Olamda nimagap! - Page 4

Date: Chorshanba, 10-Avg-2011, 21:17 | Message # 91

SUPER ADMINKA

Group: Admin yordamchisi

Messages: 10133

Status:

Доғистон ҳукумати Тошкент даъвосини рад қилди

Абдураҳмон-хожи Ас-Суғурий номидаги мадрасада болаларга ислом асосларидан сабоқ берилиши айтилмоқда.
10.08.2011
Умидбек
12 "жиҳодчи"нинг Доғистонда террорчиликдан сабоқ олгани ҳақидаги хабар Махачқалада жиддий эътироз уйғотмоқда.

Доғистон Республикасининг Миллий сиёсат, диний ишлар ва ташқи алоқалар вазири Бекмурза Бекмурзаев 11 нафар ўзбекистонликнинг Доғистонда махсус диний-экстремистик тайёргарликдан ўтганини расман инкор этди ва мазкур хабар юзасидан расмий эътироз билдирди. “Дагестан” ахборот агентлигига кўра, Ўзбекистонда қўпорувчилик ва диний-экстремистик гуруҳ тузганликда айбланаётган шаҳрихонликлар Доғистоннинг расмий давлат ўқув даргоҳи бўлган “Аш -Шафия” университетида ўқиган, холос.

Дагестан агентлиги мухбирлари томонидан олиб борилган изланишлар натижасида Махачқала атрофи ва шаҳарнинг ўзида “Абдулла Суғорий” мадрасаси мавжудлиги аниқланмаган. Номи Тошкент расмийси тилга олган сўзга уйқаш Абдураҳмон-хожи Ас-Суғурий номидаги мадрасанинг эса¸ Махачқала шаҳрининг қоқ ўртасидаги биноларнинг иккинчи қаватида жойлашгани айтилмоқда.

Дагестан агентлиги мухбири Байрам Абдуллаев билан суҳбатда Ас-Суғорий диний мактаби раҳбари Абдулла ҳожи бу ҳатто мадраса ҳам эмас, балки дастлабки диний таълим берувчи мактаб эканлигини таъкидлаган.

- Мен у ерга суҳбатлашгани келганимда, таҳсил олаётган ëш болаларга кўзим тушди. Мадраса ҳақиқатан шаҳарнинг ўртасида жойлашган. Абдулла ҳожи Доғистондаги деярли барча шайхлар каби¸ Нақшбандия тариқати тарафдорларидандир. Бу тариқатнинг террорчилик ёки экстремизмга мутлақо алоқаси йўқ, билсангиз агар. Бу ерда ёши катталарга сабоқ берилмас экан: Абдулла ҳожи мактаб болаларига намоз ва Қуръондан дарс бераяпти. Менинг фарзандларим ҳам худди шундай диний мактабда ҳафтасига бир неча бор икки соатдан сабоқ олиб келади, дейди Байрам Абдуллаев.

Байрамнинг сўзларига кўра, Ас-Суғурий номидаги диний муассаса раҳбари Абдулла ҳожи унга “Мадрасада ҳеч қачон хорижликлар ишламаган ва хорижлик талабалар таҳсил олмаган, чунки бунинг учун оддий шароитлар ҳам йўқ”, деган.

Диний мактаб раҳбари 1995 йилда ташкил топганидан буён ўқув даргоҳини намоз ўқишни ўрганган ва Қуръони Карим ҳақида умумий тасаввур ҳосил қилган битирувчилар чиққанини маълум қилган.

Дагестан ахборот агентлиги мухбири Байрам Абдуллаев¸ Ўзбекистон расмийлари террорчига чиқарган андижонликларнинг Тошкент даъво қилаëтган каби Доғистондаги террор марказлари эмас¸ балки давлат университетида таҳсил олганини айтади.

- Айтилган 12 нафар йигит¸ ҳақиқатан¸ Махачқалада ўқиган, фақат МВД майдонидаги “Аш-Шафия” мадрасасида. Ўзбеклар мадрасада бор-йўғи 3-6 ойгина ислом асосларини ўрганган, ўқишни тўла битирмасдан кетиб қолишган. Билишимча уларни у ерда дарс бериш даражаси қониқтирмаган, дейди журналист Байрам Абдуллаев.

Доғистонда диний таҳсил олган андижонлик йигитларнинг бу ерда террорчиликка ўргатилгани ҳақидаги хабарга муносабат билдирган Доғистон Мусулмонлар диний бошқармаси расмийси Магомед-Расул Омаров ўзбек хавфсизлик хизмати ходимларининг бу иддаоларини “провокация”, деб атаган эди.

10 август куни Ўзбекистонда террорчиликка алоқадорликда айбланиб ҳисбга олинган 12 нафар андижонлик йигит Доғистонда махсус тайёргарлик ўтгани юзасидан Доғистон ҳукумати ҳам ўз расмий муносабатини билдирди.

Доғистон Республикасининг Миллий сиёсат, диний ишлар ва ташқи алоқалар вазири Бекмурза Бекмурзаев РЕГНУМ агентлиги тарқатган хабарнинг ҳақиқатдан йироқ эканлиги юзасидан расмий баёнот тарқатди.

“Биз Доғистон Республикаси ҳудудида кўрсатилган шахслар ҳеч қандай жиноятларни содир этмаганлигини таъкидлаймиз. Уларнинг бирор-бир жамоатчиликка қарши ҳатти-ҳаракат содир этгани кузатилмаган. Биз Доғистондаги диний таълимотни Ўзбекистонда аллақандай “Жиҳодчилар” гуруҳлари билан тенглаштирилишига қатъий норозилигимизни билдирамиз”, дейилади Доғистон Республикасининг Миллий сиёсат, диний ишлар ва ташқи алоқалар вазирлиги тарқатган расмий баёнотда.

Журналист Байрам Абдуллаев билан бўлган учрашув чоғида мазкур вазирлик раҳбари Бекмурза Бекмурзаев ўзбек хавфсизлик идораларининг бу каби баёнотлари Доғистон жамоатчилиги томонидан дезинформация сифатида қабул қилинганини таъкидлаган.

“Афсуски бу Доғистонга қарши эълон қилинган ахборот уруши кўринишларидан бири. Биз буни жамоатчилик фикрини чалғитишга қаратилган ташвиқотчилик “уткаси” ўлароқ қабул қиламиз”, деган Доғистон Миллий сиёсат вазири.

РЕГНУМ ахборот агентлиги Ўзбекистонинг ҳуқуқ-тартибот органларига таяниб, Ўзбекистонда “Жиҳодчилар” диний экстремистик гуруҳига мансуб 12 шахснинг қўлга олингани ва уларнинг Доғистондаги террорчилик марказларида махсус тайёргарликдан ўтиб келганини иддао қилди.

Номи келтирилмаган Ўзбекистон хавфсизлик ходими агентликка гуруҳнинг фош қилинишида Шаҳрихонда Мирзажон Қодиров деган шахснинг қўлга олиниши ва унинг кўрсатмалари муҳим рол ўйнаганини билдирган.

Date: Payshanba, 11-Avg-2011, 21:37 | Message # 92

SUPER ADMINKA

Group: Admin yordamchisi

Messages: 10133

Status:

Ассад режимига қарши боисм кучаймоқда

Беш ойдан бери давом этаётган намойишларда 2 мингга яқин суриялик ўлдирлгани айтилмоқда.
12.08.2011
Сурия ҳукумати мухолифат намойишларини бостиришда давом этди. Пайшанба куни Сурияда камида 11 киши ўлдирилгани хабар қилинди. Айни пайтда АҚШ Президенти Барак Обама Сурия Президенти Башар ал-Ассадни ҳокимиятдан кетишга чақириш ниятида экани айтилмоқда. Европа мамлакатлари ҳам Сурия ҳукуматига босимларни кучайтирмоқда.

Суриялик ҳуқуқ фаоллари ҳукумат Ҳомс ва Илдиб вилоятларига танкларни юборганини хабар қилмоқда.

Ҳомс вилоятининг Қусайр шаҳри ва Идлиб вилоятининг Сарақеб шаҳрига қилинган ҳужумлар Башар ал-Ассад режими беш ойидан бери давом этаётган аксил-хукумат намойишлари иштирокчиларига қарши қилинган ҳаракатларнинг навбатдагиси бўлди.

Фаолларнинг шунингдек хабар қилишича, Суриядаги етакчи ҳуқуқ ҳимоячиларидан бири Абдул Карим Риҳавий ҳукумат қўшинлари томонидан ҳибсга олинган.

Риҳавий ҳукумат зўравонликлари оқибатида ҳалок бўлганлар сонини ҳужжатлаштириб браётган фаоллардан биридир.

Ўзини Муҳаммад деб таништирган ҳамалик йигит Рейтерс агентлигига шаҳарда вазият аянчли тус олаётганини гапириб берди.

- Ҳукумат қўшинлари дўконларимиз ва уйларимизни ёқиб юборди, мулкларимизни тортиб олди. Ҳама куйдирилиб, кулга айлантирилди. Кўчаларни бориб кўрсангиз, одамлар очликдан ўлаётганига гувоҳ бўласиз. Худодан бошқа ҳеч нарсамиз қолмади, дейди ҳамалик йигит.

Пайшанба кунги зўравонликлар Дамашқнинг халқаро чақирувларни рад қилаётгани яна бир ишорасидир.

Вашингтондан олинган хабарларга кўра, АҚШ Президенти Барак Обама яқин вақт ичида чиқиш қилиб, очиқчасига Ассадни ҳокимиятни тарк этишга чақириш ниятидадир.

Танқидчилар бундай чақирув аллқачон янграши керак эди, демоқда. Бироқ CBS News каналига берган интервьюсида АҚШ Давлат котиби Ҳиллари Клинтон Вашингтон бошқа давлатларни ҳам бундай чақирувга қўшилишини исташини таъкидлади.

Қўшма Штатлар, деди у, Ассад ўз легитимлигини йўқотгани ҳақида “аниқ тиниқ” баёнот берди. “Лекин бу фақатгина Америка томонидан эмас, жаҳоннинг турли бурчакларидан айтилиши керак”, дея қўшимча қилди Клинтон.

АҚШ Давлат департаменти матбуот вакили Виктория Нуланд Вашингтон бошқа мамлакатлар, жумладан Россияни ҳам Сурияда қонли воқеаларга ҳисса қўшиши мумкин бўлган ҳаракатларни тўхтатишга чақиради, дея баён қилди.

- Мақсадимиз Европадаги ва бутун дунёдаги ҳамкорламиз, жумладан Сурияга қўшни, айниқса у билан савдо қилаётган, хусусан Сурияга қурол соатётган Россия билан биргаликда бу зўравонликларга ҳисса қўшиши мумкин бўлган ҳаракатларни тўхтатиш учун ҳамкорликда иш олиб боришдир.

Оқ уйга кўра, АҚШ Президенти Барак Обама ва Туркия Бош вазири Ражаб Тойиб Эрдўғон Сурияда “демократик ўзгаришлар” эҳтиёжи борлиги ҳақида якдил. Оқ уй тарқатган хабарга кўра, икки етакчи пайшанба куни телефон орқали суҳбат қилиган.

Чоршанба куни Обама маъмурияти АҚШнинг Сурияга нисбатан бир томонлама равишда қўшимча санкциялар жорий қилишини эълон қилди.

Шунингедек БМТ Хавсизлик кенгашидаги европалик дипломатлар Дамашқ қонли зўравонликларни тўхтатмаса, Сурияга нисбатан кескинроқ чоралар кўрилишидан огоҳлантирди.

Чоршанба куни Хавфсизлик кенгаши аъзолари ёпиқ эшиклар ортида ўтган мажлисда БМТ Бош котиби ёрдамичси Оскар Фернандез Таранконинг вазиятга доир ҳисоботини тинглади.

Хавфизлик кенгашидаги дипломатлар кейинги қадам ўлароқ, Сурияга нисбатан янги санкцияларнинг қўлланиши масаласининг кўриб чиқилишини айтишмоқда. Лекин вето ҳуқуқига эга Россия ва Хитой ҳамда Бразилия, Ҳиндистон ва Жанубий Африка бу ғояга қарши чиқмоқда.

Ғарблик дипломатларнинг айтишича, БМТ Бош котиби ёрдамичси Оскар Фернандез Таранко ўз ҳисоботида ҳозирга қадар Сурияда ҳукумат қўшинлари томонидан 2 мингга яқин тинч фуқаро ўлдирилгани, 13 мингга яқин одам ҳибсга олингани ва ўн минглаб одамлар ўз жойларини ташлаб кетигша мажбур бўлганини маълум қилган.

