|
Foydali maslahatlar
|
|
| OSIYO | Дата: Yakshanba, 27-Noya-2011, 03:02 | Сообщение # 61 |
 Peshqadam
Группа: Ishonchli
Сообщений: 7142
Статус:  | 
Баъзи шарбатлар бош оғриққа қарши даводир:
Бошингиз сурункали равишда оғриса, картошка шарбатини кунига чорак стакандан икки маҳал ичишни одат қилинг.
Қора қорағат(смородина) қаттиқ бош оғриғини ҳам кесади. Мунтазам равишда қорағат мураббоси истеъмол қилиб туринг.
Бодринг, сельдерей, сабзи ва лавлаги шарбатларини тенг миқдорда аралаштиринг. Кунига икки марта ярим стакандан овқатдан 1 соат кейин ёки бош оғриғи безовта қилганда ичинг. Муолажани 10 кун давом эттиринг ва ҳар 3 ойда такрорланг. Шарбатларни музлаткичда алоҳида идиўларда сақланг ва ичишдан олдин аралаштиринг.
Хантал бош оғриғига қарши жуда яхши восита:
Бир сиқим хантални илиқ(50 даража иситилган) сувга солиб, бўтқа қилинг. Бўтқани илиқроқ сувда(38-39 даража илиқликда) аралаштириб, бу сувгв қўл ёки оёқларингизни қизара бошлагунча тиқиб ўтиринг. Сўнгра чайиб ташланг.
Шунингдек, ваннага сув тўлдириб, унга бироз хантал солиб ўтириш ҳам мумкин.Бу муолажанинг натижаси аввалгисидан кучсизроқ бўлса-да, аммо фойдаси бор.Фақат сувда 5-10 дақиқадан кўп ўтирманг, кўкрак қафасингиз сувдан ташқарида бўлсин ва албатта тоза илиқ сувда чайишни ҳам унутманг. Ханталли ванна қўл ва оёқларда қон юришини яхшилайди. Бу эса миянинг қон томирлари учун фойдали.
Агар қуруқ хантал бўлмаса, унинг уруғини ишлатинг. 1 чой қошиқдан хантал уруғи, мармарак(шалфей) баргига ярим литр қайнаган сув солиб, ярим соатга дамлаб қўйинг. Сўнгра сувини сузиб олиб, илиқ сувга қўшиб, қўл-оёғингизни ванна қилишингиз мумкин.
Бош оғриғини хантал ёғи ҳам тузатади.Бунинг учун ярим литрли шиша идишнинг ярмигача сув солиб, 10 томчи хантал ёғи қўшинг. Сўнгра шиша идишни маҳкамлаб, яхшилаб чайқанг. Бу аралашма солинган ванна бош оғриғини бирпасда қолдиради.
Бош оғриғининг босилишига турли гиёҳлар ҳам яхши ёрдам беради:
Мойчечакли чой – овқат ҳазм бўлмаганда, сафро тиқилганда ҳосил бўлувчи бош оғриқларда яхши ёрдам беради. Агар бошингиз нима сабадан оғриётганини билмасангиз, оғриққа аҳамият беринг. Бош лўққиллаб оғриётган бўлса, тезда мойчечакли чой дамлаб ичинг.
Ялпизли чой – енгил оғриқ қолдирувчи кучга эга. Бундан ташқари, яна кўпгина фойдали хусусиятлари бор. Шамоллаш ва тумовдаги бош оғриқ, овқат ҳазм бўлмаслиги оқибатидаги бош оғриқ – буларнинг ҳар бирида ялпизли чой ёрдам беради.Сиқилиш оқибатидаги бош оғриққа ҳам ялпизли чой фойдали.
Жўка(липа) чойи – чарчоқ туфайли бош оғриса, жўкали чой тинчлантиради ва асаб тизимига яхши кўрсатади. У кишининг руҳий ҳолатини ҳам яхшилайди.Жўкали чойга бироз ялпиз қўшилса, таъсири янада фаоллашади.
|
| |
| |
| OSIYO | Дата: Yakshanba, 27-Noya-2011, 03:44 | Сообщение # 62 |
|
Peshqadam
Группа: Ishonchli
Сообщений: 7142
Статус: | Қайси ҳолларда ҳинно сизга тўғри келмайди:
1. Сизнинг сочингиз яқинда химиявий модда билан бўялган ёки рангсизлантирилган бўлса. Ўсимлик асосидаги бўёқлар химиявий бўёқлар билан мувофиқ келмайди. Бу ҳолда натижа умуман кутилмаган бўлиши мумкин. Сочингиз ҳар қандай рангга – апельсин рангидан тортиб яшил ранггача – кириб колиши мумкин.
2. Агар сочингиз химиявий жингалакланган (кокилланган, завивка) бўлса. Бунга ҳам юкоридаги омиллар сабаб бўлади. Ҳинно билан бўялгандан сўнг ҳам химиявий жингалаклаш мумкин эмас.
3. Агар сочингиз табиатан ёрқин рангли бўлса. Албатта, агар сиз сочингизни малла рангга киришини ҳохласангиз, бу бошқа гап.
4. Агар сиз сочингиз рангини тез-тез ўзгартиришга кўникиб қолган бўлсангиз. Ҳинно билан бўягандан кейин сиз узоқ муддат химиявий жингалаклай олмайсиз, химиявий бўёқлар қўллай олмайсиз, сочингизни рангсизлантира олмайсиз.
5. Агар сочингизни 40 % дан кўп қисми оқарган бўлса (бу ҳолда соч сабзи рангига кириб қолиши мумкин).
Сизга зарур бўладиган нарсалар: 1 тадан 3 тагача пакетчадаги ҳинно (сочингизнинг узунлигига боғлиқ), эски сочиқ, кичикроқ косача, кенг сартарошлик чўткаси (кисточка), резина қўлқоплар, пахта, крем, пластик пленка (оддий ўртача катталикдаги целлофан пакет ҳам бўлаверади), агар сочингиз узун бўлса, шпилькалар.
Соч бўяш босқичлари:
1. Ҳиннони қуюқ сметана холатига киргунча қайноқ сув қуйиб аралаштиринг. Ҳиннода бўлакчалар қолмаслиги керак (бунинг учун сув қўшишдан аввал ҳиннони элаб олинг, ёки тайёр қоришмани сузгичдан ўтказиб олинг). Яхшироқ суртилиши учун ва ниқоб хусусияти пайдо бўлиши учун коришмага тухум сариғи, календула мойи, жожоба, ёки ҳиннонинг мойидан қўшиш мумкин.
2. Елкангизга эски сочиқни ёпинг. Ҳинно доғларини кийимдан кетказиш амалда иложи йўқ. Пешонангизнинг соч ўсиш чизиғи бўйича крем суртиб олинг; бу терини бўялиб қолишини олдини олади.
