Алишер Кароматов яқинлари Олий судга мурожаат қилмоқчи
Беш йилдан буён қамоқхонада қолаётган Алишер Кароматовнинг яқинлари Ўзбекистон Олий судига мурожаат қилишни режалаштирмоқда.
Ҳуқуқ фаолининг рафиқаси Намуна Кароматованинг Озодликка айтишича, эрининг соғлиги яна ёмонлашган бўлиб, унинг қамоқхонада узоқ қолиши хавотирли.
Алишер Кароматовнинг мустақилликнинг 20 йиллиги муносабати билан кутилаётган амнистияга тушишидан умид қилинаётган эди.
Бироқ яқинда ҳуқуқ фаоли қамоқхона ички қоидаларини бузгани учун қўшимча жавобгарликка тортилган ва бу Кароматовнинг амнистияга тушиш имконидан маҳрум қилади.
Алишер Кароматов тўрт йилдан буён сил касаллиги билан оғрияпти.
У 2006 йил Ўзбекистон жиноят кодексининг 165-моддаси, яъни товламачилик банди бўйича айбдор деб топилиб, тўққиз йиллик қамоқ жазосига маҳкум қилинган.
Ўн икки кундан бери Тожикистонда ҳибсда ушлаб турилган Би-би-сининг Хўжанддаги мухбири Ўринбой Усмонга тиббий муолажа кўрсатила бошланган. Унинг оиласи хабарига кўра, икки кундан бери Миллий Хавфсизлик Қўмитасига олиб кетилиб сўроқ қилинган Ўринбой Усмон яна Адлия вазирлигига қарашли тергов изоляторига қайтарилган.
59 ёшли Ўринбой Усмон юрак ва қанд касалликлари билан оғриб келади.
Душанба куни Ўринбой Усмоннинг ҳимоячиси Файзинисо Вохидова ўз мижозига қарши "Тожикистон конституцион тизимини куч билан ўзгартиришга оммавий чақириқлар" қилиш айби илгари сурилганини билдирганди.
Хўжанд вилояти миллий хавфсизлик қўмитаси Би-би-си мухбирини 13 июн куни ман этилган Ҳизбу Таҳрир Исломий ташкилотига аъзоликда гумон қилиб қўлга олган ва уни ўз радио хабарлари ҳамда интернет орқали Ҳизбу Таҳрир ғояларини тарғиб қилишда айблаган.
Би-би-си ва Ўринбой Усмон бу айбловларни рад этади.
У уч кун аввал Миллий Хавфсизлик Қўмитаси ҳибсхонасидан тергов изоляторига кўчирилган.
Бироқ охирги икки кун сўроқ учун қайтариб Миллий Хавфсизлик Қўмитасига олиб кетилган.
Унинг адвокати Файзинисо Вохидованинг Би-би-сига айтишича, унинг сўроқ учун олиб кетилишига сабаб ўз идорасидан тортиб олинган компьютердаги материалларни очиш бўлган.
Мазкур жараёнда унинг ўзи, гувоҳлар, адвокати ва терговчилар иштирок этишган.
Кўплаб халқаро ташкилотлар, жумладан Хюман Райтс Вотч, Халқаро Амнести, Журналистларни ҳимоя қилиш қўмитаси, ҳамда Британия ва АҚШ элчихоналари Ўринбой Усмоннинг айбсиз эканини айтиб, унинг зудлик билан озод этилишини талаб қилишган.
Бу чақириқларга Тожикистон ҳукумати бирон расмий баёнот билан жавоб берганича йўқ.
Ҳибснинг илк кунларида Ўринбой Усмон хавфсизлик кучлари томонидан дўппослангани ишонилади.
Узбекские налоговики – сбор налогов в собственный карман
По словам ташкентской предпринимательницы, ее желание вести бизнес по закону натолкнулось на яростное сопротивление сотрудников налоговой инспекции, требующих от нее делать взносы не в банк, а ему в карман.
«Только за оформление пакета необходимых при работе документов я заплатила государству свыше 850 тысяч сумов, - сокрушается молодая женщина-«челнок» Оксана (имя по ее просьбе изменено). – Но инспектор Сергелийской налоговой инспекции Эдуард Ким недвусмысленно заявил, чтобы мы с подругой платили ему в карман».
Инспектор, по утверждениям Оксаны, даже пожурил ее за то, что она успела внести официальные платежи за июнь в банк: мол, нечего было «самодеятельничать» без команды, а из банка теперь она свои деньги никогда «не вытащит».
Он и его коллеги настаивают, чтобы предприниматели, работающие под их началом, «приостанавливали» свои патенты, внося «фиксированные налоги» сугубо им.
Мифические накладные, как путеводитель в бизнес
Попытки обращений подруг к заместителю начальника Сергелийской районной налоговой инспекции Улугбеку Хатамову и сотруднику отдела по выдаче патентов на экспорт- импорт Джахонгиру Нарходжаеву с целью добиться разъяснений в данном вопросе ни к чему не привели.
Как говорит Оксана, последний ее вообще ошарашил утверждением, что они не имеют права приступать к своей деятельности, пока не раздобудут какие-то странные накладные на сумму реализации товара.
Даже посоветовал, что их можно «достать» за энную сумму среди «знающих людей», предположительно, на Алайском рынке.
В случае отсутствия таковых, по мнению Нарходжаева, ее могут ждать большие неприятности в виде штрафа, налагаемого банком, на всю инкассированную сумму.
Между тем, у нее, имеющей на руках легальный патент «Экспорт-импорт, розничная торговля», есть все основания без страха перед законом приступить к своей деятельности.
То есть, закупать товары за пределами Узбекистана, получая на руки соответствующие накладные и счет-фактуру на так называемую «очищенную» продукцию через официально действующую организацию - ООО «Abu-Saxiy Сargo», занимающуюся централизованным привозом в страну и «растаможкой» заказанных заграничных товаров в полном объеме.
Зачем налоговикам отчетность по инкассации?
По словам оказавшейся сегодня в тупиковой ситуации предпринимательницы, для усиления устрашающего фактора контролирующие доходы граждан кураторы придумали еще одно новшество - вести учет продаваемых изделий, занося все записи в специальные книги, которые они выдали женщинам на руки.
«Спрашивается, зачем, если мы полностью подотчетны банку НБУ, с которым работаем, и храним у себя все чеки и квитанции?», - недоумевают женщины.
Они считают, что в условиях, когда взаимоотношения «предприниматель-банк» вышли на новый уровень развития, когда происходит плавный переход к безналичным расчетам с использованием терминалов, нет необходимости жесткого контроля над инкассированием и отчетности по инкассации перед налоговой инспекцией.
Если убрать бюрократические препятствия в виде «липовых» накладных, которые нужны лишь для кассовой отчетности перед налоговыми инспекторами, кассовых и прочих отчетов, взаимоотношения между банками и предпринимателями станут теснее и прозрачнее – таково мнение и абсолютного большинства представителей делового класса.
А это пойдет на пользу как самим субъектам малого бизнеса и частного предпринимательства, так и государству.
Налоговики – главная устрашающая сила для предпринимателя
О необходимости «моратория» на противоправные действия налоговых служителей высказываются и братья-близнецы из Сурхандарьинской области Зарифжон и Икрамжон, вынужденные четыре года тому назад свернуть бизнес из-за чрезмерной алчности местных налоговиков.
