Аксар ҳолларда тарбияси оғир болаларнинг борар манзили колониялар бўлади. 18.10.2011 Меҳрибон Ўзбекистон тарбияси оғир болаларни совет педагоги Макаренко услубида тарбиялашни режалаштирмоқда.
Тарбияси оғир болалар учун махсус оромгоҳ
Сурхондарёнинг Термиз туманидаги ҳарбий қисмлардан бирида милиция ҳисобида турувчи вояга етмаган ёшлар учун ҳарбий-спорт оромгоҳи фаолият бошлади.
Оромгоҳ Сурхондарё вилоят ҳокимлиги, вилоят прокуратураси, вилоят Ички ишлар бошқармаси, “Камолот” ёшлар ижтимоий ҳаракати вилоят кенгаши, “Маҳалла” ва Болалар спортини ривожлантириш жамғармалари вилоят бўлимлари ҳамкорлигида ташкил қилинган.
Сурхондарё вилоят “Маҳалла” жамғармаси ходимига кўра, тарбияси оғир болаларни оромгоҳга жалб қилиш орқали ёшлар ўртасида жиноятчилик, ҳуқуқбузарликнинг олдини олиш, уларни ватанга садоқат руҳида тарбиялаш режалаштирилган.
- Термиз шаҳрида 7 кун мобайнида тарбияси оғир болаларга ўқув лагери ташкил қилинди. Энди китобий тилда айтадиган бўлсак, ватанпарварлик руҳидаги ҳар хил спорт мусобақалари бўлиб ўтиши кўзда тутилганда. Мақсад¸ шуларни тўғри йўлга бошқаришда имкон даражасида. Ҳар сафар 100 бола. Масалан¸ 14 та туман бўлса, ҳар бир тумандан еттитадан бола. Термиз шаҳрининг ўзидан тўққизта. Жами 100 киши. Тарбияси бузуқ болаларнинг сонини ҳозир аниқ билмайману, лекин шуларнинг ҳаммаси билан профилактика ишларини олиб бориш керакда. Улар ҳам орқасида кимдир борлигини, кимгадир суяниши мумкинлигини билиши керак. Уларни ўз ҳолига ташлаб қўйиб бўлмайдида, дейди “Маҳалла” жамғармаси ходими.
Суҳбатдошга кўра, оромгоҳда ўсмирлар ҳарбий интизом бўйича ўқув семинарлар ва турли хилдаги спорт мусобақаларида иштирок этадилар.
Тадбирларда фаол иштирок этган болаларни ички ишлар бўлимларининг профилактик ҳисобидан чиқариш режалаштирилган.
Ўзбек болаларини Макаренко услубида тарбиялаш
Термиздаги ушбу оромгоҳ Совет педагоги Антон Семёнович Макаренко мактабини ёдга солади.
1920 йилда Макаренко ёш жиноятчилар, қонунбузар болалар учун махсус колония ташкил қилиб, олти йил давомида 400 болани тарбиялаган эди.
Макаренко тарбиясини олган болаларнинг интизомли, меҳнатни севадиган, намунали хулқли инсонлар бўлиб етишгани айтилади.
Узоқ йиллар таълим соҳасида фаолият кўрсатган собиқ ўқитувчи Абдулла Абдураззоқов Ўзбекистонда тарбияси оғир болаларни Макаренко усулида тарбиялаш режасини самарасиз¸ деб ҳисоблайди.
- Макаренко услубига салбий фикрдаман. Тарбияси оғир болаларни ахлоқ тузатиш колонияси, қамоқда тузатамиз¸ дейди. У ерда фақат тажриба алмашишга боради ўғрилар, тарбияси оғир болалар. Тажрибаси ортиб чиққанда ундан баттар бўлса бўладики, 100тадан биттаси тузалган бўлиши мумкин. 99таси тарбияси бузилиб, ахлоқи янаям оғирлашиб чиққанига мисоллар кўп. Бу нарса фақат тескари натижа беради¸ деган фикрдаман. Шу маънода имкон қадар уларни бир жойга йиғиш эмас, уларни бошқалардан ибрат оладиган одамлар орасида таъсирчан йўлларини ўйлаб кўриш керак, дейди Абдулла Абдураззоқов.
"Жиноятчини ҳам тарбияласа бўлади"
Сурхондарёлик ўқитувчи Ёдгор Рашид ўқувчилари орасида милиция ҳисобида турган болалар йўқ. Лекин Ёдгор Рашид тартибсиз ва билим олишни хоҳламайдиган ўқувчилари характеридан келиб чиқиб, тарбияси оғир болаларни тарбиялаш мумкин¸ деб ҳисоблайди.
- Бу ишни бир ҳафтада нима қилиб бўлмайди. Менинг фикримча, милиция рўйхатида турган ўқувчиларни, 10та бордир, 15та бордир, қайси соҳага қизиқса, шу бўйича тарбияласа, бўлади. Бир ҳафта жуда кам, камида икки йил тарбияласа натижа бўлиши мумкин. Масалан¸ адабиëт, тарихга қизиқмагани билан бола техниканинг у томонидан кириб бу томонидан чиқиб кетиши мумкин. Қизиққан соҳасига қизиқтирса, барибир яхши одам бўлади. Масалан¸ ўғрига ўғирлик ëмонлигини тушунтирсада техникага қизиқадими, чорвагами, спортгами, санъат соҳасигами шунга йўналтириб шароит яратиб берса, шу йўлдан кетади у. Буни ўқувчиларим мисолида кўп бора гувоҳи бўлганман, дейди Ёдгор Рашид.
"Тарбияси оғир болалар кўпаймоқда"
Бугунги кунда Ўзбекистонда милиция бўлимларида махсус ҳисобда турган вояга етмаганларнинг аниқ сони маълум эмас.
Бу ҳолатни ўрганган Тошкентдаги “Веритас” ёшлар ташкилоти раҳбари Санжар Саидовга кўра, бунинг сабаблари ижтимоий-иқтисодий муаммолардир.
- Биринчидан, бугунги кунда Ўзбекистондан кўпчилик чет элда меҳнат муҳожири сифатида ишлаëтган бўлса, шунақа оилалар борки ҳатто онаси ҳам, отаси ҳам кетган, уйида фақат фарзандлари қолган. Ëки бўлмаса фарзандларини бобо-бувиларига ташлаб кетиб, ўзлари икки-уч йиллаб Россия, Қозоғистон ва бошқа мамлакатларда ишлаб юрган ота-оналар бор. Бу шароитда бевосита ота-она тарбиясидан узоқда қолган болалар назоратсизлик асосида ëки бўлмаса атроф-муҳитнинг ëмон таъсири натиажсида ëмон йўлларга кириб кетаётган ҳолатлари бор.
Иккинчи масала, бу ҳам ижтимоий-иқтисодий муаммога бориб тақалади. Вояга етмаганларни бугунги кунда меҳнатга жалб қилиш ҳолатлари¸ яъни оиласида етишмовчилик сабабли шу болалар мактабда ўқиш давомида ишлашга мажбур бўлаëтганлиги, айрим ҳолларда ўқишга умуман бормасдан пул топиш мақсадида ишга жалб қилинаëтгани ҳолатлари кўп. Бундай болалар тарбиядан узилиб қолгандан кейин ҳар хил йўлларга кириб кетган ҳолатлари ҳам мавжуд, дейди Санжар Саидов.
