|
ЖАННАТ ВАСФИ
|
|
| Rider | Дата: Payshanba, 29-Apr-2010, 23:07 | Сообщение # 16 |
 Admin yordamchisi
Группа: Usta
Сообщений: 2650
Статус:  | ЖАННАТДАГИ БАРЧА ДАРАХТЛАРНИНГ ТАНАСИ ОЛТИНДАН ЭКАНИ ҲАҚИДА
Абу Ҳурайрадан ривоят қилинади: Расулуллоҳ соллаллоҳу алайҳи ва саллам айтдилар:
"Жаннатдаги барча дарахтларнинг танаси олтиндандир" (Термизий ривояти).
Жаннатдаги хурмо дарахти, унинг меваси ва яхшиси ҳақида Ибн Аббос айтадилар: "Жаннат
хурмосининг танаси зумраддан, новдаси қизил олтиндандир, барг-япроқлари жаннат аҳли учун
ёпинчиқ, уларнинг зеб-зийнату безаклари ҳам хурмонинг новда ва баргларидан. Меваси
кўзадай, челақдай бўлиб, сутдан оқ, асалдан ширин ва ёғдан мулойимдир, унда данак
бўлмайди" (Ибн Муборак ривояти).
Ибн Зайд ҳадис айтади: Бир киши: "Эй Расулуллоҳ (с.а.в.), жаннатда хурмо борми, чунки
мен хурмони яхши кўраман?" деди. "Ҳа, жоним қўлида бўлган Зотга қасамки, ундаги хурмонинг
танаси олтиндан, пастки қисми ҳам олтиндан, шохлари ҳам олтиндан, япроқлари бутун олам
безакларидан гўзал, ғужумлари ҳам олтиндан, поялари ҳам олтиндан, мевалари кўзадан катта,
ёғдан юмшоқ ва асалдан лаззатлироқдир", дедилар у зот (Ибн Ваҳб ривояти).
Абул Фараж ибн Жавзий Жарир ибн Абдуллоҳдан ривоят қилади: Набий соллаллоҳу алайҳи
ва саллам менинг қўлимдан ўртаси ковак тахтани олиб: "Эй Жарир, агар жаннатда бу каби
тахтани қидирсанг ҳам, топа олмайсан", дедилар. "Мен: "У ерда хурмо ва дарахт йўқми?"
дедим. У зот: "Бор, унинг танаси дур ва олтиндан, юқорисида меваси бор", дедилар".
|
| |
| |
| Rider | Дата: Juma, 30-Apr-2010, 23:20 | Сообщение # 17 |
|
Admin yordamchisi
Группа: Usta
Сообщений: 2650
Статус: | ЖАННАТДАГИ ЗИРОАТ (ЭКИН-ТИКИН) ҲАҚИДА
Абу Ҳурайра розийаллоҳу анҳу айтадилар: "Расулуллоҳ соллаллоҳу алайҳи ва саллам бир
куни гапираётган эдилар, ҳузурларида қишлоқдан келган киши ҳам бор эди: "Жаннат аҳлидан
бир киши Парвардигордан экин экишга изн сўради, — дедилар Набий (с.а.в.), — Аллоҳ унга:
"Сенга хоҳлаган нарсанг муҳайё эмасми?!" деди. У: "Ҳа, барча нарса муҳайё, лекин мен экин
экишни, у тезда униб, ўсиб, мева бериб етилишини, уни йиғиб олишни ва тоғдай-тоғдай хирмон
қилишни яхши кўраман", деди. Аллоҳ таоло унга: "Ма, ола қол! Сени ҳеч нарса тўйдирмайди",
деди". Шунда ҳалиги қишлоқлик: "Эй Расулуллоҳ(с.а.в.), ўша одам қурайший ёки ансорий
бўлса керак, чунки улар деҳқончилик қилади. Лекин биз деҳқон эмасмиз", деди. Расулуллоҳ
соллаллоҳу алайҳи ва саллам кулиб қўйдилар" (Бухорий ривояти).
|
| |
| |
| Rider | Дата: Juma, 30-Apr-2010, 23:22 | Сообщение # 18 |
|
Admin yordamchisi
Группа: Usta
Сообщений: 2650
Статус: | ЖАННАТ ЭШИКЛАРИ, УЛАРНИНГ СОНИ, КИМЛАР УЧУНЛИГИ, НОМЛАРИ ВА
КЕНГЛИГИ ҲАҚИДА
Аллоҳ таоло дейди:
"То қачон улар дарвозалари очилган ҳолдаги (жаннатга) келиб етганларида..."
(Зумар, 73).
Илм аҳлининг баъзилари жаннат эшиклари саккизта эканини айтиб, далил сифатида
Расулуллоҳ соллаллоҳу алайҳи ва салламнинг ушбу ҳадисларини келтирадилар: "Сизлардан
ким таҳорат олса ва таҳоратини мукаммал қилса, таҳоратдан фориғ бўлгач, "ашҳаду аллаа
илаҳа иллаллоҳу ва ашҳаду анна Муҳаммадан абдуҳу ва росулуҳ", деса, унга жаннатнинг
саккиз эшиги очилади ва у хоҳлаганидан киради" (Муслим ривояти).
Баъзи уламолар "Муватто", "Саҳиҳул Бухорий" ва "Саҳиҳул Муслим"да Абу Ҳурайра
розийаллоҳу анҳудан ривоят қилинган ушбу: "Ким Аллоҳ йўлида, икки жуфт нарсани инфоқ
қилса, жаннатда: "Эй Аллоҳнинг бандаси! Бу яхшидир", деб нидо қилинади. Ким намоз аҳлидан
бўлса, намоз эшигидан, ким жиҳод аҳлидан бўлса, жиҳод эшигидан, ким садақа аҳлидан бўлса,
садақа эшигидан, ким рўза аҳлидан бўлса, Раййон эшигидан чақирилади". Абу Бакр
розийаллоҳу анҳу: "Эй Расулуллоҳ(с.а.в.), бир киши бу эшикларнинг барчасидан чақирилиши
мумкинми?" деб сўрадилар. У зот: "Ҳа! Сен ўшалардан бўлишингаи умид қиламан", дедилар",
ҳадисига биноан, у эшиклардан кимлар киришини тайин қилганлар.
Қози Иёз айтади: "Муслим бу ҳадисда жаннат эшикларининг тўрттасини зикр қилиб туриб,
қолган яна тўрттасини қўшган. Улар: тавба эшиги, ғазабларини ичига ютувчилар эшиги, рози
бўлганлар эшиги ва ҳисоб-китобсиз кирадиганлар учун ўнг томон эшиги".
