|
sher yozamiz
|
|
| Asadulloh | Date: Juma, 04-Yan-2013, 05:26 | Message # 121 |
 Eng tajribali
Group: Ishonchli
Messages: 460
Status:  | Osmonlar oftob yo’li, zamin-chi, sinov yo’li,
Biovga gunoh yo’li, birovga savob yo’li.
Kimgadir rohat yo’li, kimgadir azob yo’li,
Asragin, bor Xudoyim, azob yo’ldan asragin.
Qanchalar bu dunyoda azob yo’lga yurganlar,
Gohi bilib, gohi bilmay sarob yo’lga kirganlar.
Xaqni topmast hech qachon nafsi yo’ldan urganlar,
Asragin, bor Xudoyim, sarob yo’ldan asragin.
Manzilida olovli chohlari bor yo’l – dunyo,
Alam, afsus, nadomat, ohlari bor yo’l – dunyo,
Kimki topsa hidoyat, bog’lari bor yo’l – dunyo,
Asragin, bor Xudoyim, xarob yo’ldan asragin.
Sabr tagi zar-oltin, sabr tagi rahmondir,
Shoshqaloqda samara yoq, kibr lain shaytondir,
Bir o’tkinchi yo’l – dunyo, bir o’tkinchi zamondir,
Boshlagin, bor Xudoyim, to’g’ri yo’lga boshlagin
|
| |
| |
| Asadulloh | Date: Juma, 04-Yan-2013, 05:27 | Message # 122 |
|
Eng tajribali
Group: Ishonchli
Messages: 460
Status: | Bir vujudda ikki unsur,
Biri mardud, biri manzur.
Talashgani talashgandur,
Subhonalloh, subhanalloh!
Biri nafsdur, biri imon,
Nafs zolimdir va beomon,
Jilovida ayyor shayton,
Subhanolloh, subhanolloh!
Nafs: to’ymasman, yuhoman, der,
Ne duch kelsa, yutaman, der.
Imon: bo’g’zing tutaman, der,
Subhanalloh, subhanalloh!
Imon qushi qo’sh qanotin
Xavfu rajo derlar otin.
Qo’rqit! Tottir umid otin,
Subhanalloh, subhanalloh!
Harki bunyod – oxir nobud,
Otdan, taxtdan so’ng bor tobut!
Saqlay olmas qalqon, sovut,
Subhanalloh, subhanalloh!
Hisrga moyil har tirik tan,
Saqla hirsdan, subha-shirkdan!
Kelur sado yeru ko’kdan:
Subhanalloh, subhanalloh!
|
| |
| |
| Asadulloh | Date: Juma, 04-Yan-2013, 05:27 | Message # 123 |
|
Eng tajribali
Group: Ishonchli
Messages: 460
Status: | Dema nafsim, u yaxshi yo bu yaxshi,
Neni ravo ko’rsa Razzoq, shu yaxshi.
Berganin oz dema, Xaq holing bilar,
Demak, shundan ortig’i ko’plik qilar.
Ko’p yemak odamu molni ne qilar:
Biri orttirdi dard, biri so’yilaydi.
Agar-chi tashnasan, bir kosa suv bas,
Qilmag’il daryoni yutmoqni havas.
Tomosha ham, cho’kma ham, bo’lg’il mo’tadil,
Omonlik – o’rtada, o’zing tuta bil!
|
| |
| |
| Asadulloh | Date: Juma, 04-Yan-2013, 05:28 | Message # 124 |
|
Eng tajribali
Group: Ishonchli
Messages: 460
Status: | Beshak biling, bu dunyo barcha xalqdan o’taro,
Inonmagil molingga, bir kun qo’ldan ketaro.
Ota-ona, qarindosh qayon ketti, fikr qil,
To’rt oyog’lig’ cho’bin ot bir kun senga yetaro.
Dunyo uchun g’am yema, Haqdin o’zgani dema,
Kishi molini yema, sirot uzra tutaro.
Ahli ayol, qarindosh – hech kim bo’lmaydur yo’ldosh,
Mardona bo’l, g’arib bosh, umring eldek o’taro.
