|
Alloh taoloning muborak ismlari
|
|
| shaddot | Date: Chorshanba, 30-Dek-2009, 02:16 | Message # 61 |
|
Group: Ishonchli
Messages: 701
Status:  | AL-HOFID Men g’aribning holiga kular kimlar, yo, Hofid,
Ammo kiprik ostida nurlar imlar, yo, Hofid,
Qo’l siltayman dunyoga, sendan madad olaman,
Garchi atrof aylana tikan simlar, yo, Hofid! AR-ROFI Qulingga bir mansab ato qil, yo, Rofi,
Taxtinga irfonni mato qil, yo, Rofi,
Ehsonning yo’lida gado qil, yo, Rofi,
Iymondan toyganda ado qil, yo, Rofi! AL-MU’IZ Yo, Mu’iz! Bu ne’mat, bu sharaf daryosi O’zing,
Yo, Mu’iz! Ko’ngil gulshanining rizosi O’zing,
Yo, Mu’iz! Borliq uxlaganda ro’yosi O’zing,
Yo, Mu’iz! Olam uyg’onganda ziyosi O’zing!
|
| |
| |
| shaddot | Date: Chorshanba, 30-Dek-2009, 02:17 | Message # 62 |
|
Group: Ishonchli
Messages: 701
Status: | AL-MUZIL Yo, Muzil! Iymonni otganlar ko’payib ketdi.
Yo, Muzil! Zillatga botganlar ko’payib ketdi.
Yo, Muzil! Ishlamay yotganlar ko’payib ketdi.
Yo, Muzil! Ismingni sotganlar ko’payib ketdi. AS-SAMIY Yo, Samiy! Saslar dolg’asida yaraqlagan dur,
Yo, Samiy! Sukunat sathida kezguvchi huzur,
Yo, Samiy! Fikr osmonini qurshab olganlar,
Yo, Samiy! Qalbim urishini o’zing tinglab ko’r! AL-BASIR Yo, Basir! Savobu gunohim o’zingga ayon,
Yo, Basir! Yashirib yozsam-da sen uchun bayon,
Yo, Basir! Dunyolar mulkida g’olibsan-shoyon,
Yo, Basir! Sendan qocha-qocha ketarman qayon!
|
| |
| |
| shaddot | Date: Chorshanba, 30-Dek-2009, 02:18 | Message # 63 |
|
Group: Ishonchli
Messages: 701
Status: | AL-HAKAM Yo, Hakam! Haqiqat izladim dorul fanoda,
Yo, Hakam! Ko’zlarim bog’lanib guli ra’noda,
Yo, Hakam! Bilmadim adolat asli ma’noda,
Yo, Hakam! Sening amringdaman, boqiy samoda! AL-ODIL Yo, Odil! Qayga borsam ko’rdim yuraklar yaro,
Yo, Odil! Yona-yona qirmizi qonim qaro,
Yo, Odil! O’zing shavqat farmonini o’qigil,
Yo, Odil! Bosh tutaylik odilsizliklar aro! AL-LATIF Umri daroz, rizqu farog’ ber, yo, Latif,
Zulmat aro yo’lda charog’ ber, yo, Latif,
Nasibamni mayda-mayda tergali,
O’zing qadoq qo’lga yaroq ber, yo, Latif!
|
| |
| |
| shaddot | Date: Chorshanba, 30-Dek-2009, 02:19 | Message # 64 |
|
Group: Ishonchli
Messages: 701
Status: | AL-XABAR Gunoh qildik kunduzlari, qaro parda- devor qilding, yo, Xabar,
Gunoh qildik biz tunlari, Xurshid ila oshkor qilding, yo, Xabar,
Qahring Sening rahming ekan, rahming ogoh etguvchi sas,
Bilmaganni oxiratda tilim-tilim, abgor qilding, yo, Xabar! AL-HALIM Yo, Halim, ko’nglima shavqatni sol,
Yo, Halim, yo’lima hurqatni sol,
Guhoh etsam marhamating ayama,
Yo, Halim, umrima shavkatni sol! AL-AZIM Ummon zarra, Sen azimsan, yo, Azim,
Osmon zarra, Sen azimsan, yo, Azim,
Men milt etgan uchqundirman, yo, Azim,
Jahon zarra, Sen azimsan, yo, Azim!