По их мнению, в Год малого бизнеса и частного предпринимательства местные налоговики, вопреки нормативной документации, сознательно вынуждают людей играть по их «теневым» правилам, призывая саботировать правительственные постановления и указы, урезая по собственному усмотрению поступления в бюджет.
Тех, кто желает работать на вполне законной основе, те же налоговые инспектора все чаще «загоняют в подвал», создавая для них искусственные преграды и заставляя идти к ним на поклон. В противном случае, каждый знает, что крах бизнесу «строптивых» обеспечен, говорят братья.
«Из года в год вести «прозрачный» бизнес у нас в стране становится все труднее, - жалуется ташкентский предприниматель Собиржон. – Лично могу заявить, что налоговые комитеты сегодня исполняют роль, исключительно, карательно-репрессивных учреждений, заботясь лишь об одном – потуже набить собственные карманы».
По признаниям пострадавших предпринимателей, схема «перекрывания кислорода», по которой действуют коррумпированные службы налогового контроля, одинакова по всей республике.
Доведя до отчаяния желающих трудиться в ладу с законом, повсеместно сотрудники налоговых органов припирают к стенке подопечный контингент, дабы те осознали, что проще идти по «договорному» с инспекторами пути.
Но это, по признаниям «челноков» со стажем, вовсе не означает, что в случаях нежданных проверок (или ради премии по плану) они же не сдадут с потрохами своих кормильцев.
Рыба гниет с головы…
Так или иначе, коррупционная нить восходит к Государственному налоговому управлению, бессменно возглавляемому Батыром Парпиевым, убеждены более-менее осведомленные предприниматели.
Будучи сватом председателя Службы национальной безопасности Узбекистана Рустама Иноятова, Парпиев находится под его могущественным покровительством, и пока эта опека присутствует, ни ему, ни его подчиненным ничто не угрожает…
Мамлакат қамоқхоналаридаги вазият бўйича мониторинг ўтказган ҳуқуқ фаоллари ана шундай хулосага келмоқдалар. Сўнгги пайтда Ўзбекистон қамоқхоналаридан келаётган диндорларнинг жасади эрта тонгда, бир нечта қариндош иштирокида дафн этилмоқда. Мазкур дафн маросимлари ҳуқуқ-тартибот органлари ходимларининг қаттиқ назорати остида амалга оширилмоқда.
- Қамоқхона маъмурияти кечаси, соат 3-4 лар атрофида уйларига олиб боради. Тез дафн этишни талаб этади, - дейди Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромов.
Унга кўра, бу чора-тадбирлар қамоқхонадан келтирилган жасаддаги қийноқ аломатлари ошкор бўлмаслиги учун амалга оширилади.
Бу жасадлар чиқаётган “Борса келмас” номини олмиш “Жаслиқ” қамоқхонаси, Навоий ҳамда Қарши қамоқхоналари Ўзбекистондаги энг кўп қийноқ қўлланиладиган жазони ўташ муассасалари бўлиб қолмоқда.
Мазкур қамоқхоналардан бирида жазо муддатини ўтаган ўзбекистонлик суҳбатдош ўз исмини сир тутиш шарти билан милиция ходимлари томонидан қўлланиладиган қийноқларнинг бугунги тури ҳақида бир нафасда қуйидагиларни санаб ўтди:
- Дубинкалар билан уради. Пресслаб, қўл билан тепиб ташлайди. Кишанларни тақиб қўйиб, тепкилайди. Ким ураётганини кўрмайсиз. Биттаси тергов қилади, орқангиздан иккинчиси келиб уради. Юзингизни ёпасиз, буйрагингизни асрашга ҳаракат қиласиз. Қайси бирини танийсиз у пайтда... Асосийси, оёқларга, буйракка, тиззаларга тепишади. Кўринмайдиган жойингизга уради. Юзингизга урганидан кейин кўкарса, бошқа жойга қабул қилмайди-да, - дейди бир пайтлар ўзи қийноқларга дучор бўлган суҳбатдошимиз.
Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромов мамлакатда маҳбусларга қийноқ қўлланилиши 1996 йилдан бошлаб авж олганини айтади. Ҳуқуқ фаолига кўра, бундай қийноқларга кўпроқ диний ва сиёсий мотивлар бўйича ҳибсга олинганлар дучор қилинмоқда.
- Бир хил жойларда диний эътиқод бўйича қамалганларга намоз ўқигани учун қийноқлар қўлланилмоқда. Улар бирлашиб, норозилик қилишганидан сўнг эса, бир нечтасини қамоқ ичидаги ШИЗОга қамаб, у ерда ҳар қандай усуллар билан қийноқ қилишади. Шу қийноқлар асосида бир нечта одамларнинг оламдан ўтиш ҳолатлари бўлаяпти, - дейди ҳуқуқ фаоли Суръат Икромов.
Ҳуқуқ фаоли энг кўп учрайдиган қийноқлар кўриниши сифатида диндор маҳбусларнинг тирноқлари остига игна санчилиши, жинсий аъзоларига урилишини келтиради.
Сўнгги ўн йил ичида қийноқлар бўйича ўз мониторингини ўтказиб келаётган Суръат Икромовнинг айтишича, мазкур ҳолатлар бўйича маҳаллий прокуратура ҳолатларига шикоятлар берилган бўлса-да...
- Прокуратура ходимлари бу вазиятни текширмаган. Текширган тақдирда ҳам ҳеч қандай жавоб бермаган - тан олмайди. Тан оладиган бўлса, бунинг ижрочилари бўлиши керак. Қамоқхона маъмурияти ҳаммаси жавобгарликка тортилиши керак. Лекин бир нарсани айтиб кетишим керакки, қамоқхона зобитларидан: “Бизга қийноққа тортиш тўғрисида Тошкентдан буйруқ келади, агар биз шуни бажармасак, бизни ишдан бўшатишади” деган гапларни жуда кўп эшитаяпман, - деди Қийноқ қурбонларини қўллаб-қувватлаш халқаро куни бўлмиш 26 июнда Озодлик билан суҳбатлашган ҳуқуқ фаоли Суръат Икромов.
Ўзбекистон Мустақил ҳуқуқ ҳимоячилари ташаббус гуруҳи ҳисоботига кўра, 2010 йилда мамлакат қамоқхоналарида 39 маҳбус қийноқ ёки касалликдан нобуд бўлган, марҳумларнинг жасадлари яқинларига яширинча берилган
Date: Yakshanba, 11/06/26, 11:39:57 AM | Message # 50
Peshqadam
Group: Ishonchli
Messages: 4086
Status:
“Чегара билмас зўравонлик” касали ва “Адолат номи остида қотиллик” ҳақида
Ўзбекистондан олинаётган сўнгги хабарларга қараганда яна 12 мўмин мусулмонлар аввалига ҳеч бир асоссиз равишда ҳибс этилиб, кейин эса улардан 5 киши 12 йиллик узоқ муддатларга қамоққа ҳукм этилганлар, қолганларини эса 3 йилга шартли равишда қамоққа ҳукм этишган. Ҳолбуки уларнинг бирортасини айби исбот қилинмаган!