3. Бўёқни қуруқ, тоза сочга суртиш керак. Бўяшни энса қисмидан бошлаган маъқул. Бошнинг энса қисми энг паст ҳароратга эга, шунинг учун энса қисмидаги соч толалари узоқроқ бўялади. Кейин бўёқни бошнинг тепа ва чакка қисмларига суртинг, охирида эса сочнинг бутун узунлиги бўйлаб суртиб чиқинг. Ҳиннонинг терига тушмаслигига эътибор беринг. Агар бу ҳолат юз берса, дарҳол нам пахта тампони ёрдамида артиб ташланг.
4. Сочнинг ҳамма қисмини бўягандан сўнг, сочингизни уқалаб чиқинг (массаж), шунда ҳинно бир текис ётади. Агар сочингиз узун бўлса, шпилька билан қадаб олинг. Бошингизни пластик пленка билан ёпинг, бунда пешонанинг соч ўсиш чизиғи бўйлаб пахтадан қилинган жгут боғлаб олинг, пленканинг устидан эса сочиқ билан ўраб олинг.
5. Ҳиннони қанча вақт қўйиб туриш керак? Бу сочнинг дастлабки рангига, унинг қалинлигига ва қандай жилога эришмоқчи эканлигингизга боғлиқдир. Энг яхшиси сочни бўяшдан аввал бир тутамида синаб кўриш керак. Бу амал тажриба ҳиннони қанча вақт қўйишни бехато аниқлашга ёрдам беради. Агар сизда бу амал учун вақт ва ҳоҳиш бўлмаса, ва сочингизнинг дастлабки ранги ёрқин ранг бўлса, малла рангга кириши учун 5-10 минут, тўқ рангли соч учун 30-40 минут, қора сочл учун 1,5-2 соат керак бўлади.
6. Бўяш вақти тугагандан кейин сочни яхшилаб ювиш керак бўлади. Бу жараён анча мураккаб ва қувват талаб қилади. Сочни ундан оқаётган сув мутлоқ тоза ва тиниқ холга келгунча ювиш керак. Сочдан ҳиннонинг қолдиқларини ювиш учун чайқовчи малҳамдан (бальзам-ополаскиватель) фойдаланиш мумкин, ёки кейинроқ, қуритиш давомида фен ёрдамида тозалаш мумкин.
Шуни ёдда тутиш керакки, ҳиннонинг хақиқий ранги одатда икки-уч кундан кейин, айниқса қуёш нурида юзага чиқади. Шунинг учун солярийга борилса ёки шунчаки қуёш нурида турилса, айни муддао бўлади; бу нарса сочни ажойиб тарзда товланишига имкон беради.
Агар фақатгина сизда мавжуд бўлган рангни пайдо қилмоқчи бўлсангиз, унда тажриба ўтказиб кўриш мумкин.
Масалан, агар қадимги ҳинд рецептига амал қилиб, 100 грамм ҳиннога 10 грамм оддий майдаланган гвоздика қўшиладиган бўлса, сочнинг ранги янада тўқлашиб, ёрқинлашади. Лавлаги суви ҳам ўзига хос жило пайдо қилиши мумкин. Қуюқ қилиб дамланган чой сочни ёрқин-сариқ ранга бўяйди. Агар 4 чой қошиқ кофе қўшиладиган бўлса, бу сочга оқ-малла ранг ёки каштан рангини беради. Турли жилога эга бўлиш учун ҳиннони 3-4 қошиқ какао билан аралаштириш кифоя қилади. Бунда соч кўпчиликка таниш бўлган қизил дарахт рангини олади. Мойчечак дамламаси эса (1 қошиқ мойчечак гулидан ½ стакан сувга қўшилади) сочни ёрқин олтин рангга киритади. Ҳинно қоришмасига бироз каркаде чойи қўшилса, соч қизғиш ранга киради. Агар ҳиннони пиёз пўчоғи билан қайнатиб қўлланилса, мисранг ёки олтинранг жилони пайдо қилиш мумкин.
|
| |
| |
| OSIYO | Дата: Yakshanba, 04-Dek-2011, 11:37 | Сообщение # 63 |
|
Peshqadam
Группа: Ishonchli
Сообщений: 7142
Статус: | Сочларингиз тез ўсишини хоҳлайсизми?
Кокос, зайтун ва қоракунжут ёғини аралаштириб, қиздиринг. Илиқ ёғли аралашмани сочларингиз илдизига суртиб, бармоқларингиз ёрдамида енгил ҳаракатлар билан уқаланг.
Бу муолажа сочлар тез ўсишини таъминлайди. Айтганча, ҳомиладор аёллар учун ишлаб чиқарилган витаминлар ҳам сочларнинг тез ўсишини таъминлаши мумкин.
Сут, карам, мева ва сабзавотлар – бир сўз билан айтганда соғлом озиқ-овқатлар нафақат соч ўсишини жадаллаштиради, балки соч илдизини мустаҳкамлайди.
|
| |
| |
| OSIYO | Дата: Yakshanba, 04-Dek-2011, 17:03 | Сообщение # 64 |
|
Peshqadam
Группа: Ishonchli
Сообщений: 7142
Статус: | Сочларингизга эътиборлироқ бўлинг.
Сочларингизга эътиборлироқ бўлинг. Хўл сочларни ҳеч қачон тараманг. Боиси, ҳўл сочларнинг синишга мойиллиги кучли бўлади. Ўзингиз ишлатадиган тароқни иложи бўлса ҳафтада бир марта совун билан ювиб тозаланг. Ҳеч қачон темир тароқ ишлатманг. Сочларингиз узун ва қалин бўлса, тишлари катта тароқдан, калта ва сийрак бўлса, майда тишли тароқдан фойдаланинг.
Сочларигизни тўғри озиқлантирсангиз, у албатта соғлом бўлади. Бунинг учун сочларни озиқлантирувчи бальзамлардан фойдаланинг. Ёки бўлмаса, уй шароитида ҳафтада бир марта лавлагининг суви билан сочларингизни чайинг. Сочни ҳафсала билан парваришлаш билан бирга зарур бўлган пайтда бўяш керак. Бўёқ танлаётганингизда, албатта, сочингизни ёғли ёки ёғсизлигига эътибор қаратинг. Шуни ҳам эслатиб ўтиш керак, краскаларни танлашда ўта еҳтиёт бўлинг. Иложи борича фақат ҳнага бўянг. Уй шароитида соч бўяётганингизда, албатта, елим идишлардан фойдаланинг.
|
| |
| |
| OSIYO | Дата: Seshanba, 06-Dek-2011, 18:42 | Сообщение # 65 |
|
Peshqadam
Группа: Ishonchli
Сообщений: 7142
Статус: | КЎЗЛАРИНГИЗ РАВШАН БОҚСИН!
