|
Olamda nimagap!
|
|
| OSIYO | Date: Dushanba, 11/06/27, 8:40:55 AM | Message # 46 |
 Peshqadam
Group: Ishonchli
Messages: 7146
Status:  | 
Халқаро Жиноят Маҳкамаси Ливия раҳбарини ҳибсга олишга буйруқ берди
Ливиялик исёнкорлар пойтахт Триполига яқинлашиб келишаркан, Уруш Жиноятлари бўйича халқаро маҳкама мамлакат раҳбари полковник Муаммар Қаддофийни ҳибсга олишга ордер берди.
Халқаро маҳкама Муаммар Қаддофийни инсониятга қарши жиноят содир этиш ва феврал ойи ўрталарида бошланган оммавий норозиликлар ортидан оддий аҳолига ўт очишга буйруқ беришда айблаган.
Маҳкама Ливия раҳбарининг ўғли Сайф ул-Ислом ва Жосуслик хизмати раҳбари Абдуллоҳ Сенуссийларни ҳам ҳибсга олишга руҳсат берган.
Ливиядаги можароларда минглаб кишиларнинг ҳалок бўлганликлари ишонилади.
Халқаро маҳкама ҳакамининг айтишича, Ливияда фуқароларнинг таъқиб этилиши ва ўлдирилишида учовлоннинг "бевосита ижрочилар сифатида жиноий масъул" эканликларига ишониш учун етарлича асослари бордир.
Шу йил май ойида маҳкама Бош қораловчиси Луис Морено-Окампо Ливия фуқароларига қарши кенг тус олган ва изчил равишда олиб борилаётган ҳужумларда айбдор эканликларини айтиб, уларни ҳибсга олишга рухсат беришни сўраганди.
Унинг айтишича, полковник Қаддофийнинг қуролсиз аҳолини ҳужумга тутишга шахсан буйруқ бергани ва сиёсий мухолифларининг ҳибсга олиниб, қийноққа тутилишлари ортида турганига оид далилларга эгалар.
Ливиялик масъуллар аввалроқ Уруш жиноятлари бўйича халқаро маҳкамани тан олмасликлари ва ҳибсга олишга оид буйруқдан чўчимасликларини айтишганди.
Халқаро маҳкаманинг сўнгги қарори Британия Ташқи ишлар вазири Вильям Ҳейг томонидан хуш қаршиланган.
Жаноб Ҳейг Ливия ҳукуматидагиларни полковник Қаддофийдан воз кечиш ва "ёвузликлар"га масъул бўлган шахслар албатта жавобгарликка тортилишлари шарт эканини айтган.
Жанглар
Исёнкор кучларнинг Триполига кириб келишларига эса, 80 чақиримча қолган.
Улар ҳозир Триполи яқинидаги стратегик жиҳатдан муҳим жанубий-ғарбий Бир ал-Ғанам шаҳрида Ливия раҳбарига мойил кучлар билан қақшатқич жанглар олиб боришмоқда.
Исёнкорларнинг Би-би-сига берган суҳбатларидан аён бўлишича, улар Триполига кириб боришмоқчи.
Маҳкама Бош қораловчиси Ливия раҳбарининг ўғли Сайф ул-Ислом ва Жосуслик хизмати раҳбари Абдуллоҳ Сенуссийларни ҳам қўлга олишга рухсат сўрамоқда.
Улар Ливия ҳукумати мухолифларига нисбатан инсониятга қарши жиноятлар содир этишда айбланишмоқда.
Душанба куни халқаро иттифоқ кучларининг Ливияга қаратилган ҳарбий амалиётларининг бошланганига 100 кун бўлади.
Ливиялик исёнкорлар улар уюштираётган ҳаво ҳужумларидан ҳануз унумли фойдаланишолмаяпти.
Ливия ахборот воситаларига кўра, ўтган тунда ҳам Триполи ҳаводан ҳужумга тутилган.
Жиддийгина ютуқ
Жорий пайтда исёнкорлар Ливия шарқини ва Нафуса тоғлари дохил айрим ғарбий минтақаларини ўз назоратлари остида тутиб туришибди.
Миллий Муваққат Кенгаш воизининг айтишича, ҳозир асосий эътиборларини Бир ал-Ғанам шаҳрига қаратишмоқда.
Жума ал-Гаматий жанобларига кўра, Бир ал-Ғанам Триполининг ғарбий дарвозаси саналган Завия шаҳридан бор-йўғи 30 чақиримча узоқда жойлашгани билан муҳим.
Исёнкорлар ўтган март ойида Завияни қўлга киритишган, аммо ҳукумат кучлари уларни сиқиб чиқаришнинг уддасидан чиқишганди.
Шаҳар учун жанглар ҳозирга келиб яна бошланиб кетган.
Тўқнашувларда икки исёнкорнинг қурбон бўлгани айтилади. Улар ҳукумат кучлари ўзларидан кўра ҳам кўпроқ талофатга учраганликларини даъво қилишади. Аммо буни мустақил манбалардан тасдиқлашнинг иложи йўқ.
Ливия ҳукумати эса, кеча якшанба куни полковник Қаддофийнинг қудратда қолиш-қолмаслиги юзасидан овоз бериш таклифини яна бир бор илгари сурган.
Бир қанча тинч фуқаронинг ўлими билан якунланган 19 июндаги НАТО ҳаво ҳужумлари ортидан, Италия ҳам Ливия можаросига сиёсий ечим топишга ундаб чиққанди.
Преторияда учрашаётган Африка раҳбариларига кўра эса, полковний Қаддофий Ливия инқирозини ечишга қаратилган музокаралардан четда туришга рози бўлган.
|
| |
|
|
| OSIYO | Date: Chorshanba, 11/06/29, 6:42:09 AM | Message # 47 |
|
Peshqadam
Group: Ishonchli
Messages: 7146
Status: | Грецияда намойишчилар ва полиция тўқнашди
29.06.2011
Греция пойтахти Афинада парламент томон кетаётган намойишчилар ва полиция ўртасида тўқнашувлар рўй берди.