Ҳаким Термизий "Наводирул усул"да жаннат эшиклари ҳақида айтади: "Муҳаммад
соллаллоҳу алайҳи ва салламнинг эшиклари ҳамда раҳмат ва тавба эшиклари борки, Аллоҳ
уларни яратганидан бери очиқ туради. Қачон қуёш ғарбдан чиқса, ёпилади ва қиёмат кунигача
очилмайди. Бошқа эшиклар эса эзгу амалларга кўра тақсимланган: намоз эшиги, закот эшиги,
садақа эшиги, жиҳод эшиги, силаи раҳм эшиги ва умра эшиги. Шунга кўра, жаннат эшиклари
ўн биттадир".
Абулҳасан Ожирий Абу Ҳурайра розийаллоҳу анҳудан келтирган ҳадисда Набий соллаллоҳу
алайҳи ва саллам айтганлар: "Жаннатда бир эшик бор "зуҳо" (чошгоҳ) деб номланади. Қиёмат
куни нидо қилгувчи: "Зуҳо намозини ўқишда бардавом бўлганлар қани? Бу сизларнинг
эшигингиз, бас, ундан киринглар!" деб нидо қилади".
Бу билан ўн иккита бўлди.
|
| |
| |
| Rider | Дата: Juma, 30-Apr-2010, 23:24 | Сообщение # 19 |
|
Admin yordamchisi
Группа: Usta
Сообщений: 2650
Статус: | Абу Исо Термизий Солим ибн Абдуллоҳдан, у отасидан ривоят қилган ҳадисга биноан
жаннат эшиклари ўн учта бўлиши ҳам эҳтимолдан холи эмас. Расулуллоҳ соллаллоҳу алайҳи ва
саллам айтдилар; "Менинг умматим кирадиган эшикнинг кенглиги учқур чопарнинг уч кунлик
масофасидек. Улар ундан шундай сиқилиб кирадиларки, ҳатто тиззалари узилиб тушай дейди".
Термизий айтади: "Бу ҳадисни Бухорийдан сўраган эдим, билмади. "Солим ибн Абдуллоҳдан
Холид ибн Абу Бакрнинг ривоят қилиши мункардир", деди".
"Умматим кирадиган эшик..." дегандаги "уммат" шундай одамларки, улар эшикдан
чақирилишига лойиқ амаллар қила олмаган. Яъни, уларнинг амаллари эшикдан нидо
қилинишга лойиқ даражага етмаган. Шунинг учун улар махсус эшикдан сиқилиб киради. Шу
билан эшиклар сони ўн учтага етди.
Эшикларнинг саккизтадан кўп эканига Умар ибн Хаттоб розийаллоҳу анҳу ривоят қилган
ҳадис ҳам далолат қилади: Расулуллоҳ соллаллоҳу алайҳи ва саллам айтдилар: "Ким таҳорат
олса ва таҳоратини мукаммал қилса, сўнг "ашҳаду аллаа илаҳа иллаллоҳ"ни қалбида тасдиқ
қилган ҳолда айтса, унинг учун жаннат эшикларидан саккизтаси очилади. Қиёмат куни
хоҳлаганидан киради" (Термизий чиқарган). Абу Умар ибн Абдулбир "Таҳмид" китобида:
"Ҳадисда: "жаннат эшикларидан саккизтаси", дейилган". Бу гапдан саккизтадан бошқа эшиклар
ҳам борлиги тушунилади", дейилади.
Абу Довуд ва Насоийлар ривоятида: "Унга жаннатнинг саккиз эшиги очилади", дейилган.
Унда "жаннат эшикларидан..." деб айтилмаган. Шунга кўра, кўпчилик айтганидек, жаннат
эшиги саккизта бўлади.
Холид ибн Умайр айтади: "Утба ибн Ғазвон (у Басра амири эди) бизга хутба қилди.
Хутбасида Аллоҳга ҳамду сано айтиб, "Унга жаннатнинг саккиз эшиги очилади", деган ҳадисни
эслади, сўнг: "Дарҳақиқат, бизга зикр қилиндики, жаннат эшикларининг ҳар икки табақаси
ораси қирқ йиллик масофадир. Ҳали шундай кун келадики, у издиҳомдан тўлади", деди"
(Муслим ривояти).
Анас розийаллоҳу анҳудан ривоят қилинган шафоат тўғрисидаги ҳадисда:
"Муҳаммаднинг(с.а.в.) жони қўлида бўлган Зотга қасамки, жаннат эшикларининг икки табақаси
ораси Макка билан Ҳажр (ёки Бусро) орасидаги масофа кабидир", дейилган.
Саҳл ибн Саъд айтади: "Расулуллоҳ соллаллоҳу алайҳи ва саллам дедилар: "Жаннатга
умматимдан етмиш минг нафари (ёки етти юз мингтаси — ровий Абу Ҳозим қайси бирилиги1ни
эслай олмади) бир-бирларининг қўлларидан тутганларича кириб боради, охиридаги кирмагунча
бошидаги кирмайди. Уларнинг юзлари тўлин ой кабидир".
Бу ҳадислар ўзининг саҳиҳлиги билан бирга, жаннат эшиклари саккизтадан ортиқ эканига
ҳам далолат қилади.
Имом Абулқосим Абдулкарим Қушайрий "Таҳбир" номли китобида келтиради: Расулуллоҳ
соллаллоҳу алайҳи ва саллам айтдилар: "Чиройли хулқ киши бўйнидаги Аллоҳ розилигидан
бўлган ҳалқадир. У ҳалқа раҳмат занжирларига уланган. Занжирлар эса, жаннат эшиги
ҳалқасига туташган. Чиройли хулқ қайси тарафга юрса ҳам, занжир уни ўзига тортиб туради ва
ўша эшикдан уни жаннатга олиб киради. Ёмон хулқ эса, кишининг бўйнидаги Аллоҳ ғазабидан
бўлган ҳалқадир. У ҳалқа азоб занжирига боғланган. Занжир эса, дўзах эшигига туташган.
Ёмон хулқ эгаси қаёққа юрмасин, занжир уни ўзига тортиб туради ва ўша эшикдан дўзахга
олиб киради".
"Фирдавс" китобида Набийдан (с.а.в.) ушбу ҳадис келтирилади: "Жаннатда "фараҳ"
{хушнудлик) отли бир эшик борки, ундан фақат болаларни хушнуд этган одамларгина киради".
Ҳадисдаги "Ким бир жуфт нарсани Аллоҳ йўлида инфоқ қилса..." жумласидаги бир жуфт
нарсани Ҳасан Басрий: "Ҳар бир нарсадан иккитадан", деб тушунтирган, яъни, икки дир-ҳам
ёки икки динор, ёхуд иккита кўйлак ё иккита маҳси ва ҳоказо, деб айтишади.
Баъзилар алоҳида-алоҳида нарсалардан, яъни, динор ва дирҳам ёки дирҳам ва кийим, ёки
маҳси ва калиш ёки пул ва маҳси ва ҳоказо.
|
| |
| |
| Rider | Дата: Juma, 30-Apr-2010, 23:25 | Сообщение # 20 |
|
Admin yordamchisi
Группа: Usta
Сообщений: 2650
Статус: | Божий айтади: "Бундан амал мурод қилинган бўлиши ҳам мумкин, масалан, икки кун рўза
тутиш, икки ракат намоз ва ҳоказо".
