|
Foydali maslahatlar
|
|
| SAKINA | Date: Dushanba, 24-Dek-2012, 12:07 | Message # 76 |
 
Group: IJODKOR
Messages: 2601
Status:  | Эшитиш қобилиятини ошириш учун қўлланиладиган воситалар
Кўпинча киши қариб қолганида ёки бошқа баъзи бир сабаблар туфайли эшитиш қобилияти пасаяди. Бу ҳолда ҳам халқ табобатида қўлланилган ишончли воситалардан фойдаланиш мумкин.
Ёнғоқ барги ширасини сиқиб олиб, уни қулоққа томизилса, эшитиш қобилияти яхшиланади. Бундай усулдан қулоқ йиринглаганида ҳам фойдаланиш мумкин.
Санчувчи ўсимлигининг устки қисмидан бир сиқимини олиб чойнакка дамланади ва кунига 2 маҳал 15 томчидан ичилади. Бу ҳам эшитиш қобилиятини тикланишига ёрдам беради.
Бодом ёғини ажратиб олиб, уни қулоққа томизиш ҳам яхши фойда беради.
Сохта каштан ва қарафс ўсимликлари ҳам қулоқ хасталикларида даво сифатида ишлатилади
Пиёзни сувини 1-2 томчидан ҳар куни икки маҳал қулоққа томизиб турилса, қулоқни очади ва эшитиш яхшиланади.
Биласизми:
Қулоқда гар иллат пайдо бўлган дам,
Сабаби сафродир, боду, қон, балғам.
|
| |
| |
| SAKINA | Date: Chorshanba, 02-Yan-2013, 14:56 | Message # 77 |
Group: IJODKOR
Messages: 2601
Status: | Редисканинг пўчоғини арчманг
Редисканинг озуқалик ва шифобахшлик фойдаси катта. Аввало, у эрта баҳорда, ҳамма сабзавотлардан илгари етилади. Помидор, бодринг, сабзи. картошка, гармдори ғарқ пишгунча буларнинг хизматини редиска ўтаб туради. Бироқ, редискадай ажиб неъматни исроф қилиб, пўстини ажратиб ейиш яхши эмас. Уни бир неча бор ювиб, банди, учи ва илдизларнигина қирқиб ташлаб, пўчоғи билан ейиш керак. Негаки, таркибидаги асосий неъматларнинг кўп қисми пўчоғидадир. Қолаверса қизил редискада темир, пушти ранглисида марганец меъда ва ичакларни тозалайди, фосфор эса суяклар учун зарурдир.
Қон босими ошган беморлар редискани сомонча тўғраб, қатиққа ботириб ёйишлари керак. Меъда касали билан оғриганлар ҳам уни шўрвага солиб, пиширилган ҳолда истеъмол қиладилар. Жиғилдон қайнаганда редискани тиш билан қириб, сели ютилса, бу ҳолат дарҳол тарқайди.
Редискали салатларни муттасил еб туриш юрагини ёғ босганлар учун ҳам фойдалидир, у пича оздиради, нерв системаси фаолиятини яхшилайди ва мушак тўқималарини мустаҳкамлайди.
|
| |
| |
| SAKINA | Date: Chorshanba, 02-Yan-2013, 14:57 | Message # 78 |
Group: IJODKOR
Messages: 2601
Status: | Сабзини катта кўзли кирғичдан ўтказиб, тозаланган ўсимлик ёки эритилган ёғга димлаб, истеъмол қилинса жигарга фойдаси катта.
* * *
Инфаркт миокардни ўтказган беморлар хар куни 1 чой қошиқ кунгабоқар мойи қўшилган ярим стакан сабзи шарбати ичиб туриши лозим.
* * *
Юрак мускулларини мустаҳкамлаш учун агар сиз сабзидан таом тайёрлаётган бўлсангиз, унинг поясига ҳам эътиборсиз бўлманг. Масалан, сариқ бўлганда сабзининг поясини қайноқ сувга дамланг, яхшилаб тиндириб қўйинг ва чой ўрнига ичинг.
* * *
Атеросклероз ва юрак тож томирларида камчилик аниқланганда сабзи ва унинг уруғи ёки сабзидан тайёрланган препаратлар томир кенгайтирувчи восита сифатида қўлланилади.
* * *
Буқоқни даволаш учун бир стакан сабзи шарбати, бир стакан картошка шарбати ва ярим стакан ловия шарбати билан аралаштириб ичилади. Даволаш курси 3 ҳафта. Даволаниш муддати давомида гўшт маҳсулотлари истеъмол қилинмайди. Дори-дармонлар ҳам қабул қилишингиз мумкин.
* * *
Болаларнинг тили оғриганда (молочница), янги сабзи шарбати билан чайиш зарур. Тумовбўлганда кунига 10 марта сабзи шарбати томизиш керак
|
| |
| |
| DURDON | Date: Juma, 04-Yan-2013, 14:01 | Message # 79 |
 SUPER ADMINKA
Group: Admin yordamchisi
Messages: 10149
Status: | 
Наъматак фойдалари
Инсон соғлиғини асраш, касалликларнинг олдини олишда табиат неъматлари ичида оддийгина наъматак (шиповник)нинг қанчалар фойдали эканини кўрган ҳар бир киши Аллоҳ одамларнинг шифо топишлари учун ҳамма нарсани яратиб қўйганига тўла амин бўлади.
Бу неъмат шунчалик фойдали, шифобахш ва зарур неъматки, унинг битта ўзи бутун бошли дорихона ўрнини босиши мумкин. Ўтмишдаги ва ҳозирдаги халқ табиблари китобларида наъматакнинг ўнлаб шифобахш хусусиятларини келтириб ўтишган.
Наъматак таркибида инсон саломатлиги учун ниҳоятда зарур бўлган С, В-2, Р, Е, К дармондорилари мавжуд. Шунингдек, у каротин, қанд, ёғ, органик кислоталар, флавоноидлар, пектин, маъданли тузлар ва бошқа моддаларга ниҳоятда бой. Мевасида маъданли тузлардан калий, темир, марганец, фосфор, калций, магний бор.
