|
Ro'za haqida hadislar
|
|
| DURDON | Date: Payshanba, 11-Avg-2011, 09:32 | Message # 211 |
 SUPER ADMINKA
Group: Admin yordamchisi
Messages: 10133
Status:  | Rasululloh sollallohu alayhi vasallam kishilarga rahm-shafqat qilib, ularning salomatliklarini o‘ylab, uzluksiz ro‘za tutmoqdan qaytarganlar va «dinda buyurilmagan narsalarni qilaman, deb o‘zini qiynamoqlik durust emas», deganlar.
(Imom Buxoriy rivoyatlari)
|
| |
| |
| DURDON | Date: Payshanba, 11-Avg-2011, 09:33 | Message # 212 |
SUPER ADMINKA
Group: Admin yordamchisi
Messages: 10133
Status: | Rasululloh sollallohu alayhi vasallam: «Kimki yolg‘on so‘zlash odatini tashlamasa va Alloh qaytargan narsalardan qaytmasa, ro‘za tutgani bilan ro‘zasi qabul bo‘lmaydi, Alloh unga rahmat nazarini tashlamaydi».
(Imom Buxoriy rivoyatlari)
|
| |
| |
| OSIYO | Date: Shanba, 20-Avg-2011, 02:23 | Message # 213 |
 Yangilardan
Group: Ishonchli
Messages: 7125
Status: | Ro’zaga oid hadislar.
Abu Hurayra raziyallahu anhu rivoyat qiladirlar: “Rasulloh sallallohu alayhi va sallam bunday deb aytganlar: “Ro’za (tutmoqlik) do’zax o’tidan asrovchi vositadir! Binobarin ro’za tutkan kishi haqorat so’zlarini tilga olmasin, so’zlashganda baqirmasin, birovni masxara qilmasin!Agar biror kishi ro’zador bilan urishsa yokim uni haqorat qilsa, ro’zador ikki bor : “Men ro’zadormen” desin! Allohga qasamyod qilib ayturmenkim, ro’zadorning og’zidan kelgan bo’y, Aloh nazdida mushk-anbar bo’yidan ham hushbo’yroqdir, chunkim Alloh taolo: “Ro’zadir menu deb yeb-ichmas va meni deb ro’za tutar, binobarin uning mukofotini o’zim bergaydirmen va har bir yahshiligi evaziga mendan o’n barobar mukofat olg’usidir”, - deydir””
(Al-Jomi’ As-Sahih)
|
| |
| |
| OSIYO | Date: Shanba, 20-Avg-2011, 02:24 | Message # 214 |
|
Yangilardan
Group: Ishonchli
Messages: 7125
Status: | Abu Hurayra raziyallahu anhu rivoyat qiladirlar: “Rasulloh sallallohu alayhi va sallam: “Agar Ramazon oyi kirsa, jannatning eshiklari ochilg’aydir” – deb aytaanlar”, deydilar.
(Al-Jomi’ As-Sahih)
|
| |
| |
| OSIYO | Date: Shanba, 20-Avg-2011, 02:24 | Message # 215 |
|
Yangilardan
Group: Ishonchli
Messages: 7125
Status: | Abu Hurayra raziyallahu anhu rivoyat qiladirlar: “Rasulloh sallallohu alayhi va sallam: “Agar Ramazon kirsa, osmon eshiklari ochilib, do’zax eshiklari belkitilg’aydir hamda shaytonlar kishanlang’aydir”, - deydilar.
(Al-Jomi’ As-Sahih)
|
| |
| |
| OSIYO | Date: Shanba, 20-Avg-2011, 02:25 | Message # 216 |
|
Yangilardan
Group: Ishonchli
Messages: 7125
Status: | "Bizning ro'zamizdan ahli kitoblarning ro'zasini o'rtasidagi farq saharlik qilmoqdir".
(Muslim rivoyati)
|
| |
| |
| OSIYO | Date: Shanba, 20-Avg-2011, 02:25 | Message # 217 |
|
Yangilardan
Group: Ishonchli
Messages: 7125
Status: | "Kimki Ramazon ro'zasini tutib Shavvoldan ham olti kun ro'za tutsa, bir yil ro'za tutgan kabi bo'ladi".
(Riyoz-us solihiyn)
|
| |
| |
| OSIYO | Date: Shanba, 20-Avg-2011, 02:25 | Message # 218 |
|
Yangilardan
Group: Ishonchli
Messages: 7125
Status: | "Islom besh asos ustiga qurilgan: Allohdan boshqa iloh yo'qligiga va Muhammad Uning quli va elchisi ekanligiga shohidlik bermoq, namoz o'qimoq, zakot bermoq, Ka'baga hajj qilmoq va Ramazon ro'zasini tutmoq".