Барча демократик мухолифат вакиллари, инсон ҳуқуқлари учун курашувчилар ва мусулмонларга маълумки, Ислом Каримов режимининг Ички зўравонлик вазирлиги ва Миллий Хавф хизмати вакиллари мана 22 йилдан бери айни сиёсатни, яъни ўзлари истаган фуқарони ҳибсга олиш, қийнаш ва зўрлик ишлатиб ҳар қандай одамни бўйнига ҳар қандай айбни қўйишни бир доимий ишлаш услубига, одатий ҳолга айлантиришган.
Бу нарса биздан, Ўзбекистон Халқ Ҳаракати аъзоларидан ўз фаолиятимизни кучайтиришни талаб қилади.
Бунинг сабаби шуки, жиноят қилишга ўрганиб қолган режим аскарлари, терговчилари, исковучлари, милисалари ва махфий хизмат ходимлари бир нарсани бизга узил кесил исбот қилдилар: Улар қандай қилиб ўзларини навбатдаги жиноятлардан тийишни билмайдилар, буни билишни ҳам, бу ҳақда тинглашни ҳам истамайдилар. Чунки уларнинг заиф онглари ва фаросатлари бундай қудратга эга эмаслар ва таъбир жоиз бўлса шуни айтиш керакки, улар зўравонлик касалидан қутилишда ёрдамга мўҳтожлар.
Мана яна 12 мўмин мусулмон биродарларимиз, (уларнинг аксарияти ёшлар!) яна ўша золимлар тарафидан асоссиз равишда ҳибсга олиниб, яна уйдирма айблар билан турли муддатларга қамоқларга ҳукм қилиндилар. Бу фақат ва фақат бир нарсани англатади: Жинояткор режимнинг аскарлари бир оғир, тузатиб бўлмас касалликка мубтало бўлганлар. Унинг оти “Чегара билмас зўравонлик” касали бўлиб, у ўта оғир касалликдир. Жиноятчилар тилида бундайларни рецидивистлар, яъни қайта қайта жиноят қиладиганлар, “қайтмаслар” дейишади. Бу ҳақда мен ўтган кунлари махсус бир мақола чоп этган эдим.
Аммо ҳозир гап бошқа масалада.
Демократик мухолифат, инсон ҳуқуқлари курашчилари ва халқаро ҳамжамиятнинг тинимсиз танқидларига қарамай, АҚШ, ЕИ, ОБСЕ ва бошқа давлатлар ва ташкилотларнинг илтимослари, мурожаатларини инобатга олмай на бош раҳбар, на милиция раҳбарлари ва уларнинг қўл остидагилар, на МХҲ раҳбарлари ва улаарнинг қўл остидагилар, на терговчи, прокурорлар ва ниҳоят на судлар бегуноҳ инсонларни асоссиз равишда ҳибсга олишлар ва уларни узоқ муддатли қамоқларга ҳукм қилишдан ўзларини тўхтатмоқчи эмаслар.
Бу фақат бир нарсани англатади: Ислом Каримов ҳукуматида ҳизмат қилаётган аксарият ходимлар “чегара билмас зўравонлик” касалига мубтало бўлганлар. Ҳар қандай касалликни даволашни фақат икки йўли бор. Бири терапия, иккинчиси хирургия усули. Терапия усули билан фақатгина ўз касалини тан олган ва даволанишни истаган одамларнигина даволаш мумкин. Аммо Каримов қўл остида ишлайдиганлар бу касаллик ҳақида ҳатто эшитишни ҳам хоҳламайдилар, чунки улар ўзларини касал деб ҳисобламайдилар.
Демак фақат хирургик усул билан бу касалларни даволаш мумкин холос. Бу нарсани биз ҳаммамиз яхши тушунишимиз ва шунга қараб иш тутишимиз керак бўлади.
Бу зўравонлик касалига йўлиққанлар худди бир нашаванддек бўлиб қолишган ва бу жиддий касалликдир. Илмий тадқиқотлардан маълум бўлишича, умрида зўравонлик қилмаган бир гуруҳ инсонларга кенг эркинликлар берилса, уларнинг кўпчилиги ўз қўл остидаги маҳбусларга зўрлик ишлатиб бундан роҳатланишар экан. Бундай тажрибани бир гуруҳ талабалар устидан ўтказган олимлар инсон миясиниинг тош даврида одат бўлган зўравонликни жуда осон эсга олишини ва имкон тўғилганда ўз зўравонлигини ҳеч икккиланмай бошқа бир ҳимоясиз инсонга қарши ишлатиб, бундан завқланишидан ҳайратда қолишган.
Олимларнинг хулосаси шу бўлганки, табиатан юмшоқ кўнгилли кўринган ҳар қандай одам ҳам, агар унга салгина бўлсада, қисқа муддат давомида бошқалар устидан истаганча зўрлик қилиш ҳўкмронлиги берилса, у ҳолда ана шу юмшоқ кўнгилли инсон ҳам ўз ҳокимиятини мазасини тотиб кўришни истар экан ва айниқса у бошқалар қилаётган зўравонликларни кўриб унда ҳам бошқалардек зўравонлик қилиб кўриш истаги осон уйғонар, унда ҳам шундай нарсага мойиллик пайдо бўлар экан.
Шундан сўнг демократик давлатлардаги ҳукуматлар ва қонун яратувчи халқ вакиллари фуқароларни бирор жиноят қилганликда гумон қилиб ушлаш, уларни сўроқ қилиш ва айбини аниқлаш ишларини жиддий ислоҳот қилиш лозимлигини тушунишган.
Шу сабаб у давлатларда криминал техник тадқиқотларни ривожлантириш ишларига катта миқдорда маблағлар ажратилиб борилади ва бу соҳадаги ишлар доимий равишда қилинади. Бу ишлардан асосий мақсад: ҳар қандай жиноятни фақат ва фақат рад этиб бўлмайдиган исбот ва далиллар асосидагина очиш керак деган нарсадир.
Аммо афсуски Ўзбекистонда жиноятларни очишда на криминал техник усуллар, на оддий дедуктив методика, на инсонларнинг фуқаровий ва сиёсий ҳуқуқларига ҳурмат кўрсатиш, на асоссиз ҳибсга олмаслик қонунларига риоя қилиш, на гумон остида ҳибсга олиниб, айби исбот қилинмаганларни 3 суткадан сўнг қўйиб юбориш практикаси бордир.
Бугун Ўзбекистонда фақатгина катта пора эвазига ҳеч бир асоссиз қамоққа олинган ва айби бўлмаган инсонни озод қилиш мумкин холос. Ўшанда сизда ҳам катта пул, ҳам кучли таниш бўлиши керак милиция органларида.
Режимнинг Куч ишлатар тизимларининг яна бир жиддий касаллиги – бу уларнинг ҳар қандай соҳада ҳам, шу жумладан жиноят қидирув органларида ҳам, хатога йўл қўйилиши мумкин деган нарсани тушунмаслик, буни тушунишни истамасликдир.
Фуқаровий ва сиёсий эркинликлар таъминланган жамиятлар ва қонун ҳукмрон бўлган демократик давлатларда ҳибсга олинган ҳар қандай фуқарони сўроқ қилиш фақат адвокат иштирокида бўлиши керак. Бу қонун. Ана шу қонунни бузган терговчининг барча тўплаган далилий ашёлари, у ҳатто бир кишини ўлдирган бир қотилнинг айбини исбот қилган бўлса ҳам, суд қотилни суд залидан озод қилиб юборади. Чунки терговчининг айби қотилни айбидан оғирроқ ҳисобланади. Нима учун?
