|
O'zbekiston Yangiliklari
|
|
|
| MASTER | Date: Seshanba, 01-Yan-2008, 12:25 | Message # 2 |
 Adminstrator
Group: ADMINISTRATOR
Messages: 7402
Status:  | O‘zbekiston Respublikasi Prezidenti
Islom Karimov Janobi Oliylariga
O‘zbekiston Respublikasi Prezidenti etib qayta saylanganingiz munosabati bilan Sizni muborakbod etish menga katta mamnuniyat baxsh etadi.
Prezident saylovidagi yuksak g‘alabangiz O‘zbekiston xalqi tomonidan so‘nggi yillarda respublikada Sizning rahnamoligingizda amalga oshirilayotgan ijtimoiy, iqtisodiy va siyosiy sohalarda erishilgan ulkan muvaffaqiyatlarga bo‘lgan mustahkam ishonchning yorqin namoyonidir.
Sizning oqilona rahbarligingizda O‘zbekiston Respublikasi yaqin yillarda yanada yuksak natijalarga erishishiga aminman.
So‘nggi yillarda O‘zbekiston va Pokiston o‘rtasidagi munosabatlar muntazam ravishda mustahkamlanib va rivojlanib bormoqda. Mamlakatlarimiz va xalqlarimiz o‘rtasidagi o‘zaro manfaatli aloqalarni rivojlantirish yo‘lida Siz, Janobi Oliylari bilan hamkorligimiz davom etishiga ishonaman.
Janobi Oliylari, Sizga bo‘lgan yuksak ehtiromlarimni qabul etgaysiz.
Parvez Musharraf,
Pokiston Islom Respublikasi Prezidenti
* * *
O‘zbekiston Respublikasi Prezidenti
Islom Karimov Janobi Oliylariga
Millatning Sizga bo‘lgan yuksak ishonchini o‘zida ifoda etgan saylovda O‘zbekiston Respublikasi Prezidenti etib qayta saylanganingiz munosabati bilan Siz, Janobi Oliylariga Bahrayn xalqi va o‘z nomimdan samimiy tabriklarimni yo‘llashdan behad mamnunman. O‘zbek xalqining taraqqiyoti yo‘lidagi mas’uliyatli faoliyatingizda ulkan zafarlar yor bo‘lsin.
Fursatdan foydalanib, Siz, Janobi Oliylariga mustahkam sog‘lik, baxt-saodat, mamlakatingiz xalqiga esa ravnaq va farovonlik tilayman.
Janobi Oliylari, Sizga bo‘lgan yuksak ehtiromimni qabul etgaysiz.
Hamad bin Iso Ol Xalifa,
Bahrayn Podshohi
* * *
O‘zbekiston Respublikasi Prezidenti
Islom Karimov Janobi Oliylariga
Janobi Oliylari,
O‘zbekiston Respublikasi Prezidentligiga bo‘lib o‘tgan saylovda erishgan g‘alabangiz va yangi muddatga birodar O‘zbekiston Respublikasining Prezidenti etib saylanganingiz munosabati bilan Sizga Falastin xalqi, rahbariyati va shaxsan o‘z nomimdan tabriklarimni yo‘llashdan g‘oyat mamnunman.
Ushbu g‘alaba O‘zbekiston xalqining Sizga bo‘lgan cheksiz hurmat va ehtiromidan, Sizning rahbarligingizda taraqqiyot va farovonlikka erishishga bo‘lgan ishonchidan dalolatdir.
Sizga ushbu mas’uliyatli faoliyatingizda omad va muvaffaqiyatlar tilagan holda Falastin xalqining adolatga erishish yo‘lidagi kurashini doimiy qo‘llab-quvvatlab kelayotganingizni yuksak qadrlaymiz. Umid qilamanki, ushbu madad va yordam davom ettirilishi natijasida biz o‘zimizning yuksak maqsadlarimizga erishamiz va mazkur mintaqa xavfsizlik, barqarorlik va tinchlik hukm suradigan makonga aylanadi.
Siz, Janobi Oliylariga mustahkam sog‘lik, baxt-saodat, xalqingiz va davlatingizga esa taraqqiyot va farovonlik tilab qolaman.
Mahmud Abbos,
Falastin ozodlik tashkiloti
Ijroiya qo‘mitasi raisi,
Falastin milliy ma’muriyati raisi
* * *
O‘zbekiston Respublikasi Prezidenti
Islom Karimov Janobi Oliylariga
Muhtaram Islom Abdug‘aniyevich,
O‘zbekiston Respublikasi Prezidenti yuksak lavozimiga yangi muddatga saylanganingiz munosabati bilan Sizni samimiy qutlayman.
Saylov natijalari bugungi O‘zbekistonning barcha yutuqlarini, kelgusida jadal sur’atlardagi ijtimoiy va iqtisodiy taraqqiyotini Sizning nomingiz bilan bog‘layotgan mamlakat aholisining Sizga bo‘lgan yuksak ishonchidan yaqqol dalolatdir. Biz Sizni munosib obro‘-e’tibor va hurmatga sazovor, dono, prinsipial siyosatchi sifatida bilamiz.
Sizning saylanishingiz kelgusida ham qardosh respublikalarimiz o‘rtasidagi hamkorlikni kengaytirish va mustahkamlashga ko‘maklashaveradi, deb ishonch bildirishga ijozat bergaysiz.
Sizga va yaqinlaringizga mustahkam sog‘lik, farovonlik va baxt-saodat, mas’uliyatli faoliyatingizda esa yangi-yangi zafarlar tilab qolaman.
Ehtirom ila,
Murtazo Rahimov,
Boshqirdiston Respublikasi Prezidenti
|
| |
| |
| MASTER | Date: Dushanba, 04-Fev-2008, 10:32 | Message # 3 |
Adminstrator
Group: ADMINISTRATOR
Messages: 7402
Status: | O‘zbekiston yosh dasturchilari birinchi milliy operatsiya tizimini ishlab chiqdi.
[b]Yurtboshimiz Islom Karimov O‘zbekiston Respublikasi Konstitutsiyasining 15 yilligiga bag‘ishlangan tantanali majlisdagi ma’ruzasida yoshlarimiz bizning nafaqat umidimiz va kelajagimiz, ayni paytda bugungi va ertangi kunimizning hal qiluvchi kuchi ekanini alohida ta’kidladi. Bu da’vat yurtimizda olib borilayotgan davlat siyosati va ezgu maqsadlarimizga mos keladi, birinchi navbatda mamlakatimizda tobora kuch-quvvat, g‘ayrat va shijoatga to‘lib borayotgan, hayotda ulkan vazifalarni ado etishga qodir bo‘lgan yoshlarimizning orzu-intilishlari va kayfiyatini to‘la ifodalaydi. Bir so‘z bilan aytganda, farzandlarimizga nafaqat ishonch bilan qarash, ayni paytda ular uchun o‘z qobiliyat va iste’dodini amalda namoyon etish imkoniyatlarini kengaytirish darkor.
Yosh dasturchilarni tayyorlash va qo‘llab-quvvatlash markazida ana shunday keng ko‘lamli faoliyat maydoni yaratilgan bo‘lib, bu yerda axborot-kommunikatsiya texnologiyalari sohasidagi eng iqtidorli yoshlar jamlangan. Ularga o‘z iqtidor va qobiliyatini namoyon etishi uchun barcha shart-sharoit yaratib berilgan. Bolalar ham, o‘z navbatida, ushbu sohada bilim hamda ko‘nikmalarini oshirishga astoydil harakat qilmoqda.
Bir guruh yosh dasturchilar “Doppix-Base” birinchi mahalliy operatsiya tizimini yaratdi.
- Bugungi kunda loyihaning birinchi bosqichi nihoyasiga yetdi, – deydi Yosh dasturchilarni tayyorlash va qo‘llab-quvvatlash markazi bosh direktori Adham Mirazizov. – Kompyuterga o‘rnatish mumkin bo‘lgan “Doppix-Base” operatsiya tizimi yozilgan kompakt-disk ushbu bosqich natijasi hisoblanadi. Bundan keyin qator dasturlarni o‘z ichiga olgan, ko‘p marotaba foydalansa bo‘ladigan va ko‘p vazifali bazaviy operatsiya tizimini ishlab chiqamiz. Bu tizim fayl va kataloglar bilan ishlash dasturi (yaratish, nusxa ko‘chirish, o‘chirib tashlash), oddiy matn muharriri, kompyuterlar o‘rtasida aloqani ta’minlash dasturlarini o‘z ichiga oladi. U matnli rejimda ishlaydi, ya’ni ushbu tizimdagi ishlar dastur oynasi va “sichqoncha” yordamida emas, balki buyruq matnini kiritish va operatsiya tizimidan matnli javoblarni olish orqali amalga oshiriladi. Shunday shaklda yaratilgan operatsiya tizimi, qo‘shimcha dasturlarni o‘rnatgan holda, uni mukammal zamonaviy operatsiya tizimiga aylantirish uchun asos bo‘lib xizmat qiladi.
Zamonaviy axborot texnologiyalari hayotimizga tobora chuqur singib bormoqda. Ofis va operatsiya xodimlari, megakorporatsiyalar va kichik firmalar ishlarini ushbu texnologiyalarsiz tasavvur qilib bo‘lmaydi. Telefon, Internet, kompyuterlar, ma’lumotlar bazasi, dasturlar iqtisodiy va ijtimoiy sohani rivojlantirishga kuchli ta’sir ko‘rsatmoqda. Axborot-kommunikatsiya texnologiyalari sifatli, tezkor, harakatchan, xavfsiz va qulay xizmat ko‘rsatish yo‘lida izchil rivojlantirilmoqda.
“Operatsiya tizimi” iborasi axborot texnologiyalari sohasida asosiy tushunchalardan biri hisoblanadi. Negaki, aynan ushbu tizim inson va axborot bilan ishlash vositalari o‘rtasidagi asosiy bog‘lovchi sanaladi. Operatsiya tizimi – bu texnik qurilmada bazaviy operatsiyalarni bajarish uchun jamlangan dasturlar to‘plami demakdir. Inson uning yordamida texnik qurilmani boshqaradi, amaliy dasturlar bilan ishlaydi, axborot sohasida boshqalar bilan hamkorlik qiladi.
A.Mirazizovning fikricha, aynan shu sababli bugun milliy axborot texnologiyalarini rivojlantirish, bu borada jahon taraqqiyoti bilan baravar qadam tashlash zarur. Mahalliy axborot texnologiyalarini til va madaniyat jihatidan mavjud sharoitga moslashtirish ularni mustaqil rivojlantirish borasidagi asosiy vazifalardandir. Ushbu yo‘nalishda ishlash uchun intellektual-texnik bazani shakllantirish ham muhim ahamiyat kasb etadi.
Ushbu muammolarni hal etish maqsadida 2007 yil bahorida O‘zbekiston aloqa va axborotlashtirish agentligi va Yosh dasturchilarni tayyorlash va qo‘llab-quvvatlash markazi tashabbusi bilan “Erkin va ochiq dasturiy ta’minotni mahalliylashtirish” loyihasi joriy etildi. Bundan ko‘zlangan maqsad o‘zbek tilida mahalliy sharoitda foydalanish uchun moslashtirilgan milliy operatsiya tizimini, shuningdek, turli yo‘nalishdagi amaliy dasturlarni ishlab chiqishdan iborat. Loyihaning birinchi bosqichida ta’lim tizimida foydalanish uchun operatsiya tizimi va amaliy dasturlar to‘plamini yaratish vazifasi amalga oshirildi. Zero, axborot tizimi bilan tanishish aynan maktab, oliy o‘quv yurti va o‘quv markazlaridan boshlanadi
|
| |
| |
| MASTER | Date: Dushanba, 04-Fev-2008, 10:34 | Message # 4 |
Adminstrator
Group: ADMINISTRATOR
Messages: 7402
Status: | Ushbu loyiha doirasida erkin va ochiq dasturiy ta’minot texnologiyasi asosida tadqiqotlar va ishlanmalar o‘tkaziladigan Linuks laboratoriyasi tashkil etildi. Erkin va ochiq dasturiy ta’minot texnologiyasi dasturiy ta’minotni ishlab chiqishda nisbatan yangi va istiqbolli yo‘nalish hisoblanadi. Laboratoriyada ushbu texnologiyalar asosida operatsiya tizimi, asosiy amaliy dasturlar, operatsiya tizimi shakllari, loyiha, ma’lumotxona va ta’lim materiallarini internet-saqlovchini yaratish ishlari olib borilmoqda.
Bundan tashqari, operatsiya tizimini mahalliylashtirish va moslashtirish jarayoni katta sa’y-harakatlarni talab qildi. Buning uchun operatsiya tizimi atamalari bazasi shakllantirildi. Shu maqsadda Fan-texnika va marketing tadqiqotlari markazi bilan hamkorlikda operatsiya tizimi atamalarining rus-ingliz-o‘zbek tilidagi izohli lug‘atini yaratish bo‘yicha “En-Ru-Uz” loyihasi ishlab chiqildi.
“Doppix-Base” tizimi ixtirochilaridan biri Timur Bazikalovning aytishicha, loyihaning ikkinchi va uchinchi bosqichida operatsiya tizimi uchun grafik interfays yaratiladi. Bu – tizimni odatdagi dastur oynasi va “sichqoncha” yordamida boshqarish imkonini beradi. Shuningdek, mazkur tizimga keng ko‘lamda qo‘llash uchun mo‘ljallangan amaliy dasturlar to‘plamini qo‘shish rejalashtirilmoqda.
Erkin va ochiq dasturiy ta’minot texnologiyasining o‘ziga xos xususiyati shundan iboratki, ushbu texnologiya bo‘yicha ishlanmalarni muayyan tashkilot orqali bir-biri bilan bag‘lanmagan, kasb hamda malakasi turli darajada bo‘lgan bir guruh odamlar birgalikda amalga oshirishi mumkin. Ya’ni, milliy operatsiya tizimini ishlab chiqishda O‘zbekistonning tegishli bilim saviyasiga ega har qanday fuqarosi ishtirok etishi mumkin. Bu esa tizimni ommaviylashtirishga yordam beradi. Hozir loyiha O‘zbekiston axborot-texnologiyalari mutaxassislari hamjamiyati mutaxassislarining ishtirok etishi uchun ochiq. “Doppix”ning internet-saqlovchisidan Internet tarmog‘idagi http://www.doppix.uz. manzili bo‘yicha foydalanish mumkin.