“Веритас” раҳбари вояга етмаган болалар орасида жиноятчилик ҳолатларининг кўпаётганига учинчи сабабни ҳам келтирди.
Санжар Саидовга кўра, айрим ота-оналар болаларини молиявий таъминлаш етарли деб ҳисоблаб, уларнинг тарбиясига эътибор қаратмаётгани оқибатида болаларнинг жиноят кўчасига кириш ҳолатлари ҳам кузатилмоқда.
Рус ахборот хизмати хабар беришича, Эркин савдо зонаси шартномасига Ҳамдўстлик давлатларининг барчаси ҳам имзо чеккани йўқ. Бу ҳақда Владимир Путин баён қилди. Унинг айтишича, Озарбайжон, Ўзбекистон ва Туркманистон йилнинг охиригача бу ишни қилсалар керак. Россия Бош вазири Мустақил Давлатлар Ҳамдўстлиги (МДҲ) ҳукумат раҳбарлари Кенгаши мажлисини очар экан, ушбу ҳужжатга рози бўлинаётгани ҳақида айтиб ўтди. Яна у мажлис охиригача бу иш бўлиб ўтишини эслатди. “Узоқ давом этган, жиддий мунозараларга бой, лекин ҳарқалай, конструктив музокаралардан сўнг, биз асосий масала ечимига кела олдик”,- деб қўшимча қилди Владимир Путин. Бош вазир мажлисда келтирган ҳисоботларга қараганда, жорий йилнинг биринчи ярим йиллигида МДҲ давлатлари орасидаги товар айланиши 48 фоизга ортиб, 134 миллиард доллардан зиёд миқдорни кўрсатди. Эслатиб ўтамиз, Эркин савдо зонаси ҳақидаги шартнома 1994 йил имзоланган бўлиб, ҳозиргача МДҲ давлатларининг ҳаммаси ҳам уни ратификация қилганлари йўқ. Янги ҳужжат устида 10 йил иш олиб борилди. Шартномада давлатлараро савдо-иқтисодий муносабатларнинг ҳуқуқий асосларини соддалаштириб бериш ва бундан ташқари, кўпмазмунли ҳужжатларнинг бир қанчасини алмаштириш назарда тутилган.
Ҳиллари Клинтон Тошкентга халқаро ташкилотларни қайтармоқчи АҚШ Давлат котиби Ҳиллари Клинтон Тошкентда халқаро ташкилотлар ваколатхоналарини Ўзбекистонга киртиш масаласини муҳокама қилмоқчи. АҚШ Давлат котиби Ҳиллари Клинтон 23 октябр куни Ўзбекистон президенти Ислом Каримов билан учрашувида 2005 йил Андижон воқеаларидан сўнг мамлакатдан қувилган хорижий ахборот воситалари, жумладан, Озодлик ва Би-би-си радиоси ҳамда инсон ҳуқуқлари бўйича бир қатор ташкилотларнинг Тошкентда фаолият юритиши масаласини кўтармоқчи. АҚШ расмийси бу ҳақда 22 октябр куни Душанбеда фуқаровий жамият вакиллари билан учрашуви чоғида маълум қилди.
- Аммо Ўзбекистонда бу масалада яқин келажакда бирор ўзгариш бўлишига ваъда бера олмайман. Лекин ҳар ҳолда мен бу масаласини кўтараман. Мен аввал ҳам Ўзбекистон билан музокараларда бу масалага эътибор қаратганман, - деди АҚШ расмийси Клинтон хоним, мухбирингизнинг бу борадаги саволига жавоб берар экан.
Икки кунлик сафар билан Тожикистонга ташриф буюрган АҚШ Давлат котиби Ҳиллари Клинтон, шунингдек, ўз давлати Андижонда бўлиб ўтган воқеаларни қоралаганини эслатиб: “Биз ҳар қандай зўравонликларга қаршимиз”, дея қўшимча қилди.
Бугун куннинг биринчи қисмида Душанбе шаҳрида фуқаровий жамият вакиллари билан учрашган АҚШ Давлат котиби Ҳиллари Клинтондан Роғун лойиҳаси атрофида Ўзбекистон билан можараларга муносабати ҳақида ҳам сўралди.
АҚШ Давлат котиби Клинтон хоним Тожикистон бу йирик лойиҳани амалга оширишда, албатта, Жаҳон банки экспертлари хулосасини кутиши лозимлигини тавсия қилди.
- Роғун СССРнинг 70 - йиллардаги йирик лойиҳаси эканидан хабарим бор. Лекин 70 - йилларда оммавий бўлган лойиҳалар бугун унчалик оммавий бўлмаслиги мумкинлигини унутмайлик. Сизларнинг (тожикистонликлар назарда тутилмоқда,таҳр,.) қишда электрсиз қийналаётганингизни ҳис қиламан. Лекин ҳар ҳолда бундай йирик лойиҳани амалга ошириш учун, менимча, албатта Жаҳон банки экспертлари хулосасини кутиш лозимдир, - деди АҚШ мулозими Клинтон хоним.
Афғонистон ва Покистон сафарларидан сўнг Тожикистонга келган Клинтон хоним Тожикистон АҚШнинг яхши дўст бўлишини исташини таъкидлади.
Клинтон хоним АҚШ 1992 йилдан шу кунгача Тожикистонда 1 миллиард доллар миқдоридаги турли дастурларни амалга оширганини билдирди. У Америка Тожикистонга ёрдам беришда давом этишини айтди.
АҚШ мулозими Афғонистонда тинчлик ўрнатиш масаласига ҳам тўхталар экан, ўз давлати тинчлик тарафдори бўлган жангариларни ҳам бу жараёнга жалб этажагини маълум қилди.
АҚШнинг Душанбедаги элчихонасидан олинган маълумотларга кўра, Давлат котиби Ҳиллари Клинтон Тожикистондан сўнг Ўзбекистонга сафар қилади.
Айтилишича, у Тошкентда Ўзбекистон президенти Ислом Каримов ва республика Ташқи ишлар вазири Элёр Ғаниев билан музокара қилиши режалаштирилган.
Шунингдек, элчихона маълумотларига кўра, Ҳиллари Клинтон Тошкентдаги General Motors ширкатида бўлиши кутилмоқда. ozodlik.org
Ўзбекистон Каримов Клинтон билан ҳамкорлик истиқболларини муҳокама қилди
АҚШ Давлат котиби Ҳиллари Клинтоннинг Ўзбекистонга икки кунлик амалий ташрифи давом этмоқда. Ўзбекистон Президенти Ислом Каримов 22 октябр куни Оқсаройда Ҳиллари Клинтонни қабул қилди.
Ўзбекистон ва АҚШ муносабатлари тарихига тўхталган Ислом Каримов икки давлат муносабатлари ривожига қўшиб келаётган катта ҳиссаси учун Клинтон хонимга миннатдорлик билдирди.
Ўзбекистон телевидениеси хабарига кўра, Ислом Каримов Ҳиллари Клинтоннинг Ўзбекистонга ташрифи икки давлат ўртасидаги алоқалар ривожига туртки бўлишини урғулаган.
- Мен сизнинг ташрифингизга икки томонни қизиқтирган долзарб масалалар хусусида яна бир марта фикр алмашиш, энг асосийси, муносабатларимизнинг устувор йўналишларини аниқлаб олиш учун яхши имконият деб қарайман, - деди Ўзбекистон раҳбари.
