Taom reseptlari - Страница 3

Kirish Azolik 28-Iyul-2025, 19:55

USD-UZS USD-WON USD-KZT USD-KGS ···

Chicago °

RSS

Yangiliklar-Новые сообщения · Azolarimiz-Участники · Forum qoidasi-Правила форума · Qidirish-Поиск

Страница 3 из 6 « 1 2 3 4 5 6 »
Модератор форума: DURDON, SAKINA

Taom reseptlari

OSIYO

Дата: Yakshanba, 27-Noya-2011, 03:19 | Сообщение # 31

Peshqadam

Группа: Ishonchli

Сообщений: 7142

Статус:

Лаҳмажун

Масаллиқлар1 боғ кашнич (ёки ҳар қандай кўкат)

1 ст сут. 1 та тухум сариғи, 1 ош қошиқ хамиртуруш. 0.5 кг ун. 2та пиёз. 400 гр қийма. 1та қизил ва кўк булғор қалампири. 2та помидор. 50-60 гр сариёғ.

Тайёрлаш: 1 коса тўлар тўлмас сутга ёки сувга 1 чой қошиқ туз, 1.5 коса ун, 1 чой қошиқ хамиртуруш солиб юмшоқ хамир қорилади. Хамир 10-15 дақиқа тиндирилади.

Қиймага зираворлар сепилади, 2 ош қошиқ соя, 2 та қирғичдан чиқарилган пиёзни қийма билан яхшилаб аралаштирилади. Тинган хамир ёғланган товага ёйилади ва устига аралаштирилган қийма, майда кубик шаклида тўғралган булғор қалампири ва қирғичдан чиқарилган помидор, тўғралган кўкат ва охирида 50-60 гр сариёғ кесиб солинади. Хамирнинг четлари букланади ва устига тухум сариғи суртилиб, оқ кунжут сепилади. Ўрта оловда 20-30 дақиқа пиширилади. Духовка қизигунча лахманжун оловда 15-20 дақиқа тиндирилиб олинади.

Ошпазлик сирлари: Хамиртуруш солинган ҳар қандай хамир маҳсулотини пиширишдан олдин 15-20 минут атрофида илиқроқ жойда тиндирилиб олинади, ундан кейингина яхши қиздирилган оловда пиширилади...

OSIYO

Дата: Yakshanba, 27-Noya-2011, 03:23 | Сообщение # 32

Peshqadam

Группа: Ishonchli

Сообщений: 7142

Статус:

Украинча котлет

Масаллиқлар:

0,5 кг ёғсиз қийма

3 та пиёз

2 та қизил савзи

1/4 та буханка нон

3 та тухум

Ўсимлик ёғи

100 гр сир

2-3 ош қошиқ оқ кунжут

2 та картошка

0,5 боғ кўк пиёз

Ўсимлик ёғи

Чеснок, зираворлар

Тайёрланиши:

Қийма устига пиёз ва қизил савзини майда қирғичдан чиқариб ивиган буханкани 1 та тухум, зираворлар, табга кўра туз, чеснок солиб аралаштирамиз. Қиймани уриб-уриб пишитамиз. Кичкина олмадек зувалага бўлиб, орасига сир бўлагини солиб котлет қилиб ёғда қизартириб картошкаларни ҳам алоҳида ёғда қизартириб котлет устига териб, 0,5 ст сув солиб 25-30 мин газ устида димланади.

OSIYO

Дата: Shanba, 03-Dek-2011, 06:10 | Сообщение # 33

Peshqadam

Группа: Ishonchli

Сообщений: 7142

Статус:

Yaprak sarmasi

300 г қийма
1 ст гуруч
1 дн Помидор (Пўсти тозаланган)
1 тўп Кўкатлар (укроп, райҳон)
2 оқш Помидор пастаси
3 оқш зайтун ёғи

Тайёрланиши:

Қиймани товада бироз қовуриб оламиз, сўнгра гуруч солиб паст оловда димлаб қўямиз.
Cўнгра помидор пастаси қўшиб аралаштирамиз ва оловдан оламиз. Совигач, майда туғралган помидор, кўкатлар ва зайтун ёғи, таъбга кўра туз солиб аралаштирамиз.

