|
sheriyat makoni
|
|
| DURDON | Дата: Payshanba, 12-May-2011, 05:03 | Сообщение # 16 |
 SUPER ADMINKA
Группа: Admin yordamchisi
Сообщений: 10149
Статус:  | Birodar qo'y endi g'iybat na kerak,
Ma'nisiz mavzuda suxbat na kerak.
BOBUR bobom aytgan sengayu menga,
Bizni izlab kelar g'urbat na kerak.
O'zgalar qulog'in qizitish bilan,
Qabrimiz qariga yeg'yapmiz ilon.
Nahot sovg'a qilar olovli gilam,
Umrimiz o'g'irlar ulfat na kerak.
Xatoni takrorlash eng katta xato,
Buni o'rgatmushdir ul ODAM ATO.
O'n besh daqiqalik bo'lsa ham xatto,
Suxbatdan hosil ol kulfat na kerak.
Afsusda yashar kim? bul uyga kelgan,
Aqlli zotlar o'z dardini yegan.
Olovga kirishga tayyorman degan,
Imzomiz chekilga tilxat na kerak.
Solihlardan so'ylay kel undan ko'ra,
Bilmasang so'zlayin uyalmay so'ra.
Hech bo'lmasa yodla bir kichik sura,
Foyda bermas ruxga shavqat na kerak.
Qo'y endi usha ham gunoxkor banda,
Ul qilar gunoxlari ko'proqdir sanda.
Sandan ham ko'proqdir extimol manda,
Shul boyiz ko'payar daxshat na kerak.
Birodar qo'y endi g'iybat na kerak,
Ma'nisiz mavzuda suxbat na kerak.
BOBUR bobom aytgan sengayu menga,
Bizni izlab kelar g'urbat na kerak. ( özim yozmadim)
Сообщение отредактировал durdon - Payshanba, 12-May-2011, 05:04 |
| |
| |
| BAXOR | Дата: Shanba, 14-May-2011, 14:17 | Сообщение # 17 |
 Peshqadam
Группа: Ishonchli
Сообщений: 4085
Статус: | Alla
Alla aytay uzoqlarda
qo'lganlarim allayo,
Ikki toychoq,ikki g'uncham
Yurak poram allayo.
Siz bogimning uzoqdagi
Mevasisiz allayo,
Sizga sabr suvin quyay Sabrligim allayo.
Hayolimda erkalayman
erkalaning allayo,
Farishtalar borib ular boshin silang allayo.
Siz yiglamang oyijoniz ko'p yigladi allayo,
Qo'liz ochib oyingizga sabr so'rang allayo.
Dadangizni soginganda duo qiling allayo,
Duolarni ko'p qilguchi Duogo'yim allayo.
Ko'chalarga oyijoniz izlab chiqmang allayo,
Oyijoniz sizga Rahmat olib qaytgay allayo.
Ollohimni menga bergan ne'matisiz allayo,
Bo'ynimdagi ko'z munchogim,ko'z tegmasin allayo.
Siz shundayin ertak ayting yorug kunlar keladi,oyijoniz,dadajoniz yoningizda bo'ladi.
Aqillisiz,fikirlisiz beguborim allayo,
Yusufdayin hush suratim,do'stlarimsiz allayo.
Nurli kunni yulduzlari,kelajagim allayo.
Haq quyoshi so'nmasin deb so'rang bolam allayo.
Farishtalar qanotiga aytdim alla allayo,
Tezroq boring bolalarim uhlolmaydi allayo....
|
| |
| |
| OSIYO | Дата: Yakshanba, 15-May-2011, 09:14 | Сообщение # 18 |
 Peshqadam
Группа: Ishonchli
Сообщений: 7142
Статус: | Elninh asl erlari andijonda otildi,
Dukchi ,eshon pirlari Andijonda otildi.
Namanganda otildi,otildi Fargonada,
eng ohirgi sherlari Andijonda otildi.
