|
Olamda nimagap!
|
|
| MASTER | Date: Shanba, 06-Sen-2008, 00:29 | Message # 1 |
 Adminstrator
Group: ADMINISTRATOR
Messages: 7402
Status:  | /www.voanews.com/uzbek/images/uzbek_kollektiv_xavfsizlik_.jpg
Kollektiv Xavsizlik Shartnomasi Tashkilotining (KXShT) Moskvadagi sammitida ishtirok etgan Armaniston, Belarus, Rossiya, Tojikiston, Qozog’iston, Qirg'iziston va O`zbekiston rahbarlari Kavkazdagi urushni muhokama qildi. Kechagi uchrashuvda mudofaa vazirlari Rossiya pozitsiyasini qo’llab-quvvatlamagan edi.
4 sentyabr kuni Moskvada Kollektiv Xavfsizlik Shartnomasi Tashkilotiga a`zo davlatlar tashqi ishlar vazirlarining uchrashuvi bo`lib o`tgan edi. Rossiya matbuotiga ko’ra, bugun rahbarlar Rossiyaning Kavkazda tinchlik o'rnatish yo'lidagi harakatlarini qo`llovchi deklaratsiya imzolab, Gruziyaning harakatlarini salbiy baholagan.
Rosssiya-Gruziya urishidan bir oy o`tib shu paytgacha harbiy harakatlarga nisbatan MDH doirasida aniq bir munosabat shakllanmagan edi. Rossiya Janubiy Osetiya va Abxaziya mustaqilligini tan oldi, biroq boshqa davlatlar undan o’rnak olishga shoshmayapti.
Sharhlovchilarga ko`ra, Moskvada o`tayotgan Kollektiv Xavfsizlik Shartnomasi Tashkiloti sammiti Rossiya tomonidan Kavkaz bo`yicha ittifoqchilar topishdagi so`nggi urunish bo’ldi.
|
| |
| |
| MASTER | Date: Shanba, 06-Sen-2008, 00:31 | Message # 2 |
Adminstrator
Group: ADMINISTRATOR
Messages: 7402
Status: | Rossiya KXShTdan ancha yirik tashkilot bo`lgan Shanxay Hamkorlik Tashkiloti doirasida Kavkaz bo`yicha yakdillikka erisha olmadi. Sharhlovchilar nazarida bu Xitoy tutgan pozitsiya o`laroq amalga oshdi.
KXShTda Xitoy singari Rossiya bilan tenglashishi mumkin bo`lgan davlatning yo`qligi tufayli mintaqa davlatlari Rossiya pozitsiyasiga yon berishga moyil. Lekin Janubiy Osetiya va Abxaziya mustaqilligini tan olishgacha bormaydi, deydi tahlilchilar.
“Bu yig`ilish Rossiya kutgan natijaga olib kelmaydi. Xitoy bo`lmaganda edi, mintaqa davlatlariga Rossiya qattiq bosim o`tkazishi mumkin edi. Janubiy Osetiya va Gruziyani Rossiyadan boshqa hech kim tan olgani yo`q. Rossiya Xitoyga ishonayotgan edi, teskarisi b`oldi. Xitoy ayirmachilik harakatini yoqlamaydi”, - deydi sharhlovchi Iskandar Xudoyberganov.
Tahlilchilar fikriga ko`ra, sammit boshlanishidan avval Rossiya Bosh vaziri Vladimir Putinning O`zbekistonga tashrifida bu borada gaplashilgan.
Mustaqil davlatlar hamdo`stligi sobiq a`zosi Gruziyaning hududiy jihatdan bo’lingani ko’pchilikni og’ir ahvolda qo`ygan.
Bir tomondanm mustaqil davlatlarning har birida hududiy mojaralar mavjud, ikkinchi tomondan esa, Rossiya bosimiga uchrash xavfi mavjud. Mintaqa mustaqillikka erishgan bo’lsa-da, Rossiyaning kuchli ta`siri ostida.
“Ukraina, Gruziya kabi g`arb tomonda joylashgan davlatlardan farqli ravishda, mintaqadagi boshqa davlatlar NATOga qo`shilish imkoniyatiga ega emas. Bir tomondan, Rossiya, ikkinchi tomondan esa, Xitoy qurshovida. Biz o`z pozitsiyamizni ishlab chiqar ekanmiz, faqatgina Rossiya manfaatlarini hisobga olmasligimiz kerak. Hududiy yaxlitlik degan tushuncha quruq tushuncha emas, hali bu vaziyatga xalqaro jamoatchilik qanday baho beradi? Xalqaro me’yorlarga ko`ra qanday baholanadi? Shu tomonlarni ham inobatga olishimiz kerak”, - deydi siyosiy sharhlovchi Farhod Tolipov.
Xalqaro maydonda Rossiyaning izolyatsiyalanish xavfi kuchaygan bir paytda mintaqa davlatlarining Kavkaz bo`yicha pozitsiyalari qanday bo`lishi ancha muhim, deydi tahlilchilar.
Markaziy Osiyoni uzoq yillardan beri o'rganib kelayotgan amerikalik olim Frederik Starr fikricha mintaqa davlatlari uchun eng ma'qul yo'l - Kavkaz masalasida sukut saqlashdir.
|
| |
| |
| Visola | Date: Juma, 08-Yan-2010, 16:17 | Message # 3 |
|
Eng tajribali
Group: Ishonchli
Messages: 350
Status: | A/H1N1 гриппи сабабли Саудия Арабистони ҳожиларнинг квотасини қисқатирмоқда
Ҳаж ишлари вазирлиги берган маълумотга кўра, бу йилги ҳаж мавсуми пайтида муборак ҳаж ибодатини адо этиш учун Маккага келадиган ҳожилар сони янги чиққан A/H1N1 гриппи сабабли қисқартирилади.
Ноябрь ойида бошланадиган ҳаж ибодатига ташриф буюрган ҳожиларда ҳеч қандай сурункали касаллик йўқлигини тасдиқловчи маълумотномалар ҳам бўлиши шарт. Қариялар ва ёш болаларга мамлакатга кириб бориш умуман таъқиқланади. Бу ва бошқа қоидалар йил давомида бажарилаётган Умра ибодатига келганлар учун ҳам амал қилади.
Грипп туфайли кўплаб давлатларнинг аҳолиси ўзлари Ҳажга боришдан тийилади. Макка ва Мадинадаги меҳмохоналар ҳожиларнинг сони камайгани сабабли катта зарар кўришга тайёрланмоқдалар. Маҳаллий ҳукуматнинг хабарига кўра Макканинг 300га яқин меҳмонхоналари бор йўғи 60 фоизга тўлар экан.
Ҳожиларнинг аниқ сони сентябрь ойидагина маълум бўлади. Мутахассисларнинг хабар беришларича, мамлакат таҳминан 53 миллион доллар зарар кўриш эҳтимоли мавжуд.
Шунга қарамасдан, Мисрнинг 350та фуқароси ҳаж ибодатига таъқиқ қўйилганидан норози бўлиб Қоҳира аэропортига бостириб кирмоқчи бўлдилар. Ушбу норозилик ҳаракатини тўхтатиш учун полиция куч ишлатишга мажбур бўлди, деб хабар беради РИА "Новости".
Якшанба куни Мисрда Умра ибодатига борувчилар 25 ёшдан паст ва 65 ёшдан юқори бўлмаслиги керак деган қонун кучга кирди. Бундай қонун кўплаб мусулмонларни ҳайратда қолдирди. Мисрнинг бир аёл фуқароси Маккадан янги вирус гриппини юқтирган ҳолда қайтиб келди. Саудия Арабистонда ушбу гриппдан 9 киши ҳалок бўлди. Мисрда эса таҳминан 468 киши грипп билан касалланди.
Бутунжаҳон соғлиқни сақлаш ташкилоти 40 йиллик фаолияти давомида илк дафъа 11 июнь куни грипп сабабли максимал даражадаги хавфни расмий эълон қилди. Ушбу ташкилот июль ойида Мисрда шошилинч йиғилиш ўтказиб, Макка ва Мадинага борувчилар сонини камайтиршни қарор қилди.
Бутун дунёда гриппдан ҳалок бўлганларнинг сони 2000га яқинлашди. Касал бўлганларнинг сони эса таҳминан 220 минг кишини ташкил этади.
|
| |
| |
| OSIYO | Date: Shanba, 04-Iyun-2011, 08:18 | Message # 4 |
 Yangilardan
Group: Ishonchli
Messages: 7125
Status: | HRW: Тошкентдаги маҳкамада иштирок этишимиз шарт
Humаn Rights Watch Олий судда бўладиган маҳкамада ташкилот ходими иштирокига имкон берилишини сўрамоқда.
HRWнинг Ўзбекистон бўйича таҳлилчиси Стив Свердлоу Озодлик билан суҳбатда Адлия вазирлиги томонидан ташкилотга қарши киритилган даъво аризаси ҳақида HRWга узоқ муддат давомида расман хабар берилмаганини алоҳида таъкидлади.
- Бизнинг Тошкентдаги ваколатхонамизни рўйхатдан чиқариш тўғрисида Адлия вазирлиги Олий судга мурожаат қилганини биз вазирликнинг нуфузли ходими томонидан қилинган телефон қўнғироғи орқалигина билдик. Бу хабар март ойида берилди. Аммо, ишнинг ўзи ўтган йили декабр ойида менинг аккредитация бериш тўғрисидаги сўровим рад жавоби берилганидан бир неча кун ўтибоқ кўзғатилган экан, дейди Стив Свердлоу.
Шундан сўнг ташкилот ўзбекистонлик адвокат Сергей Майоровни ҳимоячи сифатида ёллаган.
Адвокатга ҳам Олий судда бўладиган мажлис ҳақида бир неча кун олдин хабар қилинганини айтар экан, Стив Свердлоу, Тошкентда бораётган маҳкамага оид тафсилотлар ташкилотга қоронғу қолаётганини айтади.