Япроқларни сувда ювиб, устига қайнаб турган сув солиб 2 дақиқа ушлаймиз ва сўнг сувини тукиб ташлаймиз.
Сўнгра қиймани солиб чиқамиз.

Қиймани солгач, бемалол сиқиб уранг, чунки пишаётганда юмшаб очилиб кетиши мумкин. Туркларда ток бармоқ каби ингичка бўлса чиройли чиққан ҳисобланади.
Ўраб бўлгач, қозонга картошка, сазби териб устидан токларимизни терамиз ва чўккунга қадар сув солиб бир қайнаб чиқишини кутамиз, бироз қайнаб тургач, қозон қопқоғини ёпиб оловни пастлатиб димлаб қўямиз.
Гуручимиз ярим пишган бўлгани сабаб 20 дақиқалар атрофида таом тайёр бўлади.

OSIYO

Дата: Yakshanba, 04-Dek-2011, 10:59 | Сообщение # 34

Peshqadam

Группа: Ishonchli

Сообщений: 7142

Статус:

Балиқни бутунлигича пишириш.

Масаллиқлар:

1та сазан балиқ

1-2 та сабзи (қирғичдан чиқарилган)

2 та помидор (қирғичдан чиқарилган)

2 та пиёз

150 гр ёғ

Чиснок, туз, мурч, лимон.

Тайёрлаш: Балиқни ичини ва устини тозалаб, кесиб кесиб чиқамиз, сўнг ичини ва устини тузлаб, тузи сингишини кутамиз. Балиқни тузи сингунича ёғда помидор, пиёз, сабзини қовириб, маза киритиб оламиз.

Листга озгини ёғ суриб, балиқни қўйиб, устига майонез суриб, 40 дақиқага духофкага қўямиз.

Пишгач, устига сардани ёйиб, қуйиб майонезда безаб чиқамиз. Четларини лимон билан безатиб тортамиз.

OSIYO

Дата: Yakshanba, 04-Dek-2011, 11:32 | Сообщение # 35

Peshqadam

Группа: Ishonchli

Сообщений: 7142

Статус:

Лаззатли товуқ дўлма

Керакли маҳсулотлар:
Товуқ окорочкалари-4 дона.
Ун-2 ош қошиқ.
Тухум-2 дона.
Толқон-2-3 ош қошиқ.
Пишлоқ-100 гр.
Ўсимлик мойи-2 ош қошиқ.
Пиёз-1 дона.
Помидор-2-3 дона.
Туз.
Кўкатлар.
Мурч.
“Спагетти” макаронлари.

Тайёрланиши

Суяклардан ажратиб олинган товуқ гўштининг лаҳм қисми ювилиб, қуритилади. Тухум ва сут аралаштирилади. Гўшт тузланиб, аввал тухумли, кейин қирғичдан ўтказилган пишлоқ ҳамда толқоннинг аралашмасига беланиб олингач, қизиб турган ёғда икки тарафлама қовурилади. Қайнаётган тузли сувда “спагетти” макаронлари пиширилади ва сувдан олингач, ўсимлик мойи қўшилади. Пўстидан ажратилган помидорлар, шунингдек пиёз майда тўғралади. Товадаги оз миқдордаги қиздирилган ўсимлик мойига пиёз, бир неча дақиқадан сўнг помидор солиниб, қовурилади. Сабзавотлар обдон қовурилгач, 2 ош қошиқ совуқ сув қўшилади ҳамда икки-уч дақиқа давомида димлаб олингач, туз, мурч, майдаланган кўкат ҳамда саримсоқпиёз бўлакларидан қўшиш мумкин. Макарон устига сабзавотли қайла солиниб, товуқ гўштли лаззатли дўлмага гарнир сифатида тортилади. Ёқимли иштаҳа!