(Termiziy rivoyati)
|
| |
| |
| ROBIYA | Date: Dushanba, 30-Iyul-2012, 23:22 | Message # 219 |
 Yangilardan
Group: Muslima
Messages: 2502
Status: | doslar rozani 1 chi 10 kunligi rahmat 2 chi 10 kunligi maghfirat 3 chi on kunligi otdan parda degan hadis zaif ekan 
chiroylik imzo coyaman yaqinda
|
| |
| |
| DURDON | Date: Payshanba, 02-Avg-2012, 14:07 | Message # 220 |
SUPER ADMINKA
Group: Admin yordamchisi
Messages: 10133
Status: | Расулуллоҳ соллаллоҳу алайҳи ва саллам дедилар: «Рўза қалқондир. Сизлардан бирингиз рўза тутса сўкинмасин, фисқ сўзларини сўзламасин ва жоҳиллик қилмасин. Агар уни бирортаси ҳақорат қилса: «Мен рўзадорман» – деб айтсин» (Муттафақун алайҳ).
|
| |
| |
| ilyosbek | Date: Shanba, 06-Okt-2012, 14:30 | Message # 221 |
 Peshqadam
Group: Ishonchli
Messages: 2946
Status: | OLLOH ROZI BOLSIN
|
| |
| |
| SAKINA | Date: Shanba, 12-Yan-2013, 16:09 | Message # 222 |
 Yangilardan
Group: IJODKOR
Messages: 2592
Status: | Рўзага оид муттафақун алайҳ ҳадислар. 1-қисм
Муттафақун алайҳ деб – ислом оламининг буюк икки муҳаддислари Имом Бухорий ва Имом Муслимлар ўз “Саҳиҳ” ларида келтирган, маъно ва матнда бир ҳил бўлган ҳадисларга айтилади. Улар саҳиҳлиги жиҳатдан ҳам энг юқори турувчи ҳадислардир. Ушбу мақоламизда рўзага оид муттафақун алайҳ ҳадисларни эътиборингизга ҳавола этамиз.
Рамазаон ойи ва Рўза фазилатлари
1. Рамазон ойиннг фазилати
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Агар Рамазон кирса, осмон эшиклари очилиб, дўзах эшиклари беркитилади ҳамда шайтонлар кишанланади»,— деганлар».
|
| |
| |
| SAKINA | Date: Shanba, 12-Yan-2013, 16:13 | Message # 223 |
|
Yangilardan
Group: IJODKOR
Messages: 2592
Status: | 2. Янги ой кўринмаса Шаъбон ойи 30 кун деб ҳисобланиши ҳақида
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Агар ойни булут тўсиб қўйган бўлса-ю, сиз уни кўра олмасангиз, унда Шаъбон ойининг ўттиз кунини тўла ўтказиб, сўнг рўза тутингизлар!» — деганлар.
3. Агар янги ой кўринмаса Рамазон ойи 30 кун деб ҳисобланиши ҳақида
Абдуллоҳ ибн Умар разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам Рамазон ҳақида бундай деганлар: «Рамазон ойида янги ой чиққанини кўрмагунингизча, рўза тутмангиз, Шаввол ойида ҳам янги ой чиққанини кўрмагунингизча, рўза тутмоқни тўхтатмангиз. Агар булут ойни тўсиб турган бўлса, (Шаъбон ва Рамазон ойларини) тўлиқ ўттиз кун, деб ҳисоблангиз».
4. Рўзани, ҳар эҳтимолга қарши, бир-икки кун илгари тутмаслик ҳақида
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Ҳеч ким эҳтиёт юзасидан Рамазондан бир ёким икки кун илгари рўза тутмасин, рўзани Рамазонда янги ой чиққанини кўриб, сўнг тутсин, аммо ҳафтанинг маълум кунлари доимо нафл рўза тутиб юрган одам рўзаси Рамазоннинг дастлабки кунларига тўғри келиб қолса, тутиб берсин»,— деб айтганлар».
5. Рўза тонг отгандан то кун ботгунга қадар тутилади
Адий ибн Ҳотим разияллоҳу анҳу ривоят қиладирлар: «Оқ ипни қора ипдан ажратадирган бўлгунча еб-ичингизлар!» деган ояти карийма нозил бўлганда, бир қатим оқ ва бир қатим қора ипни олиб, ёстиғим остига қўйиб, (ёстиғимни қия қилиб кўтариб) қарай бошладим, қанча тикилиб қарамай, барибир қайсиниси оқ ва қайсиниси қора эканлигини сира ажрата олмадим. Сўнг, кундузи Расулуллоҳ саллаллоҳу алайҳи ва салламнинг олдиларига бориб, бўлган воқеани айтиб бердим. Жаноб Расулуллоҳ: «Бундан мақсад, тун қоронғуси-ю, кун ёруғидир»,— дедилар».
|
| |
| |
| SAKINA | Date: Shanba, 12-Yan-2013, 16:14 | Message # 224 |
|
Yangilardan
Group: IJODKOR
Messages: 2592
Status: | 6. Рўзадор кишининг фазилати
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам бундай деб айтганлар: «Рўза (тутмоқлик) дўзах ўтидан асровчи воситадир! Бинобарин, рўза тутган киши ҳақорат сўзларини тилга олмасин, сўзлашганда бақирмасин, бировни масхара қилмасин! Агар бирор киши рўзадор бирлан уришса ёким уни ҳақорат қилса, рўзадор икки бор: «Мен рўзамен», десин! Оллоҳга қасамёд қилиб айтурменким, рўзадорнинг оғзидан келган бўй, Оллоҳ наздида мушк-анбар бўйидан ҳам хушбўйроқдир, чунким Оллоҳ таоло: «Рўзадор мени деб еб-ичмас ва мени деб рўза тутар, бинобарин унинг мукофотини ўзим берғайдирмен ва ҳар бир яхшилиғи эвазига мендан ўн баробар мукофот олғусидир»,— дейдир».
