Kirish A'zolik 26/08/19, 1:43:37 PM
USD-UZS USD-WON USD-KZT USD-KGS ···
Ob-havo ° Ob-havo ko'rsatgichi
Truck driver jobs
   RSS
Yangiliklar-Новые сообщения · Azolarimiz-Участники · Forum qoidasi-Правила форума · Qidirish-Поиск
Ish e'lonlari English
Ish e'lonlari Uzbek
Ish e'lonlari Russian
Forum » DAM OLISH BO'LIMI » Adabiyot-Литература » Xayrulla Hamidov she`rlari (Harhil sherlar to'plami!)
Xayrulla Hamidov she`rlari
OSIYODate: Dushanba, 11/09/05, 8:24:58 AM | Message # 91
Peshqadam
Group: Ishonchli
Messages: 7162
Status:
Hayrulla Hamidov-Ilm va fan farqi
Attachments: 9799194.jpg (211.0 Kb)
 
OSIYODate: Chorshanba, 11/09/07, 1:19:52 PM | Message # 92
Peshqadam
Group: Ishonchli
Messages: 7162
Status:
 
OSIYODate: Payshanba, 11/09/08, 6:05:51 AM | Message # 93
Peshqadam
Group: Ishonchli
Messages: 7162
Status:
 
OSIYODate: Payshanba, 11/09/08, 6:17:48 AM | Message # 94
Peshqadam
Group: Ishonchli
Messages: 7162
Status:
 
OSIYODate: Shanba, 11/09/10, 4:23:52 AM | Message # 95
Peshqadam
Group: Ishonchli
Messages: 7162
Status:
Hayrulla Hamidov-Yig`i izohi
 
OSIYODate: Dushanba, 11/09/12, 9:45:21 AM | Message # 96
Peshqadam
Group: Ishonchli
Messages: 7162
Status:
МЎМИН БЎЛИШИМГА ҚЎЙМАЙСИЗЛАРМИ?

Рўзасиз ўзимга бегона танам,

Ибодат – юрагим аллалар онам,

Ўзимни қийнасам сизларга не ғам?

Аввал ўзингизга куймайсизларми,

Мўмин бўлишимга қўймайсизларми?

Расулим йўлида юрганим учун,

Нафсимга тўсиқлар қурганим учун,

Динимизни яхши кўрганим учун

Сўз билан жонимни ўймайсизларми,

Мўмин бўлишимга қўймайсизларми?

Куфрни ушлашга тоқатингиз бор,

Сизнинг ҳам бир куни соатингиз бор,

Азобимдан олур роҳатингиз бор,

Танамни эзғилаб тўймайсизларми,

Мўмин бўлишимга қўймайсизларми?

Оддий ибодатим кўзингиз ёшлар,

Фужур диёрига силтаюр бошлар,

Қизимнинг рўмоли кўзингиз ғашлар,

Ҳар куни қовоқни уймайсизларми?

Мўмин бўлишимга қўймайсизларми?

Кўнглингингизга ҳадис юқмас начора,

Ҳидоят бир куни йўқласа зора,

Ўғлим “Ёсин” билар, сизчи бечора,

Ўзингизни нимта сўймайсизларми,

Мўмин бўлишимга қўймайсизларми?

Бу дунё ҳамманинг китобин битар,

Кимлардир бу йўлда индамай кетар,

Сабрим косаси кенг – сизга ҳам етар

Унга жаҳл сувин қуймайсизларми,

Мўмин бўлишимга қўймайсизларми?

Мен борман – ҳаловат сизга йўқ гўё,

Мени туш атайсиз, ўзни-чи рўё,

Ана олинг сизга лаънати дунё

Уни яна баттар суймайсизларми?

Мўмин бўлишимга қўймайсизларми?

Барибир кўтармас сизларга қўлим,

Бир куни ҳаммасин кўрсатар ўлим,

Энди фарқи йўқдир аниқдир йўлим

Мени девонага йўймайсизларми,

Мўмин бўлишимга қўймайсизларми?

Пес билан тунлари топишмай ҳадеб,

Иймон эшигини қотишмай ҳадеб,

Итнинг ҳаётига ёпишмай ҳадеб

Менинг ҳолатимни туймайсизларми,

Мўмин бўлишимга қўймайсизларми?