O‘zbekiston aloqa va axborotlashtirish agentligining Respublika axborot-kutubxona markazida “Axborot-kutubxona tizimining hozirgi ahvoli va uni rivojlantirish muammolari” mavzuida seminar bo‘lib o‘tdi. Seminarda Prezident Islom Karimovning 2006 yil 20 iyundagi “Respublika aholisini axborot-kutubxona bilan ta’minlashni tashkil etish to‘g‘risida”gi qarorida zamonaviy talablar hisobga olingan holda, kutubxona tarmog‘ini takomillashtirishga doir chora-tadbirlar belgilangani ta’kidlandi.
Xususan, aholiga zamonaviy axborot texnologiyalari asosida sifatli yangi xizmatlar ko‘rsatadigan axborot-kutubxona markazlarini bosqichma-bosqich tashkil etish ko‘zda tutilgan. Hozirgi paytda an’anaviy kutubxona xizmatlarini ko‘rsatish ishlari yangi bosqichga ko‘tarilgan bo‘lib, bunda o‘z axborot resurslari va jahon ilmiy-ta’lim axborot resurslaridan foydalanish imkonini yaratish orqali axborot-kutubxona kuzatuvi amalga oshirilmoqda.
Tadbirda so‘zga chiqqan Respublika axborot-kutubxona markazi direktori A.Eshmatov markaz faoliyatiga axborot-kommunikatsiya texnologiyalarini joriy etish masalalari haqida gapirdi. Bu borada qo‘lga kiritilgan ijobiy natijalar bilan bir qatorda axborot-resurs markazlari faoliyatiga axborot texnologiyalarini joriy etishdagi kamchiliklar qayd etildi, ushbu muammolarni hal etish yo‘llari ko‘rib chiqildi.
Fan-texnika va marketing tadqiqotlari markazi direktori o‘rinbosari M.Muhiddinov kadrlar tayyorlash va qayta tayyorlash, kutubxona fondlarini konservatsiya qilish va qayta tiklash sohasidagi xalqaro aloqalar hamda hamkorlik, yetakchi xorijiy axborot-kutubxona markazlari bilan xalqaro kitob almashish haqida so‘zlab berdi.
Milliy avtomatlashtirilgan axborot-kutubxona tizimini ishlab chiqish masalasiga bag‘ishlangan ma’ruzalar tinglovchilarda katta qiziqish uyg‘otdi. Ayni paytda ushbu tizim bir qancha axborot-kutubxona markazlarida sinab ko‘rilmoqda. Shuningdek, axborot-kutubxona markazlariga ushbu masalalarni hal etishda yordam berish maqsadida Yosh dasturchilarni tayyorlash va qayta tayyorlash markazi bo‘limlarini tashkil etish rejalashtirilmoqda.
Seminarda axborot-kutubxona markazlari tarmog‘ining yagona elektron katalogini shakllantirish, kutubxona faoliyatiga oid yangi shakldagi statistika va talablarni joriy etish, pulli xizmat ko‘rsatish hamda viloyat axborot-resurs markazlari bilan o‘zaro hamjihatlik kabi mavzular muhokama etilib, tajriba almashildi.
|
| |
| |
| abdunosir | Date: Dushanba, 04-Fev-2008, 10:34 | Message # 5 |
 Yangilardan
Group: Ishonchli
Messages: 3
Status: | Fargonada yana hokim almashadi
Ўзбекистонда ҳокимларни аввалига мақтаб-мақтаб ишга қўядиган ҳам¸ бир-икки йил ўтар-ўтмас уларнинг пўстагини қоқиб¸ ишдан олиб ташлайдиган ҳам яккаю ëлғиз Ислом Каримовдир.
13.11.2008
Садриддин
Айрим интернет нашрлари Фарғона вилояти ҳокимининг ўз хоҳишига кўра вазифасидан озод этилганини маълум қилди. Аммо ҳозирча бу ўзгариш расман очиқлангани йўқ.
Кузатувчиларнинг айтишларича, бу хабар Президент Ислом Каримов Фарғонага бормагунча ошкор этилмайди. Зеро, анъанага кўра, ҳокимларни ёмон ишлагани учун пўстагини қоқиб, уни ишдан бўшатиш фақат вилоят халқ депутатлари йиғилишида шахсан президент томонидан амалга оширилади.
Фарғоналик ҳуқуқ ҳимоячиси Абдусалом Эргашев, вилоят ҳокими Маматисоқ Ғафуровнинг ишдан кетганлиги ҳақидаги гаплар бир ҳафтадан бери халқ оғзида юрганини айтади:
- Тасдиқланмади, лекин кутилаяпти экан. 5-6 куннинг ичида чиқиб қолибди. Ҳатто бўлажак ҳокимгача гапиришаяпти. “Фалончи бўлади, бу масала ҳал бўлган масала”, дейишаяпти, - деди Абдусалом Эргашев.
Ўзбекистонда ҳокимларнинг келиши ва кетиши ҳеч кимни ажаблантирмай қўйди. Одатда, ҳокимлар энг ками бир-икки йил ишлаб беришарди. Лекин Маматисоқ Ғафуров бор-йўғи 9 ой ишлади. Биз бу ҳақда фикр олиш учун оддий фарғоналикларга мурожаат қилдик.
- Худога шукур, кетгани рост бўлсин-ей, - деди фарғоналик Муҳсинжон ака бу хабарни эшитиши биланоқ.
Хўш, Муҳсинжон аканинг бу “шукрона”сининг тагида не гап бор?
- Бу ҳоким пулдор одам эди-да. Пулдор одамда халққа қайишиш бўлмайди. У фақат ўзининг чўнтагини ўйлайди, унга халқ эзилиб кетса ҳам барибир. Мана шу одам икки ойнинг ичида гўштни 2500 сўмга кўтариб қўйди, - деди Муҳсинжон ака.
Марғилонлик бу одам ҳам ҳокимларнинг келиб-кетиши, халқнинг турмуш тарзига ижобий таъсир қилмаётганини гапиради.
- Ҳоким бўлиб униси келадими, буниси келадими, алмаштириладими ëки ўз аризасига биноан бошқа жойга ўтказиладими, масалан, шахсан менинг бу нарса билан мутлақо ишим йўқ. Ўзи унчалик кўп одамлар қизиқишмайди. Фақат “Ҳоким кетибди, олинибди”, деб бир-икки кун гапиришади. Шу билан кейин тинчишади.
Хўш, одамлар нега янги ҳокимларнинг келишига лоқайд, нега халқ улардан бир ўзгариш қилишини кутмайди?
- Агар мабодо бирорта вилоятда, бирорта шаҳарда ҳоким алмаштирилгандан кейин кўп ўзгаришлар содир бўлганда эди, ўшанга қараб туриб: “Демак, мана бу ҳоким кетадиган бўлса, буниси бундай қилади”, деб кутган бўлардик. Масалан, мен бирорта вилоятда ҳоким алмашгандан кейин қандайдир ўзгаришлар бўлиб, кўрсаткичлар яхшиланиб кетганини ҳеч сезмаяпман, - деди исми ошкор қилиниши истамаган марғилонлик яна бир суҳбатдошимиз.
Фарғоналик ҳуқуқ ҳимоячиси Абдусалом Эргашев ҳам Ўзбекистонда ҳокимларнинг бу вазифада узоқ ишлай олмаслиги равшан бўлиб қолганини айтади:
- Биринчидан, бутун Ўзбекистон бўйича қонунлар устивор бўлмаганлиги, иккинчи томондан, коррупция роса авж олиб кетганлиги учун ҳокимнинг қўлидан бир нарса келмайдида энди. Бир нарсани таъқиқлаб турса-ю, ўша таъқиқланган нарсани бошқа бир амалдор пора олиб туриб, бажариб юбораверса! Бу каттароқ раҳбарни қилаëтган ишига тўғоноқ бўлиш-да энди, - деди Абдусалом Эргашев.
Ҳуқуқ ҳимоячиси Аҳмаджон Мадумаров эса ҳокимларнинг ўз вазифасида узоқ ишлай олмаслиги сабабларини мана бундай изоҳлайди:
- Биринчидан, ҳокимларнинг узоқ ишлай олмаслиги бизда, энг аввало, қонунларнинг ижросининг йўқлиги сабабли бўлаяпти. Ҳоким бу биринчи навбатда сайланиши керак бўлган одам. Яъни халқ уни сайлаши керак. “Депутатлар сайлайди, президент тасдиқлайди”, дегани ҳаммаси хом гап. Ўша номзодни президент қўяди, ўша ерда ўтирганлар қўлини кўтариб қўяди, холос. “У кишини эмас, мана буни қўямиз”, деб биронтаси оғзини оча олмайди. Шунинг учун бўлса керак, у одам ўша ерга ўтиргандан кейин ўзининг одамларини қўйиб, тез мавқеини тиклаб, оладиганини олиб, қурадиган уйини қуриб, ўғлини уйлантирадиган бўлса, уйлантириб пул тўплаб олиши керак. Фақат шу мақсадда юради. “Мен шу ерга сайландим, халқ учун жонбозлик кўрсатай”, деган ҳокимни мен ҳали билмайман, - дейди Аҳмаджон Мадумаров.
Чоп этиш Электрон почта
|
| |
| |
| OSIYO | Date: Payshanba, 02-Iyun-2011, 09:41 | Message # 6 |
 Yangilardan
Group: Ishonchli
Messages: 7125
Status: | Хабарлар / Ўзбекистон
Косон қамоқхонасидаги маҳкумлар норозилик акцияси ўтказди
02.06.2011
Ўзбекистон Мустақил ҳуқуқ ҳимоячилари ташаббус гуруҳи тарқатган хабарга кўра, жорий йилнинг 17-18 май кунлари Қашқадарё вилояти Косон туманидаги 64/51-сонли қамоқхонада диний мотивлар билан қамалган маҳкумлар қийноқлар тўхталиши талаби билан норозилик акцияси ўтказишган.
Ташкилот раҳбари Суръат Икромовнинг Озодликка айтишича, унга Тошкент вилоятининг Янгийўл ва Чиноз туманларида яшовчи ўндан зиёд аёл мурожаат қилиб, Косон қамоқхонасидаги қийноқлар борасида шикоят қилишган.
- Аёлларнинг сўзларига кўра, уларнинг яқинлари жиноят кодексининг 159, 244-1 ва 244-2 моддалари бўйича қамалган. Маҳкумлар намоз ўқигани учун қамоқхона раҳбарияти томонидан қийноққа тутилган. 17-18 май кунлари маҳкумлар қийноқлар тўхтатилиши, намоз ўқишга рухсат берилиши ва маҳкумларнинг шароитларини яхшилаш талаби билан чиқишган. Бироқ норозилар қийноқларга тутилиб, ўнлаб маҳкум жазо изоляторига ташланган,- деди Суръат Икромов.
Маҳкумларнинг яқинлари Европа Иттифоқи, БМТ, ЕХҲТ ва АҚШ ҳукуматига мурожаат қилиб, қийноқларнинг тўхтатилишида Ўзбекистон ҳукуматига босимни кучайтиришни сўармоқда.
|
| |
| |
| OSIYO | Date: Payshanba, 02-Iyun-2011, 09:47 | Message # 7 |
|
Yangilardan
Group: Ishonchli
Messages: 7125
Status: | Ўзбекистон яна "ёмонларнинг ёмони"
02.06.2011
"Freedom House" ("Озодлик уйи" ) ташкилоти Ўзбекистонни бу йил ҳам дунёнинг энг репрессив давлати сифатида "ёмонларнинг ёмони" рўйхатига киритди.
Бош қароргоҳи АҚШда жойлашган Freedom House - Озодлик уйи ташкилоти Ўзбекистонни бу йил ҳам инсон ҳуқуқлари вазияти ўта ёмон бўлган тўққиз мамлакат қаторига киритди.
"Ёмонларнинг ёмони 2011: дунёнинг энг репрессив жамиятлари" деб номланган ҳисоботда Ўзбекистон билан бир қаторда Бирма, Экваториал Гвинея, Эритрея, Ливия, Шимолий Корея, Сомали, Судан ва Туркманистон каби давлатлар дунёнинг энг репрессив давлатлари сафига киритилган.
Freedom House ҳисоботида айтилишича, бу рўйхатга жаҳондаги энг репрессив тизимга эга бўлган, инсон ҳуқуқлари мутассил бузиладиган давлатлар киритилади.
Ташкилот ҳисоботида Ўзбекистонда президент Ислом Каримов ҳукумати аҳолини фундаментал ҳуқуқларидан маҳрум этган ҳолда, ўзининг репрессив сиёсатини давом эттириб келаётганлиги қайд этилади.
"Ҳукумат ҳар қандай сиёсий мухолифатни бостириб келади, президент Каримов ва бошқарув доиралари адлия ва қонун чиқарувчи тизимда устуворлик қиладилар", дейилади ҳисоботда.
194 давлатдаги инсон ҳуқуқлари аҳволига баҳо берилган ҳисоботда 87 давлат "эркин", 60 давлат "қисман эркин", 47 давлат эса "эркин бўлмаган" давлатларга ажратилган.
Марказий Осиё давлатлари орасида фақат Қирғизистон "қисман эркин" давлатлар орасидан жой олди.
Собиқ Совет ўлкалари бўйича Арманистон, Грузия, Молдова, Озарбайжон ва Украина "қисман эркин", Россия, Қозоғистон, Тожикистон "эркин бўлмаган" давлатлар қаторига киритилди.
|
| |
| |
| OSIYO | Date: Juma, 03-Iyun-2011, 16:21 | Message # 8 |
|
Yangilardan
Group: Ishonchli
Messages: 7125
Status: | Ислом Каримов яна диктатор президентлар рўйхатига тушди
CBSNews теле-радио корпорацияси президент Каримовни “Дунёнинг яшовчан диктаторлари” сафига киритди.
Дунёдаги нуфузли оммавий ахборот воситаларидан бири бўлган CBSNews корпорациясиси Шимолий Африка ва Яқин шарқ давлатларида бўлган ғалаёнлар ортидан дунёда узоқ йиллар давомида ҳокимиятда қолаётган диктаторлар рўйхатини тузди.
CBSNews корпорациясининг бу рўйхати акс этган интернетдаги махсус саҳифасида президент Ислом Каримовнинг 2007 йилда қайта сайланиши Ўзбекистон конституциясига зид бўлгани эътироф этилган.
Шунингдек, президент Каримов бошқаруви даврида инсон ҳуқуқларининг топталиши, айниқса, ҳуқуқ-тартибот ва адлия тизимидаги қонунбузарликлар қайд этилган халқаро ташкилотлар хулосалари келтирилган.
Маҳкамаларда ҳуқуқ фаоллари, журналистлар ва мусулмонларнинг ҳукумат томонидан юритилаётган “террорга қарши кураш” кампанияси ниқоби остида таъқиб этилгани айтилган.