Улуғ олим ва табиб Абу Али ибн Сино таърифича, наъматакнинг барча тури тозаловчи ва суюлтирувчи хусусиятига эга. У қулоқдаги қуртларни ўлдиради, қулоқ шанғиллаши ва ғувиллашига, тиш оғриғига фойда қилади. Ёввойи хили пешонага чапланса, бош оғриғини босади. Унинг барча турлари бурун тешикларидаги тиқилмаларни очади. У томоқдаги ва бодомсимон безлардаги шишларга ҳам фойдалидир.
Наъматак гули, меваси, уруғи, барги ва илдизи халқ табобатида қадимдан бери кенг қўлланиб келиняпти. Мевасидан тайёрланган дамлама ва қайнатмалар халқ табобатида ўпка сили, қизилча, терлама (тиф), ўт қопчасининг яллиғланиши, меъда-ичак, буйрак қовуқ касалликларини даволашда ишлатилади.
Унинг меваси танага қувват бағишлайди, модда алмашинувини яхшилайди, ёнғоқчалари эса буйрак ва сийдик йўли касалликларини даволашда сийдик ҳайдаш учун ишлатилади. Ўсимлик илдизидан тайёрланган дамлама ва қайнатма халқ орасида меъда ва жигар касалликларига, кукуни эса яраларга даво сифатида қўлланади.
Наъматак мевасининг қайнатмаси, яъни шарбати халқ табобатида жуда кўп касалликларни даволашда тавсия этилади. Шарбат олиш учун унинг мевасидан 10-15 тасини олиб ювиб ташланади ва сирли идишда ўн дақиқагача қайнатилади ва тиндириб истеъмол қилинади.
Наъматак дамламаси тайёрлаш учун эса ярим литрли термосга тўрт-бешта наъматак мевасидан солиб, устига қайнаган сув қуясиз ва бир кеча қолдириб, кейин эрталаб сузиб оласиз. Дамлама овқатдан йигирма дақиқа олдин кунига уч маҳалдан ичилади. Мазкур дамлама бутун танага қувват беради, унинг чидамлилигини оширади, йўтални кетказади, ҳазм йўллари яллиғланишини даволайди, жигар оғриғидан халос қилади. Оғиз бўшлиғи шамоллаганида у билан бир неча бор ғарғара қилиб ташланса, фойдаси тегади.
Аёлларда учрайдиган бачадондан қон кетиши касаллигида наъматакни узоқ қайнатиб, шарбати ичирилади, меваси қайнатилган сувда аъзони ювиш ҳам фойда беради.
Чипқонни даволашда ҳам наъматак қайнатмаси энг яхши даво саналади. Ундан беморга чой қилиб ичирилса, қони тозаланиб, ярадан қутулади, яранинг тез етилиши учун эса унинг ширасини суртган маъқул.
|
| |
| |
| DURDON | Date: Juma, 04-Yan-2013, 14:02 | Message # 80 |
SUPER ADMINKA
Group: Admin yordamchisi
Messages: 10149
Status: | Совуқ мизожли ва қон босими паст бўлган беморларга наъматак дамламаси энг шифобахш чой ўрнини босади.
Қаттиқ совуқда қўл, оёқ ва бошқа аъзоларини шамоллатган кишилар унинг қайнатмасини тез-тез ичиб туришса, танани қиздириб, заҳарли моддаларни пешобга ҳайдайди. Кўз шамоллаб ёшланганида, шапоқланса ёки говмижжа чиқса наъматак қайнатмаси билан кўзни кўп ювиш тавсия этилади.
Қовуқ, буйрак шамоллаганда ҳам наъматак қайнатмасидан бетобга бот-бот иссиғида ичирилса, шифо бўлади. Қайнатмада қовуқ устини бир неча бор ювиш ҳам мумкин.
Мушаклар шамоллаганда, қорасон хасталигида наъматак қайнатмасини оғриқ қўзғолган, хаста жойларга суртиш дардни енгиллаштиради.
Бу қайнатма, шунингдек болалар шамоллаши туфайли баданига тошган майда қизил, сувсиз тошмаларни даволашда ҳам қўл келади. Бунинг учун бола қайнатмада чўмилтирилади ёки кун давомида у билан бир неча бор эмланади. Наъматак меваси болалар иштаҳасини очади ва уларга қувват бўлади.
Бу неъмат семизликни аста-секин даф қилади, чунки у ични суриб, ювиб-тозалайди, кичик таҳоратни тезлаштиради. Камқувват, тинкаси қуриган одамлар унинг баргларини чой ўрнига дамлаб ичишса, фойда қилади.
Иккита ош қошиқдаги наъматак мевасини қайноқ сув қуйилган термосга солиб, бир кеча-кундуз дамланади ва сўнг сузиб олинади. Ундан ҳар куни икки-уч маҳал овқатдан олдин 100 мл.дан ичилса, камқонлик, қувватсизлик, атеросклероз, буйрак ва жигар хасталиклари, шамоллаш, авитаминозда шифо бўлади.
Бир ош қошиқдаги майдаланган наъматак баргини 300 мл. қайноқ сувда икки-уч соат ёпиқ идишда дамлаб қўйилади ва сузилади. Буни икки ош қошиқдаги асал билан икки-уч маҳал овқатдан олдин ичилса, битиши қийин яраларни даволашда қўл келади.
Агар кунига икки грамм қуритилган наъматак мевасидан майдалаб истеъмол қилинса, инсон умрини узайтириш, жинсий қувватини сақлашга ёрдам беради.
Иссиқ мизожли кишиларга эса наъматак дамламаси ва қайнатмаси тўғри келмайди, чунки у бундай одамларнинг ошқозон ости безига салбий таъсир кўрсатади. Шунингдек қон босими – хафахон, қанд касаллиги, шақиқа, жигар касалликлари, тахт, бавосир, темиратки каби бемор иссиғи ошиб кетиши туфайли пайдо бўладиган хасталикларда ҳам наъматак қайнатмаси фойда бермайди.