|
| |
| |
| shaddot | Date: Chorshanba, 30-Dek-2009, 02:20 | Message # 65 |
|
Group: Ishonchli
Messages: 701
Status: | AL-G’AFUR Bu dunyoning har kuni nur-yoz emas, yo, G’afur,
Adolatsiz shotilari xo’p soz emas, yo, G’afur,
Sinovingda bilib-bilmay yiqildim,
Maxfirat qil, gunohlarim ko’p, oz emas, yo, G’afur! ASH-SHOKIR Shukr Senga, bandaga qul bo’lmadim, yo, Shokir,
Shukr Senga, nihol ekan so’lmadim, yo, Shokir,
Ne’matingni har lahzada his etdim, yo, Shokir,
Shukr Senga, o’lib turib, o’lmadim, yo, Shokir! AL-OLI Arking arkida yo’qdirki adad, yo, Oli,
Qo’lni ochsak o’zing madad, yo, Oli,
Qiyos izlab qiyosingni topmadim,
Oliy Sensan, oliy abad, yo, Oli!
|
| |
| |
| shaddot | Date: Chorshanba, 30-Dek-2009, 02:22 | Message # 66 |
|
Group: Ishonchli
Messages: 701
Status: | AL-KABIR Yo, Kabir, azmingda ilmu murvat bo’lolsaydim,
Yo, Kabir, nazmingda she’ru-shuhrat bo’lolsaydim,
Yo’q, ojizman, munavvarlik Senga xos,
Yo, Kabir, nasdingda quli ibrat bo’lolsaydim! AL-HAFIZ Otam-onam qabrin nurla obod qil, yo, Hafiz,
Ruhlarini jannatingda dilshod qil, yo, Hafiz,
Osiy dunyo o’tganlarni unutar, yo, Hafiz,
Boqiy elda ular nomin Sen yod qil, yo, Hafiz! AL- MUKIT Oriyatni baland tuttim, xorlandim, yo, Mukit,
Xosiyatni baland tuttim, zorlandim, yo, Mukit,
Hiyla-nayrang tuzog’ini sevmadim, yo, Mukit,
Oqibatda jannatingga chorlandim, yo, Mukit!
|
| |
| |
| shaddot | Date: Chorshanba, 30-Dek-2009, 02:24 | Message # 67 |
|
Group: Ishonchli
Messages: 701
Status: | AL- HOSIB Suv balosi, olov balosidan qo’rqdim, yo, Hosib,
Chuv balosi, aldov balosidan qo’rqdim, yo, Hosib,
Habiyalloh-ul-Hosib, o’zing asra,
Quv balosi, hiyla balosidan yo, Hosib! AL-JALIL Maskanimga shamol keldi, yo, Jalil,
Mashrabimga kamol keldi, yo, Jalil,
Sening noming zikr etsam, qay mahal,
Mansabimga jamol keldi, yo, Jalil! AL-KARIM Tunlar tongga ulanar, “ Yo, Karim!” desang,
Mazlum shuur hurlanar, “ Yo, Karim!” desang,
Yo’ling yetib Dorulbaqoga,
Ruhing qayta nurlanar, “ Yo, Karim!” desang!
|
| |
| |
| shaddot | Date: Chorshanba, 30-Dek-2009, 02:25 | Message # 68 |
|
Group: Ishonchli
Messages: 701
Status: | AR- ROQIB Olam aro be raqibsan, yo, Roqib,
Biz ta’zimda, be ta’qibsan, yo, Roqib,
Gunohimiz haddan oshib ketgan kun,
Azob uchun o’t yoqibsan, yo, Roqib! AL-MO’JIP Sabr bizdan, qadr Sendan, yo, Mo’jip,
Sadr bizdan, adr Sendan, yo, Mo’jip,
Xiyonatga quling muhtoj qolganda,
Qabr bizdan, jabr Sendan, yo, Mo’jip! AL-VOSI Men ishonsam, ishonganim sotdi, yo, Vosi,
Dostim poylab yuragimdan otdi, yo, Vosi,
Faqat Senga inondim so’ng, yo, Vosi,
Qalbim hayot ta’min totdi, yo, Vosi!