Греция парламенти аъзолари бугун бюджет ҳаражатларини қисқартиришни назарда тутган ҳукумат дастурини муҳокама қилмоқда.
Ҳужжат қабул қилиниши учун 300 ўринли парламент депутатларининг камила 151 нафари уни ёқлаб овоз бериши керак.
Халқаро валюта жамғармаси ва Европа Иттифоқи Грецияни иқтисодий банкрот бўлишдан қутқариб қолиш учун 110 миллиард евро ажратишдан олдин Афина ҳукуматида бюджет ҳаражатларини 28 миллиард еврога қисқартиришни шарт қилиб қўйган.
Пайшанба куни Греция парламентида сарф ҳаражатлар қандай қисқартирилиши бўйича ишлаб чиқилган қонун лойиҳаси муҳокама қилинади.
Ҳукумат чораларига норозилик тариқасида сешанба куни Грециядаги касаба уюшмалар 48 соатлик иш ташлаш эълон қилган.
|
| |
|
|
| OSIYO | Date: Chorshanba, 11/06/29, 6:44:03 AM | Message # 48 |
|
Peshqadam
Group: Ishonchli
Messages: 7146
Status: | Қоҳирада тўқнашувлар иккинчи кун давом этмоқда
Egypt -- Demonstrators throw stones at the security during clashes close to the interior ministry in Cairo, 29Jun2011
29.06.2011
Қоҳирада Миср хавфсизлик кучлари ва намойишчилар ўртасида иккинчи кун тўқнашувлар юз берди.
Ички ишлар вазирлиги биноси атрофига жойлаштирилган полиция кучлари намойишчиларни яқинлаштирмаслик учун уларга қарши кўздан ёш оқизувчи газ қўллади.
Бунга жавобан намойишчилар полиция ходимларига тош ва ёқилғи тўлдирилган шишалар ("Молотов коктейли") отди.
29 июн кунги тўқнашув кўлами бир кун олдингисидан кичик бўлди.
Собиқ ҳукумат амалдорларини жавобгарликка тортишни тезлаштиришни талаб қилиб сешанба куни намойишга чиққан юзлаб ёшлар ва полиция ўртасида содир бўлган тўқнашувда ўнлаб одам жароҳатланди.
|
| |
|
|
| OSIYO | Date: Payshanba, 11/06/30, 6:05:24 AM | Message # 49 |
|
Peshqadam
Group: Ishonchli
Messages: 7146
Status: | Греция парламенти ёнида норозилар ва полиция тўқнашди
30.06.2011
Бугун тонгдан Греция парламенти биноси ёнида норозилар ва полиция ўртасида тўқнашув бўлди.
Аҳоли вакиллари бюжетнинг кескин қисқартирилишига ҳануз қаттиқ норозилик билдирмоқда.
Кеча бюжетни 28 миллиард еврога қисқартириш тўғрисидаги ҳужжат биринчи бор овозга қўйилганда, уни ёқлаб 155 та овоз берилган ва дастур биринчи босқичда маъқулланган эди.
Энди эса дастур иккинчи ва сўнгги бор овозга қўйилиши кутилмоқда ва аксарият кўпчиликнинг тахминича, у қабул қилиниши мумкин.
Европа Иттифоқи грек парламентининг бу ҳатти-ҳаракатларини олқишлади.
|
| |
|
|
| OSIYO | Date: Juma, 11/07/01, 9:56:53 AM | Message # 50 |
|
Peshqadam
Group: Ishonchli
Messages: 7146
Status: | Париж суди Лола Каримовани "диктаторнинг қизи", деб тан олди
1 июл куни Париж Олий суди Ўзбекистон Президенти Ислом Каримовнинг кенжа қизи Лола Каримова-Тиллаеванинг Rue89 нашри устидан берган шикоят аризасини қондирмади. Суд ҳукмига кўра, президентнинг қизи ва Ўзбекистоннинг ЮНЕСКОдаги вакилини "диктаторнинг қизи", Ўзбекистон президентини "диктатор", деб атаган француз журналисти Огустен Скалберт ўз мақолаларида билдирган фикрлар ҳақиқат деб тан олинди.
Ўз мақолаларида Каримовни "диктатор", Лола Каримовани "диктаторнинг қизи" деб атаган француз журналисти Огустен Скалберт Озодлик радиосига Париж Олий судида Лола Каримова-Тиллаева "устидан ғалаба қилганини" маълум қилди.
- Биз ютиб чиқдик. Лола Каримованинг тухмат ҳақидаги даъволари Париж суди томонидан рад қилинди. Бу қандайдир ғайиродатий ҳол эмас, чунки француз адлия суди матбуот эркинлигини ҳурмат қилиши маълум. Шунинг учун ҳукм биз кутгандек бўлди, деди Озодликка суд залидан энди чиққан Скалберт.
Париж Олий судининг ҳукми амалда "Лола Каримова дикаторнинг қизи" эканини эътироф этади, дейди журналист.
- Мен ҳозирча ҳукмнинг тафсилотларини билмайман, лекин биз ютиб чиққанимиздан мен ўз мақолаларимда ёзган гаплар ҳақиқатни акс эттиришини суд тан олишини англатади, дейди Rue89 Интернет нашри журналисти Скалберт.
Лола Каримова-Тиллаеванинг аризаси 19 май куни Париж Олий судида кўриб чиқила бошлади ва икки кунлик эшитувлардан кейин 1 июлда ҳукм ўқилиши айтилган эди.
Лола Каримова-Тиллаева француз зодагонлари билан базми-жамшидларни уюштиришни хуш кўради.
Каримова хоним Франциядаги мустақил журналистларнинг энг йирик ва энг машҳур Интернет нашри ҳисобланмиш Rue89 интернет газетасини туҳмат маълумот тарқатиш орқали ўз обрўсига путур еткизганликда айбламоқда ва ўзига еткизилган маънавий зиëнни қоплаш учун нашрдан 30 минг евро талаб қилаётган эди.