Қандай қилиб гуёки кичик, арзимаган бир хатога йўл қўйган терговчининг айби бир қотилни айбидан каттароқ ҳисобланиши мумкин?
Бунинг сабаби шуки, суд тизимлари бир нарсани аниқ билишади –Тарки одат амри маҳол! Вазифаси қонунрбузарликка қарши курашиш бўлган тартибни сақлаш идорасининг ходимларини ўзларининг қонунни бузилишига йўл қўйишлари жамиятнинг ҳуқуқий давлат эмаслигини исбот қилувчи нарсадир. Бу дегани эса бутун бошли бир мамлакатнинг улкан ҳокимият машинасининг бузуқлигини, унинг ишга яроқсизлигини чунки унинг ноқонуний эканлигини кўрсатади. Агар оғир бир тан жароҳатини операция қилаётган хирургнинг сал бўлсада хато қилиши бир инсон ўлимига олиб келадиган бўлса, қонуннинг уни ҳимоя қилувчи шахслар томонидан оёқ ости қилиниши “Демократик , ҳуқуқий жамият” деб аталмиш бир тананинг ўлимига сабабчи бўлиши мумкин.
Ана шунақа қонун бузилишларини “A murder of juctice”, яъни “Адолат номи билан ўлдириш” деб аташади ва бу кўп ҳолларда ана шундай жиноятга йўл қўйганларни ҳаммасини ёппасига истеъфо беришларини талаб қилади. Акс ҳолда Ҳукумат инқирозга учраши мумкин.
Ана шунинг учун ҳам фуқаровий жамиятларда “Адолат номи билан ўлдиришлар” энг оғир жиноят ҳисобланадилар.
Ислом Каримов тўдаси 22 йилдан бери ана шунақа жиноятларни қилавериб юз минглаб инсонларнинг ҳаётларига зомин бўлдилар ва уларни энди ҳеч нарса тўхтата олмайди, чунки уларнинг “чегара билмас зўравонлик” касалликлари ва “адолат номи остида ўлдириш” сиёсатлари бу тўданинг нафақат ҳукумат, балки жиноятчи тўда шаклида ҳам инқирозга юз тутганинини кўрсатади, холос.
Ҳар қандай жиноятчи тўда, агар унинг лидерларида сал бўлсада фаросат бўлса, улар ўз жиноятларини маълум муддатларда тўхтатиб, ўзлари ақлли сув ости кемаси капитанидек, кемани секин денгизнинг энг чуқур жойларидан бирига, бирор тепалик орқасига яшириб “time out” ҳолатига, яъни вақтинчалик мудофаа вазиятига ўтишади.
Аммо Ислом Каримов тўдаси бир дақиқа бўлсин ўз жиноятларини тўхтатмоқчи эмас. Бунинг сабаби юқорида келтирилган икки нарсадир, бири “чегара билмас зўравонлик” касали, иккинчиси эса жамиятда “адолат номи остида қотиллик” қилишларнинг мавжудлиги ва уларнинг борган сари авжига чиқаётганлигидир.
Бу ҳар икки касаллик на даволаб, на ислоҳот қилиб бўлмайдиган нарсалардир.
19 май куни бўлиб ўтган маҳакама жараёнида 5 киши Ўзбекистон Жиноят Кодексининг 244-2 моддаси бўйича (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) айбдор деб топилиб, 12 йилга озодликдан маҳрум этилган.
Қолган 7 судланувчига 216 модда бўйича (Ноқонуний жамоат бирлашмаси ёки диний ташкилот тузиш) ҳукм чиқарилган. Уларга 3 йиллик шартли жазолар берилган.
Судланувчилар Тошкент ва Тошкент вилоятидан эканлари айтилади. Мустақил Инсон ҳуқуқлари ҳимоячилари ташаббус гуруҳи раҳбари Сурат Икромовга кўра, улар 2011 йилнинг январ ойи охири ва феврал бошларида қўлга олинган ва аввалига 15 кунга қамалган.
Ҳуқуқ фаолининг даъво қилишича, маҳкама жараёнида қатор қонунбузарликлар кузатилган ва судланувчиларга нисбатан қийноқлар қўлланилган.
"Мана шу 15 кунга қамалишининг ўзи қонунга хилоф равишда бўлган, яъни улар бунга арзигулик ҳеч қанақа жиноят содир қилишмаган. Кейин улардан 7 нафари қўйиб юборилган, қолган 5 киши яна қамоқда қолган. Бироқ, уларнинг ҳаммасига нисбатан жиноий иш очилган", дейди Сурат Икромов.
'Сохта айбловлар'
Сурат Икромовга кўра, судланганларнинг ҳаммалари Тошкент вилояти Зангиота туманида яшаб келишган ва тадбиркорлик билан шуғулланганлар.
"Улар вақти-вақти билан биргаликда гап ўйнаб, бир-бирлариникига бориб туришган. Улар намозхон бўлганлиги учун мана шунақа сохта айбловлар қўйилган", дейди у.
Сурат Икромов маҳкумлар яқинлари билан учрашгани ва улар қўйилган айбловларга иқрорлар қийноқлар натижасида олингани ҳақида гапиришганини айтади.
"Тергов жараёнида, айниқса, мана шу бештаси қийноқларга учратилган. Мана шу суд жараёнида уларнинг айблари тасдиғини топмади", дейди ҳуқуқ фаоли.
Ўзбекистонда диний оқимларга алоқадорлиги даъво қилинган кишилар устидан маҳкама жараёнлари илк бор кузатилаётгани йўқ. Яқинда Қашқадарё вилоятида "Жиҳодчилар" диний гуруҳига мансубликда айбланган 13 киши узоқ йиллик қамоқ жазоларига ҳукм этилганди.
Жорий ой Наманганда 7 киши ҳам "жиҳодчи"ликда айбланиб, 5 йилдан 10 йилгача бўлган муддатларга озодликдан маҳрум қилинди.
Инсон ҳуқуқлари фаоллари аксар ҳолларда аксар ҳолларда бундай айбловлар исботини топмаслиги ва айбланувчиларга нисбатан қийноқлар қўлланиши иддао қилишади.
Бу хабарни тарқатган Ўзбекистон инсон ҳуқуқлари “Эзгулик” жамиятига кўра, Дадаҳўжаев 2000 йилда Фарғона вилояти суди томонидан “Ҳизбут-Таҳрир” диний оқимига мансубликда айбланиб, 8 йилга озодликдан маҳрум қилинган, бироқ кейинчалик яна қамоқ жазоси узайтирилган.
Date: Dushanba, 11/06/27, 8:36:34 AM | Message # 53
Peshqadam
Group: Ishonchli
Messages: 7146
Status:
Тошкентда тележурналистлар жаримага тортилди 27 июн - Матбуот ва оммавий ахборот воситалари ходимлари куни Ўзбекистон президенти девони олдида ушланган Саодат Омонова ва Малоҳат Эшонқулова тушдан сўнг маъмурий жавобгарликка тортилди - Яккасарой туман суди очлик эълон қилиб чиққан икки журналистга жарима белгилади.