Лекин биринчи тафсир ҳақиқатга яқинроқ. Чунки Расулуллоҳ соллаллоҳу алайҳи ва
салламдан ривоят қилинган ҳадис шу маънода. Ожирий Абу Зардан зикр қилади: Расулуллоҳ
соллаллоҳу алайҳи ва саллам: "Ким Аллоҳ йўлида икки нарса инфоқ қилса, жаннат
қўриқчилари уни жаннатга шошилтиради", дедилар, сўнг: "Икки туя, икки дирҳам, иккита
камон, иккита ковуш", деб қўшиб қўйдилар.
Жаннат эшикларининг кенглиги ҳақида келган ҳадисларда бир-бирига зидлик йўқ. Чунки
бир эшикнинг кенглиги иккинчисидан бошқача бўлиши мумкин.
Саҳл ибн Саъддан ривоят қилинади: Расулуллоҳ соллаллоҳу алайҳи ва саллам айтдилар:
"Жаннатда Раййон деган эшик бор, ундан рўзадорлар киради. Рўзадорларнинг охири киргач, у
эшик беркитилади, сўнг ундан бошқа ҳеч ким кирмайди" (Бухорий ва Муслим ривояти).
Амалларга кўра ҳос бўлган бошқа эшиклар ҳам шундай.
Абу Ҳурайранинг ҳадисида барча эшиклардан чақириладиган инсонлар ҳам бўлиши зикр
қилинди. Бу чақириқ, баъзи олимларнинг фикрига кўра, амал қилган инсонни улуғлаш,
ҳурматлаш, эъзозлаш чақириғи бўлиб, амалларининг савоби буюк эканини билдириш учундир.
Зеро, банда барча амалларни қилар экан, барча эшиклардан чақирилиш бахтига муяссар бўла
олади. Аммо банда, қайси амали ғолиб, келса, ўша амалнинг эшигидан киради.
Абу Ҳурайра розийаллоҳу анҳудан ривоят дилинади: Расулуллоҳ соллаллоҳу алайҳи ва
саллам: "Бугун сизлардан ким рўза тутди?" деб сўрадилар. Абу Бакр розийаллоҳу анҳу: "Мен",
дедилар. У зот: "Бугун сизлардан ким жанозага борди?" деб савол қилдилар. Абу Бакр: "Мен",
дедилар. "Бугун ким мискинга таом берди?" деб сўрадилар кейин. Яна Абу Бакр розийаллоҳу
анҳу: "Мен", дедилар. "Бугун сизлардан ким касални зиёрат қилди?" деган эдилар, Абу Бакр:
"Мен", дедилар. Расулуллоҳ соллаллоҳу алайҳи ва саллам шунда: "Кимда бу хислатлар
жамланса, у, албатта, жаннатга киради", дедилар (Муслим ривояти).
Абу Довуд Таёлисий "Муснад"ида келтиради: Абу Умома Расулуллоҳдан(с.а.в.) ушбу
ҳадисни айтди: "Бир киши жаннат эшиги оддига келтирилди, бошини кўтарган эди, жаннат
эшигида: "Садақага ўн баробар, қарзга ўн саккиз баробар", деган ёзувни кўрди. Чунки қарз
сўраган одам муҳтожлиги учун сизга келади, садақа эса гоҳо муҳтож бўлмаганнинг қўлига ҳам
тушиши мумкин".
Анас ибн Моликдан ривоят қилинади: Расулуллоҳ соллаллоҳу алайҳи ва саллам дедилар:
"Исро кечаси жаннат эшигида "Садақага ўн баробар, қарзга ўн саккиз баробар", деган ёзувни
кўрдим. Сўнг Жаброилга нима учун қарзга садақадан кўпроқ?" дедим. Жаброил алайҳиссалом:
"Чунки тиланчи ўзида бор бўлса ҳам, сўрайверади, қарз сўровчи эса, фақат ҳожати туфайли
сўрайди", деди" (Ибн Можа ривояти).
|
| |
| |
| Rider | Дата: Shanba, 01-May-2010, 19:23 | Сообщение # 21 |
|
Admin yordamchisi
Группа: Usta
Сообщений: 2650
Статус: | ЖАННАТ ДАРАЖАЛАРИ ВА УЛАРДАН МЎМИНГА БЕРИЛАДИГАНЛАРИ ҲАҚИДА
Термизий раҳимаҳуллоҳ Ато ибн Ясордан, у Муоз ибн Жабалдан ривоят қилади: Расулуллоҳ
соллаллоҳу алайҳи ва саллам айтдилар: "Жаннатда юзта даража бордир. Ҳар бир даража
осмон билан ер орасича. Энг баланди Фирдавсдир. Фирдавснинг устида Арш бор. Жаннат
дарёлари ўша ердан оқиб чиқади. Бас, агар Аллоҳдан сўрасанглар, Фирдавсни сўранглар".
Ибн Ваҳб айтади: "Бир киши Набий соллаллоҳу алайҳи ва салламнинг олдларига келиб: "Эй
Расулуллоҳ(с.а.в.), жаннатда нечта даража бор?" деди. "Юзта даража, — дедилар у зот, — ҳар
бир даражанинг ораси осмон билан ер орасича келади. Биринчи даражанинг ҳовлилари,
уйлари, эшиклари, сўрилари ва калитлари кумушдан; иккинчи даражанинг ҳовлилари, уйлари,
эшиклари, сўрилари ва калитлари олтиндан; учинчи даражаники ёқут, дур ва забаржаддан.
Қолган тўқсон етти даражанинг қандай эканини фақатгина Аллоҳ билади".
Абу Саид Худрийдан ривоят қилинади: Набий соллаллоҳу алайҳи ва саллам айтдилар:
"Жаннат юз даражадир. Агар бутун оламлар унинг биттасига жойлапггирилса, бемалол сиғади"
(Термизий ривояти).
Абу Саид Худрий розийаллоҳу анҳу ривоят қиладилар: "Расулуллоҳ соллаллоҳу алайҳи ва
саллам айтдилар: "Соҳиби Қуръон жаннатга кирганда, "ўқи ва кўтарил!" дейилади. У ўқийди ва
ҳар бир оятда бир даража кўтарилиб бораверади, ҳатто ўзи билган оятнинг охиргисини
ўқигунча (кўтарилаверади)" (Ибн Можа ривояти).
Расулуллоҳ соллаллоҳу алайҳи ва саллам айтдилар: "Соҳиби Қуръонга, ўқи, кўтарил ва
дунёда тартил қилганинг каби тартил қил (тартил — тажвид билан дона-дона ўқиш). Сенинг
манзилинг охирги оятни ўқиган жойингдадир", дейилади" (Абу Довуд ривояти).