Энди ишни ютқазиб қўйган Лола Каримованинг ўзи Rue89 нашрига суд ҳаражатларини қоплаб беришга мажбур бўлиши мумкин.
Шикоят аризасига Rue89 нашри мухбири Огустен Скалбертнинг Францияда Лола Каримова ўтказган хайрия кечалари ҳақида ëзган мақолалари асос бўлган.
Бу мақолаларда француз журналисти Лола Каримованинг Ғарб, хусусан француз зодагонлари, кино ва санъат юлдузлари иштирокида ҳашаматли зиëфатлар ва хайрия кечалари уюштириш орқали ўз отаси – “диктатор Ислом Каримов” ҳукмронлиги остидаги Ўзбекистоннинг халқаро имиджини бўяб кўрсатишга уринаëтгани ҳақида ëзган эди.
Мақолалар муаллифи Огустен Скалбертнинг Озодлик билан суҳбатда, Лола Каримова даъвосига бундай муносабат билдирган эди.
Суд бошлангандан бери Newsweek ва CBSNews ҳам Каримовани "диктатор" деб атади.
- Каримовнинг диктатор экани аниқ факт. Қонун бўйича биз буни исботлашимиз керак, бу эса бизга жуда осон. Олти йил аввал Андижонда оммавий қирғин бўлди, ҳукумат мухолифлари ўзбек қамоқхоналарига ташланди, қийноққа солинди. Шундай экан унинг диктатор эканини исботлаш қийин эмас,- деган эди Огустен Скалберт.
Лола Каримова-Тиллаева ва Rue89 нашри ўртасида суд тортишувлари бошлангандан бери президент Каримовни Америкада чиқадиган Newsweek журнали ва CBSNews медиа-ширкати энг мустабид диктаторлар рейтингига қўшди.
|
| |
|
|
| OSIYO | Date: Yakshanba, 11/07/03, 7:43:56 AM | Message # 51 |
|
Peshqadam
Group: Ishonchli
Messages: 7146
Status: | Кобулдаги портлашда полиция ходимлари яраланди
Афғонистон пойтахти Кобулда рўй берган портлашда полициянинг уч ходими яраланди.
Маҳаллий расмийларга кўра, портлаш парламент биноси яқинидаги полиция постида содир этилган.
Воқеа юзасидан текширув олиб борилмоқда.
Ўтган ҳафда Кобулдаги Интерконтинентал меҳмонхонасига жанггарилар ҳужум қилгани оқибатида 10дан ортиқ одам нобуд бўлган эди.
|
| |
|
|
| OSIYO | Date: Dushanba, 11/07/04, 0:27:47 AM | Message # 52 |
|
Peshqadam
Group: Ishonchli
Messages: 7146
Status: |
Минскда мухолифатчилар ҳибсга олинди
04.07.2011
Беларус полицияси президент Александр Лукашенка нутқ сўзлаётганда қарсак чалиб, унга ҳалақит беришга уринган мухолифат фаолларини ҳибсга олди.
Лукашенка 1944 йилда нацист Германияси истилоси тугатилган кунда нишонланадиган Мустақилиллик куни муносабати билан чиқиш қилаётган эди. Хабарларга кўра, маросим бошланишидан аввал бир неча киши полиция томонидан потенциал мухолифатчи дея олиб кетилган.
Беларус расмийлари миллий байрам куни норозиликларнинг олдини олиш уриниши ўлароқ, Интернетдаги ижтимоий тармоқ сайтларини ҳам тўсиб қўйди.
Озодлик мухбирларининг хабар қилишича, мухолифат намойиши ўтказилиши режалаштирилган Минск марказий вокзалига кўплаб полиция кучлари ташланган. Полиция кўз ёши чиқарувчи газ сепиб, одамларни ҳибсга олган.
|
| |
|
|
| DURDON | Date: Dushanba, 11/07/04, 2:17:49 AM | Message # 53 |
 SUPER ADMINKA
Group: Admin yordamchisi
Messages: 10149
Status: | АҚШ мулозими Тожикистондаги вазиятдан ташвишда
Халқаро диний эркинликлар бўйича АҚШ комиссияси раиси Леонард Лео ўз ҳукуматини Тожикистон Президенти Имомали Раҳмонга босим ўтказишга чақирди.
Гап шундаки, 15 июн куни Тожикистон парлaменти ”Фарзандлар тарбиясида ота-оналарнинг масъулияти тўғрисида”ги қонун лойиҳасини тасдиқлаган.
АҚШ расмийсига кўра, агар Имомали Раҳмон мазкур ҳужжатга имзо чекса, у ҳолда 18 ёшгача бўлган миллионлаб тожикистонликларнинг диний эркинлиги чекланади.
Халқаро диний эркинликлар бўйича АҚШ комиссияси раиси Леонард Лео Тожикистонда шундай бир қонуннинг қабул қилиниши билан рози бўла олмаслигини таъкидлаган. Чунки, АҚШ расмийсига кўра, мазкур ҳужжат айрим бандлари билан Тожикистонда шусиз ҳам чекланган диний эркинликни янада торроқ доирага солиб қўяди.
Халқаро диний эркинликлар бўйича АҚШ комиссияси расмийси янги қонуннинг 18-бандига эътиборни қаратиб, “Бу модда болаларнинг дафн маросимларида қатнашишларига йўл қўймас экан, Тожикистондаги диний эътиқод эркинлиги билан боғлиқ вазиятни аянчли аҳволга солиб қўяди”, дея таъкидлаган.
Шу нуқтаи назардан, АҚШ комиссияси раиси Леонард Лео Америка ҳукуматига мурожаат қилиб, президент Имомали Раҳмоннинг ана шу ҳужжатга имзо чекмаслиги учун босим ўтказишга чақирган.