|
| |
| |
| shaddot | Date: Chorshanba, 30-Dek-2009, 02:25 | Message # 69 |
|
Group: Ishonchli
Messages: 701
Status: | AL-HAKIM Hikmat izlab umr kechdi, yo, Hakim,
Xotiradan izlar o’chdi , yo, Hakim,
Va bilmadim, himkat Senda, yo, Hakim,
Ko’zbog’imni ajal yechdi, yo, Hakim! AL-VADUD Qalam qolib, qilich tushdi qo’lima, yo, Vadud,
Dushnam emas, do’stlar chiqdi yo’lima, yo, Vadud,
Iymon suvi kelgach ko’ngil cho’lima, yo, Vadud,
Hayot nadir, boshni urdim o’lima, yo, Vadud! AL-MAJID Yo, Majid, Sen azamatlar azamati,
Yo, Majid, Sen karomatlar karomati,
Magar Sening ulug’liging ko’rolmasam,
Yo, Majid, Men malomatlar malomati.
|
| |
| |
| shaddot | Date: Chorshanba, 30-Dek-2009, 02:27 | Message # 70 |
|
Group: Ishonchli
Messages: 701
Status: | AL-BOIS Ne-ne zo'rlar, zo'ravonlarni ko'rdim, yo, Bois,
Ne-ne cho'llar, yo'l-ravonlarni ko'rdim, yo, Bois,
Kuchsizu zarradirlar puli sirotning oldida,
Sendan qo'rqqan qalb-shodonlarni ko'rdim, yo, Bois! ASH- SHOHID Bo'htondan chiqmadi boshim, yo, Shohid,
Anduhdan so'nmoqda Quyoshim, yo, Shohid,
Farzandlar dog'ida yondirma, faqat,
Arshinga yetganda yoshim, yo Shohid! YO, HAQ Haq yolida nohaq bo'lganlar qancha, yo, Haq,
Haq yo'lida barhaq bo'lganlar qancha, yo, Haq,
O'zlarini Quyosh deb oqibatda bir kuni, yo, Haq,
Qonga botib shafaq bo'lganlar qancha, yo, Haq!
|
| |
| |
| shaddot | Date: Chorshanba, 30-Dek-2009, 02:30 | Message # 71 |
|
Group: Ishonchli
Messages: 701
Status: | AL-VAKIL Og'och bo'ldim, dor bo'lmadim, yo, Vakil,
Sudraldim goh, mor bo'lmadim, yo, Vakil,
Tavakkalni Senga qildim, yo, Vakil,
G'arib edim, xor bo'lmadim, yo Vakil! AL-QOVIY Ko'kka boqdim tilsim ko'rdim, yo, Qoviy,
O'zni omiy qil sim ko'rdim, yo Qoviy,
Ta'limoting chashma yamglig' simirgach,
Sir kalitin gulsum ko'rdim, yo, Qoviy!
AL-METIN Sen metinsan, men turg'unman, yo, Metin,
Sen inoyat, men tuyg'unman, yo, Metin,
Tuynigingdan kirib bordim qasringga,
Sen lutfsan, men uyg'unman, yo, Metin!
|
| |
| |
| shaddot | Date: Chorshanba, 30-Dek-2009, 02:31 | Message # 72 |
|
Group: Ishonchli
Messages: 701
Status: | AL-VALIY Odamlar orasidan do'st izlabman befoyda, yo, Valiy,
Umidlarim suv bo'lib oqib ketdilar soyda, yo Valiy,
Haqiqiy do'st Sen kirding huvillagan qalbimda, yo, Valiy,
Orzularim chinma-chin yuksaldilar bir joyda, yo Valiy!