Qul xoja Ahmad, toat qil, umring bilmam necha yil,
Asling bilsang, obu gil, yana gilga ketaro!
|
| |
| |
| Asadulloh | Date: Juma, 04-Yan-2013, 05:28 | Message # 125 |
|
Eng tajribali
Group: Ishonchli
Messages: 460
Status: | Bu bir sinov dunyosidir,
Kеl, yuraylik haqqa qarab.
U – ko’ngillar ko’zgusidir.
Kеl, yuraylik haqqa qarab..
Dunyo moli, sеvmam sеni,
O’zingga qul etma mеni.
Istasang olgin soyangni,
Kеl, yuraylik haqqa qarab..
Oydin yo’ldir Islom yo’li,
Iymon etar Olloh quli,
Xazinalar undan to’la,
Kеl, yuraylik haqqa qarab..
|
| |
| |
| Asadulloh | Date: Juma, 04-Yan-2013, 05:29 | Message # 126 |
|
Eng tajribali
Group: Ishonchli
Messages: 460
Status: | Yoqub kabi o'g'lin yo'qotgon,
Sumyyadek yov o'qin yutgon,
Yusuf kabi zindonband bo'lgon,
Solihlarga sabringni to'kkin.
Ayyub dardin his etib bilgon,
Og'riqlari jonini tilgon,
Hastalikka duchor yo'liqgon,
Bemorlarga sabringni to'kkin.
Nuh payg'ambar kabi yongon,
Din-diyonat yo'lida chopgon,
Noqobil farzandidan kuygon,
Otalarga sabringni to'kkin.
Ko'z yoshlari sel bo'lib oqgon,
Ne hasratu mehnatla boqgon,
Farzand dog'i kuydirib yoqgon,
Onalarga sabringni to'kkin.
Ota deya zor yig'lagonlar,
Ona deya zor bo'zlagonlar,
Payg'ambardek yetim qolgonlar,
Yetimlarga sabringni to'kkin.
Xojar kabi dashtlada qolgon,
Zolim zulmi haddidan oshgon,
Qarovsizu muallaq qolgon,
Mazlumlarga sabringni to'kkin.
Mevasi yo'q daraxtlar kabi,
Tosh otmaslar unga hech sari,
Murg'ak go'dak nolasi qani,
Befarzandga sabringni to'kkin.
Juft bog'ida ko'ngli kemtik,
Hech tortmagan yoridan etik,
Taqdirida yolg'izlik bitik,
Yolg'izlarga sabringni to'kkin.
AS-SOBRINGDAN sabrlar to'kkin,
ROBBIM o'zing sabrlar bergin....
|
| |
| |
| Asadulloh | Date: Juma, 04-Yan-2013, 05:29 | Message # 127 |
|
Eng tajribali
Group: Ishonchli
Messages: 460
Status: | Sabr qilgin, ey do’st, saodatlar asta, asta.
Sabr birla visol yaqin, saxovatlar asta, asta.
Mangu ermasdur zulmatlar, umid etgilki tong oydin.
Oxir bir kun yorishgaydir samovotlar asta, asta.
Foydasi yoq ko’p ishlarning, o’ylama hech, foydasi yoq.
Tuzilgaydir, buzilgaydir mahobatlar asta, asta.
Bu dunyoda tugab bbeiz ketmaydi hech narsa.
Ayon bo’lgay oxir ul kun karomatlar asta, asta.
Umr o’tar asta, asta, afsus chekma so’ng nafasda.
Balog’atlar, farog’atlar salobatlar asta, asta.
Bir bora o’lgan yaxshidir, har kuni o’lgan ko’p yomon.
Ijobatlar, inoyatlar, malomatlar asta, asta.
|
| |
| |
| Asadulloh | Date: Juma, 04-Yan-2013, 05:30 | Message # 128 |
|
Eng tajribali
Group: Ishonchli
Messages: 460
Status: | Hofizi Qur’onlar etsa tilovat
Qalbimda bir narsa erib ketardi.
Har oyatda ming bir hikmat, tarovat,
O’rganmoq orzui kurtak otardi.
Muqaddas Qur’onga intilar yurak,
Ojiz bir bandangman, madad ber, Alloh.
Shunchaki gap bo’lib qolmasin tilak,
Qur’onini bilmaslik-bu ahir gunoh.
Turli harakatlar bezar saflarni,
Buncha turli-tuman urg’ular siri.
Qo’shilib, qo’shilmay turgan harflarning
Biri yozilsa ham, o’qilar biri.