Айни пайтда Халқаро диний эркинликлар бўйича АҚШ комиссияси масъули баёнотига муносабат билдирган Тожикистон парламенти қуйи палатаси раиси Шукуржон Зуҳуров Тожикистон мустақил давлат сифатида ҳар бир масала юзасидан ўзи мустақил тарзда қарор қабул қилишга ҳақлилигини таъкидлади.
Айни фикрларни қувватлаган тожикистонлик бошқа мулозим Мавлон Мухторов ҳали президент томонидан имзоланмаган ҳужжат атрофида ваҳима кўтариш халқаро одоб доирасидан ташқарида эканини айтади.
- Мазкур қонун давлатимизнинг ички масаласи. Нега бошқалар бизнинг ички сиёсатимизга бурнини тиқиши керак? Давлатимиз, парламентимиз мустақил бўлиб, улар ўз ҳолича истаган қонунни қабул қилиш ҳуқуқига эга, - дейди Тожикистон президенти ҳузуридаги Дин ишлари бўйича қўмита расмийси Мавлон Мухторов.
Шу ўринда айтиб ўтсак, Тожикистон парламенти вакиллари томонидан қабул қилинган янги қонун умумхалқ муҳокамасидан ўтган эди. Аммо икки ой давом этган баҳсларда қонундаги бандлар барчага баравар маъқул келди, деб бўлмайди.
Аксарият дин уламолари ва оддий фуқароларни ташвишга солган нарса бу 18 ёшгача бўлган болаларнинг масжидда намоз ўқишлари, диний таълим олишлари ва диний маросимларда қатнашишлари қонун доирасида таъқиқлаб қўйилгани бўлди.
Бироқ қонун муҳокамасида қатнашган тожик депутати Марҳабо Жабборова қонуннинг бу банди аксинча ёшлар фойдасига хизмат қилишини таъкидлайди.
- Агар гап фарзандларимизнинг 18 ёшгача масжидга боришлари таъқиқланиши борасида кетаётган бўлса, бу фақат улар фойдасини ўйлаб қилинган иш. Давлатимиз келажаги бўлган ёшларимиз масжидга бориш ўрнига дунёвий билим олиш, касбу ҳунар ўрганиш фикрида бўлишлари лозим, - дейди парламент қуйи палатаси депутати Жабборова хоним.
Бироқ тожикистонлик ёшларнинг кўпчилиги парламент вакиласи фикрларига қўшила олмасликларини айтади. Улардан бири Абдужалил Омонов мулоҳазасича, Тожикистон келажаги саналган муҳим қатлам, яъни ёшлар ўз мазҳаби ва маданиятини ўрганишдан маҳрум этилмаслиги лозим.
- 18 ёшгача бўлган ёшларга диний таълим олиш, диний маросимларда қатнашишни таъқиқлар экан, биз қандай қилиб ўтмишимизни тиклайлик, динимиз ва мазҳабимиз тарихини қандай қилиб ўрганайлик? Ёшлар давлат келажаги экан, уларга энг аввало эркинлик берилиши керак, -дейди тожикистонлик ёшлардан бири Абдужалил Омонов.
Эслатсак, ўтган ҳафтада АҚШнинг ЕХҲТ қошидаги сиёсий масалалар бўйича доимий маслаҳатчиси Патрик Коннелл ҳам Тожикистонда кучга кириши кутилаётган мазкур ҳужжат юзасидан ташвиш билдирган эди.
“Ҳукуматнинг диний эркинликларни систематик равишда бузиши бу мамлакатни дин эркинлиги билан боғлиқ вазият ташвишланарли бўлган мамлакатлар рўйхатига тушириб қўяди” дея мулоҳаза билдирганди АҚШ вакили Патрик Коннелл.
Тожикистоннинг ЕХҲТдаги вакили Нуриддин Шамсов эса: “Янги қабул қилинган қонун аксинча ёшларни жамиятдаги радикаллашув тенденциясидан ҳимоя қилади”, деган эди Коннелл жанобларига жавобан.
|
| |
|
|
| OSIYO | Date: Dushanba, 11/07/04, 4:38:21 AM | Message # 54 |
|
Peshqadam
Group: Ishonchli
Messages: 7146
Status: | Килюнен Қирғизистонга келиши мумкин
04.07.2011
Қирғиз парламенти спикери Ахматбек Келдибеков бу масалани депутатлар муҳокамасига олиб чиқмоқчи.
Спикер Келдибеков Ўш воқеаларини ўрганган халқаро комиссия раҳбари Киммо Килюненнинг Қирғизистонга келишига рухсат бериш масаласи парламент мажлисида кўрилишини 2 июл куни Бишкекда ўтказилган матбуот анжуманида билдирди.
Эслатиб ўтамиз, Киммо Килюнен бошчилигидаги халқаро комиссия шу йил май ойида эълон қилган ўз хулосасида Қирғизистон жанубида инсониятга қарши жиноятлар содир этилганини қайд этганди. Бу хулосадан норози бўлган қирғиз депутатлари 26 май куни комиссия раиси Киммо Килюненнинг Қирғизистонга киришини маън қилувчи қарор қабул қилгандилар.
Мазкур қарор қабул қилинишидан аввал сўзга чиққан қирғиз депутатлари халқаро комиссия раҳбари Киммо Килюненни нохолисликда айблашган, депутат Қанибек Иманалиев эса ҳатто: “Киммо Килюнен халқаро комиссия ҳисоботида қирғизларни ваҳший қилиб кўрсатиш учун ўзбеклардан катта миқдорда пора олган, Киммо Килюнен ўз мамлакатида жуда катта коррупционер сифатида шуҳрат қозонган”, дея иддао қилганди.
Ўш қирғинини ўрганиш бўйича халқаро комиссия раиси Киммо Килюнен эса бу иддаоларни рад этиб, қирғиз депутатлари ҳаракатларини қалтис ҳазил ўлароқ қабул қилганини айтганди.
- Бу гапларнинг бирортаси ҳам ҳақиқатга тўғри келмайди. Мен ҳисобот учун Ўзбекистондан ҳам, бошқалардан ҳам пора олган эмасман, - деганди Киммо Килюнен.