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам бундай деганлар: «Агар сизлардан бирортангиз рўзадор бўлсангиз, гуноҳ бўладирган сўзларни сўзламангиз, биров бирлан жанжаллашмангиз. Рўзадор икки бор хурсанд бўлур, бири — оғиз очганда (яъни, ифтор қилганда), иккинчиси — рўза тутиб, ёруғ юз бирлан Оллоҳга йўлиққанда!»
Саҳл разияллоҳу анҳу ривоят қиладирлар: «Жаннатда Раййон номли бир эшик бордир,— дейдилар Жаноб Расулуллоҳ саллаллоҳу алайҳи ва саллам,— бул эшикдан рўзани канда қилмай тутганларгина кирғайдирлар, холос».
|
| |
| |
| SAKINA | Date: Shanba, 12-Yan-2013, 16:17 | Message # 225 |
|
Yangilardan
Group: IJODKOR
Messages: 2592
Status: | 7. Рамазоннинг оҳирги ўн кунлигида ибодатларни кўпайтириш
Оиша разияллоҳу анҳо: «Набий саллаллоҳу алайҳи ва саллам Рамазоннинг охирги ўн кунлиги келса, аҳллари ила алоқа қилмоқдан узоқлашар эрдилар, кечалари ухламас эрдилар ва уйдагиларни ҳам ибодат қилмоққа уйғотар эрдилар»,— дейдилар.
8. Аллоҳ йўлида жиҳод қила туриб рўза тутмоқлик ҳақида
Абу Саъид ал-Худрий разияллоҳу анҳу ривоят қиладилар: «Мен Расулуллоҳ саллаллоҳу алайҳи ва салламнинг «Кимки (жангга заифлик қилиб қолишдан чўчимай), Аллоҳ таоло йўлида (яъни, жиҳодда) бир кун рўза тутса, Аллоҳ таоло унинг юзини (яъни, уни) жаҳаннамдан етмиш йилга (яъни, етмиш йиллик масофага) йироқ қилур», деб айтганларини эшитдим».
9. Рўзадор киши эсдан чиқариб бирор нарса ейиши ҳақида
Абу Ҳурайра разияллоҳу анҳу: «Набий саллаллоҳу алайҳи ва саллам: «Агар рўзадор одам эсидан чиқиб ебичиб қўйса, рўзасини давом эттирсин, чунким уни Оллоҳ еб-ичирибдир», деганлар»,— дейдилар.
10. Рўзадор киши ўз аёлини ўпиши ёки яқинлик қилиши ҳақида
Оиша разияллоҳу анҳо ривоят қиладирлар: «Набий саллаллоҳу алайҳи ва саллам рўза бўла туриб, аёлларини ўпар эрдилар, муборак баданлари уларнинг баданларига тегар эрди, лекин ул Жаноб ўз нафсларини сизлардан кўра, кўпроқ тия билган одам эрдилар». (аммо, ўз нафсига кучи етмайдиганларнинг рўза тутган ҳолда хотинига бундай муомалада бўлмоғи хатарлидир)
Оиша ва Умму Салама разияллоҳу анҳумо: «Расулуллоҳ саллаллоҳу алайҳи ва саллам хотинлари бирлан яқинлик қилганларида тонг отиб қоларди. Шунда, Жаноб Расулуллоҳ ғусл қилиб, рўза тутишни давом эттираверардилар»,— деб айтишди.
Абу Ҳурайра разияллоҳу анҳу: «Набий саллаллоҳу алайҳи ва саллам: «Агар кимки рўзадор бўла туриб ҳотинига яқинлик қилиб қўйса, қодир бўлса бир қул озод қилиши, бўлмаса икки ой кетма-кет рўза тутиши ёҳуд олтмиш кишини тўйдириши лозим» – дедилар.
|
| |
| |
| SAKINA | Date: Shanba, 12-Yan-2013, 16:19 | Message # 226 |
|
Yangilardan
Group: IJODKOR
Messages: 2592
Status: | 11. Сафарда рўза тутиш ҳақида
Жобир ибн Абдуллоҳ разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам сафар чоғида бир тўда кишиларнинг кимнидир Қуёшдан пана қилмоққа уринишаётганини кўриб: «Не қилмоқдасизлар?» — дедилар. Шунда, улар бояги кишининг рўзадор эканлигини айтишди. Жаноб Расулуллоҳ: «Сафарда рўза тутмоқ яхши эрмас»,— дедилар».
Анас ибн Молик разияллоҳу анҳу ривоят қиладирлар: «Набий саллаллоҳу алайҳи ва саллам бирлан бирга сафарда эрдик. Айримларимиз рўза тутган ва айримларимиз рўза тутмаган эрдик. Шунда, рўза тутмаган кишига «Нега тутмағайсан?», деб ёки тутган кишига «Нега сафарда рўза тутғайсан?», деб таъна қилмас эрдик».
Ибн Аббос разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам Рамазонда Маккага сафар қилдилар. Шунда, Кадид деган жойга келгунча рўза тутдилар, ундан сўнг рўза тутмадилар. Буни кўрган одамлар ҳам рўза тутмай қўйишди».