Ахборот агентликлари хабарига кўра, Мулоқот чоғида Давлат котиби Ўзбекистон ҳукуматини инсон ҳуқуқлари ҳурмат қилиниши билан боғлиқ муаммоларига кўпроқ эътибор қаратишга чақирган.
Ўз навбатида Ўзбекистон президенти либерализация ва демократик ислоҳотлар ўтказишда кўпроқ муваффақиятга эришишни ваъда қилган.
АҚШ Давлат Департаменти матбуот хизмати эълон қилган маълумотга кўра, Каримов ва Клинтон ўртасидаги сўзлашувда Ўзбекистон-АҚШ ҳамкорлигини кенгайтириш ва мустаҳкамлаш масалалари, томонларни қизиқтирган минтақавий ва халқаро аҳамиятга молик долзарб муаммолар муҳокама қилинган.
Ҳиллари Клинтон хоним Афғонистондаги халқаро кучларга зарурий таъминот юклари Ўзбекистон орқали олиб ўтилиши, шунингдек, Афғонистонни қайта тиклашда Ўзбекистон кўрсатаётган ёрдам учун Ислом Каримовга миннатдорлик билдирди.
Мулоқот чоғида инвостиция ва иқтисодий ҳамкорликка оида бошқа масалалар ҳам муҳокама қилинди.
Учрашувда Ўзбекистон Бош вазири ўринбосари, Ташқи ишлар вазири Элёр Ғаниев, АҚШ Давлат котибининг Жанубий ва Марказий Осиё бўйича ёрдамчиси Роберт Блейк ва бошқа расмийлар иштирок этдилар.
АҚШ Давлат котиби Ҳиллари Клинтон Ўзбекистонга сафари давомида 23 октябр куни АҚШ ва Ўзбекистон ўртасида тузилган “GM Uzbekistan қўшма” корхонаси учун замонавий ва экологик тоза автомобил двигателлари ишлаб чиқарадиган янги “GM Powertrain Uzbekistan” заводнинг тантанали равишда ишга туширилиши маросимида қатнашди.
Тадбирда иштирок этган "Эзгулик" жамияти вакили Абдураҳмон Ташановнинг Озодликка айтишича, Клинтон хоним инсон ҳуқуқлари ва демократия масаласи йўлга қўйилмаса, тараққиётга эришиш қийинлигини таъкидлаган.
АҚШ Давлат Котиби Ҳиллари Клинтон Яқин Шарқ ва Марказий Осиё минтақасига сафари доирасида Ливия, Афғонистон, Покистон ва Тожикистон пойтахтларида бўлиб, бу давлат раҳбарлари билан икки томонлама муносабатлар, тинчлик ва барқарорликни таъминлаш, наркотикларга қарши кураш, инсон ҳуқуқлари ва диний эркинликлар билан боғлиқ масаларни муҳокама қилди.
Клинтон хоним якшанба куни Тошкентдан Вашингтонга жўнаб кетади.
Қозоғистон қозоқ-ўзбек давлат чегарасидаги ўтказиш пунклари ҳақидаги протоколни ратификация қилди. Қозоғистон президенти Нурсултон Назарбоев “2001 йил 16 ноябрда қабул қилинган қозоқ-ўзбек давлат чегарасидан ўтказувчи пунктлар ҳақида Қозоғистон ҳукумати ва Ўзбекистон ҳукумати орасида келишув протоколи ратификацияси ҳақида” ги Қозоғистон Республикаси Қонунига имзо чекди. Қозоқ-ўзбек давлат чегарасидан ўтказувчи пунктлар ҳақида Қозоғистон ҳукумати ва Ўзбекистон ҳукумати орасида келишув протоколи 2006 йилнинг 4 сентябрида имзоланган эди. Протокол қозоқ-ўзбек давлат чегарасидан ўтказиш пунктлари иш тартиби, статуси ва рўйхатини белгилаб беради. Протоколни амалга ошириш, Қозоғистон Республикаси ва Ўзбекистон Республикаси орасида халқаро муносабатларнинг ривожланиши учун қулай шарт-шароитлар яратиб, қозоқ-ўзбек чегарасидан транспорт воситалари, юклар, товарлар ва жонзотлар олиб ўтилиши тартибини мукаммаллаштиради. Протокол иловасига мувофиқ, қозоқ-ўзбек чегарасида 12 ўтказиш пункти, жумладан – 2 темир йўл ва 10 автомобиль йўллари маҳаллий шароитлардан келиб чиққан ҳолда, йўлга қўйиладиган бўлди. (uzdaily.uz) Бу кўрилаётган тадбирлар Ўзбекистонни Божхона Иттифоқига жалб қилиш мақсадида бўлаётган ё бўлмаётганлиги ҳақида очиқ хабар берилмади.
Uzdaily.uz веб-сайти хабар қилишича, 'Алп Жамол банк'ни тугатиш комиссияси банкка тегишли "Версал" ресторани ва "Саёҳат" меҳмонхонасини кимошди савдоси орқали сотишга қарор қилган.
Ўзбекистон Давлат Мулки қўмитасининг кўчмас мулкка ихтисослашган идораси илк аукционни 7 декабрга белгилаган.
Мабодо ўша куни сотилмаса, декабр охирида, иккинчи марта ҳам сотилмаса, яқингача ҳам Тошкентдаги энг бадавлат одамларники деб кўрилган меҳмонхона ва ресторанни 2012 йил бошида савдога қўйиш режаланган.
2010 йил мартида Тошкентда овозали ҳибсга олишлар бўлган, "Узметроном" Интернет нашри бу ҳибсларни "Ўзбекистонда олигархларни синф сифатида тугатиш кампанияси" деб атаган.
"Кампания" Президент Ислом Каримовнинг 2009 йил 8 декабрида Тошкентда Ўзбекистон Конституцияси куни муносабати билан қилган расмий чиқиши ортидан бошлангани, ҳибсга олинган бой-бадавлат кишиларга тегишли уйлар ва корхоналар болалар боғчаси ёда санаторийларга айлантирилгани" ҳақида хабар қилган "Узметроном".
Ўшанда Ўзбекистоннинг Марказий банки "Алп Жамол банк"нинг банк фаолияти билан шуғулланишига изн берадиган лицензиясини қайтариб олган.
"Алп Жамол банк"нинг мамлакат банк қонунчилигини бузгани сабаб қилиб кўрсатилган.
Банк раҳбари Муҳиддин Асомиддиновнинг Ўзбекистондан қочиб кетишга мажбур бўлгани хабар қилинган.
Фаолияти тугатилган пайтда "Алп Жамол банк"нинг активи 118 миллиард Ўзбек сўми ёки қарийб 67 миллион АҚШ долларига тенг бўлгани, мижозлари сони 115 мингни ташкил этгани айтилган.
"Алп Жамол банк"нинг маблағлари Халқ банкига ўтказилган.
Шу йилнинг июн ойида эса Тошкентнинг Олмазор туман маҳкамаси банкнинг қолган барча мол-мулкини давлат фойдасига ўтказиш ҳақида ҳукм чиқарган.
2010 йил бошида муваффақиятли тадбиркорларга қарши бошланган таъқиблар Ўзбекистоннинг бизнес юритиш учун ишончсиз мамлакат деган мавқеини янада мустаҳкамлаган.