- Бизга энг кам ойлик иш ҳақининг 60 баробарида жарима солишди. Энг кам ойлик иш ҳақи бизда 49 минг сўм. Бу рақамни 60 га кўпайтирдик, 2 миллион 940 минг сўм чиқди. Демак, 10 кун ичида аппеляцияга беришимиз мумкинлигини айтишди. Эътирозларимизни ҳисобга олишмади. Мен олдиндан ҳаммаси келишилган, деб ўйлайман. Гарчи кўрсатмаларни алдаб-авраб олган бўлса-да, бу қарор олдиндан келишилган, - деди журналист Саодат Омонова.
Журналистлар Яккасарой туман судидаги маҳкамада уларнинг ҳимоячилари иштирок этмаганлигини айтишар экан, эндиликда улар суд чиқарган нохолис қарор бўйича юқори инстанция судига аппеляция тартибида шикоят аризаси киритишларини маълум қилишди.
Эслатиб ўтамиз, 27 июн куни эрталаб Тошкентда президент девони олдига очлик эълон қилиш учун чиққан икки тележурналист Малоҳат Эшонқулова ва Саодат Омонова зум ўтмай Яккасарой туман ички ишлар бўлимига олиб кетилганди.
“Ёшлар” телеканалининг собиқ ходималари Малоҳат Эшонқулова ва Саодат Омонова президент Ислом Каримов қабулига кириш учун 56 та жавобсиз хат ёзганларидан сўнг очлик эълон қилишга қарор қилгандилар.
Бу тадбирни президент девони қаршисида амалга оширишга қарор қилган икки журналист, Малоҳат Эшонқуловага кўра, ўз ниятига етолмаган.
- У ерда икки дақиқа ҳам тура олмадик. “Муҳтарам Ислом Абдуғаниевич, бизни қабул қилинг”, “Биз очлик эълон қилдик” деган мазмунда рус ва ўзбек тилида плакатларимизни кўтариб турган эдик. Тўртта йигит: “юринглар, сизларни раҳбар чақираяпти” деб машинага ўтказиб, Яккасарой тумани ички ишлар бўлимига олиб келишди, тушунтириш хати ёзиб ўтирибмиз, - деди журналист Малоҳат Эшонқулова.
Тошкент шаҳар Яккасарой туман ички ишлар бўлими тележурналистларни нима сабабдан ушлаб тургани бўйича маълумот беришдан бош тортгани боис бу саволни ушлаб турилган журналистларнинг ўзига бердик:
- Улар: “хукуматни огоҳлантирмагансизлар, хат ёзмагансизлар, ноқонуний фаолият юритиб, намойиш ўтказаяпсизлар” дея эътироз билдирди. Биз: “Намойиш эмас, очлик эълон қилаяпмиз” десак, “шу ҳолат бўйича тушунтириш хати ёзиб беринглар” деди, - дея изоҳ берди Малоҳат Эшонқулова.
Тушдан сўнг эса икки тележурналистни Фуқаролик ишлари бўйича Яккасарой туман судида судладилар.
Тележурналистлар Малоҳат Эшонқулова ва Саодат Омонова шу йилнинг 2 майидан буён президент Ислом Каримов номига ҳар куни буюртма хат йўллашган. Мазкур хатларда икки журналист президентга ноҳақ ишдан бўшатилганлиги ҳамда “Ёшлар” телеканалидаги маҳаллийчилик, цензура ҳақида маълум қилганлар.
- Қонунчилигимизга асосан ҳар қандай шикоят аризасига бир ойнинг ичида жавоб берилиши керак эди. Лекин биз 56-хатни ҳам ёздик, хатни қабул қилишгани ҳақида қўлимизда қоғоз ҳам бор. Аммо у ёки бу маънода жавоб йўқ. Президентимиз қабулига кириш мақсадида очлик эълон қилдик. Биз президентимиз қабулига кирмагунимизча, очлик эълон қилганмиз. Шу очликни давом эттириш мақсадидамиз, - деганди аввалроқ Озодликка сўзлаган журналист Малоҳат Эшонқулова.
Ўзбекистон Миллий телерадиокомпаниясининг "Ёшлар" телеканалида ишлаган журналистлар Саодат Омонова ва Малоҳат Эшонқулова телевидениедаги қонунбузарликлар, маҳаллийчилик ва цензурага чек қўйилишини талаб қилиб, ўтган йилнинг 6 декабрида Тошкентнинг марказий майдонида пикет ўтказган эдилар. Шундан сўнг - 2010 йилнинг 9 декабр куни бу икки журналист ишдан ҳайдалган эди.
Date: Chorshanba, 11/06/29, 6:48:52 AM | Message # 54
Peshqadam
Group: Ishonchli
Messages: 7146
Status:
"Диндор ва сиёсий маҳбусларни озод қилинг"
Сирдарёлик Бобур Ўзбекистон президентига ана шундай мурожаат билан чиқди. "Маҳбусларни озод қилиб, Жаслиқни ёпинг"
Сирдарё вилоятининг Гулистон шаҳридан қўнғироқ қилган Бобур мустақилликнинг 20 йиллиги муносабати билан президент Ислом Каримовга мурожаат қилиб, сиёсий ва диний айбловлар билан мамлакат қамоқхоналарида сақланаётган маҳбусларни озод қилишга чақирди.
- Ҳурматли президент, биз мустақилликнинг 20 йиллигини нишонлаш арафасида турибмиз. Шу муносабат билан сизга мурожаат қилмоқчиман. Ҳаммамиз яхши биламизки, бугун Ўзбекистон қамоқхоналарида ўнлаб, балки юзлаб сиëсий маҳбуслар, диний эътиқод билан қамалган ўн минглаб ўзбекистонлик инсонлар ўтиришибди. Буларнинг ичида Мурод Жўраев, Самандар Қўқонов, Дилмурод Саййид, Солижон Абдураҳмонов, Хайрулла Ҳамидов ва бошқалар. Мен сиздан илтимос қиламанки, мана шу 20 йиллик арафасида мана шу инсонларни қамоқдан чиқарсангиз. Бу байрамга жуда катта туҳфа бўлган бўлар эди. Сабаби - бу инсонларнинг бирортасининг на айби бор, на гуноҳи бор. Улар фақат сизнинг сиëсий бошқарув тизимингизга, сиëсий системангизга қарши чиққанликлари учун 10-15 йиллаб қамоқда ўтирган инсонлар бор. Шунинг учун айбсиз ўтирган бу одамларни озод қилсангиз, халқаро майдонда, халқаро дунëда сизнинг имижингиз ошган бўларди. Бундан ташқари, Жаслиқ қамоқхонасини 2002 йилда БМТнинг Қийноқлар бўйича комиссари Тео ван Бовен ëпишни маслаҳат берган эди. Бу қамоқхонани Ўзбекистонда ушлаб туриш сизнинг авторитетингизга халқаро майдонда жуда катта салбий кўрсаткич бераяпти. Агар мана шу айтилган ишларни қилсангиз, ўйлайманки, келажакда авторитетингиз ошишига олиб келади. Саломат бўлинг, - дейди гулистонлик Бобур.