Tajvid tarozusi shay turar doim,
Uning o’lchovidan chiqib ko’ring-chi.
Maxraj nosoz bo’lsa kechirgin, Tangrim,
Yolg’iz O’zingdirsan madad berguvchi.
Shukrlar bo’lsinki, uchrab ustozlar,
Keksaygan chog’imda talaba men ham.
Ilmda zabardast, sara-mumtozlar
Sabog’I dillarga bo’lmoqda malham.
O’rganay kaloming, madad ber O’zing,
Yo Rabbim, yolvoray O’zingga har on.
Ko’zlarimga surtay har nurli so’zing,
Dilimga jo bo’lsin muqaddas Qur’on.
|
| |
| |
| Asadulloh | Date: Juma, 04-Yan-2013, 05:30 | Message # 129 |
|
Eng tajribali
Group: Ishonchli
Messages: 460
Status: | Tun bag’rida yiltillar nadir,
Umidimga umid qo’shilgay,
Arshi a’lo. Yeti qat osmon.
Yulduzlar ham bir yon surilgay.
Jismim og’ir, ko’tarolmayman,
Qo’rg’oshinday erir borlig’im.
Taraladi muattar bo’ylar.
Qaylargadir uchadir ruhim.
Oyatlarda zirillar yurak,
Ko’chib ketar g’amlarim birpas.
Vujudimda titroq uyg’onar,
Olislardan kelganiday sas.
Ko’z oldimda ulug’ manzara,
Ko’rinadi tobora yaqin.
Kuydirgancha butun dunyoni,
Osmon uzra porillar chaqin.
Tush ko’rganday barisi o’tar,
Terga botib, o’zni unutib.
Uzoqlashar tobora mendan,
Nelargadir ishora etib.
Qiynar hatto yodga o’rnashib,
O’sha tunda kechgan nolalar.
…Mahshargohga to’planishardi,
Sochi oppoq bo’lgan bolalar.
|
| |
| |
| Asadulloh | Date: Juma, 04-Yan-2013, 05:31 | Message # 130 |
|
Eng tajribali
Group: Ishonchli
Messages: 460
Status: | IBODAT
Nafsning shashti bosilgay ro’za bilan,
Qaddi-basti bosilgay ro’za bilan,
Tez-tez ro’zador bo’l, nobakor hirsning
Morday qasdi bosilgay ro’za bilay.
Ro’za-tan zakoti, holing salomat,
Zakot-kafforatdir, moling salomat,
Beva-bechorayu yetim yesirga,
Haqdorga ato et, joning salomat!
Haqni ihtiyor qil qodirsan agar,
Ota-onangni haj qildir muqarrar,
Topgan moling halol bo’lsin, avvalo,
Harom bo’lsa, yo’llaringda bor ajdar!
Namoz-ibodating podshosi erur,
Barcha yaxshilikning peshvosi erur,
Unda haj,savm, me’roj, jannat kaliti,
Dilning tahorati, ifshosi erur!
|
| |
| |
| Asadulloh | Date: Juma, 04-Yan-2013, 05:32 | Message # 131 |
|
Eng tajribali
Group: Ishonchli
Messages: 460
Status: | -Boshingda nima bor?
-Toji davlat.
-Ko’zingda nima bor?
-Nuri Muhammad.
-Tilingda nima bor?
-Kalomi shahodat.
-Qulog’ingda nima bor?
-Azon-u qomat.
-Burningda nima bor?
-Bo’yi Muhammad.
-Qo’lingda nima bor?
-Hayr-u sahovat.
-Belingda nima bor?
-Kamari xizmat.
-Tizzangda nima bor?
-Hurmat-u izzat.
Qalbingda nima bor?
-Allohga muhabbat.
|
| |
| |
| Asadulloh | Date: Juma, 04-Yan-2013, 05:32 | Message # 132 |
|
Eng tajribali
Group: Ishonchli
Messages: 460
Status: | Na sharaf, na shon istadim,
Na sadaf, na kon istadim,
Bari o’tkinchi, shu bois
Gavhari imon istadim.
***
Gulob bilan chaygandan
Halol bo’lmas yolg’on so’z.
Savun bilan yuvgandan
Nuroniy bo’lmaydi yuz.