Абу Ҳафс Ибн Аббос розийаллоҳу анҳумодан ривоят қилади: Набий соллаллоҳу алайҳи ва
саллам айтдилар: "Жаннатнинг даражалари Қуръон оятларининг сонига тенг, ҳар бир оятга
бир даража берилади. Бу олти минг икки юз ўн олти (6216) оятдир. Ҳар икки даражанинг
оралиғи осмон билан ерча келади. У даражалар "иллиййин"нинг энг юқорисида ниҳоя топади.
Унинг етмиш минг устуни бор, улар ёқутдан бўлиб, бир неча кеча-кундузлик масофадан нур
сочиб туради".
Оиша розийаллоҳу анҳо айтдилар: "Жаннат даражалари Қуръон оятларининг ададича.
Жаннатда Қуръон ўқувчи кимсадан ҳам афзалроқ даражада бирор кимса бўлмайди".
Уламолар (уларга Аллоҳнинг раҳмати бўлсин) айтадилар: "Ҳофизул Қуръон, ҳамалатул
Қуръон ва қорилар ҳукмларни, ҳалол ва ҳаромларни билувчилар ва ундаги нарсаларга амал
қилувчилардир".
Шунингдек, Қуръонни мақтаниш ва риё учун ўқиган кимсалар ҳақида Анас ибн Молик
розийаллоҳу анҳудан ривоят қилинган қуйидаги ҳадисда етарлича огоҳлик бор: Расулуллоҳ
соллаллоҳу алайҳи ва саллам дедилар: "Ким Қуръонни ўрганса ва ўргатса-ю, ундаги нарса
(буйруқ ва қайтариқ)ларни олмаса ва бузса, жаҳаннамга кириши учун Қуръон унга қарши
ҳужжат ва гувоҳ бўлади. Ким Қуръонни таълим олса ва таълим берса ҳамда ундаги нарсаларни
олса, жаннатга кириши учун Қуръон унинг фойдасига ҳужжат ва гувоҳ бўлади".
"Саҳиҳул Бухорий"да келган ҳадисда: "Қуръон ўқувчи ва унга амал қилувчи мўминнинг
мисоли утружжа (апельсин) каби, унинг таъми ҳам, ҳиди ҳам ширин. Қуръон ўқимайди-ган
мўминнинг мисоли хурмо каби, унинг таъми ширин, лекин ҳиди йўқ. Қуръон ўқийдиган
фожирнинг мисоли райҳон кабидир. Унинг мазаси аччиқ, бироқ ҳиди ширин. Ўзи фожир,
бунинг устига Қуръон ўқимайдиган кишининг мисоли қалампир каби, унинг ҳиди ҳам йўқ,
мазаси ҳам аччиқ", дейилади.
Хуллас, маълум бўляптики, жаннатда юзта даража бор, уни Аллоҳ йўлида юрувчиларга
тайёрлаб қўйган. Қуръон ўқиш эса, жами даражаларни ҳосил қилади. Аллоҳ таоло марҳамати
ила ихлосли қилсин.
|
| |
| |
| Rider | Дата: Payshanba, 06-May-2010, 21:01 | Сообщение # 22 |
|
Admin yordamchisi
Группа: Usta
Сообщений: 2650
Статус: | ЖАННАТ БОЛАХОНАЛАРИ ВА УЛАРНИНГ ЭГАЛАРИ ҲАҚИДА
Аллоҳ таоло дейди:
"Лекин Парвардигорларидан қўрққан зотлар учун (жаннатда) устма-уст
қурилган хоналар бўлиб..." (Зумар, 20);
"Фақат иймон келтирган ва яхши амаллар қилган зотлар ана ўшалар учунгина
қилган амаллари сабабли неча баробар мукофот бўлур ва улар (жаннатдаги) юксак
манзилларда тинч-омон бўлурлар" (Сабаъ, 37);
"Ана ўшалар сабр-қаноат қилганлари сабабли (жаннатдаги) юксак даражалари
билан мукофотланурлар" (Фурқон, 75).
Саҳл ибн Саъд розийаллоҳу анҳудан ривоят: Расулуллоҳ соллаллоҳу алайҳи ва саллам
айтдилар: "Жаннат аҳллари афзалликлари туфайли улардан тепада бўлганларга, худди
уфқларда порлаб турган юлдузларга қарагандек қараб турадилар". Саҳобалар: "Эй Расулуллоҳ
(с.а.в.), у пайғамбарларнинг манзилими? Унга бошқалар ета олмайдими?" деб сўрашди. У зот:
"Йўқ, жоним қўлида бўлган Зотга қасамки, улар Аллоҳга иймон келтирган ва пайғамбарларни
тасдиқлаган кишилардир", дедилар (Муслим ривояти).
Яна Саҳл ибн Саъддан ривоят қилинади: Расулуллоҳ соллаллоҳу алайҳи васаллам "Ана
ўшалар сабр-қаноатлари сабабли (жаннатдаги) юксак даражалар (баъзи тафсирларда: "бо-
лахоналар") билан мукофотланурлар" ҳамда "...ва улар (жаннатдаги) юксак манзилларда тинч-
омон бўлурлар", ояти ҳақида дедилар: "Улар қизил ёқутдан ёки яшил забаржаддан ёки оппоқ
дурдан бўлган болахоналардир. Жаннат аҳли у болахоналарни худди уфқнинг шарқи ёки
ғарбидаги юлдузларни кўргандек кўриб, томоша қилиб ўтирадилар. Албатта, Абу Бакр ва Умар
неъматланган ҳолларида ўшалардандир" (Термизий ривояти).
Абдуллоҳ ибн Масъуддан ривоят қилинади: Расулуллоҳ соллаллоҳу алайҳи ва саллам
дедилар: "Аллоҳ йўлида бир-бирини яхши кўрганлар қизил ёқутли устунлар устидаги етмиш
минг болахоналарда бўладилар. Уларнинг ҳусни, дунё аҳлига қуёш қандай нур сочса, жаннат
аҳлига шундай нур сочиб туради. Жаннат аҳллари бир-бирига: "Юринглар! Аллоҳ йўлида
дўстлашганларни томоша қилиб келамиз", дейдилар. Қачон уларни кўрсалар, ҳуснлари жаннат
аҳлига нур таратади, худди дунё аҳлига қуёш нур сочганидек. Уларнинг устларида ипак-
шойилардан бўлган яшнаб турувчи либослар бор. Пешоналарига: "Булар Аллоҳ азза ва жалла
йўлида бир-бирларини яхши кўрганлар", деб ёзиб қўйилгандир" (Термизий ривояти).
Абу Имрон ибн Умарнинг ҳадисида келади: Расулуллоҳ соллаллоҳу алайҳи ва саллам
айтдилар: "Иллиййиндагилар аҳли жаннатга қарайди. Агар улардан бирортаси жаннатга
ташриф буюрса, юзининг нуридан жаннат янада ёришиб кетади. Шунда жаннат аҳли: "Бу
қандай нур?" дейди. Уларга: "Иллиййин аҳлидан итоатли, ростгўй, яхши банда ташриф
буюрди", дейилади".