Тижорат доираларидаги умидсизлик руҳи жуда кучли" - деган ўз номини ошкор этишни истамаган бир сармоядор -"Маҳаллий бизнес ва банкларга қарши бошланган ҳужумлар вазиятни янада ёмонлаштиради. Хорижий сармоядорлар Ўзбекистонга келишмайди, ичкаридаги ишбилармонлар эса бор мулк ва маблағларини бошқа мамлакатларга кўчириш тадоригига тушадилар". BBC
Палма ёғидан Ўзбекистонда фойдаланиш 2 ноябр куни шаҳримиздаги Interkontinental меҳмонхонасининг конфренциялар залида “Палма ёғидан Ўзбекистонда фойдаланиш” мавзусидаги семинар бўлиб ўтди. Унда Малайзия Пальма ёғининг фойдали хусусиятлари, унинг ёрдамида ишлаб чиқарилаётган озиқ – овқат турлари, пальма ёғини етиштириш, жаҳон бозоридаги ўрни ва бошқа ёғ олиш мумкин бўлган маҳсулотлардан фарқлари борасида қатор фикрлар билдирилди.
Фаисал Иқбол, Марказий Осиё ва Покистонинг ҳудудий менежери:
— Пальма ёғи бугунги кунда жаҳон бозорининг энг сара маҳсулотларидан бирига айланмоқда. У бошқа ёғларга қараганда сифатли ва арзон. Қарийб 85 фоизидан озиқ – овқат ишлаб чиқаришда фойаланиладиган бу ёғнинг инсон организми учун фойдали жиҳатлари кўп. Бу семинарни ўтказишдан мақсад Ўзбекистон аҳолисига энг аввало пальма ёғи ҳақида тўлиқроқ маълумот бериш. Етиштирилидан тортиб, савдо расталари пештоқларида пайдо бўлгунигача босиб ўтадиган машаққатли йўли ҳақида батафсил тасаввур беришдир.
10 ноябр куни Норвегиядан қочқинлик мақомини сўраган Зарифа Юсупова икки нафар фарзанди билан Ўзбекистонга депортация қилинди.
Бу ҳақда Озодликка хабар берган Ўзбекистон-Норвегия маданий маркази фаоли Алишер Обидовнинг Зарифанинг яқинларига таяниб айтишича, Ўзбекистонга юборилган бу аёл Тошкентда хавфсизлик хизмати ходимлари томонидан номаълум томонга олиб кетилган.
- Бу оила Норвегияда қочқинлик сўраган эди. Музаффар Сафаров ва унинг хотини Зарифа Юсупова. Музаффар оғайнисининг уйига кетган эди меҳмонга. 8 ноябр куни эрталаб полиция келиб, хотини, икки боласини олиб ҳужжатсиз Киевга депорт қилиб юборган. Улар ҳужжатларсиз Тошкент аэропортига келган.
Озодлик: Киевдан улар ҳужжатсиз қандай чиқиб кетган?
- Мен ўзим ҳайронман шунга! Бу ерда уларга на ҳужжат, на кийимларни олишга рухсат берилмаган. Телефон қилишга ҳам рухсат бермасдан аэропортга олиб бориб чиқариб юборган. Булар оилавий, болалари Жумаева Муяссар ва Жумаев Фирдавс билан бу ерга келган. Бири 2002 йилда, иккинчиси 2000 йилда туғилган.
Озодлик: Улар нима учун Норвегияга келган?
- Улар Норвегияга бошпана сўраб келган, чунки хотинини 2009 йилда ҳижоб кийгани ва Ислом урф-одатларига риоя қилгани учун Ўзбекистон милицияси назоратга олган. Эри эса қурилиш билан шуғулланган Москвада масжидларга ёрдам берган. Шу сабабли уни устидан жиноий иш сохталаштирилган. Улар халқаро қидирувга берилганми-йўқми билмадиму , улар Норвегияга келиб бошпана сўраган. Оқибатда хотини иккита боласи билан Тошкент аэропортида 5 соат ушлаб турилган. Болалари қариндошларига бериб юборилган, хотинини эса транспортний прокуратура ва СНБ 10 соат ушлаб қанақадир пирожковозга ўткизиб номаълум жойга олиб кетилган.
Озодлик: Болалари ким билан ҳозир?
- Болалари қариндошлари биландир, аниқ билмадим. Эри билан алоқадаман, лекин эри ҳам қўрқиб Норвегрия полицияси олиб кетиб қолмасин, деб беркиниб юрибди.
- Бу ерда ҳеч нарса ўтказилгани йўқ. Ҳозирда Норвегияда қочқинларнинг иши ҳам кўрилмаяпти. Масалан, менинг шахсий ишим бўйича улар менинг ўзбеклигимга ишонишмаяпти. Бундай ҳолатлар Норвегия полицияси томонидан охирги пайтларда жуда кўп бўлмоқда, - дейди Ўзбекистон-Норвегия маданий маркази фаоли Алишер Обидов.
Президент тавсияси билан куйганёрликларнинг уйи бузилди
Андижон вилоятининг Куйганёр шаҳарчасида бузилган юзга яқин уй ўрнида намунали коттеж қуриладиган бўлди.
Бундан бир ой муқаддам Андижон вилоятига сафар қилган президент Ислом Каримов тавсияси билан Андижон туманининг Куйганёр шаҳарчасида аҳолига тегишли 100 га яқин уй бузилмоқда.
Ўзбекистоннинг 7 вилоятида пахта билан боғлиқ вазиятни видеокамера билан кузатган ҳуқуқ фаоллари мамлакатда болалар меҳнати билан боғлиқ вазият ўзгармаганлигини кўришди. Терамиз пахта¸ Ëтамиз захда. Қорнимиз оч¸ Домлалар дер: "Пахтани тер". Қорайиб юравер¸ Пахтазор Африка.
Бу қўшиқни 2011 йили ўқиш ўрнига пахтага юборилган ўқувчилар куйлашди.
Бу ўқувчилар ва уларнинг ота-оналари бу йил пахтага борилмайди, деб умид қилишган эди.
Аммо Ўзбекистоннинг 7 вилоятидаги пахта билан боғлиқ вазиятни видеокамера билан кузатган инсон ҳуқуқлари фаоллари болалар меҳнати билан боғлиқ вазият ўзгармаганлигини кўришди.
2011 йилнинг сентябри.
Бу ўқув йилида ҳам ўзбекистондаги минглаб талаба ва ўқувчилар пахтага юборилди. Болалар ўқиш ўрнига Ўзбекистон ҳукумати учун пахта теришди.
Видеокамерага мунгли қараб турган бу боланинг исми Отабек. У 10 ëшда. У бу йил мактабга чиқмади. Отабек ўзи каби минглаб болалар қатори ўқиш ўрнига пахта терди.
Тасвирга олиш мосламалари билан қуролланган кузатувчилар 2011 йилги пахта мавсумининг ўтган йиллардан фарқи йўқлигини кўришди.
Мактаб¸ коллеж ва лицейлар ҳукуматнинг оғзаки буйруғи билан ëпилиб¸ болалар пахта далаларига ҳайдалди.
Аввалига билим юртлари талабалари, икки ҳафта ўтиб эса мактаб болалари этак тақиб, далага чиқишди.
Бу болалар "нормани бажараман" деб, кунига 8-9 соат пахта теришди. Норма эса ëшига қараб кунига 30 килодан 70 килогача. Уларнинг терган пахтаси учун килосига 3-4 цент пул тўланди.
Ўзбекистон 2008 йилда мажбурий болалар меҳнатиини чекловчи конвенцияга қўшилган бўлса-да, вазият 2011 йил ҳам ўзгармагани кузатилди.