Анас разияллоҳу анҳу ривоят қиладилар: «Биз Расулуллоҳ саллаллоҳу алайҳи ва саллам бирлан бирга (сафарда) эрдик. (Баъзимиз рўза тутган ва баъзимиз тутмаган бўлиб, кун ниҳоятда иссиқлигидан) кўпчилигимиз кийими бирлан, (қолганлар эрса қўли бирлан ўзини Куёшдан) пана қилиб келар эрди. (Ниҳоят, бир ерда дам олгани тўхтадик). Шунда рўза тутганлар азбаройи толиққанларидан ҳеч бир иш қилиша олмади, рўза тутмаганлар эрса (ўзларининг ва рўза тутганларнинг) туяларини (сув буйига) ҳайдаб бориб суғоришди, ем-хашак беришди, (рўза тутганларга чайлалар қуришди). (Буни кўриб) Расулуллоҳ саллаллоҳу алайҳи ва саллам: «Рўза тутмаганлар бугун (рўза тутганларга хизмат қилиб, кўп) ажру савоблар олишди» — деб марҳамат қилдилар»
Оиша разияллоҳу анҳо ривоят қиладирлар: «Ҳамза ибн Амруласламий Расулуллоҳ саллаллоҳу алайҳи ва салламдан «Сафарда бўлганимда ҳам рўза тутаверайинми?» —деб сўради. Жаноб Расулуллоҳ: «Хоҳласанг тутғил, хоҳламасанг, тутмағил!» — дедилар».
Абуддардоъ разияллоҳу анҳу ривоят қиладирлар: «Одамлар қўлларини бошларига соябон қиладирган даражада ҳаво исиб кетадиган пайтларда Расулуллоҳ саллаллоҳу алайҳи ва саллам бирлан бирга сафарга чиқар эрдик. Бундай сафарларда Жаноб Расулуллоҳ ва Ибн Рувоҳадан бошқа ҳеч ким рўза тутмас эрди».
12. Рўза тутмаганлик эвазига фидя бериш ҳақидаги оятнинг мансуҳ бўлиши ҳақида
Салама иби ал-Акваъ ривоят қиладилар: «(Рўза тутмоққа) қодир кишилар эрса, бир мискинни тўйдирарлик таом фидя қилгайлар» (2:184) деган оят нозил бўлганда фидя бериб рўза тутмай юрадиганлар чиқиб қолди, шунда мазкур оятдан кейинги оят (2:185) нозил бўлиб, аввалгисини мансух қилди».
|
| |
| |
| SAKINA | Date: Shanba, 12-Yan-2013, 16:24 | Message # 227 |
|
Yangilardan
Group: IJODKOR
Messages: 2592
Status: | Рўзага оид муттафақун алайҳ ҳадислар. 2-қисм
1. Азон ва саҳарлик
Абдуллоҳ ибн Масъуд бундай дейдилар: «Расулуллоҳ саллаллоҳу алайҳи ва саллам: «Билол азон айтганда бирортангиз саҳарлик қилмоқдан тўхтамангиз, чунким муаззин ухлаб ётганларни уйғотмоқ учун, уйғоқларни намозга чорламоқ учун қоронғуда азон айтғайдир»,— дедилар.
Изоҳ (Админ): Расулаллоҳ саллалоҳу алайҳи васаллам даврларида Рамазонда икки марта азон айтилар эди. БИринчи азон Билол р.а. томонидан кишиларни саҳарликка уйғотиш ёки таҳажжуд намозини ўқиётганларга тун тугаётганини эслатиш учун иккинчиси эса Умми Мактум томонидан айтилиб, саҳарлик вақти тугаганини билдириб, кишиларни бамдод намозига чақирар эди.
Имом Бухорий Ойша онамиз р.а.дан ривоят қилган ҳадисда: «Расулуллоҳ саллаллоҳу алайҳи ва. саллам: «Билол кечаси азон айтғайдир. Сизлар Ибн Умми Мактум азон айтгунча, еб-ичаверингиз,—деганлар», дейилади.
2. Саҳарликда барака бор
Анас ибн Молик разияллоҳу анҳу: «Набий саллаллоҳу алайҳи ва саллам: «Саҳарлик қилингиз, чунким саҳарлик қилишда баракот бордир!» — деганлар»,— деб ривоят қиладирлар.
|
| |
| |
| SAKINA | Date: Shanba, 12-Yan-2013, 16:28 | Message # 228 |
|
Yangilardan
Group: IJODKOR
Messages: 2592
Status: | 3. Саҳарликни кечиктириш ҳақида
Зайд ибн Собит ривоят қиладирлар:
«Биз Набий саллаллоҳу алайҳи ва саллам бирлан бирга саҳарлик қилдик, кейин туриб бомдод ўқидик. Мен: «Саҳарлик бирлан бомдод оралиғида қанча вақт бордир?» — деб сўрадим. Жаноб Расулуллоҳ: «Эллик ёким олтмиш оят ўқиғулик фурсат бордир», — дедилар».
4. Ифтор (оғиз очиш) вақти
Умар ибн Хаттоб разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Қуёш ботса, рўзадор оғиз очғайдир»,— дедилар».