Абу Саид Худрий розийаллоҳу анҳу ривоят қиладилар: Набий соллаллоҳу алайҳи ва саллам
айтдилар: "Болахонадагилар Иллиййин аҳлини худди уфқда нур сочиб турган юлдузни
кўргандек кўриб туради. Абу Бакр билан Умар неъматланган ҳолларида ўшалардандир"
(Саълабий ривояти).
Расулуллоҳ соллаллоҳуалайҳи ва саллам айтдилар: "Жаннатда бир болахона бор, унинг
ташқариси ичкарисидан, ичкариси ташқарисидан кўриниб туради". Шунда бир аъробий: "Бу
кимники, эй Расулуллоҳ?" деб сўради. У зот: "Сўзи ширин, таом берувчи, рўзада бардавом
бўлған, инсонлар ухлаб ётган пайтда, қоим бўлиб, намоз ўқиганлар учун", дедилар (Термизий
ривояти).
Жобир ибн Абдуллоҳ розийаллоҳу анҳу айтадилар: "Расулуллоҳ соллаллоҳу алайҳи ва
саллам бир куни ҳузуримизга чиқиб: "Сизларга жаннат болохоналари ҳақида хабар берай-ми?
У алвон-алвон жавоҳирлардан бўлган. Унинг ташқариси ичкарисидан, ичкариси ташқарисидан
кўриниб туради. Унда қулоқ эшитмаган, кўз кўрмаган неъмату кароматлар бор", дедилар. Биз:
"Ота-онамиз сизга фидо бўлсин, эй Расулуллоҳ! Бу кимга?" деб сўрадик. "Саломни ёйган,
рўзада бардавом бўлган, таом берган ва инсонлар ухлаб ётганида, намоз ўқиганлар учун",
дедилар. Биз: "Ота-онамиз сизга фидо бўлсин эй, Расулуллоҳ! Бунга ким тоқат қила олади?"
дедик. У зот: "Менинг умматларим тоқат қила олади. Тоқат қиладиганлар ҳақида сизларга
хабар бераман: ким мусулмон биродарига йўлиққанда салом берса, дарҳақиқат, у саломни
ёйган бўлади; ким аҳли оиласига таом бериб, уларни тўйдирса, таом берган бўлади; ким
рамазон рўзасини тутиб, яна ҳар ой уч кун тутса, у рўзада бардавом бўлган бўлади; ким
хуфтон намозини жамоат билан ўқиса, батаҳқиқ, у инсонлар (яъни, яҳудий, насоро ва
мажусийлар) ухлаб ётганда намоз ўқиган бўлади", дедилар" (Абу Наъим ривояти).
|
| |
| |
| Rider | Дата: Payshanba, 06-May-2010, 21:02 | Сообщение # 23 |
|
Admin yordamchisi
Группа: Usta
Сообщений: 2650
Статус: | Бу болахоналар эгаларининг амалларига кўра турли хилдир. Баъзилари баъзиларидан
юқори бўлади.
Ҳадисда: "Жоним қўлида бўлган Зотга қасамки, улар (болахоналар) Аллоҳга иймон
келтирган ва пайғамбарларни тасдиқлаган кишилар учун", дейилди, бироқ иймон ва тасдиқдан
бошқа бирорта амал зикр қилинмади. Бу ерда Аллоҳга бўлган етук иймон ва пайғамбарларни
ҳеч иккиланмасдан, довдирамасдан тасдиқлаган инсон назарда тутиляпти. Зеро, оддий умумий
бўлган иймон билан бу манзилларга эришиб бўлмайди. Аллоҳ таоло: "Ана ўшалар сабр-
қаноатлари сабабли (жаннатдаги) юксак даражалари билан мукофотландилар"
(Фурқон, 75), деди. Сабр бутун жонини Аллоҳга ибодатга сарфлашдир. Яна бошқа бир оятда:
"Молу дунёларингиз ҳам болаларингиз ҳам сизларни Бизнинг даргоҳимизга яқин
қилгувчи эмасдир. Фақат иймон келтирган ва яхши амаллар қилган зотлар — ана
ўшалар учунгина қилган амаллари сабабли неча баробар мукофот бўлур ва улар
(жаннатдаги) юқсак манзилларда тинч-омон бўлурлар" (Сабаъ, 37), деб, юксак
манзилнинг даражасини зикр қилди. Бу билан ҳадисда тилга олинган иймон барча буйруқлару
ҳукмларни, хабари келган барча нарсани қалбан тасдиқлаган ҳолда мукаммал иймон келтириш
экани маълум бўлади. Агар банда солиҳ амал қилса-ю, зиддини ҳам аралаштирса, у фосиддир.
Фасод аралашмаган солиҳ амаллар эса фақатгина Расулуллоҳ соллаллоҳу алайҳи ва саллам
келтирган нарсаларга таскин топган ҳолда ҳақиқий иймон келтириш билан бўлади. Фасод
аралашганда эса, иймон ва амал у даражада бўлмайди. Шунинг учун манзили ҳам
бошқаларникидан пастроқ бўлади.
Буни Ҳаким Термизий раҳматуллоҳи алайҳ ҳам: "Бу очиқ равшан нарса", деб ушбу оятларни
зикр қилган: "Албатта (ҳаёти дунёдан Аллоҳ таолонинг амру фармонларига итоат
қилиб ўтган) яхшилар (жаннатда) мизожи-аралашмаси кофур - Аллоҳнинг (яхши)
бандалари ичадиган (жаннатий) чашма - бўлган майкосалардан (май) ичурлар
(Инсон, 5);
"У майнинг мизожи-аралашмаси таснимдандир. (Тасним Аллоҳнинг) яқин
(банда)лари ичадиган бир чашмадир" (Мутаффифун, 27-28).
Аллоҳ таоло яхшилар билан яқин муқаррабларнинг шаробларини ана шундай баён қилди.
Уларнинг тоатдаги ғайратлари билан солиҳ амаллардаги тафовутларга кўра манзил ва
даражаларини ҳам баён қилинган: "Дарҳақиқат, яхшиларнинг номаи аъмоллари, шак-
шубҳасиз, иллиййиндадир" (Мутаффифун, 18). Бас, инсон "иллиййин"га кириши учун аброр
ва муқарраблардан бўлишга ғайрат қилсин. Иллиййин эгалари Аллоҳнинг ҳамсуҳбатларидир.
Улар Қодир Подшоҳ ҳузуридаги рози бўлинган ўринда нурли минбарлар эгаларидир.
Аллоҳ таоло муқарраблардан сўнг ўнг томон эгаларини ҳам баён қилиб айтади:
"Энди китоби - номаи аъмоли ўнг қўлидан берилган кишига келсак, бас, у:
"Мана, менинг китобимни ўқинглар. Дарҳақиқат, мен ҳисоб-китобимга (яъни,
охиратдаги ажр-мукофотга) рўбарў бўлишимни билган эдим", дер. Сўнг у кўнгилли
ҳаётда, мевалари (аҳли жаннат учун) яқин бўлган юксак жаннатда бўлур" (Ал-Ҳаққа,
19-22). Ўнг томон эгалари олий жаннатдадирлар.