Ўзбекистан аввалгидай барча мактабларни ëпиб, болаларни пахтага чиқарадиган дунëдаги ягона давлат сифатида кўрилмоқда.
Бу ҳолат Ўзбекистонда пахта теришга лойиқ катталар ва механизация йўқлиги билан эмас¸ балки ҳукуматнинг пахтадан келаëтган ва ҳеч ким назорат қилмайдиган улкан фойдани тезроқ қўлга киритиш истаги билан изоҳланади.
Ирода Исмоилова: — Рости, шу пайтгача ички дунёимга мос йигит учрамаётгани учун турмушга чиқишни ортга сураётгандим. Апрел ойидаги тасодифий учрашув эса ҳаётимни бутунлай ўзгартириб юборди. Самимий кулгиси билан эътиборимни қозонган турмуш ўртоғим Муроджон Эшмуҳамедов (Телефон компаниясида мутахассис) билан бир-биримизни сўзсиз тушунамиз. У киши ижодимни ҳурмат қилади. Демакки, ҳам оилани, ҳам санъатни бирдек уддалашга астойдил ҳаракат қиламан. Тўйим бўлганидан мухлислар бехабар қолганининг боиси эса буни оммага эълон қилишни ўзимга эп кўрмадим.
Амнистия хақидаги қарор эълон қилинди! O‘zbekiston Respublikasi konstitutsiyasi qabul qilinganligining o‘n to‘qqiz yilligi munosabati bilan amnistiya to‘g‘risida
O‘zbekiston Respublikasi Oliy Majlisi Senatining Qarori
O‘zbekiston Respublikasi Konstitutsiyasi qabul qilinganligining o‘n to‘qqiz yilligi munosabati bilan O‘zbekiston Respublikasi Prezidentining taqdimnomasiga muvofiq, insonparvarlik tamoyiliga amal qilib, O‘zbekiston Respublikasi Konstitutsiyasining 80-moddasi 10-bandiga va 93-moddasi 23-bandiga asosan O‘zbekiston Respublikasi Oliy Majlisining Senati qaror qiladi:
1. Quyidagi mahkumlar jazodan ozod qilinsin (ushbu Qarorning 8-bandida ko‘rsatilgan cheklashlarni hisobga olgan holda):
a) ayollar;
b) jinoyat sodir etgan vaqtda 18 yoshga to‘lmagan shaxslar;
v) 60 yoshdan oshgan erkaklar;
g) chet davlat fuqarolari.
2. Ehtiyotsizlik orqasida jinoyat sodir etgan shaxslar, shuningdek ijtimoiy xavfi katta bo‘lmagan yoki uncha og‘ir bo‘lmagan jinoyat sodir etganligi uchun birinchi marta hukm qilingan shaxslar jazodan ozod qilinsin.
3. Birinchi va ikkinchi guruh nogironlari, shuningdek ushbu Qaror kuchga kirgunga qadar bir yildan oshmagan muddat ichida qonunda belgilangan tartibda jazoni o‘tashga to‘sqinlik qiladigan og‘ir kasallikka chalingan deb topilgan shaxslar (javobgarlikni og‘irlashtiradigan holatlarda qasddan odam o‘ldirish jinoyatini sodir etganlar bundan mustasno) jazodan ozod qilinsin.
4. Ozodlikdan mahrum qilish jazosiga hukm qilinib, o‘talmay qolgan jazo muddati ikki yildan ko‘p bo‘lmagan, hukmi ushbu Qaror e’lon qilingan kunga qadar qonuniy kuchga kirgan mahkumlar (javobgarlikni og‘irlashtiradigan holatlarda qasddan odam o‘ldirish jinoyatini sodir etganlar bundan mustasno) jazodan ozod qilinsin.
5. Taqiqlangan tashkilotlar faoliyatidagi ishtiroki, ular tarkibida tinchlik va xavfsizlikka qarshi yoki jamoat xavfsizligiga qarshi jinoyatlar sodir etganligi uchun birinchi marta ozodlikdan mahrum qilishga hukm etilib, tuzalish yo‘liga qat’iy o‘tgan shaxslar jazodan ozod qilinsin.
6. Ozodlikdan mahrum qilish jazosiga hukm qilinib, ushbu Qaror e’lon qilingan kunga o‘talmay qolgan jazo muddati uch yildan kam bo‘lgan shaxslar manzil-koloniyaga o‘tkazilsin.
7. Ushbu Qarorning 1 va 2-bandlarida qayd etilgan shaxslar tomonidan sodir etilgan jinoyatlar to‘g‘risidagi barcha ishlar tugatilsin.
8. Tatbiq etilmasin:
a) ushbu Qarorning amal qilishi – uzoq muddatga yoki umrbod ozodlikdan mahrum qilish jazosiga hukm qilingan; o‘ta xavfli retsidivist deb topilgan; jinoiy uyushma tarkibida jinoyat sodir etgan; jazoni o‘tash tartibini muntazam ravishda buzayotgan shaxslarga; shuningdek o‘lim jazosi afv etish tartibida ozodlikdan mahrum qilish jazosiga almashtirilgan shaxslarga;
b) ushbu Qaror 1-bandining amal qilishi – o‘ta og‘ir jinoyat sodir etgan shaxslarga;
v) ushbu Qaror 1-4, 6 va 7-bandlarining amal qilishi – taqiqlangan tashkilotlar faoliyatidagi ishtiroki, ular tarkibida tinchlik va xavfsizlikka qarshi yoki jamoat xavfsizligiga qarshi jinoyatlar sodir etganligi uchun sudlangan shaxslarga;
g) ushbu Qaror 4-6-bandlarining amal qilishi – muqaddam amnistiya bo‘yicha jazodan ozod bo‘lgan va yana qasddan jinoyat sodir etgan shaxslarga.
9. Senatning tegishli qo‘mita va komissiyalari ushbu amnistiya akti qo‘llanilishi tartib-taomillarida jamoatchilik nazorati va ochiq-oshkoralik amalga oshirilishida deputatlar korpusining bevosita ishtirokini ta’minlasin.
10. Ushbu Qaror amalga oshirilishi yuzasidan mas’ullik O‘zbekiston Respublikasi Vazirlar Mahkamasi zimmasiga yuklatilsin.
11. Ushbu Qaror e’lon qilingan kundan e’tiboran kuchga kiradi va uch oy mobaynida ijro etilishi lozim.
O‘zbekiston Respublikasi Oliy Majlisi Senatining Raisi I.Sobirov
Шу билан миллий авиакомпаниямизнинг паркидаги А320 русумидаги самолётлар сони ўнтага етди. «Ўзбекистон ҳаво йўллари» 2007 йилда Airbus корсорциуми билан олтита ўрта масофага учувчи А320 самолётларини етказиб бериш бўйича шартнома имзолаган эди. 2008 йилда эса яна битта шартнома тузилиб, буюртма қилинган лайнерлар сони ўнтага етказилди. Улардан биринчиси ўтган йилнинг июлида Тошкентга келиб қўнган эди. А320 самолётларидан ҳам маҳаллий, ҳам халқаро йўналишларда фойдаланилади. Маълумотларга кўра, 2016 йилга қадар «Ўзбекистон ҳаво йўллари» тўртта Boeing-767-300ER (2012-2013 йилларда етказиб берилади) ва иккита Boeing-787 Dreamliner (2014-2016) сотиб олади.