OSIYO

Дата: Shanba, 10-Dek-2011, 18:58 | Сообщение # 36

Peshqadam

Группа: Ishonchli

Сообщений: 7142

Статус:

"Картошкали ин" таоми

Керакли маҳсулотлар:
Картошка – 4 дона.
Пишган тухум - 2 дона.
Петрушка бандлари.
Туз.
Мурч.
Крахмал- 2 ош қошиқ.
Ўсимлик мойи - қовуриш учун.
Тайёрланиши:

Картошка майда сомонча шаклида тўғралгач, крахмалга ботириб олинади ва чўмичга жойланиб, қошиқ ёрдамида ўртаси эзиб турилган ҳолатда қизиб турган мойга солиниб, қизғиш тус олгунга қадар пиширилади. Пишган картошка худди қуш инини ёдга солади.Петрушка бандлари ҳам оз миқдордаги мойда қовурилади. Дастурхонга тортишдан аввал ликопга картошкали "ин", сўнг унинг устига петрушка бандлари ва ниҳоят пишган тухумнинг ярми жойланади. Бу таом асосий овқатга гарнир сифатида тортилади.

OSIYO

Дата: Dushanba, 12-Dek-2011, 16:39 | Сообщение # 37

Peshqadam

Группа: Ishonchli

Сообщений: 7142

Статус:

ТЕЗ ВА МАЗАЛИ НОНУШТА
Картошка – 6 дона.
Тухум – 1та.
Ун – 2 ош қошиқ.
Пиёз – 1 дона.
Ўсимлик ёғи.
Туз ва мурч.
Картошка ювилади, тозаланади ва қирғичдан ўтказилади. Пиёз ҳам пўстидан тозаланади ва қирғичдан ўтказилади. Сўнг майдаланган картошка билан пиёз аралаштирилади. Аралашмага тухум, ун, туз ва мурчни қўшиб, яхшилаб аралаштирамиз.
Ўсимлик ёғи товада қиздирилади. Қошиқ ёрдамида картошкали бўтқа ихчам нончалар шаклига келтирилиб, товага терилади. Бир томони қизариб пишганидан кейин, иккинчи томони ўгирилади. Ўрта ёниб турган оловни пасайтириб, тованинг қопқоғи ёпиб қўйилади. Картошкали нончалар 3-4 дақиқа димлаб пиширилади.
Дастурхонга иссиқ ҳолида қўйилади ва устига сметана қуйилади.

OSIYO

Дата: Chorshanba, 14-Dek-2011, 03:22 | Сообщение # 38

Peshqadam

Группа: Ishonchli

Сообщений: 7142

Статус:

Қишки пицца

Керакли маҳсулотлар:
Сутда қорилган хамиртурушли хамир - 800 гр.
Пиёз - 1 дона.
Мол гўшти қиймаси - 150 гр.
Карам - 100-150 гр.
Пишлоқ - 200 гр.
Туз.
Мурч.
Кетчуп.
Ўсимлик мойи - 2 ош қошиқ.
Зираворлар.
Саримсоқпиёз бўлаклари - 1-2 дона.
Сут - (кичикроқ) 1 пиёлада.
Тухум - (ҳажми кичик бўлган) 1 дона.
Тайёрланиши:
Мол гўшти қиймасига озроқ ўсимлик мойи ҳамда зира, туз, мурч қўшилади. Карам сомонча шаклида, пиёз ярим айлана шаклида тўғралгач, ўсимлик мойида қовурилиб пиширилади. Карам етилгандан кейин янчилган саримсоқпиёз бўлаклари қўшилади. Пишлоқ қирғичдан ўтказилади. Хамир 0,5 см. қалинликда ёйилгач, ёғ суртилган товага жойланади ва кетчуп суртилиб, қийма, сўнг карамли аралашма терилиб, сут ҳамда тухум аралашмаси қуйилиб, 10-15 дақиқа давомида пиширилади. Сутли аралашма йўқолгандан кейин пиццага пишлоқ солиниб, яна 5-7 дақиқа давомида пиширилади.