AL-HAMID Al-hamidullohu Rabbil a'lamin, yo, Hamid,
Sen pokiza, Sen hafizau a'lamin, yo, Hamid,
Senga sano aytmoq qarzu muborak, yo, Hamid,
Hamd yozmasa sinsin qo'lda qalamim, yo, Hamid! AL-MUHSIY Tongda turdim, bosh ustida Sen eding, yo, Muhsiy,
Xayol surdim, bosh ustida Sen eding, yo, Muhsiy,
Xox tun edi, xih kun edi- dunyo kezdim-
Qayda yurdim, bosh ustida Sen eding, yo, Muhsiy!
|
| |
| |
| shaddot | Date: Chorshanba, 30-Dek-2009, 02:33 | Message # 73 |
|
Group: Ishonchli
Messages: 701
Status: | AL-MUBDIY Bilmam loymidim, paxsazanning oyog'ida, yo, Mubdiy,
Bilmam oymidim, cho'ponlarning tayog'ida, yo, Mubdiy,
Odam bo'ldim Sening karomatingdan, yo, Mubdiy,
Bilmam ne xat bor peshonamning naryog'ida, yo, Mubdiy! AL-MO'BID Asl so'roq huzuringda turishdir, yo, Mo'bid,
Asl yurish ko'prigingda yurishdir, yo, Mo'bid,
Jannatingdan benasib qolganlarga, yo, Mo'bid,
Asl azob do'zaxingda kuyishdir, yo, Mo'bid! AL-MUHYI Ayro tushdim sokin qishloq- onamdan, yo, Muhyi,
Ayro tushdin jo'shqin shahar-otamdan, yo, Muhyi,
Azoblarim zardob bo'lib oqdilar, yo, Muhyi,
Ayro tushdim foniy dunyo-olamdan, yo, Muhyi!
|
| |
| |
| shaddot | Date: Chorshanba, 30-Dek-2009, 02:34 | Message # 74 |
|
Group: Ishonchli
Messages: 701
Status: | AL-MO'MIYT O'lim nadir, o'lim Sening qarzingdir, yo, Mo'miyt,
Hayot nadir, hayot Sening darsingdir, yo, Mo'miyt,
Farishtalar xizmatida muntazir, yo Mo'miyt,
Odam nadir, odam Sening farzingdir, yo, Mo'miyt! AL-HAYY Bilmadim bu dunyoda netkinchimiz, yo, Hayy,
Dunyo o'rmon, balki biz o'tinchimiz, yo, Hayy,
Abadiyat mulkining sohibisan, yo, Hayy,
Sen yashaysan, biz esa o'tkinchimiz, yo, Hayy! AL-QAYYUM Sadaf tishni terganingday dunyo tizding, yo, Qayyum,
Savob gunoh orasida bizni tuzding, yo, Qayyum,
Istaganda bor ayalding, yor aylading, yo, Qayyum,
Istaganda barchasini qayta buzding, yo, Qayyum!
|
| |
| |
| shaddot | Date: Chorshanba, 30-Dek-2009, 02:37 | Message # 75 |
|
Group: Ishonchli
Messages: 701
Status: | AL-VOJID Qocha-qocha qayga qochib boraman, yo, Vojid,
Odil yo'lda urug' sochib boraman, yo, Vojid,
Yuragimga cho'g' olovni soldimg Sen, yo, Vojid,
Yona-yona eshik ochib boraman, yo, Vojid! AL-MOJID Boyliklardan uzoqda boy edim, yo, Mojid,
Yo'limga raqib chiqsa yoy edim, yo, Mojid,
Davlatim bo'lmasada sharafimni saqlading,
Daryo loyqa, men-tiniq soy edim, yo, Mojid! AL-VOHID Biz na olovu na tutun, yo, Vohid,
Sen vohidsan-bir butun, yo, Vohid,
Birlashtirgin qullaringni yo, Vohid,
Biz tarqoqmiz, zor-yupun, yo, Vohid!