Сўз тугарда айтгим сизга бир ўгит,

Бир кун ҳосилини бергуси чигит,

Мени тингланг, дўстим, қизми ё йигит
Бир умр дилингиз қийнайсизларми,

Мўмин бўлишимга қўймайсизларми?
 
OSIYODate: Yakshanba, 11/09/18, 7:28:38 PM | Message # 97
Peshqadam
Group: Ishonchli
Messages: 7162
Status:
СОҒИНЧ

Тун чоғи, энг ширин уйқу ҳоким дам
Ҳолиқ Таъолога йиғлаб сиғиндим.
Ул тенгсиз даврга арзимасам ҳам
Асри саодатни қаттиқ соғиндим!

Дард ечилмай қолмиш дил тугунида,
Маънодан асар йўқ ўтган кунида,
Асри қабоҳатнинг совуқ тунида
Асри саодатни қаттиқ соғиндим!

Мусулмон дўстининг ғамин еёлган,
Дунё лаззатидан ўзин тиёлган,
Ўлимни ҳақиқий ҳаёт деёлган
Асри саодатни қаттиқ соғиндим!

Ҳа, улар жамики инсонлар тузи,
Тополмассиз чироқ ёқиб кундузи!
Одам болаларин терма юлдузи
Асри саодатни қаттиқ соғиндим!

Ҳақиқий мўминлар ожизлигидан
Қийналар умматнинг ножинслигидан.
Ёвуз асримизнинг ёвузлигидан
Асри саодатни қаттиқ соғиндим!

Амалсиз сўзласам, сўзим кулгили,
Сўзимдан ҳам кўра ўзим кулгили,
Кўзгуга қарасам, юзим кулгили,
Асри саодатни қаттиқ соғиндим!

Таваккул айламай баъзан Раззоққа,
Бардош беролмам нафс отлиғ тузоққа!
Ҳаёл маркабини ҳайдаб узоққа
Асри саодатни қаттиқ соғиндим!

Истасангиз агар мен билан юринг,
Сафар мобайнида дўст бўлиб туринг,
Минг бор эшитгандан ўзингиз кўринг
Асри саодатни қаттиқ соғиндим:

Билолнинг ҳидини ҳидлаб тўяй деб,
Ётган асосини бир бор суяй деб,
Ҳолид яраларин боғлаб қўяй деб
Асри саодатни қаттиқ соғиндим!

Кўрсаму йиғласам саҳоба зотин,
Ўрганиб ҳаётга тутсам ҳаётин,
Сийпалаб Жаъфарнинг қонли қанотин
Асри саодатни қаттиқ соғиндим!

Умму Саламадан кўрсатма олиб
Ҳаёт жадалида югурсам ғолиб,
Уйғониш асри ҳам бир четда қолиб,
Асри саодатни қаттиқ соғиндим!
 
OSIYODate: Yakshanba, 11/09/18, 7:29:36 PM | Message # 98
Peshqadam
Group: Ishonchli
Messages: 7162
Status:
davomi

Ибни Умми Мактум тутган таёқлар
Вазнига тенг эмас бугун оёқлар.
Кўзи юмуқ, аммо қалби уйғоқлар
Асри саодатни қаттиқ соғиндим!

Чарчаб нигоҳ ташлаб ботиналарга,
Етолмай турмушда хотималарга,
Аёлим бошлабон Фотималарга
Асри саодатни қаттиқ соғиндим!

Лабларга озуқа илоҳий ўзан,
Бир ёнда қизимга жилмаяр Ҳусан,
Боламнинг оғзига тупурса Ҳасан
Асри саодатни қаттиқ соғиндим!

Кунларим тунлардан фарқи йўқ, нетай,
Ўн беш аср ортга тик учиб кетай.
Ҳаёл қанотида манзилга етай:
Асри саодатни қаттиқ соғиндим!

Ҳамзанинг соқолин бир силаш бахти
Ҳар қайси мўминнинг жаннатий аҳди.
Замонлар йиғилса, барининг тахти –
Асри саодатни қаттиқ соғиндим!

Ваъзлар ўқиганда воизлар ёниб
Негадир бу юрак тўёлмас қониб!
Мусъаб даъватини тинглаб тўлғониб
Асри саодатни қаттиқ соғиндим!

Ибодат лаззатин қилиб хуморлар,
Ухласа, намозда кўзни юмарлар –
Отасига тортган ибни Умарлар
Асри саодатни қаттиқ соғиндим!