5. Ифторликни кечиктирмаслик ҳақида
Ибн Абу Авфо разияллоҳу анҳу ривоят қиладирлар: Жаноб Расулуллоҳ: «Агар қоронғулик мана бу томондан (қўллари бирлан машриқ томонга ишора қилдилар) келса, рўзадор оғиз очғайдир»,— дедилар».
|
| |
| |
| SAKINA | Date: Shanba, 12-Yan-2013, 16:30 | Message # 229 |
|
Yangilardan
Group: IJODKOR
Messages: 2592
Status: | Рамазондан қолиб кетган кунлар
1. Рамазонда тутилмай қолган рўзалар қазоси
Оиша разияллоҳу анҳо: «Рамазонда тута олмаган рўзаларимнинг қазосини то Шаъбон ойи келмагунча тута олмас эрдим»,— дедилар.
2. Вафот қилган кишининг зиммасидаги рўза
Оиша разияллоҳу анҳо ривоят қиладирлар: «Расулуллоҳ саллаллоҳу алайҳи ва саллам: «Кимки вафот қилса, унинг зиммасида қолган рўзаларини (яъни, тута олмаган рўзаларини) вафот қилган кишининг яқинлари тутиб берғайдирлар»,— деганлар».
Ибн Аббос разияллоҳу анҳу ривоят қиладирлар: «Бир киши Набий саллаллоҳу алайҳи ва саллам ҳузурларига келиб: «Ё Расулуллоҳ, онам, зиммаларида бир ойлик рўза бўлган ҳолларида вафот қилдилар, ўша зиммаларидаги рўзани мен адо қилсам бўлурми?» — деб сўради. Жаноб Расулуллоҳ: «Ҳа,— бўлғайдир. Чунки Оллоҳнинг қарзини адо этмоқ бошқа қарзларни адо к;илмоқдан ҳам зарурроқдир! »— дедилар»
|
| |
| |
| SAKINA | Date: Shanba, 12-Yan-2013, 16:34 | Message # 230 |
|
Yangilardan
Group: IJODKOR
Messages: 2592
Status: | Нафл рўза
1. Шаъбон ойи рўзаси
Оиша разияллоҳу анҳо ривоят қиладирлар: «Жаноб Расулуллоҳнинг Рамазон ойидан бошқа ойларда тўлиқ рўза тутганларини кўрмадим. Шаъбон ойидан бошқа ойларда ҳам тўлиқ рўза тутганларини кўрмаганман».
2. Узлуксиз рўза тутишнинг маън қилингани ва бир ойда уч кун рўза тутиш етарли эканлиги ҳақида
Абдуллоҳ ибн Амр ибн ал-Ос разияллоҳу анҳу: «Менга Набий саллаллоҳу алайҳи ва саллам: «Сен узлуксиз рўза тутиб, кечанинг ҳаммасида ибодат қилар эмишсен»,— дедилар. Мен: «Ҳа, шундоқ»,— дедим. Ул киши: «Агар шундоқ қилаверсанг, кўзингнинг «кўриш қобилияти заифлашғайдир ва бутун аъзоларинг толиқғайдир. Умр бўйи тутган рўзанг савобсиз қолиб, зое кетғайдир. Ҳар ойда уч кун рўза тутган кишига эрса, умр бўйи рўза тутганнинг савоби берилғайдир»,— дедилар. Мен: «Ё Расулуллоҳ, бундан ҳам кўпроқ тутмоққа кучим етғайдир»,— дедим. Шунда ул зот: «Бўлмаса, Довуд алайҳиссалом тутган рўзани тутғил, ул киши бир кун рўза тутиб, бир кун тутмас эрдилар. Душман бирла рўбарў келганларида ҳам қочмас эрдилар»,— дедилар.
Абдуллоҳ ибн Амр ибн ал-Ос разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам менга: «Эй Абдуллоҳ, сенга ҳар куни рўза тутиб, ҳар кеча ухламай, ибодат қилмоқ хусусинда айтайинми?»— дедилар, мен: «Айтингиз, ё Расулуллоҳ!» — дедим. Жаноб Расулуллоҳ: «Ундоқ қилмағил, рўза ҳам тутғил, оғиз ҳам очғил, кечаси ибодат ҳам айлағил, уйқуга ҳам ётғил! Чунким сенда ўз танангнинг ҳам ҳаққи бор. Сенга ҳар ойда уч кун рўза тутмоғинг кифоя қилғайдир, чунким ҳар бир қилган яхшилиғинг учун ўн баробар савоб теккайдир, бу эрса сенга умр бўйи рўза тутганлик савобини берғайдир»,— дедилар.
Абу Ҳурайра разияллоҳу анҳу ривоят қиладирлар: «Набий саллаллоҳу алайҳи ва саллам: «Икки марта кетма-кет оғиз очмай, рўза тутмоқдан эҳтиёт бўлингиз!» — дедилар, шунда улар: «Узингиз тутғайдирсиз-ку?!» — дейишди. Жаноб Расулуллоҳ: «Мени Оллоҳ кечаси едириб-ичирғайдир. Сизлар қурбингиз етадирган ишни қилмоғингиз лозимдир»,— дедилар».