Жаҳон соғлиқни сақлаш ташкилоти маълумотига кўра, дунё бўйича 285 миллион кишининг кўриш қобилияти турли даражада бузилган, уларнинг 39 миллиони эса кўришдек неъматдан мутлақо маҳрум, яъни кўзи ожизлардир. Шифокорлар кўриш қобилиятини асраш кераклиги ҳақида бот-бот таъкидлашмоқда. Уларнинг хавотир олганича бор: тахминларга кўра, 2020 йилга бориб сайёрамизда кўзи ожизлар сони 75 миллионга етиши мумкин…
Биз қандай кўрамиз?
Мутахассисларнинг айтишича, кўриш қобилияти бузилиши муаммоларини фақатгина кўз тўқималари ҳолатини ўрганиш билан ҳал қилиб бўлмайди. Аслида бу масала бирмунча мураккаброқ. «Қарайдиган кўз, лекин кўрадиган мия», деб олимлар бежиз айтишмайди. Келинг, шу ўринда кўришга андак илмий таъриф берсак: бу – одамга ташқи муҳитдаги нарсаларнинг шакли, катта-кичиклиги, ранги, бир-бирига нисбатан ўрни ва оралиғини аниқлаб, тегишли ҳаракатлар қилишга имкон берадиган физиологик жараён бўлиб, бош миядаги кўрув анализаторининг муҳим вазифаси ҳисобланади. Хўш, кўриш қандай амалга ошади? Гап шундаки, ташқи муҳитдаги нарсалардан кўзга тушган параллел нурлар кўзнинг мугуз пардаси ва гавҳаридан синиб ўтиб, тўр пардага тушади, унда нурлар ҳужайраларни таъсирлаб, нерв қўзғалишини амалга оширади. Тўр пардада пайдо бўлган потенциал электрик қўзғалиш кўрув нерви толалари орқали мия пўстлоғи остига ва ундан мия пўстлоғининг кўрув марказига ўтиб, анализ ва синтез қилиниб, муайян образлар сифатида идрок этилади. Гувоҳи бўлганингиздек, кўриш фақатгина кўзнинг эмас, бутун бошли тизимнинг вазифаси, кўрув анализатори эса бош мияда жойлашган. Демак, мия билан кўз ўртасида тўғридан-тўғри алоқа бор, мияга таъсир кўрсатадиган зарарли омил кўз учун ҳам хавфлидир. Кўзларимиз саломатилиги бош мия, нерв ва юрак-қон томир тизимларининг ҳолатига бевосита боғлиқдир.
Кўриш қобилиятининг сусайишига олиб келувчи омиллар турли-туман, жумладан: кислород танқислиги, танада ёғ алмашинувининг бузилиши, қандли диабет, стресслар. Буларга, албатта, кўриш гигиенасига амал қилмаслик ҳам киради.
Қоидаларга риоя қилинг!
- Компьютерда ишласангиз, ҳар соатда 5-10 дақиқа танаффус қилишни унутманг.
- Кўз ва монитор ўртасидаги масофа камида 30-50 см бўлиши, мониторнинг ўртаси кўз даражасиждан сал қуйироқда бўлиши зарур.
- Ёруғлик тўғри тушаётганига эътибор беринг. Чироқ (стол лампаси) чап томонда туриши, кўзга ёрқи нур тўғридан-тўғри тушмаслиги учун плафон (қопқоқ)ли бўлиши керак. Чироқнинг қуввати 60-80 Ватт бўлиши тавсия этилади.
- Ҳаракатланаётган транспортда ва ётволганча китоб ўқиш мумкин эмас!
- Телевизорни ўтириб, экрандан камида 2 метр узоқликда томоша қилинг.
- Аёллар диққатига: арзонгина косметика воситаларини эмас, сифатлисини сотиб олинг.
- Кўзга хас ёки чанг кирса, ишқаламай, қайнатилган сув билан ювинг.
- Албатта, кўзларингизни пирпиратиб туринг! Айниқса, кунини монитор қаршисида ўтказадиганларга бу жуда фойдали. Кўзни пирпиратиш уни қуриб қолишдан асрайди.
Кўзлар учун гимнастика
Бу фойдали машқлар ҳечам қийин эмас. Шундай экан, вақти-вақти билан (масалан, иш орасидаги танаффусларда) уларни бажариб туринг.
- Аввалига бутун танангизни бўшаштиринг. Кўзларингизни юмганча бирор яхши нарса ҳақида ўйлаб, 2 дақиқа ўтиринг.
- Кўзларингизни очиқ ҳолатда соат мили ва акс йўналишда 5 мартадан айлантиринг.
- Олдинига кўзларингизни юмиб, кейин эса очган ҳолатда ўнгга-чапга қаранг.
- Яқин ва узоқда жойлашган иккита буюмни танлаб, навбати билан уларга кўз ташланг.
- Кўзларингизни юмиб, кафтларингиз билан бироз ёпиб туринг.
Фойдали парҳез
Турган гапки, кўзларимизнинг саломатлиги биз истеъмол қиладиган таомларга ҳам боғлиқ. Кўзлар учун энг муҳим моддалардан бири – витамин А ҳисобланади. У ёруғликни қабул қилиш жараёнида қатнашади. Витамин А етишмаса, одамнинг ғира-ширага мослашиши, кўк ва сариқ рангларни ажратиши қийинлашади. Витамин А сабзи, помидор, баргли сабзавотлар ва балиқ ёғида бор.
В гуруҳидаги витаминлар бош миядаги кўриш сезгисига масъул марказлар, шунингдек, кўзнинг тўр пардасига таъсир кўрсатади. Улар ёнғоқ, мевалар, жига рва балиқда кўп.
Витамин С кўзни ҳаракатлантирадиган мушаклар ва кўз гавҳари мушаклари учун керак. Бу витамин наъматак, цитрус мевалар, пиёз, помидор, исмалоқ ва олмада бор.
Калий (асал, банан, ўсимлик ёғида бор) ва рух (денгиз маҳсулотлари, жигар қўзиқорин, гўшт) кўзларимиз учун зарур микроэлементлар ҳисобланади.
|
| |
| |
| OSIYO | Дата: Chorshanba, 07-Dek-2011, 13:29 | Сообщение # 66 |
|
Peshqadam
Группа: Ishonchli
Сообщений: 7142
Статус: | Йўталингиз нима дейди?
ҚУРУҚ ЙЎТАЛ
Йўталнинг бу тури фойдасиз ҳисобланади. Чунки қуруқ йўтал вақтида шиллиқ суюқлик жойидан қўзғалмайди ва нафас йўллари тозаланмайди. Қуруқ йўтал ноқулайлик туғдиради ва касалнинг аҳволини оғирлаштиради. Бундай йўтал нафас йўлининг шамоллаши билан боғлиқ бўлмаган касалликларга чалинганда пайдо бўлади.
Қуруқ йўтал натижасида зарда қайнаб, нафас сиқилиши юзага келади.
Даволаниш усули: Шифокор сизга йўталга қарши дори-дармон, бронхоспазмни йўқотиб, шиллиқ қатламни тинчлантирадиган воситалар ёзиб беради.