Наъматакдаги С дармондориси тишнинг эмал қатламини емириши боис, уни истеъмол қилгандан кейин оғизни албатта илиқ сув билан чайиб ташлаш керак.
Замонавий тиббиётда наъматак мевасидан дамлама, экстаркт ва ҳўл мевасидан шарбат ҳамда ҳапдори ва холосис каби доривор воситалар тайёрланади. Мазкур дорилар авитаминоз хасталиги ва атеросклерозни даволашда ўт ҳайдаш мақсадида ишлатилади. Каротолин препарати битмайдиган яралар, дерматитлар, қўтир, қичима, экзема, псориаз каби тери касалликларини даволашда қўл келади. Наъматак барча турлари мевасидан витаминли ва поливитаминли йиғма чойлар, озиқ-овқат саноатида эса витаминга бой аралашма, конфетлар ва қандолат маҳсулотлари тайёрланади.
«Шифобахш дорининг кўпи заҳарга айланади», деганларидай, наъматакдан фойдаланишни суиистеъмол қилиш даво ўрнига зарар келтириши мумкин. Профессор А. Д. Туров тавсияларига кўра, наъматак шарбатлари ва дориларини узоқ вақт сурункали истеъмол қилганда меъда ости безининг инсулин ишлаб чиқаришига салбий таъсир кўрсатиши, лангерганс оролчаларининг мўътадил фаолияти бузилишига сабаб бўлиши мумкин экан.
|
| |
| |
| OSIYO | Date: Juma, 11-Yan-2013, 03:20 | Message # 81 |
 Peshqadam
Group: Ishonchli
Messages: 7142
Status: | Сочлар ювилмаганда қуруқ ёки ёғли кўринадими?
Энди натижалар билан танишинг.
Нормал сочлар
Сочингизни 3-4 кун ювмасангиз ҳам ёғланмайди, ўз жилоси ва эластиклигини йўқотмайди. Шу тип сочлар учун қулмоқ(хмель)дан тайёрланадиган ажойиб рецептни қўллаб туриш зарур. Ўсимликнинг 100 граммига 1 л. совуқ сув солиб, 30 дақиқа қайнатинг. Қайнатма совиганда докадан ўтказиб олинг. Ҳафтасига 2 марта соч ювгандан сўнг ушбу қайнатма билан чайилса, фойда қилади.
Қуруқ ва ялтирамайдиган сочлар
Бошдаги ёғ безларидан етарли ёғ ажралмаса, бош териси қуриб, қазғоқ пайдо бўлса, А ва F витаминларига бой маҳсулотларни истеъмол қилинг. Ўсимлик ва писта ёғидан қилинган таомларни кўпроқ тановул қилиш керак. Мева ва сабзавотлардан хурмо, апельсин, қовоқ, сабзи ҳамда карамга таомномангиздан кенгроқ жой беринг.
Баъзи ёғли аппликациялар ҳам асқотади:
4 ош қошиқ илитилган ўсимлик ёғига тухум сариғини қўшиб, А витаминининг ёғли эритмасидан озроқ томчилатинг. Аралашмани сочга суртиб, ярим соатдан кейин ювиб ташланг.
Ярим стакан сув қўшилган 40 фоизли спиртга (1:1) майдаланган қуруқ қизилпойча(зверабой)дан 3 ош қошиқ қўшинг. 1 ҳафта тиндириб қўйиб, сувини ажратиб олинг. Уни ҳафтада 2 марта бош терисига суртиш керак.
Қуруқ сочлар тўкилмаслиги учун 1 ош қошиқ майдаланган қоқи ўт(одуванчик)ни 1 стакан сувда дамлаб, сочингизни чайиб туринг.
Ёғли сочлар
Ювганингиз эртасига сочлар ялтирайди, тарамлар бир бирига ёпишади. Бу ҳолатда биринчи қадам овқатланишни тўғри ташкил қилишдир. Углеводлар иложи борича камроқ истеъмол қилингани маъқул. Хамирли, ёғли егуликлардан, ширинликдан тийилиш даркор. Витаминга бой бўлган мева, сабзавот ва бошоқли ўсимликларни овқатланиш дастурингизга киритасиз.
Бунай сочлар алоҳида схема бўйича ювилади. Бошингизни 2-3 минут оддий сув оқимига тутиб туриб, сўнг ювиш воситасини суртасиз. Ювишдан олдин сочингизга 1 чойқошиқдан асал, алоэ шарбати ва лимонга 1 дона тухум сариғи ва майдаланган саримсоқ бўлаги аралашмасини қўшиб суртинг. Ювиб бўлгандан сўнг чайиш учун қизилпойча, туятовон(мать-и-мачеха), қичитқи ўт(крапива) ёки баргизуб(подорожник) дамламаларидан фойдаланиш мумкин.
Шунингдек, 1 ош қошиқдан майдаланган мойчечак ва маврак(шалфей)ни 0,5 литр сув билан 1 соат дамлаб бош артилса, дамлама ёғ безлари ишини секинлаштиради.
Аралаш тип
Хусусияти: бош териси – ёғли, соч учлари –қуруқ.
Бу муаммо сочини тез-тез бўяйдиган ҳамда фендан кўп фойдаланадиган аёлларга жудаям таниш. У ҳолда бош терисига ёғли сочлар учун фойдаланиладиган аралашмалардан, учларига чакамуғ(репейник) мойидан суртинг.
Бундан ташқари бир хил миқдорда баргизуб, қичитқи ўт барглари ва мойчечакнинг 1 ош қошиқ йиғиндиси устидан 1,5 стакан қайнаган сув қуйиб, 2 соат тиндиринг. Кейин дамламага юмшоқ жавдари нонини ботириб қўйинг. Ҳосил бўлган бўтқани сочга суртиб, 1 соатдан сўнг илиқ сув билан ювиб ташлаш керак. Бу ишни то сочлар нормал ҳолатга келмагунча ҳар куни амалга ошириш ҳам мумкин.
|
| |
| |
| OSIYO | Date: Juma, 11-Yan-2013, 03:21 | Message # 82 |
|
Peshqadam
Group: Ishonchli
Messages: 7142
Status: | Оддий қоидалар
Сочларни тўғри парвариш қилсангиз, улар ўз тароватини йўқотмайди.