***
Dard kelsa, g’am kelsa yutdik biz,
Kutdik biz, kutdik biz, kutdik biz.
Qabr deb atamang bu joyni
U uydan bu uyga o’tdik biz…
|
| |
| |
| Asadulloh | Date: Juma, 04-Yan-2013, 05:32 | Message # 133 |
|
Eng tajribali
Group: Ishonchli
Messages: 460
Status: | Chin do’st
Zulmatlarda yurar edim,
Gandiraklab turar edim,
Bir rahnamo tilar edim,
Chin do’stimni topdim, shukr…
Savdolanib eng xos qulga,
Yunusdek ergashdim izina,
Jon unga qurbon bo’lsin-a,
Chin do’stimni topdim, shukr…
Unda vafo, unda safo,
Usiz hayot – jabru jafo,
Oti – Muhammad Mustafo,
Chin do’stimni topdim, shukr
|
| |
| |
| Asadulloh | Date: Juma, 04-Yan-2013, 05:33 | Message # 134 |
|
Eng tajribali
Group: Ishonchli
Messages: 460
Status: | Allohning bebaho ikki duri bor:
Yerda – barakasi, ko’kda - nuri bor.
Mingdan topmaganni birdan toparsan,
Yerdan topmaganni ko’kdan toparsan.
O’lim ham imtihon, bilrodar, bilsang,
Yaxshidir bir umr hozirlik qalsang.
Yoshlikda ne qilish keragin odam
Bilib olar ekan qarigan dam.
To’yganning bo’g’ziga tiqqandan ko’ra,
Yaxshimasmi ochni to’ydirgan, jo’ra?!
O’liklarga otsang tosh,
Yoriladi tirik bosh.
Otangning so’ziga bo’laverma xun,
Otasiz kunlar ham keb qolar bir kun!
Yaxshiga yaxshilik qilganing oni,
Kelar hiqildoqqa yomonning joni.
|
| |
| |
| Asadulloh | Date: Juma, 04-Yan-2013, 05:33 | Message # 135 |
|
Eng tajribali
Group: Ishonchli
Messages: 460
Status: | Hayot sharob yanglig’ quyulgan,
Qalb taloshi kechmish jununda.
Oy nurini qo’limga o’rab,
Pillapoya to’qimayman tunda.
O, bu ezgin o’ylarni netay,
Mayxonada bir o’zim yolg’iz.
Kema yasab Nuh kabi suzsam,
Ro’paramda bepoyon dengiz.
Hislarimni sovurar shamol,
Orom bilmas tungi parvona.
Yorishgaymi porlab yeti yil
Yusuf tushgan ul hibshona…
Yaqinlashgay yer bilan osmon,
Hayrat o’rar. Deyman bu nehol?
Loppillaydi yuksaklik uzra
Pillapoya. Munkillagan chol.
Hayot sharob yanglig’ quyulgan,
Qalb taloshi kechmish jununda.
Oy nurini qo’limga o’rab,
Pillapoya to’qimayman tunda.
|
| |
| |
| Asadulloh | Date: Juma, 04-Yan-2013, 05:34 | Message # 136 |
|
Eng tajribali
Group: Ishonchli
Messages: 460
Status: | Nohaqlikni loqayd kuzatmoq – xato,
Xatogina emas, gunoh ham hatto.
Mehnat halovati g’amdan aritgay,
Halovatsiz mehnat erta qaritgay.
Tirikligu mehnat – eguzak birga,
Ishsiz yurish – egov umrga.
Ko’za ham sindirar suv tashib yurgan,
Qilinmagan ishda kim nuqson ko’rgan.
O’lganning ko’zini yumish – tirikning ishi,
Tiriklarnin ko’zin ochar har o’lgan kishi.
Jahl kelganda ko’z qizaradi,
Jahl ketgach, yuz qizaradi.
Yomonlikni o’ylab firib yeganlar,
Yaxshi niyat-yarim davlat, deganlar.
Rizqimiz ko’kdan,
So’ng oqqan terdan.
|
| |
| |
| Asadulloh | Date: Juma, 04-Yan-2013, 05:34 | Message # 137 |
|
Eng tajribali
Group: Ishonchli
Messages: 460
Status: |
Yolg'onchi dunyoga aldanma yohu,
Bu saroy buzulur devor aylanmas,
ikki eshikli vayronadir bu,
Kelgan albat ko'char mehmon aylabmas.