Тахминий ташхис:
1. Юқумли касалликлар – қуруқ йўтал 1-3 кун давом этади, кейин йўталда намлик ортади. Сўнг иситма кўтарилиб, бош оғрий бошлайди. Ҳолсизланиш кучаяди.
2. Сурункали фарингит – ўртача маромдаги қуруқ йўтал узоқ давом этса, томоқда оғриқ пайдо бўлади.
3. Синусит, ринит – кечалари бурундаги суюқлик димоққа оқиб тушиши оқибатида қуруқ йўтал пайдо бўлади. Натижада томоқда ва бурун қисмида ноқулайликлар юзага келади, пешона ва юз қисмида қаттиқ оғриқлар пайдо бўлади.
4. Қизамиқ – ҳарорат кўтарилиб, тери ва шиллиқ қатламда тошмалар пайдо бўлади.
5. Ўпка саратони – йўталганда сўлакда пуштиранг қон парчалари кўзга ташланади.
6. Юрак касаллиги – нафас қисиши, ҳолсизлик, бош айланиши ва юрак қисмида қаттиқ қисилиш юзага келади.
7. Касб касаллиги – ҳавоси чанг, ифлосланган бинода ишлайдиган кишиларда қуруқ йўтал кўп учрайди.
НАМ ЙЎТАЛ
Йўталнинг бу тури фойдали бўлиб, нафас йўлларини массаж қилади, ўпкадаги намликни чиқариб ташлайди, уни чанг ва бошқа ёт унсурлардан тозалайди. Аммо бундай йўтал 14 кундан ортиқ давом этмаслиги керак.
Нимадан далолат беради? Бронхларда шамоллаш жараёнининг бошланиши.
Даволаниши: шифокор сизга балғам кўчирувчи, суюқлик ажралишини яхшиловчи, шу билан бирга бўғиз ҳамда трахеядаги шамоллашни йўқотиш учун оғиз қуритувчи воситаларни тавсия этади.
Тахминий ташхис:
1. Ўткир бронхит – биринчи кунданоқ нам йўтал пайдо бўлади. Натижада ҳарорат сезилар-сезилмас кўтарилиб, нафас олишда қийинчилик пайдо бўлади.
2. Бронхопневмония (ўпка марказининг шамоллаши) – йўтал вақтида сўлакдан бадбўй ҳид тарқалади, нафас олаётганда хириллаш, ҳолсизлик юзага келади, ҳарорат кўтарилади.
3. Сил – сурункали йўтал натижасида вазн йўқолади, титроқ пайдо бўлиб, ҳарорат тез-тез кўтарилиб тушиб туради.
ОҒРИҚЛИ ЙЎТАЛ
Агар йўтал ортидан оғриқ пайдо бўлса, беморнинг аҳволи оғирлашади ва дарҳол шошилинч ёрдам ҳамда шифокор назорати зарур бўлади.
Нимадан далолат беради? Нафас йўлларида кучли шамоллаш жараёни бошланган.
Даволаниши: антибактериал терапея зарур.
Тахминий ташхис:
1. Трахеит – йўтал кучли, қуруқ ва қувватсизлантирадиган бўлади. Ўзингизни бўғилиб қолаётгандек ҳис қиласиз. Йўтал тўсатдан пайдо бўлиб, совуқ ҳаводан нафас олаётгандек бўласиз. Натижада кўкрак қисмида оғриқ пайдо бўлади.
2. Зотилжам - кўкрак қафа- сининг шамоллаган ўпка томонида кучли оғриқ пайдо бўлади.
3. Плеврит – ўпка пардасининг (ўпкани ўраб турувчи ташқи мембрана) шамоллаши. Нафас олганда кўкрак ва биқинда кучли оғриқ юзага келади.
ҲОЛДАН ТОЙДИРУВЧИ ЙЎТАЛ
Тез-тез такрорланиб турадиган кучли йўтал кўкрак ичида босимни кучайтириши ва бронхиал томирлардан қон кетишига сабаб бўлиши мумкин. Тўсатдан йўтал тутиши оқибатида кўнгил айниши, ҳушдан кетиш ва юрак уриши маромининг бузилишига олиб келади.
Нимадан далолат беради: Нафас йўллари рецепторлари ва ўпка пардасининг қичиши, марказий асаб тизимининг тормозланиши.
Даволаниши: қатъий тарзда шифокор назорати остида даволанади.
ХИРИЛЛОВЧИ ЙЎТАЛ
Юқори нафас йўллари, бўғиз ва трахеянинг шамоллаши натижасида пайдо бўлади. Айниқса, ёш болалар кучли шамоллаганда юзага келади. Баъзан бундай йўтал дорилар ёки ингаляция (буғ ёки газ ҳолидаги шифобахш нарсалар билан нафас олдириб даволаш) натижасида пайдо бўладиган аллергия натижасида пайдо бўлади.
ХУРУЖЛИ ЙЎТАЛ
Давомли, оғриқли, нафас олганда қаттиқ ҳуштак чалгандек бошланиб, кўнгил ағдарилиши билан тугайдиган йўтал. Бир ёшгача бўлган болаларда оғир кечадиган кўкйўталнинг асосий симптомларидан.
ҲУШТАКЛИ ЙЎТАЛ
Бронхиал астма вақтида юзага келади. Баъзан нафас йўлига ёт жисм тушиб қолганда шундай йўтал пайдо бўлади.
|
| |
| |
| OSIYO | Дата: Seshanba, 13-Dek-2011, 13:16 | Сообщение # 67 |
|
Peshqadam
Группа: Ishonchli
Сообщений: 7142
Статус: | Sochingizni parvarish qilish
Odam terisiga o'xshab sochlar ham normal, yog'li yoki quruq bo'ladi. Normal sochlarni 1 haftada 1-2 marta yuvish ma'qul bo'lsa, quruq va yog'li sochlarni ideal holatiga keltirish uchun ko'proq parvarish talab qilinadi. Birinchidan, ishlatiladigan shampunning sochlaringizga mos tushishini hisobga olish kerak, ikkinchidan, sochlarni yuvgandan so'ng har xil damlamalar bilan ham yuvish tavsiya etiladi.
Yog'li sochlarga quyidagi damlama tavsiya etiladi:
2 qoshiq ko'k choy
1 stakan qaynoq suv
1 qoshiq limon suvi
Qadam-baqadam maslahat
1
Stakanga 2 qoshiq ko'k choy solib, ustidan qaynagan suv quyamiz va 5-7 daqiqaga dimlab qo'yamiz.
2
Keyin, 1 choy qoshiq limon suvini qo'shamiz.
3
Kattaroq idishga 1 litr iliq suv solib, damlamamizni ustidan quyib, aralashtiramiz.
4
So'ng sochlarimizni shu damlama bilan yuvamiz.
2 haftadan so'ng xuddi shu damlama bilan yana sochlarni yuvamiz. Sochlaringiz jilolanib, silliqlashganini sezasiz.