Omondir so'qirlari,omondir qashqirlari
SHarifjon ,shokirlari Andijonda otildi.
O'ldirildi bolajak Boborahim Mashrablar,
Yo'lbarsdek Boburlari Andijonda otildi.
Dilda zolim tirlari,haq yo'lin sobirlari
Nurga to'lsin go'rlari,Andijonda otildi.
Imonga sodiq ketti,ko'zlari ochiq ketti,
ersiz qoldi ,yrlari Andijonda otildi.
Yusufning yuragida erlarga otilgan o'q,
Elning asl erlari ,Andijonda otildi
YUSUF JUMA
|
| |
| |
| OSIYO | Дата: Yakshanba, 29-May-2011, 01:25 | Сообщение # 19 |
|
Peshqadam
Группа: Ishonchli
Сообщений: 7142
Статус: | Гиёсиддин Умаровнинг набирасига жавоб шери
Товоқсой турмасида халок бўлиб, жасади қариндошларига топширилган Ғиёсиддин Умаровнинг набираси Сожидахоннинг: “Опоқдада, мен сизни тезроқ чиқишингизни Худодан сўраб ўтираман. Қачон чиқасиз қамоқдан?” – деб ёзган хатига жавоб шеъри:
Мени кутгил ва мен қайтарман, ғанимларни қолдириб доғда,
Дилда борин тошга битарман, яширмаслар ҳақни у чоғда
Кутгил мени жажжи қизалоқ зулмат кетиб отганида тонг
Йўлларингда унар қизғалдоқ, нажот келиб урганида бонг
Кута-кута толиққан кўзлар, узилмасин нигоҳ муроддан
Ҳали кўпдир айтгали сўзлар, тўхтамангиз шахтдан, суръатдан
Мурғак қўлинг кўтариб кўкка, ҳаққимизга қилсанг дуолар
Нокас кетиб, зулм йўқолиб, рўёбга чиқар шу муддаолар
Сизсиз менинг тасаллиларим: Сожидаю Сиддиқа, Умар
Қорлар кетар умид баҳорим, эрк ниҳоли албатта унар.
Сиз кутётган кунлар узоқмас, кириб келар бахт кенг равотдан,
Дадил бўлинг, бардамлашинг! Ёмон ўлар тезда уятдан!
|
| |
| |
| OSIYO | Дата: Dushanba, 20-Iyun-2011, 10:21 | Сообщение # 20 |
|
Peshqadam
Группа: Ishonchli
Сообщений: 7142
Статус: | Зулмнинг куни битdi.
Унга тушган мита,
Олмадаги қурт‑а!
Ваъдаси бебурт‑а,
Юзга қаро сурта!
Хиёнати кўп‑кўп,
Лайчалари тўп‑тўп,
Онтхўрлиги хўп‑хўп!
Шармандадур юртда!
Ота?! Ўзи билмас!
Қизи кўзга илмас.
Рўшноликка жилмас.
Судралади ортда!
Ўзгармоқда жаҳон!
Зулм бўлмоқда вайрон!
Шоҳ мияси талқон.
Пардаларни йирта!
Тиклансин адолат!
Юксалсин ҳақиқат!
Элга бўлсин нажот!
Шулар учун: “Ҳа!” ‑ деб
Қўл кўтаринг шартта!
Бобурий
|
| |
| |
| OSIYO | Дата: Payshanba, 23-Iyun-2011, 00:52 | Сообщение # 21 |
|
Peshqadam
Группа: Ishonchli
Сообщений: 7142
Статус: | Жажжи Умида
Ўйнайман, кулиб қувнайман,
Нимадан шодман билмайман?!
Дадамлар узоққа кетган –
Эшикдан кўзим узмайман.
Ердан қурт олмалар тердим,
Тенгдош қиз қўлига бердим.
У менгачи йиғлаб айтган:
“Бўлсайди, шоколад ердим!”
Ойимлар ҳовли супирар,
Гуллар муаттар уфурар.