- Биз судда иштирок этиш учун ўзимизга вакил тайинладик. Аммо, ташкилот ходимининг суд мажлисларида иштирок этишга имконият берилмаган. Шу боис, бизга нисбатан бораётган суд ишига оид тўлиқ тафсилотларни сўраб, Ўзбекистон Адлия вазирлиги ва Ташқи ишлар вазирлигига кўп бор мурожаат қилдик. Аммо, шу кунга қадар бизнинг мактубларимизга жавоб берилгани йўқ, дейди Стив Свердлоу.
Айни пайтда ташкилот вакили Тошкентда 13 июнга қолдирилган суд мажлисида адвокат билан бирга HRW ходими иштирок этишига рухсат берилиши расмий Тошкентдан сўралаётганини қўшимча қилди.
- Human Rights Watch ўзига нисбатан айбловларга жавоб бериш имконига эга бўлишни ва ўз қонуний вакилини Тошкентда бўладиган маҳкамага жўнатишни истайди. Ўзбекистон ҳукумати эса бунинг учун бизнинг вакилимизга виза бериши керак.
Аммо, ҳозир асосий масала бу эмас. Асосий масала Ўзбекистонда 1996 йилдан бери ишлаб келаётган халқаро инсон ҳуқуқлари ташкилоти фаолиятига барҳам беришга уриниш бораётганидир. Биз бу нафақат бизнинг ташкилот фаолиятини тўхатишга уриниш, балки шу билан Ўзбекистонда фуқаролик жамияти вакиллари фаолиятига барҳам бериш ҳаракати бораётганидан хавотирдамиз, дейди Озодлик билан суҳбатда Human Rights Watch ташкилотининг Ўзбекистон бўйича таҳлилчиси Стив Свердлоу.
Эслатамиз, Ўзбекистон Олий суди Human Rights Watch инсон ҳуқуқлари ташкилотининг Тошкентдаги ваколтхонасини ëпишга оид 3 июнга белгиланган маҳкамани 13 июнга қолдирди.
Маҳкамада адвокат Сергей Майоров ташкилотни ҳимоя қилади.
3 июн куни Сергей Майоров Озодлик билан суҳбатда Human Rights Watch доимо Ўзбекистон қонунчилигига риоя қилиб келгани ва ташкилот вакилларига акредитация бермаслик йўли билан унинг фаолиятини фалаж қилган ўзбек расмийлари амалдаги қонунчиликни бузган, деб ҳисоблашини айтар экан, маҳкамадан адолатли ҳукм кутаëтганини қўшимча қилди.
|
| |
| |
| OSIYO | Date: Shanba, 04-Iyun-2011, 08:22 | Message # 5 |
|
Yangilardan
Group: Ishonchli
Messages: 7125
Status: | Яман расмийлари: 'Президент Али Абдуллоҳ Солиҳ мамлакатни тарк этгани йўқ'
Яман Ахборот вазири ўринбосари Президент Али Абдуллоҳ Солиҳ мамлакатни тарк этгани борасидаги хабарларни рад этган.
Аввалроқ, ҳукуматдаги айрим манбалар Би-би-сига Президент Солиҳ даволаниш учун Саудия Арабистонига кетганини айтишганди.
Жаноб Солиҳ жума кун президентлик саройига уюштирилган ракета ҳужумида енгил яралангани хабар қилинган. Президент ёрдамчилари унинг шифохонада муолижа олаётганини билдиришганди.
Давлат хабар агентлиги жаноб Солиҳ билан бир пайтда яраланган бир неча расмийлар Саудия Арабистонига даволаниш учун учиб кетганликларини айтган.
Али Абдуллоҳ Солиҳ ўшандан бери омма кўзига кўринмаган.
Ўтган тун радио орқали етказилган мурожаатида Али Абдуллоҳ Солиҳ ўзининг яхши эканини айтган, аммо Яманда унинг аҳволи борасида турли миш-мишлар тарқалганича қолмоқда.
Радиомурожаатида президент хаста овозда гапирган ва зўриқиб нафас олаётгани сезилган. Жаноб Солиҳ ҳужумда ўз қавми ичидан чиққан "жиноятчилар тўдаси"ни айблаган.
Аммо, бу айбловлар Ҳашид қавми федерацияси раҳбари Шайх Содиқ ал-Аҳмар томонидан рад этилган. Ўтган бир неча кунлар ичида қавм жангчилари хавфсизлик кучлари билан тўқнашишганди.
Президент Солиҳнинг мамлакатни тарк этгани борасидаги миш-мишлар шаҳарнинг, айниқса, унинг доирасидагилар тинчлиги бузди, дея хабар қилади Би-би-си мухбири.
Унга кўра, бугун пойтахт Сананинг ўзида осойишталик. Хавфсизлик кучлари аксар йўлларни тўсиб қўйишаётгани ва кўчаларда жуда кам сонли одамларни кўриш мумкинлиги айтилади.
Аммо, мухбиримизнинг хабар қилишича, ҳамма энди нима бўлади деган хавотирда. Агар Президент Солиҳнинг хавфсизлик хизматидаги ўғли ва жиянлари жавобий амалиётларга қўл уришадиган бўлишса, мамлакатда қарама-қаршиликлар кўлами янада каттариши эҳтимолидан қўрқувлар бор.
|
| |
| |
| OSIYO | Date: Shanba, 04-Iyun-2011, 08:26 | Message # 6 |
|
Yangilardan
Group: Ishonchli
Messages: 7125
Status: | Россия: Урал ғарбида жойлашган ҳарбий омборхонага ўт кетди
Урал минтақаси ғарбида жойлашган Удмуртиянинг 102-қурол-яроқ омборхонасига ўт кетиши ва омборхонадаги ўқ-дориларнинг портлаши ортидан атроф ҳудудлардан 30 минг одам хавфсиз жойларга кўчирилган.
Удмуртия Соғлиқни сақлаш вазирлиги тарқатган сўнгги маълумотга кўра, икки одам ҳалок бўлган.
Жабр кўрганларнинг умумий сони 45 одамни ташкил этган, улардан 18 нафари шифохонага ётқизилган.
Ёнғин натижасида юзлаб уйларнинг зарар кўргани хабар қилинади.
Россия телевидениеси виде лавҳасида қурол-яроқ омборхонасида юз берган портлаш ортидан ўт ичида қолган ҳарбий база намойиш этилган.
Фавқулодда вазиятлар вазирлиги махсус бўлинмалари ёнғинни ўчиришга ҳаракат қилмоқдалар.
Қутқарувчилар учоқлар ва тикучарлардан фойдаланишмоқда
Ёнғин юз берган жойда икки робот ишламоқда: бири ёнғинни ўчириш, иккинчиси миналарни зарарсизлантириш билан шуғулланмоқда.
Россия Мудофаа вазирлиги ахборот департаменти бошлиғи сўзларига кўра, ҳозирга келиб, портлашлар суръати анча сустлашган.
Портлашлар туфайли темир ва автомобил йўллари беркитилган.
Ҳарбийлар сўзларига кўра, омборда идора этилмайдиган "Град" русумли ракета снарядлари ва ўқ-дорилар сақланган.
Мудофаа вазирлиги вакилининг айтишича, омборхонадаги ракеталар зарарсизлантирилган.
Баъзи хабарларга кўра, ёнғин ташландиқ сигаретдан ўт олган бўлиши мумкин.
Россияда бир ҳафта ичида иккинчи ҳарбий қурол-яроқ омборига ўт кетмоқда.
Май ойи охирида Бошқиртистондаги ҳарбий базада порлаш юз берганди.
|
| |
| |
| OSIYO | Date: Yakshanba, 05-Iyun-2011, 21:47 | Message # 7 |
|
Yangilardan
Group: Ishonchli
Messages: 7125
Status: |
Яман президенти даволанишга кетди
Яман Президенти Али Абдуллоҳ Солиҳ
Яман пойтахтида президент саройига уюштирилган ракета ҳужуми чоғида жароҳат олган президент Али Абдуллоҳ Солиҳ даволаниш учун Саудия Арабистонига жўнади.
Яманни 30 йилдан ортиқ вақтдан бери бошқариб келган Солиҳга қарши сўнгги ойларда аҳоли ва қабилалар норозилиги кучайиб бораётган эди.
Яман давлатлари орасида энг камбағали ҳисобланади. Мамлакат аҳолисининг салкам 40 фоизи кунига икки доллардан кам пулга яшайди.
Яқин Шарқ давлатларидаги халқ исёнлари Яманда ҳам ҳукуматга қарши норозиликлар кучайишига сабаб бўлди. Яманнинг айрим олис вилоятлари аллақачон президент Солиҳнинг назоратидан чиққан.
Кўрфаз давлатлари Солиҳ ва мухолифат ўртасида ҳокимиятни тинч йўл орқали топшириш ҳақида келишув ишлаб чиқишди, бироқ Солиҳ сўнгги дақиқаларда келишувдан воз кечди.
Шунга қарамай, яманликлар президент истеъфосини талаб қилиб намойишларни давом эттирди.
Президент Али Абдуллоҳ Солиҳ даволаниш учун Саудия Арабистонига кетгани муносабати билан пойтахт Санаанинг Тағийр майдонига одамлар йиғилди. Улар президент хорижга кетганидан мамнун эканликларни айтдилар.
- Мен президентнинг мамлакатдан чиқиб кетганидан хурсандман. Чунки у Таизда одамларни қатлиом қилди. У қотил. Бу унга жазо. У кетди. Энди мамлакат яхши бўлади, - деди Тағийр майдонига йиғилган яманликлардан бири.
Яманда сўнгги ҳафталар давомида қабила жангчилари анча фаоллашди. Мамлакатда рўй берган зўравонликлар пайтида кўплаб одам нобуд бўлди.
Айни пайтда таҳлилчилар 4 июн куни президент Солиҳнинг Яманни тарк этгани мамлакатдаги вазиятни янада беқарорлаштириши мумкинлиги ҳақида огоҳлантирмоқда.
