Ko’zlarimdan oqsa marjon-marjon yosh,
Boshim egib qolsam berolmay bardosh,
O’zga qo’l ko’z yoshim artsa ko’narman,
Lekin o’shanda ham sizni sevarman
Egnimda tursada kelinlik libos,
Qadamim sho’x bossam baxtlilarga xos,
Do’stlar davrasida o’ynab kularman,
Lekin o’shanda ham sizni sevarman!...
Umrimni kezganda hamisha bahor,
Kamiga tortganda oila, ruzg’or
Birinchi farzandim o’pib suyarman,
Lekin o’shanda ham faqat sizni.. sizni sevarman...

Judolik diyori: ayri-ayri yo`l,
Men ko`ngil dayridan tonib ketyapman.
Netay sevgim xazon, xazon sevgim mo`l,
Men ishqning ko`yidan yonib ketyapman.
Ko`ngillar me`zoni: baxtdan yo`q nishon,
Qarog`lar jodudir, sof muhabbatmas.
Muhabat, muhabbat yo sukut, yo shon,
Qovushgan ruhlaru, hech nikohlanmas.
Sevgim shamollaridan o`ylarim ma`yus,
Sog`inchlar yoqalab ketyapman, daydib.
Yurak talpinadi, sen tomon hanuz,
Netay, kelolmayman, orqaga qaytib.
Netay?!...

Yuragimni olovga ko`mdi,
Ko`kka uchdim, sizga aytmayman.
Ruhim poklanmoqda oppoq ishq,
Men-ishqdaman, sizga qaytmayman!
Eslamang siz, meni uniting,
Xuddi mendek yashang telbavor.
Telbalikda (agar bilsangiz),
Ishqning ishqdan ulug`ligi bor.
Faqat sizga achinaman bot,
Sevgi nima hanuz bilmaysiz.
Ko`ngil sizu-ko`ngilday bo`lib,
Qalbingizni seva olmaysiz.
Men baxtliman, topganim ne ishq,
Olov ichra yashar yuragim.
Bu yurakning mavj-mavjlarida,
Nur bo`p chiqar, Xudo-keragim!

Bog'imga qaytganda sabolar,
Qaytadan yaraldi navolar.
Shabnamga to'yganda havolar
Muhabbat ortiga qaytmadi,
Qaerda qolganin aytmadi...
Kelganda g'uncha deb uzmadim
Yurakning qulfini buzmadim
Muhabbat ekanin sezmadim
Adashdim. Ketdi-yu, qaytmadi...
Sevgilim ekanin aytmadi...
Zor bo'lib kutganim yetmasdan
O'zgaga parvo ham etmasdan
Ortidan ergashib ketmasdan
Qolgandim. U esa qaytmadi...
"Yur birga ketdik" - deb aytmadi...
Ajib so'qmoqlarda qoqindi yurak
Muhabbat bog'ida yolg'onchi tilak
Bo'lganda men emas, u menga kerak
Muhabbat ortiga qaytmadi.
Qaytsa ham, manzilin aytmadi...
Azimga aylandi nozik bo'y nihol:
Bir umr xijronda to'lg'onib behol,
Bo'lganda dilpora yetishmay visol
Muhabbat ortiga qaytmadi...
Ortiga qaytmasin aytmadi

Dardli qo’shiq kuylarimni senga atay,
Sochlaringni o’zga yigit silar netay,
Maktubingni o’tga tashlab yoqib ketay,
Diydoringga to’yolmadim, yig’la singlim,
Bu dunyoda muhabbatdan to’lmas ko’nglim...

Muhabbatning bu azobi ko’nglim tig’lar,
Shabodalar yor sochini silab o’ynar,
Men go’zalga, Go’zal yerga qarab yig’lar,
Diydoringga to’yolmadim, yig’la singlim,
Bu dunyoda muhabbatdan to’lmas ko’nglim...

Uni o`zimga ham ko`rgim kelmas ep,
Uni bergim kelmas, hatto she`r, gulga.
Aql yalinadi, nuqta qo`ygin deb,
Qalb bo`lsa, o`rganib qolgan vergulga.
Bir harfdan uyg`onmas savodsiz dunyo,
Unga sog`inch sochgan unlar qiziqmas,
Vergulgacha kechgan umr - bu ma`no!
Nuqtadan keyingi kunlar qiziqmas.
Shu ojiz yog`ochga yetdimi kuchim?...
So`nib borar edi, xonamdagi sham,
Bilib turib nuqta qo`ygani uchun,
Sindirib tashladim, qalamimni ham.
So`ng shikoyat qilding, qaynoq alamdan,
Oq tutunga to`ldi, qalb umidlari,
O`tga uloqtirdim, yongan qalamdan
Kuygan yurakning keldi hidlari.
Hamon, aql yalinadi, nuqta qo`ygin deb,
Qalb bo`lsa, o`rganib qolgan vergulga.
Istasang, so`k uni va hohlasang tep,
U aylanib bo`lgan qizil she`r – gulga.

Suratlar qirqildi ikki bo`lakka,
Sen u taraf qolding, men bu yon qarab.
Oh, yolg`on ekan-ku, singmay yurakka-
Ishq u tomon qoldi, ishonch bu taraf!

Erkalash ohangi g`azabga do`ndi.
Shirin o`ylar esa tig`li xayolga.
Notavon peshoba yozmishga ko`ndi,
Kelajak aylandi mavhum savolga.

Men ketdim, sen qolding, oraliq-cheksiz,
Bu hudud eng tiyra tundan-da qaro.
Bir vaqtlar ko`ksimni to`ldirgan ul his
Bu kun bitmas armon, dog` ko`chmas aro!

Sabrni ummon deb atading,
Bardoshni tog`larga qiyoslab.
Kut, deding, ataylab kelmading,
Sog`insam ketarding olislab.

Tog`larni yengish-chun ummondan,
Goh cho`kib, goh suzib o`tdim-ku!
Umidim o'zmasdan osmondan,
Bearmon, kutdim-ku, kutdim-ku!

Baribir kelmading, kelmading,
Nimani istading, bilmadim.
Qo`lingni qo`limga qo`ymading,
-Kut, -deding, kutishdan tolmadim.

Ko`nikmoq azobi beomon,
Bu aziz boshimga tusharmu?
O`ylari tugamay dil hayron,
-Yuragim yarmini toparmu?!