Yuqoridagi maslahatimiz nafaqat ayollar, balki erkaklarga ham foydalidir.
|
| |
| |
| OSIYO | Дата: Juma, 16-Dek-2011, 08:35 | Сообщение # 68 |
|
Peshqadam
Группа: Ishonchli
Сообщений: 7142
Статус: | АСАБИЙ ТАРАНГЛИККА ҚАРШИ ҲИДЛАР
Руҳияти бузилган, асаблари таранглашган беморларни хушбўй ҳидлар билан даволашга уриниш қадим замонлардан буён қўллланилиб келинмоқда. Ароматерапия ҳозирги вақтда бутун дунёда кенг қўлланилмоқда. Асабни тинчлантирувчи гиёҳлар бизнинг ўлкамизда жуда кўп, фақат уларни топиб фойдаланилса, бўлди.
Қаттиқ чарчаганингизни сезсангиз — апельсин, ёронгул, лимон, қораарча, ялпиз ҳидланг.
Бош оғриғи, асаб толиқишида — райҳон, қалампирмунчоқ, лимон, ялпиз ҳидланг, уларга қараб ўтиринг.
Уйқусизликда — райҳон, ёсумангули, арпабодиён, долчинни ҳидланг.
Ақлий толиқишда — райҳон, ялпиз, тизимгул, қораарча, жамбил ҳидланг.
Хотира сусайганда — райҳон, қалампирмунчоқ, атиргул, хушбўй олмалар ҳидланг, таомга қўшиб тановвул қилинг.
Толиқишда — райҳон, тизимгул, долчин, занжабил ҳидланг, чойга ёки таомга ҳам қўшилса, яхши ёрдам беради.
Асаб бузилишида — арпабодиён, ванилин, тоғрайҳон, лавзей ҳидланади.
Йиғлоқиликда — грейпфрут, тоғрайҳон, лаванда, сандал ҳидланг.
Ваҳимага тушган одам — арпабодиён, пўртахол, атиргул ҳидласин, уларни еса ҳам бўлади.
Руҳий азобланишда — пўртахол, долчин, миртагул, ялпиз, оққарағай, атиргул, мармарак ҳидласин.
Тунда даҳшатга тушиш, қўрқувлар юз берса — арпабодиён, пўртахол, атиргул ва сандал ҳиди ҳидлансин.
Терида асабий тарангликлар оқибатида доҚлар пайдо бўлса — грейпфрут, лимонўт, атиргул, мойчечак ҳидлансин.
Соч тўкилишида — грейпфрут, занжабил, қараҚай, мармарак ҳидланса, фойда беради.
Қизил қон томирлари босими ошганда — яронгул, лимон, қораарча, шивит ҳидланади, дамлаб ичилади.
Юрак уруши тезлашганда — арпабодиён, ялпиз, лаванда ҳидланади.
Юракда оғриқ турса — яронгул, лаванда, ялпиз, розмарин олмаси ҳидланади.
«Дорисиз қалб давоси» китобидан.
|
| |
| |
| OSIYO | Дата: Chorshanba, 25-Yan-2012, 04:56 | Сообщение # 69 |
|
Peshqadam
Группа: Ishonchli
Сообщений: 7142
Статус: | ТИЛЛА САРАТОННИ ДАВОЛАЙДИ
Мисрлик олимлар саратонни олтин билан даволаш усулини кашф қилишди.
Илмий тадқиқотлар миллий маркази вакили доктор Мустафо ас-Сайиднинг айтишича, олтин нанозарралари ёрдамида хавфли ўсмалар тарқалишининг олдини олиш бўйича клиник тажрибалар муваффақиятли ўтган.
Доктор ас-Сайид олтин нанозарраларини лазер ёрдамида юбориш орқали саратон ҳужайраларининг ўсиши тўхтатилганини маълум қилди. Муолажа жараёнида фақатгина касалланган ҳужайраларга таъсир ўтказилган, соғлом ҳужайраларга ҳеч қандай зарар етмаган. Айни пайтда жониворларда клиник тадқиқотлар ўтказиляпти, агар усулнинг ножўя асоратлар қолдирмаслиги тасдиқланса, бемор одамларда ҳам синаб кўрилади.
Мустафо ас-Сайиднинг билдиришича, олтин нанозарраларидан фойдаланиш жигар, буйрак ва талоқ саратонида ҳал қилувчи роль ўйнаши мумкин.
Олтин нанозарраларининг физик ва кимёвий хусусиятлари олимларда катта қизиқиш уйғотган. Замонавий тиббиётда ундан бир қанча касалликлар диагностикаси ва муолажасида фойдаланилади.
|
| |
| |
| OSIYO | Дата: Payshanba, 02-Fev-2012, 06:45 | Сообщение # 70 |
|
Peshqadam
Группа: Ishonchli
Сообщений: 7142
Статус: | СУТ ИЧИНГ, ИНСУЛЬТ БЎЛМАЙСИЗ
Илмий тадқиқотларнинг кўрсатишича, сут маҳсулотларини севиб истеъмол қилувчиларнинг мияси яхшироқ ишлайди.
Америкалик олимлар сутнинг яна бир фойдали хусусиятини аниқлашди. Маълум бўлишича, сут нафақат суякларни мустаҳкамлаб, организмни керакли миқдорда оқсил ва витаминлар билан таъминлайди, балки мия фаолиятини яхшилайди ҳам.
Олимлар 23-98 ёшдаги бир қанча кўнгиллини диққат-эътибор, хотира ва ўқиб-ўрганиш имкониятларини текшириш мақсадида саккизта тестдан ўтказишди. Натижада ҳафтасига камида олти марта сут ичганлар бошқаларга нисбатан тестларни яхшироқ уддалашди.
Бу ҳолат сутда хотира бузилишининг олдини олувчи муайян озиқ моддалари (масалан, магний) борлиги билан изоҳланмоқда. Шифокорларнинг таъкидлашича, кунига ақалли бир марта ёғсизроқ ёки ёғсизлантирилган сут ичиб туриш керак.
|
| |
| |
| OSIYO | Дата: Dushanba, 27-Fev-2012, 08:07 | Сообщение # 71 |
|
Peshqadam
Группа: Ishonchli
Сообщений: 7142
Статус: | Қандли диабет: “Ширин дарднинг аччиқ азоби"
Касаллик белгилари
Касаллик белгилари чанқаш, тез-тез пешобга бориш, чарчоқ, мадорсизлик, асабийлик, кўнгил айниши (баъзан, қайт қилиш), тез-тез юқумли инфекциялар билан оғриш, оёқ-қўллардаги санчиқлар, оёқ кафтининг увишиб қолиши, кўриш қобилиятининг кескин бузилиши, буйраклар иш фаолиятининг бузилиши сифатида намоён бўлади. Фақат инсулин билан боғлиқ қандли диабетда бемор озиб кетади, инсулинга боғлиқ бўлмаган диабетда эса кўпроқ тана вазни ошиб кетиши кузатилади.