OSIYO

Дата: Payshanba, 15-Dek-2011, 08:09 | Сообщение # 39

Peshqadam

Группа: Ishonchli

Сообщений: 7142

Статус:

OSIYO

Дата: Payshanba, 15-Dek-2011, 08:17 | Сообщение # 40

Peshqadam

Группа: Ishonchli

Сообщений: 7142

Статус:

Bulgur pilavi

50 gr sariyog’+1 osh qoshiq o’simlik yog’i
• 1 ta piyoz (ko’k piyoz)
• 2 ta qalampir uzunchoq (yoki bolgar qalampiri)
• 1-2 tish sarimsoq
• 2 ta pomidor yoki tomat (pastasi)
• 2 st yirik bulgur
• 4 st qaynoq suv
• Tuz,(yalpiz)

• Qozonchada yog’ni eritib mayda tog’ralgan piyozni biroz qovuramiz
• To’gralgan qalampirni solamiz biroz qovurib
• Qirg’ichdan chiqarilgan pomidorni yoki 2 qoshiq tomat pastasini solamiz
• Keyin yahshilab yuvilgan bulgurni solib
• Ustidan qaynoq suv va tuz solamiz ,o’rta olovda suvini tortguncha pishiramiz
• Suvini tortib bugandan keyin juda past olovda 15 minutcha damlaymiz.
• Tayor bo’lgandan keyin mayda to’gralgan chesnokni va yalpiz solish mumkin hohishga ko’ra,agar chesnokni hidi yog’on bo’lmasin desangiz piyoz bilan qovurish mumkin boshda,man pishgandan keyin solib 5 minutcha qo’yaman..

Yoqimli ishtaha..

Sariyog' pilavga ajoyib,mazali ta'm beradi.
Pomidor solgandayam yonida ozgina tomat pasta solsa,rangi chiroyli qizil bo'lib chiqadi.
Bulgur pilavi go’shtli (tovuqli),qiymali ovqatlar yonida ajoyib garnir bo’ladi.

OSIYO

Дата: Payshanba, 15-Dek-2011, 14:37 | Сообщение # 41

Peshqadam

Группа: Ishonchli

Сообщений: 7142

Статус:

Исмалоқли котлетлар

Керакли маҳсулотлар:
Мол гўшти қиймаси-300 гр.
Пиёз-1 дона.
Исмалоқ-2 боғ.
Тухум-1 дона.
Пишлоқ-100 гр.
Ун ёки толқон.
Таъбга қараб зира, янчилган кашнич уруғи.
Қўй қуйруғи-100 гр.
Қовуриш учун ёғ.
Туз, мурч.
Тайёрланиши: Қуйруқ ҳам гўшт қиймалагичдан ўтказилгач, қийма билан аралаштирилади. Бундан ташқари майда тўғралган исмалоқ ҳамда пиёз, тухум, зираворлар, туз, мурч қўшилиб, обдон аралаштирилади. Сўнг бир неча бўлакларга ажратилиб, котлетлар ясалади. Котлетлар ясалаётганда орасига тўртбурчак шаклида тўғралган қаттиқ пишлоқ бўлаги жойланиб, “элипс” шаклидаги котлетлар ясалади. Одатдагидек котлетлар ун ёки толқонга ботирилгач, товага терилиб, баландроқ оловда (200 даража иссиқлик) 25 дақиқа давомида пиширилади.

OSIYO

Дата: Chorshanba, 21-Dek-2011, 14:45 | Сообщение # 42

Peshqadam

Группа: Ishonchli

Сообщений: 7142

Статус:

қаймоқли соус билан қўрда пиширилган товуқ

Лозим бўлган масаллиқлар:

( 4 кишига мўлжалланган)

1. Товуқ - 1.700 кг

2. Қаймоқ - 200 гр

3. Томат соуси - 75 гр

4. Укроп - ярим боғ

5. 8 дона йирик-йирик саримсоқ бўлаклари

6. Бир дона ўртача катталикдаги янги узилган гармдори (агар истасангиз)

7. Таъбга қараб, туз, зира ва мурч керак бўлади

8. Товуғимизни ўраш учун эни энлироқ бўлган зарқоғоз ҳам лозим

Энг аввало товуғимизни бутун ҳолича оқиб турган совуқ сув остида ювиб ташлаб, ошхона салфеткаси билан яхшилаб қуритамиз. Кейин ўткир пичоқ ёрдамида товуғимизнинг ҳар-ҳар ерида 2-3 см чуқурликдаги "чўнтакча"лар ясаб оламиз

Кейин "чўнтакча"ларимизнинг ичини ҳам унутмаган ҳолда товуғимизни таъбга қараб тузлаб, мурчлаб ва зиралаб оламиз