Соч ювилгандан кейин мудом артиш ёки тараш мумкин эмас. Соч илдизлари ўта сезгир, бундан сочлар узилиши мумкин.
Агар сочингизни фен билан қуритмоқчи бўлсангиз, соч илдизидан бошланг. Бунда фен сочдан 15-20 см узоқликда ушланиши керак.
Фен билан сочни охиригача қуритиш керак эмас.
Соч ўстириш
Сочларингиз соғлом ўсишини истасангиз, қуйидаги бир нечта маслаҳатларимиздан фойдаланинг:
Сочингизни тез муддатда ўстирмоқчи бўлсангиз, пиёз ёки саримсоқпиёзнинг эзилган бўтқаси асқотади. Ювишдан 30-40 минут аввал сочга суртиб қўйилади.
Соч ўсишига 1 ош қошиқдан канакунжут(касторовый) ва чакамуғ мойи, 40 фоизли спирт ва тухум сариғи аралашмаси яхши таъсир қилади. Қўшимча равишда 5-6 таблетка пиво дрожаларининг туйилгани ва 1 ош қошиқ алоэ шарбатини ҳам қўшиш мумкин. Бошга суртиб, 1 соатдан сўнг ювасиз.
Уқалаш
Сочларингиз тўкилиб, камайиб бораётган бўлса, уқалаш айни муддао. Бу айниқса, бош териси қуруқ ва сочлари қазғоқланган кишилар учун яхши малҳам бўлади.
Соч ўса бошлаган жойдан (пешонадаги) энсага қараб иккала қўл бармоқларини билан худди тарагандек юргизасиз. Ёки бир қўлингизни пешанага, иккинчисини энсага қўйиб, бошни астагина силаб келиб бир-бирига учраштирасиз.
Бошнинг учидан пастга ва аксинча тез-тез чаққон бармоқларни ҳаракатлантиринг.
Бармоқларни бошнинг тепасидан соч тугаган жойгача худди терини суриб ташлаётгандек юргазинг.
Бу машқларни бош ювишдан 10-15 дақиқа олдин ёки ювиш жараёнида ҳафтасига 2 марта амалга ошириш мумкин.
Соч жилоси учун…
Уй шароитида тайёрланадиган воситалар орқали сочингизни бақувват ва сержило қилиш ўз қўлингизда.
Сочингизни 1 л қайнаган сувга 1 ош қошиқ лимон сувини аралаштириб чайсангиз, юмшоқ ва сержило бўлади.
Сочларингиз мустаҳкамлиги, тез ўсиши ва ялтираши учун қариқиз(лопух) барги ва илдизини майдалаб, бироз қайнатинг. 30 дақиқа дамлаб қўйгандан кейин сочингизни чайишингиз мумкин.
Тим қора сочлар қуруқ чой қайнатмаси (2 ош қошиқ чой:1 л сув) билан чайилса ҳам ажойиб натижаларга эришиш мумкин.
Бошни ювиб бўлгандан сўнг уни совуқ сув оқимида ушлаб турилса, сочларга майинлик ва жило бахш этади.
Сочлар оқарашини тўхтатиш мумкин!
Соч оқаришини биз доим хавотир билан қарши оламиз. Аммо бу жараённи тўхтатиш мумкин. Мана бир нечта маслаҳатлар:
Соч оқариши организмда тирозин моддасининг камайганидан далолат беради. Сочнинг эрта оқаришининг олдини олиш учун кўпроқ оқсилга бой маҳсулотлар (эчки сути, балиқ, гўшт, тухум, творог ва б. сут маҳсулотлари)дан истеъмол қилиш зарур.
Танамизда мис моддаси камайиб кетса ҳам соч оқаради. Мис жигар, ёнғоқ, буғдой, ясмиқ, ловия ва петрушка таркибида бўлади.
Соч оқармаслиги учун қуритилган олма дамламасини суртиш ҳам фойда беради. 3 ош қошиқ майдаланган олма қоқисини 0,5 л совуқ сувга 1 соат солиб қўйиб, сўнг қайнатамиз. Бир қайнаб чиққач, ўчириб, 1 соат тиндириб қўямиз. Кейин сузиб олиб, дамламани сочга суртиб, 20-30 дақиқа қолдирилади. Сочнинг эрта оқариши назар-писанд қилмайдиган ҳодиса эмас. Бутун организмни текширтириш лозим.
Сочингиз тўкилмасин!
Қуйида тавсия қилинадиган рецептлар учун маҳсулотлар ошхонадан бемалол топилади. Соч тўкилиши организмингиздаги жиддий ўзгариш билан боғлиқ бўлмаса, бу жараённи тўхтатиш мумкин.
Бир бош пиёзни қирғичдан чиқариб сувини ажратиб олинг. Бошингизга суртиб, 20 дақиқага ўраб қўйинг. Бу тадбирни кунора такрорлаш мумкин.