Анас ибн Молик розийаллоҳу анҳудан ривоят қилинади: Расулуллоҳ соллаллоҳу алайҳи ва
саллам: "Жаннатда бир болахона бор, унинг тепасида илгаги ҳам, остида устуни ҳам йўқ",
дедилар. "Эй Расулуллоҳ(с.а.в.), унинг эгалари унга қандай қилиб киради?" дейишди. У зот:
"Бамисоли қуш каби кирадилар", дедилар. "Эй Расулуллоҳ(с.а.в.), у кимлар учун?" дейишдн.
"Касал, азоб-уқубат ва синов аҳллари учун", дедилар (Абулқосим Зоҳир ибн Тоҳир Шаҳомий
тахриж қилган).
|
| |
| |
| Rider | Дата: Payshanba, 06-May-2010, 21:03 | Сообщение # 24 |
|
Admin yordamchisi
Группа: Usta
Сообщений: 2650
Статус: | Яна Анас ибн Моликдан ривоят қилинади: Расулуллоҳ соллаллоҳу алайҳи ва саллам
айтдилар: "Қиёмат кунида шундай кишилар келтириладики, улар пайғамбар ҳам эмас, шаҳид
ҳам эмас, лекин Аллоҳ тарафидан уларга берилган манзил-даражалари сабабли пайғамбарлар
ва шаҳидлар уларга ҳавас қилади. Улар нурли минбарларда бўладилар". Саҳобалар: "Улар
кимлар, Расулуллоҳ?" дейишди. "Аллоҳни инсонларга, инсонларни Аллоҳга яхши кўрдирган
кимсалар", дедилар. Саҳобалар: "Аллоҳни инсонларга яхши кўрдиришку, тушунарли, аммо
инсонларни Аллоҳга қандай яхши кўрдирадилар?", дейишди сўнг. У зот: "Яхшиликка
буюрадилар ва ёмонликдан қайтарадилар, агар инсонлар итоат қилсалар, уларни Аллоҳ таоло
яхши кўради", дедилар (Лайс ибн Саъд ривояти).
|
| |
| |
| Rider | Дата: Payshanba, 06-May-2010, 21:04 | Сообщение # 25 |
|
Admin yordamchisi
Группа: Usta
Сообщений: 2650
Статус: | ЖАННАТДАГИ ҚАСРЛАР, ҲОВЛИЛАР, УЙЛАР ВА МЎМИН БАНДА ЭРИШАДИГАН
НАРСАЛАР ҲАҚИДА
Қасан айтади: "Имрон ибн Ҳусайн ва Абу Ҳурайрадан "покиза масканлар" (Тавба, 72)
оятининг тафсири ҳақида сўрадим. Улар: "Энг билувчидан сўраймиз", дейишди ва сўнг
Расулуллоҳ соллаллоҳу алаиҳи ва салламдан сўрадик. У зот: "Жаннатдаги дурдан бўлган
қасрдир. У қасрда қизил ёқутлик етмишта бино бор, ҳар бир бинода тоза забаржадлик етмишта
уй бор, ҳар бир уйда етмишта сўри бор, ҳар бир сўрида турли-туман етмишта кўрпа-тўшак бор,
ҳар бир тўшакда ҳурлардан бўлган етмишта аёл бор ва ҳар бир уйда етмишта дастурхон, ҳар
бир дастурхон устида турли-туман етмиш хил таом, ҳар бир уйда етмишта ёш ўғил ва қиз
хизматчилар бор. Аллоҳ таборака ва таоло мўминга бир мартада буларнинг барчасига етадиган
қувват ато этади", дедилар.
Ибн Зайд отасидан ривоят қилади: Расулуллоҳ соллаллоҳу алайҳи ва саллам айтдилар:
"Албатта, бир кишига бир дурдан ясалган қаср берилади. Бу қасрда етмишта хона бор, ҳар бир
хонада ҳурлардан бўлган бир аёл ва ҳар бир хонада етмишта эшик бор, ҳар бир эшикдан
жаннат ҳидлари кириб туради. Бир эшикдан кирган ҳид бошқа эшикдан кирган ҳидга
ўхшамайди", дедилар ва Аллоҳ таолонинг: "Улар учун беркитиб қўйилган кўзлар
қувончини бирор жон билмас" (Сажда, 17), оятини ўқидилар" (Ибн Ваҳб ривояти).
Бурайда ибн Хосибдан ривоят қилинади: "Расулуллоҳ соллаллоҳу алайҳи ва саллам бир
куни тонгда турдилар ва Билолни чақириб: "Эй Билол! Нима сабабли жаннатга мендан олдин
кирдинг. Жаннатга кирсам, олдимда оёғинг товушини эшитдим. Сўнг тўрт бурчакли, олтиндан
тикланган қасрни кўрдим ва: "Бу қаср кимники?" деб сўрадим. "Бир арабники", дейишди. Мен:
"Мен арабман, бу қаср кимники?" дедим. "Муҳаммаднинг (с.а.в.) умматидан бўлган кишиники",
дейишди. "Мен Муҳаммадман! Бу қаср кимники?" дедим. "Умар ибн Хаттобники", дейишди".
Шунда Билол розийаллоҳу анҳу: "Эй Расу-луллоҳ(с.а.в.), ҳар қачон азон айтсам, дарҳол икки
ракат намоз ўқийман ва қачон таҳоратим кетса, дарҳол таҳорат оламан, зиммамда Аллоҳ таоло
учун икки ракат намоз бор деб биламан" (яъни, икки ракат намоз ўқиб оламан), дедилар.
Расулуллоҳ соллаллоҳу алайҳи ва саллам: "Шу икки (хислатинг) сабабли экан", дедилар"
(Термизий ривояти).
Табароний Анас розийаллоҳу анҳунинг ҳадисларидан мухтасар келтиради: Расулуллоҳ
соллаллоҳу алайҳи ва саллам айтдилар: "Жаннатга кирган эдим, олтиндан бўлган қасрни
кўрдим ва: "Бу кимга?" деб сўрадим. "Умар ибн Хаттобга", дейишди".
Доримий ривоят қилади: Набий соллаллоҳу алайҳи ва саллам айтдилар: "Ким "Қул
ҳуваллоҳу аҳад"ни ўн марта ўқиса, унинг учун жаннатда бир қаср бино қилинади. Ким уни
йигирма марта ўқиса, иккита қаср, ким ўттиз марта ўқиса, учта қаср бино қилинади", дедилар.
Шунда Умар ибн Хаттоб розийаллоҳу анҳу: "Ундай бўлса, қасрларимизни кўпайтириб олайлик",
дедилар. Расулуллоҳ соллаллоҳу алайҳи ва саллам: "Аллоҳ янада кўпайтириб бергувчи
зотдир", дедилар.
