Sherzod Nazarov: "Eng yaxshi va esda qolarlik jangim hali oldinda"
Sherzod Nazarov sobiq dunyo mutloq chempioni Neyt Kempbelga qarshi ringda. 03.06.2011 "Yosh to'lqin" tahririyati bundan ikki hafta oldin sobiq dunyo mutloq chempioniga qarshi ringga tushgan o'zbekistonlik yosh bokschi, ayni damda Rossiyaning Sankt-Peterbur shahrida mashg'ulotlarini olib borayotgan Sherzod Nazarov bilan suhbat qurdi.
Sherzod Nazarov 27 yoshda. BokRec reytingi bo'yicha u yarim o'rta vazn toifasida O'zbekistonda beshinchi, dunyoda esa 487-o'rinda. Sherzod Nazarov professional ringda jami bo'lib 18 jang o'tkazgan. Ularning 13tasida raqibni nokautga uchratib g'alaba qozongan. Qolgan 5tasida esa mag'lub bo'lgan.
Asli samarqandlik Sherzod Nazarov 21 may kuni Moskva shahrida sobiq mutloq dunyo chempioni Neyt Kempbelga (Nate Campbell) qarshi ringga tushgan edi. 6 raundlik jangda u ochkolar nisbati bilan mag'lib bo'ldi.
“Yosh to’lqin”: Sherzod, siz yaqinda amerikalik sobiq dunyo mutloq chempioni Neyt Kempbelga qarshi ringga chiqgan edingiz. Afsuski 6 raund davom etgan jangda 7 ochkolik farq bilan mag’lub bo’ldingiz. Jangdan oldin mutahassislar sizni bunday yirik kalibrdagi bokschiga qarshi g’alaba uchun emas, balki tajriba uchun tushmoqda, deyishayotgan edi.
Sherzod Nazarov: Sportchi, qaysi sport sohasida faoliyat olib bormasin, har qanday raqibga qarshi g’alaba uchun chiqadi. Endi mag’lubiyatim haqida aytadigan bo’lsam… Biz aslida 6 raundlik jangga tayyorgarlik ko’rgan edik. Amerikaliklar ringga chiqishni oldidan jangni 8 raundga cho'zdirishdi.
“Yosh to’lqin”: Boksda jangga tayyorgarlik ko’rayotganda bir-ikki raund ham farq qiladimi?
Sherzod Nazarov: Konechno, farq qiladi. Masalan 6 raundga nagruzka ozroq bo’ladi. 8 raundga bo’lsa ko’proq bo’ladi… Yana bir problema. Amerikaliklar meni ringga bir oy oldin taklif qilishgan edi. Biroq ular bir necha marta o’z fikrlarini o’zgartirishdi. Bir jang bo’ladi, bir bo’lmaydi deyishdi. Bu mashg’ulotlarimga o’z ta’sirini ko’rsatdi, albatta. Jangga bir hafta qolganda ular uchrashuv aniq bo’ladi deyishdi. Nima qilamiz, rad javobini berishni foydasi yo’q edi. Shuning uchun ringga chiqdim.
“Yosh to’lqin”: Umuman olganda, siz Neyt Kempbelga qarshi o’tkazgan jangizni qanday baholaysiz?
Sherzod Nazarov: Agar yuqorida aytib o’tgan muammolar bo’lmaganida, agar jang 6 raund bo’lganda, yoki oldindan 8 raund bo’lishini bilganimda albatta boshqacha natija ko’rsatgan bo’lar edim.
Sherzod Nazarovning Neyt Kempbelga qarshi o'tkazgan jangidan lavhalar:
“Yosh to’lqin”: Siz Kempbelga 7 ochko farq bilan mag’lub bo’ldingiz. Agar jang olti raund bo’lganda yoki 8 raund bo’lishni siz oldindan bilganingizda, siz shu 7 ochkoga ega bo’lgan bo’larmidingiz?
Sherzod Nazarov: Anig’ini aytish qiyin. Lekin ular meni nastroyimni buzishdi-da bu bilan, tushunyapsizmi. Boksda har bir daqiqaga oldindan tayyorgalik ko’riladi. Amerikaliklar esa jang qoidalarini o’zgartirishdi.
“Yosh to’lqin”: Nega endi amerikaliklarning aytgani bo’laveradi? Ularga qarshi sizning ovozingiz o’tmadimi?
Sherzod Nazarov: Bu jangda men opponent edim. Men ularni emas, ular meni jangga taklif qilishgan edi. Shuning uchun.
“Yosh to’lqin”: Sherzod, boks olamiga kirib kelganingiz haqida gaplashsak. Internetda berilgan ma’lumotga ko’ra siz Samarqandda boks bilan shug’ullanishni boshlagansiz. Shundaymi?
Sherzod Nazarov: Ha, shunday. Boksga kelishimga sabab dadam bo’lgan. O’zi yoshligimdan qiziqib kelar edim. Dadam meni 7-sinfdaligimda murabbiy Anatoliy Romanovich Fonarin oldiga olib borgan. Sovet Ittifoqining xizmat ko’rsatgan murabbiyi edilar. Keyinroq esa Toshkentdagi Olimpiadachilar kollejini tugatdim. U yerda men uch yil davomida mashg’ulotlar o’tkazdim
“Yosh to’lqin”: Rossiyaga qanday borib qoldingiz?
Sherzod Nazarov: 2006 yili Moskvaga kelganman. Do’stim birga mashg’ulotlar o’tkazishga chaqirgan edi. Ustozim Sergey Viktorovich edilar. 2009 yili esa Sankt-Peterburgga keldim. Hozir shu yerda “Tayfun” professional boks klubida mashg’ulotlar o’tkazayapman. Bu yerda kuchli bokschilar talaygina.
“Yosh to’lqin”: Sherzod, siz professional ringda jami bo’lib 18 jang o’tkazibsiz. Ulardan 13da raqibni nokaut qilib g’alaba qozongansiz. Qolgan 5dasida esa mag’lub bo’lgansiz. Shu janglardan qaysi biri eng esda qolarlik bo’lgan?
Sherzod Nazarov: 2008 yili Yevgeniy Strausovga qarshi jang eng esda qolarlik bo’ldi. Shu jangda Strausovni yutishimni hech kim bashorat qilmagan edi. Men jangga juda yaxshi tayyorgarlik ko’rgan edim. Lekin hamma Strausovni yutadi deb o’ylagan edi. Mening kuchimga faqat ustozim ishongan edi, holos. Men esa Strausovni birinchi raunddayoq nokaut qilib, jangda g’olib chiqdim. Shunda ko’pchilik menga boshqacha baho berishni boshlagan... A tak, har bir jang esda qolarlik bo'lgan, desam adashmayman. Lekin eng yaxshi va esda qolarlik jangim hali oldinda.
“Yosh to’lqin”: O’zbekiston boks maktabini qanday baholaysiz?
Sherzod Nazarov: O’zbekiston boks maktabi juda ham kuchli, deb o’ylayman. Chunki O’zbekiston boks maktabi juda ko’p kuchli bokschilar chiqargan. Buni hamma biladi.
"Yosh to’lqin": Har bir sportchining yoshligidan beri o’rnak olib kelgan kumir sportchisi bo’ladi. Sizning kumiringiz kim?
Sherzod Nazarov: Mening kumirim Artur Grigoryan bo’lsa kerak. Chunki kichkinaligimda uning janglarini ko’rib ilhom olar edim. Juda kuchli sportchi bo’lgan.
“Yosh to’lqin”: Bokschining professional faoliyati 35-37 yoshlarga borib yakunlanadi. Siz o’zingizni 40 yoshnigizda qayerda va kim bo’lib ko’rasiz?
Sherzod Nazarov: Bilmadim. Hudoi taolo nima atagan bo’lsa shu narsa bo’ladi.
“Yosh to’lqin”: Sherzod, suhbat uchun katta rahmat. Ringda hamisha omad yor bo’lishini tilab qolamiz.
Message edited by durdon - Yakshanba, 05-Iyun-2011, 14:32
Ўзбекистон олимпиадачилари ҳамкори маълум бўлди Лондон шаҳрида 2012 йилда бўлиб ўтадиган ХХХ Олимпиада ўйинлари арафасида Ўзбекистон Миллий олимпия қўмитаси Белгиянинг “Суисси Трэвл” ширкати билан ҳамкорлик ҳақида шартнома имзолади.
Регнум ахборот агентлиги хабарига кўра, бундан буён “Суисси Трэвл” ширкати Ўзбекистон Миллий олимпия қўмитасининг Лондон Олимпиадаси бўйича расмий агенти ҳисобланади.
Бу ширкат Лондондаги меҳмонхоналарга жойлаштириш, ўйинлар пайтида транспорт билан таъминлаш, турли мусобақаларга чипталар олиб бериш, экскурсия ва бошқа хизматлар кўрсатишни ўз ичига олган махсус туристик йўлланмаларни ўзбекистонликларга таклиф қилади.
Агар Лондон Олимпиадаси муваффақиятли ўтса, томонлар Рио де Жанейро шаҳрида 2016 йилда бўладиган кейинги Олимпиада ўйинида ҳам ҳамкорликни давом эттиришни режаламоқда.
'Арсанел' ўзбекистонлик футбол юлдузи Одил Аҳмедовга қизиқиш билдирди'
Ўзбекистон Футбол Федерацияси президенти Мираброр Усмонов Лондоннинг "Арсенал" клуби Ўзбекистон миллий терма жамоаси ярим ҳимоячиси Одил Аҳмедовга қизиқиш билдирганини айтган.
Озарбойжон пойтахти Боку шаҳрида бўлиб ўтаётган «Каспий кубоги»да учинчи тур учрашувлари бўлиб ўтди. Мусобақада иштирок этаётган «нуралиевчилар» бугун мусобақанинг 3-турида Қирғизистонга қарши майдонга тушишди ва бу сафар йирик ҳисобда ғалаба қозонишди.
Иккинчи бўлимда вакилларимиз янада сермаҳсулроқ футбол намойиш эта бошлашди. Аввалига биринчи гол муаллифи Шоҳжаҳон Аббосов ўзининг иккинчи голини киритган бўлса, Иззат Абдуллаев икки дақиқанинг ўзида иккита тўп киритиб хет-трек қайд этди. Бу билан ҳам чекланиб қолмаган Нуралиев шогирдлари 74-дақиқада Муҳиддин Одиловнинг голидан кейин ҳисобни 7:0 кўринишига олиб келишди. Бу ҳисоб учрашув сўнггига қадар ўзгармади ва вакилларимиз гуруҳдаги сўнгги учрашувни йирик ҳисобдаги ғалаба билан якунлади.