Чакамуғ(репейник) мойини фитомаҳсулотлар сотиладиган дўкон ё дорихоналардан топиш мумкин. Уни бироз қиздириб, бошга обдон суртилади. Полиэтилен шапкасини кийиб, устидан сочиқ ўранг. Ярим соатдан кейин шампунь биан ювиб ташланг.
|
| |
| |
| DURDON | Date: Dushanba, 21-Yan-2013, 17:17 | Message # 83 |
SUPER ADMINKA
Group: Admin yordamchisi
Messages: 10149
Status: |
Асал: инсоният учун шифо
Асаларилар турли хил гулларнинг шарбатларини истеъмол қилишгач, кейинчалик таналари ичида улардан асал ҳосил бўлади, асални эса мум катакчалардан иборат уяларида сақлашади. Асалнинг асалари қорнидан чиқиши инсониятга фақатгина икки аср олдин маълум бўлди. Қуръонда эса бу хабар бундан 1400 йил илгари айтиб қўйилган:
"Уларнинг қоринларидан турли рангдаги шароб чиқар. Унда одамлар учун шифо бордир.” (16:69) Бизга асалнинг шифобаҳш ҳислатлари кўп экани ва беғализ малҳам эканини фақатгина бугунга келиб аён бўлди. Иккинчи Жаҳон Урушида Совет қўшинлари жароҳатларига асални малҳам қилиб қўйишарди, шунда жароҳатланган жой намлигича сақланар ва ундан бироз чандиқ қоларди холос. Асал ўта зич модда бўлганлиги сабабли, жароҳат ўрнида замбуруғ ёки бактерияларнинг кўпайиши учун ҳеч қандай шароит қолдирмасди.
Англияда хусусий шифохоналарида ҳамшира Керол хоним қўли остида бўлган бедаво кўкрак касаллиги ва Алсгеймер касаллигига чалинган 22 та беморни даъволашда прополис (асаларилар уяларидаги бактерияларга қарши ишлатилвучи) моддасидан фойдаланганида, ҳайратланарли даражада ижобий ўзгаришлар кузатилди.
Муайян бир ўсимлик турига нисбатан аллергияси бор кишига ўша ўсимлик асалидан берилса, унда ўша аллергияга қарши иммунитет ҳосил бўлади. Шу билан бирга асал фруктоза ва К витаминига ҳам бойдир.
Қуръонда келган асал, унинг манбаси ва хусусиятлари ҳақидаги хабарлар, у нозил қилинганидан асрлар ўтиб кашф қилинмоқда.
|
| |
| |
| SAKINA | Date: Chorshanba, 06-Fev-2013, 15:22 | Message # 84 |
Group: IJODKOR
Messages: 2601
Status: | To‘yib uxlamaslik nimalarga olib kelishi mumkin?
To'yib uxlamaslik yoki muntazam uyqusizlik semirishga, organizmdagi moddalar almashinuvining buzilishiga, gormonal o'zgarishlarga hamda gipertoniya va qandli diabetga olib keladi.Uyqusizlik dardiga chalingan kishilarda avtomobil halokati qurboniga aylanish ehtimoli 2,5 baravarga yuqori bo'lar ekan. Xo'sh, uyqusizlik dardiga chalinmaslik, to'yib, tiniqib uxlash hamda uyquga to'yib turish uchun nimalar qilish kerak? Uyquni me'yorga keltirish uchun salbiy voqealar va noxushliklarni biroz vaqtga unutgan, muammolarni bir chetga surib qo'ygan holda ignabargli daraxt moyi yoki ekstrakti qo'shilgan vannani qabul qilish va sokin musiqa tinglash lozim.
Shuningdek uyqusizlik balosidan xalos bo'lishga uy hayvonlari ham yordam beradi. Agar itingiz bo'lsa, demak kechki sayrga albatta chiqasiz, mushugingiz bo'lsa - uni silash sizni stresslardan xalos qiladi va tinchlantiradi.
Bundan tashqari uyqusizlikda kun davomidagi jismoniy mehnat va aniq kun tartibiga rioya qilish ham yordam berishi mumkin.
Agar uyqungiz buzilgan bo'lsa, unda uxlash oldidan qahva yoki spirtli ichimliklarni iste'mol qilmang. Porolondan tayyorlangan to'shakda uxlamang, tabiiy shifobaxsh giyohlar to'ldirilgan kichik yostiqni xarid qiling.
Shu bilan birga uyqu oldidan teelvizor tomosha qilish yoki kompyuterda ishlash ham tavsiya etilmaydi.
Uyqusizlik dardigan chalingan ba'zi kishilarga oyoqlari ostiga qo'yilgan iliq grelka yoki iliq suvli shisha idish yordam berishi mumkin. Shuningdek, uyqu oldidan asal solingan bir piyola iliq suv yoki sut ichish, boldirga gorchichnik qo'yish yoki yengil uyqu keltirish effektiga ega giyohli damlamani qabul qilish mumkin.
Uyquning davomiyligi har bir kishida turlicha bo'lib, kishining yoshiga, fe'l-atvoriga va irsiyatiga ham bog'liq bo'ladi. Ba'zi kishilarga to'yib uxlashlari uchun 7-8 soat kerak bo'ladi, boshqalarga hatto 9 soat ham kamlik qiladi, uchinchi birovlarga esa 5 soatning o'zi yetarli.
|
| |
| |
| DURDON | Date: Dushanba, 11-Fev-2013, 12:49 | Message # 85 |
SUPER ADMINKA
Group: Admin yordamchisi
Messages: 10149
Status: | Ялпиз чой бош оғриғини қолдиради
Ялпиз таркиби эфир мойлари, органик кислоталар, флавоноидлар, каротин, глюкоза, рутин, С дармондориси ва яна бир қатор фойдали моддаларга бой.
Унинг ер устки қисмидан тайёрланган қайнатмаси тиш оғриғи, оғиз караши, милк яллиғланишини даволаш учун тавсия қилинади. Ялпиз қайнатмасига қанд қўшиб тайёрланган қиёми қуёнчиқ хасталигига, ўсимлик шираси эса шақиқа ва сариқ касалига қарши жуда фойдали. Ялпиз кўкракни юмшатиб, балғамни кўчиради. Нафас йўли касалликларини олдини олишда кенг қўлланади.
Ялпиздан қайнатма тайёрлаш учун 5-20 грамм ялпиз япроғи 200 грамм сувда 15 дақиқа қайнатилади. Сўнг дока орқали сиздириб, шарбати кунига 2 маҳал овқатдан олдин ичилади.
Ялпизли суртма малҳам шиш ва оғриқдан ҳоли қилувчи воситадир. Бунинг учун 200 грамм миқдорида ялпиз гулидан олиб, шиша идишга солинади ва унга 400 грамм зайтун ёғи қўшилади. Идиш оғзи оқ мум билан зичлаб беркитилади. Сўнг уни 40 кун қуёш кури тушиб турадиган жойга қўйилади.