Бу борада БМТнинг Қийноқлар бўйича маърузачиси Ўзбекистонда қийноқларнинг системали қўлланишига оид берган хулоса ҳам эсга олинган.
Ўзбекистонни 20 йилдан буён бошқараётган президент Каримов етакчилигидаги режимнинг истиқболи ҳақида гап очар экан, CBSNews, шу кунларда Каримов ҳукумати амалдорлари ва унинг икки қизи — Гулнора Каримова ва Лола Каримова-Тиллаева олиб бораётган кампанияни тилга олган.
Гулнора Каримованинг ўз нуфузини ошириш мақсадида мамлакат ичкариси ва ташқарисида олиб бораётган матбуот кампанияси, Лола Каримова-Тиллаеванинг эса отасини диктатор, деб атагани учун француз журналистини судга бергани ҳам CBSNews корпорацияси эътиборидан четда қолмаган.
CBSNews шунингдек, президент Каримов радикал исломни баҳона қилиб, сиёсий репрессия юритаётганини айтар экан, аслида бу давлатга қўшни бўлган Афғонистондан бундай хавф борлигини ҳам эътироф этган.
Афғонистондаги ҳарбий амалиётлар тақдиридан хавотир боис, шунингдек, энергетик манфаатлар билан Европа давлатларининг инсон ҳуқуқларини поймол этаётганидан қатъий назар Каримов режими билан мулоқот қилаётганини келтирган CBSNews, ташқаридан берилган бу имконият ҳамда президент Каримов ўзи учун ичкарида яратиб олган мутлоқ ҳукмронлик муҳити унинг ҳокимиятдаги умрини узайтириши эҳтимоли катта эканини хулоса қилган.
Эслатиш мумкин, яқинда АҚШда чиқадиган Newsweek журнали дунёнинг энг мустабид ҳукмдорлари ўнлигини эълон қилган ва Ўзбекистон Президенти Ислом Каримов тўққизинчи ўринга қўйилган рейтингга кириш сўзида бу мустабидлар “ўз халқини ўққа тутишдан тап тормайди” дейилган эди.
Ислом Каримовнинг энг мудҳиш жиноятлари орасида эса 2005 йил 13 май куни Андижонда юзлаб намойишчиларнинг ҳукумат қўшинлари томонидан ўққа тутилгани эсланган эди.
|
| |
| |
| OSIYO | Date: Juma, 03-Iyun-2011, 16:23 | Message # 9 |
|
Yangilardan
Group: Ishonchli
Messages: 7125
Status: |
"Жазо муддати тугади, ўғлимни озод қилинг!"
Ўзбекистонда кўп ҳолларда эътиқод маҳбуслари қамоқ муддатлари узайтирилади.
Ўзбекистонда жазо муддатини ўтаб бўлган маҳкумлар озодликка чиқарилмаяпти. Бу ҳақда Ўзбекистон мустақил ҳуқуқ ҳимоячилари ташаббус гуруҳи маълум қилди. Ташкилотга кўра, Зарафшондаги 64/48 жазони ижро этиш муассасасида қамоқ жазосини ўтаб бўлган 30 ёшли Шуҳрат Одилхонов, жазо муддати тугаганига бир ой бўлганига қарамай, номаълум сабабсиз қамоқда ушлаб турилибди.
“Ҳизб ут-Таҳрир” диний оқимига аъзоликда айбланиб, иккинчи марта 9 йилга озодликдан маҳрум этилган тошкентлик Шуҳрат Одилхоновнинг қамоқ жазоси шу йилнинг 5 майида тугаган эди. Бироқ, у ҳамон озодликка чиқарилмаган.
Ш. Одилхоновнинг онаси Қурбонбуви опанинг айтишича, колония маъмурияти ўғлининг озод этилиши кечиктираётганини ҳужжатларни тайёрлашга вақти бўлмаётгани билан изоҳлаган. Қамоқҳона маъмурияти онага Одилхоновнинг қамоқхона тартибини бузмаганини ҳам билдирган.
Ш. Одилхонов 2000 йилда Ўзбекистон ЖКнинг 159-моддаси билан айбланиб, 6 йилга озодликдан маҳрум этилган эди. Бироқ, бир ярим йилдан сўнг Ўзбекистон Олий суди маҳкумнинг кассация шикоятини кўриб чиқиб, жазо муддатини 1,5 йилга туширган эди.
2001 йилда қамоқдан озод бўлган Шуҳрат яна бир йилдан сўнг қамоққа олиниб, бу сафар 9 йилга кесилди.
Қурбонбуви опанинг айтишича, унинг ўғли қамоқда “Ҳизб ут-Таҳрир” ғояларидан тамомила воз кечган ва унинг томонидан қамоқхона ички қоидаларини бузиш ҳолатлари бўлмаган:
- Ўғлим у эътиқодидан қайтган. Ўша ерга мен борганимда ҳам айтди. “Давлат қонунларига риоя қиламан. Мен қайтдим. Президентимиз чиқариб юборса бўлди”, деди. Мен “Худо хоҳласа, чиқиб кетарсан болам”, дедим. Уйимизнинг боқувчиси йўқ ҳозир. “Президентимиз ҳеч бўлмаса бизларга ëрдам қилармикан, ëрдам қўлини чўзармикан? Болам қайтганку”, деган умид билан юрибман. Кутиб ўтирибман ҳозиргача эшикка қараб. Лекин ўғлим қайтган. Росманасига қайтган. Ўз кўзим билан кўриб келдим. “Опа нарушение қилаëтганим йўқ. Ҳақиқатан мен билмаган эканман”, деди. Қамоқхонадаги кутубхонада ишлаётган болага мингдан минг раҳмат. Ўша қайтарипти. Ўшанақалардан кўпайтирсин. Адашганларни тўғирласин, йўлга солсин. (йиғлаб) Қийналиб кетдим жуда ҳам ука. Жуда ҳам қийналиб кетдим. Болам билан жуда ҳам қийналиб кетдим,- дейди Қурбонбуви опа.
Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромовга кўра, бугунги кунда Ўзбекистон қамоқхоналарида жазо муддатини ўтаб бўлган, бироқ озодликка чиқарилмаётган маҳбуслар кўп бўлиши мумкин. Бироқ, дейди ҳуқуқ ҳимоячиси, қамохоналар маъмурияти диний ва сиёсий айбловлар билан қамалган тутқунларга ўз ихтиёрлари билан жавоб бериш ҳуқуқига эга эмас ва улар бу ҳақда юқоридан келадиган кўрсатмани кутиб турадилар:
- Энди бу ерда битта нарса борки, кўпларига нисбатан мисол учун ўша муддати тугаëтганда устидан яна жиноят иши очишадида жиноят кодексининг 221-моддаси бўйича, 3 йилдан 6 ойгача муддат қўшиб қўйишади. Нимагаки уюштирилган ҳолатда тартибни бузди деган баҳонаси бўйича. Жуда булар ўрганиб олган бу масала бўйича. Лекин ҳозир Ўзбекистон қонунларининг бузилиш ҳоллари кетаяпти. Гарчи, маҳкум ўзини қамоқда яхши тутган бўлса ҳам, қоидаларни бузмаган бўлса ҳам, агар у диний айблов билан қамалган бўлса, махсус топшириқ келмагунча у қамоқда ушлаб турилаверади,- дейди Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромов.
|
| |
| |
| OSIYO | Date: Juma, 03-Iyun-2011, 16:29 | Message # 10 |
|
Yangilardan
Group: Ishonchli
Messages: 7125
Status: | Болаларни қишлоқ хўжалиги ишларига фақат дарсдан кейин ва кўнгилли равишда жалб қилиш мумкин. Бу ҳақда Ўзбекистон касаба уюшмалари федерацияси Кенгаши, Ўзбекистон фермер хўжаликлари уюшмаси ва Ўзбекистон Меҳнат ва аҳолини ижтимоий ҳимоя қилиш вазирлиги баёнот тарқатди.
Баёнотда айтилишича, айрим "нохолис хорижий ташкилотлар ва оммавий ахборот воситаларининг Ўзбекистонда болаларни оммавий тарзда қишлоқ хўжалик ишларига жалб қилиш борасида тарқатган турли хил ёлғонлари ва бўҳтонлари" Ўзбекистон қишлоқ хўжалиги маҳсулотлари, хусусан пахтанинг "юқори рейтингига" путур етказиш мақсадида тарқатилмоқда.
"Бу бўҳтонлар ўзбек пахтасининг ташқи бозордаги обрўсини пасайтиришга хизмат қилади. Ўзбекистонда барча пахта ҳосили фермерларнинг ўзлари томонидан йиғиштириб олинади ва фермерлар болаларни оммавий тарзда пахта теримига жалб қилишдан иқтисодий манфаатдор эмаслар", дейилади баёнотда.
Баёнот муаллифлари, болаларнинг турли хил ишларга мажбурий жалб қилинишига йўл қўйиб бўлмаслигини таъкидлар экан, айни пайтда, 15 ёшдан юқори бўлган болалар, касб-ҳунар коллежлари ўқувчилари ўқиш мавсуми тугагунга қадар меҳнат тарбияси мақсадида, кўнгилли тарзда ва ота-оналарнинг рухсати билан қишлоқ хўжалиги ишларига жалб қилиниши мумкинлигини айтиб ўтади.
“Қишлоқ хўжалиги маҳсулот ишлаб чиқарувчилари, жумладан фермер хўжаликлари 15 ёшдан юқори бўлган болаларни кўнгилли тарзда ишга жалб қилар экан, улар иш ҳақини одилона тўлашга, амалдаги қонунчилик асосида меҳнат хавфсизлиги, тиббий хизмат ва иссиқ овқат билан таъминлаш мажбуриятларини олишлари лозим”, дейилади баёнотда.
Шунингдек, баёнотда болалар фақат ўқишдан ташқари пайтда меҳнат билан шуғулланишлари мумкинлиги ва бу қоидани бузган шахслар Ўзбекистон қонунчилигида кўрсатилган моддалар билан таъқиб қилиниши ҳам айтиб ўтилган.
Бироқ халқаро ва маҳаллий кузатувчилар Ўзбекиситондаги учта нуфузли идоранинг қўшма баёнотини шу пайтгача қабул қилинган, бироқ бажарилмай келаётган баёнотлар сирасидан эканлигини айтмоқдалар.
Мустақилликнинг ўтган 20 йили давомида Ўзбекистон қишлоқ хўжалигида болалар меҳнатидан фойдаланмаслик ҳақида қатор қарорлар ва қонунлар қабул қилинди. Президент Каримовнинг ўзи баланд минбарлардан болаларни пахта ишларига жалб қилмаслик ҳақида бири неча бор гапирди. Ўзбекистон Бош вазири Шавкат Мирзиёев ҳам болаларни пахта теримига жалб қилмаслик ҳақида қарор қабул қилган эди.
Бироқ бу қарорларнинг ҳали сиёҳи қуримай туриб, болалар оммавий тарзда яна қишлоқ хўжалиги ишларига жалб қилинди ва пахта далаларига ҳайдалди.
Болалар меҳнати мониторинги билан мунтазам шуғулланиб келаётган “Эзгулик” жамиятининг Сирдарё вилояти бўлими фаоли Исроил Ризаевнинг айтишича, бу йил болалар меҳнатидан мажбурий тарзда фойдаланишнинг бир мунча камайгани кузатилмоқда. Ҳуқуқ фаоли бу ҳолатни жаҳон оммавий ахборот воситаларида Ўзбекистонда болалар меҳнатидан фойдаланилаётгани ҳақидаги хабарлар кўпайгани, жаҳондаги қатор йирик ширкатларнинг ўзбек пахтасига бойкот эълон қилгани билан боғлайди. Исроил Ризаев фикрича, Меҳнат вазирлиги ёки касаба уюшмалари федерацияси ҳеч қачон мустақил тарзда бундай баёнот билан чиқиш қила олмаган бўларди ва бунга президентнинг ўзи томонидан ишорат бўлган бўлиши мумкин:
- Озгина ишонишга умидлар уйғонаяпти. Сизлар энди узоқда, биз бу ерда кўриб турибмиз. Ўтган йилларда мактаблар оммавий равишда бекилиб, болалар далага олиб чиқиларди, ҳозир бекитгани йўқ. Имтиҳонларни мана топширишаяпти. Фақатгина кўрганимни айтаяпман, мана қўни-қўшниларимнинг болаларини ўқитаман. 9-синфлар навбат билан обеддан кейин, консултациялардан кейин бориб икки-уч соат чопиб келишаяпти ҳозир. Ҳозир фақат 9-синф. Қолганларини мен кузатмадим. 5-6-7-синфлар чиқмаяпти. Шунга бир ишора бўлса керак деймиз.
Яхшиликка деймизда энди. Жўжани кузда санаймиз. Худо хоҳласа, 3-4 ойдан кейин пахта мавсуми келса, ўшанда кўрамиз. Бу баёнот яна қоғозда қолиб кетадими ëки ҳақиқатан қонунларимиз энди ишлашга ўтадими, энди уни вақт кўрсатади-да,- дейди Исроил Ризаев.
Ўзбекистон Меҳнат қонунида болаларнинг меҳнат қилишига маълум шартларга амал қилган ҳаолда рухсат берилган, бироқ маҳаллий ҳокимлар бу шартларни қўпол тарзда бузиб, болаларни эксплуатация қилишади дейди ҳуқуқ фаоли:
- Меҳнат кодексини варақлаб қарасангиз, у ерда ўзи кўрсатилган 12-13-14-16 ëшдан меҳнат қилишнинг ўзининг шартлари бор. Ота-онасининг ëзма розиликлари, соғлиғига хавф солмайдиган жойларда, қисқартирилган меҳнат кунлари, охирги куни иш ҳақлари бериш ва ҳоказолар белгилаб қўйилган кодексда. Фақатгина шу амалга ошмасдида. Чопиқ бўлдими, пахта бўлдими мактаблар бекилиб, хабарингиз бор ҳатто бошланғичлар ҳам чиқиб кетарди. Умид қилишимиз керак янги ўқув йилидан бошлаб мактаблар тақа-тақ бекилиб пахтага, ëтоқларга чиқмаса керак, энди,- дейди Исроил Ризаев.
Дарвоқе, бу баёнот эълон қилинган шу кунларда мактаб болалари пахта далаларини ўтоқ қилмоқда.
Шунингдек, Ўзбекистон расмийлари болалар меҳнати муаммосига бағишланган халқаро йиғинларда ўзбек болалари пахта йиғим-теримига мажбуран эмас, балки кўнгилли равишда, ота-оналарига ёрдам бериш мақсадида чиқишларини таъкидлаб, "болани ёшликдан меҳнатга ўргатишнинг нимаси ёмон?" қабилидаги баҳоналарни айтиб келишади.