Қўшнида ҳам нон қолмаган,
Аччиғлаб ерга тупирар!
Тортаман бобом соқолин:
“Печенье, қаққадан олинг!”
‑Бувимни йиғлатиб қўйган,
Ёмонлар буткул йўқолинг!
Ойим кўзлари доим ёш,
Йиғлар маҳалла: қари‑ёш.
Уларни кимдир йиғлатган,
Билдим, ўшанинг бағри то
Шаббода майин елади,
Тун ўтибоқ кун бўлади.
Барчани қувноқ кулдирган
Дадамлар албат келади!
Бобурий
|
| |
| |
| OSIYO | Дата: Shanba, 02-Iyul-2011, 05:19 | Сообщение # 22 |
|
Peshqadam
Группа: Ishonchli
Сообщений: 7142
Статус: | Охирзамон ичинда!..
Кўнгил, не иш битирдинг, келдинг жаҳон ичинда,
Қолдинг дунё ғаминда, юрагинг қон ичинда,
Обод дея қўл чўздинг, таги вайрон ичинда,
Тан тупроқдир, айланмас жавҳари жон ичинда,
Рустам қумга қорилиб, қолди яксон ичинда,
Сен аларнинг ёнинда қолмассан сон ичинда.
Дунёлик деб чопарсан, то ичингда дам бордир,
Дам ичингдан чиққанда бошингда минг ғам бордир,
Ғам остинда ётарсан, на анга малҳам бордир,
Тўймас кўзинг, тўлмоққа бир ҳовуч хок-қум бордир,
Бу жаҳонда, одамзод, сендан ғофил ким бордир?-
Қуртга, қушга назар қил, кулли фармон ичинда.
Эй ёронлар, ул дунё борган бордир, келган йўқ,
Ўлик тирик ҳолиндан хабар, хотир билган йўқ,
Чархи фалак дастиндан йиғлаган бор, кулган йўқ,
Фикр қилинг, қардошлар, кўҳналардан қолган йўқ,
Ёлғончининг вафоси йўқдир десам, ёлғон йўқ,
Дунёга бел боғлаган қолди зиён ичинда.
Ё Илоҳо, Сен сақла қароқчидан йўлларда,
Соғу сўлда сарсонлар қолдирмагин чўлларда,
Кўнгил дунё ишқинда, ҳаром сўзлар тилларда,
Мен бир ожиз бандаман, каминаман қулларда,
Кўп гуноҳлар топибман оз фурсатли йилларда,
Хижолатда қўймагил яхши-ёмон ичинда!
Махтумқули, алдайди келин дунё безаниб,
Кўнглингни мойил қилма, унга қарши тузаниб,
Не фароғат, ётарсан, қўл-оёғинг узаниб,
Ажал ётар олдингда, ўқин, ёйин кезаниб,
Маҳшар куни боравер иймонингни қозониб,
Қуруқ келдинг, бўш кетма охирзамон ичинда!
|
| |
| |
| OSIYO | Дата: Seshanba, 05-Iyul-2011, 08:38 | Сообщение # 23 |
|
Peshqadam
Группа: Ishonchli
Сообщений: 7142
Статус: | VAQTINCHADIR
Har kalom qadriga yetgil, biyronliging vaqtinchadir.
Etma miskinlarga dahshat, arslonligin vaqtinchadir.
Oyning o’n beshi qorong’u – ham o’n beshi yorug’ bo’lgay.
G’am selidan ranjima hech, giryonliging vaqtinchadir.
Avji shodon qahqahangdan o’zga ozor topmasin.
Extiyot bo’l, past tushursan, shodmonliging vaqtinchadir.
Yaxshilik otin minib sen, dil bog’larin sayr aylagin,
Bu makon bo’lmas mudom, sayronliging vaqtinchadir.
Ayla minnatdor elingni, yurtni esa dilfushon.
Ezgulikning haykalin qo’y, sultonliging vaqtinchadir.
Berma erk ko’ngil uyiga, eldan also chiqmagil.