Изоҳ: Бу ерда едириб-ичирадир сўзи Аллоҳ қувватлантириб туради маъносида келган (Фатҳул Бори)
|
| |
| |
| SAKINA | Date: Shanba, 12-Yan-2013, 16:38 | Message # 231 |
|
Yangilardan
Group: IJODKOR
Messages: 2592
Status: | 3. Ёлғиз жума куни рўза тутмаслик ҳақида
Муҳаммад ибн Аббод ривоят қиладирлар: «Мен Жобир разияллоҳу анҳудан Набий саллаллоҳу алайҳи ва салламнинг жумъа куни (нафл) рўза тутмоқдан қайтарганлари тўғрисида сўрадим. Жобир: «Ҳа, қайтарганлар»,—дедилар».
Абу Ҳурайра разияллоҳу анҳу: «Мен Набий саллаллоҳу алайҳи ва салламнинг, ҳеч қайси бирингиз жумъа куни (нафл) рўза тутмангиз, агар тутадирган бўлсангиз, жумъадан олдинги бир кунни ёким жумъадан кейинги бир кунни қўшиб тутингиз, деганларини эшитганман»,— дейдилар.
4. Икки ҳайит – ийд ул-фитр ва ийд ул-азҳо кунлари рўза тутишдан қайтарилгани ҳақида
Абу Саъид Худрий разияллоҳу анҳу: «Набий саллаллоҳу алайҳи ва саллам: “Икки кун — Рамазон ва Қурбон ҳайитлари куни рўза тутилмасин” дедилар.
5. Ашуро куни рўза тутмоқлик ҳақида
Оиша разияллоҳу анҳо ривоят қиладирлар: «Расулуллоҳ саллаллоҳу алайҳи ва саллам: «Хоҳлаган киши Муҳаррам ойининг ўнинчи (Ашуро) куни рўза тутсин, хоҳламаган киши тутмасин»,— дедилар».
6. Аёл киши эрининг руҳсатисиз нафл рўза тутмаслиги ҳақида
Абу Ҳурайра разияллоҳу анҳу ривоят қиладилар: «Расулуллоҳ саллаллоҳу алайҳи ва саллам: «Эри ҳузурида бўлган аёл эрининг изнисиз рўза тутмайди!» — дедилар».
|
| |
| |
| SAKINA | Date: Shanba, 12-Yan-2013, 16:42 | Message # 232 |
|
Yangilardan
Group: IJODKOR
Messages: 2592
Status: | Эътикоф
1. Эътикоф Рамазоннинг оҳирги ўн кунлигида афзаллиги
Абу Саъид Худрий разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Менга охирги ўн кунликда эътикоф қилмоқ лозимлиги аён бўлди. Тушимда менга Лайлат ул-Қадр (кечаси) бўладирган кун аниқ тайинланди, бироқ ул ёдимдан чиқиб қолди. Энди, уни Рамазоннинг охирги ўн кунлигининг тоқ кунларида кутингиз», дедилар.
2. Эътикофни бамдод намозидан сўнг бошлаш ҳақида
Оиша разияллоҳу анҳо ривоят қиладирлар: «Набий саллаллоҳу алайҳи ва саллам Рамазоннинг охирги ўн кунлигида эътикофда ўтирар эрдилар. Жаноб Расулуллоҳ менинг учун масжид саҳнида чодир тутиб берган эрдилар, бомдоддан сўнг олдимга кирардилар. Жаноб Расулуллоҳнинг бошқа заифалари — Ҳафса мендан ўзига чодир тутиб олмоққа рухсат сўраб эрди, рухсат бердим, чодир тутиб олди. Буни кўрган Зайнаб бинти Жаҳш (Расулуллоҳнинг хотинларидан бири) ҳам ўзига чодир қуриб олди. Эртасига эрталаб Жаноб Расулуллоҳ чодирларни кўриб: «Бу несидир?»—дедилар. «Хотинларингизнинг чодири»,— дейишди. Набий саллаллоҳу алайҳи ва саллам: «Улар яхши иш қилишибдир, деб ўйлайсизларми?»— дедилар. Шундан сўнг, Жаноб Расулуллоҳ ўша ойдаги эътикофни тарк этдилар. Бунинг эвазига Шаввол ойида ўн кун эътикоф қилдилар»
|
| |
| |
| SAKINA | Date: Shanba, 12-Yan-2013, 16:44 | Message # 233 |
|
Yangilardan
Group: IJODKOR
Messages: 2592
Status: | Таровеҳ
1. Таровеҳ намозининг фазилати
Абу Ҳурайра разияллоҳу анҳу ривоят қиладирлар: «Расулуллоҳ саллаллоҳу алайҳи ва саллам: «Рамазон кечасининг фазилатига ишониб ва савобидан умид қилиб (таровиҳ ўқимоққа) турган кишининг илгари қилган барча гуноҳлари мағфират қилинғайдир»,— деганлар».