Ҳаммод ибн Зайд Абу Синондан ривоят қилади: "Ўғлим Синонни дафн қилдим, Абу Талҳа
Хавалоний қабрнинг чеккасида туриб деди: "Менга Заҳҳок ибн Абдураҳмон Абу Мусодан ҳадис
айтди: Расулуллоҳ соллаллоҳу алайҳи ва саллам: "Агар Аллоҳ азза ва жалла бандасининг
фарзандини олса, фаришталарига: "Бандам нима деди?" дейди. Фаришталар: "Сенга ҳамд ва
истиржоъ айтди", дейдилар. Аллоҳ таоло: "Унга жаннатда уй бино қилинглар ва у уйни "ҳамд
уйи" деб атанглар", дейди", дедилар" (Абу Довуд Таёлисий чиқарган).
|
| |
| |
| Rider | Дата: Juma, 07-May-2010, 23:34 | Сообщение # 26 |
|
Admin yordamchisi
Группа: Usta
Сообщений: 2650
Статус: | АЛЛОҲ ТАОЛОНИНГ "БАЛАНД КЎТАРИЛГАН КЎРПАЧАЛАР", ДЕГАН ОЯТИ ҲАҚИДА
Абу Саид Худрий айтадилар: "Набий соллаллоҳу алайҳи ва саллам Аллоҳ таолонинг: (яъни,
"Баланд кўтарилган кўрпачалар") (Воқеа, 34), сўзи хусусида: "У (тўшакларнинг) баландлиги
осмон билан ер орасича, беш юз йиллик масофа каби", дедилар (Термизий ривояти).
Баъзи аҳли илмлар "кўрпача"ни даражалар маъносида деб, ҳар бир даражанинг ораси
осмон билан ер оралиғига тенг, дея, тафсир қилишган.
Баъзилар эса: "Кўрпача" жаннатдаги аёллардан киноя. Шунда ундан ҳусн ва жамолда қадри
баланд бўлган аёллар тушунилади. Араблар аёлни тўшак, кийим, иштон, совлиқ қўй, деб
истиъора қиладилар. Чунки тўшак аёллар ўрни, ҳадисда ҳам: "Фарзанд тўшак соҳибиникидир,
фоҳиша эса боладан маҳрум этилади'', дейилган. Шунингдек, Аллоҳ таоло: "Улар
(хотинларингиз) сизлар учун либосдир" (Бақара, 187);
"(Даъвогарлардан бири деди): Дарвоқеъ, мана бу менинг биродарим бўлиб,
унинг тўқсон тўққиз совлиқ қўйи бор, менинг эса биргана совлиғим бордир..." (Сод,
23), деб айтган", дейишади.
|
| |
| |
| Rider | Дата: Juma, 07-May-2010, 23:36 | Сообщение # 27 |
|
Admin yordamchisi
Группа: Usta
Сообщений: 2650
Статус: | ЖАННАТ ЧОДИРЛАРИ, БОЗОРЛАРИ, ЖАННАТИЙЛАРНИНГ ДУНЁДА ҚИЛГАН
ИШЛАРИ ВА ИБОДАТЛАРИНИ ЭСЛАШЛАРИ
Абу Мусо Ашъарийдан ривоят қилинади: Расулуллоҳ соллаллоҳу алайҳи ва саллам
айтдилар: "Жаннатда яхлит дурдан ўйиб ясалган чодир бор, кенглиги олтмиш мил. Ҳар
бурчагида мўмин учун аҳллар бор. Улар бир-бирларини кўрмайдилар. Мўмин уларни айланиб
юради" (Муслим ривояти).
Бошқа бир ривоятда: "Дурдан ишланган чодирнинг бўйи олтмиш мил. Ҳар бир бурчагида
мўмин учун аҳллар бор, улар бир-бирларини кўрмайдилар", дейилган.
Анас ибн Молик розийаллоҳу анҳу ривоят қиладилар: Расулуллоҳ соллаллоҳу алайҳи ва
саллам айтдилар: "Жаннатда бир бозор бор. Ҳар жума унга келадилар. Сўнг шамол эсиб,
уларнинг юзлари-ю кийимларига мушк сочади ва уларнинг ҳусни жамоли зиёда бўлади. Сўнг
ҳусни ва жамоллари зиёда бўлган ҳолда қайтадилар. Аҳллари уларга: "Аллоҳга қасамки,
биздан кейин ҳусни жамолда янада зиёда бўлибсиз", дейди" (Муслим ривояти).
Саид ибн Мусаййабга бир куни Абу Ҳурайра: "Аллоҳдан сен билан мени жаннат бозорида
жамланишини сўрайман", дедилар. Саид: "Жаннатда бозор борми?" деб сўради. Абу Ҳурайра
розийаллоҳу анҳу: "Ҳа", деб ушбулари айтиб бердилар: "Фаришталар ўраб турган бозорга
келасан. Унда кўз кўрмаган, қулоқ эшитмаган, хаёлга келмаган нарсалар бор. Хоҳлаганимиз
берилади, сотилмайди ҳам, сотиб олинмайди ҳам. Ва мана шу бозорда жаннат аҳллари бир-
бирларига йўлиқадилар. Юқори манзил эгалари қуйирокдагилар билан учрашадилар —
ваҳоланки, у ерда паст даражанинг ўзи йўқ унинг устидаги кийимига қуйироқдагининг ҳаваси
келади. У ҳам гапини тугатмасданоқ ундан чиройлироғи унда гавдаланади. Чунки бирор
кимсада жаннатда хафалик бўлмайди" (Термизий ривояти).
Бу ҳадисни Абу Ҳурайрадан мукаммал тарзда Ибн Можа ҳам келтирган. Унда бундай
дейилади: "Менга Расулуллоҳ соллаллоҳу алайҳи ва саллам хабар бердилар: "Жаннат аҳли
жаннатга кирса, амалларига кўра манзил-даражаларини эгаллайди. Уларга дунёдаги жума куни
миқдорича муҳлат берилади, бас, улар Аллоҳни кўради. Аллоҳ уларга Аршни ва жаннатнинг
бир боғида жамолини кўрсатади. Улар учун нурдан, дурдан, ёқутдан, забаржаддан, олтин ва
кумушдан бўлган минбарлар қўйилади. Уларнинг энг қуйи манзилдагиси — ваҳолангки, у ерда
қуйи даражанинг ўзи йўқ — мушк ва кофурдан бўлган тепаликда ўтиради, улар минбарлардаги
курси эгаларини ўзларидан афзал деб ўйламайдилар". Шунда мен: "Эй Расулуллоҳ(с.а.в.),
Парвардигоримизни кўрамизми?" деб сўрадим. У зот: "Ҳа, ҳаво очиқ кунда қуёшни ва тўлин
ойни кўришга бирор нарса сизларга тўсқинлик қиладими?" дедилар. "Йўқ", дейишди. "Худди
шунингдек, Парвардигорингиз азза ва жаллани кўришда ҳам тўсиқ бўлмайди. У мажлисда
Аллоҳ таоло хитоб қилмаган бирор кимса қолмайди. Ҳатто уларнинг ҳар бирига: "Эй фалончи,
мана бундай, мана бундай қилган кунингни эслай оласанми?" деб дунёда қилган ишларини
эслатади. У банда: "Эй Парвардигор, у ишимни кечирмаганмидинг?" дейди. Парвардигор: "Ҳа,
кечирганман! Ўша мағфиратимнинг кенглиги сабабли сен шу манзйлда ўтирибсан", дейди",
дедилар Набий алайҳиссалом".