To'g'risiga borib ko'r bu yo'llarning,
Yurib ko'r ortidan mo'min qullarning,
Zindonidir dunyo mo'min qullarning,
Zindonda bo'lgan qul oson aylanmas.
Umr tamom bo'lib daftar yopilur,
Sirot ko'prigiyu,mezon ko'rinur,
Haqning dargohiga qullar tizilur,
Marhamat qilinur farmon aylanmas.
Hudoyi,ne bo'ldi qani Payg'ambar,
Abu Bakr,Umar,Usmonu Haydar,
Qani Habibulloh Siddiqu Akbar,
Bunda kelgan ketar bir jon aylanmas.
|
| |
| |
| Asadulloh | Date: Juma, 04-Yan-2013, 05:34 | Message # 138 |
|
Eng tajribali
Group: Ishonchli
Messages: 460
Status: |
Tirikmasman, o‘lganga ham o‘xshamayman,
Najot so‘rab kelganga ham o‘xshamayman.
Yuragimni ajin bosdi — qarib ketdim,
Yigirmaga to‘lganga ham o‘xshamayman.
O‘zim uchun qo‘ygan bari shartim og‘ir,
Tushgan joyin quritadi — gardim og‘ir.
Men ertaga qayta tura olamanmi,
Jon olmasa ketmaydigan Dardim og‘ir.
Nurlarimni tunlar uchun zarba qildim,
Ko‘nglim uyin kimlar uchun Ka’ba qildim.
Suyaklarim zirqiradi — lazzatlanib
Tavba qildim, tavba qildim, tavba qildim.
Yana cho‘llab yotganimni bilarmikin,
Daryolarim ko‘kdan qaytib kelarmikin?
She’rlarimni elchi qilsam, dargohida
Eng odil Shoh meni qabul qilarmikin?
Tirikmasman, o‘lganga ham o‘xshamayman...
|
| |
| |
| Asadulloh | Date: Juma, 04-Yan-2013, 05:35 | Message # 139 |
|
Eng tajribali
Group: Ishonchli
Messages: 460
Status: | Ko'nglim qoldi dildordan ham,yordan ham,
O'tkinchi bu dunyodan ham zardan ham,
Qo'msayman-u topolmayman hech yerdan,
Chunki oramizda Rasululloh kam.
Gunohlarim dunyochadir boshim ham,
Vujudimni poklagan - dir anduh - g'am,
Sog'inaman yig'lab mudom ko'zda nam,
Chunki oramizda Rasululloh kam.
Ma'siyatlar yuz bermoqda har qadam,
Gunohsiz-u,beozormas hech odam,
Izlab-izlab sabablarin so'rasam,
Chunki oramizda Rasululloh kam.
Dunyo yolg'onlarga to'ldi ushbu dam,
Zulmatlarni yoritguvchi yo'qdir sham
Ummatlari qoldi bo'zlab ko'zda nam
Chunki oramizda Rasululloh kam.
Siz bo'lganda bir kam dunyo to'lardi,
Ummatingiz hulqingizni ko'rardi,
Hech shubhasiz yo'lingizdan yurardi,
Chunki oramizda Rasululloh kam.
Vorislarni saflaridan izlayman,
Hech olimni sizga o'hshatolmayman,
Hatto gardingizni topa olmayman,
Chunki oramizda Rasululloh kam.
Sog'ich ila, firoq ila yig'layman,
Chunki oramizda Rasululloh kam...
|
| |
| |
| Asadulloh | Date: Juma, 04-Yan-2013, 05:35 | Message # 140 |
|
Eng tajribali
Group: Ishonchli
Messages: 460
Status: | Sog'inmadingmi?...
Maqom berdi Hazrati inson,
Zikr uchun shirin bir lison,
Qani endi bizdagi vijdon,
Sen Robbingni sog'inmadingmi.
Qalb tubiga bir bor nazar sol,
Iymon yig'lar,g'arib bemajol,
Sabr ila kutar Zuljalol,
Sen Robbingni sog'inmadingmi.
Nafsing gunoh dashtida kezar,
Jannatni Haq bizlarga bezar,
Buni qachon yuraging sezar,
Sen Robbingni sog'inmadingmi.