17 ёшгача бўлган Ўзбекистон терма жамоаси машғулот пайтида, 2011 йил 19 июн. 26.06.2011
Мексикада 17 ёшгача бўлган ўсмирлар ўртасида давом этаётган футбол бўйича жаҳон чемпионатининг “D” гуруҳида Ўзбекистон терма жамоаси Чехия терма жамоаси устидан 2:1 ҳисобида ғалаба қозониб, play-off босқичига йўлланма олди.
Айни гуруҳда иштирок этаётган АҚШ ва Янги Зелландия терма жамоалари ўртасидаги ўйинда ҳисоб очилмади.
Ўзбекистонлик футболчилар 6 очко билан ўз гуруҳида биринчи ўринни эгаллади.
Энди ўзбек футболчилари “В” (Аргентина), “Е” ва “F” гуруҳларида учинчи ўринни эгаллаган жамоалар билан куч синашади.
Кейинги босқичнинг дастлабки ўйини 29 июнга белгиланган.
Куала Лампурда бўлиб ўтган қуръа натижаларига мувофиқ, Ўзбекистон Олимпия миллий терма жамоаси 2012 йилги Лондон Ёзги Олимпиада Ўйинларига йўлланмани қўлга киритиш учун "Ўлим" гуруҳидан чиқиши лозим бўлади.
Футбол мутахассислари Ўзбекистон тушган "В" гуруҳига ана шундай баҳо беришмоқда.
Чунки учинчи босқич саралаш учрашувларида ўзбекистонлик футболчилар ашаддий рақиблари Австралия, Ироқ ва Бирлашган Араб Амирликларига қарши тўп суришлари керак бўлади.
"В" гуруҳига тушган миллий терма жамоаларнинг кучи деярли бир хил эканини назарда тутиб, ҳар тўрт бош мураббий бир овоздан ягона йўлланма учун курашнинг аёвсиз бўлишини башорат этишмоқда.
Ўзбекистонликларга рақиб бўладиган бу уч давлатнинг футболи эса, Осиё қитъасида муносиб ўринга эга. Озми, кўпми, Жаҳон футболида ҳам ўзини яхшигина кўрсатишга муваффақ бўлган.
Дейлик, ўзбекистонлик футболчиларнинг илк учрашувлари 2004 йилги Афина Ёзги Олимпиада Ўйинларини тўртинчи ўрин билан якунлаган ироқлик рақибларига қарши бўлади.
Бирлашган Араб Амирликлари Олимпия миллий терма жамоасининг ютуқлари эса, ҳатто, ўзбекистонлик мураббийларнинг шахсан ўзлари томонидан ҳам эътироф этилмоқда.
Амирлик ёшлари 2008 йилда 19 ёшгача бўлганлар орасида Жаҳон чемпиони ва Хитойда бўлиб ўтган Осиё Ўйинларининг финалига чиқиш билан ўзларининг нималарга қодирликларини амалда исботлаб қўйишган.
Австралия Олимпия миллий терма жамоаси эса, гуруҳдаги бошқа рақиблари билан солиштирганда, Олимпида Ўйинларида энг катта тажрибага эга жамоадир.
Австралиялик футболчилар ўз тарихларида икки бор Олимпида Ўйинларининг чорак финалига чиқишган, 1992 йилда эса, Барселонада тўртинчи ўрингача кўтарилишга муваффақ бўлишган.
Ўзбекистоннинг имкониятлари...
Айни ўринда шуни ҳам таъкидлаб ўтиш жоизки, ўзбекистонлик футболчилар ҳам ўз рақибларидан заррача қолишмайди.
Учинчи босқич саралаш учрашувларида Марказий Осиё минтақасини фақат Ўзбекистон намоён этмоқда.
Улар сўнгги беллашувларида ҳонг-конглик рақибларини мағлуб этиб, бу каби шарафга нойил бўлишганди.
Бугун Ўзбекистон Олимпия миллий терма жамоаси таркибини ташкил этувчи аксарият футболчилар 2008 йилда Саудия Арабистонида бўлиб ўтган Осиё чемпионатининг кумуш медалини қўлга киритишган.
20 ёшгача бўлганлар орасида Мисрда бўлиб ўтган сўнгги Жаҳон чемпионатида ҳам иштирок этишган.
Ўтган йил Хитойда бўлиб ўтган 16-Осиё Ўйинларининг чорак финалигача чиқишга муваффақ бўлишган.
Ўзбекистонлик футбол юлдузи ва таниқли мураббий Миржалол Қосимов ҳам футболчиларнинг узоқ йиллар давомида бирга тўп суриб келишгани, бир-бирларига яхши синашта эканликлари бўлажак учрашувларда уларга қўл келишини айтади.
Унга кўра, Ўзбекистон Олимпия миллий терма жамоаси яхши шаклланган ва сўнгги йилларда ёмон ўйин кўрсатаётгани йўқ:
Mиржалол Қосимов "В" гуруҳига тушган миллий терма жамоалар билан бемалол ўйнаш мумкинлиги, ўзбекистонлик футболчилар ўз гуруҳларидан чиқишни уддалашларига ишончи комиллигини айтади.
"17 ёшгача бўлган футболчиларимизнинг Мексикадаги сўнгги Жаҳон чемпионатидаги иштироклари бунга мисол. У ерда ҳам футболчиларимизга қийин бўлади дейишганди. Аммо, бунга қарамасдан, улар чиройли ўйин кўрсатиб, дунёнинг кучли саккизталигига киришди," дейди у.
Айни ўринда шуни ҳам таъкидлаб ўтиш жоизки, осиёлик кўплаб футбол мутахассислари "В" гуруҳида Австралия миллий терма жамоасининг имкониятлари яхши, деган фикр билдиришмоқда.
Аммо Миржалол Қосимов ҳар бир миллий терма жамоа гуруҳдан чиқиш учун қаттиқ ҳаракат қилиши, ўзига хос ўйин услубига эга эканликларидан келиб чиқиб, улардан алоҳида биттасини йўлланма учун курашда ўзбекистонлик футболчиларнинг ашаддий рақиблари, деб атамаган бўлишини айтади.
Ўзбекистон Олимпия миллий терма жамоаси яқинда Исроил, Словения ва Сурияга қарши Австрияда ўтказган барча халқаро ўртоқлик учрашувларини ҳам ғалаба билан якунлаган.
Бундан ташқари, учинчи босқич саралаш учрашувларининг дастлабки ва якуний беллашувларининг Тошкентда бўлиб ўтиши ҳам ўзбекистонлик футболчиларга яхшигина қўл келиши айтилмоқда.
Ўзбекистонлик футболчиларнинг гуруҳдаги сўнгги учрашуви эса, келаси йилнинг 14 март куни Бирлашган Араб Амирликларига қарши бўлиб ўтади.
Тўрттагина йўлланма
Ҳозирги босқичда 2012 йилги Лондон Ёзги Олимпиада Ўйинларига бор-йўғи тўртта йўлланмани қўлга киритиш учун қитъанинг 12 миллий терма жамоаси кураш олиб боради.
Йўлланмани нақд қилиш учун эса, қай бир миллий терма жамоа бўлишидан қатъиназар, ўз гуруҳида биринчи ўринни қўлга киритиши лозим бўлади.
Иккинчи ўрин билан якунлаган миллий терма жамоа эса, шу йил март ойи охирларида бўлиб ўтажак плэй-офф беллашувларида ҳам иштирок этади.
Сиз, азиз ўқувчи, Ўзбекистон Олимпия миллий терма жамоасининг 2012 йилги Лондон Ёзги Олимпиада Ўйинларига йўлланмани қўлга киритиш имкониятларини қандай баҳолайсиз?
Ruslan Chagaev 28 avgustda ringga tushadimi? Ўзбекистонлик донгдор боксчи, профессионал бокснинг "Оқ Тайсон"и Руслан Чагаев WBA йўналиши бўйича энг оғир вазн тоифасида Жаҳон чемпионлиги камарини қайтариб олиш учун шу йилнинг 28 август куни россиялик боксчи Александр Поветкинга қарши рингга тушмоқчи.
Руслан Чагаевнинг Би-би-си Ўзбек Хизмати билан суҳбатида айтишича, бўлажак жанг масаласида ҳар икки томон деярли келишиб бўлишган.
Бўлажак жангнинг Олмониянинг Эрфурт шаҳрида бўлиб ўтиши кутилмоқда.
Руслан айни шу омилни назарда тутиб, россиялик рақиби билан жанггининг амалга ошишига ҳеч бир тўсиқ бўлмаслигига умид қилаётганини айтади.
Ўзбекистонлик донгдор боксчи эса, бир неча йилдан буён Олмониянинг Universum Box-Promotion клубида шуғулланиб келади. Руслан аслида шу йилнинг май ойида британиялик боксчи Девид Ҳейга қарши рингга тушиши лозим эди. Аммо Русланнинг ўрнига Владимир Кличко билан жанг олиб борган Девиднинг мағлубиятини тан олишдан бошқа чораси қолмади
Руслан бундан икки йил аввал украиналик боксчи Владимир Кличкодан мағлубиятга учраб, энг оғир вазн тоифасида чемпионлик камаридан буткул мосуво бўлганди.
Аммо ўтган йил май ойида австралиялик рақиби Кали Мианни енгиб, яна чемпионлик камарига даъвогарлик қилиш ҳуқуқини қўлга киритганди.
Ўша йилнинг ноябр ойида Олмониянинг Ҳамбург шаҳрида бўлиб ўтган сўнгги жангида америкалик рақиби Тревис Уокерни ҳам мағлуб этиб, бундан кейинги жангги албатта Жаҳон чемпионлиги камари учун бўлишини айтганди.
Руслан шу йилнинг май ойида британиялик боксчи Девид Ҳей билан рингга тушиши кутилганди.
Аммо жангга саноқли ойлар қолган бир пайтда Девид Ҳей Владимир Кличко билан жанг олиб бориш ниятида эканини эълон қилганди.