Абу Ҳирр сўзласа ҳадислар қовий,
Қарши сўзламакка топилмас ёвий.
Ўртада биронта бўлмаса ровий...
Асри саодатни қаттиқ соғиндим!

Бугунги ҳофизлар очишса гар лаб
Турфа хил услубда ўзгаради таъб.
Қуръон ўқиб берса Убай ибн Каъб
Асри саодатни қаттиқ соғиндим!

Бугунги ҳолатга изоҳни сўйлаб
Қолгаймиз разолат ичида бўйлаб...
Солмонга ўхшаган амирни ўйлаб
Асри саодатни қаттиқ соғиндим!

Жами кўрсатмаси исломга зидлар
Кўнглимни эзғилар аҳли фосидлар...
Уҳуддан оғирроқ ибни Масъудлар
Асри саодатни қаттиқ соғиндим!

Дунёлардан кўра ҳақни қучсайдим,
Охират юртига кулиб учсайдим,
Сайд ибн Омирга мурид тушсайдим...
Асри саодатни қаттиқ соғиндим!
 
OSIYODate: Yakshanba, 11/09/18, 7:30:21 PM | Message # 99
Peshqadam
Group: Ishonchli
Messages: 7162
Status:
DAVOMI

Сифатлардан ҳақир бўлган рақамлар,
Саройлардан гўзал томи пастқамлар,
Уйимдан ҳам сокин “дорул Арқам”лар
Асри саодатни қаттиқ соғиндим!

Бугун қалбни тирнар ўй, эхтирослар,
Қайларгадир қочиб кетмиш ихлослар,
Жиянин опичлаб ўтган Аббослар...
Асри саодатни қаттиқ соғиндим!

Олтиндан қурилган водийлари бор,
Аммо ҳақни излар ходийлари бор,
Хотамдан ҳам хотам Адийлари бор
Асри саодатни қаттиқ соғиндим!

Дунёлардан тамом нигоҳ ўгириб,
Тақводан мустаҳкам арқон йигириб,
Уккоша ортидан терлаб югуриб,
Асри саодатни қаттиқ соғиндим!

Худодан устунроқ саналса мансаб,
Кўнгиллар зулмга кетганда юмшаб,
Усома ибни Зайд қўшинин қумсаб
Асри саодатни қаттиқ соғиндим!

Қаранг, бир термулинг, дунё бандига -
Иймонин алишган қуртдек қандига!
Бугун ҳамма муҳтож Миқдод пандига,
Асри саодатни қаттиқ соғиндим!

Асрларни отиб, тезлик-ла қўпиб,
Ҳақиқат аҳлини шод бўлгум топиб,
Ибни Ҳузофанинг бошини ўпиб
Асри саодатни қаттиқ соғиндим!

Чўлоқ оёқ билан жаннатни босган
Ибни Жамуҳларни қўл ёниб ёзган!
Қиёматдан қўрқиб намозда озган
Асри саодатни қаттиқ соғиндим!

Умарлар соғинган Абу Убайда
Айтинг, энди, айтинг, дўстларим, қайда?
Гуноҳни демаган катта ё майда,
Асри саодатни қаттиқ соғиндим!

Бугунги ҳолимни айладим ғорат,
Йигит бошим билан йўқдир ҳарорат,
Ҳафсанинг кўзида ёнган жасорат
Асри саодатни қаттиқ соғиндим!

Бугун фикр йўқдир, фақат иқтибос,
Тафсирлар турфа хил, баъзи раъйга мос.
Ҳаммасин ром айлар ёш ибни Аббос,
Асри саодатни қаттиқ соғиндим!

Абу Дардоларни қувган бу дунё,
Ибни Авф қалбини ювган бу дунё,
Абу Зарр остида юган бу дунё,
Асри саодатни қаттиқ соғиндим!

Ёшларнинг қалбини тутган қафаслар –
Бугун чолларни ҳам эзар ҳаваслар!
Юзга кириб ақли бутун Анаслар
Асри саодатни қаттиқ соғиндим!

Ҳаббоб елкасида қизарган темир,
Бас, етар, бўлди қил! Тоғларни емир!
Эй кўнглим, бул оби раҳматни симир,
Асри саодатни қаттиқ соғиндим!