Ҳозир Яманда Саудия воситачилигида эришилган ўт очишни тўхтатиш ҳақидаги келишувга амал қилинмоқда. Шанба куни Яманда қуролли тўқнашувлар бўлгани тўғрисида хабарлар олинмади.
Аснода АҚШ президентининг террроризмга қарши кураш бўйича юқори лавозимли ёрдамчиси шанба куни Яманнинг вице президенти Абд-Раббу Мансур Ҳади билан суҳбатлашгани маълум қилинди. Бироқ Оқ Уй расмийлари сўзлашув тафсилотларини ошкор қилмадилар.
|
| |
| |
| OSIYO | Date: Yakshanba, 05-Iyun-2011, 21:54 | Message # 8 |
|
Yangilardan
Group: Ishonchli
Messages: 7125
Status: | Yман Президенти Али Абдуллоҳ Солиҳ ватанига қайтадими?
Жума намози пайти қароргоҳига отилган ракетадан жароҳатланиб, даволаниш учун Саудия Арабистонига борган Яман Президенти Али Абдуллоҳ Солиҳнинг ватанига қайтиш-қайтмаслиги борасида саволлар пайдо бўлган.
Саудия подшоси саройи вакилларига таяниб хабар тарқатган ахборот агентликлари Яман раҳбарининг Ар-Риёдга боргани тасдиқланганини маълум қилганлар.
Хабар қилинишича, Али Абдуллоҳ Солиҳ кўкрагидан яраланган, юзи ҳамда кўкраги куйган.
Гувоҳларга кўра, Ар-Риёддаги аэропортда жаноб Солиҳнинг ўзи учоқдан юриб тушиб келган, унинг юзи, боши ва бўйнидаги жароҳатларини кўриш мумкин бўлган.
Али Абдуллоҳ Солиҳ билан бирга унинг оиласи аъзоларидан айримлари ҳам мамлакатни тарк этишгани хабар қилинган.
Яраланганидан кейин Яман телевидениеси жаноб Солиҳнинг аудиомурожаатини эълон қилган, у ўзининг яхши эканини айтган.
Яманнинг муваққат президентлиги вице-президент Абд-Раббу Мансур Ҳадига ўтган, "Ал-Aрабия" телеканали хабар қилишича, Яман муваққат раҳбари ҳарбийлар ва жаноб Солиҳнинг ўғли иштирокида мажлис ўтказган.
Али Абдуллоҳ Солиҳнинг ўғли Аҳмад Яманнинг Республика гвардиясини бошқаради, икки жияни Аммор ва Яҳё ҳарбий қўмондонлар ҳисобланади.
Жаноб Солиҳнинг мамлакатни тарк этгани ҳақидаги хабар пойтахт Санода хурсандчилик билан кутиб олинган, минглаб одамлар мамлакат байроғи ва шиорларни кўтариб кўчаларга чиққанлар.
бу ерга босинг Ямандаги сўнгги вазиятга бағишланган фотолавҳани томоша қилинг
Араб дунёсидаги энг камбағал ва нотинч мамлакатлардан бири бўлмиш Яман бир неча ойдан бери аксилҳукумат намойишларига саҳна бўлиб келмоқда.
Сўнгги 33 йил давомида Яманни бошқариб келаётган Президент Солиҳ эса ҳатто келажакда ўз дахлсизлигини таъминловчи истеъфо шартларини ҳам қабул қилмаган.
Охирги икки ҳафта мобайнида қуролланган Ҳашид қабиласи вакиллари ва Яман хавфсизлик кучлари ўртасида пойтахт Санода қақшатқич жанглар кечди.
Жанглар Президент Солиҳ қўшинларининг аксилҳукумат мавқеида бўлган Ҳашид қабиласи раҳбари Шайх Содиқ ал-Аҳмар қароргоҳига қараб юришидан сўнг бошланди.
Шайх Содиқ ал-Аҳмар Ямандаги икки йирик қабила уюшмасидан бири раҳбари, Аҳмарлар оиласи шиа ва улар сўнгги йиллар Али Абдуллоҳ Солиҳнинг истеъфога чиқишини талаб қилиб келишади.
|
| |
| |
| OSIYO | Date: Juma, 10-Iyun-2011, 07:48 | Message # 9 |
|
Yangilardan
Group: Ishonchli
Messages: 7125
Status: | Ҳуқуқ фаоллари Қирғизистоннинг Тошкентдаги элчихонасини пикет қилди
10 июн куни Ўш қирғинининг бир йиллиги муносабти билан Қирғизистоннинг Тошкентдаги элчихонасини пикет қилган 15 нафар инсон ҳуқуқи ҳимоячилари ҳибсга олинди.
Ўш қирғинининг бир йиллиги муносабати билан “Эзгулик” жамияти ва Ўзбекистон экспертлар ишчи гуруҳи аъзолари Қирғизистон ҳукуматидан Ўш қирғини воқеаларига холисона баҳо беришни, айбдорлар жазоланишини талаб қилиб пикетга чиққан эдилар.
"Эзгулик" жамияти уюштирган пикетга “Ўзбекларга қарши геноцид тўхтатилсин!”, “Қирғизистондаги инсониятга қарши жиноятлар жазолансин!”, “Муваққат ҳукумат жавобгар!”, “Ўзбекдан қўлингни торт!!!” мазмунидаги плакатлар олиб чиқилди.
Шунингдек, пикет иштирокчилари плакатида “Азимжон Асқаровга озодлик!” деган ёзув ҳам бўлган. Қирғизистонлик инсон ҳуқуқи ҳимоячиси Азимжон Асқаров Қирғизистон суди томонидан июнь воқеаларида иштирок этганликда айбланиб, умрбод қамоқ жазосига ҳукм қилинган, бироқ бу ҳукм юзасидан шикоят қилинган аппеляция суди ҳали ниҳоясига етгани йўқ.
Ўзбекистон ҳукуматининг бу мудҳиш кунни хотирлашни унутгани етмаганидай, яна пикет иштирокчиларига бундай муносабат қилаётгани хунук иш бўлди,- дейди пикет ташкилотчиси “Эзгулик” жамияти раҳбари Васила Иноятова:
- Албатта, ҳозир мана шу талабларимиз учун Ўзбекистон ҳукумати бизга кўрсатган муносабати жуда ноҳақ бўлди. Энди масалан Ўзбекистон президенти Қирғизистондан 200 минг одамнинг ҳаëтини сақлаб қолиб дарвозани очиб бергани нима бўлдию, биз ҳозир ўзбекларга нисбатан қирғинни тўхтатинг деб қилган талабимиз учун мана бизни милицияхонага олиб келиб ушлаб ўтиришлари нима бўлди. Шунинг учун мен ўйлайман бизнинг ҳаракатларимиз зое кетмайди.
Мана шу йилнинг 18-20 июлида Бишкекда аëллар симпозиуми бўлиб ўтади Роза Ўтунбаева ва Ҳиллари Клинтон иштирокида. Мен унга таклиф қилинганман. Бугунги элчи маслаҳатчисига берган баëнотларимиздан ташқари мен оғзаки яна бир мурожаат қилдимки, мен бугунги берган талабларимнинг жавобини 18 июлда Роза Ўтунбаева билан бўладиган учрашувда жавобини оламан деган умидимни билдирдим,- дейди “Эзгулик” жамияти раҳбари.
Унга кўра, яқин бир соат давом этган пикетни милиция ва хавфсизлик ходимлари кузатиб турган. Қирғизистон элчихонасидан вакил чиқиб, улардан икки кишини ичкарига таклиф этган. Васила Иноятова элчи маслаҳатчисига “Эзгулик” жамияти ва “Бирлик” халқ ҳаракати партиясининг баёнотларини топширганини айтади:
- Қирғизистоннинг жанубий регионида бўлиб ўтган ўтган йилги ўзбек миллатига қарши бўлган қирғин шу бугунгача ўзининг холис баҳосини олгани йўқ. Ҳаттоки халқаро текширувлар ҳам берган хулосалар қабул қилинмади. Аксинча уларнинг вакиллари қувғин қилинди, Қирғизистон душмани деб эълон қилинди. Демак, биз бир йил олдин Қирғизистон ҳукумати мана шу қирғинни келтириб чиқарганларни қўллаб-қувватлаяпти, деган баҳоимиз тўғри бўлиб чиқди. Ва бу баҳо бундан кейинги бўладиган қирғинларни ҳам кафолатламайди. Чунки эртага яна шунақа аҳвол содир бўлиши мумкин.
Бизнинг бугунги талабимиз мана шу эртанги бўладиган қирғиннинг олдини олиш ва кечаги бўлган қирғиннинг сабабчилари ҳали-ҳануз шу пайтгача жавобгарликка тортилмаганига норозилик билдиришдир. Бугунги баëнотларимизда асосий гап ана шу ҳақда. Бундан ташқари ўзим Бирлик халқ ҳаракати партиясининг Бош котиби сифатида Бирлик партиясининг баëнотини бердим. У баëнотда ҳам Қирғизистонда қирғиз фашизмига чек қўйилсин дейилган талабни қўйганмиз,- дейди Васила Иноятова.
Шундан сўнг милиция ходимлари пикет иштирокчиларини аввалдан тайёрлаб қўйилган автобусга мажбуран миндириб, Мирзо Улуғбек тумани ички ишлар бўлимига олиб борган.
Айни пайтда, пикет иштирокчилари Мирзо Улуғбек тумани ички ишлар бўлимида ушлаб турилибди. Васила Иноятованинг Озодликка айтишича, уларга ёмон муносабат қилингани йўқ, лекин ҳибсга олинган фаолларнинг ҳар бири ўз яшаш жойилари бўйича туман судларига олиб борилиб, маъмурий жазога тортилиши ҳақида огоҳлантирилган.
10 июн куни Ўш қирғинининг бир йиллиги муносабти билан Қирғизистоннинг Тошкентдаги элчихонасини пикет қилган 15 нафар инсон ҳуқуқи ҳимоячилари ҳибсга олинди.
