Дата: Payshanba, 03-Yan-2013, 15:50 | Сообщение # 65
Peshqadam
Группа: Ishonchli
Сообщений: 4085
Статус:
Хўл норин
Керакли маҳсулотлар: (6-8 кишилик)
Хамири учун:
Ун 300 гр
Тухум 1 та
Туз 15 гр
Сув 100 гр
Қолган маҳсулотлар:
От гўшти 700 гр
Қази 1 та
Ўсимлик ёғи 200-250 мл
Тайёрланиши:
Ун, тухум, сув ва тузни аралаштириб, яхшилаб хамир қорилади ва 20-30 дақиқа тиндирилади.
Сўнгра тиндирилган хамирни юпқа қилиб ёйиб, тахминан 15-20х20 см ҳажмда тўртбурчак шаклида кесилади.
Озроқ туз ва ўсимлик ёғи қўшиб қайнатилган сувга, қайнаётган сув идишини ҳажмига қараб, 2-3 тадан хамир бўлакларини солиб пишириб олинади.
Пишиб чиққач хамирларни човлида сузиб олиб, бир‑бирига ёпишиб қолмаслиги учун хамирни имкон борича тезроқ ёйиб қўйиш керак.
Хамирларни яхши қуриши учун матонинг устига ёйиб қўйиш мақсадга мувофиқ. Хамир қўлга ёпишмайдиган тарзда қуригач, уларнинг бошқа тарафи қуриши учун ағдариб чиқиш лозим.
Дата: Payshanba, 03-Yan-2013, 15:55 | Сообщение # 66
Peshqadam
Группа: Ishonchli
Сообщений: 4085
Статус:
Ёғлаб тахланган хамир бўлакларини энига 4-5 смда тасма қилиб кесилади.
5-6 қаватли тасмани майин қилиб угра каби тўғралади. Нориннинг чиройи хамирнинг қанчалик майин тўғралганига боғлиқ. Одатда яхши қуримаса ёки хамир қатламлари орасини яхши ёғланмаса, тўғралган хамирлар бир‑бирига ёпишиб қолиши мумкин, шунинг учун қуриш ва ёғлашга алоҳида аҳамият беринг. Кераклича тузланган от гўштини қази билан 1-1:30 соат мобайнида милтиллатиб қайнатиб олинади ва гўшт билан қазини сузиб олиб совутишга олиб қўйинг, шўрвасини тўкиб юборишга шошилманг у бизга керак бўлади.
Қайнатиб олинган гўштни ҳам майда қилиб тўғралади. Гўшт шаклини кимдир майда сомон шаклида тўғраш кераклиги айтишса, кимдир кичик тўртбурчак шаклда тўғрашни лозим топишади. Биз кичик тўртбурчак шаклида тўғрашни лозим топдик. Сиз эса ўз истагингизга кўра тўғранг.
Энди тўғралган хамир ва гўшт ва ўсимлик ёғи қўшиб, таъбга кўра зирани янчиб ҳаммасини биргаликда аралаштирилади. Дастурхонга тортиқ қилишда косага тайёр бўлган норинни солинади. Сўнгра олиб қўйилган гўшт ва қази қайнатиб олинган шўрванинг тузи ростланиб, косадаги норин устига қуйилади. Устига паррак қилиб кесилган бир ёки икки дона қази билан дастурхонга тортилади. Таъбга кўра юпқа тўрғалган пиёзга қора мурч сепиб хўл норин билан тортиқ ҳам қилиш мумкин.
Дата: Payshanba, 10-Yan-2013, 08:29 | Сообщение # 67
Peshqadam
Группа: Ishonchli
Сообщений: 7142
Статус:
Tatarcha shurva Зарур масаллиқлар: 300 граммдан мол ва қўй гўшти, 250 гр. қайнатилган мол тили, 2 бош пиёз, 1 дона сабзи, 2 та тузланган бодринг, 8 та қуритилган қора олхўри, яримта лимон, 1 ош қошиқ томат қайласи, 1 ош қошиқ сариёғ, 1 та лавр барги, 8 дона қора мурч, туз.