Ул куннинг ёниқ бир саҳифаси бор,
Жанозадан қайтган халифаси бор,
Сир билан кўмилган Ҳузайфаси бор
Асри саодатни қаттиқ соғиндим!

Бугун юрсак ҳамки дўстларни сизлаб,
Мушкул он қўямиз уни ёлғизлаб,
Итоат бобида Муозни излаб
Асри саодатни қаттиқ соғиндим!

Соҳталик бўлмаган шу бугунчалик –
Ёлғон саломларга ёлғондан алик!
Ростликни ўргатсин Каъб ибн Молик,
Асри саодатни қаттиқ соғиндим!

Энг буюк зотларга қилмас ҳасадлар
Росулуллоҳ суйган ўлик жасадлар
Жаннатий Фотима бинти Асадлар
Асри саодатни қаттиқ соғиндим!

Суҳайбур Румийни елкалаш учун,
Қалбий риёларни тилкалаш учун,
Саъднинг камонини бир силаш учун
Асри саодатни қаттиқ соғиндим!

Одамлар малакдан фарқ қилмас пайтлар
Ҳассондан таралган илоҳий байтлар,
Тўртта ёнингизда жаннатий Зайдлар,
Асри саодатни қаттиқ соғиндим!
 
yahyoDate: Seshanba, 11/09/20, 2:35:43 PM | Message # 100
Yahshi tajribali
Group: Ishonchli
Messages: 83
Status:
kapalaklar
salom
 
OSIYODate: Dushanba, 11/10/17, 12:32:45 PM | Message # 101
Peshqadam
Group: Ishonchli
Messages: 7162
Status:
O’rangan oy yuzingizni Alloh suysin



Haq rizosin tilab hijob tutgan qizlar
Halqning emas holiq lutfin kutgan qizlar
Haq ishqida nozin ichga yutgan qizlar
Pok qalbingiz chin ilohi hislar tuysin
O’rangan oy yuzingizni Alloh suysin

Yod nazardan qochib parda tutib yuzga
Ibrat bo’lib behayoyu qora yuzga
Endi hatto tosh otsalar tegmas sizga
Sizga zulim istaganlar o’zin tiysin
O’rangan oy yuzingizni Alloh suysin

Bu ne fayzu karomatki misirlarga boy
Misli bulut orasida kulganday oy
Oy hayoga burkanibdi oyday chiroy
Kiyim kiygan yalong’ochlar rashqa kuysin
O’rangan oy yuzingiz Alloh suysin

Oriyatli oy yuzlarnni to’sgan parda
Bir chiroyda tovlanib ming chiroyda
Yomon ko’zdan asrasin Alloh har joyda
Betafiqlar mayli nima desa desin
O’rangan oy yuzingizni Alloh suysin

Fuxofaza etib o’zini yod nazardan
Besh maxramni qutqardingiz axlilardan
Haq lutfiya sazovarsiz saharlardan
Ochiq sochiq yurganlar ham esin yeg’sin
O’rangan oy yuzingizni Alloh suysin

Dunyo sinov haq yo’lida sobit qoling
Hatarlardan eson omon o’tib oling
Jannat uzra bunda payondozlar soling
Alloh o’zi sizga chin baxtan ato qilsin
O’rangan oy yuzingizni Alloh suysin
 
DURDONDate: Payshanba, 12/04/05, 2:36:16 AM | Message # 102
SUPER ADMINKA
Group: Admin yordamchisi
Messages: 10165
Status:
Урфда бор балки қондош, саралаш,
Бир дилни шод этмак ëки яралаш,
Тўйга ҳам чорлайди алам аралаш,
Хешимиз соғиниб йиғлайди зор-зор.

Ëшликдан суйдингиз акажон дея,
Мен учун куйдингиз акажон дея,
На қилиб қўйдингиз акажон дея,
Синглимиз соғиниб йиғлайди зор-зор.

Укажон муштоқмиз аëнларингга,
Сўзлаб бераяжак баëнларингга,
Нима дейман энди жиянларингга,
Опамиз соғиниб йиғлайди зор-зор.

Қалби ëнар, чекади фироқ,
Айтинг бунчалар ҳам кетдингиз йироқ,
Қўллари қалтираб ўчирар чироқ,
Аëлимиз йиғлар соғиниб зор-зор.