Ўш қирғинининг бир йиллиги муносабати билан “Эзгулик” жамияти ва Ўзбекистон экспертлар ишчи гуруҳи аъзолари Қирғизистон ҳукуматидан Ўш қирғини воқеаларига холисона баҳо беришни, айбдорлар жазоланишини талаб қилиб пикетга чиққан эдилар.
"Эзгулик" жамияти уюштирган пикетга “Ўзбекларга қарши геноцид тўхтатилсин!”, “Қирғизистондаги инсониятга қарши жиноятлар жазолансин!”, “Муваққат ҳукумат жавобгар!”, “Ўзбекдан қўлингни торт!!!” мазмунидаги плакатлар олиб чиқилди.
Шунингдек, пикет иштирокчилари плакатида “Азимжон Асқаровга озодлик!” деган ёзув ҳам бўлган. Қирғизистонлик инсон ҳуқуқи ҳимоячиси Азимжон Асқаров Қирғизистон суди томонидан июнь воқеаларида иштирок этганликда айбланиб, умрбод қамоқ жазосига ҳукм қилинган, бироқ бу ҳукм юзасидан шикоят қилинган аппеляция суди ҳали ниҳоясига етгани йўқ.
Ўзбекистон ҳукуматининг бу мудҳиш кунни хотирлашни унутгани етмаганидай, яна пикет иштирокчиларига бундай муносабат қилаётгани хунук иш бўлди,- дейди пикет ташкилотчиси “Эзгулик” жамияти раҳбари Васила Иноятова:
- Албатта, ҳозир мана шу талабларимиз учун Ўзбекистон ҳукумати бизга кўрсатган муносабати жуда ноҳақ бўлди. Энди масалан Ўзбекистон президенти Қирғизистондан 200 минг одамнинг ҳаëтини сақлаб қолиб дарвозани очиб бергани нима бўлдию, биз ҳозир ўзбекларга нисбатан қирғинни тўхтатинг деб қилган талабимиз учун мана бизни милицияхонага олиб келиб ушлаб ўтиришлари нима бўлди. Шунинг учун мен ўйлайман бизнинг ҳаракатларимиз зое кетмайди.
Мана шу йилнинг 18-20 июлида Бишкекда аëллар симпозиуми бўлиб ўтади Роза Ўтунбаева ва Ҳиллари Клинтон иштирокида. Мен унга таклиф қилинганман. Бугунги элчи маслаҳатчисига берган баëнотларимиздан ташқари мен оғзаки яна бир мурожаат қилдимки, мен бугунги берган талабларимнинг жавобини 18 июлда Роза Ўтунбаева билан бўладиган учрашувда жавобини оламан деган умидимни билдирдим,- дейди “Эзгулик” жамияти раҳбари.
Унга кўра, яқин бир соат давом этган пикетни милиция ва хавфсизлик ходимлари кузатиб турган. Қирғизистон элчихонасидан вакил чиқиб, улардан икки кишини ичкарига таклиф этган. Васила Иноятова элчи маслаҳатчисига “Эзгулик” жамияти ва “Бирлик” халқ ҳаракати партиясининг баёнотларини топширганини айтади:
- Қирғизистоннинг жанубий регионида бўлиб ўтган ўтган йилги ўзбек миллатига қарши бўлган қирғин шу бугунгача ўзининг холис баҳосини олгани йўқ. Ҳаттоки халқаро текширувлар ҳам берган хулосалар қабул қилинмади. Аксинча уларнинг вакиллари қувғин қилинди, Қирғизистон душмани деб эълон қилинди. Демак, биз бир йил олдин Қирғизистон ҳукумати мана шу қирғинни келтириб чиқарганларни қўллаб-қувватлаяпти, деган баҳоимиз тўғри бўлиб чиқди. Ва бу баҳо бундан кейинги бўладиган қирғинларни ҳам кафолатламайди. Чунки эртага яна шунақа аҳвол содир бўлиши мумкин.
Бизнинг бугунги талабимиз мана шу эртанги бўладиган қирғиннинг олдини олиш ва кечаги бўлган қирғиннинг сабабчилари ҳали-ҳануз шу пайтгача жавобгарликка тортилмаганига норозилик билдиришдир. Бугунги баëнотларимизда асосий гап ана шу ҳақда. Бундан ташқари ўзим Бирлик халқ ҳаракати партиясининг Бош котиби сифатида Бирлик партиясининг баëнотини бердим. У баëнотда ҳам Қирғизистонда қирғиз фашизмига чек қўйилсин дейилган талабни қўйганмиз,- дейди Васила Иноятова.
Шундан сўнг милиция ходимлари пикет иштирокчиларини аввалдан тайёрлаб қўйилган автобусга мажбуран миндириб, Мирзо Улуғбек тумани ички ишлар бўлимига олиб борган.
Айни пайтда, пикет иштирокчилари Мирзо Улуғбек тумани ички ишлар бўлимида ушлаб турилибди. Васила Иноятованинг Озодликка айтишича, уларга ёмон муносабат қилингани йўқ, лекин ҳибсга олинган фаолларнинг ҳар бири ўз яшаш жойилари бўйича туман судларига олиб борилиб, маъмурий жазога тортилиши ҳақида огоҳлантирилган.
|
| |
| |
| OSIYO | Date: Juma, 10-Iyun-2011, 20:00 | Message # 10 |
|
Yangilardan
Group: Ishonchli
Messages: 7125
Status: | Москвада чечен қизини ўлдирган полковник Буданов отиб кетилди
Чеченистонда 18 ёшли қизни ўлдирган Россия армиясининг собиқ полковниги Юрий Буданов 10 иню куни Москва шаҳрида отиб кетилди.
Расмий хабарларга кўра, номаълум шахс Будановни бошидан отган ва автомобилда воқеа жойини тарк этган.
Юрий Буданов 18 ёшли чечен қизини бўғиб ўлдирганликда айбланиб, 2000 йилда қўлга олинган ва 2003 йилда 10 йилга озодликдан маҳрум этилган. 2009 йилда эса муддатидан аввал шартли равишда озод қилинган эди.
Озодлик мухбири билан суҳбатда ўлдирилган Элза Кунгаеванинг отаси бу қотиликка ҳеч қандай алоқаси йўқлигини айтди.
- Агар мен бу ишни қилганимда: “Ҳа, буни мен қилдим, мана мениям 10 йилга қаманг”, деб айтган бўлардим. Бу ерда бошқа кимдир ўз разборкасини юритган, деди Юрий Буданов бўғиб ўлдирган 18 ёшли қизнинг отаси Виса Кунгаев.
Инсон ҳуқуқлари ҳимоячилари Чеченистондаги уруш даврида инсон ҳуқуқларини бузганликда айблаган кўплаб Россия ҳарбийлари орасида биргина Юрий Буданов жазога тортилган эди.
|
| |
| |
| OSIYO | Date: Juma, 10-Iyun-2011, 20:01 | Message # 11 |
|
Yangilardan
Group: Ishonchli
Messages: 7125
Status: | Сурия ҳарбийлари Жиср ал-Шуғур ишғолига ҳозирланмоқда
Суриянинг Жиср ал-Шуғур шаҳри яқинида ҳукумат қўшинлари танклар билан қуролланган ҳолда ҳужумга ҳозирлик кўрмоқда.
Бу ҳақда Сурия расмий телевидениеси берган хабарга кўра, ҳукумат кучлари ўзининг 120 сафдошини ўлдирганликда айблаб, шаҳар ичкарисида қолаётган исёнчилар ҳаракатига тўла барҳам беришни ният қилган.
Айни кезда минглаб қочқин президент Башар ал-Ассадга қарши намойишлар ҳарбий қаршиликка айланиб кетиши мумкинлигидан қўрқиб, Туркияга ўтмоқда.
Қизил Ярим ой ташкилотининг Туркиядаги бўлими чегара яқинида қочқинлар учун яна битта лагер ташкил қилганини айтди.
Туркия Ташқи ишлар вазири Аҳмет Довут ўғли шу кунга қадар 2 минг 400 қочқин чегарани кесиб ўтганини маълум қилди.
|
| |
| |
| OSIYO | Date: Yakshanba, 12-Iyun-2011, 12:02 | Message # 12 |
|
Yangilardan
Group: Ishonchli
Messages: 7125
Status: | Эроннинг “Яшил ҳаракат”и 2009 йилдаги мунозарали президентлик сайловининг икки йиллиги муносабати билан 12 июн куни оммавий намойиш ўтказмоқчи.
Эронда икки йил олдин ўтказилган президентлик сайловида Маҳмуд Аҳмадийнажод президент этиб қайта сайланганидан кейин юз минглаб, балки миллионлаб эронлик Теҳрон ва мамлакатнинг бошқа шаҳарлари кўчаларида намойишлар ўтказган эди.
Ўшанда Эрон мухолифати сайлов натижалари сохталаштирилганини иддао қилган.
Яқин Шарқ минтақасидаги кўплаб мамлакатлар инқилоблар гирдобида қолаётган бир пайтда Эронда 12 июнга мўлжалланган намойиш эътибордан четда қолиши мумкинлиги айтилмоқда.
Президентлик сайловида мағлубиятга учраган Мир Ҳусайн Мусавий ва Меҳди Каррубий етакчилигидаги мухолиф “Яшил ҳаракат” якшанба куни пойтахт Теҳроннинг Валиаср кўчасида “сукут намойиши” ўтказишга чақирганлар.
Мухолифат аъзолари ва тарафдорлари иштирок этадиган намойишнинг оммавий тус олиши кутилаётгани йўқ. Боиси жорий йил февралида оммани намойишга чиқишга чақирган Мусавий ва Каррубий ўша пайтдан бери уй қамоғида сақланмоқда.
Якшанба кунги намойишга чиқиш ҳақидаги чақириқни Мусавийнинг Париждаги матбуот вакили Амир Ардашер Аржманд эълон қилган.