БМТдаги Сурия элчиси Башар Жаафрий эса, унинг таъбири билан айтганда “нотўғри” маълумотларни қоралаб, Суриядаги вазиятни жорий ҳафтада Британияда юзага келган тартибсизликларга қиёслади.

ozodlik.org

Date: Shanba, 13-Avg-2011, 04:53 | Message # 93

Peshqadam

Group: Ishonchli

Messages: 7125

Status:

Қирғизистонда умрбод қамалганлар ҳуқуқи ўрганилди

Расмий маълумотларга кўра, 2010 йилги Ўш қирғинидан сўнг Қирғизистон бир умрга қамалганлар сони кескин кўпайган.
Расмий маълумотларга кўра, айни пайтда Қирғизистон қамоқларида бир умрга кесилган 250 маҳбус бор. Бир умрга қамалганларнинг асосий қисми 20 ёшдан 40 ёшгача бўлган шахслардир.

Бишкеклик ҳуқуқ ҳимоячиларининг айтишларича, Қирғизистонда бир умрга қамалганлар сони 2010 йилги Ўш воқеасидан сўнг кескин кўпайган.

- Бу воқеагача ҳар йили кўпи билан 14 та одам бир умрга қамалар эди. 2010 йилда эса 38 та одам бир умрлик қамоқ жазосига ҳукм қилинди. Бу Ўш қирғини юзасидан очилган жиноят ишлари билан боғлиқ, - дейди Евгения Крапивина.

Айтиб ўтиш лозимки, халқаро ташкилотлар, жумладан, Хюман Райтс Уотч ташкилоти ҳисоботида Ўш қирғини кунлари қотилликларда айбланиб бир умрга қамалган 30 одамнинг 28 таси ўзбек экани айтилади.

Бишкеклик ҳуқуқ ҳимоячиси Евгения Крапивинанинг айтишича, бир умрга қамалганлар орасида ўтказилган тадқиқот натижасида, уларнинг 88 фоизи адолатсиз ва нохолис судланганлари, ўзларига қўйилган айбларни қийноқлар остида тан олганликларини билдирганлар. Евгения Крапивина Ўш қирғини юзасидан айбланиб бир умрга қамалганлар ўзларига нисбатан қийноқларнинг энг ваҳшиёна усуллари қўлланилганини айтиб беришганини билдирди.

Озодлик радиоси суҳбатлашишга муваффақ бўлган бир умрга қамалган маҳбус Мирзоҳид Солиев ҳам бу гапларни тасдиқлайди.

- Аввалига мени укамни “тартибсизликларда қатнашгансан”, деб олиб кетишди. Кейин мени терговга чақиришди. Терговчининг хонасига кирсам, укамни жуда қаттиқ калтаклашибди. Мени олдимда ҳам калтаклашиб, “Агар сен мана бу қотилликни бўйнингга олмасанг, укангин бу ердан ўлиги чиқади”, дейишди. Шундан сўнг мен қилмаган жиноятни бўйнимга олишга мажбур бўлдим. Ўшда ўша кунлари ҳуқуқ-тартибот тузилмалари мана шундай принципда ишлашган. Битта уйдан 2-3 та одамни олиб чиқиб кетади-да, улардан 1-2 тасини қаттиқ калтаклайди, қийноққа солади ва қўлга олинганлардан бири ўз яқинини қутқариб қолиш учун қилмаган жиноятни бўйнига олади, деди Мирзоҳид Солиев.

Бишкеклик ҳуқуқ ҳимоячилари қийноқлар остида айблари тан олдирилган маҳбусларнинг жиноятларга алоқадорлиги шубҳа туғдиришини ва уларнинг ишлари қайта кўриб чиқилиши лозимлигини айтишади.

Айни пайтда Жазони ўташ бошқармаси жамоатчилик кенгаши раҳбари Чўлпўн Ўмурқанова ўз ташкилоти бир умрга қамалган маҳбуслар юзасидан қонунчиликка бир қатор ўзгартишлар киритиш таклифи билан ҳукуматга мурожаат қилганини билдирди.

- Бир умрга қамалганларга 15-20 йилдан кейин ўз ишларини қайта кўриб чиқиш ва уларга белгиланган жазони юмшатиш имкониятини бериш лозим. Агар маҳбус ўз қилмишидан пушаймон бўлса, хатоларини англаб, тўғри йўлни танлаган бўлса унга ҳаётини қайтадан бошлаш имконияти яратилиши керак, -дейди Чўлпўн Ўмурқанова.

Шу ўринда айтиш лозимки, Қирғизистонда ўлим жазоси 1998 йилдан бери қўлланилмай келинади. Айни пайтда ўлим жазосига ҳукм қилинганлар учун Қирғизистонда алоҳида қамоқхона қуриш режаси ҳам маблағ йўқлиги туфайли 10 йилдан бери амалга ошмай келмоқда.

Date: Yakshanba, 14-Avg-2011, 08:54 | Message # 94

SUPER ADMINKA

Group: Admin yordamchisi

Messages: 10133

Status:

Покистонда бир америкалик ўғирлаб кетилди

Покистон полицияси АҚШ фуқароси, J.E. Austin Associates маслаҳат ширкати ходими Уоррен Уайнстайннинг ўғирланиш сабаби ҳозирча номаълумлигини айтмоқда.
14.08.2011
Покистоннинг Лаҳор шаҳрида АҚШ фуқароси ўзи яшаётган уйидан номаълум қуролли шахслар томонидан ўғирлаб кетилди.
Исломободдаги АҚШ элчихонаси ўғирлаб кетилган Америка фуқароси J.E. Austin Associates маслаҳат ширкати ходими Уоррен Уайнстайн эканини маълум қилди.

Покистон полициясига кўра, шанба куни 8 – 10 нафар қуролланган шахс тонгги 3:30 да Уайнстайннинг ҳайдовчисини эшикни тақиллатишга мажбур қилиб, эшик очилганидан сўнг уйга бостириб кирган.

- Биз АҚШ фуқароси бўлган жаноб Уоррен зўрлик билан билан олиб кетилгани тўғрисида маълумот олдик. Воқеа эрталаб соат 3:45 да рўй берган. Ҳозирга қадар биз воқеа қандай юз берганнини ўргандик ва далиллар тўпладик, - деди воқеани шарҳлаган Покистон полициясининг юқори лавозимли расмийси мухбирларга.

Веқеа рўй берган пайтда Уорреннинг қўриқчилари Рамазон ойи саҳарлигига тайёргарлик кўраётган бўлган.

АҚШ фуқаросининг ўғирлаб кетилгани бўйича масъулиятни ҳозирча ҳеч бир гуруҳ ўз зиммасига олгани йўқ.

Покистон полицияси ҳужум сабаби номаълумлигини айтмоқда.

Полиция ходими Тажаммал Ҳусайнга кўра, Уайнстайн ўғирлаб кетилишидан бир кун олди Исломободдан Лаҳорга қайтган ва ходимларига лойиҳасини тўхтатиб, душанбага қадар Покистонни тарк этишини айтган.

J.E. Austin Associates АҚШ ҳукуматининг ёрдам кўрсатиш дастурларини амалга оширадиган ширкатлардан бири. 60 ёшдан ошган Уайнстайн Покистоннинг қабилалар яшайдиган минтақасида ширкатнинг тараққиёт лойиҳасини амалга ошириш билан шуғулланган.

J.E. Austin Associates ширкати интернет сайтида 25 йиллик тажрибага эга бўлган мутахассис Уоррен Уайнстайн Покистондаги турли йўналишдаги саноат рақобатбардошлигини ошириш дастури раҳбари бўлгани маълум қилинган.

Бундан ташқари, Халқаро қонунчилик ва иқтисодиёт бўйича докторлик илмий унвонига эга бўлгани Уайнстайннинг Покистонда етти йилдан бери фаолият олиб боргани билдирилган.

Покистондаги жанггари гуруҳлар авваллари ҳам хорижликларга қарши ҳужумлар уюштирган.

Жиноий тўдалар эса пул ундириш мақсадида чет эл фуқароларини ўғирлаган.

АҚШ Давлат департаменти шу ҳафтада Қўшма Штатлар фуқароларини Покистонга саёҳат қилмаслик ҳақида огоҳлантирганди.

Жорий йил май ойида АҚШнинг махсус кучлари Ал-Қоида етакчиси Усама бин Ладинни ўлдирганидан кейин Покистон ва АҚШ муносабатларида таранглик юзага келган.

Date: Chorshanba, 17-Avg-2011, 04:33 | Message # 95

Peshqadam

Group: Ishonchli

Messages: 7125

Status:

Фаластинлик қочқинлар Сурия қўшинлари ҳужумларидан қочмоқда

БМТнинг маълум қилишича, Сурия ҳарбийлари Лакатияни ўққа тутишни давом эттираётгани боис минглаб фаластинлик қочқинлар шаҳардаги лагерни тарк этишга мажбур бўлган.

15 август куни БМТнинг фаластинликларга ёрдам кўрсатиш агентлиги (UNRWA) матбуот котиби Кристофер Гуннес Сурия ҳарбий кемалари Лакатия шаҳрини ўтган ҳафта охирида ўққа тута бошлагани боис фаластинлик қочқинлар шаҳардаги лагердан қоча бошлаганини айтмоқда.

Гуннес фаластинлик қочқинлар лагерида тўрт киши нобуд бўлганини қўшимча қилди.

- Биз Лакатия шаҳридаги вазиятдан жиддий хавотирдамиз. Лагеридаги қочқинларнинг ярмидан кўпи - 5 мингдан 10 минггача одам - қочиб кетган. Шаҳар кемалар ва қуруқликдан ўққа тутилгани ҳамда хавфсизлик кучлари қочқинларга кетишни буюрганидан кейин улар лагерни тарк этганлар. Касаллар, ўлаётганларга ёрдам кўрсатиш ва дастурларимизни давом эттириш учун Сурия ҳукуматидан қочқинлар лагерига киришга рухсат берилишини сўрадик,- деди БМТ расмийси.

Суриялик фаолларга кўра, шанба куни ҳарбий амалиётлар бошланганидан бери Лакатияда камида 27 киши ўлган. Душанба куни АҚШ Давлат департаменти Сурия кемалари шаҳарни ўққа тутганини тасдиқлай олмаслигини билдирди.

Халқаро ҳамжамият, жумладан, араб давлатлари Сурия ҳукумат қўшинларининг Лакатияга қилган ҳужумини қораламоқда.

Душанба куни Сурия қўшниси ва яқин ўтмишда иттифоқчиси ҳисобланган Туркия расмийлари намойишчиларига қарши ҳарбий амалиётларни тўхтатишга чақирди.

Қон тўкишни тўхтатиш борасида Дамашқ ҳукуматига босим ўтказиш мақсадида ўтган ҳафта Сурияга сафар қилган Туркия Ташқи ишлар вазири Аҳмад Довутўғли агар ҳарбий амалиётлар тўхтатилмаса, “кўрилажак чоралар ҳақида ортиқча гапиришга хожат қолмайди” дея баён қилди.

- Дейр ал-Зор ва Лакатияда кеча ва бугун рўй бераётган воқеаларни оқлаб бўлмайди. Рўй бераётган воқеаларни, инсон ҳуқуқлари нуқтаи назаридан, Суриянинг ички ишлари, дея атаб бўлмайди. Сурия режимини бу ҳаракатларни тўхтатишга яна бир бор чақирамиз. Катта шаҳарларда тинч аҳолига нисбатан кучайиб бораётган зўравонликлар дарҳол ва ҳеч қандай шартсиз тўхтатилиши керак,- деди Туркия Ташқи ишлар вазири.

Халқаро ҳамжамият кескин танқид қилиб келаётганига қарамай, Сурия Президенти Башар ал-Ассадга содиқ кучлар бир неча ойдан бери президент истеъфосини талаб қилаётган намойишларни бостиришни давом эттирмоқда.

Халқаро Амнистия ташкилотига кўра, Сурияда март ойида ҳукуматга қарши норозиликлар бошланганидан бери тинч аҳолидан тахминан 1,700 киши ўлдирилган. Инсон ҳуқуқлари фаолларига кўра, 12 минг намойишчи ҳибсга олинган.

Дамашқ расмийлари зўравонликлар пайтида хавфсизлик кучларининг 500 нафар ходими ҳалок бўлганини айтмоқда.