Ўзбекистонга оқиб кирадиган трансчегаравий дарёларнинг Фарғона ва Андижон вилоятидаги чегараолди ҳудудларидан жасадлар топилиши ҳоллари тобора кўпаймоқда.
Бу ҳақда Регнум агентлигининг мамлакатдаги ҳуқуқ-тартибот идоралари ходимларига таяниб хабар қилишича, Тожикистон ҳамда Қирғизистондан оқиб келаётган дарёлардан топилган аксар жасадларда қийноқ излари аниқланган.
Агентликка маълум бўлишича, сўнгги тўрт ой ичида 11 та ҳолат аниқланган ва булардан 6 таси июн ойи ичида қайд этилган.
"Тожикистон билан чегарадаги Фарғона каналидан уч нафар зўрлаб ўлдирилган ёш аёл, иккита ёш бола ва эркак кишининг жасади топилди", дея агентлик ўз манбаси сўзларидан иқтибос келтирган.
Бундан ташқари, Ўзбекистоннинг Қирғизистон билан чегарасидаги Шахрихонсой, Тентаксой, Исфарайм, Аравонсой ҳамда Оқбура дарёларидан ҳам икки эркак, икки ёш аёл ва боланинг жасади топилгани айтилмоқда.
Олти кундан буён Тошкентда икки журналистнинг очлик акцияси давом этмоқда.Маҳаллий ҳуқуқ фаоллари уларнинг ҳолидан хабар олмоқда Тошкентдаги уйида очлик акциясини олти кундан буён давом эттираётган икки тележурналист - Малоҳат Эшонқулова ва Саодат Омонованинг аҳволи кун сайин ёмонлашмоқда. Бу ҳақда Малоҳат Эшонқулова Озодликка билдирди:
-Тан олиш керак, бизнинг аҳволимиз олдинги кунлардек эмас.Кеча биринчи марта жигарим оғриқ берди. Чунки илгари сариқ касаллигини бошимдан кечирганман. Саломатлигимиз хавф остида эканлигини биламиз. Лекин шундай бўлса ҳам охиригача чидаб беришга иродамиз етади деб ўйлайман, - дейди Малоҳат Эшонқулова.
Суҳбат давомида очлик акциясини давом эттираётган журналист ҳар куни уларнинг аҳволидан ҳуқуқ фаоллари хабар олаётганини айтади:
- Ҳар куни эрталаб ҳуқуқ фаоли Суръат Икромов қўнғироқ қилиб, бизнинг соғлигимизни, хавфсизлигимизни сўрайди. Инсон ҳуқуқлари "Эзгулик" жамиятининг раиси Васила Иноятова ва Абдураҳмон Ташанов келишди. Васила Иноятова бетоб бўлиши, юриши қийин бўлишига қарамасдан, Абдураҳмон аканинг кўмаги билан ҳол сўрашга келганига мен тан бердим. Улар интернет борасида бепул хизматни таклиф этиб кетишди, - дейди журналист.
Президент Ислом Каримов билан учрашиш учун очлик эълон қилган журналистлардан яна бири Саодат Омонова ошқозонидаги оғриқдан шикоят қилиб, букилиб юраётганини гапирди.
Олти кундан буён очлик давом эттираётган журналистларнинг ҳолидан ҳуқуқ фаоллари билан бир қаторда Ўзбекистондаги мустақил журналистлар ҳам хабар олмоқда.
Ўзбекистон расмийлари эса шу кунга қадар очлик акцияси борасида ҳеч қандай муносабат билдирмади.
Эслатиб ўтамиз, икки журналист 27 июн куни Ўзбекистон президенти девони олдида очлик акциясини ўтказа бошлагач, милиция ходимлари томонидан олиб кетилиб, уч миллион сўм жаримага тортилган эди. Малоҳат Эшонқулова ва Саодат Омонова ўзларига президент Ислом Каримов билан учрашиш имкони берилмагунича ўз акцияларини тўхтатмасликларини айтмоқда.
Date: Yakshanba, 11/07/03, 7:42:27 AM | Message # 57
Peshqadam
Group: Ishonchli
Messages: 7146
Status:
Журналистлар очлик эълон қилганига бир ҳафта тўлди Саодат Омонова ва Малоҳат Эшонқулова мадорсизланганига қарамай, очликни бас қилмоқчи эмас. Бир ҳафтадан буён очлик акциясини давом эттираётган тележурналистлар Малоҳат Эшонқулова ва Саодат Омонова 3 июлга келиб анча ҳолсизланди.
- Маза йўқ. Ҳар сафар ҳуқуқ ҳимоячилари келганида ўтириб суҳбатлашар эдик. Бугун ўрнимиздан туришга ҳам имкони бўлмади. Мусулмончиликка тўғри келмаса ҳам нима қиламиз энди? Тез тиббий ёрдамни чақиришга қўрққанимиз учун ҳам эрталаб Суръат Икромов рафиқалари билан сув ва дори олиб келдилар, - дейди журналист Малоҳат Эшонқулова.
Эслатиб ўтамиз, ўзбекистонлик тележурналистлар Малоҳат Эшонқулова ва Саодат Омонова 27 июн куни Ўзбекистон президенти девони олдида очлик акциясини ўтказа бошлагач, милиция ходимлари томонидан олиб кетилиб, уч миллион сўм жаримага тортилган эди. Шундан сўнг очлик акциясини ўз уйларида давом эттиришга қарор қилган журналистлар президент Ислом Каримов билан учрашиш имкони берилмагунича ўз акцияларини тўхтатмасликларини айтмоқдалар. Аммо уларнинг кундан-кунга ҳолдан кетаётгани фуқаролик жамияти фаоллари ташвишига сабаб бўлмоқда.
Ўзбекистон мустақил ҳуқуқ ҳимоячилари ташаббус гуруҳи раҳбари Суръат Икромов очлик эълон қилган тележурналистлар ҳолидан мунтазам равишда хабар олиб турган ҳуқуқ фаолларидан бири.
- Кечагига қараганда анча чарчаган кўринишади, - дейди 3 июл куни журналистларни уйига бориб кўрган ҳуқуқ фаоли Суръат Икромов.
Айни пайтда Ўзбекистон расмийлари, хусусан, президент Ислом Каримов девони, шунингдек, очлик эълон қилган журналистларнинг собиқ иш берувчиси - Ўзбекистон миллий телерадиокомпанияси раҳбарлари мазкур акция борасида ҳали-ҳануз ўз муносабатини билдиргани йўқ.
Аснода 27 июн куни президент девони олдидаги акцияси учун жаримага тортилган Малоҳат Эшонқулова ва Саодат Омоновани, ҳуқуқшунослар фикрича, очлик эълон қилганлари учун жазога тортиш мумкин эмас. Ўзбекистонлик таниқли адвокат Руҳиддин Комиловнинг айтишича, миллий қонунчиликда очлик эълон қилганни жазолашни кўзда тутувчи меъёрнинг ўзи йўқ.
- Бу ҳолатлар бўйича қонун ҳужжатлари мавжуд эмас, бўлиши мумкин ҳам эмас. Бу норозилик билдиришнинг ўзига хос шакли. Қонунбузарлик бўлиши учун шу тўғрисида қонун бўлиши керак. Бу тўғрисида қонуннинг ўзи йўқ. Ўтириб норозилигини билдириш, туриб норозилигини билдириш, очлик эълон қилиш - бу инсоннинг ўзининг ихтиёри билан боғлиқ муносабатлар, - дейди ҳуқуқшунос Руҳиддин Комилов.