Қирғизистон президент Роза Ўтунбаева ҳам 17 июн куни Бишкекда ўтган Халқ қурултойида Киммо Килюнен ҳимоясига чиқиб, “мен халқаро комиссия раҳбарига нисбатан парламент томонидан қабул қилинган қарордан чуқур афсусдаман ва бу қарор қайта кўриб чиқилишига умид қиламан”, деганди.
Аснода, Спикер Келдибековнинг айтишича, яқинда Финляндияга сафар қилган айрим қирғиз депутатлари Киммо Килюнен билан учрашган.
- Учрашув комиссия раҳбари ташаббусига кўра бўлиб ўтган. У Қирғизистон жанубидаги воқеалар юзасидан ўз хулосаларида хатоларга йўл қўйган бўлиши мумкинлигини тан олган ва албатта хориждан келиб, икки ой ичида ҳаммасини текшириб чиқиш мумкин эмаслигини айтган. У Қирғизистонга келиб, депутатлар билан учрашишни истайди. Мен парламентга шундай таклиф киритаман. Агар у истаётган бўлса, марҳамат қилиб изоҳ берсин, - дея таъкидлади спикер Келдибеков.
Бироқ Ўш воқеаларини ўрганган халқаро комиссиянинг ўтган ҳафта Қирғизистон президенти Роза Ўтунбаевага ёзган мактубига ишонадиган бўлсак, мазкур комиссия вакиллари ўзларининг аввалги хулосаларида қатъий турибдилар. Халқаро комиссиянинг барча аъзолари имзо чеккан мактубда қирғиз депутатларининг комиссия хулосаси бўйича айбловлари асоссизлиги айтилади ва қирғиз депутатлари зудлик билан зарур ислоҳотлар ўтказиш ўрнига бекорчи гап-сўзлар билан машғул бўлаётганига ишора қилинади.
|
| |
|
|
| OSIYO | Date: Dushanba, 11/07/04, 10:47:27 AM | Message # 55 |
|
Peshqadam
Group: Ishonchli
Messages: 7146
Status: | Россиядаги ўзбек қочқини яна ҳибсга олинди
Россия полицияси Ўзбекистонда диний эътиқоди учун таъқибга учраган Азамат Эрмаковни иккинчи бор ҳибсга олди.
2011 йилнинг 1 июлида Россиянинг Нижний Новгород шаҳрида ўзбекистонлик қочқин Азаматжон Эрмаков яна бир маротаба қўлга олинди.
У жорий йилнинг 13 майида Ўзбекистон расмий доираларининг экстрадиция сўрови билан ушланган ва 18 ойлик қамоқ муддатини ўтагач¸ халқаро босим остида маҳаллий тергов изоляторидан чиқариб юборилган эди.
Асли андижонлик Азаматжон Эрмаковнинг ўз адвокати Юрий Сидоровга айтишича¸ Нижний Новгороднинг Канавин тумани 2-полиция бўлимида аввалига қўлига граната ташлаб қўйишган, кейин эса портловчи моддани ноқонуний сақлаганликда айбланиб ҳибсга олингани ҳақида билдиришнома тутқазишган.
Эрмаковнинг сўзларига кўра, у шаҳардан бир неча километр наридаги посёлкада қурилишда ишлаган ва ишга кетаётиб фуқаролик кийимидаги полиция ходимлари томонидан ҳибсга олинган.
Адвокатнинг таъкидлашича¸ Азаматжонни полиция бўлимига олиб кириб, орқага кишанланган қўлига нимадир тутқазишган. Кейинчалик экспертиза бу буюмнинг жанговар граната эканлигини тасдиқлаган.
Полиция ходимлари Эрмаковнинг паспорти ва уяли телефонини мусодара қилган¸ ҳимоячи билан боғланишга имкон бермасдан жиноят содир этганликда гумонланаётганлиги тўғрисида билдиришнома беришган.
Бир ярим йилдан буён Азаматжон Эрмаков ҳимояси билан шуғулланаëтган Юрий Сидоровнинг овозини ёзиб олмаслик шарти билан Озодликка билдиришича, Канавин тумани 2-полиция бўлими тергов бўлими бошлиғи Наталья Доронина ўзига кечки соат 9 да телефон қилган ва ҳибсга олинган Эрмаков билан фақат душанба куни учрашиш мумкинлигини айтган.
”Душанба кунгача эса Эрмаков “паспортсизликда”айбланиб вақтинчалик ҳибсда сақланишини маълум қилишди. Ваҳоланки милиция бўлимида ундан паспорти ва қўл телефони мусодара қилинган”,- дейди Эрмаковнинг адвокати Юрий Сидоров.
Ҳибсга олинган Ўзбекистон фуқароси Азаматжон Эрмаковнинг кейинги тақдирига оид тафсилотларни ўрганиш мақсадида Озодлик мухбири Канавин тумани 2-полиция бўлими тергов бўлими бошлиғи Наталья Доронинага мурожаат қилди.
- Бу одамга нисбатан ҳибсда сақлаб туриш чораси қўлланилмоқда. Президент бўлсангиз ҳам бошқа маълумот бермайман. Бас!- дея жавоб берди Озодлик саволига негадир жаҳл билан терговчи Наталья Доронина.
Воқеалар ривожини ўрганиш жараëнида адвокат Сидоров Азаматжон Эрмаковнинг ҳозирда вилоят махсус изоляторига олиб кетилгани ва 4 июл куни маҳаллий суд унга ҳибсда сақлаш чорасини қўллаганини билдирди.
Азамат Эрмаков ишини кузатиб бораётган Москвадаги “Бошпана ҳуқуқи” лойиҳаси раҳбари Елена Рябинина махфий хизматлар Россиядаги қочқинларга қарши янги кураш усулини ишлаб чиқди, деган фикрда.