Date: Payshanba, 18-Avg-2011, 01:35 | Message # 96

Peshqadam

Group: Ishonchli

Messages: 7125

Status:

Украина собиқ президенти: Владимир Путинни маҳкамага чақириш керак

Украина собиқ президенти Виктор Юшченко Киевда собиқ бош вазир Юлия Тимошенко устидан ўтаётган маҳкамада гувоҳ сифатида кўрсатма берган.

Ҳозирги пайтда Украинадаги мухолифат раҳбарларидан бири, ўтмишда эса "Норинж инқилоби" лидерларидан ва Президент Виктор Юшченко ҳукумати раҳбари бўлган Юлия Тимошенкога асосан унинг бош вазир бўлган йилларидаги фаолияти билан боғлиқ айбловлар бўйича маҳкама жараёни кечмоқда.

Тимошенко хонимни қўл остидаги ширкатларнинг Россиядан Украина учун табиий газни қиммат нархда сотиб олгани, мамлакат учун тез тиббий ёрдам машиналари нархи оширилган ҳолда харид қилингани ва зарарли газларни камайтириш учун Киото битими бўйича Украинага берилган маблағларни ноқонуний сарфлаш каби айбларда айблашмоқда.

Маҳкама июн ойидан буён давом этмоқда, даставвал маҳкамага уйидан қатнаб юрган Юлия Тимошенкони 5 август куни ҳибсга олишга қарор берилган.

Ҳакамга кўра, Тимошенко хоним маҳкама жараёни қоидаларини мунтазам бузиб келган ва атайин маҳкама жараёнини чўзган.

17 август куни Киевнинг Печёрский маҳкамасида кўрсатма берган собиқ президент Виктор Юшченконинг айтишича, охиригача ҳам 2009 йилда Украина билан Россия ўртасидаги табиий газ бўйича келишилган нархни била олмаган.

2009 йил 1 январидан Россия билан Украина ўртасида газ бўйича келиб чиққан тортишув сабабли Россия табиий газ таъминотини узиб қўйган, оқибатда қатор Оврўпо мамлакатлари газсиз қолган эди.

20 январда Москвада табиий газ нархи бўйича музокаралардан қайтган собиқ бош вазир Юлия Тимошенко президент Виктор Юшченкога "яхши баҳо" келишилганини айтган.

Маҳкамада жаноб Юшченконинг айтишича, Тимошенко хонимнинг ўзи ҳам ўшанда Украина Россиядан олаётган табиий газнинг аниқ нархини билмаган.

Виктор Юшченко айтишича, 2009 йилдаги Россия-Украина газ битими сиёсий важларга асосланган, шунинг учун ҳам бу шартномаларнинг тафсилотлари ошкор этилмаган.

"Мен Юлия Владимировна, қандай нарх бўлди, деб уч марта сўрадим. Жавоб битта бўлди: Виктор Андреевич, яхши нарх бўлади", деб айтган Виктор Юшченко маҳкамада.

"Унинг нархни айтмаётгани ҳайрон қолдирди. У фақат яхши баҳо бўлади, деб такрорларди", деб айтган собиқ президент.

"Келишув лойиҳасини кўрсатишни сўраганимда, Юлия Тимошенко кейинроқ бериб юборишга ваъда берганди", деб айтган Виктор Юшченко.

"Россияга Киевда россияпараст раҳбар керак эди. Миллий манфаатлар сиёсий мақсадга мувофиқлик билан алмаштирилган", деб айтган Украинанинг собиқ президенти.

У 2009 йил январидаги газ музокараларида Россия ҳайъатига раҳбарлик қилган Бош вазир Владимир Путинни, "Газпром" ширкати раҳбари Алексей Миллерни гуовҳ сифатида маҳкамага чақиришни таклиф этган.

"Россия тарафидан музокара иштирокчиларини жалб этмасдан туриб, бу ишдаги ҳақиқатни аниқлаб бўлмайди", деб айтган собиқ президент Виктор Юшченко.
BBC

Date: Payshanba, 18-Avg-2011, 18:17 | Message # 97

Peshqadam

Group: Ishonchli

Messages: 7125

Status:

Ассад: намойишчиларга қарши амалиётлар тўхтатилишига буйруқ берилди

Сурия Президенти хавфсизлик кучларига оммавий ҳибсга олиш амалиётини тўхтатишга буйруқ берганини маълум қилди. Бироқ Суриядаги фаоллар хавфсизлик кучлари Лакатия шаҳрида рейдлар давом эттираётганини айтмоқда.

Сурия Президенти Башар ал-Ассад армия ва полиция кучларига намойишлар ўтказилаётган шаҳарларда оммавий ҳибсга олиш амалиётларини тўхтатишга буйруқ берганини айтмоқда.

БМТ Бош Котиби Бан Ки Мун билан 17 август кунги телефон сўзлашуви чоғида Ассад келаси ойлар ичида ислоҳотлар, жумладан, конституциявий ислоҳотлар ўтказа бошлашини ваъда қилган. Бу ҳақда БМТ Бош котиби матбуот вакили маълум қилди.

Айни пайтда, халқаро ҳамжамият намойишчиларга қарши зўравонликларин тўхтатиш учун Сурияга босимни кучайтирмоқда.

БМТ Хавфсизлик кенгашининг 18 август кунига белгиланган махсус сессиясида Суриядаги бўҳрон муҳокама қилинади.

Нью Йоркдаги дипломатларга кўра, сессияда Инсон ҳуқуқлари бўйича БМТ олий комиссари Нави Пиллай ҳам қатнашади.

Йиғилишда Пиллайнинг Ҳаагадаги Халқаро жиноятлар судини Сурия ҳукуматига қарши намойишларни бостиришда хавфсизлик кучлари жиноятлар содир этгани ҳақидаги иддаоларни ўрганиб чиқишга чақириши кутилмоқда.

АҚШ расмийларига кўра, Хавфсизлик кенгаши сессиясида Обама маъмуриятининг Сурия президенти Ассадни очиқчасига истеъфога кетишга чақириши ҳам кутилмоқда.

Ахборот агентликлари хабарига кўра, АҚШ бу ҳақда араб ва европалик иттифоқчиларини огоҳлантирган.

18 август куни Швейцария ҳукумати Суриядаги элчисини чақиртириб олишини эълон қилди.

Чоршанба куни Дамашқдаги Тунис элчиси Сурияни тарк этган эди. Ундан олдин қатор араб давлатлари, жумладан, Саудия Арабистони ҳам Дамашқдан элчисини чақиртириб олган эди.

Халқаро ҳамжамият томонидан босим кучаяётганига қарамай, Башар ал-Ассад истеъфога чиқмаслигини айтган.

Суриядаги ҳукмрон Баас партиянинг 17 август кунги йиғилишида чиқиш қилган президент Ассад Сурия “кучли ва синмас” дея таъкидлади. У сурияликлар истагига кўра ислоҳотлар ўтказишни ваъда қилди.

Сурия ҳукумати ҳарбий амалиётлар мамлакатдаги террорчи гуруҳларни йўқ қилишга қаратилганини таъкидламоқда.

Маълумотларга кўра, Сурияда ҳукуматга қарши беш ойдан бери давом этаётган намойишларда тахминан 1,900 киши ўлдирилган.

Айни пайтда, Суриядаги фаоллар Ассадга содиқ кучларнинг ҳужумлари тўхтамаганини айтмоқда. 17 август куни хавфсизлик хизматининг юзлаб ходими Лакатия порт шаҳрида рейдлар ўтказган.

ozodlik.org

Date: Juma, 19-Avg-2011, 00:22 | Message # 98

SUPER ADMINKA

Group: Admin yordamchisi

Messages: 10133

Status:

Тулада 50 ўзбек қулликда қолмоқда

Кейинги пайтларда қулликка сотиб юборилаётган ўзбекистонликлар сони ошмоқда.
18.08.2011
Россиянинг Тула вилоятидаги Авако заводида 50 нафар ўзбек мардикори қулликда ушлаб, ишлатилмоқда.

Россиянинг Тула вилояти Заокский туманидаги Авако заводида қулликда ушлаб турилган тахминан 90 нафар марказий-осиёлик мардикорларнинг 50 нафарига яқини Ўзбекистон фуқаролари, хусусан, олти нафари сурхондарёлик экани маълум.

Бу ҳақда ушбу заводда ишлаётган ўзбек мардикорларидан бири телефон орқали маълум қилди.

Унга кўра, 90 кишининг ҳаммасидан паспортлари завод раҳбарияти томонидан олиб қўйилган.

“Мардикорлар атрофи сим тўсиқлар билан ўралган завод ҳудудидан чиқиш ҳуқуқига эга эмаслар. Ишчилар кечаю кундуз дам олишсиз ишлашга мажбур”, дея хабар қилди Авако заводида бир ойдан буён ишлаётган сурхондарёлик мардикор.

- Бизлар заводга ишга келган эдик. Тулада Заокский деган посëлкада.

Озодлик: Кўпчилик келганмисизлар Сурхондарëдан?

- Бу ерда 50 кишилар бор. Биз олти киши келганмиз.

Озодлик: 50 кишининг ҳаммаси Сурхондарëданми?

- Бу ерда 90талар бор. У ëғи Тожикистондан. Бу ерда бир зонадай жой экан. Келганимизга мана бир ой бўлаяпти. Тўрт кундай қолди бир ой бўлишига. Чегараланган. Зонада. Зонаникидай сим тортилган, забори бор, чегараси бор.

Озодлик: Қанақа завод?

- Бетонларни кўтариб туриш учун дамкрат тайëрлайди. Бизнинг паспортларни олиб қўйган.

Озодлик: 90 одамнинг ҳаммасиникини олиб қўйганми?

- Олиб келган киши бизга 8дан 8гача 12 соат иш деган. Ўзи ҳам қочиб кетган.

Озодлик: Ўзбекистонликмиди олиб борган одам?

- Ҳа. Ўзимизнинг маҳалланики. Қочиб кетган. Круглосутка иш. Соат деган нарса йўқ. Хоҳласа тонг отгунча ишлатади, хоҳласа икки сутка ишлатади.

Озодлик: Қачон дам оласизлар унда?

- Дам олиш деган нарса ўзи йўқ нарса.

Озодлик: 24 соат ишлайсизларми кунига?

- 24 соат эмас 34 соат ҳам ишлаймиз. Фақат заказ бўлмай тугаб қолса, мана келганимизга бир ой бўлаяпти, где то бир кун дам олдик заказ бўлмай қолгани учун. Свет ўчиб, ëмғир ëғиб трансформаторми бир жойлари ëниб кетди.

Озодлик: 90 одамдан нечтаси ўзбекистонлик?

- 45-50ка яқини ўзбекистонлик.

Озодлик: Улар қачон келишган?

- Улар мана тили қисиқ, бировга бир нарса дея олмайди. 5-6 ойдан бери пул берилгани йўқ. Буларга ҳам ойига 10-20 мингдан ваъда қилинган экан. Беш ойми олти ойми 10 мингдан аванс берган фақат.

Date: Juma, 19-Avg-2011, 02:09 | Message # 99

Peshqadam

Group: Ishonchli

Messages: 4071

Status:

АҚШ-Мексика чегарасида яширин йўлак топилди
Мексика ҳукумати вакилларининг сўзларига кўра, ушбу йўлак мамлакатнинг Тихуана шаҳри хонадонларидан бирида топилган. Ҳарбийлар томонидан топилган бу махфий йўлакнинг узунлиги 300 метрни ташкил этади. Лента.ру хабарига кўра, ерости йўлагининг баландлиги 1,8, кенглиги 1 метрни ташкил этади. Матбуот хабарларига кўра, йўлакни қуриш ҳали ниҳоясига етмаган. Уни қазиш билан шуғулланган ўн нафар киши қўлга олинган. Ушбу йўлак асосан мексикалик ноқонуний муҳожирларни ҳамда гиёҳванд моддаларни Америка ҳудудига яширин равишда ўтқазиш мақсадида қазилаётган экан.

Date: Juma, 19-Avg-2011, 02:13 | Message # 100

Peshqadam

Group: Ishonchli

Messages: 4071

Status:

Сайёрамиздаги энг машҳур герцогиня муҳаббат боис бойлигидан воз кечмоқчи
Испаниянинг энг бой аёли, мамлакатдаги ўндан ортиқ қадимий қасрлар ва санъат асарлари соҳибаси, Уинстон Черчилл ва Малика Диананинг узоқ қариндоши оддий рутбадаги, ўзидан 24 ёш кичик ходимга турмушга чиқишга ижозат олиш учун барча бьойлигидан воз кечишга тайёр, дея хабар қилади Guardian нашри.