2. Таровеҳ намозининг вожиб эмаслиги ҳақида
Оиша разияллоҳу анҳо ривоят қиладирлар: «Расулуллоҳ саллаллоҳу алайҳи ва саллам Рамазон кечаларидан бирида масжидга чиқиб намоз ўқидилар. Жаноб Расулуллоҳга иқтидо қилиб, одамлар ҳам намоз ўқишди. Бу дарҳол одамлар орасида овоза бўлди. Эртасига масжидга анчагина одам тўпланиб, намоз ўқишди. Учинчи кеча яна ҳам кўпроқ одам йиғилиб, Жаноб Расулуллоҳ бирлан бирга намоз ўқишди. Тўртинчи кеча масжидга одам сиғмай кетди. Жаноб Расулуллоҳ бу гал кечаси чиқмадилар, фақат бомдод намозига чиқдилар, Бомдоддан сўнг, хутба ташаҳҳудини ўқиб бўлгач, одамларга қараб: «Мени сизларнинг кўпайиб кетганлигингиз чўчитгани йўқ, балким бул сизларга фарз
|
| |
| |
| SAKINA | Date: Shanba, 12-Yan-2013, 16:45 | Message # 234 |
|
Yangilardan
Group: IJODKOR
Messages: 2592
Status: | Қадр кечаси
Ибн Умар разияллоҳу анҳу ривоят қиладирлар: «Набий саллаллоҳу алайҳи ва салламнинг бир қанча саҳобалари Лайлат ул-Қадрнинг Рамазоннинг охирги ўн кунлигининг еттисида бўлмоғини тушларида кўришган эркан. Шунда, Расулуллоҳ саллаллоҳу алайҳи ва саллам: «Сизларнинг тушларингиз Лайлат ул-Қадр Рамазоннинг охирги ўн кунлигининг еттисинда эрканлиғига мувофиқ келғайдир, деб ўйлармен. Кимки Лайлат ул-Қадрни кутмоқчи эрса, Рамазоннинг охирги ўн кунлигининг еттисинда кутсин!» — дедилар».
|
| |
| |
| DURDON | Date: Payshanba, 07-Fev-2013, 04:27 | Message # 235 |
SUPER ADMINKA
Group: Admin yordamchisi
Messages: 10133
Status: | RAMAZON HADISLARI
Rasululloh sollallohu alayhi va sallam dedilar: «Ro‘za va Qur’on qiyomat kunida banda uchun shafoat so‘raydi. Ro‘za: «Rabbim, men uni taom va mayllardan to‘sdim, endi uni shafoat qilaman qabul et!» deydi. Qur’on: «Men uni tunlari uyqudan to‘sdim, endi uni shafoat qilaman qabul et!» deydi. Shundan so‘ng ularning shafoatlari qabul qlinadi» (Ahmad rivoyati).
Rasululloh sollallohu alayhi va sallam:
«Attoh jahannamni Alloh yo‘lida bir kun ro‘za tutgan bandaning yuzdan yetmish yillik masofaga uzoq qiladi» (Imom Abu Dovuddan boshqa barcha shlonchli muhaddislar rivoyat qilishgan).
Bir odam Rasulullohga: “Men Allohdan boshqa iloh yo‘qligiga, siz Allohning elchisi ekaningizga guvohlik bersam, besh vaqt namozni o‘qisam, ramazon ro‘zasini tutib, kechalari ibodat bilan bedor bo‘lsam, kimlar bilan birga bo‘laman?» dedi. Nabiy: «Siddiqlar va shahidlardan birisan», deb javob berdilar. (Ibn Huzayma va Ibn Hibbon rivoyati)
|
| |
| |
| DURDON | Date: Dushanba, 04-Mar-2013, 03:01 | Message # 236 |
SUPER ADMINKA
Group: Admin yordamchisi
Messages: 10133
Status: | Умму Ҳаниъдан ривоят қилди: “Росулуллоҳ соллаллоҳу алайҳи ва саллам унинг (Умму Ҳаниънинг) ҳузурига кирдилар. Ичимлик (келтирилишини) сўрадилар ва ичдилар. Сўнг унга (Умму Ҳаниъга) узатдилар, у ҳам ичди. Ва: “Эй Росулуллоҳ, мен рўзадор эдим-ку”, деди. Шунда Росулуллоҳ соллаллоҳу алайҳи ва саллам: “Нафл рўзасини тутувчи рўзадор ўзига бекдир. Хоҳласа тутади, хоҳласа оғзини очади”, дедилар" (Аҳмад (26353). Албоний “Саҳиҳ ал-Жамиъ” (3854)да саҳиҳ санадилар)
|
| |
| |
| DURDON | Date: Yakshanba, 14-Iyul-2013, 02:30 | Message # 237 |
SUPER ADMINKA
Group: Admin yordamchisi
Messages: 10133
Status: | Расулуллоҳ соллаллоҳу алайҳи ва саллам дедилар: «Аллоҳ деди: Одам боласининг рўзадан ташқари барча амали ўзи учун. Батаҳқиқ, у (рўза) Мен учун ва унинг мукофотини Мен бераман. Рўза қалқондир. Агар сизлардан бирингизнинг рўза куни бўлса, бас, беадаб сўзларни айтмасин ва бақирмасин. Агар бирор киши уни сўкса ёки урушса: «Мен рўзадор кишиман», деб айтсин. Муҳаммаднинг жони Унинг Қўлида бўлган Зотга қасамки, рўзадорнинг оғзидаги ҳид Аллоҳнинг наздида мискнинг ҳидидан хушбўйроқдир. Рўзадорнинг хурсанд бўладиган икки хурсандчилиги бор. Рўзаси билан ифтор қилганда хурсанд бўлади ва Раббисига йўлиққанда хурсанд бўлади» (Бухорий (1904), Муслим (1150), лафз Бухорийники).