Шу боисдан сўнгги баёнот ҳам Ўзбекистонда болалар меҳнати муаммоси ҳал этилмаганини хаспўшлаш йўлидаги навбатдаги баҳона сифатида баҳоланмоқда.
Кузатувчиларга кўра, токи Ўзбекистон қишлоқ хўжалигида жиддий ислоҳот ўтказилмас экан, болалар меҳнатидан фойдаланмаслик ҳақида чиқарилган бу каби баёнотлар аввалги қарорлар сингари сувдай қумга сингиб кетаверади, чунки, бугунги кунда ўзбекистонлик фермерлар, қўл кучисиз, четдан ёрдамсиз пахтани териб ололмайди.
Сўнгги йиллардда бир қатор Ғарб ширкатлари, жумладан "Tesco", "Marks & Spenсer" каби йирик ширкатлар ҳам мажбурий бола меҳнатидан фойдаланилгани боис ўзбек пахтасини бойкот қилиб келишади. Ўзбекистонда ҳар куз мавсумида юз минглаб болалалар мажбурий пахта йиғим-теримига жалб этилади.
Ўтган ҳафта АҚШнинг болалар кийими ишлаб чиқарувчи "Gymboree" ширкати ўзбек пахтасини сотиб олишдан воз кечганини эълон қилди.
АҚШ ва Канадада 600 дан ортиқ дўконга эга ширкат бу қарордан мақсад Ўзбекистон ҳукуматини пахта ҳосилини йиғиб олишда мажбурий болалар меҳнатидан фойдаланмасликка кўндиришдир, дейилади ширкат вэб саҳифасида эълон қилинган баёнотда.
Пахта экспорти бўйича дунёда учинчи ўринда турадиган Ўзбекистон пахта савдосидан йилига бир миллиард АҚШ долларидан ортиқ фойда олиши тахмин қилинади.
|
| |
| |
| OSIYO | Date: Shanba, 04-Iyun-2011, 07:41 | Message # 11 |
|
Yangilardan
Group: Ishonchli
Messages: 7125
Status: | Қамоқхонада вафот этган маҳбусга қийноқлар қўлланилган
Тошкентдаги "Эзгулик" жамияти қийноқлар оқибатида вафот этган яна бир маҳбус ҳақида маълумот тарқатди.
22 май куни Тошкент вилоятининг Зангиота туманидан бўлган, 1982 йилда туғилган, 29 ёшли Муҳиддин Абдуллаев дафн этилди. Унинг жасади Қашқадарё вилоятининг Шайхали қўрғонидаги жазони ўташ муассасида яқинларига топширилди. Бу ҳақда июн ойи аввалида Тошкентдаги "Эзгулик" инсон ҳуқуқлари маркази маълумот тарқатди.
Муҳиддин Абдуллаев мазкур қамоқхонага ўлимидан 17 кун олдин Тоштурмадан ўтказилган экан. Ҳуқуқ ҳимоячиларининг айтишларича, қамоқхона шифокорлари марҳумга “жигар циррози” ташҳисини қўйган.
- Бу йигит ўтган йилнинг куз ойларида ҳибсга олинган. Шу йилнинг 5 май куни жазони ўташи учун зонага юборилган. 17 кундан кейин ўлими сабабли уйига жасади жўнатилган. Бизга яқин манбанинг айтишича, ҳуқуқ муҳофаза органлари ходимлари кўмиш маросимларини тез ўтказиб, ортиқча шов-шув чиқармаслик пайида бўлишган.
Муҳиддин Абдуллаев жиноят ишлари бўйича Зангиота тумани суди томонидан диний-радикал оқимларга мансубликда айбланиб, 159-244 моддалар билан жиноий жавобгарликка тортилган. Қўлимизда ҳозир суд ҳужжатлари, ҳукми йўқ., - деди инсон ҳуқуқлари “Эзгулик” жамиятининг Тошкент вилояти бўлими раҳбари Абдураҳмон Ташанов.
"Муҳиддин Абдуллаев Ўзбекистон қамоқхонасидан жасади чиққан ягона маҳбус эмас. Бироқ унинг ўлими Ўзбекистон қамоқхоналарида қийноқлар аломатлари билан вафот этган бошқа маҳбусларнинг ҳолатига яқин" дейди тошкентлик ҳуқуқ фаоли.
- Энди масаланинг умумий томони жазони ижро этиш муассасалари, тергов изоляторларида систематик қийноқларнинг авж олаётгани натижасида шундай ўлим ҳолатлари бўлаётганидир. Албатта, жазони ўташ муассасаларидаги тиббий бўлимлар уларга “қийноқдан ўлди” деган диагнозни қўймайди. Муҳиддинга ҳам “жигар циррозидан ўлди” деган диагнозни қўйишган. Энди қийноқлардан ўлганлиги ёки бошқа сабаблардан ўлганлиги айтилса, тўғридан-тўғри жиноий жавобгарликка тортилишни талаб қилади. Жигар циррозидан одамнинг ўлиб қолиши камдан-кам учрайди. Ундан ташқари, агар соғлиги ёмон бўлганида Тоштурмадан зонага юборилмаслиги керак эди. Чунки бу қонун билан тақиқланган, - дея изоҳ берди ҳуқуқ фаоли Абдураҳмон Ташанов.
Айни пайтда Шайхали қамоқхонасида вафот этган Муҳиддин Абдуллаевнинг яқинлари билан боғланиш имкони бўлмаяпти.
Абдураҳмон Ташанов “Эзгулик” жамияти 2010 йил давомида 35га яқин жазони ўташ муассаларида ўлган маҳбуслар ҳақида маълумотларга эгалигини билдирди.
Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромов охирги ўн йил ичида 150га яқин маҳбуслар қийноқ оқибатида вафот этгани ҳақида маълумотлар борлигини айтди:
- Буни тўхтатиш учун оддий нарса- ГУИН ташкилоти раҳбарияти ва давлат раҳбарининг буйруғи керак. Оғзаки буйруқ бўлганда ҳам шу нарса тўхтатилади,- деди ҳуқуқ фаоли Суръат Икромов.
Ўзбекистондаги ҳуқуқ фаоллари ва инсон ҳуқуқлари билан шуғулланувчи ташкилотлар Ўзбекистондаги қамоқхоналарда мониторинг ўтказишга рухсат сўраб бир неча бор расмий идораларга мурожаат қилган. Шу пайтга қадар бу илтимосномалар жавобсиз қолмоқда.
|
| |
| |
| OSIYO | Date: Shanba, 04-Iyun-2011, 08:04 | Message # 12 |
|
Yangilardan
Group: Ishonchli
Messages: 7125
Status: | Сўғдда исломий тўй ўтказганлар судланади
Cўғд вилоятининг Ашт туманида тўрт нафар тожикистонлик тўй ўтказгани учун маҳакамага тортилди. Туман суди ҳаками Шоғуфрон Давроновнинг айтишича, маҳкамага тортилганлар тўйларни динни тарғиб қилиш маракасига айлантирганлар.
- Айни пайтда Тожикистон Ислом ўйғониш партиясининг Сўғд вилояти бўлими вакиллари Мирзо Хожиматов ва Собит Мадалиев, тўй эгаси Нўмон Холмирзаев ва унинг қариндоши амалдаги қонунга зид иш тутиб, тўйни диний маракага айлантиришган. Уларнинг иши судда кўрилиб чиқилади, - деди Шоғуфрон Давронов.
Расмийларнинг таъкидлашларича “Урф-одат ва тўй - маъракаларни тартибга солиш тўғрисида”ги Қонун тўйларда диний маърузалар қилишни тақиқлайди.
- Мазкур Қонунда “тўй” деган калима бор. Айтмоқчиманки, тўй бу рақсга тушиш, қўшиқ айтиш ва хурсандчилик қилиш маросими. Мархамат, домлалар ҳам иштирок этишсин, хеч ким тақиқламаган, сўзга чиқишсин, табриклашсин. Лекин тўйхона амри маъруф қилиш ва мавлуд ўқиш жойи эмас. Бунинг учун масжидлар мавжуд, - деди вилоят ҳокимияти расмийси Мазбут Воҳидов.
Бироқ хуқуқ химоячилари ва таҳлилчиларнинг айтишларича, расмийлар ва куч ишлатар тизимлари вакилларининг ўзлари Қонунни бузишмоқда.
- Янги қонуннинг бирорта моддаси ёки бўлимида тўйлар замонавий ёки исломий тарзада ўтказилиш кераклиги ҳақида ҳеч нима дейилмаган. Фақат, Қонунда “хатна” ва “ никоҳ” тўйлари ҳақида аниқ кўрсатма берилган. Шундай экан Тожикистонда исломий тўйларни ўтказиш тақиқланмаган, - дейди инсон хуқуқлари ҳимоячиси Файзинисо Вохидова.
Мустақил кузатувчилар фикрича, янги Қонун жамиятда порахўрликнинг яна бир тури пайдо бўлишига туртки бўлган.
- Тақиқланган тўй ёки маракани текширгани келган қонун ижрочилари кўп ҳолларда ошна-оғайнигарчилик қилиб, ё бўлмаса ўзига тегишли улушини оладилар-да, кетадилар. Бундан ҳамма хабардор. Лекин ҳеч ким бундай кўринишларга қарши курашмаяпти, - дейди кузатувчи Дилором Абдувохидова .
Аҳолисининг тахминан 60 фоизи қашшоқ деб топилган Тожикистонда 2007 йил «Урф-одат ва тўй - маъракаларни тартибга солиш тўғрисида” Қонун қабул қилинган эди.
Мазкур қонунга мувофиқ, мамлакатда тўй-ҳашам ва диний тадбирлар сони камайтирилди. Туғилган кунларни нишонлаш, Бешик тўйи, Қиз базми, Чарлар кабилар шулар жумласидандир. Шунингдек, суннат тўйига алоқадор маслаҳат оши, миллий кураш, улоқ ҳамда ордбезон маросимлари, тўйга 60 дан ортиқ меҳмон чақириш тақиқланган.
Никоҳ тўйидаги фотиҳа, маслаҳат оши, қудаларга сарпо бериш, сеп тўйи, чойгаштак ёки қизлар мажлиси каби маросимлар ҳам қатъиян маън этилади. Никоҳ тўйлари илгаригидек 4-5 кун эмас, балки бир кун давомида ўтказилиб, тўйга чақирилган меҳмонлар сони 200 киши билан чекланади.
Тўй ҳаражатларини икки томон баравар кўтаради ва тўй кортежи тўртта автомобилдан ошмаслиги зарур. Бундан ташқари, бешик тўйи, чиллагурезон, соч тўйлари кўпи билан 15 киши иштирокида ўтказилади.
Янги қонунни бузган оддий фуқаролардан 2000 сомоний ёки 440 долларгача, амалдорлардан 5000 сомоний ёки 1100 долларгача ва юридик шахслардан эса 10 минг сомоний ёки 2200 долларгача маъмурий жарима ундирилиши белгиланган.
|
| |
| |
| OSIYO | Date: Dushanba, 06-Iyun-2011, 12:44 | Message # 13 |
|
Yangilardan
Group: Ishonchli
Messages: 7125
Status: | Тошкентда порахўрга воситачиликда айбланган 52 ёшли журналист ҳибсга олинди
Адлия вазирлигининг “Инсон ва қонун” газетаси мухбири “пора олди-бердисига воситачилик қилганлик”да гумон қилинмоқда.
Самарқандлик журналист ва шоир Шукур Содиқ шу йилнинг 1 июнида Тошкент шаҳридаги хусусий ошхоналардан бирида қўлга олинган ва сўнгги маълумотларга кўра, унга Ўзбекистон ЖКнинг 212-моддаси бўйича жиноят иши қўзғатилган.
Бу ҳақда хабар берган “Эзгулик” жамияти фаоли Абдураҳмон Ташановга кўра, қандли диабет хасталигининг оғир кўринишидан азият чекаётган 52 ёшли Шукур Содиқ яқинларига кўрсатилмаяпти.
Озодлик мухбири бу журналист яқинларига мурожаат қилганида, унинг оила-аъзолари жавоб бермасликни лозим топди.
“Эзгулик” жамияти фаоли Абдураҳмон Ташанов бунга Шукур Содиқ оиласига нисбатан босим ўтказилаётгани эҳтимоллари сабаб бўлиши мумкин, дея тахмин қилади.
Абдураҳмон Ташановдан самарқандлик шоир ишига оид сўнгги тафсилотларни сўрадик.
- Шу йилнинг 1 июн куни пойтахтдаги хусусий ошхоналардан бирида нима қилган. Қанақадир коррупцион доиранинг олди-бердисида журналист воситачилик қилди деган айблов бор. Лекин мен ўзим эҳтиëжларимга олган эдим, деб кўрсатма бераëтган эмиш ўша шоиримиз. Лекин бу ерда энг қизиғи жабрланувчи йўқ. Иш бўйича жабрланувчи йўқ.
Озодлик: Порани олган ва берган томонлар борми?
- Ҳозир биздаги маълумотларга кўра порани олган, бераëтган томон ҳам маълум эмас. Тергов сири дейилади бу. Маълум даражада коррупцион доиралар ҳақида одатда оператив маълумотлар тушади. Оператив маълумотга асосан воситачилик қилаëтган шахс ҳибсга олинади. Менимча, шунақа бўлган.
Озодлик: Шукур Содиқовнинг воситачи сифатида гумонланишига сабаб бўлаëтган бу воқеа унинг касбий фаолияти билан боғлиқ бўлганми? Бирор-бир мақоланинг орқасидан тушиб шунақа иш бўлганми?
- Биздаги маълумотларга кўра шунақа. Лекин ҳозирда унинг конкрет нимада айбланаëтгани, конкрет қанақа эпизодларда айбланаëтгани ҳақида бизда етарлича маълумот йўқ.
Озодлик: Шукур Содиқнинг ўзи қаерда ҳозир?
- Ҳозир у Тоштурмада экан. Ҳали оилаларига кўрсатишмабди. 6 июн куни уни Тоштурмага бориб адвокати, ўша адвокатлар палатасининг сопбиқ раиси Баҳром Саломов қариндошлари билан кўриштирмоқчи экан. Мен кеча ўғли билан гаплашсам, ўғли айтаяптики, кийимлар, бошқа керакли ашëларни киритиб берамиз дейишаяпти. Демак, шундан келиб чиқадики, санкция олинган тергов даврида қамоқда ушлаб туриш бўйича.