- Нима учун бу янги “усул” ёрдамида айнан унга гранатани солиб қўйишди? Мақсадлари¸ аввалига жиддий қўрқитиб, хоҳлаган ҳужжатга имзо чекдириш. Менимча, бу рус тилини умуман билмайдиган Эрмаковнинг Ўзбекистонга экстрадиция қилинишига розилиги ёки Страсбург қароридан воз кечиши ҳақидаги ҳужжат бўлиши мумкин. Ахир Азамат Ўзбекистон идоралари сўрови билан Нижний Новгород тергов изоляторида 18 ой ўтириб¸ 13 май куни озод этилган. Унинг озод қилиниши Страсбург судининг босими остида амалга ошди, дейди ҳуқуқ фаоли.
Рябининанинг Озодлик мухбирига билдиришича, Ўзбекистонда Азаматжон Эрмаковга кенг урф бўлган жиноятлар, яъни 159 (Конституциявий тузумга тажовуз қилиш), 242 (Жиноий гуруҳ ташкил этиш), 244/1 (Жамоат хавфсизлигига таҳдид солувчи материалларни тайёрлаш ва тарқатиш), 244/2 (Диний экстремистик, айирмачилик, фундаменталистлик ва бошқа таъқиқланган ташкилотларни ташкил этиш, раҳбарлик қилиш ҳамда аъзо бўлиш) каби моддалар асосида айблов эълон қилинган.
2010 йилнинг 22 сентябрида Россия Бош прокуратураси Нижний Новгород судининг қочқинлик мақомини олиш арафасида турган Эрмаковни Ўзбекистонга экстрадиция қилиш тўғрисидаги қарорини маъқуллаган. Аммо ўша куни Европа суди Эрмаковнинг экстрадициясини тўхтатиш тўғрисида ўз йўриқномасини эълон қилган, дейди Елена Рябинина.
- Эрмаков шу ҳолатдаги сўнгги “могиканлардан” бири, чунки Олий Суд бу каби қолган ишлар юзасидан қўйи суд инстанцияларининг экстрадиция қилиш тўғрисидаги қарорларини бекор қилмоқда. Ҳатто қуйи судлар ҳам Ўзбекистоннинг бу каби сўровларига рад жавобини бераётганига гувоҳ бўлаяпмиз, дейди Москвадаги “Бошпана ҳуқуқи” лойиҳаси раҳбари Елена Рябинина.
Елена Рябинина бугунга келиб Россияда ўзбекистонлик қочқинлар ишлари юзасидан экстрадиция тўхтатилаётган бўлишига қарамасдан, Россия кучишлатар доиралари изчиллик билан уларни яна қамоққа жойлаштиришга уринаётганини айтади.
30 июн куни Страсбургдаги Инсон ҳуқуқлари бўйича Европа судининг яна бир ўзбек қочқини - Абдуғани Камалиевни Ўзбекистонга қонунга хилоф равишда экстрадиция қилгани учун Россияга 11 минг евро миқдорида жарима солгани маълум бўлди.
Эслатиб ўтамиз, Абдуғани Камалиев 2007 йилнинг декабрида Тюмендан Ўзбекистонга экстрадиция қилинган ва 2008 йилнинг 26 февралида Наманганда 11 йиллик қамоқ жазосига маҳкум этилган.
|
| |
|
|
| DURDON | Date: Seshanba, 11/07/05, 9:19:50 AM | Message # 56 |
SUPER ADMINKA
Group: Admin yordamchisi
Messages: 10149
Status: | Иссиқкўлда ўқ овози янгради
Қирғизистоннинг туристик ҳудуди ҳисобланмиш Иссиқкўлдаги Бўстери қишлоғида тартибсизликлар юз берди.
Қирғизистон ички ишлар вазирлиги матбот котиби Раҳматулло Ахмедовнинг айтишича, 4 июл куни Иссиқкўл вилоятининг Бўстери қишлоғида жойлашган “Асил тош” пансионатида маҳаллий безори ёшлар сайёҳларни талаш билан шуғулланаётгани тўғрисида оператив маълумот олинган.
Бу хабарни текшириш учун пансионатга вазирликнинг уюшган жиноятчиликка қарши кураш бош бошқармаси ходимлари келишган ва 7-8 нафар безори қуршовида қолишган.
Қирғизистон Ички ишлар вазирлиги расмийсининг айтишича, иссиқкўллик безорилар милиция ходимларини аёвсиз калтаклаша бошлаган. Милиция ходимларини калтаклашга яна маҳаллий ёшлардан 30-40 нафари етиб келган. Безорилар сайёҳларни ҳам калтаклай бошлаганлар. Катта жанжалга гувоҳ бўлган сайёҳлар эса тез орада дам олиш масканини тарк этишган.
Раҳматулло Ахмедов безорилар томонидан аёвсиз калтакланган 2 нафар милиция ходими ўз ҳаётларини қутқариб қолиш учун ўқ отишга мажбур бўлишганини, натижада безорилардан 2 нафари яраланганини айтади.
- Мазкур воқеа юзасидан Ички ишлар вазирлиги ички хавфсизлик бошқармаси текширув ўтказди. Дастлабки текширув натижаларига кўра, милиция ходимлари ҳаракатларида қонунбузарлик ҳолатлари аниқланмаган. Воқеа содир бўлган пайтда милиция ходимлари маст аҳволда бўлмаган. Бундан ташқари, мазкур воқеа юзасидан Иссиқкўл вилоят прокуратурасида жиноят иши очилган, - деди Раҳматулло Ахмедов.
Оғир тан жароҳати олган милиция ходимлари айни пайтда касалхонада даволанмоқда.
Ички ишлар вазирлигига кўра, милиция ходимлари томонидан ўқ отилгач, Бўстери қишлоғида яшовчи 400 га яқин киши тартибсизликларни келтириб чиқарган. Жумладан, улар Балиқчи-Қорақўл йўлини тўсишиб, автомашиналарни тошбўрон қилишган, Иссиқкўл тумани ҳокими ва милицияси раҳбарини калтаклашган. Қишлоқ аҳолиси бўстерилик безориларга ўқ отган милиция ходимларини ўзларининг қўлларига топширишни талаб қилишган.