Bul saltanat og’ushida mezbonliging vaqtinchadir.
Bo’lsang Iskandarcha yoxud Bahrom, Faxriddinga yaqin,
Baribir tuproq bo’lursan, arkonliging vaqtinchadir.
Dunyoda bil, neki borki barchasi hisoblidir,
G’ofil o’lma dam ga’nimat, imkonliging vaqtinchadir.
Haqla mahshar uyg’onurg’a senda iymon bo’lsa gar,
Hatto lahad ichra sening mehmonliging vaqtinchadir.
Foniy dunyo mevalari – barchasi vaqtinchadir,
Shul sabab ham bo’lma g’amnok, armonliging vaqtinchadir.
|
| |
| |
| OSIYO | Дата: Yakshanba, 10-Iyul-2011, 05:18 | Сообщение # 24 |
|
Peshqadam
Группа: Ishonchli
Сообщений: 7142
Статус: | SENI MENDEK SEVOLMAS HECH KIM!
Bulut to’kar ko’z yoshin yig’lab,
termulaman uzoqlarga jim,
hayol ichra deyman shivirlab,
SENI MENDEK SEVOLMAS HECH KIM.
Sen men uchun eng go’zal hayot,
O’zingdursan qalbdagi sirim,
yuragimdan otilar faryod,
SENI MENDEK SEVOLMAS HECH KIM!
O’chog’iga ishqdan o’t qalab,
O’rtanadi bu g’amgin dilim,
oz-oziga deydi shivirlab,
SENI MENDEK SEVOLMAS HECH KIM!
Yuragimning har urishida,
takrorlanar qadrdon ism,
yig’lab deyman hatto tushimda,
SENI MENDEK SEVOLMAS HECH KIM!
Aytolmasman kelsak yuzma yuz,
balki ko’nglimdagi dardlarim,
ko’zlarimda namoyon shu so’z,
SENI MENDEK SEVOLMAS HECH KIM!
Mayli taqdir ko’rmasin ravo,
sening bilan yashaydi sevgim,
yoqtirsinlar yonsinlar ammo,
SEVOLMASIN MENINGDEK HECH KIM!!!
|
| |
| |
| OSIYO | Дата: Seshanba, 12-Iyul-2011, 14:33 | Сообщение # 25 |
|
Peshqadam
Группа: Ishonchli
Сообщений: 7142
Статус: | Қузғунни шоҳ қилди қушлар адашиб,
Қузғунни шоҳ қилди қушлар адашиб,
Сургун бўлди бургут, лочин, дарғалар,
Булбул сайрамай қолди бўшашиб,
Ҳукмдор бор бугун қора қарғалар.
Чақимчи чумчуқнинг кўпайди иши,
Қарқуноқлар эмиш олди сухандон,
Фуқаронинг ҳаққи шоҳнинг емиши,
Ким ўғри ҳаммадан бўлар бадгумон.
Мирзалар устига қурилмиш тахти,
Мақтаб турар бойқуш унинг маддоҳи,
Қора қарғадан ҳам қораяр бахти,
Қора қузғун бўлгач ватаннинг шоҳи.
Иккинчи шеъримни ҳам ўқиб бераман.
Бир хум қонга ботирилганида ҳам,
Қонга тўймайди ҳеч Кайхусрав боши,
Тўймас қонсираган Қаддафийлар ҳам,
Тўлса ҳам Триполнинг ичи ва таши.
Кимники қалбига иблис ҳукмрон,
У кимсада бўлмас инсофу иймон,
Халқ мулкин ўмарган жиноятчи шоҳ,
Тахтидан воз кечмас берса ҳамки жон.
Ҳеч кимга насиб қилмас ўзганинг моли,
Ошкор бўлар бир кун барча жиноят,
Ботирлардан қолар шону иқболи,
Нафрату лаънатга қолар хиëнат
|
| |
| |
| OSIYO | Дата: Seshanba, 12-Iyul-2011, 14:34 | Сообщение # 26 |
|
Peshqadam
Группа: Ishonchli
Сообщений: 7142
Статус: | Аввал эдинг бахтиёр халқим!