Муслимнинг ривоятларида: «Одам боласининг барча амали бир неча бор кўпайтирилади. Бир ҳасанот ўн баробаридан етти юз баробаригача. Аллоҳ азза ва жалла рўза бундан мустасно деди. Батаҳқиқ, у Мен учун ва унинг мукофотини Мен бераман. Шаҳвати ва таомини Мен учун ташлади» (Муслим (1150)).
|
| |
| |
| DURDON | Date: Dushanba, 29-Iyul-2013, 22:01 | Message # 238 |
SUPER ADMINKA
Group: Admin yordamchisi
Messages: 10133
Status: | Абу Хурайра( р.а)дан ривоят килинган хадисда Пайгамбаримиз с.а.в:"Рузадорнинг килган дуоси албатта кабул килинади.Чунки унинг уйкуси хам ибодат,нафас олиши хам ибодатдир".
Яна бир хадисда "Аллох таоло мархамат килади:"Одам фарзандининг яхши амалига ун баробардан етти юз баробаригача савоб зиёда килинади.Руза ундай эмас.Руза мен учун ва унинг мукофотини узим бераман.Бандам шахватини,таомини,шаробини мен учун тарк килади.Руза пардадир.Рузадор учун икки хурсандчилик бор:огиз очишдаги ва киёмат кунидаги хурсандчилик.Рузадор огзидан келган хид менинг наздимда мушку анбар хидидан хам хушбуйрокдир",-дедилар.(Бухорий,Муслим).
|
| |
| |
| DURDON | Date: Dushanba, 29-Iyul-2013, 22:52 | Message # 239 |
SUPER ADMINKA
Group: Admin yordamchisi
Messages: 10133
Status: | Абу Хурайра разияллоху анху деди: «Расулуллох соллаллоху алайхи ва саллам дедилар: «Хузурингизга муборакли ой кириб келди унинг рўзаси сизларга фарз килинди. У (ой) да жаннат дарвозалари очилиб, жаханнам дарвозалари ёпилади, Шайтонлар кишанланади. Унда бир кеча борки, у минг ойдан кўра яхширокдир. Ким у (кеча) нинг яхшиликларидан махрум бўлса, (кўп нарсадан) махрум бўлибди» (Имом Ахмад, имом Нисоий ва имом Байхакий ривоят килдилар).
Абу Хурайра разияллоху анху деди: «Расулуллох соллаллоху алайхи ва саллам дедилар: «Рамазон ойида умматимга бошка умматларга берилмаган беш хислат берилди: Рўзадор огзининг хиди Аллох хузурида мушкдан хам хушбўйрокдир; Фаришталар рўзадор учун ифтор пайтига кадар Аллохдан магфират сўрайдилар; Аллох таъоло жаннатини безайди ва унга: «Солих бандаларимнинг устларидаги кийинчилик ва азиятларни ташлаб, сенинг хузурингга келишларига оз колди»- дейди; Бу ойда жинлар занжирбанд килинади-да, бошка ойларда килган ишлари (васвасалари) ни кила олмайдилар; У (рамазон)нинг охирги кечасида рўзадорларнинг гунохлари кечирилади». Сахобалар: «Ё расулуллох, у кеча кадр кечасими?» - деб сўрадилар. Расулуллох соллаллоху алайхи ва саллам: «Йўк, лекин мардикор ишини адо этганидан сўнг савоби тўла килиб берилади» - дедилар» (Имом Ахмад ривояти).
|
| |
| |
| DURDON | Date: Dushanba, 29-Iyul-2013, 22:56 | Message # 240 |
SUPER ADMINKA
Group: Admin yordamchisi
Messages: 10133
Status: | Абу Олия рахимахуллох деди: «Рўзадор, модомики, гийбат килмас экан, хатто ухласа хам, ибодатдадир» (Абдурраззок ривояти).
Иброхим Нахаий рахимахуллох деди: «Рамазоннинг бир кунидаги рўза, минг кунлик ибодатдан, унда айтилган бир тасбих, бошка ойларда айтилган минг тасбихдан, унда ўкилган бир ракаат намоз бошка ойларда ўкилган минг ракаат намоздан кўра афзалрокдир».
Ибн Абу Маръям рахимахуллох ўзининг устозларидан куйидаги сўзларни накл этди: «Рамазон ойи келса оилангизга харажатни сероб килинглар! Чунки бу харажат Аллох йўлида килинган харажат каби мўл савоблидир. Бу ойдаги бир тасбих, бошка ойлардаги минг тасбихдан афзалрокдир».
Рамазондаги садака - энг афзал садакадир
Анас разияллоху анху дедилар: «Расулуллох соллаллоху алайхи ва салламга: «Садакаларнинг афзали кайси?»- деб савол берилганида: «Рамазондаги садака» - деб жавоб бердилар» (Имом Термизий ривояти).
Рўза – гунохлар ва жаханнам оловидан химоя киладиган калкондир
Расулуллох соллаллоху алайхи ва саллам дедилар: «... Рўза калкондир...» (Имом Ахмад, имом Муслим ва имом Насоий ривоятлари).
Рўза инсонни бардошли килади
Расулуллох соллаллоху алайхи ва саллам дедилар: «Рамазон ойи - сабр ойидир» (Имом Термизий ривояти).
|
| |
| |