Айни пайтда герцогиня Альба 85 ёшда. Гиннеснинг рекордлар китоби маълумотларига кўра, Альба хоним дунёдаги энг кўп зодагонлик унвонларига эга бўлган оқсуяк аёл ҳисобланади. Унда еттита герцоглик, 22 та графлик, 24 та маркизлик унвони бор. Яқинлаининг ҳазиллашича, у ер юзидаги энг узун исмларданбирига эгалик қилади. Қироллик хонадонига мансуб бўлган бу аёлнинг тўлиқ исми Мария дель Росарио Каэтана Альфонса Виктория Эухения Франциска Фитц-Жеймс Стюарт-и-Сильва ҳисобланади. 539 йиллик тарихга эга Альба уйининг соҳибаси бўлган бу олийзот аёл Севилья кафедраль соборига от устида бориш, Рим Папаси ҳузурида тиззасини букмаслик ҳуқуқига эга. Аммо, Испаниянинг энг зодагон аёли ўз севган кишисига турмушга чиқолмайди. Агар бўлғуси куёв ҳам ана шундай кибор оилага мансуб бўлмаса...
Бундай никоҳга энг аввало зоти олияларининг олти нафар фарзанди ҳам бир овоздан розилик бериши лозим. Аёлнинг барча фарзандлари унинг биринчи эри – Сотомайор герцогининг ўғли Педро Луи Мартинесдан дунёга келган. У 1972 йилда оламдан ўтган эди. Герцогинянинг янги қаллиғини исми-шарифи Альфонсо Диес. У ижтимоий таъминот департаментида ишлайди ва реклама фаолияти билан шуғулланади. Севишганлар 2008 йилдаёқ турмушга қуришни мўлжаллашган эди. Аммо герцогинянинг оиласи бу қарорга кескин норозилик билдирган. Испания қироли Хуан Карлоснинг ўзи шахсангерцогиня Альбага қўнғироқ қилиб, бутун оилани иснодга қўядиган бу никоҳга қарши эканини ошкор қилган. Фақат эндиликда герцогиня оила аъзоларининиг қаршилигини енгиб ўтишнинг ўзига хос йўлини топган кўринади. Ҳаммаси жуда оддий экан: Альба ўз номида турган мулкларни фарзандларига тақсимлаб беришга қарор қилди. Шунингдек, олийнасаб хонимнинг қаллиғи Альфонсо Диес бўлажак аёлининг бойлигига умуман даъвогар эмаслиги ҳақидаги ҳужжатга имзо чекди.
"Альфонсога менинг бир чақалик бойлигим керакмас. Унга фақатгина мен керакман, холос!” дейди герцогиня Альба. Айни пайтда қирол хонадони вакиласининг олти фарзанди, саккиз набираси бор. Уларнинг ҳар бирига биттадан қаср, шунингдек маълум миқдордаги ер майдони тегади. Герцогинянинг бутун мулкини энди унинг катта ўғли бошқаради. Турли-туман фикрларга кўра, Альбанинг бутун бойлиги 60 миллион доллардан 3,5 миллион еврогача етиши мумкин. Герцогиня эса, ўзини бой деб ҳисобламайди.
"Ҳа, менда санъат асарлари кўп, аммо уларни еб бўлмайди-ку?”дейди герцогиня. Guardian нашрининг ёзишича, Альба хонимнинг коллекциясида
"Дон Кихот”нинг энг биринчи нашри, Колумбнинг шахсан ўзи тарафидан тузилган
Америка харитаси ҳам бор.

Date: Juma, 19-Avg-2011, 02:17 | Message # 101

Peshqadam

Group: Ishonchli

Messages: 4071

Status:

Жон Кеннедини Америка вице-президенти ўлдирганми?
Daily Mail газетаси Жон Кеннедининг беваси билан қилинган махфий интернвью ҳақидаги матерниални чоп этди.

Daily Mail газетаси хабарига кўра, АВС телекомпанияси Жон Кеннеди ўлдирилганидан бир неча кун кейин унинг беваси Жаклин Кеннеди-Онассисдан олинган аудиохотираларни эълон қилишга ҳозирлик кўраётир. Жон Кеннеди 1963 йилнинг 23 ноябрида Техаснинг Даллас шаҳрида ўлдирилган эди. Жаклин хоним ушбу интервьюни америкалик тарихчи олим Артур Шлезингер-кичкинага берган. BFM.ru сайтининг хабар беришича, ушбу интенрвьюда президентнинг беваси эрининг ўлимида дастлаб вице-президент бўлган, кейин эса президентлик постини эгаллаган Линдон Жонсонни айблаган. Нашрнинг ахборотига кўра, Жаклик Кеннеди бу сиёсий қотилликнинг ортида Линдон Жонсон турибди, аллақандай жанублик Харви Ли Освальд исмли тадбиркор эса, бу фитнанинг оддий аъзоларидан бири бўлган.

Президентнинг беваси интервьюда актёр Уильям Холден ва "Фиат” корпорацияси асосчиси Жанни Анвелли билан ишқий муносабатини тан олган. У эрининг хиёнатлари учун шу тариқа ўч олмоқчи бўлган. Хусусан, интервьюда Жон Кеннеди Оқ уйда амалиёт ўтовчи 19 яшар қиз билан ҳам яқин алоқада бўлган. Қизиғи шундаки, улар Кеннедининг ҳалокатидан бир неча ҳафта илгари яна битта фарзанд кўришга келишиб олишган. Ушбу аудиоёзувлар қарийб эллик йил давомида Кеннедининг Бостондаги кутубхонасида чанг босиб ётган. Жеклин Онассис ушбу тасмани Кеннедининг ўлимидан эллик йил ўтмай туриб ошкор этмасликни тайинлаган.

Чунки, бу сир ошкор этилса, фитначилар Кеннедининг яқинларидан ўч олишлари мумкинлигидан қўрққан, дея хабар қилади "Комсомольская правда”.
Жаклин Онассис бундан 17 йил илгари, 64 ёшида вафот этган.
Унинг 53 ёшли қизи Кэролин ушбу аудиотасмани АВС телекомпаниясига тақдим этган.
Бироқ, телекомпания бунинг эвазига Кеннедилар ҳаёти ҳақида ҳикоя қилувчи сериални суратга олишни тўхтатиши лозим.

Date: Yakshanba, 21-Avg-2011, 02:08 | Message # 102

Peshqadam

Group: Ishonchli

Messages: 7125

Status:

Эрон суди икки америкалик устидан ҳукм чиқарди

Эрон суди АҚШ фуқаролари бўлган Шейн Бауер ва Жош Фаттални саккиз йилдан қамоқ жазосига ҳукм қилди.

Эрон давлат телевидениеси улар мамлакатга “ноқонуний киргани” учун уч йилдан, “жосуслик” учун яна беш йилдан озодликдан маҳрум қилинганини билдирди.

Америкалик алпинистлар адвокати Массуд Шафии Озодликка ҳукм ҳақида буларни айтди.

- Менга ҳукм на расмий, на норасмий тарзда топширилди. Ҳукмни қўлга олганимдан кейин у ҳақда бирон нарса айтишим мумкин, - деди адвокат Шафии.

27 яшар Шэйн Бауэр, 31 яшар Сара Шурд ва 27 яшар Жош Фаттал 2009 йил июл ойи охирида Эрон чегарачилари томонидан қўлга олинган эди.

Ироқдаги тоққа чиққан уч алпинист Эрон ҳудудига янглиш ўтиб қолганларини айтган.

Ўтган йил сентябрида 500 минг АҚШ доллари эвазига ҳибсдан озод бўлган Сара Шурд АҚШга жўнаб кетган.
ozodlik.org

Date: Yakshanba, 21-Avg-2011, 09:52 | Message # 103

SUPER ADMINKA

Group: Admin yordamchisi

Messages: 10133

Status:

Триполида қуролли тўқнашувлар рўй берди

Қаддафийнинг ўғли Сайфул Ислом отаси ва унинг тарафдорлари таслим бўлмоқчи эмаслигини таъкидлади.
21.08.2011
Ливия пойтахтида 21 августга ўтар кечаси отишма ва портлаш овозлари эшитилди.
Рейтерс ахборот агентлигининг маҳаллий аҳоли вакиллари сўзларига таянган ҳолда хабар қилишича, Ливия раҳбари Муаммар Қаддафийнинг рақиблари пайдо бўлган шаҳар мавзеларида отишмалар рўй берган.

Қаддафийнинг ўғли Сайфул Ислом ҳукумат 20 август куни эълон қилинган баёнотдан асло ортга чекинмаслигини таъкидлади.

- Таслим бўлиш ёки оқ байроқ кўратиш тўғрисида ҳеч қандай гап бўлиши мумкин эмас. Чунки бу аллақачон рад қилинган. Бу Муаммар Қаддафий ёки Сайфул Ислом қабул қилган қарор эмас. Бу Ливия халқи қабул қилган қарордир, - деди Сайфул Ислом.

Қаддафий ҳукумати матбуот котиби Мусса Иброҳим исёнчиларнинг кичик қуролланган гуруҳлари шаҳарга киришга муваффақ бўлгани, бироқ уларнинг ҳужуми бартараф қилинганини билдирди.

Телевидение орқали сўзлаган Иброҳим қўлга олинганлар орасида Жазоир, Тунис ва Миср фуқаролари борлигини қўшимча қилди.

Кейинроқ Қаддафий телевидение орқали қилган видеомурожаатида ливияликларни “каламушлар” йўқ қилингани билан табриклади.

Айни пайтда исёнчилар раҳбарларидан бири, Миллий кенгаш раиси ўринбосари Абдул Ҳафиз Ғода Рейтер ахборот агентлигига Қаддафий режимининг ҳокимиятдан ағдарилишига саноқли соатлар қолганини айтди.

Ундан олдин Кенгаш раиси Мустафо Абдул Жалил ҳам Қаддафий режими тугашига “жуда оз вақт қолгани”ни башорат қилган эди.

Ал-Жазира телеканали Триполида жанглар бошлангани тўғрисидаги хабар Бенғози ва бошқа шаҳарларда омма томонидан катта хурсандчилик билан қарши олинганини тасвирловчи лавҳани намойиш қилди.

Триполида тўқнашувлар бошланишидан олдин исёнчилар Брега порт шаҳрини ўз назоратига олганини иддао қилган эди.

Брега пойтахт Триполидан 750 километр шарқда жойлашган ва исёнчилар эгаллаб олган энг сўнгги шаҳар ҳисобланади.

Хабарларга кўра, сўнгги кунларда партизан кучлари Злитан ва Завия шаҳарларини ҳам қўлга киритишга муваффақ бўлган.

Ливиялик исёнчилар мамлакатни 42 йилдан бери бошқариб келаётган полковник Муаммар Қаддафий режимини ҳокимиятдан ағдариш учун жорий йил феврал ойидан буён ҳукумат кучларига қарши қуролли кураш олиб бормоқда.

Date: Chorshanba, 24-Avg-2011, 11:22 | Message # 104

Peshqadam

Group: Ishonchli

Messages: 7125

Status:

Вашингтонда зилзила содир бўлди

23 август куни Вашингтонда кучи 5,9 баллга тенг зилзила юз бериши натижасида Оқ уй ва Капитолий биносидаги ходимлар эвакуация қилинди.