Бугун ҳолинга қараб, Қилдим эътибор халқим!
Жаҳон халқи ичинда, Ожизу афгор халқим!
Юртингда оч қашшоқсан, Доим жимсан қўрқоқсан,
Озодликга чанқоқсан, Ўз уйинда хор халқим.
Русияда келгинди, Гострабайтер энди.
Еганинг бир ювинди, Балога дучор халқим.
Дуне бўйлаб сочилдинг, Қирилдингу отилдинг.
Душманинга сотилдинг, Қани номус ор халқим?!
На дининг бор на дунё, Келажакда йўқ зиё.
На бунча бахтинг қаро?, Нима айбинг бор халқим?!
Меҳнаткаш сен, кўринар, Заминингда зар унар,
Билиб етмиш хил ҳунар, Парча нонга зор халқим!
Сабринг қанчалар сени, Ҳамма парчалар сени,
Нега бунчалар сени, Қисматинг ночор халқим?!
Шонли ўтмишинг қани?, Яхши турмушинг қани?,
Айбу қилмишинг қани?, Доим “айбдор” халқим?!
Олиму доноларинг, Фозил фузалоларинг,
Казою казоларинг, Бунчалар маккор, халқим?!
Ўзбеклар адо бўлди, Хору зор гадо бўлди.
Бахтинг ҳам қаро бўлди, Аввал бахтиёр халқим!
Қаранг қисмат қазога, Шукр айтамиз худога.
Қайда бўлса балога, Доим сазовор халқим!
Бу майдонда ўрнинг топ, Ўтирма тилаб инсоф!
Ўзинг қилғил сарҳисоб, Ким дўст ким ағёр халқим?!
Саҳвий, ажиб замона, Куч берилди ёмона,
Сен ҳақ кураш томона, Қил азму қарор халқим!
|
| |
| |
| OSIYO | Дата: Dushanba, 18-Iyul-2011, 17:39 | Сообщение # 27 |
|
Peshqadam
Группа: Ishonchli
Сообщений: 7142
Статус: | Hasta qizning hasrati...
Osmonni qopladi qora bulut,
Yomg'ir ham tomchilar asta.
Yig'laydi,dardi bo'lmay unut,
Chunki,u bir umr nogiron-hasta.
Yugura olmaydi,hatto turib,
Oyoqlari bo'ysunmas izmiga.
O'ksib yig'laydi,sochlarin yulib,
Tushuna olmasdan hayot hukmiga.
Tengdoshlari pichirlab sekin,
Maqatashar bol tomib sevganin.
Yuzi kulsada, yuragi lekin,
Yig'laydi, ammo sezmaydi hech kim.
Asarlarda o'qib sevgi qissasi,
Yig'laydi,yoshlari ko'mib tizzasin.
Gul uzib, kim unga tutar guldasta,
Kimga ham kerak, nogiron,xasta...
O'ksik ko'nglini to'ldirib qonga,
Havas qilar Shirin-Layliga.
Farxodu Majnun bo'lmas mayliga,
Uni sevib, kelsa bas yoniga...
Ko'chaga chiqsa, shu aravada,
Hamma achinib unga bir qarar.
Hatto,ba'zilar pul berib deydi:
"Ola qol,bechora,kuninga yarar"
Baqirib yig'laydi alamidan,
Yozsa ham qon tomar qalamidan.
"Ey,xudo, nima edi gunohim,
Yig'ladim zor,senga yetdimi ohim.
Oyog'im bo'lsada yura olmayman,
Belim but, lek tura olmayman,
Inson hayotga kelar bir marta,
Men nega keldim, bila olmayman.
Mening ham orzuyim, sevib-sevilish,
Hayotda kimgadir kerakli bo'lish.
Nahotki, hayotdan shunday o'taman,
Besh kunlik dunyoda nomsiz ketaman.