Келиб чиқиши эронлик бўлган америкаликлар кенгаши раиси Ҳушанг Амираҳмад эронликлар мухолифат чақириғига эътибор қаратмаслиги мумкин, деган фикрда.
- Мен эронликлар ўзини кўрсатмайдиган одамлар чақириғига қулоқ солиб, намойишга чиқадиган гўл одамлар деб ўйламайман,- дейди Амираҳмад.
Бироқ Лондондаги Араб ва Эрон тадқиқот маркази таҳлилчиси Меҳрдад Хонсарий Амираҳмад билдирган фикрига қўшилмайди.
- Эрон ҳукумати ва мухолифат 12 июн кунига олдиндан тайёргарлик кўргани боис шу куни кенг миқёсда намойиш бўлмаслиги мумкин. Бироқ оммавий намойиш бошқа пайтда ўтказилиши эҳтимолдан ҳоли эмас,- дейди Хонсарий.
Эрондаги Инсон хуқуқлари халқаро кампанияси директори Хади Ғаемий фикрича, Сурия ва Ливиядан фарқли ўлароқ эронликларнинг намойишларга эътиборсизлик билан қараётгани сабаби норозилик ҳаракатларининг ҳукумат кучлари томонидан қонли бостирилгани ва одамлар зўравонликдан наф йўқлигига ишонишидадир.
- Репрессия катта куч билан амалга оширилмоқда. Фаолларнинг аксари қамоққа ташланган. Фаоллар ва оддий одамлар ўртасидаги алоқа узилган. Шунга қарамай, бизнингча, аҳолининг аксар қисми мухолифатдаги “Яшил ҳаракат”га хайрихоҳ. Улар репрессиялар сусайиши ва намойиш ўтказишга имконият пайдо бўлишини кутмоқда, - дейди Ҳади Ғаемий.
Келиб чиқиши эронлик бўлган америкаликлар кенгаши раиси Ҳушанг Амираҳмад Эронда ҳокимиятни ўзгартириш ғоясини амалга ошириш имконсиз, деган фикрда.
- Бу тизим ўзига кўрсатиладиган босим ёки кўча намойишларига ён босмайди ва унинг қулаши амримаҳол. Шу боис мен бу режим ташқи кучлар ўйлаганидан анча барқарор, деб ўйлайман. Ташқаридагиларнинг аксари бу режим қулашини хоҳлашади. Аммо бу амалга ошмайди, - дейди Ҳушанг Амираҳмад.
|
| |
| |
| OSIYO | Date: Yakshanba, 12-Iyun-2011, 12:07 | Message # 13 |
|
Yangilardan
Group: Ishonchli
Messages: 7125
Status: | БМТ қирғиз жамиятидаги камситишлардан ташвишда
Бу ҳақда БМТнинг инсон ҳуқуқлари бўйича олий комиссари бошқармаси матбуот котиби Руперт Колвилл шу йилнинг 10 июн куни Женевада билдирди.
БМТ расмийсига кўра, Қирғизистон жанубидаги миллатлараро тўқнашувлардан бир йил ўтиб, мамлакатда сиёсий вазият яхшиланган, бироқ миллий озчиликларга нисбатан дискриминациянинг хавфли амалиёти ҳали ҳам давом этмоқда.
Руперт Колвилл Қирғизистонда адолатли судлов соҳасида мавжуд бўлган муаммоларга эътибор қаратди ва бу муаммолар адолат ўрнатиш ҳамда ҳуқуқ устиворлигига нисбатан ишончни тиклаш йўлида жиддий тўсиқ бўлиб ҳисобланишини билдирди.
БМТ расмийси ўз идораси ўтган йил июн ойида одам ўлдирганларга нисбатан судловнинг амалга оширилиши бўйича барча босқичларни диққат билан кузатиб бораётганини, БМТда Қирғизистоннинг туман ва шаҳар судларидан тортиб Олий судигача бўлган барча инстанцияларидаги маҳкамалар ҳақида маълумот борлигини таъкидлади.
- Маҳкама жараёнларини кузатар эканмиз, биз ҳали ҳам суд тизимининг мустақиллиги, судланувчилар ва уларнинг адвокатлари хавфсизлиги масалаларидан ташвишланаяпмиз, - дея иқтибос келтиради Руперт Колвилл сўзларидан БМТ янгиликлар маркази сайти.
Жаноб Колвилл июн воқеаларини тергов қилиш жараёнида пора ундириш, қўлга олинганларга нисбатан аёвсиз муносабатда бўлиш ва уларни қийноққа солиш кузатилаётганини қўшимча қилди.
Эслатиб ўтамиз, 2010 йилнинг июн ойида Қирғизистон жанубида содир бўлган миллатлараро низо чоғида, расмий маълумотларга кўра, 400 дан зиёд одам ҳалок бўлган.
БМТ расмийси Ўш ва Жалолободда этник озчиликларни камситиш тенденцияси шу йил кузда Қирғизистонда бўлиб ўтадиган президентлик сайловлари арафасида айниқса катта хатар касб этишини қайд этди.
- Биз (Қирғизистонда) дискриминация ва чидамсизлик тобора кучайиб бориши, ҳатто келажакда миллатлараро зўравонлик ва кенг кўламли зиддиятга айланиб кетиши мумкинлигидан хавотирдамиз, - деди Руперт Колвилл.
Ўш ва Жалолободда содир этилган хунрезликларнинг бир йиллиги арафасида Халқаро Амнистия ва Ҳюман райтс уотч каби нуфузли халқаро ташкилотлар ҳам Қирғизистонда инсон ҳуқуқларига халқаро меъёрлар доирасида риоя қилинмаётганидан ташвиш билдиргандилар.
|
| |
| |
| OSIYO | Date: Yakshanba, 12-Iyun-2011, 12:13 | Message # 14 |
|
Yangilardan
Group: Ishonchli
Messages: 7125
Status: | Қирғизистонда миллатчиликка қарши турадиган бирорта ҳам сиёсатчи йўқ'
Миллий низолар бўйича Ғарбдаги етакчи экспертлардан бири Марказий Осиё ҳукуматлари ва жаҳон ҳамжамиятини 2010 йил июнида Қирғизистон жанубида юз берган қонли воқеалардан сабоқ чиқариш ҳақида огоҳлантирган. Стокголмдаги Халқаро Тинчлик Тадқиқотлари Институтининг Қуролли низолар ва зиддиятларни бошқариш дастури директори Нил Мелвинга кўра, Қирғизистонда миллатчилик кучайгандан кучайиб бормоқда ва биронта ҳам сиёсий раҳбар унга қарши туришни истаётгани йўқ. Доктор Мелвин ўтган йил июнидаги хунрезликлар ва ундан кейин авж олган миллатчилик илдизларини тадқиқ этган ва ўз тавсияларини ишлаб чиққан. Би-би-си доктор Мелвин билан боғланиб, аввалига нима учун бундай хулосага келганини сўраган.
|
| |
| |
| OSIYO | Date: Dushanba, 13-Iyun-2011, 01:00 | Message # 15 |
|
Yangilardan
Group: Ishonchli
Messages: 7125
Status: | Қобул Бердиев Озарбайжонга боради
Ўзбекистон мудофаа вазири Қобул Бердиев 13-16 июн кунлари Озарбайжонга сафар қилади.
Ўзбекистондаги расмий манбага асосланиб Тренд.аз нашрининг хабар қилишича, Ўзбекистон мудофаа вазири Озарбайжон ҳукуматининг қатор расмийлари билан учрашиши кутилмоқда.
Регнум ахборот агентлиги хабарига кўра, Қобул Бердиев Озарбайжон мудофаа вазири Сафар Абиев билан сўзлашув чоғида икки давлат ўртасидаги ҳарбий ҳамкорликнинг ҳозирги аҳволи ва истиқболлари масаласини муҳокама қилади.
Ўзбекистон мудофаа вазири Озарбайжондаги ҳарбий қисмларни бориб кўриши, шунингдек, мамлакат ҳарбий саноат комплекси билан яқиндан танишишни режаланган.
Қобул Бердиев Озарбайжонга биринчи марта 2009 йилнинг март ойида сафар қилган.
Ташриф давомида Ўзбекистон-Озарбайжон ўртасида ҳарбий-техникавий ҳамкорлик бўйича шартнома имзоланган.
Ўзбекистон президенти Ислом Каримов 2009 йил ноябрида мазкур келишувни тасдиқлаган.
Озарбайжон мудофаа вазирининг 2010 йил ноябр ойи охирида Тошкентга сафари чоғида Ўзбекистон-Озарбайжон ўртасида 2011 йилга мўлжалланган ҳарбий ҳамкорлик тўғрисида келишув имзоланган.
Ҳозирга қадар Ўзбекистон ва Озарбайжон Республикалари ўртасида юздан ортиқ икки томонлама шартномалар имзоланган.
Қобул Бердиев Ўзбекистон президентининг 2008 йил 17 сентябр кунги фармонига мувофиқ Ўзбекистон мудофаа вазири этиб тайинланганди.
Унгача Бердиев мудофаа вазири ўринбосари, айни пайтда Жануби-ғарбий махсус ҳарбий округ қўмондони лавозимида ишлаган.
|
| |
| |
| OSIYO | Date: Dushanba, 13-Iyun-2011, 08:20 | Message # 16 |
|
Yangilardan
Group: Ishonchli
Messages: 7125
Status: | Июн қирғинидан бир йил ўтиб, Ўшдаги бугунги ҳаёт
Қирғизистонда 2010 йилнинг июн ойида жанубий Ўш ва Жалол-Обод шаҳарларида келиб чиққан қонли миллий низоларнинг бир йиллиги хотирланмоқда. Тўқнашувлар юзлаб кишиларнинг умрларига зомин бўлганди. Қирғизистон жанубида қирғизлар ва ўзбеклар орасида кузатилган бир неча ойлик танглик июн 10 чисига келиб тийиқсиз зўравонликларга айланиб кетганди. Янги қудратга келган Роза Ўтинбоева бошчилигидаги муваққат ҳукумат эса, низоларнинг олдини ололмади. Тўрт кунлик зўравонликлар давомида минглаб кишилар тан жароҳати олишди, бутунбошли маҳаллалар вайрон бўлди. Юз минглаб кишилар уй-жойларини ташлаб чиқишди. Зўравонликлар ортидан бугун жабрдийда аҳоли ўз ҳаётини қандай тиклашга уринмоқда
|
| |
| |
| OSIYO | Date: Dushanba, 13-Iyun-2011, 09:44 | Message # 17 |
|
Yangilardan
Group: Ishonchli
Messages: 7125
Status: | Хитой жанубида оммавий норозиликлар бўлмоқда
Хитойнинг Синтан шаҳрида якшанба куни юзага чиққан намойишлар чоғида йиғилганларни тарқатиш учун полиция ёш оқизувчи газ қўллади.