Шу йилнинг 2 июл куни профессионал боксда Жаҳоннинг супер чемпионлиги учун олиб борилган жангда Девид Ҳей рақибига енгилиб, унга чемпионлик камарини олдириб қўйди.
Жаҳоннинг супер чемпионини аниқлаб берган ана шу жанг ортидан эса, профессионал бокснинг энг оғир вазн тоифасида Жаҳон чемпионлиги ваканцияси бўшаган.
Руслан Чагаев 2007 йилнинг 14 апрел куни россиялик рақиби Николай Валуевни енгиб, илк бор профессионал бокснинг WBA йўналиши бўйича энг оғир вазн тоифасида Жаҳон чемпиони бўлганди. Амалга ошса, бу - Александр Поветкиннинг профессионал боксда Жаҳон чемпионлиги учун олиб борадиган илк жангги бўлади
Александр Поветкин 2005 йилда профессионал боксга ўтган.
Профессионал боксда 19 та жанг ўтказган бўлса, уларнинг ҳаммасида ғолиб чиққан.
Ҳаваскор боксда бир неча бор Россия, Оврўпо чемпиони. Жаҳон ва Олимпиада Ўйинларининг олтин медалини ҳам қўлга киритган.
Аммо айрим бокс мутахассислари унинг ҳимояда аниқ ҳаракат қилолмаслиги ва рақибини нокаут қилиш даражасида кучли зарбага эга эмаслигига ҳам эътибор қаратишади.
WBA рейтингида Руслан Чагаевдан кейин 2-ўринни эгаллаб турибди.
2009 йилдан бошлаб америкалик мураббий Тедди Атлас қўл остида шуғулланиб келади.
Аммо шу йил бошида машғулотларни қаерда олиб бориш масаласида келиша олмай, вақтинчалик мураббийсиз қолгани ҳам айтилади.
Амалга ошса, бу - Александр Поветкиннинг профессионал боксда Жаҳон чемпионлиги учун олиб борадиган илк жангги бўлади.
Ҳаваскор боксда бир неча бор Осиё ва Жаҳон чемпионлари бўлган Руслан Чагаев эса, энг оғир вазн тоифасида дунёдаги энг кучли боксчилардан бири саналади.
Ўзбекистонлик таниқли боксчи профессионал боксда бундан аввал ўтказган 26 та жангининг 24 тасида ғалаба қозонган, биттасида мағлуб бўлган ва яна биттасини дуранг ҳисоби билан якунлаган.
Руслан Чагаев кубалик афсонавий боксчи Феликс Савонни икки бор мағлуб эта олган ягона хорижлик боксчи сифатида ҳам бутун жаҳонга машҳур.
ХАБАРЛАР / ЎЗБЕКИСТОН Валижон Шамшиев жаҳон чемпионатида 3 ўринни эгаллади 20.07.2011
АҚШнинг Лас-Вегас шаҳрида Каратенинг Чан-Кук До (Chun Kuk Do) йўналиши бўйича бўлиб ўтган Жаҳон чемпионатида ўзбекистонлик таниқли қизиқчи ва спортчи Валижон Шамшиев 3 ўринни эгаллади.
Америкада ўзбек тилида чоп этиладиган “Ватандош” нашрининг хабар беришича, “қора белбоғ” соҳиби Валижон Шамшиев 34 ёшдан 45 ёшгача бўлган эркаклар орасида беш кишига қарши жангга чиққан.
Жами Ўзбекистондан 3 киши иштирок этган карате бўйича Жаҳон чемпионатида 21 ёшли Зумрад Тайзиддинова 18 дан 34 ёшгача бўлган аёллар ўртасида 2-ўринни эгаллаган.
Каратенинг Чан Кук До йўналишига АҚШлик таниқли спорт устаси, кино актёри Чак Норрис 1990 йилда асос солган.
23 июл куни Валижон Шамшиев Нью Жерсида ўзбекистонликлар учун “Кулганда гўзал” номли кулги кечасида ҳам иштирок этиши кутилмоқда, дея хабар қилади “Ватандош” газетаси.
23.07.2011 23 июл кун 2014 йили Бразилияда бўлиб ўтадиган футбол бўйича жаҳон чемпионати саралаш ўйинлари доирасида Ўзбекистон ва Қирғизистон терма жамоалари Пахтакор марказий стадионида майдонга тушди.
ХАБАРЛАР / ЎЗБЕКИСТОН Ўзбекистон терма жамоаси Бишкекка ўйин куни келади
27.07.2011
Футбол бўйича 2014 йилги жаҳон биринчилигининг саралаш ўйинлари доирасида 28 июл куни Ўзбекистон миллий жамоаси Қирғизистон гуруҳига қарши майдонга тушади.
Ўзбекистон Футбол федерациясининг билдиришича¸ ўзбекистонлик футболчилар жавоб ўйини учун Бишкекка 28 июл тонгда етиб келади ва ўйин тугаши билан яна махсус рейс билан Тошкентга қайтади.
Қирғизистон Футбол федерацияси раҳбарлари 28 июл кунги жавоб ўйинида меҳмонлар хавфсизлиги тўлиқ таъминланишини таъкидламоқдалар.
Жаҳон чемпионати саралаш ўйинлари доирасидаги биринчи ўйинда ўзбекистонлик футболчилар қирғиз жамоасини 4:0 ҳисобида мағлуб қилдилар.
Бишкек ўйини олдидан бугун Ўзбекистон миллий жамоаси мутасаддиларининг махсус матбуот анжумани ўтказиши кутилмоқда.
Йирик ҳисоб анъанаси давом этди Рукн: Янгиликлар » ОСИЁ
Терма жамоамиз ўйиннинг бошиданоқ рақибга нисбатан прессинг қўллаши орқали, бугунги ўйинга ҳам жиддий ёндошгандек кўринди. Биринчи бўлим ўрталаригача юзага келаётган кетма-кет хавфли ҳужумлар терма жамоамизнинг бу ўйинда йирик ғалаба қозонишидан дарак бераётгандек эди. Аммо, худди Тошкентда бўлгани каби бу сафар ҳам тўп дарвоза тўрига бориб тушавермади. Назаримизда, Тошкентда тўпнинг дарвозага кириши қийин бўлишида омаднинг рақиб томонида бўлгани сабаб бўлган бўлса, бу сафар ҳужумчиларимизга бироз жиддийроқ муносабат етишмади.
Қирғизистон ҳам, мақсад қилганидек, илк дақиқаларданоқ ўз бахтини ҳужумдан излай бошлади. 3-дақиқада Мирлан Мурзаев тўпни эгаллаб олиб, Азиз Сиддиқовга қолдирди. Унинг зарбаси эса ноаниқ чиқди. Ўйиннинг 7-дақиқасида вакилларимиз яхши ҳужум уюштиришди ва худди Тошкентда урилган биринчи голнинг нусхаси такрорланиши мумкин эди. Станислав Андреев яна ўша чап қанотдан тўпни жарима майдончасига етказди. Гейнрихнинг зарбаси эса бу сафар ҳимоячига тегиб, майдонни тарк этди. Ўша заҳоти амалга оширилган бурчак зарбасидан сўнг, тўп Станислав Андреевга келиб тушди. Унинг кучли зарбасини дарвозабон майдон ташқарисига чиқариб юборди. 17-дақиқада Станислав Андреевнинг ўзи чап қанотдан рақиб жарима майдончасига яқинлашиб бориб, тўпни янада қулай вазиятда турган шерикларига узатди. Тўпга на Бақоев, на Гейнрих етиб кела олишди.
Орадан кўп ўтмасдан, терма жамоамиз бу сафар ҳужумни ўнг қанотдан ривожлантириб, тўп жарима майдончасига эмас, уни ташқарисида турган Гейнрихга етказилди. Саша товони билан тўпни жарима майдончасига кириб бораётган Серверни тўп билан таъминлади. Жепаров тўпни бироз аниқроқ тўхтата олганида, дарвозабон билан бирга-бир вазиятда дарвозани ишғол қилиши мумкин эди. Карпенконинг узоқ масофадан йўллаган кучли зарбаси Қирғизистон дарвозаси тўсинига теккани билан ёдимизда қолди.
Ўйиннинг 33-дақиқасида эса рақиблар ўйиндаги илк хавфли вазиятни яратишди. Ўзбекистон миллий терма жамоаси сафида ўзининг дебютини нишонлаган Салим Мустафоев тўпни рақибига олдириб қўйди ва қирғизистонлик футболчи ўнг қанотдан ёлғиз олдинги интилиб, жарима майдончасига ёлғиз кириб келаётган шеригига тўпни аниқ етказиб берди. Ҳужумчи тўпни тўхтатишда техник хатога йўл қўйгани учун Ислом Тўхтахўжаев тўпни жарима майдончасидан узоқлаштиришга муваффақ бўлди.
Тошкентдаги ўйиннинг 28-дақиқасида гол киритилган бўлса, бу сафар биринчи бўлим охирига қадар таблода ҳисоб ўзгармади. 38-дақиқада дарвозабон Руслан Амировнинг ўзи терма жамоамизга ёрдам бериб юборгиси келди шекилли, ҳимоячилари томонидан етказиб берилган тўпни узоқлаштираман деб, тўппа-тўғри ўзига яқинлашиб келаётган Александр Гейнрихга қараб тепди. Тўп эса Сашанинг бошига тегиб, дарвозабон бахтига, дарвозага аниқ бормади.
Биринчи бўлимни кузата туриб, терма жамоамизнинг бу ўйинга етарли иштиёқ билан ёндаша олмаганини кузатишимиз мумкин. Бунинг натижаси ўлароқ, Қирғизистон терма жамоаси гол уриш учун имкониятларга эга бўла бошлади. Бўлим охирида жарима майдончамизга ёриб кирган футболчи яхшиямки ҳеч нарса қила олмади.
Иккинчи таймдаги илк ҳужум гол билан якунланди. Александр Гейнрихга нисбатан ишлатилган қўполлик натижасида белгиланган жарима зарбасини Сервер Жепаров чап қанот оркали ўйнашга қарор қилди. Тўпни қабул қилишга тайёр турган Андреев тўпни дарҳол жарима майдончасига баландлатиб етказди. Улуғбек Бақоев дарвозабон билан биргаликда тўпга сакради. Тўп эса ҳеч кимга насиб қилмаган ҳолда, уларнинг орқасида очиқ турган Виктор Карпенкога келиб тушди. Виктор тўпни тўхтатиб ўтирмасдан бўш қолган дарвозани ишғол қилди - 0:1.
