы» прошел в Дели. Организаторамиего стали Индийский гражданский кинофорум совместно с посольствами стран СНГ в Индии.
Как сообщает ИА «Жахон» в нем приняли участие многие видные представители индийских общественно-политических и культурно-гуманитарных кругов, руководители дипмиссий ряда государств, любители киноискусства, журналисты.
Целью фестиваля стало продвижение культуры и искусства стран СНГ среди индийской общественности через призму современных и классических кинолент. Участники церемонии отметили, что подобные мероприятия служат укреплению уз дружбы и сотрудничества между различными народами.
На фестивале было представлено и современное киноискусство Узбекистана. Вниманию индийской общественности были представлены фильмы «Дада», «Кечиккан хаёт» и «Мухаббатнома», уже полюбившиеся узбекским зрителям.
Индийские специалисты в области кинематографии и зрители дали высокую оценку узбекским фильмам. В частности, было отмечено, что представленные на фестивале фильмы отражают высокий уровень узбекской школы кино, дают представление о молодых актерах и режиссерах, создающих и продвигающих имидж узбекского киноискусства на международной сцене.
В рамках фестиваля была организована фотовыставка, посвященная Узбекистану. В экспозицию вошли фотографии достопримечательностей городов республики, исторических памятников, а также фотопроизведения, дающие представление о разнообразии культуры и искусства, экономическом и промышленном потенциале нашей страны.
|
| |
|
|
| BAXOR | Date: Juma, 11/08/26, 3:51:17 AM | Message # 135 |
|
Peshqadam
Group: Ishonchli
Messages: 4086
Status: | 
Ярим йиллик сарҳисоб
Ярим йил ичида ўттиздан зиёд фильмлар суратга олиниб, томошабинлар
ҳукмига ҳавола этилди. Улар орасида катта экранга чиқиб улгурмаган, тез орада тақдимоти кутилаётган кинокартиналар ҳам талайгина. Қуйида шу қисқа муддат ичида эътиборингизга тақдим этилган кинокартиналарнинг таҳлили билан танишасиз...
ЭНГ КАССАБОП ФИЛЬМЛАР
Кассабоплик бўйича ҳамон етакчи бўлган фильмлар... Режиссёрлар Элёр Ҳошимовнинг "Фарзандим”, Рустам Саъдиевнинг "Эр бермоқ жон бермоқ”, Лиза Каролининг "Ёндиради куйдиради”, Жаҳонгир Аҳмедовнинг "Олинг қуда, беринг қуда” фильмларидир. Давлат бюджетига суратга олинган фильмлар ичида "Кечиккан ҳаёт” ва "Алданган аёл” кинокартиналари томошабинлар сони бўйича етакчи бўлди.
БАДИИЙ САВИЯСИ КУЧЛИ ФИЛЬМЛАР
Комедиялар билан бир қаторда жиддий кинокартиналарга ҳам
киномухлисларнинг эътибори кучайди. Бунга давлат бюджетига
суратга олинган фильмлар яққол мисол бўла олади...
Бу борада режиссёрлар Мирмақсуд Охуновнинг "9 ой”, Баҳодир Одиловнинг "Қарздор”, Аюб Шаҳобиддиновнинг "Кечиккан ҳаёт”, Акбар Бектурдиевнинг "Ҳур қиз”, Зулфиқор Мусоқовнинг "Қўрғошин”, Ҳилол Насимовнинг "Алданган аёл” фильмларини айтиб ўтиш жоиз. Гарча телеэкранларда намойиш этилган бўлса-да, "Алданган аёл”нинг кинотеатрлардаги намойишига томошабинлар оқиб келиши шу кунгача тўхтагани йўқ.
ЖАНРЛАР ХИЛМА-ХИЛЛИГИ
Фильмларнинг асосий жанри – комедия, мелодрама, трагикомедия, психологик драма. Мистик драма жанрдаги ягона фильм – "Кўринмаслар”.
Ярим йил ичида 4 та комедияли драма,
1 та трагик мелодрама — "Сароб” (реж. Ёдгор Носиров) жанридаги фильм суратга олинди.
Энг талабгор жанр – комедия.