Date: Chorshanba, 24-Avg-2011, 15:04 | Message # 105

Peshqadam

Group: Ishonchli

Messages: 4071

Status:

Yangi Boeing yuk tashuvchi samolyotiga uchish uchun ruxsat berildi

"Boeing” kompaniyasining yangi transport samolyoti – 747-8F AQSh Fuqaro aviatsiyasi federal boshqarmasi (FAA) va Yevropa aviatsiya xavfsizligi agentligi (EASA) tomonidan foydalanish uchun ruxsatnoma oldi. Bu haqda kompaniyaning rasmiy press-relizida xabar berilgan. Shunday qilib, tartibga soluvchi tashkilotlar samolyot konstruktsiyasini sertifikatlashtirib, uning ishonchliligini tasdiqlashdi.
Sertifikatlash jarayoni bir yarim yildan ko‘proq davom etgan 3 400 soatdan ko‘proq parvozlar va yerdagi ko‘plab sinovlardan iborat bo‘ldi. Dastlabki yuk tashuvchi 747-8 shu yilning sentabr oyidayoq Lyuksemburgning "Cargolux” aviakompaniyasiga yetkazib berilishi kutilmoqda. E’tiborli tomoni, bozorda 747-8F ning deyarli birorta raqobatchisi yo‘q.
"Boeing 747-8” ilk bora 2005-yilda namoyish etilgan bo‘lib, u jahondagi eng mashhur transport samolyoti – "Boeing-747”ning yangilangan varianti hisoblanadi. Samolyotning parvozdagi maksimal og‘irligi 442 tonnaga, fyuzelajining uzunligi esa 76,3 metrga, parvozning uzoqligi esa 8 130 kilometrga teng.
Yuk tashuvchi versiyasidan tashqari "Boeing” yangi samolyotning yo‘lovchi tashishga mo‘ljallangan ko‘rinishini ham ishlab chiqaradi, u "747-8 Intercontinental” yoki "747-8I” deb nomlanadi. Jami 467 nafar yo‘lovchini tashishga qodir bo‘lgan ushbu layner jahonagi eng uzun yo‘lovchi samolyoti hisoblanadi, uning fyuzelaji uzunligi ham 76,3 metrga teng. 747 seriyasining yetakchi muhandisi Todd Zarfosning ta’kidlashicha, 747-8I 2012-yilning boshida foydalanishga topshirilishi kerak, bu turdagi birinchi samolyot esa Germaniyaning "Lufthansa” aviakompaniyasiga yetkazib beriladi.
Bundan tashqari, agentlik ma’lumotlariga ko‘ra, AQSh Fuqaro aviatsiyasi federal boshqarmasi kelasi hafta "Boeing”ning boshqa bir yo‘lovchi samolyoti – "Boeing 787 Dreamliner”dan foydalanish uchun sertifikat topshirishi kerak, ushbu havo laynerining sinovlari 13-avgust kuni yakuniga yetgan. Ma’lumot uchun, "O‘zbekiston havo yo‘llari” milliy aviakompaniyasi ham ikkita "Boeing-787 Dreamliner” samolyotlariga buyurtma bergan.

Date: Chorshanba, 24-Avg-2011, 19:52 | Message # 106

Peshqadam

Group: Ishonchli

Messages: 7125

Status:

Qaddafiy uchun 1,67 million dollar

Liviya poytaxti Tripolida Muammar Qaddafiy qarorgohi atrofida bugun ham janglar davom etar ekan, muxolifat uni tutib berganga 1,67 million dollar mukofot va'da qilmoqda.

Qaddafiyning qayerda ekani noma'lum, biroq AQSh rasmiylari taxminicha, u hamon Liviyada.

Muvaqqat boshqaruv kengashi yetakchisi Mustafo Abdul Jalilning aytishicha, bu qarorni mahalliy boylar, tadbirkorlar yoqlab chiqqan. Maqsad - Qaddafiyni tezroq ushlash.

nikning Bob al-Aziziya qarorgohini isyonchilar kecha butunlay egallaganini aytib, tantana qila boshlagan edi. Ular inshootdan qurol-aslaha va buyumlarni olib chiqar ekan, hukumat tarafdorlari o’t ochgan. Uning oilasi qayerda ekani noaniqligicha qolmoqda.

“Odamning ishongisi kelmaydi. Bemalol Qaddafiyning uyiga, yotog’iga kirdik”, - deydi uch kunlik shiddatli to’qnashuvdan keyin kecha nihoyat Bob al-Aziziya qarorgohiga kirgan isyonchilardan biri. “Liviya hayoti butunlay o’zgardi, bizga yordam bergan davlatlarga rahmat”, - deydi ular.

Liviya rahbari kechagi audio-murojaatida Tripoli ahlini oyoqqa turib, qo’zg’olonchilarni shahardan quvib solishga undagan edi.

“Tripoli va tevarakdagi shaharlar ahli, ayollar, erkaklar, bolalar va zobitlarni isyonchilarga qarshi kurashga chaqiraman”, - dedi Qaddafiy. “Shaharni sotqin va kalamushlardan tozalang, bo’lmasa ular sizni qiradi”, - dedi Liviyani qariyb 42 yil boshqargan shaxs.

Qaddafiy hech kimga bildirmay, poytaxtni tark etganini aytmoqda. Davlat telekanali xabariga ko’ra, NATO Bob al-Aziziya qarorgohini bombardimon qilgani bois Qaddafiy chekinishni ma’qul topgan. U xalqaro koalitsiya agressiyasiga qarshi kurashni davom ettirib, ham g’alaba qozonish, ham shahid bo’lishga tayyor ekanini aytgan.

Isyonchilar Tripolini to’liq qo’lga kiritganicha yo’q. U yer, bu yerda gumburlagan o’q ovozi va portlashlar eshitiladi. Muxolifat tuzgan muvaqqat boshqaruv kengashi rahbari Mustafo Abdul Jalilning aytishicha, so’nggi bir necha kun poytaxtdagi olishuvlar 400 dan ziyod odamni hayotdan olib ketgan. Qaysi tomon qancha talofat ko’rgani ma’lum emas.

Tunis bilan chegaradosh Zuara shahri ahli so’zlariga ko’ra, Qaddafiyga sodiq odamlar raketa hujumlari uyushtirmoqda. Biroq neftga boy Ras Lanuf shahri kecha qo’zg’olonchilar qo’liga o’tgan.

Isyonchilarning bosh diplomati Mahmud Jibril bugun Parijda Fransiya prezidenti Nikolya Sarkozi bilan uchrashib, Liviyadagi ahvol va siyosiy jarayonlar haqida gaplashmoqda.

Xalqaro hamjamiyat esa Liviya masalasida endigi qadamlar ustida o’ylanmoqda. Birlashgan Millatlar Tashkilotida Qaddafiy ma’muriyatiga qarashli pullarni Liviya xalqiga topshirish muhokamada. Bu mablg’BMT Xavfsizlik Kengashi qarori bilan muzlatilgan edi.

Davlat departamenti matbuot kotibasi Viktoriya Nuland Qaddafiy rejimi deyarli barham topganini aytadi. “Polkovnik, xalq hurmati, xalqaro hamjamiyat hurmati, buni e’tirof etib, ochiq bayonot bilan chiqishi kerak”, - deydi u.

AQSh Kongressining ayrim a’zolari fikricha, pulni berishga shoshmaslik kerak, chunki Liviya muvaqqat rahbariyati safida jangarilar ham bo’lishi mumkin.

AQShning Marokashdagi sobiq elchisi Mark Ginzberg nazarida isyonchilar orasida diniy va g’oyaviy tafovut kuchli. “Muvaqqat rahbariyat kamida 130 kishidan, xususan, millatchilar, dunyoviy va diniy tuzum tarafdorlaridan, Qaddafiyning sobiq xodimlari va zobitlaridan iborat”, - deydi sobiq elchi. “Ba’zilar hech kimning tarafini olmay, kim yutar ekan deb chetda qarab turgan”.

“Bunaqa inqiloblarning tozasi bo’lmaydi. Liviyada o’zaro ayblovlar, hokimiyat uchun talash avj olishi mumkin. Bitta yo’lboshchi bo’lmagandan keyin, revolyutsiya lideri bo’lmaganidan keyin qiyin”, - deydi Mark Ginzberg.

Lekin Davlat departamenti matbuot kotibasi Viktoriya Nuland so’zlariga ko’ra, AQSh diplomatlari muxolifat bilan muntazam gaplashib kelmoqda va ularga nisbatan ishonch bor.

“Liviya muvaqqat boshqaruv kengashi xalqaro hamjamiyat talablariga amal qilib, oshkora, demokratik davlat barpo etish tarafdori va ektremist kuchlarga bo’ysunmoqchi emas”, - deydi rasmiy.

Britaniya ham Tripoliga yordam uzatish yo’llarini ko’rib chiqmoqda.

Nikaragua Muammar Qaddafiyga siyosiy boshpana berishga tayyor ekanini bildirgan, lekin hali bu borada iltimos tushmagan.

Xitoy esa Birlashgan Millatlar Tashkilotini Liviyada siyosiy jarayonlarga bosh bo’lishga undamoqda.

Rasmiy Pekin bu davlat bilan savdo bobida bir necha milliard dollarlik bitim tuzgan va shu paytgacha Liviyadagi mashmashaga aralashmaslikni ma’qul topgan edi.

BMT Bosh kotibi Pan Gi Mun shu hafta Afrika Ittifoqi, Yevropa Ittifoqi va Arab Ligasi bilan majlis o’tkazishi kutilmoqda.
amerika ovozi

Date: Payshanba, 25-Avg-2011, 06:53 | Message # 107

Peshqadam

Group: Ishonchli

Messages: 7125

Status:

Ливияда ўғирланган италиялик журналистлар озод этилди

Италия Ташқи ишлар вазирлиги маълумотига кўра, 24 август куни Ливияда ўғирланган италиялик тўрт журналист озод этилди.

Италиянинг Corriera della Sera, La Stampa ва Avvenire газеталарининг журналистлари Завиядан Триполига машинада кетаётган пайтда Қаддафий тарафдорларининг пистирмасига дуч келган эдилар.

Ҳужум чоғида журналистларнинг ливиялик ҳайдовчиси ҳалок бўлган, ўзлари эса ўғирлаб кетилган эди.

Италия расмийларига кўра, журналистлар Триполидаги хусусий уйлардан бирида ушлаб турилган ва кейинчалик уларга телефон орқали ўз муҳаррирлари билан боғланишга рухсат берилган.

Айни пайтда журналистларнинг озод этилиши билан боғлиқ бошқа тафсилотлар эълон қилинмаяпти.

Date: Juma, 26-Avg-2011, 00:50 | Message # 108

Peshqadam

Group: Ishonchli

Messages: 4071

Status:

Djastin Timberleyk endi qo'shiq aytmaydi, Britni turmushga chiqyabdi, Shakira esa sharmanda bo'ldi

Dunyo shou-biznesida xam yangilik qaynamoqda. Ayrimlari rostga o'xshasa, ayrimlari piarga o'xshaydi. Lekin ko'pchiligi piar bo'lsin deb xam amalda ajoyib qiliqlar qilishadi...

Dunyoning eng mashhur honandalaridan Jastin Timberleyk butunlay honandalikni tark etishga ahd qildi. Bu haqida u eng so'nggi interv'yularidan birida ma'lum qildi. Bunga sabab esa endi Jastin akterlik kasbi bilan jiddiy shug'ullanmoqchi.Jastinning do'stlari u musiqani tashlab ketishiga umuman ishonmayaptilar biroq Timberleyk boshqa al'bom chiqarmasligini aytdi. Aytish kerakki honandaning hisobida bir nechta kinolarda ijro etgan rollari qatori joriy yilda ko'plab mukofotlarga ega bo'lgan "Sotsialnaya set" kinokartinasi ham bor. Ming afsus Jastinning muhlislari ko'z yosh to'kishdan boshqa ilojlari qolmadi. Biroq bu shunchaki honandaning PR menedjerlari o'ylab o'ylab topgan shov-shuvlari bo'lishi ham mumkin

Britni Spirs yana turmushga chiqayapti. Kevin Federlayn bilan ajrashib, ikkita farzandni o'zida qoldirgan 29 eshli honanda, yana shahsiy hayotini yo'lga qo'yish arafasida. Ma'lum bo'lishicha, Britni Spirs, Djeyson Travik bilan nikohdan o'tishga ham ulgurgan. Faqat bu yangilik, ommmaviy ahborot vositasida e'lon qilinmagan. To'y Gavayi orollarida bo'lib o'tar ekan. Britni Spirs dunyo bo'ylab turnesini tugatganidan keyin, yana kelin ko'ylak kiyadi.

Shakira, Rossiyalik muhlislarini ranjitdi. Konsertida 100 foiz fonogrammadan foydalanganligi uchun, zalga yig'ilgan 25 ming tomoshabinning aksariyati sarf qilingan pulni qaytarib berishni so'ragan.G'arb yulduzlari, faqat jonli konsert berishadi. Shuning uchun ham, ularning konsertiga kelmoqchi bo'lganlarning soni ko'p bo'ladi. Shakira fonogrammadan foydalangaligiga sabab, kechga qolganligi. Honandani deb, shou 2 soat kech boshlandi. Jonli konsert berish uchun, mahsus tayyorgarlik bo'lishi kerak. Shakira esa ulgurmay qolgan. Uyalib qolmaslik uchun esa, fonogrammadan foydalanishga majbur bulgan.