Озодлик: Ўзбекистонда журналистларга бўлаëтган таъқибдан хабаримиз бор. Лекин бу асосан мустақил нашрларда ишлайдиган ëки хорижий оммавий ахборот воситалари билан ҳамкорлик қиладиган журналистларга нисбатан таъқиблар эди. Лекин маҳаллий журналистлар ҳам пора олиш-беришда айбланиб ҳибсга олинганидан хабаримиз бор. Кўпинча бу ҳақиқатан ҳам шу жиноятни содир этган журналистлар экани ҳақида айтилар эди. Шукур Содиққа нисбатан нима дейишимиз мумкин?
- Ўзбек журналистларнинг қамалиши нуқтаи назаридан турли даврларда турлича фикрлар юрган. Мана мен ўзим ўзбек оммавий ахборот воситаларида ишлаган пайтимда жуда кўп ҳолат журналистларнинг ичида, мухбирларнинг ичида таъмагирлик ҳолатлари, порахўрлик ҳолатлари ҳақиқатан кузатилган. Лекин масаланинг бошқа бир тарафи ҳам борки, фирибгарлик ҳолатларини келтириб чиқарувчи ўзига хос бир омиллар бор. Яъни журнлаистлар ўзининг касбий фаолиятини амалга ошираëтган пайтда айнан коррупцион доираларнинг манфаатларига тушиб қолади. Шунда, маҳаллий журналистларни назарда тутаяпман, ҳимоя қилиш механизми йўқ. Бирдан ҳаммага таъмагир, фирибгар журналистлар сифатида қарашади. Бизда мустаиқл журналистларни ҳимоя қилиш учун албатта дипломатик корпус ваколатхоналари бор, халқаро ҳамжамият бор. Менимча, Шукур Содиқ билан ҳам худди шунақанги бир ҳолат бўлган.
Ҳозирда биздаги маълумотларга кўра, қанақадир провокацион характердаги иш бўлди деган маълумотлар бор. Албатта буни тергов, суд натижалари кўрсатади. Аввалдан бир нарса дейиш қийин. Лекин Шукур Содиқни биз шу пайтгача шунақанги бир порахўрлик билан ëки бўлмаса, фирибгарлик ҳолатлари билан шуғуллангани ҳақида жамоатчилик ўртасида гап йўқ. Аксинча жуда кўпчилик ачиниш билан гапиришаяпти. Унинг шеърлари ҳам ўткир, публицистик чиқишлари бор эди деган гапларни қилишаяпти. Шунинг учун аввалдан бир нарса дейиш қийин. Лекин менинг назаримда ҳозирги ўтказилган қисқа мониторинг натижалари, ижодкорлар билан олиб борган сўровларимиз натижасига кўра, менимча, бу одам ҳимоя қилиниши керак.
|
| |
| |
| OSIYO | Date: Dushanba, 06-Iyun-2011, 13:09 | Message # 14 |
|
Yangilardan
Group: Ishonchli
Messages: 7125
Status: | Россияда қидирилаётган ўзбекистонлик Олмаотада ушланди
Россияда тўрт йилдан бери қидирувда бўлган 30 яшар Ўзбекистон фуқароси Алматида қўлга олинди.
Қозоғистон ҳуқуқ-тартибот органларидаги манбага асосланиб Газета.кз Интернет нашри тарқатган хабарга кўра, исми ошкор қилинмаган Ўзбекистон фуқароси 2007 йил 21 июл куни Краснодар ўлкасининг Кореновск шаҳрида маҳаллий аёлни зўрлаб, кейин ўлдирган.
Тергвочиларга кўра, бир ой ўтиб у вояга етмаган қизни зўрлаган.
Россия Ички ишлар бош бошқармаси Ўзбекистон фуқаросига нисбатан РФ ЖКнинг 105-моддаси, 2-қисми “қотиллик” ҳамда 131-моддасининг 2-қисми “зўрлаш” айбловлари бўйича жиноий иш очган.
Хабарда айтилишича, Ўзбекистон фуқаросини экстрадиция қилиш масаласи ҳал бўлгунича у вақтинча сақлаш изоляторига жўнатилган.
|
| |
| |
| OSIYO | Date: Payshanba, 09-Iyun-2011, 16:33 | Message # 15 |
|
Yangilardan
Group: Ishonchli
Messages: 7125
Status: | Қамоқдан яна бир маҳбуснинг ўлиги чиқди
Эътиқоди учун қамалган Абдулазиз Мирзаевнинг майити 8 июнга ўтар кечаси Тошкент вилояти Чиноз туманидаги уйига келтирилди.
1999 йилда Ҳизб ут-Таҳрир ташкилотига аъзоликда айбланиб, 20 йилга қамалган 37 яшар Мирзаев Абдулазизнинг жасади икки кун олдин унинг Чинозда яшайдиган оила аъзоларига берилди. Бу ҳақда Озодликка марҳумнинг опаси Марҳамат Мирзаева маълум қилди.
- Айби шу фақатгина намозхон бўлгани учун, Қуръондан илми бўлгани учун ўшандай нималар билан ўтиришибди. Мана 12 йил деганда Абдулазизимизнинг ўлигини беришди. 12 йилдан бери азоб тортиб келаëтган эди. 7 июн куни кечқурун 8ларда, шом пайти дейилади, энди шом ўқиймиз деб турсак, маҳалла раислари кириб келишди “Абдулазиз зонада нобуд бўлибди. Иккинчи этаждан ўзини ташлаб юборибди” деб. Ҳеч қанақа ўзини ташламайди у. Тушунган бола. Жонига қасд қилиш гуноҳ эканлигини билади, мумкин эмаслигини билади. Уларнинг баҳонаси бу. Эрталаб сиоат 4ларга олиб келади деган эди. 8 июнга ўтар кечаси соат 2ларда олиб келишди. Скорий билан олиб келишди. Олиб келиб ташлаб кетишди. Аҳволини кўрсангиз энди ҳар қандай одамнинг юраги бардош бера олмай ҳушидан кетади. Уни кўрган одамнинг нечтаси ҳушидан кетди бу ерда. Ужас, биласизми ужас қандай бўлади? Шунақада.
Озодлик: Қийноқларнинг изи борми?
- Изи ҳам гапми. Калланинг қопқоғи йўқ. Кириб кетган. Калла ичига кириб кетган. Қош бу ëққа чиқиб кетган. Кўзни кўрсангиз чиқиб кетган. Каллани орқасининг бўйинидан қулоғигача тикиб ташлаган. Кейин қувуғидан жағигача тикиб ташлаган. Кекирдагигача тикканини кўрган эдиму жағигача тиккан одамни кўрмаган эдим. Жағигача тиккан. Беш сантиметр энлиликда қувуғидан жағигача тикиб ташлаган,- дейди Марҳамат Мирзаева.
Абдуллазиз Қаршидаги Косон қамоқхонасида жазо муддатини ўтаётган эди.
Марҳамат опанинг айтишича, укасининг майитида кўплаб қийноқ белгилари бўлган.
Абдулазиз Мирзаевнинг учта акаси ҳозир Ўзбекистон қамоқхоналарида жазо ўтамоқда. Улар ҳам диний айбловлар билан қамалган.
- Тўртта боламиз зонада. Туҳмат қилиб ҳам қамаб ташлади. Битта укам Россияда қочувда эди. Алдаб олиб келишиб, “Келсин. Мана президентнинг қарори бор. Кечиримли нимаси бор. Кечиради. Келсин болаларининг олдига” деб лақиллатиб, роса кўп гаплар билан ишонтиришиб, олиб келиб 8 йил бериб юборди. Декабр ойида уч йил бўлади Худо хоҳласа,- дейди Марҳамат Мирзаева.
Бу сўнгги икки ҳафта ичида Озодликка хабар қилинган қамоқдан ўлиги чиққан маҳбусларга оид иккинчи ҳолатдир.
Андижондаги Ботирхоновлар хонадони 25 май куни ўғиллари 29 ёшли маҳбус Умиднинг қазо қилгани ҳақидаги хабарни олишди, унинг жасадини колониядан Тошкентдаги “сангород”га келтиришган.
Ботирхоновлар оила аъзоларидан бирининг сўзларига кўра, Умид ҳибсгача ўтган йилнинг августидан буён жигар касали билан оғриган.
Умид Ботирхонов ўтган йилнинг августида ўғирликда айбланиб қамалган эди.
Ҳуқуқ фаоллари ўзбек қамоқхоналарида қийноқлар систематик тус олаётгани, баъзи холларда у ердаги маҳбуслар қийноқ оқибатида ҳалок бўлаётганидан бонг уриб келишади.
|
| |
| |
| OSIYO | Date: Payshanba, 09-Iyun-2011, 16:34 | Message # 16 |
|
Yangilardan
Group: Ishonchli
Messages: 7125
Status: | Қозоғистон 29 қочқинни Ўзбекистонга топширди
9 июн куни Олмаота ҳибсхоналарида роппа-роса бир йилдан буён сақланиб келган 29 ўзбек қочқинларининг барчаси Ўзбекистонга экстрадиция қилинди.
Олмаота ҳибсхоналарида бир йил давомида сақланган 29 нафар қочқин Ўзбекистонга бериб юборилди.
Бу ҳақда Озодликка Олмаота шаҳар прокурор ўринбосари Ташкенбай Абубакиров маълум қилди.
- Ўзбекистон бош прокуратурасининг сўровига кўра, Қозоғистон бош прокуратураси қочқинларни уларга топшириш тўғрисида қарор қабул қилди. Бу одамлар Ўзбекистон ҳудудида ўта оғир жиноятлар содир этганликда айбланган ва барчаси қидирувга берилган. Ўзбекистон билан Қозоғистон ўртасида ўзаро келишув бор. Шунингдек, Минск конвенцияси ва бошқа халқаро ҳужжатларга кўра, бу одамлар Ўзбекистонга қайтарилди. Уларнинг айримлари БМТ томонидан берилган қочқинлик ҳужжатига эга эди. Шунинг учун уларга ўз ҳуқуқларини ҳимоя қилиш мақсадида судга апелляция тартибида мурожаат қилиш имкони берилди. Яқинда суд уларнинг ишини кўриб бўлди. Суд уларни экстрадиция қилиш тўғрисидаги қарорни ўз кучида қолдирди ва уларга берилган қочқинлик мақоми қайтариб олинди. Энди улар Ўзбекистонга топширилди,- деди Олмаота шаҳар прокурори ўринбосари Ташкенбой Абубакиров.
9 июннинг иккинчи ярмида 12 нафар қочқин аёл эрларининг Ўзбекистонга бериб юборилганига норозилик билдириб, Олмаота шаҳар прокуратураси биносини пикет қилишди.
Ҳуқуқ фаоллари маълумотига кўра, пикет пайти аёлларга нисбатан ҳуқуқ-тартибот идоралари ходимлари қўпол муносабатда бўлиб, аёллардан айримларини ҳибсга олган.
Олмаотадаги ўзбек қочқинларидан бири Умида Азимовага кўра, ҳибсга олинган қочқин аёллардан тўрт нафари ҳам Ўзбекистонга жўнатилган.
- Ҳозир мана қаранг тўртта аëлни олиб кетганда. Бу Ғуломова Ҳусния, Мўминова Адолат, Қодирова Гулнора ва Қобилова Феруза. Бу аëлларнинг боласи шу ерда қолиб кетган. Ҳозир Мўминова Адолат бизга қўл телефонидан телефон қилиб “Бизларни машинага ўтказиб Ўзбекистонга олиб кетаяпти” деб айтди. Уларни қанақадир РОВДга олиб кетганда. Энди у РОВДдан Ўзбекистонга олиб кетаëтган экан машинага ўтказиб,- деди Умида Азимова.
Ўзбекистонга топширилган 29 қочқиннинг Қозоғистонда оилалари қолди.
Эри Ўзбекистонга топширилган қочқин аёллардан бири, исмини ошкор қилмасликни сўраган ҳолда айтишича, у уч нафар ёш боласи билан саросима ва ваҳима ичида ўтирибди.
- Ҳаммасини бериб юборганини эшитдик. Билмадик энди. ДВДникининг ҳаммасини олиб чиқиб кетганини эшитдик эрталаб. КНБники ҳам свиданиега боришди аëллар. “Унақа одамлар йўқ бу ерда. Ҳаммасини бериб юбордик. Олиб кетишди. Кетди бу ердан” дебди. Ўзбекистонга бериб юборибди. Энди нима бўлади? Паспортимга депорт қилиш ҳақида муҳр босишган. Энди мени ҳам болаларим билан жўнатишса керак,- деди йиғи аралаш қочқин аёл.
Ҳозирда Олмаота ҳибсхоналарида яна уч нафар қочқин қолган. Уларнинг маҳкама жараёни охирига етмагани боис Ўзбекистонга топширилмагани айтилмоқда.
Қозоғистоннинг қийноқлар эҳтимоли борлигини била туриб, 29 қочқинни Ўзбекистонга топширганини халқаро ташкилотлар кескин қораламоқда.
Ҳюман Райтс Уотч халқаро инсон ҳуқуқлари ташкилоти вакили Вероника Голдстон буни ноинсоний ҳаракат дея атади.
- Афсуски Қозоғистон ўз зиммасига олган халқаро мажбуриятларга зид тарзда қочқинларни бериб юбораётгани биринчи марта кузатилаётгани йўқ. Қочқинларнинг Қозоғистондан Ўзбекистонга депортация қилиниши бу инсоний фожиадир. Эндиликда БМТ Қочқинлар идораси каби халқаро гуруҳлар ва Европа ҳамда АҚШ ҳукуматлари зудликда ҳаракат қилиб, Халқаро Қизил Хоч ташкилоти ходимларининг улар ёнига киритилишига эришишлари керак бўлади,- дейди Голдстон.
Халқаро Амнистия ташкилотининг Марказий Осиё бўйича мутахассиси Майси Уайшердинг Қозоғистонни халқаро мажбуриятларга зид ҳаракат қилганликда айблайди.
- Бу ўта хавотирлидир ва икки кун муқаддам ҳам биз Қозоғистон ҳукуматидан бу одамларни Ўзбекистонга жўнатишдан мутлақо тийилишни сўраган эдик. Бу Қозоғистонинг жамики халқаро мажбуриятларига зиддир. Шунингдек, БМТнинг Қийноқларга қарши қўмитаси ҳам бу шахсларга оид ишни текшириб чиққинга қадар уларнинг Ўзбекистонга экстрадиция қилинмаслигини сўраган эди. Бу шахсларнинг ўз юртида қийноқларга солиниши мумкинлиги ҳақидаги хавотир ва огоҳлантирувларга қарамай Қозоғистон ҳукуматининг уларни яна қийноққа қайтаришга қарор қилгани бизни қаттиқ хавотирга солмоқда,- дейди Ташкилотнинг Марказий Осиё бўйича мутахассиси Майси Уайшердинг.