Йил бошидан буён Ўзбекистондан 550 минг тонна мева ҳамда сабзавотлар экспорт қилинди, дея хабар беради Олам.уз. Мутахассисларнинг таъкидлашича, авваллари юртимизда етиштирилган бундай маҳсулотлар асосан Россия ва Қозоғистонга юкспорт қилинган бўлса, эндиликда уларни кўпгина Европа ва Осиё давлатларида ҳам харид қилиш мумкин. Масалан, Германиядаги Marap Handels GmbH савдо тармоғи экологик жиҳатдан тоза бўлгани учун айнан Ўзбекистонда етиштирилган меваларни импорт қилмоқда. Жорий йилда Норвегия, Польша, Афғонистон, Бельгия, Эрон, Тайланд, Туркманистон ва Беларусь ҳисобига экспорт жуғрофияси янада кенгайди. Ёзда Сурхондарёнинг машҳур анорлари илк маротаба Жанубий Кореяга юборилди. – Ўзбекистонда йилига 8 миллион тоннадан ортиқ мева-сабзавот етишитирилади, шунинг 20 фоизини хориж давлатларига уримаган ҳолатда етказиб берса бўлади, – дейди Қозоғистонда жойлашган «Каражал» мустақил марктинг агентлиги эксперти Руслан Махсаталиев. – Биз ўтказган тадқиқотдан маълум бўлдики, Қозоғистондаги савдо-воситачи компанияларнинг 80 фоизи айнан Ўзбекистонда етиштирилган мева-сабзавотларни афзал кўради. Чунки бу маҳсулотлар сифати билан ажралиб туради, қолаверса, Ўзбекистон бизнинг қўшнимиз.
ЗАМОНАВИЙ КОМПЬЮТЕРЛАР БОЛАЛАРГА ҚУВОНЧ УЛАШДИ Ўзбекистон – ҳаммамизники. Унда яшаётган фуқаролар миллати, келиб чиқишидан қатъи назар, ватандошларимиздир. Тошкент вилоятининг Юқори Чирчиқ туманида жойлашган «Йик ота» қишлоқ фуқаролари йиғинида асосан корейс миллатига мансуб ҳамюртларимиз истиқомат қилишади. 15 декабр куни Йик отадаги кореялик юртдошларимиз учун ҳақиқий байрам бўлди.
Йик отада жойлашган таълим маркази қошида «Ахборот технологиялари маркази» ташкил этилгани маҳаллий аҳоли, айниқса, болалар учун ажойиб совға бўлди. Энди улар марказда инглиз, ўзбек тили, математика курсларини ўрганиш билан бир қаторда компьютер, интернет сабоқларини ҳам олишлари мумкин. Бундан ўн йил аввал маҳалла қариялари учун дам олиш маскани сифатида ташкил этилган бино кейинчалик болаларнинг мактабдан ташқари таълим олишлари учун ҳам фаолият кўрсата бошлади. Бугунги кунда ушбу таълим марказида Йик отада истиқомат қилувчи ўттиздан ошиқ болалар ўзлари қизиққан йўналишларда таҳсил олиб келмоқдалар.
Ахборот технологиялари марказининг ташкил этилишида ташаббус кўрсатган ва марказ учун ўнта замонавий компьютерларни тақдим этган “Самсунг” компанияси вакиллари очилиш маросими муносабати билан куй-қўшиқлар ҳамроҳлигида байрам дастурхонини тузадилар. Корейс миллий қўшиқлари, ёши улуғ момолар эгнидаги миллий либослар маҳаллий аҳолига бир муддат тарахий ватанларини эслатган, юракларига таскин, қувонч улашган бўлса, ажаб эмас.
Маълумот. «Samsung Electronics Co. LTD» ўримўтказгичлар, телекоммуникация жиҳозлари ва рақамли конвергенция соҳасида етакчи ҳисобланади. «Samsung Electronics»нинг 68 мамлакатда жойлашган 206 та офисида 190 500 киши меҳнат қилади. «Samsung Electronics» компанияси рақамли телевизорлар, хотира карталари, мобиль телефонлар ва TFT-LCD мониторлар ишлаб чиқариш бўйича дунёда энг тез ривожланаётган брендлардан биридир. 7x7
ҲИНДИСТОН ҚУРОЛ-ЯРОҒ ИМПОРТИДА БИРИНЧИ Дунё қурол савдоси таҳлили маркази (ДҚСТМ, Россия) тарқатган хабарга кўра, Ҳиндистон 2011 йилда ҳам қурол-яроғ импорти бўйича етакчиликни қўлдан бермади. Дастлабки ҳисоб-китобларга кўра, Ҳиндистон қурол-яроғ ва ҳарбий техника импорти учун 6,61 миллиард доллар сарфлади. Маълумотларга қараганда, мазкур давлат бу борада 2006 йилдан бери етакчи бўлиб келмоқда. Дунё бўйича эса қурол импорти ҳажми 70,2 миллиард долларга етди, бу «совуқ уруш» давридан бери қайд этилган энг юқори кўрсаткичдир. Шунингдек, жорий йилда БАА 6,14 миллиард долларлик, Австралия эса 5,23 миллиар долларлик қурол сотиб олган. ДҚСТМ фикрича, етакчи қурол-яроғ импортчилари орасида Саудия Арабистони, Жанубий Корея, Ироқ, Венесуэла, Туркия ва Покистан ҳам бор.
Абдулазиз Комилов ташқи ишлар вазири этиб тайинландиХабарларга кўра, кўп йиллар бу лавозимни эгаллаб келган Абдулазиз Комилов яна ўз жойига қайтарилган. Бундан аввал Элёр Ғаниевнинг Ўзбекистон Ташқи иқтисодий алоқалар, инвестициялар ва савдо вазирлигига қайтарилганини ташқи ишлар вазирлигидаги манба Озодликка тасдиқлаган эди.
Абдулазиз Комиловнинг 13 январ куни ташқи ишлар вазири лавозимига тайинланганини Uzemtronom нашри хабар қилди.
2010 йилда ташқи ишлар вазири ўринбосари лавозимига тайинлангунига қадар эса, 6 йил давомида Ўзбекистоннинг АҚШдаги элчиси бўлиб ишлган.
Унинг тайинлангани ҳақидаги хабарни Озодлик мустақил манбадан тасдиқлаганича йўқ.
Абдулазиз Комилов АҚШ ва Ғарб давлатлари билан муносабатларда тажрибали дипломат ҳисобланади ва унинг тайинлангани ҳақидаги хабар рост бўлса, бу Ўзбекистон ўз ташқи сиёсати векторини Ғарб томон бургани аломати сифатида баҳоланиши мумкин.
Мустақил Ўзбекистон тарихида ташқи ишлар вазири лавозимида энг узоқ ишлаган дипломат Абдулазиз Комилов ўз дипломатик фаолиятини собиқ иттифоқ даврида бошлаган.
1970 йиллардан мустақилликкача собиқ СССР Ташқи ишлар вазирлиги ходими бўлган.
Мустақилликдан кейин қисқа вақт давомида 1992-1994 йилларда Ўзбекистон Миллий хавфсизлик хизмати раиси ўринбосари лавозимида ишлаган.
Расмий матбуотда вазирлар алмашинувига оид президент фармони ҳам эълон қилинмаган.