|
| |
| |
| shaddot | Date: Chorshanba, 30-Dek-2009, 02:40 | Message # 76 |
|
Group: Ishonchli
Messages: 701
Status: | AS-SAMAD Sen muhtoj emassan. men muhtojman, yo, Samad,
Men gultoj emasman, sen gultojsan, yo, Samad,
Sen menga gultoju men Senga muhtoju
Bu dardim gar shoh esa, man xirojman, yo, Samad! AL-QODIR Yuragimda hasratim bor, sodiri Sen, yo Qodir,
Shuurimda nusratim bor, nodiri Sen, yo, Qodir,
Millatimga o'g'il bo'lib, xizmat aylamoq uchun,
Bu dunyoda fursatim bor, qodiri Sen, yo, Qodir! AL-MUQTADIR Taxtu Sulaymonni netay, taxting oldida, yo, Muqtadir,
Bosh olib qayga ketay, shahding oldida, yo, Muqtadir,
Yeru ko'kda qudrat Sensan, O'zing qo'lla, yo, Muqtadir,
Men murodimga yetay, ahding oldida, yo, Muqtadir!
|
| |
| |
| shaddot | Date: Chorshanba, 30-Dek-2009, 02:43 | Message # 77 |
|
Group: Ishonchli
Messages: 701
Status: | AL-OXIR Qaydan kelib yana keturmiz qayon, yo, Oxir,
Soati yetganda qilasan ayon, yo, Oxir,
Boqiylik yarashar zotingga tanho,
Avvalu Oxirdan O'zingsan shayon, yo, Oxir! AZ-ZOHIR Yetti mulkim o'z o'rnida, Sen mohirsan, yo, Zohir,
Tafakkurim daryosida, Sen hozirsan, yo, Zohir,
Muhabbat ne, bilmoq istagan banda, yo, Zohir,
Seni sevsin, ko'ngul Zuhra, Sen Tohirsan, yo, Zohir! AL-BOTIN Aql chashma, Sen tubida ko'zisan, yo, Botin,
Dilim bulbul Sen tilida so'zisan, yo, Botin,
Ruhim Sensiz yashay olmas bir lahza, yo, Botin,
Ruhim iymon, Sen ilmida O'zisan, yo, Botin!
|
| |
| |
| shaddot | Date: Chorshanba, 30-Dek-2009, 02:44 | Message # 78 |
|
Group: Ishonchli
Messages: 701
Status: | AL-VOLIY Yo, Voliy, yoshga sihat, keksalarga umr ber,
Yo, Voliy, bohsga aql, yuraklarga sabr ber,
Yo, Voliy, g'ariblarning burda nonin oldilar,
Yo, Voliy, razolatga botganlarga jabr ber! AL-MO'TAOLI Shubha dilni kemiradi, yo, Mo'taoli,
Gumon elni yemiradi, yo, Mo'taoli,
Sendan qaytgan nobakorlar nobakori,
Dinsizlikdan semiradi, yo, Mo'taoli! AL-BARR Yaxshilikni xayru ehsoningdan oldim, yo, Barr,
Muruvvatni mehru osmoningdan oldim, yo, Barr,
Yomonlikni ma'lun shaytondan oldi kum,
Omonlikni ilmu urfoningdan oldim, yo, Barr!
|
| |
| |
| shaddot | Date: Chorshanba, 30-Dek-2009, 02:45 | Message # 79 |
|
Group: Ishonchli
Messages: 701
Status: | AT-TAVVOB Tavba chog'i hilu hildim, yo, Tavvob,
Gunohimni aqqol bildim, yo, Tavvob,
O'zing kechir, ostonangda tiz cho'kdim,
Tavba qildim, tavba qildim, yo, Tavvob! AL-MO'NTAQIYM Darra azoblari ne emish, yo, Mo'ntaqiym,
Arra azoblari ne emish, yo, Mo'ntaqiym,
Boshiga kelganlar angladi, yo, Mo'ntaqiym,
Zarra azoblaring ne emish, yo, Mo'ntaqiym! AL-AVFUV Xo'p gunohga to'ldim man, avf etarmisan, yo, Avfuv,
Ming pushayamon bo'ldim man, avf etarmisan,
Igna yashar yuragimning ostida, zardob yig'ib, yo, Avfuv,
Oh, qiynalib o'ldim man, avf etarmisan, yo, Avfuv!