Марказий Осиёда инсон ҳуқуқлари ассосиацияси раҳбари Надежда Атаева ҳам 29 қочқиннинг Ўзбекистонга экстрадиция қилинганини кескин қоралаб, Қозоғистоннинг бу ҳаракати учун унга қарши халқаро миқёсда бирлашиб, норозилик акцияси бошлашга чақиради.
- Биз Қозоғистон ҳалқаро мажбуриятларини намойишкорона равишда бузаётганига гувоҳ бўлаяпмиз. Қозоғистон ўз зиммасига олган мажбурияларга зид равишда 29 қочқинни Ўзбекистонга экстрадиция қилди. 29 қочқиннинг барчаси халқаро ҳимояга олинган. Уларнинг аризалари БМТнинг қийноқларга қарши кураш қўмитаси томонидан рўйхатга олинган. Уларнинг аризалари ўрганилаётган пайтда қочқинларни Ўзбекистонга топширишга ҳаққи йўқ. Ўзбекистонда қийноқлар мунтазам равишда қўлланиши бугун барчага маълум. Шуни била туриб Қозоғистон қочқинларни Ўзбекистон қўлига топшириши умуман ҳайратланарли. Шунинг учун бутун дунёдаги жамоатчилик ташкилотларини бирлашиб, Қозоғистон ўз мабуриятларини бузгани учун норозилик акциялари ўтказишга чақираман,- дейди Надежда Атаева.
Қозоғистонлик ҳуқуқ фаолларига кўра, расмий Остона кейинги тўққиз ой ичида 29 қочқиндан ташқари яна тўрт ўзбек қочқини Ўзбекистонга экстрадиция қилган эди.
Ўтган йилнинг 30 октябр куни Қозоғистон Ўзбекистонга экстрадиция қилган Тожикистон фуқароси 36 ёшли Умарали Абдураҳмонов жорий йилнинг бошида амнистияга тушмаслик шарти билан 10 йил муддатга озодликдан маҳрум қилинди.
Ўзбекистонга экстрадиция қилинган бошқа уч қочқиннинг тақдири ҳозирча номаълум.
Олмаота ҳибсхоналарида бир йил давомида ушлаб турилган 29 қочқин ўтган йилнинг 9 июнидан 11 июнигача Олмаота шаҳрида ўтказилган “Мигрант” рейди чоғида қозоқ полициячилари ва махфий хизмат ходимлари томонидан қўлга олинган эди.
Ўзбекистон Бош прокуратураси бу қочқинларни оғир ва ўта оғир жиноятлар содир этганликда айблаб, уларнинг ўз ихтиëрига берилишини сўраган.
Олмаота шаҳар Миграция департаменти ўтган йили Қозоғистон жанубий пойтахтидаги икки ҳибсхонада сақланаётган ўзбекистонликларнинг бошпана изловчи шахс мақомини бериш бўйича илтимосини рад этди. Ўзбек қочқинларининг мазкур қарори юзасидан шикоят аризаси 2010 йил сўнггида Олмали туман суди томонидан ҳам, жорий йил бошида Олмаота шаҳар суди томонидан ҳам рад этилди.
2010 йилнинг 8 сентябр куни Олмаота шаҳар прокурорининг ёрдамчиси Ташкенбай Аубакиров Қозоғистон Бош прокуратураси ҳибсхонадаги ўзбек қочқинларини Ўзбекистонга экстрадиция қилиш ҳақида қарор чиқарганини билдирган эди.
Март ойида Олмали туман суди Қозоғистон Бош прокуратурасининг 32 ўзбек қочқинини Ўзбекистонга экстрадиция қилиш бўйича қарорини қонуний деб топди.
14 апрел куни куни ўтган маҳкамада Олмаота шаҳар суди судяси Ермахан Дилдабаев Олмали туман судининг мазкур қарорини тўғри деб топиб, уни ўз кучида қолдирди.
9 июн куни эса 29 қочқин Ўзбекистонга топширилди.
|
| |
| |
| OSIYO | Date: Juma, 10-Iyun-2011, 07:50 | Message # 17 |
|
Yangilardan
Group: Ishonchli
Messages: 7125
Status: | Олий суд НRW ташкилотининг Тошкентдаги идорасини тугатиш ҳақида қарор қабул қилди.
Инсон ҳуқуқларини ҳимоя қилиш бўйича нуфузли Нuman Rights Watch халқаро ташкилотининг Тошкентдаги ваколатхонасини ёпиш бўйича даъво аризаси Ўзбекистон Адлия вазирлиги томонидан 2010 йилнинг декабр ойида киритилган эди.
Ўзбекистон Олий судида ташкилот ҳуқуқларини ҳимоя қилган адвокат Сергей Майоровга кўра, 9 июн кундузги соат 3 бўлиб ўтган қисқагина маҳкама чоғида Адлия вазирлиги даъвоси қондирилган ва Нuman Rights Watch халқаро ташкилотининг Тошкентдаги ваколатхонасини тугатиш тўғрисида қарор қабул қилинган.
Маҳкамада Тошкентдаги хориж элчихоналари ва дипломатик корпуси вакиллари ҳам иштирок этган.
Бунга қадар 3 июн кунига белгиланган дастлабки суд мажлиси 13 июнга қолдирилган эди.
Ўшанда суд мажлисига қўйилмаган ўзбекистонлик ўнлаб инсон ҳуқуқлари фаоллари Олий суд биноси ёнига йиғилиб, маҳкаманинг очиқ ўтиши ва унга жамоатчилик вакиллари киритилишини талаб қилган эдилар.
Сергей Майровога кўра, шундай шовқин-суронлар остида қолдирилган суд мажлисининг 9 июн кундузги соат 3 га кўчирилгани ҳақидаги хабар телеграмма кўринишида 9 июн куни кундузги соат 12 ларда унинг ишхонасига келиб тушган.
- Телеграммада суд мажлиси 13 июндан 9 июнга кўчирилгани айтилган ва мен судга таклиф қилинган эдим.
Озодлик: Агар сиз идорада бўлмаганингизда суд мажлисидан бехабар қолишингиз мумкинмиди?
- Йўқ, улар менинг мобил ва идорадаги телефонимга ҳам бир неча бор қўнғироқ қилишди. Яъни, улар менинг судда иштирок этишимни астойдил ҳоҳлаганини билдиришди.
Озодлик: Сергей, нега суд мажлисини бошқа кунга кўчиришди?
- Бунинг сабабини изоҳлашга улар мажбур эмас. Аммо, менимча ортиқча шовқин-сурон ва тўпалонсиз ўтказишни, мажлисдан ҳуқуқ фаолларининг бехабар қолишини исташган бўлса керак, дейди Ўзбекистон Олий судида НRW ташкилоти ҳуқуқларини ҳимоя қилган адвокат Сергей Майоров.
Ташкилотнинг Европа ва Марказий Осиё бўлими раҳбари муовини Рэйчел ДенберЎзбекистон судининг бу мазмундаги қарори кутилгани ва бу қарорни халқаро ҳуқуқий меёрларга зид, деб ҳисоблашини айтди.
- Ўзбекистон ҳукумати анча вақтдан бери НRW ташкилотининг Ўзбекистонда ишлашини истамаётганини ўз ҳаракатлари билан билдириб келаётган эди. Биринчидан, улар бизнинг вакилларимизни ишлаш ҳуқуқидан маҳрум этди ва натижада, бизни идорамизни ёпишга мажбур қилишди.
Бундан ташқари, бизга суд мажлисида иштирок этиш имконини ҳам беришмади. Бутун бошли жараённинг ўзи мутлақо мантиқсиз бўлди ва ўйлайманки, Ўзбекистон ҳукумати идорамизни ёпиш ҳақида анча вақт олдин қарор қабул қилиб бўлган эди. Шунинг учун Олий суднинг бу мазмундаги қарори биз учун кутилмаган бўлмади, дейди НRW ташкилоти вакили Рэйчел Денбер.
Ташкилотнинг Ўзбекистонга оид бундан кейинги фаолияти ҳақидаги саволга эса Дэнбер: "Тошкентнинг қарори бизни ҳаракатдан тўхтата олмайди", деб жавоб берди.
- Мана қанча вақтдан буён идорамиз ёпиқ. Де-факто биз Ўзбекистон ичида ишламаяпмиз. Аммо, бу вақт оралиғида бизнинг Ўзбекистонга оид тадқиқотларимиз, суриштирувларимиз тўхтагани йўқ. 2005 йилдан сўнг биз Ўзбекистонга оид кўплаб ҳисобот ва маълумотларни чоп этдик.
Дунёдаги ёпиқ давлат биргина Ўзбекистон эмас. Худди бошқа давлатларда бўлгани каби бундан сўнг ҳам айни руҳ ва суръатда ишни давом эттираверамиз, деди НRW ташкилотининг ташкилотининг Европа ва Марказий Осиё бўлими раҳбари муовини Рэйчел Денбер.
Human Rights Watchнинг Тошкентдаги ваколатхонаси 1996 йилда очилган ва шундан сўнг Ўзбекистондаги инсон ҳуқуқлари вазиятини кузатиб, таҳлил қилиб борган эди.
2005 йил Андижон воқеаларидан кейин расмий Тошкент бу ташкилот фаолиятига ўта тоқатсиз бўлди ва ташкилотнинг икки вакили Олег Воронцов ва Стив Свердловга акредитация бермади.
2010 йилнинг декабр ойида эса Адлия вазирлиги ваколатхонани ёпиш тўғрисидаги ариза билан Олий судга мурожаат қилди ва бу ҳақдаги хабарни 2011 йил март ойига келибгина Human Rights Watch ташкилотига маълум қилган эди.
|
| |
| |
| OSIYO | Date: Dushanba, 13-Iyun-2011, 00:54 | Message # 18 |
|
Yangilardan
Group: Ishonchli
Messages: 7125
Status: | Россия президенти Ўзбекистонга келади
Россия президенти Дмитрий Медведевнинг ташрифи Ўзбекистон Республикаси президенти Ислом Каримовнинг таклифига кўра амалга ошмоқда.
Россия президенти Ўзбекистонга ташриф давомида икки давлат ўртасида ҳамкорлигини кенгайтириш, томонларни қизиқтирган минтақавий ва халқаро масалаларни муҳокама қилиши кутилмоқда.
Россия Ўзбекистоннинг энг йирик савдо ҳамкорларидан бири ҳисобланади.
UzDaily.uz нашри маълумотига кўра, ўтган йил Ўзбекистон ва Россия ўртасидаги маҳсулот айирбошлаш 55,9 фоизга кўпайиб, 2010 йил биринчи чорагида 823,3 миллион АҚШ долларини ташкил қилган.
Жорий йилнинг биринчи чорагида бу кўрсаткич 1 миллиард 284 миллион долларга етган.
2011 йилнинг январ-март ойларида Ўзбекистон ташқи савдосидаги Россиянинг улуши 22,4 фоизни ташкил қилган.
Ўзбекистон ТИВ маълумотига асосланиб Регнум ахборот агентлигининг билдиришича, Россия Ўзбекистоннинг ташқи савдо айланмасида биринчи ўринда туради.
2010 йил якунларига кўра, икки давлат ўртасидаги маҳсулот айирбошлаш ҳажми 6 миллиард 377 миллион АҚШ долларини ташкил қилган.
Икки давлат ўртасидаги ҳар томонлама ҳамкорлик 2004 йилда имзоланган Стратегик ҳамкорлик ҳақидаги ҳамда 2005 йилда имзоланган Иттифоқчилик тўғрисидаги келишувлар асосида ривожланмоқда.
Россиянинг Ўзбекистондаги элчиси Владимир Тюрденев 10 июн куни Ўзбекистон Ташқи ишлар вазирлигида қабул қилинди.
Ахборот агентликлари хабарига кўра, мулоқот чоғида Россия Федерацияси президентининг ташрифи билан боғлиқ масалалар, шунингдек, халқаро мавзудаги долзарб масалалар муҳокама қилинган.
Ўзбекистон президенти Ислом Каримов 2010 йилнинг 19-20 апрел кунлари Россияга расмий ташриф билан борди. Сўнгги 5-6 йил давомида Ўзбекистон ва Россия раҳбарлари олий даражада 20 дан зиёд учрашувлар ўтказганлар.
Тошкентга ташрифидан сўнг Россия президенти Дмитрий Медведев Қозоғистон пойтахтида 15 июн куни бошланадиган Шанхай ҳамкорлик ташкилотига аъзо давлатлар раҳбарлари саммитида иштирок этиш учун Остонага жўнаб кетади
|
| |
| |
| OSIYO | Date: Dushanba, 13-Iyun-2011, 08:36 | Message # 19 |
|
Yangilardan
Group: Ishonchli
Messages: 7125
Status: | Экстрадиция қилган 29 қочқин Ўзбекистон ИИВда экани айтилмоқда
Ўзбекистонга экстрадиция қилинган 29 қочқин, яқинларидан олинган маълумотларга кўра, Ўзбекистон Ички ишлар вазирлигида сақланмоқда.
Шу йил 9 июн куни Ўзбекистонга бериб юборилган 29 ўзбек қочқинидан биринг рафиқаси Умиданинг Озодликка айтишича, экстрадиция қилинганлар Ўзбекистон Ички ишлар вазирлиги ҳибсхонасида сақланмоқда.
- Бугун менинг уйимдагилар хабар беришди. Бугун менинг турмуш ўртоғимини топишибди. Ҳозир МВДда экан. Озиқ-овқат олиб боришган эмиш. У озиқ-овқат қўлларига етиказиладими, йўқми унисини билмайман. Ҳозир аҳволларидан ҳам хабарим йўқ,- дейди турмуш Умида.
Шунингдек, бу аёл қочқинларнинг Ўзбекистондаги яқинлари қаттиқ босим остида экани ва ҳаттоки Олмаотада юрган қочқинлар билан мулоқотдан ҳам чўчишаётганини айтади.
Бундан тагқари Ўзбекистон ҳуқуқ-тартибот идоралари ихтиёрига топширилган қочқинлар рўйхати ҳам номаълум қолмоқда.
- 29 қочқин бериб юборилгани ҳақида ёзма жавоб бор, лекин уларнинг рўйхати йўқ,- дейди Олмаотада қолаётган Умида.
10 июн куни Қозоғистон Ташқи ишлар вазирлиги тарқатган баёнотга кўра, Ўзбекистон томони экстрадиция қилинган қочқинларнинг ҳуқуқлари кафолатланишини ваъда қилганини билдирган эди.