Голдан кейин ташаббус тўла-тўкис терма жамоамиз томонига ўтди. Қирғизлар эса яна бутун жамоа бўлиб ҳимояланишга ўтишди. Терма жамоамизнинг позицион ҳужумлари эса хавфли кўриниш ола бошлади. Қирғизистон эса майдон марказида кучли прессингга дуч келгани туфайли, тўпни ҳимоядан тўғри ҳужумга етказишга ҳаракат қилди. Баъзан бу тактика уларга наф келтиришлари ҳам мумкин эди. Масалан, 62-дақиқада Даврон Асқаров 17 метрдан дарвозамиз томон эркин зарба бера олди. Аммо тўп дарвоза устидан ўтиб кетди.
Аввалги ўйинларда Гейнрихнинг жисмоний ҳолати яхшиланганига гувоҳ бўлгандик. Ҳаттоки у ўйин охирида майдон марказидан жарима майдончаси томон тўп билан югурганди. Бу сафар ҳам Саша Жепаровнинг тўп узатишидан сўнг деярли майдон марказидан дарвозабон билан бирга-бир чиқиб борди. Унинг кетидан 3 нафар ҳимоячи етиб борганига қарамай, Гейнрих уларни яна бир мартадан алдаб чиқиб, тўпни бўш турган Насимовга етказди. Бокудан келган футболчимиз ўз Озарбойжонга голсиз қайтмайдиган бўлди - 0:2.
Орадан беш дақиқа ўтиб, Гейнрихнинг ўзи узоқ масофадан бўш қолган дарвозани ишғол қила олмади. Ўйинда энг фаол ҳаракат қилган Станислав Андреев бу вазиятда ажойиб пас муаллифига айланганди. 74-дақиқада Насимов 4 метрдан дарвозани ишғол қила олмади. Яна ўша Андреев томонидан ерлатиб узатилган тўпни Баҳодир дарвозабон устидан ошириб қўймоқчи бўлди, аммо тўп биратўла дарвоза тўсини устидан ўтиб кетди. Орадан 3 дақиқа ўтиб, Баҳодир Насимов ҳимояда тўпни футболчидан олиб қўйиб, Александр Гейнрихни қулай вазиятга чиқарди. "Сувон" футболчиси жарима майдончасига кириб келиб, қулай вазиятда турган Жепаровга тўпни етказаётганида, ҳимоячи тўп йўлига ғов бўлди.
84-дақиқада Сервер Жеперовнинг 17 метрдан йўллаган кучли ва аниқ зарбасини дарвозабон Амиров бир амаллаб майдон ташқарисига чиқариб юбора олди. Ўйин тугашига 2 дақиқа қолганида эса Гейнрих 6 метрдан рақиб дарвозасини ишғол қила олмади. Ўйиннинг сўнги дақиқасида уюштирилган ҳужумни эса захирадан майдонга тушган Жасур Ҳасанов бошлаб берди. У Жепаровни олдинга бошлади. Сервер янада қулайроқ вазиятда турган Насимовни тўп билан таъминади. Баҳодир эса қулай вазиятни кўкка совурмай, бугунги ўйинда "дубл"га эришди - 0:3.
Шундай қилиб, икки ўйин натижасига кўра, терма жамоамиз ўз дарвозаси дахлсизлигини сақлаган ҳолда, Қирғизистон дарвозасига 7та тўп киритишга муваффақ бўлди. Терма жамоамиз Қирғизистон билан олтинчи ўйинда ҳам йирик ғалабани қўлга киритди. Шанба куни Бразилиянинг Рио-де-Женейро шаҳрида ташланадиган қуръа орқали гуруҳ босқичидаги рақибларимизни билиб оламиз.
Ўзбек футболчилари япон, корейс ва сурияликлар билан беллашади
Ўзбекистон миллий терма жамоаси.
31.07.2011 Футбол бўйича 2014 йил Жаҳон чемпионатининг учинчи давра саралаш ўйинларида ўзбек футболчилари Япония, Сурия ва Жанубий Корея терма жамоалари билан беллашади.
Жорий йилнинг 2 сентябрдан 2012 йилнинг 29 февралига қадар давом этадиган беллашувлар натижасида иккита энг сара жамоа кейинги босқичга чиқади.
Ўзбекистон футболчилари 2 сентябр куни 1-турда Сурия жамоаси билан беллашади. 6 сентябр 2-турда Ўзбекистон-Япония; 11 октябр 3-турда Жанубий Корея-Ўзбекистон; 11 ноябр 4-турда Ўзбекистон-Жанубий Корея; 15 ноябр 5-турда Ўзбекистон-Сурия; 29 феврал 6-турда Япония-Ўзбекистон ўйинлари ўтказилади.
Ўзбекистон олимпия термаси - Лобановский мусобақаси ғолиби!
Руминия билан ўйин ўтказилмаганига яраша, Ўзбекистон олимпия терма жамоасининг Украинада ўтказилган Валерий Лобановский хотира турниридан ғолиб чиқишига гувоҳ бўлдик. Қувончли лаҳзалар. Ушбу ғолиблик яна шуниси билан эътиборга молик: эртага юртимизда 1979 йилда авиафалокатга учраган "Пахтакор"нинг 17 ўғлони эсга олинади; бу ўғлонларимиз айнан Украина осмонида самога сочилиб кетишганди. Олимпиячиларимиз ўша юлдузларимизга муносиб издош бўлиб, Украинадан Кубок билан қайтадиган бўлишди.
"Спорт" телеканалига раҳмат - ўйинни тўлиқ томоша қилдик. Абрамов шогирдларига раҳмат - улар кеча Сербияни ютиб, финалга чиқишди ва бизга финал ўйинини кўриш учун имконият яратишди.
Украиналиклар мезбон сифатида ўйин бошидан олдинги интилишларини табиий ҳол сифатида қабул қилиш лозим. Йигитларимиз эса Яровенко шогирдларининг ҳамлаларини бартараф эта олишди ва аста-секин тўпни ўз изнларига бўйсундиришга интилишди. Гарчанд бу тактика терма жамоамизга ўйин бошида наф келтирмаган бўлса-да, рақибнинг шаштини синдиришда фойда берди.
Шундан сўнг, мезбонлар кўпроқ қарши ҳужумда тўп суришга мажбур бўлишди. Ўйиннинг 26-дақиқасида Ислом Тўхтахўжаев оддий вазиятда ўта қўпол вазиятга йўл қўйди - ён қанотдан тўп майдонни тарк этаётгандек ва уни Ислом назорат қилаётгандек кўринган бир вазиятда рақиб футболчиси бирданига тўпга ташланди; унинг тўпга ташланишини кўрган Тўхтахўжаев тўпни тепиб юбормоқчи бўлди. Аммо тўп Павловга текканича, ҳужум уюштириш учун қулай вазиятга юзага келди. Тўпни эгаллаган футболчи уни Евгений Шаховга узатди. Аммо Шахов тўпни тўхтатишда қўпол хатога йўл қўйди ва тўп билан бирга қулай вазиятни ҳам қўлдан чиқарди. Орадан 3 дақиқа ўтиб, бу сафар Павловнинг ўзи Мочалов билан бирга-бир вазиятга чиқиб борди. Тўпни дарвозабонимизнинг ёнидан ўтказиб, ўзи уни айланиб ўтишга ҳаракат қилди. Аммо тўпни қаттиқроқ тепиб юборгани учун тўп майдон ташқарисига чиқиб кетди.
Терма жамоамиз тўпни назорат қилишга ва комбинацион футбол намойиш қилишга ҳаракат қилган бўлса-да, рақиб дарвозаси томон илк хавфли зарба узоқ масофадан йўлланди. Шерзод Каримов бурчак тўпини жарима майдончасига кириб келаётган Жавлон Иброҳимовга ерлатиб узатди. "Бунёдкор" ярим ҳимоячиси ўз навбатида уни орқароққа қолдирди. Салим Мустафоевнинг кучли зарбасини Максим Коваль қийинчилик билан қайтариб қолди. Айнан ушбу вазиятдан сўнг, ё йигитларимизда ўзларига бўлган ишонч ортиб кетди, ёки украиналиклар бироз қўрқиб қолишди шекилли, ташаббус ва хавфли вазиятларни содир этиш бўйича устунлик Абрамов шогирдлари томонга ўтиб кетди. 43-дақиқада уюштирилган ажойиб ҳужум натижасида Олег Зотеев жамоадоши билан "девор" услубида ўйнаб, жарима майдончасига ёриб кирганча, тўпни Коваль қўриқлаётган дарвозанинг яқин бурчагига йўллади. Дарвозабон уни майдон ташқарисига чиқариб юборди.
Иккинчи бўлим бошида худди аввалгисида бўлгани каби мезбонлар ташаббусни қўлга киритишга ҳаракат қилишди. Бурчакдан узатиб берилган тўпга чиқишда Мочалов хатога йўл қўйди. Федотов эса ўткир бурчак остида тўпни эгаллаб олиб, уни шерикларига узатиш ўрнига ўзи дарвоза томон зарба берди. Тўп ҳимоячимизга тегиб, майдон ташқарисига чиқариб юборди.
Ўша сценарий бўйича ўйин давом этди. Рақибнинг бўлим бошидаги босимини бартараф этган футболчиларимиз 69-дақиқада ажойиб ҳужум уюштиришди. Ҳужумга қўшилишни яхши кўрадиган ўнг қанот ҳимоячиси Абдуқаҳҳор Ҳожиакбаровнинг очилишини Зоҳир Пиримов ўз вақтида кўра олди. "Олмалиқ" ҳимоячиси ўткир бурчак остида на дарвоза томон тўғри зарба берди ва на шерикларига тўпни узатди (бу вазиятда тўпни қабул қиладиган шерикларнинг ўзи йўқ эди). Орадан 4 дақиқа ўтиб яна ўша Ҳожиакбаров яна ҳужумга қўшилди, аммо тўпни қабул қилишда техник хатога йўл қўйди.