Ko'zing nurin kim ato etdi,
Loydek jisming kim aziz etdi,
Nahot aqling boshingdan ketdi,
Sen Robbingni sog'inmadingmi.
Sog'inarsan jufting, onangni,
Eslaysanmi, ahdli sanangni,
Robbim Alloh degan va'dangni,
Sen Robbingni so'ginmadingmi.
Qolmoqchisan dunyoda qancha,
Man-man degan o'tdilar ancha,
Insof bormi senda zarracha,
Sen Robbingni sog'inmadingmi.
Almisoqda ahdni bergandik,
Biz shaytonni dushman bilgandik,
Muhammadga ummat bo'lgandik,
Sen Robbingni sog'inmadingmi.
Tuproqdan yaraldik, asli tuproqmiz,
Haqni Qudrat qo'lida ojiz yaproqmiz,
Ibodatga butun,loyiq, yaroqmiz,
Sen Robbingni sog'inmadingmi...
|
| |
| |
| Asadulloh | Date: Juma, 04-Yan-2013, 05:36 | Message # 141 |
|
Eng tajribali
Group: Ishonchli
Messages: 460
Status: | Ne davlatdirki, dildorim Sen o‘lding,
Anisu mu’nisu yorim Sen o‘lding.
Dili purdariming darmoni Sensan,
Shifoyi joni bemorim Sen o‘lding.
Menga xasm o‘lsa olam xalqi, g‘am yo‘q...
Ne qo‘rquv! Chun nigohdorim Sen o‘lding!
Safolar, gar jafolar topsa jonim,
Rafiqi jumla atvorim Sen o‘lding.
Sanga dil bermisham, ey joni olam!
Azaldan chunki dildorim Sen o‘lding.
Desam ismi sharifing yo demasman,
Dilimda jumla guftorim Sen o‘lding.
Senga ta’zim etar dillarda Haqqiy,
Der: inkorim yo‘q, iqrorim Sen o‘lding!..
|
| |
| |
| Asadulloh | Date: Juma, 04-Yan-2013, 05:36 | Message # 142 |
|
Eng tajribali
Group: Ishonchli
Messages: 460
Status: | Davlat deb bilganing bir siqim tuproq,
Umr yo’llaring ham bir xazon yaproq.
Shoshasan, chopasan dunyo moli deb,
Oxiri topganing kafandir, biroq.
***
Dunyoga men qachon keldim, bilmasman,
Ne amal, ne savob qildim, bilmasman.
Allohim, bo’ynimga yuklagan farzin,
Qay birin go’zalroq etdi, bilmasman
***
Ey inson, o’zliging hamisha angla,
Allohning kalomin qalbing-la tingla.
O’tkinchi dunyoda o’tmasdan umring,
Hayoting yo’lini poklik-la o’ngla.
***
Dunyoga keldikmi, ketish bor bir kun,
Barisin hisobin berish bor bir kun.
Mahshar kunida yig’ilib basher,
Sirot ko’prigidan o’tish bor bir kun.
|
| |
| |
| Asadulloh | Date: Juma, 04-Yan-2013, 05:36 | Message # 143 |
|
Eng tajribali
Group: Ishonchli
Messages: 460
Status: | Hojatim uldur, xudoyo, po ishim bosh aylasang,
Munda tavfiq, onda imonimni yo'ldosh aylasang.
Ilkima bersang asoyi himmat, og'zima sano,
Ko'ngluma ishq otashin solsang, ko'zum yosh aylasang.
Bor umidim: gardi isyonimni yuvg'ay obi afv,
Varna yo'qdur chorasi qora tosh aylasang.
Chehrai jurmimni yopg'il pardai ismat bilan,
Onda mushkuldur gunohim xalq aro fosh aylasang.
Garchi Olloyor erur noqobilu nomustaqim,
Lutf etib bir murshidi komilg'a yo'ldosh aylasang.
|
| |
| |
| Asadulloh | Date: Juma, 04-Yan-2013, 05:37 | Message # 144 |
|
Eng tajribali
Group: Ishonchli
Messages: 460
Status: | Sog'inchlar nurlanar,sog'inchlar gullar,
Iymondadir naqshi Visol ishonchi.
Ya,Rabbiy ato et, zor qullaringga,
"Berkitib qo'yilgan ko'zlar quvonchin".**Sajda surasi,17-oyatga ishora.