Ялпиз чой бир қанча касалликларни даволашда қўлланади. Гипертония, атеросклероз, стенокардия, невроз, уйқусизлик, ошқозон ва ичак касалликларида ялпиз чой фойдалидир. Шунингдек, асабларни тинчлантириб, бош оғриғини қолдиради. Эрталаб ичилган бир пиёла ялпиз чой кун давомида инсонга тетиклик бағишлайди. Уйқудан олдин ичилса чарчоқларни ёзиб, яхши дам олишни таъминлайди. Ялпиз таркибидаги ментол моддаси артериал қон босимини туширишда ёрдам беради. Турли ичак касалликларида, шамоллаш ва гриппни даволашда ҳам ялпиз чойнинг фойдаси кўп. Тиббиётда ялпиз баргларидан асаб тизимини тинчлантиришда бир қатор дори воситалари тайёрланади.
Ибн Сино ялпиз билан ичак оғриқларини даволаган. У ялпизни овқат ҳазм бўлишини яхшиловчи, гижжа ҳайдовчи, қон тўхтатувчи, қайт қилишни қолдирувчи восита сифатида тавсия этган. Халқ табобати амалиётида ялпизли қайнатма истисқо, қўтир, бод, сариқ, ширинча, шамоллаш, йўтал ва бошқа касалликларни даволашда яхши фойда бериши аниқланган. Ялпиздан баҳорда кўкатли сомса, манти, чучвара ва бошқа таомлар тайёрланиши инсон саломатлигини мустаҳкамлашда муҳим аҳамиятга эга.
|
| |
| |
| SAKINA | Date: Dushanba, 11-Fev-2013, 14:12 | Message # 86 |
Group: IJODKOR
Messages: 2601
Status: | Bel og'rig'i
Bel og’rig’i. bel sanchig’i, lyubago (любаго) – bel sohasining birdan qattiq og’rib qolishi. Umurtqa pog’onasi boylamlarining cho’zilishi, orqa miya ildizlarining qisilishi yoki bosilib ezilishi natijasida paydo bo’ladi. Umurtqa pog’onasi shikastlangan yoki moddalar almashinuvi kasalliklari (masalan podagra) bilan og’rigan kishilarda ko’proq kuzatiladi.
Shuningdek, revmatizm bo’lgan bemorlarda yoki umurtqalararo tog’aylarning nuqsonlari oqibatida ham paydo bo’lishi mumkin. Sovqotish, infeksion kasalliklar, mushaklarning ortiqcha zo’riqishi, og’ir yuk ko’tarish og’riq paydo bo’lishiga sabab bo’lishi mumkin. Og’riq tutganda bemor burial olmay qoladi. Salgina harakat, yo’tal sanchiqqa sabab bo’ladi. Mushaklar bosib ko’rilsa juda bezillab turadi. Og’riq, odatda, bir necha soatdan 4-5 kungacha tutadi.
Bel og’rig’I tutganda yotish kerak. Kasallikning o’tkir davrida vrach tavsiyasiga binoan yallig’lanishga qarshi va og’riq qoldiruvchi dori-darmonlarni qabul qilib turish, belga gorchichniklar qo’yish, iylash, issiq va qaynoq vannalar qilish tavsiya etiladi. Bemorga go’shtli, sho’r, achchiq taomlarni cheklab berish lozim.
Mutaxassislar fikrlari:
Bel og'rig'i sizni bezovta qilsa, kashtan mevasi bilan idishni to'ldiring, ustidan etil spirti quyib, qopqog'ini berkiting, buni uch kun quyoshga qo'yasiz va qirq kun boshqa joyda saqlab qo'ysiz. Tayor suyuqlik teriga surilsa, shifo topasiz
|
| |
| |
| SAKINA | Date: Chorshanba, 20-Fev-2013, 13:18 | Message # 87 |
Group: IJODKOR
Messages: 2601
Status: | 
Ish Vaqtida Tetik O’tirishning Yo’llari
Ishxonada kompyuter oldida kuni bilan o’tirish – sizning sog’ligingizga va o’zingizni qanday his qilishingizga o’z ta’sirini ko’rsatmay qolmaydi. Harakatning sustlashishi va kamayishi natijasida kun o’rtasiga kelib, o’zingizda lanjlikni his qilasiz. Lekin quyida berilgan o’ta oddiy qoidalarga amal qilib, siz o’zingizdagi sustlikni bartaraf qilishingiz va kun davomida tetik yurishingiz mumkin bo’ladi.
Tavsiyalar:
1.Stolingiz ustida har doim bir stakan suv tursin. Har safar stakanga ko’zingiz tushganda bir qultumdan ichin turing. Bu teringiz va ovqat hazm bo’lishida juda foydali. Choy yoki kofening o’rniga o’tli damlamalarni ichganingiz ma’qul.
2.Ko’zingizni tez-tez pirpiratib turing. Agar siz har doim kompyuterga tikilib o’tirishingizga to’gri kelsa, odatdagidan ko’ra ko’proq ko’zingizni pirpiratib turing. Ko’zingizni tepaga va pastga qaratib, kipriklaringizni pirpirating – bu horg’inlikni bartaraf qiladi, ko’zlaringizga hordiq beradi.
3.O’rningizdan tez-tez turib, aylanib turing. Har 15 daqiqada yoki har yarim soatda o’rningizdan turib, xech bo’lmaganda derazani oldiga borib keling, oyoqlaringizni chigalini yozing. Bir kunda 2 marta o’zingizga hordiq vaqtini ajrating va bir necha daqiqa dam oling, o’shanda ish mahsuldorligingiz yanada oshadi.
4.O’zingizni massaj qiling. Qo’llaringizni, quloq suprasini, yuzlaringizni va peshonangizni massaj qiling – bu charchoqlarni ketkazadi va tetiklashtiradi.