Иккинчи бўлимнинг қолган дақиқаларида ташаббус тўлалигача Ўзбекистон терма жамоасида бўлгани қувонарли ҳолат. Украиналиклар эса фақат ўйиннинг сўнгги 10 дақиқасида ҳаракатга тушиб қолишди. Ана ташаббус натижаси ўлароқ Александр Бобыль ўйин тугашига 2 дақиқа қолганида ўнг қанотдан олдинга интилди ва бутун учрашув давомида фаол ўйин кўрсатган Акбар Исматуллаевни алдаб ўтиб, дарвозабонимиз билан бирга-бир вазиятда зарба берди. Тўп Мочаловнинг ёнидан ўтиб кетганида ўзбек футбол мухлислари юраклари бир ҳапқириб тушган бўлса не ажаб. Бахтимиз тўп дарвоза устунининг шундоққина ёнидан ўтиб кетди.
Ўйин тугади. Мусобақа регламентига кўра, ғолибни аниқлаш учун қўшимча бўлимлар белгиланмади. Навбат дарҳол пенальтилар сериясига берилди. Бу пенальтилар серия барча-барчанинг асабларини синовдан ўтказди. Ҳар иккала жамоа нақ 8 мартадан дарвоза томон зарба беришди. Футболчиларимиз зарба беришда бирор марта ҳам адашишмади. Украинанинг саккизинчи футболчиси - ўша сўнгги дақиқада гол ура олмаган Александр Бабырнинг зарбасини Виктор Мочалов бартараф этишга муваффақ бўлди. Шу тариқа Ўзбекистон олимпия терма жамоаси Валерий Лобановский хотирасига бағишлаб ўтказилган мусобақанинг ғолибига айланди.
Ўйиндан кейин терма жамоамизга мусобақа кубоги топширилди. Бундан ташқари, Ислом Тўхтахўжаев (мусобақанинг энг яхши ҳимоячиси) ва Шерзод Каримов (мусобақанинг энг яхши ярим ҳимоячи)га шахсий совринлар топширилди.
Лобановский хотира турнири ФИНАЛ. 10 август ЎЗБЕКИСТОН - УКРАИНА - 0:0. Пенальтилар бўйича: 8:7 Пенальтилар серияси: Ислом Тўхтахўжаев (1:0) - Денис Гармаш (1:1) Акбар Исматуллаев (2:1) - Евгений Ткачук (2:2) Фозил Мусаев (3:2) - Сергей Кривцов (3:3) Кенжа Тўраев (4:3) - Дмитрий Еременко (4:4) Виктор Мочалов (5:4) - Роман Безус (5:5) Зоҳир Пиримов (6:5) - Дмитрий Гречишкин (6:6) Салим Мустафоев (7:6) - Юрий Путраш (7:7) Абдуқаҳҳор Ҳожиакбаров (8:7) - Александр Бабырь (8:7, дарвозабон) Огоҳлантиришлар: Виталий Федотов 21, Дмитрий Еременко 90 Ўзбекистон: Виктор Мочалов, Акбар Исматуллаев, Абдуқаҳҳор Ҳожиакбаров, Салим Мустафоев, Шерзод Каримов (Нодиржон Одилов 74), Олег Зотеев (Владимир Козак 46), Жасур Ҳасанов, Жавлон Иброҳимов, Дилшод Раҳмутуллаев (Фозил Мусаев 46), Жасур Ҳасанов (Зоҳир Пиримов 46), Темурхўжа Абдухолиқов (Кенжа Тўраев 62), Украина: Максим Коваль, Сергей Кривцов, Евгений Опанасенко, Дмитрий Хомченовский (Денис Гармаш 46), Кирилл Петров (Алексей Бобырь 46), Евгений Павлов (Юрий Путраш 46), Андрей Ткачук, Евгений Шахов (Виталий Виценец 46), Виталий Федотов (Дмитрий Еременко 58), Андрей Богданов (Ромен Безус 58), Дмитрий Гречишкин.
Odil Ahmedov "Anji"da Samuel Eto'o bilan birga o'ynaydi
Samuel Eto'o "Inter" jamoasi tarkibida Qozonning "Rubin" jamoasiga qarshi o'yinda. 12.08.2011 Futbol bo'yicha O'zbekiston milliy terma jamoasi yarim himoyachisi Odil Ahmedov endi taniqli futbolchi Samuel Eto'o bilan birga to'p suradi. Negaki, Ahmedov a'zo bo'lgan Maxachqal'aning "Anji" futbol klubi Eto'oni "Inter"dan sotib olmoqda.
Mashhur kamerunlik futbolchi Samuel Eto'oning "Anji" klubiga o'tishi katta shov-shuvga sabab bo'layotgan edi. Navbatdagi "mish-mish" deya qaralayotgan bu transferning "g'irt rostligi" kuni kecha "Inter" va "Anji" klublari tarafidan tasdiqlandi. Bugun, 12 avgust kuni transfer narxi aniqlanishi aytilmoqda. Kuzatuvchilarga ko'ra, transfer bahosi 27-28 million evro atrofida bo'lishi mumkin.
"Barselona", "Real Madrid", "Espanyol" va "Malyorka" kabi dong'i ketgan klublarda to'p surgan Samuel Eto'oning Rossiya premyer-ligasidagi "Anji"ga o'tishini mutahassislar uning yoshi bilan bog'lamoqdalar. Eto'o hozir 31 yoshda va uning yulduzli onlari ortda qolib bormoqda.
Eslatib o'tamiz, "Anji" tarkibida 38 yoshli braziliyalik afsonaviy futbolchi Roberto Karlos ham o'ynaydi.
Samuel Eto'oning ismi o'zbek futbol ishqibozlariga yot emas. Uning 2008 yili O'zbekistonga qilgan tashrifi o'zbek futbolchi va ushbu sport muhlislariga katta sovg'a bo'lgan edi. O'shanda 25 million evro evaziga Toshkentning "Bunyodkor" futbol klubida o'ynash taklifini rad qilgan Eto'o murabbiy Joze Maurinyo rahbarligidagi "Inter Milan" klubiga o'tib ketgan edi.
O'ylaymizki Samuel Eto'oning "Anji" klubiga o'tishi Odil Ahmedovning mahoratini o'shishiga va shu orqali o'zbek futbolining rivojlanishiga katta hissa qo'shadi.
Терма жамоамизни Сурияга қарши ўйинда Иорданияда қўллаб-қувватланг! Терма жамоамизни Сурияга қарши ўйинда Иорданияда қўллаб-қувватланг!
Сўнгги пайтларда Ўзбекистон миллий терма жамоаларини хорижда қўллаб-қувватлаш яхши анъана тусига кириб бормоқда. Аҳмад Убайдуллаев жамоасини ҳамюртларимиз Мисрда қўллаб-қувватлашди, улар Гуанжоуда ҳам ёлғизлатиб қўйилмади. Қатардаги мухлисликнику гапирмаса бўлади. Мексикадаги «ўзбекона” мухлислик эса барчани ҳайратга солди.
Ўзбекистон миллий ва олимпия терма жамоалари катта ўйинлар остонасида турибди. Абрамов бошчилигидаги термамизни 2 ва 6 сентябрь кунлари Сурия ва Японияга қарши муҳим ўйинлар кутиб турибди. Терма жамоа фан-клуби Сурияга қарши Иорданияда кечадиган ўйинга борса керак, деган тахминда терма жамоа фан-клуби бошлиғи Абдураҳмон Фозилов билан суҳбатлашдик.
— Ўзбекистон миллий терма жамоасини худди Қатардаги мусобақада бўлгани каби Сурияга қарши ўйинда ҳам ёлғизлатиб қўймаслик мақсадида Иорданияга йўл оладиган бўлиб турибмиз. Терма жамоани сафар ўйинларида қўллаб-қувватлаш фақатгина термамиз йигитлари учун фойдали эмас, бу ҳолат хорижда мамлакатимизга нисбатан илиқ муносабатнинг пайдо бўлишига ҳам олиб келади. Жаҳон футбол ареналарида юртимиз байроғини хилпиратиши ва давлатимиз номининг баралла янграши – қувонарли ҳолат. Шу боис терма жамоамизни Сурия билан ўйинда ҳам қизғин қўллаб-қувватлаймиз, — дейди А.Фозилов.
— Иорданияга неча нафар мухлис бориши режалаштирилган? — Иорданияга 100 нафар мухлис олиб кетилади. Насиб қилса, 1 сентябрь куни тонгда манзилга етиб борамиз. У ерда эса туризм агентлиги ёрдамида барча ишлар амалга оширилади. Мухлисларни кутиб олиш ва меҳмонхонага элтиб қўйиш учун 3та автобус шай қилинади. Ўша куннинг ўзида мухлислар икки гуруҳга ажратилади ва истаганлар шаҳар айланади, истаганлар учун Ўлик денгизга сафар ташкил қилинади. Ҳар иккала гуруҳ хизматида автобуслар бўлади. 2 сентябрь куни эса эркин кун ҳисобланади. Ўйин бошланишидан бир неча соат олдин эса мухлисларнинг ҳар бирига Ўзбекистон байроғи, терма жамоамиз футболкаси ва ўзбек дўпписи тақдим қилинади ва стадионга йўл оламиз. Бу нарсаларнинг барчаси Ўзбекистон футбол федерацияси томонидан берилади.
— Мухлислар сони нима учун 100 киши ва сафар билан боғлиқ харажатлар қай тартибда қопланади? — ЎФФ терма жамоамиз учун Иорданияга чартер рейс ташкил қиляпти. 180 кишига мўлжалланган самолётнинг 100та ўрни айнан мухлисларга ажратилди. Қолган қисми эса футболчилар, мураббийлар ва делегациянинг қолган аъзоларига мўлжалланган. Шу боис мухлислар самолёт чипталаридан озод қилинишган. Мухлисларимиз фақат меҳмонхона, еб-ичиш, шаҳар бўйлаб сайр, ўйинга кириш чиптаси, Иордания визасини олиш каби харажатларни ўз ёнларидан қоплашса бўлгани. Тахминий ҳисоб-китобларимга кўра, бу харажатлар учун 1 млн. сўм атрофида пул кетади. Бу маблағни мухлислар фан-клубга бермайди. Иорданияга етиб олганимиздан кейин АҚШ долларида туризм агентлигига беради.
— Иорданияга боришни истаган мухлислардан яна нима талаб қилинади? — Энг аввало мухлис балоғатга етган бўлиши, ва албатта, паспортида хорижга чиқиш визаси бўлиши шарт. Шунингдек, яшаш жойидан ёки иш жойидан маълумотнома ҳам талаб этилади. Ҳозирги кунда Иорданияга боришни истаган мухлислар сони 60га яқинлашиб қолди. Ҳужжатларни қабул қилишнинг энг сўнгги куни сифатида 20 августни белгиладик. Аммо 100 кишилик ўрин тўлиши билан қабул тўхтатилади.