ЭНГ ФАОЛ АКТЁРЛАР
Комик роллар бўйича ўтган йили Ўзбекистон халқ артисти Мурод Ражабов етакчилик қилган бўлса, бу йил эстофетани Муҳаммадисо Абдулхаиров қабул қилиб олди. "Ўхшатмасдан учратмас”, "Ўғлон ёхуд тикланган оила”, "Олинг қуда, беринг қуда”, "Энагалар”, "Сўнгги қўнғироқ”, "Учрашув” фильмлари сўзимизнинг исботи бўла олади. Шунингдек, актриса Дилноза Кубаева ҳам ижодга қайтгач, ҳар икки фильмдан бирида уни кўриш мумкин бўлиб қолди. "Фарзандим”, "Кечиккан ҳаёт”,
"Эр бермоқ — жон бермоқ”, "Ўғригина келин” кинокартиналари шулар жумласидан. Сўнгги иккита фильмда Дилнозага партнёр бўлган актёр Улуғбек Қодиров ҳам чакки ижод қилмаяпти. Юқоридаги рўйхатни "Ҳур қиз”, "Ёндиради, куйдиради” фильмлари билан тўлдириб қўйсак бўлади. Актёр Алишер Узоқов "Ўхшатмасдан учратмас” фильми билан йилнинг илк премьерасини очиб берди. Сўнг актёр иштирокидаги
"Олинг қуда — беринг қуда”, "Хавфли саргузашт”, "Ишонч”, "Сўнгги қўнғироқ”, "Учрашув” фильмлари катта экран юзини кўрди.
ЭКРАНДАН ТУШИБ КЕТГАН ФИЛЬМЛАР
Юқорида савияли, талабга жавоб берадиган фильм, дея таърифланган кинокартиналар, минг афсуски, катта экранларда узоқ турмади. Режиссёр Зулфиқор Мусоқовнинг "Қўрғошин”, Феруза Эгамбердиеванинг "Сабоқ” фильмлари шулар жумласидан. Бачкана, савияси паст кинокартиналар эса кассани қоплашдан чарчамаяпти. ОМАДСИЗ
ФИЛЬМЛАР
Бундай фильмлар рўйхатига
Жавлон Шодмоновнинг "Энагалар”,
Мансур Сулаймоновнинг "Ишонч”,
Дурдона Тўлаганованинг "Уч тақдир”,
режиссёр Жаҳонгир Позилжоновнинг "Али, Вали, Ғани... Насиба қани?”,
Зебо Наврўзованинг "Ёр-ёр” қани...?” фильмларини киритиш мумкин.
КАШФИЁТЛАР
Ижодий танаффусда бўлган хонанда Лола Йўлдошеванинг "Ёндиради, куйдиради” фильми билан яна кинога қайтгани қувонарли ҳол. У ўзини янгидан кашф қила олди. Лола ҳозир актёр Улуғбек Қодиров билан янги фильмда партнёрликни давом эттириш ниятида. Ёлқин Тўйчиевнинг "9 ой” фильмида дизайнер-стилист Севара Зуннунованинг қаҳрамони янгилик бўлди. Режиссёр Баҳодир Мирзакаримовнинг "Қўчқор аканинг саргузаштлари” комедиясининг бош қаҳрамони Сўғдиёна Нуртоева, режиссёр Зебо Наврўзованинг "Бахт излаб” фильмида ўзини синаб кўрган ўғли Шуҳратбек Йўлдошевни ҳам кашфиёт деса бўлади. Аммо бу билан томошабиннинг меҳрини тўлиқ қозонди, дейиш фикридан йироқмиз.
САУНДТРЕКЛАР
"Ўхшатмасдан учратмас” — Райҳон Ғаниева, "Бахтли кунлар”.
"Энагалар” — Жаҳонгир Позилжонов.
"Уч тақдир” — "Сетора” гуруҳи, "Сабр ила яша”.
"Ёндиради, куйдиради” — Лола Йўлдошева, "Сенга”, "Ишон”.
"Олинг қуда, беринг қуда” — Ойбек ва Нигора, "Сабаб”.
"Сўнгги қўнғироқ” — Шоҳруххон.
"Учрашув” — Зиёда, Руҳшона, "Марка” гуруҳи.
"Эр бермоқ — жон бермоқ” — Манзура Йўлдошева, "Сен енгилдинг”.
"Фарзандим” — Гулсанам Мамазоитова, "Алла”.
"Умид” — Озодбек Назарбеков.
"Қўчқор аканинг саргузаштлари” — Мурод Ражабов ва Давлатбек.
|
| |
|
|