|
| |
| |
| shaddot | Date: Chorshanba, 30-Dek-2009, 02:48 | Message # 80 |
|
Group: Ishonchli
Messages: 701
Status: | AR-RAUF Yo, Rauf, daryolar qurib bitardi dardim tegirmonida,
Yo, Rauf, qoyalar nurab ketardi dardim selimonida,
Xayriyat, Sen, bardoshdan tomirimga qon quyding,
Yo, Rauf, bilmam dunyo netardi dardimning to'fonida! MOLIKUL-MULK Molikul-Mulk, Sen badavlat, men molsiz,
Molikul-Mulk, Sen basavlat, men holsiz,
Molikul-Mulk, Sen ne'matingdan ulush berding,
Molikul-Mulk, Sen saxiysan, men xasis! ZUL-JALOLI VAL-IKROM Yo, Zul-Jaloli val-Ikrom,
Dardli borki, Sen akrom,
Og'ir kunda Senga sig'indik,
Sihat yashahs qil in'om!
|
| |
| |
| shaddot | Date: Chorshanba, 30-Dek-2009, 02:49 | Message # 81 |
|
Group: Ishonchli
Messages: 701
Status: | AL-MO'QSIT Sahar uyg'onaman dilimda noming, yo, Mo'qsit,
Sajdaga borganda yo'limda noming, yo, Mo'qsit,
Vaqt ila savashib keladi oqshom, yo, Mo'qsit,
Uyquga ketaman tilimda noming, yo, Mo'qsit! AL-JOMIY Bor aylading osmonni, yo, Jomiy,
Bor aylading insonni, yo, Jomiy,
Osmon uchun Quyoshni, Inson uchun, yo, Jomiy,
Yor aylading Qur'onni, yo, Jomiy! AL-G'ANIY Yo'qdan borman-Sening ulking, yo, G'aniy,
Nafas olsam, Sening mulking, yo, G'aniy,
Kitobingni ko'zga surib, labga bosdim, yo, G'aniy,
Komil ruhim-Sening xulqing, yo, G'aniy!
|
| |
| |
| shaddot | Date: Chorshanba, 30-Dek-2009, 02:50 | Message # 82 |
|
Group: Ishonchli
Messages: 701
Status: | AL-MO'G'NIY Kim kanbag'al, kim boydir, yo, Mo'g'niy,
Kim yulduzu kim oydir, yo, Mo'g'niy,
Farmon Sendan keladur, yo, Mo'g'niy,
Kim kamonu kim yoydir, yo, Mo'g'niy! AL-MONIY Murodiga yetmasa qazosi o'zidadir, yo, Moniy,
Aybi muqarrar bo'lsa jazosi O'zingdandir, yo, Moniy,
Tavbasiga tayansa, niyati sahih ekan, yo, Moniy,
Murodi hosil bo'lar, sazosi o'zidadir, yo, Moniy! AD-DORR Ham foniyda, ham boqiyda noring bor, yo, Door,
Ham zaminda, ham osmonda yoring bor, yo, Dorr,
Sen istasang g'azabingdan kimsa qochib qutulmas,
Ham beshikda, ham tobutda doring bor, yo, Door!
|
| |
| |
| shaddot | Date: Chorshanba, 30-Dek-2009, 02:53 | Message # 83 |
|
Group: Ishonchli
Messages: 701
Status: | AN-NOFI Yaxshi istab, yomon bo'ldim, yo, Nofi!
Rangi-ro'yi somon bo'ldim, yo, Nofi!
Qo'llarimni ko'kka ochib, yo, Nofi!