Ўзбекистонлик журналист Абдумалик Бобоев икки тележурналистнинг очлик акциясини сўнгги чора, дея баҳолайди. Айни пайтда Бобоев ҳамкасбларининг очлик акцияси қандай натижа бериши мумкинлигини олдиндан тахмин қилиш қийинлигини айтади.
- Албатта бу ҳақда аниқ бир нарса дейиш қийин. Ҳар ҳолда, журналистлар матбуотда ёритаяпти. Ҳукумат томонидан бирор-бир реакция бўлиши керак, - дейди некбинлик билан Абдумалик Бобоев.
Date: Dushanba, 11/07/04, 0:25:17 AM | Message # 58
Peshqadam
Group: Ishonchli
Messages: 7146
Status:
Ўзбекистон Уругвайга 0-2 ҳисобида ютқазди
04.07.2011
Футбол бўйича Ўзбекистон ўсмирлар терма жамоаси Уругвай термасига 0-2 ҳисобида бой берди.
Мексикада ўтаётган 17 ёшгача бўлган ўсмирлар ўртасидаги жаҳон чемпионатининг чорак финали якшанба куни Монтеррей шаҳрида бўлиб ўтди.
Ўзбек ва уругвайлик футболчилар учрашув бошида бир хил ўйин кўрсатди. Лекин 1-таймнинг 30-дақиқасида Уругвай ҳужумчиси Сантьяго Шармиони Ғанишер Холмуродов дарвозасини забт этди. Ўйиннинг биринчи ярми 1-0 ҳисобида якунланди.
Ўзбеклар 2-таймни шиддат билан бошлади ва Уругвай жарима майдончасига бир неча марта тўп билан бостириб кирди. Шунга қарамай 2-таймнинг ярмига бориб, Родриго Агуерре Ўзбекистон дарвозасига иккинчи голни урди.
76 дақиқада ўзбеклар ҳимоячиси Муҳсинжон Убайдуллаев ўз жарима майдончасида уругвайлик Гильермо Мендезни оёғидан чалиб юборди ва рефери пенальти берди. Ўзбек дарвозабони Холмуродов 11 метрдан тепилган тўпни қайтарди.
Лекин Ўзбекистон терма жамоаси ўйиннинг охиригача ҳисобни оча олмади.
Энди Уругвай термаси 7 июл куни Гуадалаҳарада ярим финалда Япония ёки Бразилия билан майдонга тушади.
Date: Dushanba, 11/07/04, 10:54:42 AM | Message # 59
Peshqadam
Group: Ishonchli
Messages: 7146
Status:
Гулнора учун куйлаган Стинг Назарбоевга қўшиқ айтмайди 04.07.2011 Британиялик поп машшоқ Стинг президент Назарбоев таввалудига аталган концертда иштирок этишдан воз кечди.
Расман Остона шаҳар кунига бағишланган бу концертда британиялик поп-мусиқачи Стингнинг иштирок қилиши тантана дастурига киритилган эди.
3 июл куни Стинг концерт ташкилотчиларига “техник сабабларга кўра” Остонага бора олмаслигини билдирди.
Айни пайтда Стинг расмий нашрида Қозоғистондаги репрессиялар боис концерт қолдирилгани ҳақида маълумот берилди.
Нашрга кўра¸ Халқаро Амнистия Стингга “Оқтовдаги нефтчилар иш ташлагани ва Назарбоев ҳукумати норозилар ва касаба уюшма фаолларини қисувга олгани" ҳақида билдирган.
Мазкур қарорини ўз нашрида изоҳлаган Стинг " Қозоқ нефтчилари ва уларнинг оиласи бизнинг қўлловимиз ва оммавий ахборот воситалари эътиборига муҳтождир. Бу эътиборимиз ижобий ўзгаришларга бўлган умидимиз инъикосидир¸” деб ëзди.
30 йилдан бери Халқаро Амнистия фаоли сифатида "Бразилияда ўрмонлар кесилмасин!" деб пикетларга чиққан Стингнинг ҳассос шуури 2009 йил ноябр ойида Ўзбекистон президентининг тўнғич қизи Гулнора Каримова дилхушлиги учун куйлашга халақит бермаган эди” дейди Попов.
The Guardian нашрининг ëзишича¸ Ўзбекистон президентининг қизи Стингни Тошкентга олиб келиш учун 2 миллион фунт стерлинг атрофида пул тўлаган.
Мусиқа тадқиқотчиси Герман Попов назарида “башангларнинг бундай кўнгилхушлиги” ўзбеклар учун қимматга тушмоқда.
- Бу даҳшат. Бу ўз халқини писанд қилмаган мешчанларнинг ҳокимиятга эришгандан кейин қилаëтган кўнгилхушлигини фақат шу калима билан изоҳлаш мумкин. Улар бир қарасангиз миллий мусиқа ривожи¸ маънавият ҳақида гапиришади. Амалда эса Стингга ўхшаган Ғарб отарчиларининг икки соатлик хонишига бир дунë пул тўлашади. Бу пуллар халқ мусиқаси ривожи учун сарф бўлиши мумкин эди. Мен Марказий Осиëга кўп саëҳат қилганман. Овлоқ ҳудудларда талантли мусиқачиларнинг ночор турмушига гувоҳ бўлганман. Хароб бўлган мусиқа мактаблари¸ бинолари бузилаëтган консерватория фонида Каримова хонимнинг Стинглар учун ҳотамтойлиги мен учун даҳшат каби туюлади¸ дейди Озодлик билан суҳбатда мусиқашунос Попов.
Мусиқа тадқиқотчиси Герман Попов айтган мазмундаги танқидлар Ғарб матбуотида пайдо бўлганидан кейин Стинг расмий Тошкентдан масофалашди.
Стингнинг Тошкентда, Гулнора Каримова ҳузурида қўшиқ айтгани ҳақидаги хабарлар Британия матбуотида пайдо бўлгач, у баёнот бериб, Ислом Каримов ва унинг диктатураси хақида, унинг биқиқ мустабидона тафаккури ҳақида ëзди. [img] http://s51.radikal.ru/i131/1107/90/c430ea214dc3.jpg[/img] "Ўзбекистон президентининг инсон ҳуқуқлари ва атроф-муҳит борасидаги даҳшатли репутациясидан жуда яхши хабардорман. Шунга қарамай¸ Ўзбекистонга бориб концерт беришга қарор қилдим.
Ўз тажрибам натижасида маданий бойкотларнинг нафақат маънисиз ҳаракат экани¸ балки тескари натижа беришига амин бўлдим. Зотан бундай шароитда жиноятчига чиқарилган режимлар очиқ ғоялар дунëсидан янада узоқлашади ва натижада янада ëпиқлашади¸ васвачаси ва ваҳимачи бўлиб қолади.
Очиғини айтсам¸ ўзининг ўрта асрлардаги каби мустабидлик дунëқараши ичида мутлақ қамалиб олган Ўзбекистон президентининг мен каби артистларнинг ўз мамлакатига бориб концерт бериш-бермаслиги билан бир пуллик ҳам иши йўқ ”¸ дейилади Британия жамоатчилиги босими остида Стинг эълон қилган баëнотда жумладан.