Хитой расмий телевидениеси берган хабарга кўра, Гуандон вилоятида полиция ходимларининг дўконлардан бирида савдо қилаётган ҳомиладор аёлга қўпол муносабати ортидан оммавий норозилик бошланган ва норозилар ҳукумат бинолари, автомобилларга ўт қўйган.
Ҳонг Конг телевидениеси полиция ҳарбий техника ёрдамида норозиларни тарқатишга урингани ва айрим намойишчиларни ҳибс қилганини хабар қилмоқда.
|
| |
| |
| Mirzo_91 | Date: Chorshanba, 15-Iyun-2011, 04:13 | Message # 18 |
Group: Ishonchli
Messages: 465
Status: | Rossiya armiyasida harbiy mullalar paydo bo‘ladi
Rossiya armiyasida pravoslav ruhoniylari bilan birga musulmon mullalari lavozimi joriy qilinadi. Ufadagi Rossiya Islom univyersiteti harbiy qismlarda mulla lavozimiga mutahassislarni tayyorlashga kirishdi, deya ma‘lum qildi Rossiya Bosh muftiysi Talgat Tojuddin.
Rossiya armiyasida "polk mullasi" lavozimi joriy qilinishi haqida "Exo Moskvi" radiosiga bergan intervyusida ma‘lum qilgan Rossiya Bosh muftiysi Talgat Tojuddinga ko‘ra, Ufada joylashgan Rossiya Islom univyersitetida harbiy qismlar uchun islom ruhoniylari maxsus tayyorgarlikdan o‘tadi.
- Biz birinchi navbatda iste‘fodagi ofitserlar, harbiylar Rossiya Islom univyersitetida maxsus tayyorgarlikdan o‘tishi, umuman bu ishga Qurolli kuchlar hayotini yaxshi biladigan ko‘ngillilarni jalb qilishni rejalashtirmoqdamiz. Bir vaqtlar chor Rossiyasi davrida polk imomlari juda ko‘p bo‘lgan va ular diniy boshqarma tomonidan boshqarilgan va tayinlangan,- dedi Rossiya Bosh muftiysi.
Talgat Tojiddin so‘zlariga ko‘ra, harbiy qismlarda hozircha o‘nga yaqin harbiy mulla lavozimi joriy etilishi rejalashtirilgan.
Rossiya armiyasida jinoyatchilik va boshqa muammolarga qarshi kurashishga turli din vakillari jalb qilinayotgani aytilmoqda.
Shu maqsadda 2009 yilda Rossiya Federatsiyasi Qurolli kuchlar tarkibida dindor harbiy xizmatchilar bilan ishlash Bosh boshqarmasi tuzildi. Boshqarma rahbari Boris Lukichev harbiy qismlarda ruhoniy lavozimining joriy qilinishi faqat ijobiy natija berishini ta‘kidlaydi.
- Rossiya Qurolli kuchlari tarkibida harbiy ruhoniylar lavozimining kiritilishi Rossiya Prezidenti Dmitriy Medvyedevning 2009 yilning iyulida Rus cherkovi patriarxi Kirill va boshqa diniy konfessiya rahbarlarining murojaatiga javob sifatida qabul qilinishi lozim. Bu qaror armiyamizda bo‘layotgan yangi siyosatga mos keladi. Bungacha harbiy qismlardagi barcha ruhoniylar ko‘ngilli ravishda faqatgina psixologik ko‘mak berib kelgan va albatta ijtimoiy himoyalanmagan edi,- deydi Dindon harbiy xizmatchilar bilan ishlash Bosh boshqarmasi boshlig‘i.
Boris Lukichev ruhoniylarning harbiy askarlar orasida olib boradigan tashviqot ishlari millatlararo va dinlararo tushunmovchiliklarni yengishda ko‘maklashadi, degan fikrda.
Ammo Rossiya Askarlar Onalari Qo‘mitalari Ittifoqi raisasi Valentina Melnikova din peshvolarining bunday tashabbusini tushunsa-da, harbiy mullalar institutining joriy qilinishiga mutlaqo qarshi ekanini aytadi.
- Biz 1989 yildayoq harbiy qism ichkarisida har qanday ruhoniy lavozimlar joriy qilinishiga qarshi chiqqanmiz, chunki bu Rossiya imperiyasi tarixidan ma‘lum. Ularga armiyada siyosiy qism ofitserlari - zampolitlar vazifasini bajarish yuklatiladi. Tushunib turibmanki, Rossiya armiyasida pravoslav ruhoniylari lavozimining borligi musulmon askarlarini kamsitayotgandek tuyulishi tabiiy. Zarurat tug‘ilsa, soldatlar harbiy qism yaqinidagi cherkovga qatnashi mumkin, musulmonlar esa mahalliy masjidga borib kelishi mumkin. Qolavyersa, Konstitutsiyaga binoan Rossiyada cherkov davlatdan ajratilgan, bu haqiqatni hech kim bekor qilganicha yo‘q,- deydi Rossiya Askarlar Onalari Qo‘mitalari Ittifoqi raisasi Valentina Melnikova.
Rossiya mudofaa vazirligi matbuot vakili Vladimir Anikindan olingan ma‘lumotga ko‘ra, bugungi kunda Rossiya Qurolli kuchlarida pravoslav, islom va buddaviylik dinlari vakillariga 240 harbiy va 9 noharbiy lavozimlar ajratilgan.
Biroq, harbiy mullalarni tayyorlashga mutahassislashgani aytilayotgan Ufadagi Rossiya Islom univyersitetning teologiya-pedagogika fakulteti dekani muovini Timur Salihov Ozodlik bilan suhbatda oligohda maxsus harbiy mullalarni tayyorlaydigan alohida bo‘lim yo‘qligini ma‘lum qildi.
- Polk mullasi yoki polk imomi va oddiy mulla o‘rtasida hech qanday farq yo‘q, ular umumiy dastur asosida tayyorgarlik o‘taydi. Bizda mutahassislikka ega bo‘layotgan bitiruvchilar ham oddiy masjidda, ham harbiy qismlarda faoliyat yuritishi mumkin. Shuning uchun, "harbiy qismlar uchun mullalar tayyorlanayapti", degan iddaolar rahbarlarimiz tomonidan qilingan balandparvoz bayonotlar asosida paydo bo‘lgan bo‘lishi mumkin, xolos,- deydi Ufadagi Rossiya Islom univyersitetining teologiya-pedagogika fakulteti dekani muovini Timur Salihov.
Ma‘lum bo‘lishicha, Rossiya harbiy qismlarida ko‘ngilli ravishda jami mingga yaqin pravoslav ruhoniylari xizmat qilib kelmoqda.
|
| |
| |
| OSIYO | Date: Chorshanba, 15-Iyun-2011, 15:55 | Message # 19 |
|
Yangilardan
Group: Ishonchli
Messages: 7125
Status: | 
Хитой ва Марказий Осиёнинг 4 мамлакати Россиянинг Оврўпода ракетага қарши тизим ўрнатиш ҳақидаги Қўшма Штатларга мухолиф мавқеини қўллаб-қувватлаганлар. Шанхай Ҳамкорлик Ташкилотининг Қозоғистондаги саммитида имзоланган декларацияда айтилишича, бир томонлама аксилракета тизимини барпо этиш стратегик барқарорликка таҳдид солади.
|
| |
| |
| OSIYO | Date: Chorshanba, 15-Iyun-2011, 15:57 | Message # 20 |
|
Yangilardan
Group: Ishonchli
Messages: 7125
Status: | 
Юнонинстон парламенти қаршисида ҳукуматнинг қаттиқ чораларига қарши тўпланган минглаб норозилик намойишчилари билан хавфсизлик кучлари ўртасида муштлашув келиб чиққан. Намойишчилар тош отганлар, оламонга қарши полиция кўздан ёш сиздирадиган газ қўллаган. Мамлакатда умумий иш ташлаш эълон қилинган, жамоат хизматлари издан чиққан.
|
| |
| |
| OSIYO | Date: Payshanba, 16-Iyun-2011, 02:07 | Message # 21 |
|
Yangilardan
Group: Ishonchli
Messages: 7125
Status: | Туркия сурияликлар учун чегарани ёпмайди
16.06.2011
Сурияда ҳукумат қўшинлари таъқибидан қочиб Туркия ҳудудига ўтган қочқинлар сони 8500 дан ошди.
Шунингдек, 10 минг чоғли суриялик хавфсиз бошпана излаб Туркия чегараси яқинига йиғилгани хабар қилинмоқда.
Туркия ташқи ишлар вазири Аҳмад Довудўғлининг маълум қилишича, Туркия суриялик қочқинлар учун чегарани ёпмоқчи эмас.
- Сурия халқи билан келажагимиз бир, тақдиримиз бир. Шунинг учун биз суриялик опа-сингилларимиз ва ака-укаларимиз учун эшигимизни ёпиб қўймаймиз. Биз қочқинлар сони 10 мингдан ошиб кетганидан кейин ҳам уларни қабул қилмай қўймаймиз, - деди Аҳмад Довудўғли.
Ҳозирда Туркия ҳудудига қочиб ўтган сурияликлар кунига уч маҳал овқат ва тиббий ёрдам билан таъминланган.