Тайёрланиши: 1. Қўй ва мол гўштига 1,5 литр совуқ сув солиб қайнатишга қўйинг. Кўпигини олиб ташлаб, қора мурч, арчилган сабзи ва пиёзни бутунича солинг. 1,5 соат давомида қайнатинг. Тайёр бўлишига 20 дақиқа қолганда лавр барги ва туз солинг. 2.Қора олхўрини қайноқ сувда 20 дақиқа ивитиб қўйинг. Кейин сувини силкитиб, данагидан тозаланг. 3.Сариёғ қиздирилган товада ҳалқалаб тўғралган пиёзни 5 дақиқа қовуринг. Тузланган бодрингни сомонча шаклида тўғраб, томат пастаси билан бирга товага солинг. Аралаштириб турган ҳолда 3-4 дақиқа димланг. 4.Қайнатилган гўшт ва тилни олиб, сомонча шаклида тўғранг-да,, шўрвага қайтариб солинг. Қовурилган пиёз, бодринг, ивитилган олхўрини кетма-кет шўрвага ташлаб 5-7 дақиқа қайнатинг. 5.Лимонни юпқа ҳалқалаб, пишган шўрвага солинг. Таомни сметана ва кўкатлар билан дастурхонга қўйинг.
Дата: Yakshanba, 20-Yan-2013, 04:26 | Сообщение # 73
Peshqadam
Группа: Muslima
Сообщений: 1547
Статус:
Livan tabulesi
Tabulening asosiy masallig'i Bulg'ur bo'lib, tabga ko'ra mayin, yoki yirik donalisidan tayyorlash mumkin. Topa olmasangiz , kuskusdan ham tayyorlasa bo'ladi.
Quruq bulg'urni uch marta yuvib, 15 daqiqa sovuq suvda ivitib qo'yamiz.
Shishgan bulg'ur ustiga rayhon va petrushkani yuvib to'g'rab qo'shamiz. Petrushka rayhondan ikki baravar ko'p bo'lgani ma'qul. Yashilliklarni tabulega solayotganda hecham mikserdan o'tkazmang, faqat pichoq bilan yanching, hech bo'lmaganda qaychi bilan qirqing.
Pomidorni judayam maydalamasdan to'g'raymiz, piyozni esa juda mayin qilib to'g'raymiz.
Siqilgan limon suvi, tuz va saxiylik bilan zaytun yog'i qo'shamiz. Aralashtiramiz.
Tabuleni ovqatdan oldin, go'shtli ovqat bilan birga, sandwich bilan iste'mol qilsa bo'ladi.
Сообщение отредактировал LOLA - Yakshanba, 20-Yan-2013, 04:27
Дата: Payshanba, 14-Fev-2013, 15:28 | Сообщение # 74
SUPER ADMINKA
Группа: Admin yordamchisi
Сообщений: 10149
Статус:
Кўклам пайти ҳар қандай тананинг ҳам силласи қурийди. Деҳқон далага чиқиб ҳорийди, қолаверса дастурхондаги ҳўл мевалар ўрни ҳам бўшаб қолади. Шу пайтда қуйидаги таомни ҳафтада икки маротаба тайёрлаб истеъмол қилсангиз, ҳар қандай дард сизни четлаб ўтади: Ўртача катталикдаги ошқовоқни олиб, учбурчак кесмали туйнук очасиз. Бу туйнук орқали қовоқ ичини уруғларидан тозалайсиз. Сўнгра қовоқ ичига 3-4 дона ўртача катталикдаги шолғом, 150 грам майдалаб кесилган қўй думбаси ва икки чой қошиқ зира соласиз. Сўнгра туйнукчани қовоқнинг кесиб олинган қисми билан маҳкамлаб ёпасиз ва буғхонада камида бир соат давомида димлаб пиширасиз. Сўнгра тайёр бўлган таомни ичидагилар билан тенг бўлакларга бўлиб, ликопчаларга соласиз. Таомни ейишда қовоқ пўсти билан истеъмол қилинса ва кўкатлар ҳам қўшилса, шифобахшлик хусусияти янада ортади.
Этот сайт использует файлы cookies для более комфортной работы пользователя. Продолжая просмотр страниц сайта, вы соглашаетесь с Политикой использования файлов cookies.
Hush kelibsiz saytimizga! Qanday yordam kerak? iltimos ayni saytdagi muammo yoki tushunmovchilik haqida habar yo'llang.Aks holda jiddiy bo'lmaga har qanday savol etiborsiz qoldirilishi mumkin! Yoki pastdagi savollardan tanlashingiz mumki!