Касалликни доимо текширтириб, даволаб туришдан ташқари, беморлар маълум бир парҳезга амал қилишлари лозим. Диабет парҳези асосан ўсимлик-сут маҳсулотлари асосида бўлади. Чунки хом сабзавотлар ва меваларни истеъмол қилиш ошқозон ости безининг инсулин ишлаб чиқаришини кучайтиради. Шу сабабли ҳам диабетдан азият чекувчи беморлар кундалик таомномасига иложи борича кўпроқ сабзавот, мевалар, ёнғоқлар, бошоқли дон маҳсулотларини, пишлоқ, дуккаклилар, пиёз, саримсоқ, бодринг ва турпни киритишлари лозим. Осон хазм бўладиган углеводлар: шакар, қандолатчилик маҳсулотлари, мураббо, шоколад, асал, узум, хурмо, консерваланган мевалар ва бошқа ширинликларни таомномангиздан чиқариб ташланг.
Тўламисиз? Диабетга текширтиринг!
Навбатдаги тиббий кўрик вақтида терапевт-шифокор қорним айланасини ўлчаб кўрди-да, шикоятим бўлмаса ҳам II турдаги қандли диабет борлигидан гумон қилиб, текширувдан ўтиш учун йўлланма берди. Таҳлиллардан менда қандли диабет йўқлиги маълум бўлди. Шифокорнинг хавотири ўринлимиди?
М. Кенжабоев, Тошкент шаҳри
Ҳа. II турдаги қандли диабет билан оғриганларнинг 90 фоизга яқини семизликдан азият чекишади. Чунки нотўғри овқатланиш семизликка олиб келади, ёғлар, углеводларни кўп истеъмол қилиш, оқсил ва бириктирувчи тўқималарнинг етишмаслиги эса диабет ривожланишига сабаб бўлади. Шунинг учун ҳам шифокор ортиқча вазн мавжуд бўлган ҳар қандай беморни қандли диабетни аниқлаш учун текширувдан ўтишга жўнатишга ҳақли. Сизнинг ҳолатингизда касаллик топилмаганлиги қувонарли ҳол, албатта, аммо ортиқча вазн муаммоси бўлгани учун ҳам вақти-вақти билан қондаги қанд моддаси миқдорини текширтириб турганингиз маъқул.
Насл суриши мумкин
23 ёшдаман, яқинда турмушга чиқаман. Отам қандли диабетдан азият чекиб, оламдан ўтган. Онам менинг ҳам диабет билан касалланишимдан чўчийдилар, ҳатто бу касаллик менинг фарзандларимга ҳам ўтиши мумкинлигини таъкидлайдилар. Шу тўғрими?
Салима, Жиззах шаҳри
Тўғри, оила аъзолари II турдаги диабет билан оғриган одамларда бу хасталикка мойиллик мавжуд бўлади. Бироқ диабетга мойиллик сизнинг ҳам шу касаллик билан аниқ оғришингизни билдирмайди. Диабет ривожланишида ҳаёт тарзи ва тўғри овқатланиш катта ўрин тутади. Вақтида тиббий текширувлардан ўтиб турсангиз, хотиржам бўлишингиз мумкин.
Халқона даволаш усуллари
● Ярим пиёла сули дони бир литр қайноқ сутга солинади, термосда 2 соат дамланади. Овқат олдидан ярим пиёладан ичилади. Энг муҳими, сут-сули кисели ҳатто диабет билан оғримаган инсонлар учун ҳам жуда фойдалидир!
● Қайин куртаклари. 2-3 ош қошиқ қайин куртакларини 3 пиёла қайноқ сувда 6 соат дамланади. Совугач, докада сузиб, кунига 3 марта овқатдан олдин 1 ош қошиқдан ичилади.
● Қоқигул. Майдаланган қоқигул илдизи ва барглари аралашмасидан 6-10 гр. олиб, бир пиёла қайноқ сувга солинади, 10 дақиқа паст оловда қайнатилади, 30 дақиқа дамланади. Докада сузиб, кунига 3 маҳал 1 ош қошиқдан овқатланишдан 30 дақиқа олдин ичилади.
|
| |
| |
| OSIYO | Дата: Yakshanba, 02-Dek-2012, 12:59 | Сообщение # 72 |
|
Peshqadam
Группа: Ishonchli
Сообщений: 7142
Статус: | 
Гўзал сочлар ҳар бир аёлнинг фахри! Афсуски, вақт ўтган сари сочлар секин-аста нозиклашиб, камайиб бораверади. Соч тўкилишининг олдини олиш учун қилган ҳаракатларингиз бесамар бўлса, бунинг сабабини бошқа жойдан қидиринг. Чунки сочлар ҳам худди ўзимиз каби у ёки бу касалликка чалиниши мумкин.
Сананг!
Соч толаларининг кунига 60‑100 дона тўкилиши нормал ҳолат. Яъни бунда соч толалари янгиланади. Аммо бундан кўп тўкилса, демак, сочларингизни даволаш, озиқлантириш, тиклашга шошилинг!
Нега тўкилади?
Асосий сабаблар:
организмдаги гормонал бузилиш;
стресс;
витамин етишмовчилиги;
ташқи таъсирлар.
Жиддий хавф – соч тўкилиши гормонал бузилиш ё касаллик аломати ёки асорати бўлиши мумкин. Бундай ҳолатларда косметик воситалар ёрдам бермайди. Бунинг сабаби андроген алопеция касаллиги бўлиши эҳтимоли бор, у эркаклик гормони — тестестерон кўпайиб кетиши оқибатида юзага келади. Бу жараённи тўхтатиш учун эндокринолог-шифокор кўригидан ўтиб, керакли муолажаларни қилиш лозим. Ўзбилармонлик билан даволаниш эса нафақат сочларингизга, балки бутун организмингиз саломатлигига салбий таъсир кўрсатиши мумкин. Сочларингиз узоқ вақт давомида ва кўп тўкилаётган бўлса, энг аввало қалқонсимон ва ошқозон ости безларини текширтиринг.
Стресс кўп ҳолатларда соч тўкилишига олиб келади. Қанча кўп асабийлашсангиз, соч тўкилиши шунча фаоллашаверади. Бу жараённи тўхтатиш учун аввало тинчланинг ва ортиқча асабийлашмасликни ўрганинг.
Гормонал ўзгаришлар. Аёл организмида ҳомиладорлик ва эмизиш даврида турли гормонал ўзгаришлар рўй беради. Масалан, туғруқдан 8‑12 ҳафта кейин аёлда фаол равишда соч тўкилишини кузатиш мумкин. Унинг гормонал ҳолати ўз ўрнига тушгач, соч тўкилиши камаяди, аммо бу ҳолатда ҳам соч озиқлантириб турилмаса, нозиклашиб, камайиб кетиши мумкин. Бунинг олдини олиш учун аёллар албатта витамин комплексларини қабул қилиш билан бирга сочларни озиқлантирувчи ниқоблардан фойдаланишлари лозим.