|
| |
| |
| Rider | Дата: Juma, 07-May-2010, 23:36 | Сообщение # 28 |
|
Admin yordamchisi
Группа: Usta
Сообщений: 2650
Статус: | Парвардигор билан бандалар бир-бирларига мана шундай хитоб қилиб туришган чоғда,
бандалар устини булут қоплайди ва хушбўй ёмғир ёғади, унинг бўйи бошқа бирор нарсада
топилмайди. Сўнг Парвардигор уларга: "Сизларга сахийлик билан тайёрлаб қўйган
нарсаларимга тўйинглар ва хоҳлаган нарсаларингизни олинглар", дейди. Сўнг манзилларига
қайтишади ва уларни жуфтлари кутиб олишади. Улар: "Хуш келдингиз, марҳабо,
кетаётганингизда бошқача эдингиз, қайтганингизда жамолингиз ва бўйларингиздан яна зиёда
бўлибди", дейишади. Улар эса: "Бугун биз Парвардигоримиз билан ҳамсуҳбат бўлдик ва шу
сабабли ҳам биз бундай кўринишда қайтишга ҳақлимиз", дейдилар".
Али розийаллоҳу анҳудан ривоят қилинади: Расулуллоҳ соллаллоҳу алайҳи ва саллам
айтдилар: "Жаннатда бир бозор бор, унда сотиш ҳам, сотиб олиш ҳам йўқ. У ерда аёл-
эркакларнинг суврат-қиёфалари бўлади. Ким бир сувратга киришни хоҳласа, ўша қиёфага
киради" (Термизий ривояти).
Анас ибн Молик айтадилар: Расулуллоҳ соллаллоҳу алайҳи васаллам дедилар: "Жаннатда
бозорлар бор, унда сотиш ҳам, сотиб олиш ҳам йўқ. Жаннат аҳли жаннат хурсандлигига
муяссар бўлгач, тупроқлари мушк бўлган майин дурлар устида ястанган ҳолда ўтирадилар.
Улар жаннатларда бир-бирлари билан дунёда қандай бўлганлари, Аллоҳга қандай ибодат
қилганлари, қандай қилиб кечаларни бедор, кундузларни қоим ўтказганлари, дунёдаги
фақирлик ва бойлик қандай экани, ўлим қандай кечгани ва шунча синовлардан кейин қандай
қилиб жаннатга кирганларини эслашиб ўтиради".
|
| |
| |
| Rider | Дата: Juma, 07-May-2010, 23:37 | Сообщение # 29 |
|
Admin yordamchisi
Группа: Usta
Сообщений: 2650
Статус: | ҲЕЧ КИМНИНГ ЖАННАТГА РУХСАТСИЗ КИРМАСЛИГИ ҲАҚИДА
Салмон Форсийдан ривоят қилинади: Расулуллоҳ соллаллоҳу алайҳи васаллам айтдилар:
"Жаннатга бирор-бир инсон киритилмайди, фақат "Бисмиллаҳир. роҳманир роҳийм, бу Аллоҳ
тарафидан фалончи ўғли фалончига бўлган китоб, уни мевалари яқин бўлган олий жаннатга
киргизинг!" деган рухсат билан киради" (Аҳмад ибн Ҳанбал ривояти).
Бу ҳадис жаннатга ҳисоб-китоб билан киритиладиган инсонлар ҳақида бўлса керак.
|
| |
| |
| Rider | Дата: Juma, 07-May-2010, 23:39 | Сообщение # 30 |
|
Admin yordamchisi
Группа: Usta
Сообщений: 2650
Статус: | ЖАННАТГА БИРИНЧИ КИРАДИГАНЛАР ФАҚИРЛАР ЭКАНИ ҲАҚИДА
Ибн Муборак айтади: "Бир киши Набий соллаллоҳу алайҳи ва саллам олдларига келди ва:
"Эй Расулуллоҳ (с.а.в.), қиёмат кунида Аллоҳ таоло билан ҳамсуҳбат бўлувчилар ҳақида хабар
беринг", деди. Расулуллоҳ (с.а.в.): "Улар Аллоҳдан қўрқувчилар, Аллоҳга бўйинсунувчилар,
ўзларини камтар олувчилар, Аллоҳ таолони кўп зикр қилувчилар", дедилар. У киши: "Эй
Расулуллоҳ(с.а.в.), жаннатга биринчи кирувчилар ҳам ўшаларми?" деб сўради. У зот: "Йўқ",
дедилар. У кейин: "Унда, жаннатга биринчи кирадиганлар кимлар?" дея сўради. Расулуллоҳ
соллаллоҳу алайҳи ва саллам айтдилар: "Фақирлар жаннатга киришда бошқалардан ўзиб
кетади. Шунда уларнинг олдидан фаришталар чиқиб: "Ҳисоб-китобга қайтинглар!" дейди.
Фақирлар: "Нимамизга ҳисоб-китоб қилинамиз? Аллоҳга қасамки, бизларда мол-давлат
бўлмаган бўлса, уни баъзилардан қиз-ғаниб, баъзиларга исрофларча сарф қилмаган бўлсак.
Шунингдек, бизлар амир ҳам эмас эдикки, баъзиларга адолат қилиб, баъзиларга зулм этган
бўлсак. Бироқ бизларга Аллоҳ-нинг амри келди, биз Унга ибодат қилдик ва то ҳузурига
келгунимизга қадар Унга тоатда бўлдик", дейди. Шунда уларга: "Жаннатга киринглар, амал
қилувчиларнинг ажр-мукофоти нақадар яхши!" дейилади".
Набий соллаллоҳу алайҳи ва саллам айтдилар: "Фақирлар ҳақида Аллоҳ таолодан
қўрқинглар! Чунки Аллоҳ таоло қиёмат кунида: "Бандаларим ичидан танлаганларим қани?"
дейди. Фаришталар: "Эй Парвардигор, улар кимлар?" деб сўрайди. Шўнда Аллоҳ таоло айтади:
"Улар қадаримга рози бўлган, сабр қилган фақирлардир, уларни жаннатга киргизинглар!" Бас,
улар жаннатга киритилади. Фақирлар еб-ичиб турганида, бойлар ҳали ҳисоб қилинаётган
бўлади".
|
| |
| |