— Ўзбекистон миллий ва олимпия терма жамоаларининг қолган ўйинларига ҳам шундай сафарлар ташкил қилинадими? — Албатта. Миллий терма жамоамизнинг Япония ва Шимолий Кореядаги ўйинларига ҳам шундай сафарлар амалга оширилади. Олимпия терма жамоамизни ҳам БАА, Ироқ ва Австралия билан сафардаги ўйинларда ёлғизлатиб қўймаймиз.
— Уй ўйинларида терма жамоамизни қўллаб-қувватлашга тайёргарлик қай даражада кетмоқда? — Ўзбекистон-Япония ўйини учун катта тайёргарлик ишлари кетмоқда. "City Size” фирмасига 25х50 ўлчамдаги 20 минг дона Ўзбекистон байроғига буюртма бердик. Бу байроқлар ўйин куни фан-клуб аъзолари томонидан стадионга келадиган мухлисларга тарқатилади. Ўйин куни эса стадионда суҳандон ёрдамида 35 минг мухлисни бирлаштиришни ва ўзгача тўлқинни юзага келтиришни режалаштирганмиз. Ўша куни барча ўрнидан турган ҳолда, елкама-елка бўлиб, терма жамоамизни қизғин қўллаб-қувватлаймиз. Ўша куни мухлисларнинг ўзлари ҳам стадионга турли байроқлар билан ташриф буюришса нур устига нур бўларди.
Ushbu suratda tushgan "Paxtakor" jamoasi safidagi o'yinchilarning ko'pchiligi 1979 yilgi aviahalokatga halok bo'lgan edi. 11.08.2011
Bugun, 11 avgust, o'zbek futboli tarixidagi eng qora kunlardan biri. Bugun “Paxtakor” futbol jamoasining mashhur "yulduzli" tarkibining aviahalokatga uchraganiga 32 yil to‘ladi.
Bundan roppa-rosa 32 yil muqaddam Ukraina osmonida Tu-134 rusumdagi ikkita uchqich to‘qnashib ketgan. Samolyotlardan birida “Paxtakor” jamoasining 17 vakili, jumladan, o‘yinchilar, murabbiy Igday Tazetdinov hamda jamoa ish yurituvchisi va vrachi bo‘lgan. Ushbu fojeada paxtakorchilarning barchasi halok bo‘lgan edi.
Avihalokatga uchragan "paxtakorchilar" o'zlarining yuqori darajadagi mahorati bilan bir qator yirik musobaqalrda g'alaba qozonib, futbol muhlislari yuragidan joy olishga ulgurishgan edi. Shu bois ham, bu yo'qotish nafaqat O'zbekiston futboliga, balki butun Sovet Ittifoqi futboliga katta zarba bo'lgan edi.
Oradan 32 yil o‘tib, osmoni falakda halok bo‘lgan o‘zbek futbolininng yulduzlarini nomma-nom eslaymiz.
Idgay Borisovich TAZETDINOV, 13.01.1933, murabbiy, sport ustasi; Mixail Ivanovich AN, 19.11.1952, xalqaro toifadagi sport ustasi, oliy ligada 138 o‘yinda 30 gol urgan; Vladimir Ivanovich FEDOROV, 5.01.1956, hujumchi; Olim Masaliyevich AShIROV, 25.01.1955, himoyachi; Ravil Rustamovich AGISHEV, 14.03.1959, himoyachi; Konstantin Aleksandrovich BAKANOV, 25.05.1954, yarim himoyachi; Yuriy Timofeyevich ZAGUMENNIX, 7.06.1947, sport ustasi, himoyachi; Aleksandr Ivanovich KORCHENOV, 4.05.1949, yarim himoyachi; Nikolay Borisovich KULIKOV, 25.04.1953, himoyachi; Vladimir Vasilevich MAKAROV, 9.03.1947, yarim himoyachi; Sergey Konstantinovich POKATILOV, 20.12.1950, darvozabon; Viktor Nikolayevich ChURKIN, 25.01.1952; Sirojiddin Axmedovich BOZOROV, 1.01.1961, hujumchi; Shuhrat Musinovich EShBO‘TAYEV, 8.02.1959, hujumchi; Vladimir Valiyevich SOBIROV, 14.01.1958, hujumchi; Vladimir Vasilevich ChUMAKOV, 8.12.1932 jamoa vrachi; Mansur TOLIBJONOV, 4.04.1944, jamoa ma‘muri.
1981 yili, fojeadan ikki yil o'tib, taniqli "Yeralash" bolalar hajviy kinojurnali halok bo'lgan "Paxtakor" futbol jamoasi xotirasiga atab hajviy sonini chiqargan edi.
Eslatib o'tamiz, aviahalokatdan so'ng tarkibi susayib ketgan "Paxtakor" jamoasiga boshqa klublardan ko'ngilli o'yinchilar taklif qilingan va Sovet Ittifoqi futbol bo'yicha chempionati reglamenti bo'yicha "Paxtakor" kelasi uch yil ko'rsatkichlariga qaramasdan oliy ligada o'z o'rnini saqlab qolgan.
Bugun, oradan 32 yil o‘tgach, “Paxtakor” jamoasi ramziy ma'noda dafn qilingan Botkin qabristoniga to‘plangan futbol ishqibozlari o‘yinchilarni xotirladilar. Ramziy ma'noda deyilishiga sabab, yerga qo'yilgan tobutlarda halok bo'lgan 17 futbolchining hammasi bo'lmagan. Mayitlarning ayrmilari ularning yaqinlari iltimosiga ko'ra Sobiq Ittifoqning turli shaharlarida ko'milgan edi.
Har yilgi kabi, bu yil ham "Paxtakor-79" jamoasiga bag'ishlangan an'anaviy "Xotira qanotlari" xalqaro futbol xotira turniri bo'lib o'tdi. Bu yilgi turnirda 1996 yilda tavallud togan yosh futbolchilar qatnashdi. Turnirda g'oliblik "Bunyodkor" jamoasiga nasib etdi.
Испания Суперкубогининг жавоб учрашувида Каталониянинг "Барселона” ва Мадриднинг "Реал” клублари ўртасида кечган кураш ниҳоясига етди. Унда мухлислар ҳақиқий "класико”га ҳос бўлган ўйинни томоша қилишга муваффақ бўлдилар.
Бироқ, тан олиш керак, ғалаба "Барселона” ўрганиб қолгани сингари қўлга киритилмади. Агарда ўтган учрашувлар билан солиштириб кўрадиган бўлсак, гўёки жамоалар ўрни алмашиб қолгандек тасаввур уйғонган бўлса ҳам ажаб эмас. Мадриднинг "Реал” клуби ўтган мавсумдаги илк "класико”да "Камп Ноу”дан жавобсиз бешта гол билан қайтиб кетишга мажбур бўлганди. Бугунги "Мадрид” эса анча улғайгани кўриниб турибди. Энди бу йигитлар бошқалардан "калтак еб юрадиган” болалар эмас. Керак бўлса ўзлари бошқаларни "калтаклаб” қўйишлари мумкин. Фақат бунинг учун яна бироз вақт керак бўлиши кўриниб турибди. Буни мадридликлар бугунги ўйинлари билан исботлаб бердилар.
Учрашув бошиданоқ мадридликлар ташаббусни ўз қўлларига олдилар. Бу ҳолат то Иньеста томонидан 13-дақиқада гол киритилгунга қадар сақланиб қолди. Гарчанд "Реал” бир неча бор имкониятга эга бўлган бўлса-да, учрашувда ҳисобни очиш "Барселона” футболчиларига насиб этди. Бу ўринда ҳам Лионель Мессининг бебаҳо тўп узатишини эътироф этмай ўзга иложимиз йўқ.
Шундан сўнг мадридликлар ҳисобни тенглаштириш учун олдинга ташландилар. 27-дақиқада бу ишнинг уддасидан ҳам чиқа олдилар. Бурчак тўпидан сўнг "Барселона” дарвозаси олдида юзага келган тушунмовчиликдан тўғри фойдаланган Карим Бензема тўпни ажойиб тарзда Криштиану Роналдуга етказиб берди. Аввалига Серхио Рамосга теккан тўп, кейинчалик португалиялик футболчининг оёғидан дарвоза тўрига йўл олди. Ҳисоб 1:1.
Аммо танаффусга қадар Лионель Месси ким аслида ким эканини исботлаб қўйди ва жамоасини 2:1 ҳисобида дам олишга чиқиб кетишини таъминлаб берди.
Иккинчи бўлимда эса, "Реал” яна олдинга ташланди ва ҳисобни тенглаштирди. Яна бурчак тўпидан сўнг, каталониялик футболчилар пала-партиш ҳаракат қилдилар. Бу сафар Карим Бенземанинг ўзи барчадан чаққонроқ чиқиб қолди ва ҳисобни тенглаштирди.
Учрашув якунланишига икки дақиқа қолганида эса, Лионель Месси навбатдаги марта катта саҳнага чиқди ва жамоасини Суперкубокда ғолиб бўлишини таъминлаб берди.
Тўғрисини айтганда, бу сафарги "класико" ҳақиқий томошабоп, мухлислар кўнглидагидек ўйин бўлди. Аммо уни номига ҳос тарзда намунали деб айтишга тил бормайди. Бунга сабаб яна футболчилар ўртасида вужудга келган жанжалдир. Учрашувга қўшиб берилган дақиқалар ўтиб бораётган бир вақтда, мадридликлар ҳимоячиси Марсело "Барселона"нинг янги аъзоси бўлмиш Сеск Фабрегасга нисбатан қўпол ўйин кўрсатди. Ҳакам дарҳол эътиборини шунга қаратди ва вазиятни тўғри баҳолаб, Марселога қизил карточка кўрсатган эди ҳамки, икки ўртада яхшигина жанжал бошланиб кетди. Ўша вазиятда қўполлик қилган Марселодан ташқари, аллақачон заҳирага чиқариб юборилган Месут Ўзил ва Давид Вильялар ҳам ҳакам томонидан қизил карточка билан сийландилар.