Кимдир ғиштда ишлар кимдир оҳакда,
Дийдор дийдормиди қисқа гўшакда,
Бир жой бўш туради доим тўшакда,
Аëлимиз йиғлар соғиниб зор-зор.

Изтироб даҳшати юракни еди,
Лаблари пичирлаб бир нима деди,
Келгунингча кетиб қолмасам эди,
Бувимиз соғиниб йиғлайди зор-зор.

Кексалик чоғида қадалди тикан,
Нуқул битта гапни дегани деган,
Болам боролмадим йўл узоқ экан,
Бувимиз соғиниб йиғлайди зор-зор.

Отасиз яшашнинг азоби ëмон,
Отажон қайтинг дер кўзлари гирëн,
Нима қиларини билолмай ҳайрон,
Ўғлимиз соғиниб йиғлайди зор-зор.

Жажжи кўнгли сезар дил фироғини,
Аламдан отади гул тароғини,
Ўйнагиси келмас қўғирчоғини,
Қизимиз соғиниб йиғлайди зор-зор.

Билмасди синовнинг бундоқ шартини,
Олтмишга кирганда ҳаëт зарбини,
Ўзими кўтариш ўғил дардини,
Отамиз соғиниб йиғлайди зор-зор.

Кўринишдан гўë қонлар ютмайди,
Лек қалби улғаяр не дард битмайди,
Тўйга зўрға борар ош ҳам ўтмайди,
Отамиз соғиниб йиғлайди зор-зор.

Кўча тиқ этганда термулар бедор,
Тўлиқ кўринмайди кўзига қатор,
Бунчалар аламли бўлмаса дийдор,
Онамиз соғиниб йиғлайди зор-зор.

Уйда қолиб ҳамма сарсара кийим,
Кузга бошқа кийим, баҳора кийим,
Бугун эгнимизда қоп-қора кийим,
Онамиз соғиниб йиғлайди зор-зор.

Энди қандай ухлар юрак тўла чўғ,
Ҳар нигоҳ санчилар кўнгилга бир ўқ,
Уч ойлик дийдордан бошқа далда йўқ,
Онамиз соғиниб йиғлайди зор-зор.

Бу гўзал дийдордан маҳруммиз бугун,
Номимиз қародир маҳкуммиз бугун,
Оҳ ким эдик олдин, оҳ киммиз бугун,
Онамиз соғиниб йиғлайди зор-зор.

Вужуди титрайди ëнади тани,
Кўз ëш йўл тополмас қайга оққани,
Соч қўйган болам-а сочларинг қани,
Онамиз соғиниб йиғлайди зор-зор.

Қаранг биз кимларни йиғлатиб кетдик,
Маъюс дилларини тиғлатиб кетдик,
Негаям адашдик жиноят этдик,
Ақраболаримиз йиғлайди зор-зор.

Оқланамиз ҳали Ўзи хоҳласа,
Қучамиз осмоннинг қуëшларини,
Озодликка қайтсак Худо хоҳласа,
Артамиз ҳамманинг кўз ëшларини,
Бошқа синамаймиз бардошларини

Аллох рози булсин Хайрулла Хамидов
 
DURDONDate: Chorshanba, 12/04/11, 4:26:37 AM | Message # 103
SUPER ADMINKA
Group: Admin yordamchisi
Messages: 10165
Status:

 
DURDONDate: Payshanba, 12/08/02, 4:50:56 PM | Message # 104
SUPER ADMINKA
Group: Admin yordamchisi
Messages: 10165
Status:
Ё РАСУЛАЛЛОҲ!

Одам Ато бошлаб берган манҳажни
Айлаган қабулсиз, ё Расулуллоҳ.
Тасдиқлаб шаҳодат калимасини,
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Меърожга «марҳаба» деб кўтарилган,
Йиғлаган Мусони овутиб кетган,
Ийсони энг яқин биродар тутган
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Ҳалилуллоҳ бўлмиш Иброҳимга ҳам
Саловат айтишга ундаган одам,
«Намоз - кўзим нури» деган сўнгги дам
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Оғир йўлларда ҳам босиб минг тикан
Ҳар лаҳза умматнинг қайғусин еган,
Сўнгги лаҳзада ҳам «Умматим» деган
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Баъзилар суннатдан воз кечиб кетмиш,
Сиз айтган фирқалар бўлдилар етмиш...
Башар гарчи турли йўллар кашф этмиш,
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Биламан, даҳшатдир тирилгувси Кун!
Сизга изн бўлгай шафоат учун,
Тавҳидни тутганлар саломат бутун...
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Тинмагай умматнинг тиловатлари
Қуръон таратмиш хуш тароватларин.
Аллоҳнинг саломи, саловатлари
Сиз сўнгги расулсиз, ё Росулаллоҳ,
Ҳам Аллоҳга қулсиз, ё Росулаллоҳ.