Date: Juma, 26-Avg-2011, 02:17 | Message # 109

Peshqadam

Group: Ishonchli

Messages: 4071

Status:

Энг кўп даромад топадиган жуфтликлар
Forbes журнали биргаликда энг кўп даромад топадиган жуфтликлар рўйхатини эълон қилди. Ушбу рўйхатда биринчи ўринни Жизель Бундхен и Том Брэди эгаллашди. Модель ва унинг америкача футболда ўйнайдиган эри йил давомида 76 миллион доллар ишлаб топишган. Бундхеннинг оила бюджетига қўшган ҳиссаси 45 миллион долларни ташкил этган. Рўйхатнинг иккинчи поғонасини хонанда Бейонсе Ноулз ва унинг эри рэпер Jay-Z (ҳақиқий исми — Шон Кори Картер) эгаллаган. Улар йил давомида 71 миллион доллар ишлаб топишган бўлса, бунга иккови ҳам тенг ҳисса қўшишган. Голливуддаги энг машҳур эр-хотинлар — Брэд Питт ва Анжелина Жоли биргаликда 50 миллион доллар ишлаб топиб, учинчи ўринни эгаллашган. Бу даромаднинг 30 миллиони Жолининг ҳиссасига тўғри келади.

Date: Juma, 26-Avg-2011, 02:29 | Message # 110

Peshqadam

Group: Ishonchli

Messages: 4071

Status:

Дунё озиқ-овқат заҳираси камайиб бормоқда
Ер юзида очликдан азият чекаётлар сони ўн миллионлаб нафарни ташкил этади. Жорий йилда озиқ-овқат маҳсулотлари нархи ўртача 33 фоизга ошган. Егулик заҳиралари эса, камайишда давом этаётир. Бу ҳақда Жаҳон банкининг навбатдаги ҳисоботида сўз юритилади.

Экспертларнинг фикрича, бугунги кунда жаҳон бозорида озиқ-овқат маҳсулотлари қиймати ҳамон юқорилигича қолмоқда. Таъкидлаш жоизки, 2008 йилда бу борадаги
нарх-наво рекорд даражага кўтарилган. Нархлар ўсишда давом этса, бу рекорд янгиланиши ҳам мумкин. Мазкур ҳисоботда қайд этилишича, ўтган йили маккажўхори нархи ўртача 84%, шакар 62 %, буғдой эса, 55 % га ўсган. Нарх-наво ўсиши билан бир пайтда озиқ-овқат тақчиллиги ҳам катта муаммо бўлиб турибди. Бунда табиий офатлар, иқлим ўзгаришлари катта аҳамият касб этаётир. Қурғоқчилик ва ёнғинлар, сув тошқинлари ва зилзилалар аҳолининг озиқ-овқат таъминотига жиддий таъсир ўтказмоқда. Бугунги кунда сайёрамиз аҳолиси 6 млрд. 800 млн. кишидан ошиб кетган. Биргина маккажўхори заҳираси меъёрдаги кўрсаткичнинг атиги 33 фоизини ташкил этади. "Нархларнинг кескин ўсиши ва озиқ-овқат заҳираларининг камайиб бориши инсоният бошига катта хавф-хатар соя ташлаётганини кўрсатади. Бундан асосан сайёрамизнинг нисбатан қашшоқ аҳоли қатламлари катта зиён кўриши табиий”, дейди Жаҳон банки президенти Роберт Зеллик. Озиқ-овқатлар нархининг ўсиши, қашшоқлик даражасининг ортиши, шимоли-шарқий Африка мамлакатларидаги очарчилик вазият анча жиддийлигини кўрсатади. Бу ерда 12 миллион одам очарчилик азобини тортаётир, дейилади Жаҳон банки ҳисоботида. 3,6 млн. одам очлик туфайли ўлим ёқасида турибди. РБК тарқатган хабарларга кўра, ушбу мамлакатларда қурғоқчилик, ҳосилнинг нобуд бўлиши, сиёсий зиддиятлар ва тартибсизликлар очарчиликни келтириб чиқарган. Сомали, Кения, Эфиопия, Жибути сингари мамлакатлар сўнгги эллик ичида энг юқори озиқ-овқат инқирозига дуч келишган. Очарчилик хавфи бўлмаган мамлакатларда ҳам озиқ-овқат нархи тобора ўсиб бормоқда. Банк экспертлари ҳар бир мамлакат ҳукумати аҳолининг энг кам таъминланган қатламларини ҳимоялаш масаласини ижтимоий ва сиёсий омиллардан келиб чиқиб ҳал этиши лозим, деган фикрни илгари суришмоқда.

Наҳотки
Экспертлар яна бир нохуш башоратни илгари суришмоқда. Нефть, ичимлик суви ва озиқ-овқат заҳираларининг қисқариб бориши янги жаҳон уруши хавфини келтириб чиқариши мумкин. Ливияда бошланган можаролар ана шу йирик урушнинг ибтидоси, деган фикрни илгари суратёганлар ҳам йўқ эмас. Ливиядаги нотинчликлар нафақат иқтисодий, балки сиёсий характерга ҳам эга. Зеро мустабид бошқарув тизими табиий заҳираларни адолатли тақсимлаш имконини бермайди. Фақат адолат ва демократик қадриятлар устувор бўлган мамлакатда бундай муаммолар юз бермайди. Мисол тариқасида мамлакатимзида ҳукм сураётган иқтисодий барқарорлик, тўкин-сочинликни мисол қилиб келтириш мумкин. Бу энг аввало ҳукуматимиз томонидан олиб борилаётган оқилона сиёсат самарасидир.

Фикр
Роберт Зеллик, Жаҳон банки раҳбари:
"БИЗ ЯНГИ ИҚТИСОДИЙ ҚАМАЛ БЎСАҒАСИДАМИЗ!”
— Сўнгги икки ҳафтада дунё янги ва янада мураккаброқ даврга қадам қўйди, - деб таъкидлайди Жаҳон банки раҳбари.
– Биз янги, эндигина пишиб етилаётган қамал бўсағасида турибмиз. У 2008 йилда бошланган молиявий-иқтисодий инқироздан бир мунча фарқ қилади. Экспертнинг фикрича, айни чоғда одамлар воқеаларнинг бу тахлит ривожланишига тайёр. Бошқа тарафдан айрим давлатларнинг иқтисодиёти янада ачинарли аҳволга бориб қолиши мумкин.
— АҚШ ҳадемай ўзининг давлат қарзлари билан боғлиқ муаммоларини ҳал этади, дейди Зеллик.
– Фақат эндиликда имилламаслик, фурсатни бой бермаслик зарур. Унинг таъкидлашича, кейинги иқтисодий жараёнлар натижасида Хитой сингари мамлакатлар олдинги ўринга чиқиб олади, АҚШ ва Европа эса, тобора иқтисодий жиҳатдан заифлашиб бораверади.

Date: Juma, 26-Avg-2011, 02:38 | Message # 111

Peshqadam

Group: Ishonchli

Messages: 4071

Status:

"Facebook”dan foydalanish soddalashadi

"Facebook” ijtimoiy tarmog‘i o‘z maxfiylik siyosatini osonlashtiradi. Bu haqda "Lenta.Ru” internet-nashri xabar bermoqda.
U yoki bu ma’lumotni kim ko‘ra oladi-yu, kim ko‘rolmasligini belgilash uchun foydalanuvchi endi sozlashlar sahifasiga kirishi shart emas. Profil sahifasing o‘zida ko‘rishni chegaralash imkonini beruvchi tugma paydo bo‘lib, uning yordamida foydalanuvchi u yoki bu ma’lumotlar, misol uchun, yangi fotoalbom yoki "Tug‘ilgan shahri”ni ko‘rsatish bo‘yicha cheklov o‘rnatishi mumkin. Xuddi shunday sozlashlarning yangiliklar lentasiga nisbatan ham qo‘llash mumkin.
Profil sahifasida "Profilni boshqa kishi sifatida ko‘rish” tugmasi ham paydo bo‘ladi. Uning yordamida foydalanuvchi o‘zi xohlagan foydalanuvchining "ko‘zi” bilan o‘z profilini ko‘rib chiqishi mumkin.
Shuningdek, fotografiyalarda belgilash qoidalari ham o‘zgaradi. Tarmoqning boshqa bir foydalanuvchisi belgilangan fotografiyadagi belgilash, toki o‘sha foydalanuvchi buni o‘zi tasdiqlamagunicha, bu fotografiya uning profilida paydo bo‘lmaydi. Foydalanuvchi o‘zi yuklagan fotografiyadagi boshqalarning belgilashlarini olib tashlashi mumkin bo‘ladi. Fotografiyalarda nafaqat o‘z do‘stlarini, ayni vaqtda "Facebook”ning barcha foydalanuvchilarini belgilash mumkin bo‘ladi.
"Facebook” foydalanuvchisi o‘z turar joyi to‘g‘risidagi ma’lumotni ko‘rsatish imkoniyatiga ega bo‘lib, shu bilan birga, tarmoq foydalanuvchilaridan kimlar unga yaqin joyda joylashganini bilib olishi mumkin. Avvallari bu funksiya "Facebook”ning faqat mobil ilova-dasturida ishlar edi xolos, endilikda esa undan veb-versiyada ham foydalanish mumkin.
"Facebook”ning qayd etishicha, yangi o‘zgarishlar "yaqin kunlarda joriy qilinadi”.
Shunga o‘xshash maxfiylik siyosati sxemasi 2011-yilning iyun oyi so‘nggida ishga tushirilgan Google+ ijtimoiy tarmog‘iga qo‘llaniladi, deya qayd etmoqda "The Next Web” blogi. Google+ saytining eng asosiy ustunliklaridan biri sifatida uning maxfiylik siyosati "Facebook”nikidan ko‘ra sodda va tushunarli ekanligini ta’kidlab o‘tishgandi.

Date: Juma, 26-Avg-2011, 02:42 | Message # 112

Peshqadam

Group: Ishonchli

Messages: 4071

Status:

"Skype” "GroupMe”ni sotib oladi
Skype” kompaniyasi xabarlar almashish va qo‘ng‘iroqlarni amalga oshirish imkonini beradigan "GroupMe” mobil servisini sotib oladi. Bu haqda "Skype”ning rasmiy saytidagi press-relizda xabar berilgan.
"Skype” va "GroupMe” o‘rtasidagi savdo shartlari oshkor qilinmayapti. "Betabeat” blogi ma’lumotlariga ko‘ra, "GroupMe” uchun "Skype” 50 million dollardan ko‘proq pul to‘laydi, "All Things Digital” internet nashri esa xarid "Skype” uchun 85 million dollardan kamiga tushmagani haqida yozmoqda.
"GroupMe” xizmati 2010 yilning bahorida ishga tushirilgan edi. Bir yildan ko‘proq vaqt davomida faoliyat olib borgan xizmat 11,45 million dollar miqdoridagi sarmoyani o‘ziga jalb etishga muvaffaq bo‘ldi. "GroupMe”ga bir qancha venchur fondlari mablag‘ kiritgan.
"GroupMe” ilova-dasturlari iOS, Android, BlackBerry va Windows Mobile 7 platformalari uchun ishlab chiqilgan. Xizmat foydalanuvchilari guruhlarga qo‘shilgani holda guruh bo‘lib xabarlashishlari yoki guruh qo‘ng‘iroqlarini amalga oshirishlari mumkin. Har oy "GroupMe” doirasida taxminan 100 millionga yaqin xabar jo‘natiladi.
"GroupMe”ning raqobatchisi hisoblangan "Beluga” mobil messenjerini 2011-yilning mart oyida "Facebook” ijtimoiy tarmog‘i sotib olib, uning asosida o‘z messenjeri – "Facebook Messenger”ni ishlab chiqqandi. "Google+” ijtimoiy tarmog‘i ham "Huddle” deb nomalanadigan xabarlashish imkonini beruvchi xizmatga ega. Xabarlarga qaraganda, "Apple” kompaniyasi kuz oyida chiqarishi kutilayotgan iOS 5 operatsion tizimida yuqoridagi xabarlashish xizmatlariga o‘xshash funksiyani amalga oshirish imkonini beradigan "iMessage” nomli servis bo‘ladi.
"Skype” internet-telefoniya xizmati foydalanuvchilari soni 560 milliondan ortiq. May oyida "Skype” "Microsoft” korporatsiyasi tomonidan 8,5 milliard dollarga sotib olinishi haqida xabarlar chiqqandi, ammo bu haligacha o‘z tasdig‘ini topgani yo‘q.