Ўйин томонлама эса, шуни айтиш мумкинки, гарчанд мағлубиятга учраган бўлсалар-да, "Реал" клуби мухлислари зинҳор ўкинмасликлари лозим. Сабаби, "Мадрид" томонидан намойиш этилган ўйин уларга бемалол келажакка дадил қарашларига имкон бера олади. Бундай ўйин билан узоққа борса бўлади, жуда ҳам узоққа...
Rishod Sobirov – ikki karra jahon chempioni! Mohir sportchimiz Rishod Sobirov Fransiya poytaxti Parij shahrida boshlangan dzyudo bo‘yicha jahon chempionatida oltin medalga sazovor bo‘lib, xalqimizning eng ulug‘, eng aziz bayrami – Vatanimiz mustaqilligining 20 yilligiga munosib sovg‘a tayyorladi. Bu yilgi jahon chempionatida dunyoning 130 dan ziyod mamlakatidan kelgan 900 nafarga yaqin dzyudochi sovrinli o‘rinlar va kelasi yili Londonda bo‘ladigan XXX yozgi Olimpiya o‘yinlari yo‘llanmasini beradigan muhim reyting ochkolarini qo‘lga kiritish uchun tatamiga chiqmoqda.
Erkaklar o‘rtasida 60 kilogramm vazn toifasidagi bellashuvlarda jami 74 nafar dzyudo ustasi o‘zaro raqobatlashdi. Xalqaro dzyudo federatsiyasi (IJF) reytingida peshqadamlik qilayotgan o‘zbek polvoni Rishod Sobirov Fransiyada jahon chempionligi unvonini munosib himoya qildi. Musobaqani ikkinchi bosqichdan boshlagan hamyurtimiz finalgacha o‘tkazilgan uchrashuvlarda shveysariyalik Lyudovik Chammartin, Burkina-Faso vakili Xermann Zungrana, braziliyalik Felipe Kitadai, ozarboyjonlik Ilg‘or Mushkiyev va Janubiy Koreya vakili Jin Von Kimni mag‘lubiyatga uchratdi, habar beradi O‘zA. Oltin medal uchun kechgan final uchrashuvida Rishod Sobirovga jahon chempionatlari sovrindori yaponiyalik Xiroaki Xiraoka ro‘baro‘ keldi. Bugungi kunda 60 kilogramm vazn toifasida dunyoning eng kuchli ikki dzyudochisi o‘rtasidagi hal qiluvchi bellashuv keskin va murosasiz kurashlar ostida o‘tdi. Unda raqibini mag‘lubiyatga uchratgan Rishod Sobirov ikkinchi bor jahon chempionligiga sazovor bo‘ldi. Kumush medal yaponiyalik Xiraoki Xiraokaga nasib etgan bo‘lsa, ozarboyjonlik Ilg‘or Mushkiyev va ukrainalik sobiq jahon chempioni Georgiya Zantaraya bronza medal bilan taqdirlandi.
Fransiyadagi musobaqada bir-biridan murakkab olti bellashuvda zafar quchib, shohsupaning eng yuqori pog‘onasiga ko‘tarilgan Rishod Sobirov terma jamoamiz g‘aznasiga dastlabki oltin medalni taqdim etdi. Ketma-ket ikkinchi marotaba jahon chempionligiga erishgan Rishod Sobirov kelasi yili London Olimpiadasida qatnashish huquqini beradigan muhim reyting ochkolariga ham ega bo‘ldi.
- Janob Chagayev, 27 avgust kuni siz yana bir bor Jahon chempionligi kamari uchun ringga chiqasiz. Bu safar Aleksandr Povetkinga qarshi. Bunday imkoniyatga mamnunmisiz?
Ruslan Chavayev: Albatta, men yana bir bor jahon chempionligini qo'lga kiritish uchun bo'lgan imkoniyatni sabrsizlik bilan kutyapman. Men eski unvonimni qaytarishga rag'batliman. Bu uchun men ko'p mashg'ulotlar o'tkazdim va hozir jangga butunlay tayyorman. Shuning uchun ham janggacha qolgan sanoqli kunlari sabrsizlik bilan o'tkazyapman.
- Siz 2007 yilning 14 aprelida Shtutgart shahrida 2 metrlik bokschi Nikolay Valuyev ustidan g'alaba qozonib, Jahon chempioni bo'lgan edingiz. O'shanda chempionlik kamarini qo'lga kiritganda nimalarni his etgansiz?
Ruslan Chavayev: Jang oldidan men Valuyev ustidan g'alaba qozonishga real imkoniyatim borligiga ishonar edim. Bu g'alaba men uchun o'zgacha ekanligini faqat jangdan so'ng tushunib yetdim. O'shanda jang oldidan yengilmas Valuyevning kuragi yerga tegishiga hech kim ishonmas edi. Lekin men buning uddasidan chiqa oldim.
- 2009 yilda IBF va WBO yo'nalishlari bo'yicha Jahon chempioni Vladimir Klichkoga yutqazgan edingiz va shunda chempionlik kamaridan ayrilgansiz. Shudan so'ng murabbiyingiz Maykl Timm bilan ishlashni vaqtincha to'xtatgan edingiz. Biroq hozir u siz bilan yana ish olib bormoqda. Nega Timm yana sizning murabbiyingizga aylandi?
Ruslan Chavayev: Negaki u juda yaxshi murabbiy! Men u bilan bir vaqtlar dunyoni zabt etdim. O'ylaylamnki ikkinchi urinishda ham buni uddasidan chiqa olamiz. U mening kuchli taraflarimni aniq biladi va meni yaqinlashayotgan jangga a'lo darajada tayyorladi. Biz bir-birimizni juda yaxshi tushunamiz.
- Valuyev ustidan g'alaba qozonganingizda Maykl Timm sizga murabbiylik qilgan edi. Sizning murabbiyingiz jang olib borish strategiyasini, ya'ni san'atini yaxshi biladimi?
Ruslan Chavayev: Ha, "Timmi" juda yaxshi strateg. U har doim raqibni yaxshi o'rganadi va jangga eng qulay taktikani tayyorlaydi.
- Uchrashuvni Germaniyada o'tayotganini xursandmisiz?
Ruslan Chavayev: Men sportchiman va har joyda ringga chiqishim mumkin. Biroq Germaniya men va mening oilam uchun ikkinchi uyga aylandi. Bu yerda mening do'stlarim, muhlislarim bor. Shu bois ham men bu yerda o'zimni juda qulay his etaman. Shu bilan birga O'zbekistonda ham meni ko'plab muhlislar qo'llab-quvvatlashini bilaman.
- Siz havaskorlar va professionallar o'rtasida Jahon chempioni bo'lgansiz. Aleksandr Povertkin ham havaskorlar o'rtasida chempion bo'lgan va Olimpiya o'yinlarida oltin medalni qo'lga kiritgan. Demak biz 27 avgust kuni haqiqiy chempionlar jangiga guvoh bo'lamiz ekanda?
Ruslan Chavayev: Nima bo'lgan taqdirda ham men bu jangda bor kuchimni ishlataman. Aleksandr ham kuchli, biroq men hech qachon o'z yo'limdan qaytmaganman. Men Vladimir Klichko va Nikolay Valuyev kabi bokschilar bilan kuch sinashdim. Tomoshabinlar albatta qiziqarli jang guvohi bo'lishadi.
- Raqibingizning kuchli taraflari qaysilar?
Ruslan Chavayev: U o'z taktikasini tezda almashtira oladi. Tajovuzkor yoki qulay paytni poylab sabrli jang olib borishi mumkin.
Александр Поветкин победил по очкам Руслана Чагаева из Узбекистана
Александр Поветкин победил по очкам Руслана Чагаева из Узбекистана В немецком Эрфурте российский супертяжеловес Александр Поветкин победил по очкам Руслана Чагаева из Узбекистана и завоевал титул регулярного чемпиона мира по версии WBA.
31-летний российский супертяж Александр Поветкин (22-0-0, 15 КО) одержал победу единогласным решением судей над 32-летним узбекистанцем Русланом Чагаевым (27-2-1, 17 КО) и завоевал пояс так называемого регулярного (то есть обычного) чемпиона мира по версии WBA. Накануне всей боксёрской общественности было интересно, как же проявит себя Поветкин в бою с по-настоящему серьёзным противником, ведь в последние три года Александр по настоянию переучивавшего его заокеанского тренера Тедди Атласа проводил поединки с оппонентами второго эшелона. Почему-то устроители боксёрского вечера в Германии решили бой за звание чемпиона мира сделать не главным событием, а основным поединком андеркарта. В мэйн эвенте же перспективный финский гигант Роберт Хелениус и экс-чемпион мира из Белоруссии Сергей Ляхович должны были разыграть второсортные интерконтинентальные пояса, а Поветкин с Чагаевым, дравшиеся за вакантный титул чемпиона мира, вышли на ринг раньше.
В первом ряду зрительного зала вместе с промоутерами сидели легендарный экс-чемпион мира американец Эвандер Холифилд и действующий владелец мирового титула WBO в крузервейте немец Марко Хук. В то же время ранее обещанного британского экс-чемпиона мира Дэвида Хэя в зале замечено не было. С кем теперь в следующем бою после этой трудовой победы встретится Поветкин, пока неизвестно. Накануне именно Холифилд изъявлял желание провести поединок с победителем схватки Поветкин – Чагаев. Но у промоутирующей Александра немецкой компании Sauerland Event, конечно, могут быть и другие варианты. Естественно, многим любителям бокса хотелось бы всё же наконец-то увидеть противостояние Поветкина, ставшего регулярным чемпионом WBA, с имеющим статус суперчемпиона этой организации украинцем Владимиром Кличко. Но это всё дела будущего, а в настоящем нам просто нужно поздравить Александра Поветкина с заслуженно добытой победой и титулом чемпиона мира.