Аснода Туркия Бош вазири Ражаб Тоййиб Эрдўғон Сурия президенти Башар ал-Ассаднинг вакили Ҳасан Туркманий билан учрашди.
Пойтахт Анқарада бўлиб ўтган уч соатлик сўзлашувдан кейин ҳеч қандай баёнот эълон қилинмади.
Учрашувдан олдин Эрдўғон Сурия раҳбарини намойишчиларга қарши зўравонлик қўллашни тўхтатишга ва ислоҳотлар ўтказишга чақирган эди.
Инсон ҳуқуқларини муҳофаза қилиш гуруҳлари март ойида Сурия президенти ва унинг режимига қарши норозиликлар бошланганидан бери 1300 дан ортиқ тинч аҳоли ўлдирилганини тахмин қилмоқда.
Тўқнашувлар пайтида 300 дан ортиқ аскар ва полиция ходимлари ҳам нобуд бўлгани айтилмоқда.
|
| |
| |
| OSIYO | Date: Shanba, 18-Iyun-2011, 05:27 | Message # 22 |
|
Yangilardan
Group: Ishonchli
Messages: 7125
Status: | Тожик расмийлари Би-би-си мухбирининг айбдорлигини иддао қилмоқда
Тожикистон Миллий хавфсизлик қўмитаси Ўринбой Усмонов асосли ва ишончли далиллар билан ҳибсга олинганини билдирмоқда.
Тожикистон Миллий хавфсизлик қўмитаси 18 июн куни Би-би-си радиосининг Сўғд вилояти бўйича мухбири Ўринбой Усмоновнинг ҳибсга олиниши юзасидан баёнот тарқатди.
- Шу йилнинг 13 июн куни Тожикистон ҳуқуқ идоралари ўтказган тезкор қидирув тадбири натижасида Сўғд вилоятининг Бобожон Ғафуров туманига қарашли Исписор қишлоғида яшовчи Би-би-си радиосининг маҳаллий мухбири Ўринбой Усмонов диний экстремистик ташкилотларга алоқадорликда гумонланиб ҳибсга олинганди.
Унга нисбатан экстремистик гуруҳларга аъзолик айби билан жиноят иши очилди. Дастлабки тергов натижаларида гувоҳларнинг асосли далиллари асосида Ўринбой Усмонов Тожикистон ҳудудида фаолияти таъқиқланган экстримистик гуруҳга аъзолиги тасдиқланди.
Ўринбой Усмонов узоқ вақт ичида номи тилга олинган ташкилот аъзолари билан Тожикистон ҳудуди ва ундан ташқарида алоқада бўлиб турган. Бу гуруҳ Тожикистонда зўрлик йўли билан давлат тўнтаришни тарғиб қилиш мақсади бўлган ташкилотнинг варақаларини чоп этиш ва тарқатишда фаол қатнашгани аниқланди, - дея билдирди Тожикистон Миллий хавфсизлик қўмитасининг 18 июн куни тарқатган баёнотини ўқиб берган хавфсизлик расмийси Нозиржон Бўриев.
Аснода Би-би-си радиоси масъуллари ва журналистнинг яқинлари Ўринбой Усмоновга қўйилаётган айбларда ҳеч бир асос йўқлигини таъкидлайди.
Жумладан Би-би-си радиосининг 15 июн куниги баёнотида, “Ўринбой Усмонов касбий фаолияти давомида Би-би-си учун мамлакатдаги суд жараёнлари ва “Ҳизбут-таҳрир”нинг фаолиятига доир хабарлар тайёрлаб келган. Би-би-сида Ўринбой Усмоновнинг “Ҳизбут- таҳрир”га алоқадор деган даъволарга ишониш учун ҳеч бир асос йўқ” лиги айтилганди.
Аснода Ўринбой Усмоновнинг рафиқаси Малоҳат Усмонова ҳам эрининг “Ҳизбут-таҳрир” га алоқадорлигига оид айблар тухмат эканини айтади:
- Бу тухмат. Энди кимдир қилаяпти-да, керак экан унга қилаяпти. Барибир бир кун чиқади ҳали, - дейди қатъий ишонч билан маҳбус журналистнинг рафиқаси Малоҳат Усмонова.
Малоҳат Усмонова, шунингдек, ўз оиласи Тожикистон президенти Имомали Раҳмон номига очиқ хат ёзиб, эрининг тез кунларда озодликка чиқиши учун амалий ёрдам кўрсатишини сўраганини айтди:
-Ҳурматли жаноб президентимиздан фарзандларим отаси Ўринбой Усмоновни оиламиз бағримизга тезроқ қайтаришига умид қиламиз. Ўринбой Усмонов ёзувчи, журналист, меҳрибон ота, меҳрибон бобо. Ўз ватанини севувчи тожикистонлик. Асло миллатчи ва ақидапараст эмас. Жаноб президентга умид ва қаттиқ ишонч билан мурожат қиламиз,- дейди президентга хатидан парча ўқиб берар экан Малоҳат Усмонова.
Би-би-си Жаҳон хизматининг Сўғд вилояти бўйича мухбири Ўринбой Усмоновнинг тақдири бир қатор давлатлар ва халқаро нуфузли ташкилотларини хавотирга солмоқда.
Жумладан, 17 июн куни Чегара билмас мухбирлар ташкилоти Би-би- си мухбири Ўринбой Усмоновнинг ҳибсга олинганидан қаттиқ хавотирда эканини билдирганди.
“Биз Тожикистон полицияси ва ҳуқуқ-тартибот органларидан Усмоновнинг қўлга олиниш сабаблари ва унга қарши гумонларга асослар очиқлашини сўраймиз. Ҳозирга қадар ноқонуний ҳаракатларни фақат полиция содир этган”, дейилади Чегара билмас мухбирлар ташкилоти баёнотида.
Чегара билмас мухбирлар ташкилотига кўра, Ўринбой Усмонов ўзининг касбий фаолияти учун ҳибсга олинган.
Мазкур ташкилот айрим манбаларга таянган ҳолда: "Ўринбой Усмоновнинг ҳибсга олиниши Тожикистондаги ўзбек жамоасини қўрқитиб қўйиш ҳаракати билан ҳам изоҳланиши мумкин. Ўзбеклар Тошкент ва Душанбе ўртасидаги дипломатик зиддиятлар учун “товон” тўламоқда.”, деб ёзади ўз баёнотида.
|
| |
| |
| OSIYO | Date: Yakshanba, 19-Iyun-2011, 04:57 | Message # 23 |
|
Yangilardan
Group: Ishonchli
Messages: 7125
Status: | Ливия: НАТО аҳоли яшайдиган жойларга ҳужум қилди
19.06.2011
Ливия ҳукумати расмийлари журналистларга НАТО якшанбага ўтар кечаси бомбардимон қилгани айтилаётган пойтахт Триполидаги жойни кўрсатди.
Журналистлар касалхонага ҳам бориб ҳужум оқибатида нобуд бўлган тўрт одам, жумладан икки боланинг жасадини кўрдилар.
Ундан олдин НАТО пайшанба куни Брега шаҳри яқинида исёнчилар кетаётган автомобил карвонига янглиш ҳужум қилинганини тан олиб, талафот кўрилгани юзасидан афсусланиш билдирган эди.
НАТО 7 июнга қадар халқаро кучлар амалга оширган ҳаво ҳужумларида тинч аҳолидан 856 киши ҳалок бўлгани ҳақидаги Ливия ҳукумати иддаосини рад қилди.
Айни пайтда Араб Лигаси, БМТ, Европа Иттифоқи ва Африка Иттифоқига аъзо давлатлар вакиллари Ливия масаласини муҳокама қилиш учун Қоҳирада учрашдилар.
Араб Лигаси раҳбари Амр Муса НАТОнинг мандати Ливия раҳбари Муаммар Қаддафийни ҳокимиятдан ағдариш учун берилмаганини ва можарони сиёсий йўл орқали ҳал этиш лозимлигини таъкидлади.
|
| |
| |
| OSIYO | Date: Yakshanba, 19-Iyun-2011, 04:58 | Message # 24 |
|
Yangilardan
Group: Ishonchli
Messages: 7125
Status: | Карзай: АҚШ Толибон билан музокара олиб бормоқда
19.06.2011
Афғонистон президенти Ҳамид Карзай мамлакатда қарийиб 10 йилдан бери давом этаётган урушга чек қўйиш мақсадида АҚШ Толибон ҳаракати билан музокара олиб бораётганини маълум қилди.
Вашингтонда Оқ Уйнинг Миллий хавфсизлик кенгаши матбуот котиби Кейтин Ҳайден Толибон билан сўзлашувлар олиб борилаётганини тасдиқлай олмаслигини, бироқ Қўшма Штатлар Афғонистондаги ярашув жараёнини қўллаб-қувватлашини айтди.
Карзайнинг нутқидан сўнг Афғонистон армияси аскарлари кийимидаги уч худкуш Кобул марказидаги полиция идорасига ҳужум қилди.
Оқибатда тўққиз одам жумладан, уч нафар полиция ходими нобуд бўлди.
|
| |
| |
| OSIYO | Date: Yakshanba, 19-Iyun-2011, 22:17 | Message # 25 |
|
Yangilardan
Group: Ishonchli
Messages: 7125
Status: | Башар Асад бугун Сурия халқига мурожаат қилади
Сурия президенти Башар Асад мамлакатда оммавий тартибсизликлар давом этаётганлиги муносабати билан бугун халққа мурожаат қилиши кутилмоқда.
Суриянинг расмий САНА агентлиги бу ҳақда хабар берар экан, мурожаат мазмуни нимадан иборат бўлиши тўғрисида маълумот тарқатмади.
Сурияда оммавий норозилик акциялари 4 ойдан буён давом этмоқда. Хавфсизлик кучлари билан тўқнашувлар пайтида мингдан зиёд киши нобуд бўлди, бир неча минг киши ҳибсга олинди.