5.O’zingiz bilan yegulik olib keling. Ishxonangiz yaqinidagi kafe yoki oshxonadan ovqatlanishni foydali deb bo’lmaydi. Tushlikka biro lam narsa yeyish ham shart emas. Yetarlicha mevalar, yong’oq, sabzavotlar yoki salad tushlik uchun ayni muddao.
6.Ko’zingizni yumib yaxshi narsalar haqida o’ylang. O’zingizni yomon his qilganingizda, stulingizni suyang’ichiga suyaningda, ko’zingizni bir necha daqiqaga yuming. Ko’zingizga bir oz dam berib, yaxshi narsalar haqida o’ylang.
|
| |
| |
| SAKINA | Date: Juma, 22-Fev-2013, 21:37 | Message # 88 |
Group: IJODKOR
Messages: 2601
Status: | Quyida xotirani yaxshilovchi eng oddiy va bajarsa bo'ladigan usullarni keltiramiz.
1. Uyqu - eng yaxshi dori
Agar ertangi kunga muhim uchrashuv yoki taqdimot marosimi tayinlangan bo'lsa, tuningizni materialni takrorlash bilan o'tkazmang. Yaxshisi to'yib uxlab oling. "Learning and Memory" jurnalida chop etilgan amerikalik olimlarning tadqiqotlariga ko'ra, miyani "qayta yuklash" uchun kamida yetti soat uzluksiz uyqu zarur. Miya bu soatlar ichida kun bo'yi olingan ma'lumotlarga ishlov berishga va tartibga solishga ulguradi.
2. Krossvordlar va boshqotirmalar
Krossvordlarni yechish - vaqtni bekorga o'tkazish, deb o'ylaysizmi? Aslo unday emas! "Shaharlar" yoki "skrabbl"ga o'xshash jo'ngina o'yinlar fikrlash jarayonini ajoyib tarzda mashq qildiradi va har qanday yoshda ham xotirani yaxshilaydi. Bu borada olib borilgan tadqiqot natijalari Amerikaning "Neurology" jurnalida chop etilgan.
3. O'rta yer dengizi xalqlariga xos parhez
Olimlarning tadqiqotlariga ko'ra, zaytun yog'i qo'shilgan sabzavotli salatlar va qizil musallas bilan go'shtli bifshtekslardan iborat O'rta yer dengizi xalqlariga xos parhez katta yoshda ham xotira bilan muammolar kelib chiqishi xavfini 40% ga kamaytirar ekan. Shunday ekan, ishtahani ochuvchi italyan, ispan va grekcha taomlarni rad etmang.
4. Nafas olishingizni nazorat qiling
Ko'p hollarda biz xotiramizda bo'sh joy bo'lmagani uchungina yangi axborotni eslab qola olmaymiz. Ba'zida juda qisqa muddat ichida undan ko'p narsani talab qilamiz. Bu holda relaksatsiya bo'yicha nafas olish texnikasi yordam beradi. Xotirani mashq qildirish bo'yicha Nyu-York tashkilotining prezidenti bama'ni maslahatlarni beradi: "Agar yogani yoqtirsangiz, u bilan iloji boricha ko'proq shug'ullaning. Agar aksi bo'lsa, shunchaki kechqurunlari istirohat bog'ida sayr qiling va chuqur, xotirjam nafas oling. Nafas olishingiz to'g'ri bo'lishi juda muhim: nafasning kirishi chiqishiga qaraganda uzunroq bo'lishi kerak". Aytganday, inson bo'shashgan paytda yangi ma'lumotni yaxshiroq eslab qoladi. Shunday ekan, agar xotirangiz sizga pand berishini istamasangiz, relaksatsiyaga tushishni o'rganing.
5. Chernika yordam beradi
Ushbu foydali to'q ko'k meva tafakkuringizni zo'riqishdan himoya qiladi. Ayniqsa bu ishda muntazam diqqat-e'tibor talab etilganida juda muhim. Olimlarning so'zlariga ko'ra, hamma gap chernikadagi antotsianinlarda. Ular chernikaga uning ko'zga tashlanadigan yorqin rangini beruvchi antioksidantlardir. Aynan ular bosh miyadagi neyronlar kommunikatsiyasini yaxshilaydi, bu esa xotiraning shunga mos tarzdagi reaktsiyasi uchun javob beradi.
6. Yong'oq iste'mol qiling
Har kuni bir hovuch yong'oq xotira bilan muammolardan qochishga yordam beradi. Ularning tarkibidagi polifenollar va yog'li kislotalar miya faoliyatini faollashtirish imkonini beradi, deyishadi olimlar. Faqat ehtiyot bo'ling: yong'oqlar juda kaloriyali bo'ladi. 50 gramm go'sht yoki bir osh qoshiq zaytun yog'ida qancha kaloriya mavjud bo'lsa, o'n dona yong'oqda ham shuncha kaloriya bor. Aytganday, zaytun yog'i o'z tarkibidagi olein kislotalari tufayli bosh miya faoliyatini ajoyib tarzda rag'batlantiradi.
7. Foydali stress
Amerikalik mutaxassislarning so'zlariga ko'ra, qisqa muddatli stress vaziyatlar yodda qolish jarayonlarini kuchaytiradi va xotirani yaxshilaydi. Bunda fikrlash faoliyatini ham nazorat qiladigan kortizol gormoni muhim ahamiyatga ega. Shunday ekan, boshliqning xonasidagi qizg'in yig'ilishlar siz uchun faqat foydali bo'ladi.
8. Sut ichib turing
Oksfordlik olimlarning ishontirishlariga qaraganda, sut miya faoliyati va xotira uchun juda foydali. Gap shundaki, sut tarkibida ko'plab aminokislotalar va vitaminlar mavjud. Ular orasida eng qimmatlisi "xotira vitamini" nomini olgan V12 vitaminidir. Ushbu foydali komponentlar kokteyli yosh o'tishi bilan yuzaga keladigan aqliy muammolarning rivojlanishiga to'sqinlik qiladi. Mutaxassislar xotira bilan muammolarning oldini olish uchun kuniga 2 stakan sut ichishni tavsiya etishadi. Agar sizda laktoza yetishmovchiligi yo'q bo'lsa, albatta. Sut suyaklaringizni ham mustahkam qiladi.