O‘zbekistonning eng mohir tennischilari – Denis Istomin va Oqgul Omonmurodova Nyu-York shahrida "Katta dubulg‘a” turkumiga kiruvchi dunyoning eng kuchli to‘rt turniridan biri – AQSH ochiq chempionatida muvaffaqiyatli ishtirok etmoqda. Dunyoning eng kuchli raketka ustalari qatnashayotgan musobaqaning xotin-qizlar o‘rtasidagi yakkalik bellashuvlarida Oqgul Omonmurodova birinchi davrada avstriyalik tennischi Tamira Pajekni 6:4, 6:2 hisobida mag‘lubiyatga uchratdi. Ikkinchi davrada o‘zbek tennischisi fransiyalik Polin Parmentyega qarshi uchrashuvni ham 6:3, 7:5 hisobida o‘z foydasiga hal qildi va uchinchi bosqichda rossiyalik Svetlana Kuznetsovaga qarshi kortga chiqadigan bo‘ldi. Juftlik bellashuvlarida rossiyalik Aleksandra Panova bilan hamkorlikda o‘ynayotgan Oqgul Omonmurodova dastlabki uchrashuvda Yangi Zelandiya vakilasi Marina Erakovich va tailandlik Tamarin Tanasugarn dueti ustidan 6:4, 3:6, 6:4 hisobida zafar quchdi.
Yaqinda Samarqand va Qarshi shaharlarida o‘tkazilgan "Chellenjer” turkumidagi ikki xalqaro turnirda bosh sovrinni qo‘lga kiritgan Denis Istomin ham Nyu-Yorkdagi musobaqada muvaffaqiyat qozonmoqda. Erkaklar o‘rtasidagi yakkalik bellashuvlarining birinchi davrasida mezbonlar vakili Rayan Sviting bilan kuch sinashgan o‘zbekistonlik tennischi 3:6, 7:5, 6:4, 7:6 hisobida zafar quchdi. Endi Denis uchinchi bosqich yo‘llanmasi uchun fransiyalik Jyulyen Benneto bilan raqobatlashadi. Juftliklar musobaqasida qozog‘istonlik Mixail Kukushkin bilan birga o‘ynayotgan Denis Istomin birinchi uchrashuvda shvetsiyalik Yoxan Barnstrom hamda finlyandiyalik Yarkko Niyaminen duetidan 3:6, 6:3, 7:6 hisobida ustun keldi va keyingi davrada italiyalik tennischilar – Daniel Brakali va Potito Starajga qarshi kortga chiqadigan bo‘ldi.
Студент из Ферганы стал чемпионом мира по таэквондо Студент Ферганского колледжа олимпийского резерва Сарварбек Шералиев на прошедшем чемпионате мира по таэквондо в Южной Корее завоевал титул чемпиона в весовой категории до 48 кг. Он получил золотую медаль в направлении WTF таэквондо. Мастер спорта по таэквондо из Узбекистанского района, трехкратный чемпион Узбекистана в ходе первенства победил всех своих соперников из Кореи и Таиланда. Как отмечает Узинформ, в ноябре состоится чемпионат Азии по таэквондо, в котором также примет участие ферганский чемпион. Он будет представлять Узбекистан в составе республиканской сборной. Но до этого 16-летний чемпион останется в Корее и будет совершенствовать свои навыки с видными корейскими мастерами таэквондо.
Саккизинчи дақиқада Сервер Жепаров урган гол ўзбек ишқибозлари кутган ғалаба умидини мустаҳкамлади. Бироқ меҳмонлар жавоб тўпини уришга муваффақ бўлди.
Бугун Тошкент вақти билан соат кечки 7 да "Пахтакор" стадионида бошланган ўйинда Ўзбекистон миллий терма жамоаси Япония терма жамоаси устидан ғалаба қозониши ёки энг камида дуранг натижага эришиши кутилган эди.
Бунга талайгина асослар келтирилган.
Uff.uz нашрининг айрим оптимист футбол шарҳловчилари билан суҳбатлар асосида келтирган тахминларига кўра, бугун япон жамоасининг асосий ўйинчилари майдонга тушмаслиги ва Ўзбекистон миллий терма жамоаси сафига ёш, маҳоратли футболчиларнинг тортилгани ўзбек миллий терма жамоасига ғалаба имконини бериши мумкин.
Нисбатан пессимист шарҳловчилар ва ишқибозлар эса ўзбек жамоасининг ҳимояси бироз ожизлиги ва тайёргарлик ҳам меъёрида бўлмагани боис бугунги ўйин дуранг натижа билан тугаши мумкинлигини тахмин қилмоқда.
Озодлик боғланган Ўзбекистон футбол федерацияси маъмурияти, Пахтакор стадиони маъмурияти ва ишқибозлар некбинлик билан ғалабани кутаётганини айтди.
Пахтакор ва Футбол федерациясининг Тошкент шаҳар бўлимида ишлайдиган ходималар бунга яна бир асосни келтирдилар - бугун бўладиган ўйинга бирорта чипта қолмаган.
- Федерацияга телефон қилинглар. Билетларни федерация чиқарган. Бу ëқда билет қолмаган, - деди “Пахтакор” стадионида чиптахоналардан бирида телефон гўшагини кўтарган сотувчи.
- Билетлар йўқ болам, нима қилай ахир? Биласизми, сиз менимча 2000чи одамсиз билет сўраб телефон қилган. Шунинг учун робот бўлиб қолдим битта гапни гапиравериб, - деди телефон гўшагини олибоқ, саволимизни ҳам кутиб ўтирмай билет йўқлиги айта қолган Ўзбекистон Футбол федерациясининг Тошкент шаҳар бўлимидаги ходим.
Бугунги футбол ўйини учун ҳақиқатда ҳам чипта ўта танқис бўлганини Ўзбекистон Футбол федерацияси ходими ҳам тасдиқлади.
Давлат нархи 3-5-10-15 минг сўм қилиб белгиланган 30 минг донага яқин чипта 4 сентябр куниёқ сотиб бўлингани айтилмоқда.
6 сентябр куни ўйинга бир неча соат қолганда чипта сотиб олган тошкентлик ишқибоз Сабоҳиддин Ҳасанов 10 сектордаги ўриндиқ учун 25 минг ўзбек сўмига билет сотиб олганини айтди.
Унга кўра, майдонга энг яқин ва томоша энг қулай бўлган ўринлар учун нарх, ҳатто, 70-80 минг сўмга чиқиб кетган.
Ўзбекистон Футбол федерацияси расмийси бу ҳолни ҳам тасдиқлади ва буни назорат қилиш имконсизлигини айтди.
- Қандай назорат қиласиз, ахир? Масалан, сиз кассага келасизда бешта билет оласиз ёки бирданига 10 та билет оласиз. Мен сизга буни тақиқлай олмайманку. Кейин юз метр нарига ўтасизда, устига қўйиб сотаверасиз. Шунақа система бўлиб қолган, - деди Ўзбекистон Футбол федерацияси расмийси.
Аммо унга кўра, федерация ҳар гал шунақа катта ўйинлар олдидан касаначи чиптачиларни ҳам сотувга жалб қилади ва улар олиб сотарлик олдини олиш мақсадида ёлланади.
- Уларда сотиладиган билет нархи давлат нархи бўйича. Булар расман ёлланган чиптачилар, улардан олиш ҳам мумкин. Аммо, бугун майдон атрофида туриб билет сотганларнинг қанчаси касаначи кассир, қанчаси олиб-сотар – буни биз айтолмаймиз, - деди Ўзбекистон Футбол федерацияси расмийси.
Хуллас, қандай қилиб бўлса-да, чипта олишга муваффақ бўлган 30 мингдан ортиқ одам ҳозир “Пахтакор” стадионида.
Уларни бир стадионга йиққан икки жамоа эса бунга қадар жами 7 марта учрашган. Бунинг иккитаси дуранг, бештаси эса Ўзбекистон ҳисобига мағлубият билан тугаган.
Футбол ишқибозлардан бири Сабоҳиддин Ҳасанов шунга қарамай ғалабага умид қилаётганини айтди.
Футбол бўйича 2014 йилги Жаҳон чемпионатининг Осиё қитъасидан учинчи босқич саралаш беллашувларини давом этдираётган Ўзбекистон миллий терма жамоаси ўз майдонида қитъанинг энг кучли жамоаси Япония билан дуранг натижага эришди.
Ўйинда ҳисобни Ўзбекистон миллий терма жамоаси очди. 8 - дақиқада ўзбекистонликлар сардори Сервер Жеппаров ўз жамоасини олдинга олиб чиқди.
"С" гуруҳидан кейинги босқичга чиқишга қаттиқ умид қилаётган Ўзбекистон миллий терма жамоаси бугунги учрашувдан камида дуранг натижага умид қилаётганди.
2-тур учрашувлари ортидан бу икки миллий терма жамоа 4 очкодан тўплаб, гуруҳда етакчилик қилишмоқда.
Бугун гуруҳдаги қолган икки миллий терма жамоа орасида ҳам навбатдаги ўйин бўлиб ўтади.
Тожикистон сафарда Шимолий Кореяга қарши майдонга тушади.
Гуруҳдаги миллий терма жамоалар бундан кейинги учрашувларини 11 октябр куни ўтказишади.
Ўзбекистон меҳмонда Шимолий Кореяга, Япония эса, Тожикистонга қарши тўп суради.
07.09.2011 Osiyo gimnastikachilar ittifoqi (Asian Gymnastics Union) prezidenti Abdul Rahmon al-Shatxriy O‘zbekiston prezidentining kenja qizi Lola Karimova–Tillayevani gimnastika rivojiga qo‘shgan hissasi uchun mukofotladi.
5 sentabr kuni Toshkentda badiiy gimnastika bo‘yicha xalqaro turnir ochilishida Lola Karimova-Tillayeva ko‘kragiga nishoni taqildi.
2010 yili Qatarning Doha shahrida o‘tgan Osiyo gimnastikachilar ittifoqi katta majlisida Lola Karimova-Tillayeva bu ittifoqning faxriy prezidenti qilib saylangan edi.
2007 yil bo‘yicha madaniyat va sport sohasida erishilgan yutuqlar uchun O‘zbekiston madaniyat va sport vazirligi tomonidan mukofotlanganlar orasida Lola Karimova ham bor edi.
Shu yil iyulida Lola Karimova-Tillayeva "Rue89" Internet nashrini mahkamaga bergan edi. O‘zbekistonning YuNESKOdagi elchisi Lola Karimova-Tillayeva otasini “diktator”, o‘zini esa "diktatorning qizi" deb atagan hamda mashhur italyan aktrisasi Monika Beluchchiga bitta xayriya kechasida qatnashgani uchun 190 ming yevro haq to‘lagani haqida xabar tarqatgani uchun fransuz nashrini "tuhmat"da ayblab, mahkamaga bergan edi. Pirovardida Parij mahkamasi Lola Karimova da‘vosini qondirmadi.