Витамин етишмаслиги. В гуруҳи витаминлари, С витамини, цинк етишмаслиги оқибатида ҳам сочлар тўкилади. Шунинг учун сочларингиз тўкилиши билан бирга тирноқларингиз ҳолати ҳам ўзгараётган бўлса, турли микроэлементларга бой бўлган витамин комплекслари қабул қилинг.
Ташқи таъсирларга эса турли ювиш (шампунь, спрей, мусс) ва қуритиш (фен, дазмол) воситалари киради. Ҳарорат ва кимёвий таъсирлар натижасида сочлар нозиклашиб, тўкила бошлайди.
Уй шароитида…
Ҳафтада бир марта бўлса-да, сочлар учун турли ниқоблар қилиб туриш мақсадга мувофиқ.
Зайтун ёғи: ярим стакан зайтун ёғини сув буғида иситинг. Сўнг бармоқларингиз билан бош терисига енгил уқалаб суртинг. Бошингизга полиэтилен қалпоқча кийиб, устидан иссиқ сочиқ ўранг. 1‑2 соатдан кейин бошингизни илиқ сувда шампунь билан ювинг. Муолажани 15‑20 марта такрорлаш мумкин. Соч тўкилишининг олдини олиш учун эса бу муолажани ҳафтада 1‑2 марта такрорлаб туриш кифоя.
Алоэ: 3 ош қошиқ алоэ шарбати, 1 ош қошиқ асал, 1 дона тухум сариғини аралаштириб (1 чой қошиқ саримсоқ пиёз шарбатини ҳам қўшиш мумкин), намланган сочлар ва бош терисига суртинг. 20 дақиқадан сўнг сочларингизни илиқ сувда ювинг.
Хина: рангсиз хинани ярим стакан қатиқ билан аралаштиринг. Қуюқ бўтқа ҳосил бўлиши керак. Бўқани сочларингизга суртиб, полиэтилен қалпоқча кийиб, устидан иситилган сочиқ ўранг. Ярим соатдан кейин илиқ сувда чайинг.
Хантал: 1 чой қошиқ қуруқ хантални 2 ош қошиқ аччиқ чой билан аралаштириб, 1 дона тухум сариғи қўшинг. Ниқобни бошга суртиб, полиэтилен қалпоқча кийинг-да, сочиқ ўранг. 20 дақиқадан кейин бошингизни илиқ сув билан ювинг.
Пиёз: 1‑2 дона пиёз шарбатини, худди шунча миқдордаги қатиқ билан аралаштириб, бош терисига суртинг. Полиэтилен қалпоқча ва иссиқ сочиқ билан ўраб қўйинг. 40 дақиқадан кейин сочларингизни илиқ сув билан чайинг. Қатиқ пиёз ҳиди ўткирлигини йўқотишга ёрдам беради.
Уқалаш. Ҳар куни ишдан қайтганингиздан сўнг кечки пайт албатта гарданингиз ва бош терисини енгил уқаланг. Бу бошдаги қон айланишини яхшилаб, соч илдизларига яхши таъсир кўрсатади. Илдизлар яхши озиқланса, соч ўсиши ҳам яхшиланади.
|
| |
| |
| OSIYO | Дата: Juma, 07-Dek-2012, 06:28 | Сообщение # 73 |
|
Peshqadam
Группа: Ishonchli
Сообщений: 7142
Статус: | Шампунлар
Қуруқ сочлар учун…
Тухум сариғига 1/4 чой қошиқ ўсимлик ёғи (исталган тури) қўшиб, яхшилаб аралаштиринг. Сўнг бу аралашма билан сочларингизни худди шампун сингари ювинг. Охирида сувда яхшилаб чайинг.
Ёғли сочлар учун…
Қора буғдой унидан тайёрланган ноннинг бир бўлагини иссиқ сувга солиб, суюқ бўтқасимон аралашма ҳосил қилинг. Сўнг сузгичдан ўтказиб, 20 дақиқа тиндиришга қўйинг. Бу ниқобни сочингизга сургач, 5-10 дақиқадан сўнг илиқ сувда чайинг.
Соч тўкилишига қарши…
Битта тухум сариғи, 2 ош қошиқ сув ва 1/4 чой қошиқ камфара спиртини аралаштиринг. Мазкур аралашмани сочингизга бир хил қалинликда, уқаловчи ҳаракатлар билан суртиб чиқинг. Кейин бошингизни илиқ сувда чайинг.
Соч куйганида…
Офтобдан ё соч дазмолидан зулфларингиз куйганида чучук қатиқ ёки кефирли ниқоб ёрдам беради. Бошингизга қатиқни яхшилаб суртиб, полиэтилен қалпоқча кийиб олинг. Устидан пахмоқ сочиқ ўранг. Ярим соатдан сўнг бошингизни аввал сув, сўнг лимон ёки сирка аралашмаси (1 ош қошиқ сиркага 2 қошиқ сув солиб) билан чайинг.
Сочингиз тез ўсишини истасангиз…
Бир пиёла қайнаган сувга 2 ош қошиқ қичитқи ўт (крапива) ёки мойчечак (ромашка) солиб, 15 дақиқа дамлаб қўясиз. Болалар совунининг тўртдан бир бўлагини қирғичдан ўтказиб, устига бир стакан қайнаган сув қуясиз. Ҳосил бўлган аралашмани сузиб олиб, 2 ош қошиқ қуруқ хантал (горчица) қўшасиз.
Сочим тез кирланмасин, десангиз…
2 литр илиқ сувда 1 ош қошиқ хантал кукунини эритиб, сочингизни ювинг.
Тухум сариғини бироз нам сочга суртиб, 3-5 дақиқадан сўнг илиқ сувда яхшилаб чайинг. Агар сочларингиз узун бўлса, иккита тухум сариғи керак бўлади.
Чаювчи воситалар (ополаскивателлар)
Сочларингизга ҳажм бериш учун…
Қора нондан сухарик тайёрлаб, устига қайнаган сув қуйинг. 20 дақиқадан сўнг сузиб оласиз. Сочларингизни ювгач, шу сув билан чайинг.
Бир стакан чайный гриб дамламасини 1 литр сувга аралаштиринг. Ҳар сафар бош ювиб бўлиб, ушбу дамлама билан сочларингизни чайинг. Бу сочларингиз қаттиқлашишига хизмат қилади.
Сочларга жило бериш учун…
1 ош қошиқ олма сиркасини 1 литр илиқ сув билан аралаштиринг. Ҳар гал бош ювиб бўлгач, мазкур аралашма билан сочингизни чайинг.
Бир пакета қора чойни бир стакан сувда дамланг. Сўнг 1 литр сув қўшинг. Агар сочларингиз тўқ рангда бўлса, уларни ушбу аралашма билан чайинг.