Hukming ila omon bo'ldim, yo, Nofi! AN-NUR Og'ochmidim, yona-yona kul bo'ldim, yo, Nur,
Oltinmidim, so'na-so'na pul bo'lay, yo, Nur,
Munavvar nur quchog'ida yaraldim, yo, Nur,
Inson bo'lay, Senga sodiq qul bo'lay, yo Nur! AL-HODIY Hidoyatsiz ko'cha-kuyda dol edim. yo. Hodi,
Qomat alif aslida bir zol edim, yo Hodi,
Lutfing ila shaytonlardan qutuldim, yo, Hodi,
Bugun inson, kecha asli loy edim, yo, Hodi!
|
| |
| |
| shaddot | Date: Chorshanba, 30-Dek-2009, 02:54 | Message # 84 |
|
Group: Ishonchli
Messages: 701
Status: | AL-BADIY Bir tomchidan mukammal jon yaratding, yo, Badiy,
Bir donadan nasiba-non yaratding, yo, Badiy,
Qullaringga ishonch seli yog'dirib, yo Badiy,
Har birini xalifa-xon yaratding, yo, Badiy!
AL-BOQIY Yomondan dog', yaxshidan bog' qoldirding, yo, Boqiy,
Guldan tikan, ummondan tog' qoldirding, yo, Boqiy,
Sen buyursang foniy baqo bo'lg'uvsi, yo, Boqiy,
Insondan nur, shaytondan zog' qoldirding, yo, Boqiy! AL-VORIS
O'tmishim Sen, kelajagim ham O'zing, yo, Voris,
Hadaf olib yelajagim ham o'zing, yo, Voris,
Kimsa mendan hisob so'rab tolmasin, yo, Voris,
Men hisobni berajagim ham O'zing, yo, Voris!
|
| |
| |
| shaddot | Date: Chorshanba, 30-Dek-2009, 02:57 | Message # 85 |
|
Group: Ishonchli
Messages: 701
Status: | AR-RASHID Zamin tunga bo'yalganda, Sen kelasan, yo, Rashid,
Ko'zim kunga bo'yalganda, Sen kelasan, yo, Rashid,
Yo'l yo'qotib singanimda chil-chil bo'lib,
Qalbim xunga bo'yalganda, Sen kelasan, yo, Rashid! AS-SABUR Sabr tagi oltin, deydi bobolar, yo, Sabur,
Sabr so'ngdan oldin, deydi bobolar, yo, Sabur,
Sening sabr saltanating ummondir, yo, Sabr,
Sabr haqdin olgin, deydi bobolar, yo, Sabur! AL-AHAD Seni ikki, degan tilllar lol bo'lar, yo, Ahad,
Seni yo'qdir, degan ilm fol bo'lar, yo, Ahad,
Sen Vohidsan, lam yalid valam yulad,
Seni xayol degan kimsa mol bo'lar, yo, Ahad! ALLOH Alloh, Seni sevoldim, go'zal tano kerakmas,
Alloh, Senga sig'indim, mansab mano kerakmas,
Alloh, Seni kuyladim, o'zga ma'no kerakmas,
Alloh, Senga intildim, dorulfano kerakmas
|
| |
| |
| shaddot | Date: Payshanba, 31-Dek-2009, 22:22 | Message # 86 |
|
Group: Ishonchli
Messages: 701
Status: | 69-bob. Allohning go’zal ismlari
A’rof surasining 180-oyatida:
«Allohning chiroyli ismlari bor. U bilan duo qilinglar», deb aytilgan. 269/1. Abu Hurayradan (r.a.) rivoyat qilinadi. Rasululloh sollallohu alayhi vasallam: «Alloh taoloning to’qson to’qqizta – bir kam yuzta ismi bor. Kim uni sanasa, jannatga kiradi. Alloh toqdir, toqni yaxshi ko’radi», dedilar. Bu hadisni shu yergacha Imom Buxoriy va Imom Muslim rivoyat qilishgan. Davomida Imom Termiziy va boshqalar Alloh taoloning ismlarini keltirishgan:
|
| |
| |
| shaddot | Date: Payshanba, 31-Dek-2009, 22:24 | Message # 87 |
|
Group: Ishonchli
Messages: 701
Status: | Alloh taoloning ismlari: 1. Alloh.