Bolamning yig'isin,kulgisin hatto,
His qila olmasman onalik baxtin.
Bir boshimga shuncha azob,ey xudo,
So'ramadimku oltindan taxtni"
|
| |
| |
| DURDON | Дата: Payshanba, 21-Iyul-2011, 02:49 | Сообщение # 28 |
SUPER ADMINKA
Группа: Admin yordamchisi
Сообщений: 10149
Статус: | Жаслиқ турмаси
Қуриётган орол бўйида,
Бийдек чўлда қурилган Зиндон.
Жаслик деган, кичик бир қишлоқ,
Борлигин билди бу Жаҳон.
Бу кимсасиз саҳро қаърида,
Каримовнинг жазо макони,
Жаллодлари тўпланиб олиб,
Қон ичар борича имкони.
Бу турманинг маҳбуслари ким?
Кимлар бунда топширдилар жон.?!
Бу турмани жаллодлари ким?!
Нега жимсан,эй Ўзбекистон?!!!
Кимнинг пули маблағи билан,
Кимлар маош олади бунда?!
Кимнинг фарзандлари жон берар,
Ўликлари чиқади кунда?!
Эй имони бутунлар айтинг,
Нолишингиз етгай Худога.
Сизнинг азиз фарзандларингиз,
Лойиқмиди шундай жазога?!
Лойиқмиди ёш, ўспиринлар,
Зулм билан топширишга жон?!
Нега жимдир дунё,нега жим?,
Имон даъво қилган мусулмон?!
Жаслиқ деган,ёшлар умрини,
Гўёки бир офат, заволи.
Ўтиб йиллар, ўтиб асрлар,
Тутар бизни, бунинг уволи.
Хоҳласакда хоҳламасакда,
Ўтмиш ҳам биз,келажак ҳам биз.
Шу бугунни қилолмай ислоҳ,
Билмам қандай юксалажакмиз?!
www.sahwii.com
|
| |
| |
| OSIYO | Дата: Chorshanba, 27-Iyul-2011, 20:06 | Сообщение # 29 |
|
Peshqadam
Группа: Ishonchli
Сообщений: 7142
Статус: | Нима афзал
Қўзгалса халқ агар золимдир бир хас,
Хурликка интилган элдир деганим.
Панжара ортида ўсган чаманмас,
Бепоён қақраган чўлдир деганим.
Миннат ила тўкин дастурхон эмас,
Қаттиқ ноним афзал – покиза, халол.
Бу юрак қулликда яшашни демас,
Курашмоқ истайди борича мажол.
Дунё гўзаллари тушса самодан,
Пойига етмагай ёрим жамолин.
Барчага ишвали гўзал маводан,
Афзалдир ҳаёли содда аёлим.
Минг тусда товланган ёлғонни демас,
Аччиқ хақиқатни сўзлайди тилим.
Юрт бошига минган шайтоннинг эмас,
Иймоннинг ҳақ йўлин излайди дилим.
Куни бeкoр ўтгaн кимсaдир oвсaр,
Хaдислapдaн кeлган cўзлapни дeймaн.
Мингтa иймoнсиз дўст бeрмaгaй сaмaр.
Эй axли иймoним cизлapни дeймaн.
Oллoх бeргaнигa тўймaгaн тўймaс,
Мискингa нoн бeргaн инсoндир aзиз.
Нoкaс шох бўлсa ҳaм хулқини қўймaс,
Элу-юрт ризқини қирқaди хaсис.
Гунoхкoр кўпaйсa бaрaкa кeтaр,
Қaвмгa кeлaди қaшшoқлик, aлaм.
Ёлғoнгa эргaшгaн элни eр ютaр,
Йўлдaн oзгaн юртдa бўлaр жахaннaм.
Ёлғoнчи шoхлaрдaн кeч эй хaлoйиқ,
Зoлим хoкимлaрнинг бeргин жaвoбин.