Бразилия ўрмонларини сақлаб қолиш учун курашган жаҳон юлдузи, 2009 йилнинг 17 октябрида ўзбек президенти Ислом Каримовнинг тўнғич қизи Гулнора Каримова ташкил этган Тошкентдаги "Style.uz” модалар ҳафталигида концертда иштироки учун "иккиюзламачи” номини олди.
"Стинг ўз душманларини сувда пиширган диктаторнинг қизи учун куйлади” сарлавҳали мақолани чоп этган "Daily Mail” газетаси инсон ҳуқуқлари ҳимояси билан танилган британиялик қўшиқчининг Тошкентдаги базмда куйлаш орқали ўз обрўсига жиддий путур етказганини ëзди.
"Daily Mail”га интервью берган Буюк Британиянинг Ўзбекистондаги собиқ элчиси Крейг Мюррей Стингни "иккиюзламачи” дея атади.
"Ўзбекистонда режим ҳукмронлигини билмаслиги учун Стинг ўта нодон бўлиши лозим эди. Унинг ҳуқуқ ва экология ҳимоясидаги фаолияти, гўё бир тутун каби тарқаб кетди”, деди Мюррей.
"Собиқ коммунист Ислом Каримов, ёзади газета, ҳукумат тепасига 1989 йили келди, ўшандан бери, унинг ҳукмронлигини савол остига қўйган 6000 одамни турмаларга ташлади.
2005 йили ўзбек армияси коррупция ва қашшоқликка қарши кўтарилган Андижондаги намойишчиларни қатл этди. Бу мамлакатда минглаб болалар, пахта плантацияларида қул ўрнида ишлатилади."
Date: Dushanba, 11/07/04, 11:36:21 AM | Message # 60
Peshqadam
Group: Ishonchli
Messages: 7146
Status:
Журналистлар президентга мурожаат қиldi
Очлик акциясини давом эттираётган журналистлар тақдиридан ташвишланган ҳамкасблари президент номига очиқ хат йўллади. Ўзбекистон президенти Ислом Каримов номига саккиз нафар журналист томонидан йўлланган очиқ хатда Конституция кафолати бўлган президентнинг икки журналист ҳаёти ва соғлиги учун жавобгар эканлиги айтилади.
“Биз уларнинг чақириқларига қулоқ тутишингизни, ўз давлати ва жамияти учун касбий фаолиятини давом эттириш ҳуқуқини беришингизга чақирамиз”, дейилади очиқ хатда.
Мазкур мактуб остига Галима Бухарбаева, Умида Ниёзова, Шоҳида Ёқуб, Феруза Ҳошимхонова, Сид Янишев, Олга Фозилова, Виктор Кримзалов ва Абдураҳмон Ташановларнинг имзо чеккани айтилади.
Тошкентлик ҳуқуқ фаоли ва журналист Абдураҳмон Ташанов ушбу мурожаатнома президентга етиб боради, деган умидда.
- Агар ҳукумат очлик акцияси билан боғлиқ бирор чора кўрадиган бўлса, “президент эшитмаган эди, президент энди эшитди, энди чора бўлади” деган гап бўлади. Лекин аслида президент эшитаётган бўлиши ҳам мумкин. Ҳозирда “подшонинг икки юзи” дегандек вазият, - дейди тошкентлик ҳуқуқ фаоли ва журналист Абдураҳмон Ташанов.
Унга кўра, Ўзбекистонда журналистларнинг норозилик намойишлари илгари ҳам бўлган, бироқ журналистлар орасида очлик эълон қилиш илк бор кузатилаётган ҳолатдир.
- Шунинг учун ҳам маҳаллий журналистлар орасида кайфият ҳар хил. Кимдир ножиддий қабул қилиб, майнавозчилик қилади. Иккинчилари ачиниш билан қарайди, учинчилари норозиликни қўллаб-қувватлайди. Ёнига бориб, қўллаб қувватламаса-да, маънан, руҳан қўллаб-қувватлайди, - дейди ҳуқуқ фаоли ва журналист Абдураҳмон Ташанов.
Ташанов айтиб ўтган журналистлардан бири очликни давом этаётган Саодат Омонова ва Малоҳат Эшонқуловаларга 3 июл оқшомида қўнғироқ қилган экан.
- Кеча кечқурун кутилмаганда Ўзбекистон миллий телерадиокомпаниясининг “Ахборот” дастуридан ҳамкасбимиз қўнғироқ қилиб қолди. У кишининг хавфсизлиги нуқтаи назаридан исмини айтишим шарт эмас, деб ўйлайман. “Қизлар, биз сиз томондамиз. Ҳамиша сизлар томонингизда бўлганмиз. Биз эркаклар қилмаган ишни қилдингиз. (Эркак киши телефон қилди-да). Иродангизга қойилмиз. Шуни билингки, телевидениеда ҳамма руҳан сизлар билан. Лекин ҳамма ўзидан, бола-чақасидан хавотир олиб, эртага ишсиз қолишидан қўрқиб, ичидагисини ташқарига чиқара олмайди. Шуни билиб қўйишингизни истайман”, деб телефон қилди. Мана шу сўзлардан ҳам анча хурсанд бўлиб қолдик, - дейди журналист Малоҳат Эшонқулова.
Саккиз кундан буён очлик акциясини давом эттираётган Малоҳат Эшонқулова ўзи ва Саодат Омонованинг соғлиги ҳақида ҳам сўзлади:
- Кеча умуртқа поғонам оғриди. Уйдагиларга: “кўринглар-чи, нимага оғрияпти?” дедим. “Умуртқангизда оқиш бўлиб учта шиш бўртиб чиқибди” дейишганига, соғлигимдан хавотир олиб, яна тез ёрдам чақиришга мажбур бўлдим. Тез ёрдам шифокорлари келиб текширишди. “Елвизакда қолгансиз, қўрқманг, озроқ шамоллаш бор. Крем олиб суртсангиз, яхши бўлиб кетасиз” деб кетишди. Оғриқ эрталабгача давом этгани учун бугун хўжайиним ўзимиз таниган шифокорга олиб бориб келди. У ҳам кўриб, тез ёрдам шифокорининг гапини такрорлади. Саодат ҳам эрталабдан буён ҳолсиз бўлиб ётибди, - дейди саккиз кундан буён фақат сув истеъмол қилаётган журналист Малоҳат Эшонқулова.
Бугун Озодликка хат йўллаган Саодат Омонова 4 июлга келиб оғзида ацетон таъмини сеза бошлаганини ёзган.
Ўзбекистон миллий телерадикомпаниясининг собиқ мухбирлари Малоҳат Эшонқулова ва Саодат Омонова 27 июн куни Ўзбекистон президенти девони олдида очлик акциясини ўтказа бошлагач, милиция ходимлари томонидан олиб кетилиб, уч миллион сўм жаримага тортилган эди.
Шундан сўнг очлик акциясини ўз уйларида давом эттиришга қарор қилган журналистлар президент Ислом Каримов билан учрашиш имкони берилмагунича ўз акцияларини тўхтатмасликларини таъкидламоқдалар.