Alloh lafzi «alaha» fe’lidan olingan «iloh» masdariga mansub bo’lib ma’bud-ibodat qilingan zot ma’nosini anglatadi. Arablarda «iloh»ning alif va lom harflari kiritilgan va «alilohu» hosil bo’lgan. So’ngra hamzaning harakatini lomi ta’rifga naql qilingan va bir jinsdagi ikki harfni idg’om qilingandan keyin «Alloh» lafzi hosil bo’lgan. Alloh lafzi yakkayu yagona ma’budi haqqa ism bo’lib qolgan. U zotdan boshqaga bu ism ishlatilmagan.
2. Rahmon.
Ulug’ ne’matlarni beruvchi. Bu sifat faqat Allohga xos bo’lib, barchaga kofirga ham, mo’minga ham mehribon va ne’mat beruvchi ma’nosini anglatadi. Rahmon sifatini Alloh taolodan boshqa hech kimga nisbatan ishlatib bo’lmaydi. 3. Rahiym.
«Rahiym» latif ne’matlarni beruvchi. Bu sifat xosroq bo’lib, qiyomat kuni faqat mo’minlarga rahm qiluvchi ma’nosini anglatadi. Va Allohdan o’zgalarga, jumladan Payg’ambar alayhissalomga nisbatan ham ishlatiladi.
|
| |
| |
| shaddot | Date: Payshanba, 31-Dek-2009, 22:25 | Message # 88 |
|
Group: Ishonchli
Messages: 701
Status: | 4. Malik.
Barcha narsani egasi. «Malik» haqiqiy egadir. Undan o’zga ega yo’qdir. Shuning uchun bandalar faqat unga qul bo’ladilar. Hech vaqtda bir qulga ikki xo’jayin bo’lmaydi. Shuning uchun insonlar o’zlariga o’xshagan insonlarga emas, balki yagona yaratganga, haqiqiy Malikka qul bo’lishlari lozim.
5. Quddus.
«Quddus»-barcha ayblardan xoli, noloyiq sifatlardan munazzah, mutlaq muqaddaslik va mutlaq poklik Allohning o’zigagina xosdir.
6. Salom.
«Salom»-barcha nuqsonlardan salomat. Shuningdek, tinchlik, xotirjamlik va rohat beruvchi degani. Alloh «Salom» sifati ila bandalarga tinchlik, omonlik, xotirjamlik ato qiladi.
|
| |
| |
| shaddot | Date: Payshanba, 31-Dek-2009, 22:26 | Message # 89 |
|
Group: Ishonchli
Messages: 701
Status: | 7. Mo’min.
Mo’min-iymon va omonlikni beruvchi.
8. Muhaymin.
Hamma narsani qamrab oluvchi. Alloh bandalarning barcha holatlariga guvoh bo’lib turadi. Undan hech narsa maxfiy qolmaydi. 9. Aziz.
Barchaning ustidan g’olib. Undan biror narsa g’olib kelolmaydi.
|
| |
| |
| shaddot | Date: Payshanba, 31-Dek-2009, 22:30 | Message # 90 |
|
Group: Ishonchli
Messages: 701
Status: | 10. Jabbor.
«Jabbor» oliy qadar ulug’, Uning oldida hamma o’zini xor tutadi.
11. Mutakabbir.
«Mutakabbir»- kibriyosi va ulug’ligi behad. Uning oldida boshqalar qul bo’lib turadi. 12. Xoliq.
Asli va o’xshashi yo’q narsaning o’lchovini mos qilib yaratuvchi. Alloh maxluqlarni yaratishdan oldin ham Xoliq degan vasfga ega edi. U xaloyiqni xalq qilganidan keyin Xoliq ismini olgani yo’q. Xoliq mutlaq vujudga keltiruvchidir.
|
| |
| |