Qayd etilgan
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!
|
| |
| |
| Asadulloh | Date: Juma, 04-Yan-2013, 05:37 | Message # 145 |
|
Eng tajribali
Group: Ishonchli
Messages: 460
Status: | Visol, Vatan deya taqvoda sobit,
Qo'msab o'rtanurlar qalbi adolar.
Ya Rabbiy, Ya Rabbiy buncha ko'p ekan,
Sog'inchdan benasib vatangadolar...
Qayd etilgan
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!
|
| |
| |
| Asadulloh | Date: Juma, 04-Yan-2013, 05:38 | Message # 146 |
|
Eng tajribali
Group: Ishonchli
Messages: 460
Status: | Taraddud-la yashamoq kerak,
Umrim manim yeldek yelguvchim.
Dog'da qo'yma, aylama giryon,
Hayolimdan ketma kelguvchim.
Sen-la uyg'oq bu dahri dunda,
Mangulikka dahldor o'yim.
Sen og'amsan, birodarimsan,
Sen eng sodiq nasihatgo'yim.
Kelguvchi do'st, yo'liqquvchi do'st,
Arit zanji g'uborlarimni.
G'aflatimga yag'molar solgil,
Ko'shkida bo'l alyorlarimning.
Sen fanodan saboq berguvchim,
Kelajakdan nurli hotirot.
Maddohlaring ko'p ekan dunyo,
O'gaymisan bizga ohirot?!
Sallamnolar senga habibim,
Ochgil uqbo eshiklarini,
Boqiy ma'vo habarin keltir,
Keltir umid beshiklarini.
Seni eslab fano yo'lida,
Hijron o'lanlarin aytgayman.
Tashrifingdan mujdalar berding,
Qaytguvchiman,beshak qaytgayman.
Taraddud-la yashamoq kerak,
Umrim manim yeldek yelguvchim.
Dog'da qo'yma, aylama giryon
Hayolimdan ketma, kelguvchim...
Qayd etilgan
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!
|
| |
| |
| Asadulloh | Date: Juma, 04-Yan-2013, 05:38 | Message # 147 |
|
Eng tajribali
Group: Ishonchli
Messages: 460
Status: | Bismillah...
Bu kalom yo'lingni yoritgay - mayoq,
Nazar sol, dalil mo'l,sonsiz-beadoq,
Takrorlar tog'u tosh,shivirlar giyoh,
Ibrat ol ey nafsim, botini siyoh.
To osiy o'lmasdan,to o'lmay gumroh,
Balolarga duchor bo'lmay banogoh,
Rahmon nomi ila degil:"Bismillah!"
O'z sakkiz ming olam harakatdadir,
Ki Haqning fazlidan barakotdadir,
Kim iblis ilkida,kim g'aflatdadir,
Kim fasod ilkida - chin ofatdadir,
To osiy o'lmasdan,to o'lmay gumroh,
Arshi Azamatda holingdan ogoh,
Rahmon nomi ila degil:"Bismillah!"
Allohi Karimg'a aylab murojaat,
So'rguvchi doimo dardingga hojat,
Dili bedor zotlar - ahli munojot,
Barhaqki,oqibat topgaylar najot,
Sen-da najot ista,to o'lmay gumroh,
Azozil qasrinda o'lmasdan maddoh,
Rahmon nomi ila degil:"Bismillah!"
Ayo,bani odam,yo ibodulloh,
Ayo ahli fano ma xolaq Alloh,
Sizga Al-Fattohning kalomi bo'lsin,
Sizga Ar-Rozzaqning salomi bo'lsin.
Muhammad Bobur Mo'min.
Qayd etilgan
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!
|
| |
| |
| ilyosbek | Date: Juma, 04-Yan-2013, 12:12 | Message # 148 |
 Peshqadam
Group: Ishonchli
Messages: 2946
Status: | YODINGDA TUT
Ey odam kelding hayotga ketmog’ni ham yodingda tut
Necha yil ko’rsang umr bir kun o’lim yodingda tut
Barchamiz keldik hayotga imtion topshirgani
Toating bo’lsa o’tarsan san buni yodingda tut.
Nokasu nojins bilan do’stu ulfat bo’lmagin
Bir umr afsus chekarsan san buni yodingda tut.