Қирғизистон Омбудсменининг Иссиқкўлдаги вакили Чинар Мўлдўшева эса бўлиб ўтган воқеада милиция ходимлари айбдор, деб ҳисоблайди.
- Жанжаллашганларнинг ҳаммаси маст аҳволда бўлган. Милиционерлар билан бўстерилилкар “бу ер меники, бу пляж меники” деб гап талашиб, муштлашиб кетишган. Милиция ходими қизиққонлик қилиб, тўппончадан бир йигитнинг оёғига ўқ отиб, скутерга ўтириб қочиб кетган. Айни пайтда қишлоқ оқсоқоллари ва раҳбарияти халқни тинчлантирмоқда. Милиция ходимлари сўзсиз жазоланиши шарт, - дейди Чинар Мўлдўшева.
Сўнгги маълумотга кўра, Иссиқкўлда айни пайтда вазият осойишта. Ҳукумат Иссиқкўлга келган сайёҳларнинг хавфсизлигини таъминлашга қодир эканини билдирмоқда. Бироқ Бўстеридаги воқеадан сўнг сайёҳлар пансионатларни тарк этгани ёки этмагани тўғрисидаги маълумотлар ошкор қилинмаяпти.
Қирғизистон ҳукумати 2010 йилда инқирозга юз тутган туризм соҳаси жорий йилда яна қад ростлашини умид қилган эди. Бундан аввал Иссиқкўлга ҳар йили 3 миллионга яқин сайёҳ келган бўлса, 2010 йилда уларнинг сони 500 мингга ҳам етмаган.
Жорий йилда Қирғизистон ҳукумати Иссиқкўлга камида 2 миллион туристни жалб қилиш режасини билдирган эди. Аммо Иссиқкўлдаги энг кўп пансионат жойлашган Бўстери қишлоғидаги ҳодиса ҳукуматнинг бу режасини ҳам чиппакка чиқариши мумкин.
|
| |
|
|
| OSIYO | Date: Seshanba, 11/07/05, 11:03:39 AM | Message # 57 |
|
Peshqadam
Group: Ishonchli
Messages: 7146
Status: | Ҳаага суди Младични залдан чиқариб юбориб, унинг номидан ариза киритди
05.07.2011
Ҳаагадаги БМТнинг Уруш жиноятлари бўйича трибунали Босния сербларининг собиқ қўмондони Ратко Младич номидан унга қўйилаётган айбловларни тан олмаслиги тўғрисида ариза киритди. Младич 11 жиноят, жумладан геноцидда айбланмоқда. У 1990 йиллардаги уруш пайтида жиноятлар содир этганлик, жумладан Сребреницада 8 минг мусулмон эркак ва ўғил болаларини қатлиом қилганликда айбланмоқда. 4 июл кунги суд мажлисида 69 яшар Младич маҳкама эшитувига ҳалақит бергани боис суд залидан чиқариб юборилди.
Ҳаага трибунали судьяси Алфонс Орие 4 июл кунги суд мажлисида Младични маҳкама залидан чиқариб юборишни буюрганидан кейин, ариза киритишдан бош тортаётган судланувчиларга оид трибунал қоидаларига кўра, собиқ серб қўмондони номидан айбловларни тан олмаслиги тўғрисидаги аризани протоколга киритди.
Ратко Младич судьянинг гапини бўлиб, маҳкама ишига такрор-такрор ҳалақит бергани боис суд залидан чиқариб юборилди.
- Жаноб Младич, жаноб Младич, жаноб Младич. Суд сизнинг суд залидан чиқариб юборилишингизни буюради. Хавфсизлик ходимларидан илтимос жаноб Младични суд залидан олиб чиқинглар,- деди судья Орие.
“Сиз суд эмассиз!” дея хитоб қилди суд залидан олиб чиқилар экан Младич.
69 ёшли судланувчи ҳибсга олиниб, Сербиядан экстрадиция қилинганидан бери судни бойкот қилишини айтиб келаётган эди. У 16 йиллик қидирувдан кейин шу йилнинг май ойида қўлга олинган эди.
Младич душанба кунги суд мажлиси бошланиши биланоқ саркашлик оҳангида гапира бошлади. У ўзига бошқа адвокатлар берилиши ва ариза киритиши учун бир ой муҳлат талаб қилиб, суд олида бош кийимини ечишдан бош тортди.
Трибунал бир ой муҳлат бериш илтимосини рад этди ва суд у истаётган икки адвокатнинг ваколатларини текширгунига қадар Младични суд тайинлаган адвокатлар ҳимоя қилишини маълум қилди. Младич истаётган адвокатларнинг бири серб, бири русдир.
- Суд томонидан ваколтли деб топилмаган адвокатларга изн йўқ ва бунинг натижасида улар суд залига киритиладиганлар рўйхатига қўшилмайди. Билишимча, ҳозирда суд маъмурияти сиз истаган адвокатларнинг рўйхатга киритилиши мумкинми, йўқми буни текширмоқда,- деди судья.
Ўзига қўйилаётган айбловларни “ҳақоратли” ва “даҳшатли” дея атаган Младич айбловларни тан олмаслик тўғрисидаги аризасини қайтариб олиш ҳуқуқига эга.
Дастлабки эшитулварнинг кейинги мажлиси суд Младич истаётган адвокатлар хусусида қарор берганидан кейин тайинланиши мумкин.
Сараевода минглаб боснияликлар суд мажлисини катта экранда томоша қилди.
Кўплаб боснияликлар каби, Фикрет Грабовица суд натижасида адолат қарор топишига умид билдирди. Унинг 11 яшар қизи 1993 йилда ракета ҳужумида ҳалок бўлган.
- Кейинги 20 давомида ҳақиқат ва ёлғон, адолат ва адолатсизлик ўртасидаги кураш гувоҳи бўлиб келяпмиз. Биз адолат ва ҳақиқат қарор топиши ва жуноятлар учун масъул бўлганлар қўлга олиниб жавобгарликка тортилишини истаймиз,- дейди Фикрет Грабовица.