Мамлакат шимолида тартибсизликлар ошкора қуролли тўқнашувларга айланиб кетди.
Халқаро Қизил Хоч қўмитаси раҳбари Якоб Келленбергер кеча Дамашққа етиб борди. У Сурия раҳбари билан мамлакатдаги гуманитар вазиятни муҳокама қилади.
|
| |
| |
| OSIYO | Date: Yakshanba, 19-Iyun-2011, 22:18 | Message # 26 |
|
Yangilardan
Group: Ishonchli
Messages: 7125
Status: | НАТО тинч аҳолига зарба берилганини тан олди
НАТО Ливия пойтахти Триполи шаҳрига якшанба куни ҳаводан зарбалар берилган пайтда тинч аҳоли қурбон бўлганини тан олди.
НАТО баёнотида айтилишича, афтидан, ракеталардан бири техник носозлик туфайли нишонни нотўғри олган ва оқибатда тинч аҳоли нобуд бўлган.
Якшанба куни эрталаб Ливия ҳукумати тинч аҳолидан 9 кишини ўлдирганликда НАТОни айблаб баёнот берган эди.
Ливия ташқи ишлар вазири Абдул-Ати ал-Обейди журналистларга 9 киши, шу жумладан 2 бола ўлгани, 18 киши яралангани тўғрисида баёнот берди.
Айни пайтда исёнчилар назорат қилаётган Мисирата шаҳрида якшанба куни яна жанглар бўлиб ўтди.
Исёнчилар тарқатган маълумотга қараганда, шаҳарни Муаммар Қаддафий кучлари ўққа тутиши оқибатида 9 киши нобуд бўлди, 50 дан зиёди яраланди.
|
| |
| |
| OSIYO | Date: Dushanba, 20-Iyun-2011, 08:05 | Message # 27 |
|
Yangilardan
Group: Ishonchli
Messages: 7125
Status: |
Қозоғистондан Ўзбекистонга экстрадиция қилинган ўзбек қочқинларининг яқинлари Олмаотадаги ижара уйларини тарк этганлар.
Бу ҳақда хабар қилган Озодликнинг қозоқ шўъбаси мухбири Казис Тўғузбаев 17 июн куни Олмаотадаги ўзбекистонлик қочқин аёллар ва болалар ижарада турган уйга бориб, уларни тополмаганини айтади. Уй эгаси ва қўшнилар ҳам уларни икки кундан буён кўрмаган эканлар.
Озодлик мухбирлари қочқин аёллардан бир нечтасининг мобил телефонига қўнғироқ қилдилар, бироқ қочқин аёлларнинг телефони ўчиқ бўлгани туфайли улар билан боғлана олмадилар.
Сўнгги пайтларда Олмаотанинг Қорасув мавзеидаги уйлардан бирида яшаган ўзбекистонлик қочқин аёллар билан уларни ижарага қўйган Самат Солиҳов ҳам боғлана олмаган. Ўзбек қочқинлари ўзидан маълум миқдорда қарз бўлиб қолганини айтган уй эгаси аслини олганда уларга нисбатан жиддий эътирози йўқлигини таъкидлайди.
- Уйни уларнинг эрлари ижарага олганди. Улар ичмайдиган, чекмайдиган, безорилик қилмайдиган жиддий одамлар эди, - дейди Самат Солиҳов.
Олмаота шаҳрининг 1-темир йўли яқинидаги кўп қаватли уйда яшовчи ўзбек қочқинларини ҳам Озодлик мухбири уйидан тополмаган. Улар билан қўшни хонадонда яшовчи Гулбахрам Супашева ўзбек қочқинлари икки-уч кун аввал чиқиб кетганларини, бироқ уларнинг қаерга кетганини билмаслигини айтган.
Эслатиб ўтамиз, 2010 йилнинг 9 июнидан 11 июнигача Олмаота шаҳрида ўтказилган “Мигрант” рейди чоғида қозоқ полициячилари ва махфий хизмати ходимлари томонидан қўлга олинган ўзбек қочқинлари роппа-роса бир йил ҳибсхонада сақланганидан кейин Ўзбекистонга бериб юборилганди. Экстрадиция қилинган кишиларни Ўзбекистон ҳуқуқ-тартибот идоралари таъқиқланган диний-экстремистик оқимларга мансублик ва конституциявий тузумни ағдаришга уринганлик ҳамда қасддан қотиллик қилганликда гумон қилаётганди. Аммо ўзбекистонлик бошпана изловчиларнинг ўзлари ҳеч қандай диний оқимга мансуб эмасликларини ва ўзларининг айбсиз эканларини такрор-такрор айтганлар.
Маълум бўлишича, шу йилнинг 10 июнига ўтар кечаси соат иккидан учгача иккита автобусда келган қозоқ полициячилари қочқинларнинг Қорасув мавзеидаги уйини тақиллатиб турганлар.
- “Энди бизни автобусга ўтқазиб, Ўзбекистонга бериб юборар эканлар-да” деб қўрқиб кетдик. Худога шукурки, бирор соатлардан кейин улар кетишди, - дея иқтибос келтиради қочқин Гулнора Қодирова сўзларидан Озодликнинг қозоқ шўъбаси.
Бу ҳақда гапирган яна бир қочқин аёл - Умида Азимова ҳам ўзбек қочқинлари жуда танг аҳволда қолганларини, Қозоғистонда қолиш улар учун хавфли бўлиб қолганини айтган.
Айни пайтда қочқин аёллар ва уларнинг болалари учинчи давлатга чиқиб кетгани ҳақида
тахминлар йўқ эмас. Қозоғистондаги инсон ҳуқуқлари бюроси ходими Денис Живага фикрича ҳам, бу ўзбек қочқинлари учун энг яхши йўл эди.
- Шу ҳафта бошида мен Умида Азимова билан учрашдим. Англашимча, ўзбек аёллари учинчи мамлакатга чиқиб кетишни истаётгандилар, яъни улар Ўзбекистонга ҳам кетмоқчи эмасдилар, Қозоғистонда ҳам қолмоқчи эмасдилар, - дейди Денис Живага.
Ҳуқуқ фаолига кўра, қочқин аёллар “Қозоғистон расмийларига ишонмаганлари учун” сиёсий бошпана сўраб маҳаллий миграция хизматларига ариза топширмоқчи эмасдилар.
Аснода Олмаота шаҳар миграция полицияси бошқармаси матбуот хизмати ўзбекистонлик қочқин аёллар ва уларнинг болалари тақдири ҳақида ўзларига ҳеч нарса маълум эмаслигини билдирганлар.
|
| |
| |
| OSIYO | Date: Payshanba, 23-Iyun-2011, 00:45 | Message # 28 |
|
Yangilardan
Group: Ishonchli
Messages: 7125
Status: | Обама Афғонистон бўйича режасини эълон қилди
23.06.2011
Жорий йил охиригача АҚШ Афғонистондан 10 минг нафар, 2012 йилнинг ёзигача 33 минг ҳарбий хизматчисини олиб чиқади.
Бу ҳақда АҚШ президенти Барак Обама миллий телевидениеда қилган чиқиши чоғида баёнот берди. Президентга кўра, АҚШ ҳарбийлари 2014 йилгача Афғонистонни босқичма-босқич тўла тарк этади ва мамлакат хавфсизлиги устидан назорат тўлалигича Афғонистон ҳукуматига топширилади.
Обаманинг айтишича, Вашингтон Афғонистонда миллий ярашув йўлида бошлнадиган ҳар қандай ташаббусда фаол иштирок этишда давом қилади.
АҚШ мудофаа вазири Роберт Гейтс президент режасини қўллаб-қувватлади.
Шу кунда Афғонистонда АҚШнинг 100 минг нафар атрофида ҳарбий хизматчиси мавжуд.
|
| |
| |
| OSIYO | Date: Payshanba, 23-Iyun-2011, 00:46 | Message # 29 |
|
Yangilardan
Group: Ishonchli
Messages: 7125
Status: | 450 индамас норози ҳибсга олинди
23.06.2011
Белоруссиянинг бир қатор шаҳарларида кеча бўлиб ўтган навбатдаги норозилик акцияси иштирокчиларидан қарийб 450 кишини, шу жумладан
Минскда 200 кишини милиция қўлга олди.
Белоруссияда ўтказилаётган кечагига ўхшаш акциялар иштирокчилари ўз норозиликларини шаҳарлар майдонларига йиғилиб сукут сақлаш билан билдирмоқда.
Мазкур акцияларни “Ижтимоий тармоқ орқали инқилоб” деб номланган Интернет ҳамжамияти “Вконтакте” сайтида уюштирмоқда.
Дастлабки акция 8 июн куни Минскда ўтказилган эди. 15 июн куни эса бундай акция бир неча шаҳарда уюштирилган ва унда бир неча минг киши қатнашган эди.
|
| |
| |
| OSIYO | Date: Payshanba, 23-Iyun-2011, 00:47 | Message # 30 |
|
Yangilardan
Group: Ishonchli
Messages: 7125
Status: | Хитой Вэйвэйни қамоқдан чиқарди
23.06.2011
53 ёшли таниқли хитой рассоми Ай Вэйвэй гаров пули эвазига қамоқдан озод қилинди. У3 апрел куни Ҳонконгга учишга чоғланиб турган пайтда ҳибсга олинган эди.
“Синьхуа” агентлиги хабарига қараганда, Ай Вэйвэй ўзини солиқ тўламаганликда айбдор, деб тан олган.
Британиянинг ITV телекналига берган қисқа интервьюсида ВэйВэй аҳволи дуруст, саломатлиги жойида эканлигини айтган.
Ай Вэйвэй бир неча бор Хитой раҳбарияти олиб бораётган сиёсатни танқид қилган.
Расмий Хитой ўз баёнотларида Вэйвэйнинг ҳибсга олиниши унинг сиёсий қарашлари билан боғлиқ эмаслиги, рассом фақат иқтисодий жиноятлар содир этганликда айбланаётганини таъкидлаган.
|
| |
| |