Bo’l yiroq fitna fasoddan hamda g’iybat qilmagin
Go’rda bor qattiq azoblar san buni yodingda tut.
Kirma ko’ngling ko’chasiga xor etib tashlar seni
Oxiri bor burda nonga zor etar yodingda tut.
Har balo ishlarga boshlar to’ymagan nafsing sani
Ming balolar keltirar boshingga sen yodingda tut.
Ichkilik ichgan kishida qolmagay sharmu hayo
Ichkilikdan ming jafo kelgay buni yodingda tut
Kim mukammal inson o’ldi, bo’ldi el ichra aziz
Betayin mujmal odam xordur abad yodingda tut.
Ol qo’lingga san irodangni Foziljon doimo
Egma boshing nafs uchun nomardga sen yodingda tut.
|
| |
| |
| ilyosbek | Date: Juma, 04-Yan-2013, 12:13 | Message # 149 |
|
Peshqadam
Group: Ishonchli
Messages: 2946
Status: | Bismillahir rohmanir rohiym!
Namozingni o`qi ukam namozingi
Boshlagin sen har bir ishni bismillohdan
Tasbehlardan, zikrlardan, ibodatdan
Tilovatga shayla do`stim zaboningni
Namozingni o`qi ukam namozingni.
Ihlos bo`lsa ibodating mohiyati
Go`zal bo'lur insoniyat oxirati
Eng muhimi yo'qotmagin iymoningni
Namozingni oqi ukam namozingni .
Duolarda so`ragin sen Ollohimdan
Panoh bersin qaynab turgan do`zaxidan
O`rnak qilgin Sahobiylar hayotini
Namozigni o`qi ukam namozingni.
Namoz erur iymoningning ustunlari
Ibodatda bo`lgin mudom sen tunlari
Sabrsizlik bilan kutgin ramazonni
Namozingni qoldirmagin namozingni.
|
| |
| |
| ilyosbek | Date: Juma, 04-Yan-2013, 12:14 | Message # 150 |
|
Peshqadam
Group: Ishonchli
Messages: 2946
Status: | "YIG`LA"
Musulmonlik undoq ish ermas,
Munofiqlik unga berar zeb.
Gar da`vatlar quloqqa kirmas,
Yig`la, fosiq bo`lib qoldim, deb!
Farq yo`qolsa ne harom, halol,
Yig`lar ko`kda holingga hilol.
Bomdod qazo bo`lsa bemalol
Yig`la, fosiq bo`lib qoldim, deb!
Hayolingni shahvat band qilsa,
Bundan vujud zavq shavqqa to`lsa,
Sunnat ishga qalbing gar kulsa
Yig`la, fosiq bo`lib qoldim, deb!
Mol-dunyo deb uhlay olmasan,
Din deb yurak tig`lay olmasang,
Qur`on o`qib yig`lay olmasang,
Yig`la, fosiq bo`lib qoldim, deb!
Jaholatni qolsang sog`inib,
Hayolingda behol yo`g`rinib,
Zakotingni bersang og`rinib,
Yig`la, fosiq bo`lib qoldim, deb!
Ramazonda ro`zani tutsang,
Ammo anda nadomat yutsang.
Tamaki deb Iftorni kutsang
Yig`la, fosiq bo`lib qoldim, deb!
Chin o`rnida bilib hazilni,
Ishlatib ko`r har-hil usulni,
Ko`rolmasang tushda Rosulni,
Yig`la, fosiq bo`lib qoldim, deb!
Osiylikka tutinsang sarmast,
Balki qadim dardinr tuzalmas.
Yolg`on so`zga yuzing qizarmas,
Yig`la, fosiq bo`lib qoldim, deb!
Yurmasang Rob muddaosiga,
Talpinmasang ishq sadosiga.
Seskanmasang Haq nidosiga
Yig`la, fosiq bo`lib qoldim, deb!
Do`stingga gar Islomni ravo
Ko`rmayotgan bo`lsang , bil, aslo
Mo`minlikka qilmagin da`vo
Yig`la, fosiq bo`lib qoldim, deb!
Gar qalbingga da`vatdan g`urur,
Yo`llaringni yoritmagay nur.
Ey Xayrulloh, shodlanmayin tur
Yig`la, fosiq bo`lib qoldim, deb!
|
| |
| |