Суд маҳкамасини Сербияда ҳам кузатишмоқда. Сербияликларнинг кўпчилиги Младични уруш пайтида ўз ватанини ҳимоя қилган қаҳрамон, деб билишади.
Суд давомида расмий Белград қатлиомлар ҳақида билгани ва ҳатто уларни буюргани ошкор бўлиши мумкин ва шунинг учун Сербия етакчилари бу жараённи яқиндан кузатмоқда.
2007 йилда Халқаро суд Сурбия геноцининг олдини олмагани, лекин бунинг учуни маъсул эмаслиги ҳақида чиқарган ҳукми Босния ва Герцеговнанинг қотлиомлар учун товон пули олишига тўсиқ бўлган.
|
| |
|
|
| OSIYO | Date: Chorshanba, 11/07/06, 9:22:22 AM | Message # 58 |
|
Peshqadam
Group: Ishonchli
Messages: 7146
Status: | Жаҳон банки вице-президенти Ўзбекистонга боради
06.07.2011
Жаҳон банки вице-президенти ва бош иқтисодчиси Жастин Йиф Лин 7 – 10 июл кунлари Ўзбекистонга сафар қилади.
Жаҳон банкининг Тошкентдаги ваколатхонаси вакилига кўра, сафар давомида Линнинг Ўзбекистон раҳбарлари билан музокара олиб бориши, саноат ва қишлоқ хўжалик соҳасида фаолият юритаётган корхоналар фаолияти билан яқиндан танишиши ва вилоятларни бориб кўришни режаланган.
Ташриф охирида журналистлар учун матбуот анжумани ўтказилиши кутилмоқда.
Ўзбекистон 1992 йилда Жаҳон банкига аъзо бўлган.
2010 йил Ўзбекистонда Жаҳон банки билан ҳамкорликда қиймати бир миллиард АҚШ долларидан кўп 15дан ортиқ лойиҳа амалга оширилган.
|
| |
|
|
| BAXOR | Date: Chorshanba, 11/07/06, 2:14:38 PM | Message # 59 |
 Peshqadam
Group: Ishonchli
Messages: 4086
Status: | Phoenix Dust Storm: Video of Doomsday Scenes in Arizona
|
| |
|
|
| OSIYO | Date: Payshanba, 11/07/07, 6:06:03 AM | Message # 60 |
|
Peshqadam
Group: Ishonchli
Messages: 7146
Status: | 
Авиаҳалокатда ўзбекистонликлар нобуд бўлди
Россиянинг ИЛ-76 русумидаги юк ташувчи самолёт.
06.07.2011
Афғонистонда ҳалокатга учраган Ил-76 русумидаги юк ташувчи самолёт экипажи орасида Ўзбекистон фуқаролари ҳам бор.
Хабарларига кўра, Озарбайжоннинг “SilkWay” авиаширкатига қарашли самолёт чоршанбага ўтар кечаси тоғга урилиб ерга қулаганидан сўнг ёниб кетган.
Озодлик боғланган SilkWay ширкати расмийси Афғонистонда ҳалокатга учраган самолётнинг нобуд бўлган экипаж аъзоларидан тўрт нафари ўзбекистонликлар эканини айтди.
- Экипаж тўққиз аъзодан иборат бўлган. Улардан тўрт нафари ўзбекистонликлар. Биз экспертиза комиссиясини туздик. Улар Афғонистонга жўнаб кетади. Ҳозирча бу тўғрида бошқа ҳеч нарса айта олмаймиз, - деди ўз исмини айтмаган ширкат вакили.
Афғонистоннинг Парван вилояти ҳокими Башар Саланги айтганига асосланиб Озарбайжондаги Тренд ахборот агентлигининг хабар қилишича, ҳалокатга учраган самолётнинг қора қутиси топилган.
Саланги учувчилар жасадлари куйиб кетгани боис уларнинг шахсини аниқлаш имконсиз эканини маълум қилган.
Айни пайтда SilkWay ширкатининг расмий сайтида самолёт экипаж аъзоларининг исм-шарифлари эълон қилинди. Улар:
1. Кузьмин Сергей Викторович-капитан (Ўзбекистон)
2. Моршихин Олег Дмитриевич-иккинчи учувчи (Озарбайжон)
3. Чжен Игорь Александрович-штурман (Ўзбекистон)
4. Шатобин Владимир Геннадьевич (Ўзбекистон)
5. Хўжаев Аҳмаджан Каримович (Ўзбекистон)
6. Маҳмудов Эльнур Арастун ўғли (Озарбайжон)
7. Гахраманов Таптыг Агамаммад ўғли (Озарбайжон)
8. Рагимов Афган Аваз ўғли(Озарбайжон)
9. Гусейнов Мехман Джафаров ўғли(Озарбайжон)
Афғонистоннинг Парван вилояти маъмурияти расмийси Абдулҳалим Мужаддадий самолёт жанггарилар томонидан уриб туширилгани ҳақидаги толиблар баёнотини рад қилди.
НАТО етакчилигидаги халқаро кучлар матбуот вакили, Британия армияси майори Тим Жеймс коалиция кучларига тегишли бўлмаган Ил-76 самолёти денгиз сатҳидан 3,800 метр баландликда, тоғли минтақада ҳалокатга учраганини билдирди.
Озарбайжон Фуқаро авиацияси вакили ҳалокат рўй беришидан олдин самолётда техник нуқсон борлиги тўғрисида экипаж аъзоларидан маълумот олинмаганини билдирди.
Унга кўра, самолёт техник жиҳатдан соз бўлган ва жорий йилда икки марта техник кўрикдан ўтган.
Маълумотлрга кўра, озарбайжонлик авиаторлар Афғонистондаги халқаро коалиция кучлари билан шартнома асосида Афғонистонга гуманитар юкларни етказиш билан шуғулланган.
ozodlik.org
|
| |
|
|