Сочларни мустаҳкамлаш учун…
Майдаланган алоэ баргларига қайнатилган чакамуғ (репейник) қуйиб, миксерда аралаштиринг. Ҳосил бўлган аралашмани сузиб олинг. Бош ювиб бўлгач, сочларингизни у билан чайинг.
5-10 та бошпиёзнинг пўстлоғига 2 литр сув қуйиб, устига қопқоқ ёпиб, ўраб қўйинг. 15-20 дақиқадан сўнг аралашмани сузиб оласиз. Сочларингизни ювиб бўлгач, у билан чайинг.
Ёғланиб ялтирашига қарши…
3-4 та олманинг пўстлоғига 1 литр сув қуйиб, олов устига қўйинг. Қайнаш даражасига етгач, оловдан олинг-да, совутинг. Сўнг сузиб олиб, сочларингизни чаясиз.
Яримта лимоннинг шарбатини сиқиб чиқариб, 1 литр сув аралаштиринг. Уни чаювчи восита сифатида ишлатсангиз бўлади.
1 ош қошиқ қуруқ қичитқиўтни (крапива, дорихоналарда мавжуд) бир стакан қайнаган сувга дамланг. 20 дақиқадан сўнг сузиб олиб, 1 литр сув қўшинг. Бошингизни ювиб бўлгач, ушбу аралашма билан сочларингизда чаясиз.
Ниқоблар
Пиёзли ниқоб
Сочларнинг учи ҳеч қачон гулламаслиги учун қирғичдан ўтказилган пиёздан ҳам ниқоб қилиш мумкин. Фақат, ундан сўнг, бошни иссиқ сочиқ билан ўраш керак. Кейин ярим литрдан сув ва олма сиркасини аралаштиринг. Сочингизга бир соатга суртиб қўйилган пиёзли массани илиқ сувда ювгач, юқоридаги, олма сиркали суюқлик билан чайинг. Шундан сўнг, 5 дақиқа кутиб турингда, кейин яхши шампунь билан ювинг.
Сутли ниқоблар
Сочингизни ювишдан ярим соат аввал сут ва қимизни бошингиз терисига яхшилаб суртинг. Қатиқ, кефир каби сут ма ҳсулотлари ҳам сочларни яхши озиқлантиради. Фақат бундай ниқоблардан фойдалангач, бошингизни яхшилаб ювишингиз керак.
Хамиртурушли ниқоб
1 ош қошиқ қуруқ хамиртурушга 1 ош қошиқ қайнаган сув солиб, бўтқасимон аралашма ҳосил қилинг. Кейин бу бўтқага кўпиртирилган тухум оқини аралаштирасиз. Тайёр бўлган ниқобни сочларингиз ва бошингиз терисига суртиб, қуригунча кутинг. Сўнг илиқ сув билан чайинг (шампундан фойдаланиш мумкин).
Алоэли ниқоб
1 чой қошиқ алоэ шарбатига бир бўлакча майдаланган саримсоқ пиёз, 1 чой қошиқ лимон шарбати, тухум сариғи солиб, аралаштиринг. Мазкур ниқобни сочларингиз илдизига суртиб, 20-30 дақиқага бошингизни сочиқ билан ўраб қўйинг. Кейин ниқобни илиқ сувда ювиб, мойчечак ёки қичитқиўт (крапива) дамламаси билан чайинг. Алоэли ниқобдан ҳар сафар бош ювганингизда, 5 кун кетма-кет фойдаланинг.
Сочларингиз ялтираши учун...
Сочларни кўк чой ёрдамида парваришлаш мумкин. Кўк чойга 1 чой қошиқ розмарин мойи солиб, бу аралашма билан сочларини чайиш керак. Натижада сочлар ялтираб туради.
|
| |
| |
| DURDON | Дата: Yakshanba, 23-Dek-2012, 08:15 | Сообщение # 74 |
 SUPER ADMINKA
Группа: Admin yordamchisi
Сообщений: 10149
Статус: | 1. Og`ir yutalda piyozdan tayyorlangan kompress yordam beradi.
Tayyorlash:Dokadan tikilgan haltachaga tu`g`ralgan piyoz solinadi va qaynab turgan suv bug`iga tegmaydigan qilib tutib turiladi. Keyin issiq holicha qalinroq matoga u`rab, og`rigan joyga bog`lab qu`yiladi.15-20daqiqadan keyin olib tashlash mumkin. Buni gaymoritda ham qullash mumkin.
2. Qora choy kasalliklar surunkali bulib qolishining oldini oladi,viruslarni u`ldiradi. Buchoyni kup ichadiganlar kasallikga kam chalinadi.
3. Ku`k choy esa yurak-qon tomirlariga,nafas yu`llariga,qon bosimining meyorlashuviga ijobiy ta`sir qiladi.
4. Tishlaringiz sog`lom bulishi uchun tez-tez choy ichib turish kerak, choy tarkibidagi ftor tish kasalliklarini oldini oladigan eng yahshi vosita hisoblanadi.
5. Husnbuzar kup toshadigan yog`li terilar makiyajini yahshi ushlamaydi, bunday terini tozalash uchun choydan los`on tayyorlab olishingiz mumkin, ma`danli suvga 2 osh qoshiq choy solib damlanadi vqa bir necha limon sharbati qushiladi. Bunday los`on bilan ertalablari yuzni artish mumkin.
6. Salqigan yuzga eng yahshi vosita choydan kompress qilish kerak. Buning uchun quruq choyni dokadan tikilgan haltachaga solib qaynoq suvga botirib olinadi, va sal sovigandan keyin haltachasi bilan quyiladi, yuzga quyib ustidan sochiq bilan yopib quyiladi. Bug`i teriga yahshi ta`sir etishi uchun uni yuzda 10 daqiqa tutib turing. kompyuterda kup ishlaydiganlar ku`zlariga dam berish uchun qaynatilgan choy haltachalaridan foydalanishlari mumkin. Bu kompress qovoqlarga 10-15daqiqa qu`yib turiladi.
|
| |
| |
| SAKINA | Дата: Dushanba, 24-Dek-2012, 11:52 | Сообщение # 75 |
 
Группа: IJODKOR
Сообщений: 2601
Статус: | Алоэ ва лавлаги суртмаси
Гўзал бўлишнинг яна бир усули.
Керак бўлади: 1 ош қошиқ алоэ, 1 дона лавлаги, 3 ош қошиқ янги сут, 4 ош қошиқ сариқ чой шарбати.
Тайёрлаш усули ва қўллаш: Лавлагини ювиб, 2 соат мобайнида қайнатасиз, сўнг совутиб, пўстини тозалайсиз. Майда қирғичдан ўтказиб, алоэни қўшасиз. Ушбу бўтқага янги сутни қўшиб, сариқ чой шарбатини қўшасиз. қоришмани яхшилаб аралаштирасиз. 10 дақиқа давомида юзингизга суртиб қўйинг. Сўнгра қайнаган илиқ сувда ювиб ташлаб, терингизга мос келадиган крем суртинг.
|
| |
| |