Hayrullo Hamidov
 
DURDONDate: Yakshanba, 12/10/21, 4:26:57 AM | Message # 105
SUPER ADMINKA
Group: Admin yordamchisi
Messages: 10165
Status:
ILM
Kimdir ilm o‘xshar dedi shul quyoshga,
G’arbdan chiqib Sharqqa botar qara, Quyosh.
Ilm sharqdan bo‘y taratib qochdi g‘arbga,
Ul ilmni ortga qaytar, ey vatandosh!

Ilm ketdi mo‘minlarni zor yig‘latib,
Ma’no qolmay, mavridi yo‘q xitoblarda.
Farzlar qolib sunnatlarni taxlil etib,
Abo Muslim jangi qoldi kitoblarda!

Namozlarning rakatlari xususida
Tortishuvlar paydo bo‘ldi necha-necha.
Oxir borib madrasada o‘qiguvchi
Ko‘rgan ilmi bo‘ldi o‘sha "ming bir kecha".

Fasod to‘la to‘qilgan ne rivoyatlar
Odamlarning e’tiqodin harob etmish.
Ilmsiz xalq eshoni-yu, piri uchun
Nazr qilib, shirk yo‘llarni tutib ketmish.

Taraqqiyot, dunyo qolib, telbalarcha
Darvesh holin o‘zlariga qilib kasb-kor.
Mana shuni odamlarga islom debon
Ko‘rsatganlar oramizda to hanuz bor.

Tog‘-u toshlar bizning hayot, deganlarning
Avlodlari qanday qilib ustun bo‘lsin?!
Haqqiy islom bayrog‘ini qo‘lda tutgan
G’arbliklarga omad kulmay, kimga kulsin?!

Taraqqiyot deganini dorga osgan
Olomonning kuni bir kun kelib bitmish,
Axir, qara, o‘n yettinchi asr uzra
Esgan shamol qaysi yurtni tashlab ketmish,

O’zdan chiqar sadaqalar unut bo‘lib,
Xo‘p berilgan o‘zga tutgan ikromlarga
Yonidagi mushrik qolib, mo‘minlarning
Mustahabi muhim bo‘lmish imomlarga.

Na dunyoviy ishlarida bor ijobat,
Na Allohdan nusrat kelar bu ummatga.
Chunki uning asl holi faqatgina
Ilm bilan yetar haqqiy kamolotga.

G’arb dinidan yuz o‘girdi, rivojlandi,
Chunki uning dini asli edi botil.
Bugun sharqning holatiga eng aybdor
O’z dinini tushunmagan omi johil.

Mo‘min dini haqdir, Alloh kalomi haq,
Usiz sharqning ahvoli xor, tuban erur.
Taraqqiyot osmoniga bizni faqat
Bizni tashlab ketgan ilm eltib berur.

Shuning uchun farzandlarga ilm berib,
Olimlarni chiqaraylik o‘lkamizdan.
Shundagina insha Alloh katta yukni
Tashlagaymiz gunoh bosgan yelkamizdan.

H.Hamidov
 
Forum » DAM OLISH BO'LIMI » Adabiyot-Литература » Xayrulla Hamidov she`rlari (Harhil sherlar to'plami!)
Search:
Yordam
Maxsus loyihalar
UzigaBek qoidasi + Menyu
Saytda e'lon qilingan materiallardan foydalanish, nusxa ko‘chirish va qayta chop etish UzigaBek.com manbasi ko‘rsatilgan holda amalga oshirilishi mumkin.

Saytda foydalanuvchilar tomonidan joylashtirilgan materiallar mazmuni uchun mualliflarning o‘zlari javobgardir. Sayt ma'muriyati ushbu materiallar mazmuni bo‘yicha javobgarlikni o‘z zimmasiga olmaydi.

Barcha huquqlar himoyalangan © UzigaBek Portali,
2007—2026