Сўнгра саримсоқ бўлакларини тозалаб, гармдори билан бирга паррак-паррак қилиб тўғраб, алоҳида ликопчага соламиз. Укропни ювиб, уни бир неча бўлакка бўлиб оламиз. Кейин оз-оздан саримсоқ, гармдори парраклари ва укроп бўлаклари билан ҳамма "чўнтакча"ларни тўлдириб чиқамиз

Газ духовкасини 200 градусга қилиб, қизитишга қўямиз. Чети баландроқ ва каттароқ духовка листига товуғимизни яхшилаб урашга имкон берадиган катталикда зарқоғоз тўшаймиз. Ўртасига товуқни қўйиб, устидан қаймоқ ва томат соусидан иборат аралашмани қуямиз. Сўнгра аралашмамиз сизиб чиқмайдиган қилиб, товуғимизни зарқоғоз билан тезгина ўраб оламиз ва духовкага соламиз. Орадан роппа-роса бир соат ўтгач, листни ташқарига олиб, зарқоғозни эҳтиёт бўлиб олиб ташлаймиз. Листнинг ичидаги соуси билан бирга товуқни яна духовкага солиб, яхшилаб қизариши учун яна 20 дақиқа қолдирамиз. Қарабсизки, қаймоқли соус остида пишган товуғимиз ҳам тайёр бўлади

Шундан сўнг товуқни ўзингиз истаган гарнир билан бирга дастурхонга тортишингиз мумкин. Мен димланган гуручни маъқул кўрдим. Ушбу таом ҳар қандай шодиёна дастурхонингизнинг кўркига кўрк қўшиши мумкин. Ёқимли иштаҳа.

OSIYO

Дата: Yakshanba, 25-Dek-2011, 13:00 | Сообщение # 43

Peshqadam

Группа: Ishonchli

Сообщений: 7142

Статус:

Шалтибарщай

МАСАЛЛИҚЛАР:
1 литр кефир
500 гр маринадланган ёки қайнатилган лавлаги
1-2 бодринг
кўк пиёз
укроп
қайнаган тухум(хар бир порцияга биттадан)
туз
8-10 редиска

ТАЙЁРЛАНИШИ:

1. Кефирни бир идишга солиб, туз қўшиб яхшилаб аралаштирамиз.

2. Қирғичдан чиқарилган лавлаги, бодринг ва кўкатларни кефирга қўшамиз. Агар редиска қўшишни истасангиз уни хам қирғични кичик тишларидан чиқариб кефирга қўшилади.

3. Яхшилаб аралаштириб совутгичга қўйиб қўйинг. Бу шўрва яхшилаб совутиб кейин дастурхонга тортилади.

4. Дастурхонга тортишдан аввал қайнаган тухумни иккигами, тўртгами бўлиб ёки паррак кесиб ҳар бир идишга алоҳидадан солиб чиқилади. Ва ҳар бир косага бир қошиқдан сметана солинади.

5. Литвада шўрва ёнига қайнаган картошкани иссиқлигича тортилади.

OSIYO

Дата: Dushanba, 26-Dek-2011, 16:20 | Сообщение # 44

Peshqadam

Группа: Ishonchli

Сообщений: 7142

Статус:

''Sochli'' sosiska

Kerakli masalliqlar:
Sosiska
Spagetti

OSIYO

Дата: Seshanba, 27-Dek-2011, 17:20 | Сообщение # 45

Peshqadam

Группа: Ishonchli

Сообщений: 7142

Статус:

nonushta uchun

Massaliqlari:

2ta uzun sosiska

2ta tuxum

tuz, murch

yog`

Kerak bo`ladigan narsalar:

2ta tish tozalagich

Recept:

Sosiskalarni o`rtasidan bo`lamiz, sosiska oxirida 2 smcha kesmasdan qoldiramiz. Sosiskalarni bir tarafini qovurib olamiz va boshqa tarafini qovuramiz. Boshqa tarafiga o`ntargandan keyin tuxum chaqib, tuz va tamiga qarab murch solamiz.

Taom reseptlari

Страница 3 из 6
«
1
2
3
4
5
6
»