Date: Juma, 26-Avg-2011, 04:05 | Message # 113

Peshqadam

Group: Ishonchli

Messages: 7125

Status:

Ayrim davlatlar Xitoydan cho'chib uyg'urlarni deportatsiya qilmoqda
Inson huquqlari bilan shug'ullanuvchi tashkilotlar qator mamlakatlarni uyg'urlarni Xitoyga topshirayotganlikda ayblamoqda. Malayziya, Pokiston va Tailand inson huquqlariga zid holda uyg'urlarni majburan deportatsiya qilgan.

Kuzatuvchilarning aytishicha, bu davlatlar Xitoy bosimi ostida, rasmiy Pekindan hayiqib shunday qilishga majbur bo'lgan.

Xalqaro Amnistiya va Human Rights Watch tashkilotlariga ko'ra, Malayziya oy boshida 16 uyg'urni hibsga olib, 11 nafarini Xitoyga topshirgan. Ular qiynoqqa solinishi mumkin, deydi bu tashkilotlar.

Tailand immigratsiya xizmati ham shu oy bir uyg'urni hibsga olgan edi. Pokistonda esa bir necha kishi ushlangan.

Human Rights Watch tashkilotining direktori o'rinbosari Fil Robertsonning aytishicha, bu davlatlar Xitoyga uyg'urlarni ta'qib etishda yordam bermoqda.

"Rasmiy Pekin mamlakatdan qochgan uyg'urlar iziga tushgan ko'rinadi. Uning bosimi ostida boshqa davlatlar o'z qonunlari, xalqaro qoidalarga xilof ish tutib, uyg'urlarni shoshilinch ravishda Xitoyga topshiryapti", - deydi Robertson.

Tailandda Nur Muhammad ismli odam Shinjondagi namoyish va zo'ravonliklar oqibatida Xitoydan 2009-yilda chiqib ketgan edi. Human Rights Watch ning bildirishicha, Xitoy uni terror guruhiga a'zolikda ayblamoqda. Tailand esa uni mamlakatga noqonuniy kirgan deb, yuridik normalarga ko'z yumib Xitoyga ekstraditsiya qildi.

Malayziyada esa poytaxt Kuala-Lumpur va Joxor Baru shaharlarida 16 uyg'ur ushlanib, BMTning Qochqinlar bo'yicha agentligi ularning ishi bilan tanishmasidan oldin 11 nafari Xitoyga topshirildi. Agentlik Malayziya hukumatidan qolganlari bilan ko'rishishga ruxsat berishni so'ramoqda.

Malayziya hukumatining ma'lum qilishicha, uyg'urlar inson savdosi bilan shug'ullangan jinoyatchilardir.

2009-yili Kambodja BMT Qochqinlar agentligi himoyasida bo'lishiga qaramay 20 uyg'urni deportatsiya qilgan edi. Ular orasida homilador ayol va ikki chaqaloq ham bo'lgan edi.

Agentlik vakili Kitti Makkinsining aytishicha, qochqinlar maqomini tekshirmay ularni deportatsiya qilish tashvishlanarli hol.

"Ayniqsa ularning mamlakatdan majburan chiqarib yuborilgani xavotirga molik. Endi ularning huquqlari va erkinligi tahdid ostida, hayoti xavf ostida bo'lishi mumkin. Muammo shundaki, bunday hollarda yuridik normalar chetda qolib ketgan", - deydi Makkinsi.

Xitoy uyg'ur bo'lginchilarini va islomiy radikallarni Shinjondagi tartibsizliklarda ayblaydi. 2009-yili Urumchida uyg'urlar va xitoylar to'qnashib, 200 ga yaqin odam o'lgan edi.

Surgundagi uyg'ur faollari Pekin qo'yayotgan ayblovlarni rad etib, Xitoy hukumati ozchilikdagi bu millat vakillarini yo'q qilmoqchi, deydi.

Kitti Makkinsi deydiki, deportatsiyani amalga oshirgan davlatlar uyg'urlarning qochqinlik maqomini inkor etib, qonuniyligini tekshirmagan, ya'ni Xitoydan ularning jinoyatini tasdiqlovchi dalil so'ramagan.

"Qochqinlik maqomini berishdan oldin BMT agentligi ularning da'vosini sinchkovlik bilan o'rganib chiqadi. Jiddiy jinoiy ishlarga qo'l urgan odamlar bunday maqomdan mustasno", - deydi agentlik xodimasi.

Date: Shanba, 27-Avg-2011, 14:12 | Message # 114

Peshqadam

Group: Ishonchli

Messages: 7125

Status:

Америкада фавқулодда ҳолат эълон қилинди

АҚШда “Айрин” тўфони туфайли хавфли ҳудудлардан 2 миллиондан зиёд одам эвакуация қилинаяпти.

АҚШнинг сўнгги ўн беш йиллик тарихида энг катта тўфон ҳисобланаётган "Айрин" довули 27 август куни маҳаллий вақт билан эрталаб соат 7.30ларда Шимолий Каролина штати қирғоқларига биринчи зарбаларини берди.

Америка метреологлари маълумотига кўра, кучли ёмғир ва тўлқинларни бошлаб келган "Айрин" тўфони тезлиги 140 км/соатни ташкил қилаяпти.

Кучли довул туфайли электр энергияси узилиши оқибатида Шимолий Каролинада 26 минг одам чироқчиз қолди.

Эртага довул Вашингтон, Ню Йорк ва Бостонга ўтиши айтилмоқда.

Айни пайтда АҚШнинг 65 миллион аҳоли яшайдиган ҳудуди тўфон хавфи остида қолди.

Президент Барак Обама америкаликларни “энг ёмон” вазиятга тайёр туришга чақирди.

- Агар сиз тўфон яқинлашаётган ҳудудлардан бирида яшаётган бўлсангиз, зудлик билан зарурий чораларни кўришингиз шартлигини таъкидлайман. Кутманглар, буни кечиктирманглар. Биз яхшиликка умид қиламиз, аммо ёмонига ҳам тайёр турмоғимиз керак, деди Барак Обама.

Тўфон хавфи туфайли Американинг Шимолий Каролина, Мэрилент, Делавер, Ню Жерси ва Ню Йорк шаҳарларида оммавий эвакуация бошланди.

Ню Йорк мери Майкл Блумберг “Айрин” тўфони яқинлашаётгани боис шаҳарнинг қирғоқ соҳилида яшовчи 250 минг одам хавфсиз жойга кўчирилиши маълум қилди.

- Биз ҳозир ҳеч қачон қилмаган мажбурий эвакуацияни бошлаяпмиз. Агар тўфоннинг жиддий хавфи бўлмаганда бу ҳақда ўйламасдик ҳам. Агар тўфон шарққа бурилиб, бизга хавф солмаса албатта яхши бўларди. Бироқ Она табиатдан бизга меҳрибонлик қилишини кута олмаймиз. Биз энг ёмонига тайёр туриб, энг яхшисига умид қилишимиз керак, деди Ню Йорк мери Майкл Блумберг.

Шанба куни Ню Йоркда метро, автобус ва поездлар ишламаслиги эълон қилинди.

Айни пайтда Американинг турли штатларида минглаб ўзбеклар яшайди. Тўфон хавфи остида қолаётган Ню Йоркда яшовчи Нилуфар исмли ўзбек қизига кўра, одамлар ваҳимада бўлиб, озиқ-овқатларни ғамлаб қўяптилар.

- Бугун кўчага чиқмадим. Кеча кечқурун соат 8 дан кейин дўконга чиққанимда, пештахтада умуман минерал сув қолмаган эди. Нон ҳам йўқ. Одамлар ғамлаб олаяпти. Шам борми, гугурт борми сотиб олишаяпти. Чунки чироқ ўчиб қолиш хавфи бор. Одамлар иложи борича кўпроқ озиқ-овқат маҳсулотларини харид қилаяпти. Чунки Ню Йорк ҳукумати "Энг ёмон вазиятга тайёр бўлинглар, иложи борича жомадонларга нон, сув ва энг зарур нарсаларни тахлаб,тайёр туринглар" деди. Шунга одамлар ваҳимада бу нарсаларни харид қилаяпти, деди Нилуфар.

Айни пайтда Шимолий Каролинанинг соҳилда жойлашган ҳудудларида 200 минг, Ню Жерсида эса 750 минг одам ўз уйларини ташлаб кетишга мажбур бўлди.

Америка бўйича хавфли ҳудудлардан жами 2 миллиондан зиёд одам эвакуация қилинади.

“Айрин” тўфони ортидан Доминика, Пуэрто-Рико, Ҳаити ва Кубада жиддий талофатлар кузатилди.

Пуэрто Рикода кучли шамол ва ёмғир туфайли электр энергияси узилиши ортидан, 800 минг одам чироқсиз қолди.

Америка авиакомпаниялари 6000дан зиёд халқаро парвозларни бекор қилди.

Суғурта соҳаси мутахасисларининг дастлабки ҳисоб-китобларига кўра, тўфон келтирган зарар 12 миллиард АҚШ долларини ташкил қилиши мумкин.
ozidlik.org

Date: Dushanba, 29-Avg-2011, 01:05 | Message # 115

Peshqadam

Group: Ishonchli

Messages: 4071

Status:

Yaqin Sharqda nima gap? 28-avgust tafsilotlari

LIVIYA

Liviyada isyonchilar bir necha kunlik olishuvdan so'ng Bin Javad shahrini qo'lga kiritgan. Ayni damda Muammar Qaddafiyning ona shahri Sirte ham qurshovga olinmoqda. Isyonchilar shaharni jangsiz qo'lga olish haqida qabilaviy oqsoqollar bilan muzokara qilmoqda. Ayrimlar nazarida Qaddafiy aynan Sirtega qochgan bo'lishi mumkin. Muxolifat kuchlari poytaxt Tripoliga kirgandan beri Qaddafiy ko'rinmaydi.

Inson huquqlari tashkilotlarining aytishicha, hukumat kuchlari shaharni tark etayotib 17 kishini qatl etgan.

SURIYA

Arab Ligasi Suriya hukumatini mamlakatda zo'ravonliklarni bas qilishga chaqirib, xalqning siyosiy va ijtimoiy islohotlarga haqqi bor deydi.

Bugun Qohirada liganing favqulodda majlisi o'tgan. Tashkilot Bosh kotibi Nabil al-Arabiyning aytishicha, Suriya prezidenti Bashar al-Assad muammoga yechim topishi lozim. Al-Arabiy Suriyaga safar qilib, rahbariyat bilan uchrashishi kutilmoqda.

Kecha Suriyaning eng yaqin ittifoqchisi Eron ham rasmiy Damashqni xalq talabiga quloq solishga da'vat etgan. Suriyada hukumatga qarshi g'alayonlar besh oydan beri davom etar ekan, Eron ilk bor masalaga munosabat bildirgan.

"Agar vaziyat tinch yo'l bilan hal etilmasa", deydi Eron Tashqi ishlar vaziri Ali Akbar Solihiy, "oqibati mintaqa barqarorligi uchun yaxshi bo'lmaydi".

Turkiya prezidenti Abdulla Gul esa qo'shni davlatga ishonch yo'qoldi, deya shu kunga qadar 2200 dan ziyod kishining o'limiga sabab bo'lgan zo'ravonliklarni qoralagan.

Xalqaro hamjamiyat chaqiriqlariga qaramay Bashar al-Assadga sodiq kuchlar namoyishchi faollarni ta'qib etishda davom etgan. Bugun ikki kishi o'ldirilgan.

Prezident Assad matbuot haqida yangi qonunni ma'qullagan. Unga ko'ra, mahalliy va mustaqil jurnalistlar faoliyatiga qo'yilgan cheklovlar bekor qilinadi. Muxolifat Assad islohotlarini ko'zbo'yamachilik deb atamoqda.

YAMAN

Yamanda portlovchi moddalar bilan to'ldirilgan kater harbiy kema tomon harakatlanayotganda dengizchilar uni to'xtatishga muvaffaq bo'lgan.

Yaman qo'mondonlaridan birining aytishicha, kater tomon ogohlantiruvchi bir necha o'q otilgan. To'xtamaganidan so'ng harbiy kemalar o'q otib, uni cho'ktirgan. Hujum kimning ishi ekani noma'lum, ammo o'tmishda al-Qoida shunday usullardan ko'p foydalangan.