"Ўзбекистон томони "Қизил хоч", Жаҳон соғлиқни сақлаш ташкилоти ва қатор бошқа халқаро инсон ҳуқуқлари ташкилот жазони ижро этиш муассасаларига бемалол кириб чиқиш имконига эга ва уларнинг (экстрадиция қилинган қочқинларнинг-таҳр.) ҳуқуқлари таъминланишини мониторинг қилишлари мумкинлигини ваъда қилди", дея таъкидлаган эди Қозоғистон ТИВ матбуот вакили Ильяс Умаров.
Аммо, 2005 йилги Андижон воқеаларидан кейин халқаро инсон ҳуқуқлари ташкилотларининг барчаси Ўзбекистондан ҳайдалган ва Ўзбекистонда расман ишлаш имкони берилган "Қизил хоч ва қизил яримой жамияти" ҳам жазони ижро этиш муассасаларига бемалол кириб чиқа олмаслиги мунтазам таъкидлаб келинади.
Шундай оғир вазиятда Ўзбекистонда ишлаб келаётган Мустақил ҳуқуқ ҳимоячилари ташаббус гуруҳи раҳбари Сураът Икромов Қозоғистондан экстрадиция қилинган 29 ўзбек қочқини ҳақида расмий идоралардан маълумот олишга уринаётганини айтар экан, бу қочқинлардан бир нечасининг оиласи кўмак сўраб, унинг ташкилотига мурожаат қилганини айтди.
Унга кўра, кўпчилик оилалар ҳануз ўз яқинларининг қаерда сақланаётгани ва уларнинг аҳволи ҳақида аниқ маълумотга эга эмас.
Айни кезда Ўзбекистонга экстрадиция қилинган 29 ўзбек қочқинининг Олмаотадаги оила-аъзоларининг мақоми ҳам ҳануз ноаниқлигича қолмоқда.
Турмуш ўртоқлари 9 июн куни қонунга зид равишда Ўзбекистонга бериб юборилганидан сўнг ўзи учун ҳуқуқий ҳимоя излаган қочқин аёллар Қозоғистон ҳуқуқ-тартибот идораларидан жавоб ололмаганидан сўнг БМТнинг Олмаотадаги ваколатхонасига мурожаат қилганини айтмоқда.
Умиданинг сўзларига кўра, бу идора ходимлари ҳам ҳимоясиз аёлларнинг саволларига аниқ жавоб бермаган.
- “Бизларнинг мақомимиз қандай? Сизлар бизларни ҳимоянглар остига оласизларми?” деб савол бердим. “Сизлар бошпана изловчи шахс мақомидасизлар”, деди. Кейин “Бизларга бошпана изловчи, деган қоғоз берасизми?” десам, “Данний момент, сизларга ҳеч қанақа қоғоз бера олмаймиз. Лекин сизлар бемалол яшайверинглар”, дейди. “Сизлар бизларни ҳимоя қиласизларми?” деб бир неча маротаба сўрасам, “Мен бу саволингга жавоб бера олмайман. Мен сенга яна қайтараман, сизлар Қозоғистон территориясида бемалол яшашинглар мумкин” деди, - дейди ҳозир Олмаотада ёш болалари билан ҳимоясиз қолган ўзбекистонлик қочқин аёл Умида.
Ҳозирга қадар олинган маълумотларга кўра, Ўзбекистонга экстрадиция қилиб юборилган ўзбекистонлик қочқинларнинг бу шаҳарда қолган оила-азолари сони 50дан ортиқдир.
Бу қочқинларнинг аксариятини ёши 2-3 ёшдан 15 ёшгача бўлган болалар ташкил қилади ва уларнинг аксариятида Қозоғистонда яшаш учун рухсат берилган рўйхатга олиш муддати якунига етган.
Аёллар бу муддатни узайтириш учун дастлаб қилинган мурожаатлари қондирилмагани, эндиликда эса улар мамлакатда туриш тартиб-қоидасини бузганликда айбланаётганини айтмоқда.
9 июн куни Қозоғистондан Ўзбекистонга экстрадиция қилинган 29 ўзбек қочқинидан биринг рафиқаси бўлган Умида 4 ёш гўдаги билан Олмаота шаҳрида ҳимоясиз қолган ва айни кезда Ўзбекистонда ноқонуний бериб юборилган қочқинларнинг у каби ҳимоясиз қолган аёллари, фарзандлари энг биринчи навбатда моддий ва шунингдек, ҳуқуқий ёрдамга жуда муҳтож эканини айтмоқда.
Умиданинг айтишича, турмуш ўртоқлари ҳибсга олинганидан сўнг бу қочқин оилаларга ижарага уй берган қозоғистонликларинг айримлари ҳимоясиз аёлларни ижрадан чиқариб юборгани ҳам айтилмоқда.
|
| |
| |
| OSIYO | Date: Dushanba, 13-Iyun-2011, 09:37 | Message # 20 |
|
Yangilardan
Group: Ishonchli
Messages: 7125
Status: | Тожикистон чегарачиси Ўзбекистонга куч билан олиб кетилгани айтилмоқда
Тожикистон Чегара қўшинлари Бош бошқармаси тожик чегарачиси қурол билан Ўзбекистон чегарасини бузиб кирганига оид айбловларни инкор қилди.
Бундан аввал Ўзбекистон Давлат чегарасини қўриқлаш қўмитаси 7 июн куни Тожикистон чегарачиси қурол билан Ўзбекистон чегарасини бузиб киргани ва ўзбек чегарачилари қуролини тортиб олишга урингани ҳақида баёнот берган эди.
“Чегара қўшинларида хизмат қилаётган ҳарбий хизматчи Жаҳонгир Бахтиёр қўшни давлат чегарачилари ҳужумига учраган, қуролсизлантирилган ва куч билан Ўзбекистонга олиб кетилган”, дейилади CA-News нашри Тожикистон Чегара қўшинлари бош бошқармасининг Ўзбекистон айбловига жавобан берган баёнотидан келтирган иқтибосда.
Тожикистон томонига кўра, 7 июн куни тожик ҳарбий хизматчиси чегара чизиғидан белгиланган тартибга мувофиқ 450 метр нарида хизмат бурчини бажараётган кезда қонунга зид равишда куч билан Ўзбекистонга олиб кетилган ва кейинчалик музокаралар натижасида ўз хизмат жойига қайтарилган.
|
| |
| |
| OSIYO | Date: Chorshanba, 15-Iyun-2011, 02:48 | Message # 21 |
|
Yangilardan
Group: Ishonchli
Messages: 7125
Status: | АҚШ Ўзбекистонда ҲРУ фаолияти тўхтатилганидан таассуф билдирди
АҚШ ҳукумати Ўзбекистон Олий суди Ҳюман райтс уотч инсон ҳуқуқлари ташкилотининг Тошкентдаги ваколатхонасини ёпиш ҳақида чиқарган қарори хусусида ташвиш билдирди.
АҚШ Давлат департаменти эълон қилган баёнотда матбуот котиби Марк Тонер ҲРУ каби халқаро ноҳукумат ташкилотлари “дунёда муҳим рол ўйнаши” ва ҲРУ Ўзбекистонда ўз фаолиятини давом эттира олмаслигидан Вашингтон афсусланишини баён қилган.
Ўзбекистон Олий суди ўтган ҳафта чиқарган қароридан кейин ҲРУ эълон қилган баёнотда Ўзбекистон ҳукумати мустақил фуқаролик жамияти ишларига аралашишда давом этаётгани ва фаоллар камситилаётгани билдирилган.
|
| |
| |
| OSIYO | Date: Chorshanba, 15-Iyun-2011, 02:49 | Message # 22 |
|
Yangilardan
Group: Ishonchli
Messages: 7125
Status: | Бердиев Озарбайжон Бош вазири билан учрашди
Ўзбекистон мудофаа вазири Қобул Бердиев 14 июн куни Бокуда Озарбайжон Бош вазири Артур Расизода билан учрашди.
Озарбайжондаги ахборот агентликлари хабарига кўра, сўзлашув чоғида икки давлат ўртасидаги алоқаларнинг ҳозирги аҳволи ва истиқболлари муҳокама қилинган.
Расизода Озарбайжон ва Ўзбекистон ҳамкорлиги барча соҳалар, жумладан, мудофаа соҳасида ҳам юқори даражада ривожланиши муҳим эканини таъкидлаган.
Озарбайжон ва Арманистон ўртасидаги Тоғли Қорабоғ можаросига тўхталган Артур Расизода бу можаро фақат Озарбайжон ҳудуди яхлитлиги асосида ҳал бўлиши мумкинлигини алоҳида таъкидлаган.
Ўзбекистон мудофаа вазири Ўзбекистон бу масалада Озарбайжон позициясини қўллаб-қувватлашини баён қилган.
|
| |
| |
| OSIYO | Date: Chorshanba, 15-Iyun-2011, 02:50 | Message # 23 |
|
Yangilardan
Group: Ishonchli
Messages: 7125
Status: | Ўзбекистон раҳбари Қозоғистон пойтахтига келди
Ўзбекистон президенти Ислом Каримов Шанхай Ҳамкорлик Ташкилотига аъзо давлатлар давлат раҳбарлари кенгашининг олий даражали учрашувида иштирок этиш учун Қозоғистон пойтахти Остонага келди.
Хитой, Россия, Қозоғистон, Қирғизистон, Ўзбекистон ва Тожикистон аъзо бўлган ШҲТ тузилганига 15 июн куни 10 йил тўлди.
Юбилей саммитида, ташкилотда кузатувчи мақомига эга бўлган Эрон ва Покистон президентлари Маҳмуд Аҳмадийнажод ва Осиф Али Зардорий ҳам иштирок этади.
Афғонистон президенти Ҳамид Карзай саммитда меҳмон сифатида иштирок этади.
Расмийларга кўра, давлат раҳбарлари ялпи мажлисдан ташқари ўзаро икки томонлама учрашувлар ҳам ўтказади.
|
| |
| |
| OSIYO | Date: Chorshanba, 15-Iyun-2011, 02:55 | Message # 24 |
|
Yangilardan
Group: Ishonchli
Messages: 7125
Status: | Ўзбекистон ва Россия раҳбарларини 'Араб баҳори ташвишлантирган'
Россия Президенти расмий Интернет саҳифасига кўра, Президент Дмитрий Медведев билан Президент Ислом Каримовнинг Тошкентдаги музокаралари тўрт соат давом этган.
Ўзбекистон ва Россия раҳбарлари Яқин Шарқдаги сингари ҳодисалар ривожи борасида ўртада ўзаро муҳокамалар зарурлигини таъкидлаганлар.
"...Ишончим комил, Ўзбекистонда хавфсизликни, минтақада барқарорликни таъминлаш нуқтаи назаридан юз бераётган ҳамма нарса, бугун Шимолий Африкада, Яқин Шарқда юз бераётган ҳамма нарса, Афғонистонда юзага келаётган вазият - булар ҳаммаси, авваламбор бизнинг умумий мавқеимизни ишлаб чиқиш, аҳвол бўйича очиқ фикрлар алмашиш ва яқин орада ҳал қилиш лозим бўлган масалалар нуқтаи назаридан Россияни ҳам, Ўзбекистонни ҳам ўйлантирмаслиги мумкин эмас", деб айтган Ўзбекистон Президенти Ислом Каримов.
Россия Президенти Дмитрий Медведевга кўра, Яқин Шарқдагига ўхшаш ҳодисаларнинг тушунарли сценарийда ривожланишини хоҳлашади.
"...Халқаро проблематикага келганда, сиз мутлақо ҳақсиз, чиндан ҳам дунё жиддий синовлар билан юзма-юз келиб турибди. Бу йил "Араб баҳори" деб аталган воқеалардан бошланди, у Араб шарқида, шунингдек, Африка шимолида буткул янги вазиятни пайдо қилди. У ерда юз берган нарсаларнинг халқаро таъсири анча узоқ вақтга чўзилиши эҳтимоли бор. Шубҳасиз, биз бу каби ҳодисаларнинг тушунарли ва биз учун башорат қилиш мумкин бўлган сценарийда ривожланишидан манфаатдормиз. Чунки бу давлатлар билан бизни кўплаб кўзга кўринмас иплар боғлаб туради. Бу фақат иқтисодий муносабатлар, савдо муносабатлари эмас, балки кўплаб гуманитар ва маданий алоқалардир. Улар анча ижобий бўлиши ҳам мумкин, анча мураккаб, баъзан ҳатто қўпорувчи характерга эга бўлиши ҳам мумкин", дея Россия Президенти Дмитрий Медведевдан иқтибос келтирган Kremlin.ru веб-сайти.
Аксар кузатувчилар Президент Ислом Каримов таклифи билан амалга ошган Президент Дмитрий Медведевнинг Ўзбекистонга ишчи сафарини Араб мамлакатларида узоқ йиллар ҳукмронлик қилган раҳбарлар ўзгаришига олиб келган вазият билан боғладилар.
"Ҳозир Каримов Ислом дунёсида юз берган инқилоблардан жиддий ташвишланган, унга дастаклов керак. Ва у бу дастакловни фақат Шанхай Ҳамкорлик ташкилотидаги иттифоқчиларидан олиши мумкинлигини жуда яхши англайди", деган Fergana.ru интернет-портали бош муҳаррири Даниил Кислов Би-би-си Рус хизмати билан суҳбатда.
Даниил Кислов фикрича, Медведевнинг ишчи ташрифи Россия Ўзбекистонни ташлаб қўймаслигини намойиш этиш мақсадидаги ташрифдир.
Россиялик журналистларнинг маълум қилишларича, Ўзбекистон томони Россия президентига Москвада аккредитациядан ўтган жаҳон ахборот агентликлари мухбирларининг ҳамроҳлик қилмасликларини сўраган, Дмитрий Медведев ташрифини ёритиш учун Россиядаги телеканалларнинг бир неча ходими Ўзбекистонга борган.
Тошкентдаги учрашувдан кейин Россия ва Ўзбекистон президентлари Қозоғистон пойтахти Остонага етиб борганлар.
15 июн куни Қозоғистон пойтахтида Шанхай Ҳамкорлик ташкилотига аъзо мамлакатлар раҳбарларининг саммити режаланган.
|
| |
| |
| OSIYO | Date: Chorshanba, 15-Iyun-2011, 15:40 | Message # 25 |
|
Yangilardan
Group: Ishonchli
Messages: 7125
Status: | Тошкентда битирувчи талабаларга "диплом ювиш" ман этилди
Тошкентда олий ўқув юртларини битираётган талабаларга битирув кечалари, диплом тўйларини ўтказиш ман этилди.
Пойтахтдаги “Ёшлик” талабалар шаҳарчаси ҳокими олий ўқув юртлари ректорларига бу ҳақда махсус буйруқ жўнатган.
Ҳужжатда жамоат тартибини сақлаш мақсадида шундай чорага қўл урилаётгани айтилади.