9. Tasavvurlar o'yini
Tasavvuriy ong - inson xotirasi rivojlanishining juda muhim qismidir. Rossiyalik olimlar, tasavvuriy hissiyotlari rivojlangan bolalar she'rlarni yengil eslab qolishlarini, maktabdagi darslarni ham yengil o'zlashtirishlarini aniqlashgan. Kattalar uchun tasavvuriy xotirani rivojlantirishning butun bir tizimi mavjud - mnemotexnik, uni o'rganib olish tasavvurlar yordamida voqealar hamda raqamlarni eslab qolish imkonini beradi.
10.Fikrlaringizni yozib boring
Vizual xotira, albatta, ko'pchilik uchun aniq ishlaydi, ammo motorikaga ham bee'tibor bo'lmaslik kerak. Eslab qolinishi qiyinchilik tug'dirgan narsalarni qo'lda yozib qo'ying. Ushbu ma'lumot darhol miyangizda qolmasa ham, sizda shpargalka qoladi.
|
| |
| |
| DURDON | Date: Yakshanba, 10-Mar-2013, 11:06 | Message # 89 |
SUPER ADMINKA
Group: Admin yordamchisi
Messages: 10149
Status: | Ҳўл мевали ва сабзавотли ниқобларда витаминлар кўплигидан терининг озиқланиши яхшиланади, тери то- заланади, оқаради ва майинлашади. Юзнинг териси бўшашган, қуришган, мой безларининг мой чиқадиган тешиклари кенгайган, ажин тушган, сепкил босган, доғ тушган ҳолларда бундай ниқоблар яхши натижа беради. Улар ҳар қандай терига ҳам ярайверади.
Бўйин териси юз терисига қараганда тезроқ буриша бош- лайди, шунга кўра бундай ниқобларни юзгагина эмас, балки бўйинга ҳам қўйиш мумкин. Бунинг учун тери ях- шилаб тозаланиши лозим. Тозалаётганда ҳам, ниқоб тортаётганда ҳам тери энг кам чўзиладиган чизиқларни ёдда тутиш лозим. Тозаланган қуруқ ёки нормал терига юз терисининг қуруқ жойларига, шунингдек бўйин тери- сига биронта ёғли крем суртилади, кетидан иссиқ ҳўл компресс қилиш (хусусан қуруқ ва буришаётган тери учун ) жуда фойдали.
Крем сураётганда ва ниқоб тортаётганда лабларни ҳам эсдан чиқармаслик, уларни ҳам озиқлантириш керак. Ниқобни барвақт, юзга компресс қўйишдан олдин тай- ёрлаш лозим. Бу мақсадда танланган ҳўл мева, реза- вор мева ёки сабзавот (бодринг, карам, помидор, лимон, апельсин, қулупнай, ер тути ) яхшилаб ювилади, дағал пўстидан тозаланади, юмшоқ мевалар шиша ёки чин- ни идишда ёғоч ёки кумуш қошиқ билан эзилади, дағал мева ёки сабзавот эса қирғичда қирилади.
Шундан кейин бир парча дока ёки бинт олиб, унга кўз ва оғиз-бурун ўринлари ўйилади, кейин тайёрлаб қўйилган мева ёки сабзавот сувида ёки бўтқасида ҳўлланади, суви оқиб турмаслиги учун салгина сиқилади-да, юзга ва бўйинга (ғижимларни ёзиб) қўйилади. Ниқоб юз ва бўйинда 10-15 минут туриши керак.
Баъзан мева, сабзавот (масалан, апельсин, лимон, бо-
дринг, помидор ва ҳоказо) бўлакларини қоплаш мум- кин. Бундай мева ёки сабзавотлардан тайёрланадиган ниқоблар турлича бўлади.
Қайнатилмаган янги сутга бир неча бодринг бўлакларини ярим соатча солиб қўйилади. Сўнг қирғичдан ўтказиб, сутли аралашма билан юз териси артилади.
Агар юз териси ўта қуруқ бўлса, янги карам баргларини сутда қуюлгунча қайнатилади. Сўнг уни юз ва бўйин те- рисига 20 минутча суртиб қўйилади.
Агар юз териси ёғли бўлса, сабзини қирғичдан ўтказиб, ҳосил бўлган массани юзга суриб қўйилади.
Карам баргларини гўштқиймалагичдан ўтказиб, битта тухум оқини қўшиб аралаштирилади. Уни юз ва бўйин терисига ярим соатча суриб қўйилади.
Уч дона сариқ сабзи олиб, қирғичдан ўтказилади, 1 чой қошиқ крахмал (пиширилган картошка бўтқаси ҳам бўлади) ва 1 ош қошиқ сутни яхшилаб аралаштирилади. Ҳосил бўлган масса юзга сурилади.
Бу муолажаларнинг ҳар бири юзнинг майин ва тиниқ кўринишига ёрдам беради. Муолажалардан сўнг юзни илиқ сувда юмшоқ совун билан ювилади. Шундан сўнг юзни пардоз қилиш мумкин.
Бу ниқоблар олдин илиқ, сўнг совуқ сувда пахта билан ювиб ташланади. Шундан кейин терига ҳўллигида бир озгина юмшатувчи крем сурилади (крем терига қараб танланади). Мевали-сабзавотли ниқобни ҳафтасига 3-4 марта ва бундан ҳам кўпроқ қўйиш мумкин.
|
| |
| |
| Arslan1717 | Date: Chorshanba, 27-Mar-2013, 16:16 | Message # 90 |
 Eng tajribali
Group: Ishonchli
Messages: 606
Status: | Soglomlik faqat Allahdan
Allahga duo qilib sogayib ketishinggizni ayting duoinggizni qabul qilsa siz ertaga otag bolip ketasiz
|
| |
| |