2000-yilda al-Qoida shu tariqa AQShning mintaqadagi harbiy kemasiga hujum qilib, 17 matrosni o'ldirgan edi.

Date: Dushanba, 29-Avg-2011, 01:10 | Message # 116

Peshqadam

Group: Ishonchli

Messages: 4071

Status:

Amerikaning sharqiy shtatlari 27-28 avgust kunlari shiddatli to'fon bilan yuzlashdi.

Atlantika okeanidan kelgan "Ayrin" (Irene) to’foni shanba kuni erta bilan Shimoliy Karolina sohillarini urdi. Keyin esa shimol tomon yo'naldi. Qattiq yomg'ir, dovul.

Virjiniya, Merilend va Delaver shtatlari, shuningdek Vashington shahrida suv toshqinlari kuzatildi. Nyu-Jersi va Nyu-Yorkda ham shu ahvol.

Butun mintaqa bo'ylab favqulodda holat e’lon qilgan. Sohilbo’yidan millionlab aholi evakuatsiya qilingan. Jamoat transporti ishdan to'xtagan.

To'fonda 20 ga yaqin kishi halok bo'lgani ma'lum. To'rt million aholi elektr tokisiz qolgan. Milliardlab dollar zarar ko'rilgan.

Prezident Barak Obama fikricha ofat oqibatlariga qarshi uzoq kurashishga to'g'ri keladi.

Mutaxassislarning aytishicha, bu to'fon hajm jihatdan butun Yevropa maydoni bilan tenglashishi mumkin edi.

Uning "ko'zi", ya'ni markaziy nuqtasi Shimoliy Karolinaga to'g'ri kelgan. To'fon soatiga 120 kilometr tezlikda esgan.

"Ayrin" hafta boshida Puerto-Riko, Bagama orollari va Dominikana Respublikasida bir necha kishini hayotdan olib ketgan.

Ikki tomoni okean bilan o'ralgan AQShni oxirgi uch yil ichida bunday xatarli to'fon urmagan edi.

Date: Dushanba, 29-Avg-2011, 01:18 | Message # 117

Peshqadam

Group: Ishonchli

Messages: 4071

Status:

Prezident Barak Obama Amerika xalqini har jihatdan birdam bo’lishga undamoqda.

“2001 yilning 11 sentabrida davlatimizga qarshi keng ko’lamli terror xurujlari qilingan. Bu voqeaga 10 to’lar ekan, har bir yurtdoshimdan Amerika tinchligi va farovonligi yo’lida fidoiy fuqaro bo’lishni, o’sha dahshatli kunda halok bo’lganlar ruhini yod olib, mehr-oqibat haqida o’ylashni, ko’ngilli xizmat va xayriya qilishni so’rayman”, - deydi Obama, har shanba qiladigan murojaatining bugungisida.

Prezident va rafiqasi Mishel Obama poytaxt Vashingtonda mahalliy xayriya tashkiloti bilan ishlamoqda.

11 sentabr kuni Obama Nyu-York shahriga borib, xotira marosimlarida ishtirok etadi. Shuningdek, Pensilvaniya va Virjiniya shtatlarida ham bo’ladi.

Terrorchilar tomonidan olib qochilgan to’rt samolyotdan ikkisi Nyu-York shahri, biri Pensilvaniya shtati, to’rtinchisi esa Virjiniyaga, Pentagon, AQSh Mudofaa vazirligi joylashgan inshootga tushgan. O’sha kuni Amerikada uch mingga yaqin inson halok bo’lgan.

11 sentabrdagi xurujlar ketidan xalqaro maydonda katta burilishlar ro’y berdi. Terrorga qarshi xalqaro urush e’lon qilindi. Hujumlarda ayblangan Al-Qoida umumiy dushman deb tan olindi.

Date: Seshanba, 30-Avg-2011, 22:03 | Message # 118

Peshqadam

Group: Ishonchli

Messages: 7125

Status:

Тошкентда баъзи диндорлар 30 август куни рўзани тўхтатиб, яширинча ҳайит намози ўқигани айтилмоқда.

Асл исми сир қолиши шарти билан ўзини Абдуллоҳ, деб аташни сўраган тошкентлик диндорлардан бирининг Озодлик радиосига билдиришича, бу қарорга келган диндорлар сешанба куни Рамазон ҳайитини нишонлаган хориж мамлакатларидаги ватандошлари билан маслаҳатлашган.

Абдуллоҳга кўра, кейинги йилларда Ўзбекистонда Рамазон ҳайитининг белгиланиши қўшни ва дунёдаги мусулмон давлатлар билан муттасил фарқ қилаётгани боис¸ ўзбекистонлик диндорларнинг кўпчилиги бу борада Ўзбекистон Мусулмонлари идораси ва муфтийсига эмас, балки хориждаги мусулмонлар фатвосига қараб иш кўрмоқда.

Бундай мусулмонларнинг сони йилдан-йилга ортиб бораётганини кузатган Абдуллоҳ ҳам бу йил ҳали бошқа ҳамюртлари рўза тутаётган 30 август куни оғиз очишга қарор қилган.

Абдуллоҳга кўра, Ўзбекистонда мусулмонларнинг ҳар қандай жамоатидан қўрққан ҳукуматнинг қаттиқ назорати боис Рамазон ҳайити бобида Ўзбекистон муфтийси Шайх Усмонхон Алимов эмас, балки хориждаги мусулмон давлатлари муфтийлари фатвосига бўйсунаётган ўзбекистонлик диндорлар бу ҳаракатини қаттиқ сир сақлашга уринмоқдалар.

- Бизда Қашқадарëнинг битта жойи бор экан. Ойнинг чиққани дарҳол кўринар экан. Қани, бизда ҳам олимлар тўпланиб, шайх ҳазратлари шогирдларини ўша ëққа чиқариб, “шуни аниқла”, деса бўладию. Худди Саудияда кеча кечки пайт кўринган бўлса, бизда ҳам шу пайт кўринар экан. Шунақа жой бор экан Қашқадарëда. Islom.uz сайтида шайх ҳазратлари айтган эканлар буни.

Кейин мен биродарлардан сўрадим. Мен рўзаман, дедим. Улар “очгин” дейишди. Улар мадиналик. Интернетда гаплашдимда улар билан. “Бизларда шунақа. Ҳали фатво бўлмади” десам, “Билиб турган ҳолда амирга итоат қилинмайди. Сенинг хабаринг бор бугун очилганидан. Қанақа қилиб амирга итоат қиласан амирнинг ўзи тўғридан-тўғри фатво бермаëтган бўлса”, дейишди.

Мана мисол учун ҳозир билган-билмаган тутиб юрибди. Оллоҳнинг ўзи кечирсин. Лекин бизда ҳам рўзасини очганлар, вазиятга қараб иш кўраëтганлар жуда ҳам кўп, мўмин биродарлар бор.

Озодлик: Сиз шунақа рўзасини очганлардан нечтасини биласиз?

- Кўпчиликни билдим мен бугун.

Озодлик: Демак, улар ҳеч кимга айтмасдан рўзасини очиб юборди, лекин Ҳайит намозига бормади-а? Ҳайит намозига эртага борасизлар?

- Шунақа биродарлар ҳам борки, тўпланиб бугун Ҳайит намозини ўқиганлар ҳам бўлди.

Озодлик: Қаерда? Уйида, бирор хос жойдами?

- Хонадонларда.

Озодлик: Лекин сиз яшаб турган мамлакатда бугун ҳайит, деган фатво бўлмади. Фатвога кўра, ҳайит эртага. Ўша фатвога бўйсуниб қўя қолинса бўлмайдими?

- Йўқ, бўлмас эканда. Сизнинг хабарингиз бор, билиб турибсизда, яна қанақа қилиб итоат қиласиз. Амирга кўр-кўрона эргашилмайди. Бу ҳолатда эргашилмайди.

Озодлик: Кўп йиллардан бери шунақа фарқли бўлиб қолаяптику Рамазон ҳайити. Аввалги йиллар ҳам шунақа қилармиди мусулмонлар бирлашиб?

- Беш-олти йилдан бери мана шунақа фитна бўлаяпти рўза кунларида. Охири шу Саудиянинг ҳолатига қараб иш қиладиган бўлиб қолдик. Мадинадаги биродарлар нима қилишса, бу ердаям шу. Уже ишонч қолмадида. Кимга итоат қиласиз бунақа ерда?

Озодлик: Демак, ўзингиз мустақил равишда Мадинага боғланиб, улар билан гаплашиб иш кўраяпсиз?

- Албатта. Бунақалар жуда ҳам кўп. Шайхга ҳеч ким шундоқлигича эргашиб кетаëтгани йўқ. Бу ерда Дубай, Россия билан боғланиб турган биродарлар бор. Ҳамма бир-бири билан алоқада бу ерда. Ўзбекистонда эртага бўлгани билан ҳамма шу ҳукмга эргашиб кетаëтгани йўқ.

Элликка эллик. 50 фоиз мўминлар текшириб, “қолиб кетмай Ҳайит намозидан”, деб ҳаммасидан хабардор бўлиб турган биродарлар бор Ўзбекистонда, - дейди Ўзбекистонда расман Рамазон ойининг сўнгги куни сифатида эълон қилинган 30 август куни рўзани тўхтатиб¸ Рамазон Ҳайитини нишонлаган тошкентлик тақводор Абдуллоҳ.
ozodlik.org

Date: Shanba, 03-Sen-2011, 00:20 | Message # 119

Peshqadam

Group: Ishonchli

Messages: 4071

Status:

Turkiya Isroil elchisini haydab, harbiy hamkorlikni to'xtatdi

Diplomatik mojaro o’tgan yilgi qonli voqealar bilan bog’liq. Isroil armiyasi o’shanda G’azo sektoriga yo’nalgan gumanitar karvonga hujum qilib, 10 kishini o’ldirgan edi, aksariyati turklar.

“Nyu-York Tayms” gazetasi ushbu hodisa yuzasidan Birlashgan Millatlar Tashkiloti olib borgan tekshiruv natijalarini kecha internetda chop etdi. Unda yozilishicha, G’azo blokadasi qonuniy, ammo sektor ahliga yordam eltayotgan kemani to’xtatish uchun Isroil armiyasi “haddan ziyod” kuch qo’llagan.

“Natijada begunoh odamlarning qoni to’kildi. Yahudiy davlati haligacha qoniqarli bir tushuntirish bermagan”, - deyiladi BMT hisobotida.

Hujjatning to’liq matni bugun ommaga havola etiladi. Xalqaro hay’atning ilk xulosalari Turkiya qo’yayotgan talablar bilan hamohang, ya’ni tavsiya shuki, Isroil rasman kechirim so’rab, o’lganlar oilasiga kompensatsiya to’lashi kerak.

Fojia tafsilotlari aks etgan maxfiy hisobot internetda paydo bo’lishi bilan, Isroil elchisi Anqaradan chiqarib yuborilgan. Turkiya elchisi ham vatanga qaytdi.

Turkiya Bosh vaziri Rajab Toyib Erdog’anning ogohlantirishicha, Isroil kechirim so’rashdan bosh tortayotgani munosabatlarni yanada chigallashtiradi.

Shu paytgacha, janjal diplomatik yo’llar bilan hal etiladi degan umid bor edi. Xalqaro hisobot shu maqsadda bir necha bor kechiktirilgan ham.

Siyosiy tahlilchi Soli Ozel so’zlariga ko’ra, murosa uchun berilgan muhlat o’tdi hisob.

“Turkiya sanksiyalarni ishga solishi, Falastin davlatini tan olishga da’vat etishi mumkin. Bundan tashqari, Isroil harbiylari va hukumati ustidan xalqaro sudga shikoyat ham ehtimoldan xoli emas”, - deydi u.

Qo’shma Shtatlar sobiq ittifoqchilarni yarashtirishga ko’p harakat qildi. Ammo tomonlarni murosaga ko’ndira olgani yo’q.

Xalqaro sharhlovchi Semih Idiz izohicha, Yaqin Sharqda bugun siyosiy manzara tamoman o’zgargan, Turkiya mintaqada kattaroq nufuzga ega ekani sir emas.

“Vashingtonning vositachi sifatidagi faolligi ham shundan dalolat beradi”, - deydi u.

Aloqalar sovigani bilan, Turkiya-Isroil o’rtasida savdo hajmi tobora kengayib borayotgani kuzatiladi. Bugungi kunda qariyb uch milliard dollarga teng.

Iqtisodiy sanksiyalardan hech bir davlat manfaatdor emas, deya qayd etadi mutaxassislar.