Буйруқ бажарилишини таъминлаш факультетлар деканлари зиммасига юклатилган.
Тартибни бузувчилар қонунда кўзда тутилганидек жавобгарликка тортилиши айтилади.
Шунингдек, бу йил битирув имтихонлари ҳам одатдагидан бир ой олдин ўтказилди.
Ўзбекистон олийгоҳларида давлат имтиҳонлари одатда июн ойида бошланиб¸ диплом ҳимоялари июл ўрталарига қадар давом этар эди.
Аммо бу йил Тошкентдаги талабалардан давлат имтиҳонлари ва диплом ҳимояларини июнга қадар тугатиб¸ вилоятдан келганлардан 10 июнга қадар пойтахтдан чиқиб кетиш сўралди.
|
| |
| |
| OSIYO | Date: Payshanba, 16-Iyun-2011, 00:06 | Message # 26 |
|
Yangilardan
Group: Ishonchli
Messages: 7125
Status: | Тошкентда шакар тортилди
Сўнгги бир ҳафта мобайнида пойтахт озиқ-овқат дўконларида шакар камайиб кетди. Бир килограмм шакарнинг нархи қарийб 5 минг сўмга чиқди. Айни пишиқчилик пайти, мураббо ва консервалар ёпиладиган мавсумда шакар нархининг ошиб кетиши аҳоли орасида норозилик уйғотмоқда.
Ўтган бир ҳафта давомида Тошкентдаги озиқ-овқат дўконларида шакар кескин камайиб кетди, дейди тошкентлик Абдуғофир Раззоқов.
- Кеча бир қўшним олча сотиб олибди, мураббо қиламан деб. Кейин шакар тополмай, қайтариб сотувчига олиб бориб берди,- дейди Абдуғофир Раззоқов.
Бир ҳафта ичида шаҳардаги дўконлардан шакар йўқолди, борларида ҳам нархи 5000 сўмга чиқиб кетди, дея қўшимча қилади у.
Давлат курси бўйича бир килограмм шакар нархи 3 долларга яқинлашди ва Ўзбекистонда бу рекорда кўрсаткич бўлди.
Тошкентлик Абдуғофир Раззоқовга кўра, 15 июнь куни шаҳардаги бир қанча дўконларда шакар пайдо бўлган, бироқ ҳар бир кишига 5 килогарммдан ортиқ сотилмаяпти:
- Чорсу бозорида кўрдим. Оптовийда учта жойда сотаяпти. Офтоб қиздириб ётибди. Ўша ҳолатда одамлар икки-уч соат навбатда туриб, шакар олишаяпти. 3500 сўмдан. Кейин Зарқайнар тарафга ўтдим. У ерда ҳам ичкарида шакар сотаëтган экан, очеред. У ерда навбат учун карточка олиш керак экан. Карточка олиш учун ташқарида аëллар 40-50 тагача очеред. У ерда пойлаб туриш керак экан икки соатча. Списка ҳам қилиб қўйишган экан. Ўша списка бўйича ичкаридан карточка олиб чиқиб бераяпти биттаси.
Кейин ичкарига кириб яна очередга туриб олишаяпти. Уни 3340 сўм дейишди. Бир хил жойлардан сўрасам шакарларни 4700гача деганлари бор. Ўртача 4000 сўм. Бемалолроқ оламан деса, 4000 сўмга ҳам топади. Очеред 3500 сўм. 5 килодан лимит қилиб қўйилган,- дейди тошкентлик Абдуғофир Раззоқов.
“Ўзбексавдо” давлат ширкатининг ўзини таништирмаган расмийсига кўра, Тошкентда шакар камаймаган, фақат ҳозир консерва мавсуми бўлганлиги учун унга талаб кўпайган. Мулозимнинг айтишича, ҳозирда Хоразмдаги заводда ишлаб чиқарилган шакар дўконларга белгиланган миқдорда тарқатилмоқда ва ваҳима қилишга ҳеч қандай ҳожат йўқ.
“Хоразм шакар” қўшма корхонасининг ўзини таништирмаган инженери завод тўла қувват билан ишлаётганини айтди. Бироқ, корхона бир йилда қанча шакар ишлаб чиқариши ва бу Ўзбекистон аҳолисининг шакарга бўлган эҳтиёжини қанчалик қоплаши ҳақидаги саволга жавоб беришдан бош тортди.
Intesko Research Group компаниясининг маркетинг тадқиқотига кўра, 2010 йилда Россия шакар экспортининг 47 фоизи Ўзбекистон ҳиссасига тўғри келган.
Ўзбекистонда шакар импорти билан айнан қайси ташкилот шуғулланиши ҳақида аниқ фактлар йўқ. Норасмий манбалар шакар импортини ҳукуматга яқин бўлган шахслар назорат қилишини айтади.
Мустақил ҳамдўстлик давлатларидан бирида тадбиркорлик билан шуғулланаётган тошкентлик Фаррух Ҳожиматов фикрича, Ўзбекистонда шакар бизнеси ҳукуматда ишлайдиган якка шахс томонидан монополия қилиб олинган:
- Ўзбекистонда шакарни асосан монополия қилиб бир киши киргизади. Буни ҳеч ким билмайди. Хоҳлаган вақтда нархни кўтаради, хоҳлаган вақтда туширади. Агар ҳукуматда Ўзбекистонда озиқ-овқат нарх-навосини пастга тушириш нияти бўлса, бунинг мушкул жойи йўқ. Украинада, Беларусда шакарни нима қилишни билмаяпти. Беларусда шакар 80 цент. Ўзбекистонга ана бир долларга бориб етади. Давлат миқëсида олса, давлат халқига бермоқчи бўлса, унинг ҳеч қандай қийинчилик жойи йўқ. Бизнинг Ўзбекистон давлати пул бермайди. “Бориб сал арзонроқ қилиб шакар олиб келгин” демайдику, бирорта инсонга. Мана менга айтса, ҳозир мен Ўзбекистонга 70 центдан шакар киргизиб бераман.
Афсуски, Ўзбекистонда тижорат чегараланган. Тижоратнинг 99 фоизини, фойда келадиган фоизини маълум шахсларгина назорат қилади. Токи Ўзбекистонда тижорат озод бўлмаса, ривожланиш бўлмайди,- дейди Мустақил ҳамдўстлик давлатларидан бирида тадбиркорлик билан шуғулланаётган тошкентлик Фаррух Ҳожиматов.
|
| |
| |
| OSIYO | Date: Payshanba, 16-Iyun-2011, 00:11 | Message # 27 |
|
Yangilardan
Group: Ishonchli
Messages: 7125
Status: | Қобул Бердиев Озарбайжон ҳарбий саноати билан танишди
16.06.2011
Озарбайжонга сафар қилаётган Ўзбекистон Мудофаа вазири Қобул Бердиев мамлакатнинг Мудофаа саноати корхоналарини бориб кўрди.
Озарбайжон Мудофаа вазирлиги матбуот хизматига асосланиб мамлакатдаги ахборот агентликларининг хабар қилишича, генерал Бердиев Электрон ҳисоблаш машиналари ишлаб чиқарадиган корхона фаолияти билан яқиндан танишган.
Ўзбекистон Мудофаа вазири “Шарг” ишлаб чиқариш бирлашмасининг AZAD Systems Co. корхонасида пилотсиз учадиган аппаратлар ишлаб чиқариш жараёнини кузатган.
Айнии пайтда, Бердиев асбобсозлик заводида ҳам бўлиб, бронетехниканинг модернизациялаш ишлари билан танишган
|
| |
| |
| OSIYO | Date: Payshanba, 16-Iyun-2011, 00:13 | Message # 28 |
|
Yangilardan
Group: Ishonchli
Messages: 7125
Status: | Ўзбекистон Покистонга 800 МВт электр экспорт қила олади
16.06.2011
Ўзбекистоннинг Исломободдаги элчиси Ойбек Усмонов Ўзбекистон Покистонга 800 МВт электр энергиясини экспорт қилишга тайёр эканини маълум қилди.
Буни Ассосиэйтед Пресс Покистон ахборот агентлиги хабар қилди.
Элчи Усмонов Покистоннинг Савдо-саноат палатаси федерацияси президенти ва сенатор Хожи Ғулом Али билан учрашувда Ўзбекистон Афғонистонга 300 мВт электр энергияси экспорт қилаётганини ва Пешавор орқали Покистонга жуда яхши нархда 800 МВт электр энергияси етказиб бера олиши мумкинлигини айтган.
Яқин фурсатда Исломобод ва Тошкент ўртасида Ўзбекистондан Покистонга 1000 МВт электр экспорт қилиш борасида музокаралар бошланиши режаланган.
Ойбек Усмонов ва Хожи Ғулом Али ўртасидаги учрашувда Покистоннинг Савдо-саноат палатаси федерацияси мамлакатнинг турли вилоятларидан 100 нафар тадбиркорни Ўзбекистонга жўнатиши ҳақида келишиб олинди.
Бундан кўзланган мақсад давлатлар ўртасида савдо ва инвестиция алоқаларини кенгайтиришдан иборат.
|
| |
| |
| OSIYO | Date: Payshanba, 16-Iyun-2011, 07:12 | Message # 29 |
|
Yangilardan
Group: Ishonchli
Messages: 7125
Status: | Оврўпо Иттифоқи Тошкентга инсон ҳуқуқлари борасидаги мажбуриятларини эслатди
Оврўпо Иттифоқининг Ташқи ишлар бўйича Олий Комиссари Кэтрин Эштон Ўзбекистон ҳукуматини Ҳюман Райтс Вотч идорасини ёпиш ҳақидаги қарорини қайта кўриб чиқишга чақирган.
ОИ ўзбек ҳукуматини ўз зиммасига олган халқаро мажбуриятларни бажариш ва Ҳюман Райтс Вотч дохил, ноҳукумат ташкилотларининг мамлакатда эркин фаолият олиб боришларига рухсат этишга чақиради", дейилади Оврўпо Иттифоқи Ташқи сиёсат маҳкамаси раҳбари эълон қилган баёнотда.
Эштон хоним ўзбек расмийларининг ҲРВ ваколатхонасини ёпиш ҳақидаги қароридан таассуф изҳор қилган.
"ОИ ўзбек расмийларининг халқаро ноҳукумат ташкилоти Ҳюман Райтс Вотчнинг Тошкентдаги идорасини ёпиш тўғрисида яқинда чиқарган қароридан таасуф изҳор қилади. Расмийларнинг ҲРВнинг Тошкентдаги идораси директори ва аввалроқ унинг ўтмишдошига аккредитация бермаслик қарори ташкилотнинг Ўзбекистондаги самарали фаолиятини чеклаб қўйган эди", - дейилади баёнотда.
Айни пайтда Оврўпо Иттифоқи Ўзбекистон билан инсон ҳуқуқлари борасидаги мулоқотни давом эттириш истагида эканини урғулаган.
"Оврўпо Иттифоқи 2010 йил октябридаги Ташқи ишлар вазирлари кенгаши хулосаларида белгиланганидек, Ўзбекистон билан мустаҳкамлаш истагини тасдиқлайди", дейилади баёнотда.
ОИ Ташқи ишлар мулозимига кўра, бу алоқаларнинг даражаси инсон ҳуқуқлари, демократия ва қонун устиворлигига боғлиқ бўлади.
"Оврўпо Иттифоқи ўзбек расмийларини ОИ билан Инсон Ҳуқуқлари борасида шаклланган мулоқот ва бу борадаги ҳамкорликни давом эттиришга рағбатлантиради", дейилади баёнотда.
Чоршанба куни АҚШ Давлат Департаменти ўзбек ҳукуматининг қароридан таассуф изҳор қилган эди.
Маҳаллий қонунчилик
Ўтган ҳафта Ўзбекистон Олий Маҳкамаси Ҳюман Райтч Вотчнинг Тошкентдаги ваколатхонаси маҳаллий қонунларни бузгани важидан уни ёпиш ҳақида қарор чиқарган.
Олий Маҳкама Адлия вазирлигининг шу йил бошида халқаро ташкилот фаолияти юзасидан билдирган эътирозларини асосли, деб топган.
Ўтган йили октябрида Ўзбекистон ҳукумати ҲРВ вакили Стив Свердлоунинг бир ойдан кўпроқ вақт мобайнида Ўзбекистонда бўлишига изн берган, аммо ташкилотнинг аккердитациясини узайтириш ҳақидаги мурожаатни рад этган.
Ўзбекистон Адлия вазирлиги ўз раддиясини жаноб Свердлоу ва унинг ўтмишдоши Игор Воронцовлар Ўзбекистоннинг маҳаллий қонунчилиги ва шарт-шароитларини яхши билмасликлари билан асослаган.
Ҳюман Райтс Вотч ўзбек томонининг ушбу давъоларини рад этган.
Ўзбекистон Олий Маҳкамасининг ниҳоий қарорини қоралаган ташкилот Ўзбекистондаги инсон ҳуқуқлари вазиятини кузатишда давом этишини таъкидлаган.
ҲРВ ваколатхонаси ҳамда бошқа халқаро ноҳукумат ташкилотларининг Ўзбекистондаги идораларини қайта очиш масаласи Оврўпо Иттифоқи билан Ўзбекистон ҳукумати ўртасидаги мулоқот кун тартибида бўлган.
Аммо Ўзбекистон ҳукумати 2005 йил майидаги Андижон воқеаларидан сўнг чиқариб юборилган халқаро ноҳукумат ташкилотларининг Ўзбекистонга қайтишига рухсат бермай келаётир.
|
| |
| |
| OSIYO | Date: Payshanba, 16-Iyun-2011, 08:25 | Message # 30 |
|
Yangilardan
Group: Ishonchli
Messages: 7125
Status: | Наманганда 7 киши жиҳодчиликда айбланиб қамалди
Наманган шаҳар жиноий ишлар бўйича суди ҳукмига кўра, 7 киши “Ислом жиҳодчилари” диний оқимига алоқадорликда айбланиб, 5 йилдан 10 йилгача бўлган муддатларга озодликдан маҳрум қилинди.
Ўзбекистон мустақил ҳуқуқ ҳимоячилари ташаббус гуруҳига кўра, судланувчиларнинг барчаси ЖКнинг 159-моддаси (Ўзбекистон конституциявий тузумига тажовуз қилиш) ва 244/2-моддаси(тақиқланган ташкилотларга алоқадорлик) бўйича айбдор деб топилган.
Ташаббус гуруҳи ёйинлаган маълумотга кўра, судланувчиларга нисбатан жиноий ишлар сохталаштирилган бўлиб, тергов ва маҳкама жараёнларида қонунбузарлик ҳолатлари кузатилган.
|
| |
| |