Aхли иймoн Хaқнинг йўлигa лoйиқ,
Дунёни oлмaгин, oлгин сaвoбин.
Умpимиз яpaлгaн oний вaқтдaн,
Кyнлapдaн қypилгaн тapиxий aзaл.
Эй Тypoн биp oнлик гyнoxкop тaxтдaн,
Бyл ғapиб қиcмaтинг минг бopa aфзaл.
|
| |
| |
| OSIYO | Дата: Payshanba, 28-Iyul-2011, 04:16 | Сообщение # 30 |
|
Peshqadam
Группа: Ishonchli
Сообщений: 7142
Статус: | Муборак ой Рамазон келмокдадир
Ғафлатда қолмангиз, эй Мусулмонлар,
Яқин келаяпди, файзли онлар.
Бизга Яратганнинг раҳматин олиб,
Кириб келаяпди, улуғ айёмлар!
Раҳмати Ҳақдин нишон, келмоқдадир!
Муборак ой Рамазон, келмокдадир!
Ўтиб неча йиллар, неча асрлар,
Келади улуғ ой, покланар диллар,
Бу муборак ойнинг шарофатидан,
Ҳидоятлар топар, сўқир кўнгиллар!
Кўп асрлик “карвон”, келмоқдадир!
Муборак ой Рамазон, келмоқдадир!
“Мағфират ойидир”,–дерлар бу ойни.
Дилларин юмшатар, Шоҳу–Гадойни.
Хайри-эҳсон, сабаб бўлиб оқибат,
Биродари бўлар, камбағал Бойни.
Тангрини фазли аён, келмоқдадир!
Муборак ой рамазон, келмоқдадир!
Қилинар бу ойда, тиловат қуръон,
Қилинар саховат, қилинар эҳсон,
Таровиҳлар ўқиб, тасбиҳлар айтиб,
Ҳақ ризосин истар, ҳар бир мусулмон!
Бандаларга имтиҳон, келмоқдадир!
Муборак ой Рамазон, келмоқдадир!
Ўликлар тириклар, инсу-жин, бари,
МаҒфират истайди, барча Ёш-Қари,
Бу муборак айём сабабли, шаксиз,
Аллоҳнинг раҳматин топар, аксари!
Аҳли исломга омон, келмоқдадир!
Муборак ой Рамазон, келмокдадир!
Бу ойни ғанимат, билмоқлик керак,
Тақвою-ибодат, қилмоқлик керак,
Қадр кечаларин ўтказиб бедор,
Аллоҳ раҳматига, етмоқлик керак.
Иззати вожиб “меҳмон” келмоқдадир!
Муборак ой Рамазон, келмоқдадир!
Ўтган аждодлар ҳам, эсланар бу ой,
Қариндош-уруглар, йўқланар бу ой,
Ғариб мискинларга, яхшилик қилиб,
Диллар ғуборлардан, покланар бу ой.
Бир гўзал “моҳитобон”, келмоқдадир!
Муборак ой Рамазон, келмоқдадир!
Авф этсин, мағфират истаган одам,
Рахм этсин, Ҳақ раҳмин истаган одам,
Расулга эргашсин, имкон борича,
Аллох муҳаббатин истаган одам!
Мағфират ой, биз томон келмоқдадир!
Муборак ой Рамазон, келмоқдадир!
Мусулмонлар учун, улуғ неъмат бу,
Тақво хосил қилиш учун, фурсат бу,
Қадрини билмаган, ғафлат аҳлига,
Қиёмат кун бўлар, улуғ ҳасрат бу!
Беамалларга зиён, келмокдадир!
Муборак ой Рамазон, келмокдадир!
Насиб этгай ибодатлар, этишни,
Яхши орзу умидларга етишни,
Бу ҳаётдан кетар, вақтимиз етса,
Имонни саломат, олиб кетишни.
Жаҳаннаммдан “Соябон” келмоқдадир!
Муборак ой Рамазон, келмоқдадир!
|
| |
| |