писта, ҳар хил ёнғоқ, қурут савдосига чек қўйилади
Куни кеча Республика эпидемияга қарши фавқулодда комиссиясининг йиғилиб бўлиб ўтди, унда шаҳар кўчаларида озиқ-овқат маҳсулотларини, хусусан писта, пирожки, қурт ва бошқаларни пала-партиш сотиш мавзуси муҳокама қилинди.
Йиғилишда бундай сотувчилар хизматидан фойдаланаётган харидорлар маҳсулот билан бирга ўз саломатлиги учун хавфли микроб ва вирусларни ҳам сотиб олаётгани ҳақида, афсуски, доим ҳам ўйлайвермаслиги қайд этилди. Қуруқ ерга тахланган ва чанг босган писта, шўрданак, қурут қандай шароитда тайёрланган ва сақланган? Очиқ сигарета қутисига қанча ювилмаган қўллар теккан? Ҳаммага битта стаканда қуйиб берилаётган яхна ичимлик таркибида нималар бор? Ҳамма ҳам бу ҳақда ўйлаб ўтирмайди. Бироқ кўпчилик шифокор қабулига борганида, юқумли инфекция менга қаердан ёпишди, деб ҳайрон бўлади.
Бундан ташқари, ушбу маҳсулотлар санитария талабларига мутлақо жавоб бермайдиган шароитда сотилади. Мазкур иш билан шуғулланадиган кимсаларда эса истеъмол маҳсулотларини тайёрлаш, сақлаш ва сотиш ҳуқуқини берадиган на тиббиёт дафтарчаси, на лицензия, на маҳсулотнинг сифати ва хавфсизлигини тасдиқлайдиган сертификат бўлади.
Доналаб сотиладиган сигареталар орқали ҳам микроблар юқиши мумкин. Уларнинг ноқонуний савдоси 2011 йил 5 октябрда қабул қилинган Ўзбекистон Республикасининг "Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида”ги қонуни билан тақиқланган. Мазкур қонун жорий йилнинг апрелидан кучга киради.
Ўтган йилнинг декабр ойида Тошкент шаҳрида бундай пала-партиш, тартибсиз савдо нуқталарида сотилаётган маҳсулотлар санитар текширувидан ўтказилди.Пойтахтимизнинг турли ҳудудларидан 50 маҳсулот намунаси олинди. Лаборатория таҳлиллари шуни кўрсатдики, уларнинг деярли барчаси саломатлик учун хавфли экан. Ушбу маҳсулотлар таркибида ҳар хил микроблардан ташқари, моғорли замбуруғлар, кадмий, қўрғошин ва инсон ҳаёти учун ўта зарарли бошқа моддалар борлиги ҳам аниқланди.
Ушбу соҳада тартиб ўрнатиш учун маҳаллий ҳокимият, ҳуқуқни ҳимоя қилиш органлари, солиқ хизмати, Соғлиқни сақлаш вазирлиги, Қишлоқ ва сув хўжалиги вазирлиги бўлинмалари, "Ўзстандарт” агентлиги, турли давлат ва жамоат ташкилотлари, оммавий ахборот воситалари саъй-ҳаракатларини бирлаштириш зарур.
Бу йўналишдаги амалий ишларга киришилди. Жумладан, ноқонуний савдо қилиш ҳолатларини аниқлаш ва бартараф этиш бўйича қўшма рейдлар ўтказилмоқда. Чакана савдодаги писта ва бошқа маҳсулотларни йиғиш, сақлаш ва ишлаб чиқариш билан шуғулланадиган корхоналарнинг техник ва санитария талабларга риоя қилиши текширилмоқда. Маҳалла, таълим муассасаларида тушунтириш ишлари, оммавий ахборот воситалари орқали эпидемиологлар, шифокорлар ва бошқа мутахассисларнинг чиқишлари ташкил этилмоқда, дея хабар беради УзА агентлиги.
Бу писта, ҳар хил ёнғоқ, қурут каби маҳсулотлар бутунлай истеъмолдан чиқиб кетади, дегани эмас, албатта. Бу ўринда гап санитария ва гигиена қоидаларига риоя қилиш лозимлиги ҳақида кетмоқда. Вазиятдан чиқишнинг йўли – ана шу маҳсулотларни тегишли тартиб ва қоидаларга риоя қилган ҳолда тайёрлаш ва сотишни йўлга қўйишдадир. Мамлакатимизда кичик бизнес ва хусусий тадбиркорликни ривожлантириш учун барча шарт-шароит яратилгани бунга етарлича имкон беради.
Ўзбекистонда буюк мутафаккир шоир Алишер Навоий таваллудининг 571 йиллиги кенг нишонланмоқда. Шу муносабат билан шоирнинг 10 жилдлик тўла асарлар тўпламининг замонавий матбаа талаблари асосида нашр қилиниши халқимизга муносиб совға бўлди.
Алишер Навоий номидаги Ўзбекистон Миллий кутубхонасида улуғ шоир асарларининг янги 10 жилдлик нашрига бағишланган тақдимотда навоийшунос олимлар, адабиётшунослар, ёзувчи ва шоирлар, ўқитувчилар ва талабалар иштирок этди.
Айтиш жоизки, бундан олдин Алишер Навоийнинг асарлари 3, 15 ва 20 томлик шаклда нашр этилган эди. Янги тўпламда эса аввалги нашрлардаги камчиликлар бартараф этилган, сўз ва ибораларга шарҳлар берилган. Тўпламда ҳар бир ғазалнинг алоҳида саҳифада берилиши, “Алишер Навоий асарлари луғати”нинг илова қилиниши ўқувчиларга катта қулайлик яратади. Шунингдек, Миллий кутубхонада улуғ шоирнинг 20 жилдлик мукаммал асарлар тўпламининг электрон шакли ҳам яратилган.
Айни кунларда буюк шоир ва мутафаккир Алишер Навоий таваллудининг 571 йиллиги муносабати билан турли маънавий-маърифий учрашувлар, навоийхонлик кечалари ўтказилмоқда.
Хусусан, “Камолот” ёшлар ижтимоий ҳаракати Тошкент вилояти кенгаши томонидан Зангиота туманидаги маиший хизмат ва тадбиркорлик касб-ҳунар коллежида ташкил этилган ана шундай тадбирда тарихчи ва адабиётшунос олимлар, мактаб ва касб-ҳунар коллежларининг ўқитувчи ва ўқувчилари иштирок этди. Тадбирда Алишер Навоий ғазалларидан намуналар ўқилди, асарлари асосида саҳна кўринишлари намойиш этилди.
Тошкент архитектура-қурилиш институтида ҳам “Навоий ва замон” мавзуида адабий-бадиий кеча ўтказилди. Ўзбекистон Фанлар академиясининг Алишер Навоий номидаги Тил ва адабиёт институти билан ҳамкорликда ташкил этилган ушбу тадбирда олимлар, шоир ва ёзувчилар, профессор-ўқитувчилар, ёш тадқиқотчилар, талабалар иштирок этди.
Шунингдек Навоий таваллудига бағишланган маънавий-маърифий учрашувлар, навоийхонлик кечалари мамлакат вилоятларида ҳам ўтказилмоқда
8 февраль куни “Боинг” компанияси “Ўзбекистон ҳаво йўллари” авиакомпаниясига янги Boeing 767-300ER фуқаролик самолётини (учиш узоқлиги оширилган) етказиб берди. Ушбу сана авиакомпаниянинг 20 йиллик юбилейига тўғри келди.
Бу 2008 йили авиакомпания буюртма қилган тўртта Boeing 767-300ER самолётининг биринчисидир. Шунингдек “Ўзбекистон ҳаво йўллари” яна иккита Boeing 787-8 Dreamliner самолётининг етказиб берилишини ҳам кутмоқда.
Ҳар куни эрталаб соат 7:15 да Андижон шаҳрининг турли бурчакларидан бир пайтнинг ўзида “Болалар” деб ёзилган № 1 рақамли йўналиш автобуслари йўлга чиқади. Улар 45 дақиқа ичида охирги бекатга етиб келади. Худди шундай рейс соат 12:15 ҳам амалга оширилади.
2011 йилда Ўзбекистон ташқи савдо айланмаси 2010 йил билан солиштирганда 15%га ўсиб, 25.537 млрд. АҚШ долларини ташкил қилди.
Расмий маълумотларга кўра, мамлакатимиз экспорт салоҳияти 2011 йилда 15,4% га ошиб, 15.027 млрд. долларга етган. Ўз навбатида импорт қилинадиган маҳсулотлар хажми ҳам 14,5%га ўсиб 10.51 млрд, долларни ташкил қилган. Ташқи савдонинг ижобий салдоси 4.517 млрд. долларни кўрсатди. Бу 2010 йил билан солиштирганда 272.6 млн. долларга ошиқ деганидир.
"Билайн" ва "МТС" компаниялари яқинда “1” рақами билан бошланадиган баъзи телефон рақамларини алмаштирадиган бўлди.
Жумладан, “Билайн” компаниясининг 105, 106 ва 108 билан бошланадиган абонент рақамлари ҳудди шундай тартибда 805, 806, ва 808 рақамларига ўтказилади. Шунингдек, “МТС” компаниясининг 100, 101, 102, 103, 104, 107 билан бошланадиган Тошкент шаҳар абонентларининг телефон рақами шу тартибда 800, 801, 802, 803, 804, ва 807 рақамлари билан алмаштирилади. Мазкур ўзгартишлар мамлакатимизда ҳалқаро алоқа кодининг ўзгартирилиши билан боғлиқ.
"Ўзбектелеком" компаниясининг маълумотларига кўра, Ўзбекистонда шаҳарлараро ва давлатлараро телефон сўзлашувлари учун “0” ва “00” халқаро кодлари қабул қилинмоқда. Яқин кунларда Тошкент шаҳрида ва босқичма-босқич бошқа шаҳарларда ҳам шаҳарлараро ва давлатлараро телефон сўзлашувлари “0” ва “00” кодлари орқали амалга оширилади. Шунинг учун, 100 дан 109 гача бўлган перефикс рақамлар бўшатилмоқда. Чунки бундан буён "01", "02", "03", "04", "09" ва бошқа тезкор хизматлар уяли алоқа абонентларидан бўшаган "101", "102" каби рақамларга ўтказилади.
Yaponiyaning Xalqaro hamkorlik agentligi (JICA) Qarshi-Termiz temir yo‘l uchastkasini elektrlashtirish loyihasi uchun 18 milliard 76 million yyen, taxminan 225 million AQSh dollari miqdorida qarz ajratdi.
UzDaily.uz Internet nashri xabariga ko‘ra, O‘zbekiston hukumati va JICA rasmiylari shartnomani 27 fevral kuni Toshkentda imzolagan.
Loyihadan maqsad Qarshi-Termiz temir yo‘l uchastkasida tashish imkoniyatini oshirishdan iborat.
Qarshi-Termiz uchastkasi Yaponiyaning moliyaviy ko‘magida qurilgan Toshguzar-Qumqo‘rg‘on yangi temir yo‘l liniyasini ham o‘z ichiga oladi.
Mazkur liniya qurilishi uchun Yaponiya 2004 yilda O‘zbekistonga taxminan 150 million AQSh dollari miqdorida mablag‘ ajratgan.
Наврўз арафасида Тошкентга 2 та янги чех трамвайи келади 21 мартга яқин Тошкентга Чехиянинг "Pragoimex a.s." компаниясида ишлаб чиқарилган иккита янги "Vario LF" туридаги трамвай келади. Чехия компанияси билан шартнома доирасида пойтахт учун 20 та шундай вагон сотиб олиниши режалаштирилган. Трамвайларнинг умумий қиймати $19,8 млн.ни ташкил этади. Тошкент трамвай хўжалигини янгилаш учун маблағларни Ўзбекистон Тикланиш ва тараққийт жамғармаси тақдим этмоқда. Бундан олдин "Pragoimex a.s." компанияси Тошкентга "Vario LF" маркасидаги иккита трамвайни етказиб берган эди, улар август ойи охиридан бошлаб 9 ва 13 йўналишлар бўйича қатнамоқда, дея хабар беради "Podrobno.uz" ЯА.
Экспертларининг фикрича, Чехия трамвайлари Европа андозаларига тўлиқ жавоб беради, улар замонавий дизайн ва юқори сифатга эга бўлиб, замонавий электрон бошқарув билан жиҳозланган, бу электр-энергиясини 30-40% гача тежаш имконини беради. Бунинг устига улар ҳар қандай об-ҳаво шароитида – 40 даражагача совуқ ва 70 даражагача иссиқда, кучланиш 400 дан 900 вольтгача кўтарилиб тушганида ҳам ишлаши мумкин.
Қайд этиб ўтамиз, шу йил бошида "Pragoimex a.s." компанияси Тошкентда ўзининг ваколатхонасини очди. Милан Томеш унинг раҳбари этиб тайинланди.
Har tumanda 50 ta oilaga bittadan qoramol beriladi Joriy yilda mamlakatdagi 12 ta viloyatning har bir tumaniga 50 tadan qoramol ajratiladi.
"Mustahkam oila yili"da qabul qilingan davlat dasturiga ko‘ra, bu qoramollar qishloqlarda yashovchi yosh oilalarga bepul beriladi.
Soliq.uz sayti ma‘lumotiga ko‘ra, shuningdek, ushbu dasturga ko‘ra, har bir tumanda 200 tadan yosh oila 20 tadan tovuqni bepul olish imkoniga ega bo‘ladi.
Ўзбекистон вакиласи илк бор “Дунё гўзали” танловида қатнашади “Дунё гўзали 2012” номига номзодлар аниқланди, бу ҳақда танловнинг расмий сайтида маълум қилинади.
Олдинига 120 та мамлакатлар қизлар қатнашиши режалаштирилганди, аммо кейинроқ Норвегия танловда қатнашишдан бош тортди.
Айтиш жоизки, дунёнинг энг гўзал қизи номи учун Ўзбекистон вакиласи, шунингдек Руанда, Жанубий Судан ва Экваториал Гвинея вакилалари ҳам кураш олиб боради.
Афсуски, расмий сайтда ҳозирча ўзбекистонлик вакиланинг фотосурати жойлаштирилмаган. Биз воқеалар ривожини кузатиб борамиз ва янги маълумотлар пайдо бўлиши биланоқ, уларни Порталимиз саҳифасига жойлаштирамиз.
Қайд этиб ўтамиз, “Дунё гўзали” 62-танлови 2012 йилнинг 18 августида Ордос, Ички Монголияда (Хитой) бўлиб ўтади. Танлов якунланганидан кейин унинг ҳозирги ғолибаси венесуэлалик Ивиан Саркос янги “Дунё гўзали”га тож кийдиради
