|
Dard borki darmon bor
|
|
| SAKINA | Date: Seshanba, 25-Dek-2012, 10:45 | Message # 16 |
 
Group: IJODKOR
Messages: 2598
Status:  | Чаёндан тайёрланадиган дорилар:
Бу дори буйракда пайдо бўлган тошларни майдалайди. Уни истеъмол қилган киши буйракда тош пайдо бўлишидан қутулади. Бу дори ўзининг мижози билан эмас, ҳиссаси билан таъсир кўрсатади.
Ўнта тирик чаён тутилиб, тоза темир қозонга солинади ва қозоннинг усти ёпилиб, хамир билан сувалади. Кейин ўчоқдаги ловиллаб турган чўққа қозонни қўйиб, бир кеча қолдирилади. Кейин чаён кули олиниб, бир идишга солиб қуйилади. Бу кул озгина узум шарбати ёки оз миқдордаги сирка билан аралаштирилиб ичилса, тошни майдалаб, сийдик йўли орқали бўлак-бўлак қилиб чиқаради.
|
| |
| |
| SAKINA | Date: Seshanba, 25-Dek-2012, 10:50 | Message # 17 |
Group: IJODKOR
Messages: 2598
Status: | Маъжун тошининг талқонини 12 кун 3 маҳал оч ҳолда бир таблеткадай капалаб, орқасидан иссиқроқ сув ичилса, буйракдаги тошлар майдаланиб тушади ва қайталанмайди. Жолинус айтади; «Мен буйраги касалланган кўп кишиларни биламан, улар шу дори билан даволаниб тузалиб кетганлар». Бу маъжун тошининг талқонини кўп кунлар истеъмол қилиш мумкин.У қуланж касалига учраганларга ҳам шифо бағишлайди, шунингдек, қовуқ касалликларини ҳам тузатади.
|
| |
| |
| SAKINA | Date: Seshanba, 25-Dek-2012, 10:52 | Message # 18 |
Group: IJODKOR
Messages: 2598
Status: | Қорин дамлаши, ич кетишлар:
арпабодиён, петрушка уруғларининг ҳар биридан 2 мисқолдан, ёввойи сабзи уруғи, сассиқ каврак илдизидан 4 мисқолдан олиб, янчиб, талқонини сув билан қориб, 3 маҳал оч ҳолда парҳези билан 1 чой қошиқдан ейилса, бу касалликлар бегумон тузалади.
|
| |
| |
| SAKINA | Date: Seshanba, 25-Dek-2012, 10:54 | Message # 19 |
Group: IJODKOR
Messages: 2598
Status: | Сариқ касаллигидан қўрқманг
Сариқ касаллиги анча юқумли ва хавфли касаллик бўлиб, уни даволаш анча узоқ давом этар эди. Илмий медицина бу соҳада анча муваффақиятларга эришган бўлса-да, муолажанинг асоратидан беморлар кўп узоқ вақт азият чекишарди. Ана шу касалликни даволашда камина 43 йилдан ошиқроқ изланишлар олиб бордим. Ҳисор ва Боботоғ аҳолиси билан анча ютуқларга эришилди. Яқинда менга маълум бўлдики, Боботоғлик табиб Тошбой Мусаев 40-41 йилдан буён минглаб сариқ касалликка чалинганларни даволаган экан. Ҳикоясидан маълум бўлишича, у киши 1978 йилдан бери сариқ касалларни даволаб келар экан, бирортасида асорат қолмай тузалиб кетган экан. 2004 йил Тошкент Давлат Университетининг Тил ва адабиёт ўқитувчиси, бир чўпон ва унинг 2 нафар ўғли даволанган. Олдин оғир бўлиб, шифохонада даволанишса, тузалишмабди. Табиб ҳақида эшитиб, бу ерга келишибди ва муолажа олишибди. Сўнг бориб таҳлил (анализ)дан ўтишибди, натижа эса аъло, яъни топ-тоза чиқибди.
Қаранг-ки, врачларга учрашиш ноқулай бўлган тоғликлар учун Аллоҳнинг ўзи ғуббак дарахтини яратган экан. Маҳаллий халқ бу дарахтни «қорачўлак» ҳам деб аташар экан. Бу ном дарахтнинг тож кўринишида эканлиги сабабли қўйилган бўлиши эҳтимолдан холи эмас. Тожга ўхшаган шохлари қорайиб ўсади, кўм-кўк ёйсимон барглари жуфт-жуфт жойлашиб боради. Бу шифобахш дарахтнинг ўзига хос сирли хосиятларидан киши лол қолади. Пўстини пастга қараб шилиниб истеъмол қилинганда, кучли ич кетиш юз беради, (яъни орқадан кетади). Юқорига қараб шилиниб истеъмол қилинганда эса, оғиздан қайт қилинади.
1.Ҳар икки ҳолатда ҳам кунига 1 маҳал 2 ош қошиқдан пўстлоқ талқони капаланади ва орқасидан қайноқроқ сув ичилади. Ёки 300 грамм пўстлоқнинг талқони 3 литр сувда 30 минут аста-секин қайнатилади, қайнатмадан 150 грамм ичилса, жигар, ўт ва ичаклар иллатини яхшилаб, ич қотиш ва қорин дамини даф қилади.
2.Сариқ касаллигига ғуббакнинг барги, пўстлоғи ва ёғоч қисми қайнатмаси овқатдан 1 соат олдин, 3 маҳал 100 граммдан ичилади. Бемор 8-10 кунда тузалади ва асорат қолмайди. (Бунинг натижаси ҳақида даволанган беморлар ҳам айтишмоқда). Ғуббак ёғочи соя жойда қуритилиб, янчилиб қайнатиб, ёки ўз жойида қуритилиб, сўнг янчилиб, қайнатилиб, истеъмолга тайёрланади.
Даволаниш даврида парҳезга қатъий риоя қилинади. Қатиқ, сут, қовурма овқатлар, палов, қовун, шўр, аччиқ ва совуқ нарсалардан тўлиқ тузалгунга қадар тийилиб турилади. Тузалгунча жинсий алоқа ҳам мумкин эмас.
|
| |
| |
| SAKINA | Date: Juma, 28-Dek-2012, 12:33 | Message # 20 |
Group: IJODKOR
Messages: 2598
Status: | Шувоқнинг даволиги (Полын)
1.Халқ табобатида шувоқнинг 500 грамми 6 литр сувда мил-мил қайнатилиб, 10 кун 3 маҳал 50 граммдан ичилса, овқат ҳазми бузилганда, жигар, меъда, Талоқ, ўт пуфаги касалликларида фойда қилади.
2.Шувоқ қайнатмасидан 10 кун 3 маҳал 50 граммдан парҳез билан ичилса, бавосил, безгакни тузатади, иштаҳани очади, уйқуни жойига келтиради, гижжаларни туширади.
3.Қайнатмани 15 кун 2 маҳал битиши қийин яра-жароҳатларга суртиб боғланса, тузатади.
4.Шувоқ қайнатмаси эски кўз касалларига 12 кун 3 маҳал томизилса, фойда қилади.
5.Қайнатмасини 10 кун 3 маҳал 2 ош қошиқдан ичилса, ҳайзни меъёрий ҳолга келтиради.
6.Шувоқнинг ҳўллигида сиқиб олинган суви сариқ ва истисқо касаллигида 20 кун 3 маҳал 1 ош қошиқдан ичилса, фойда қилади.
7.Қайнатмасини 15 кун 3 маҳал 2 ош қошиқдан оч ҳолда ичилса, нафас йўллари шамоллаш, камқонлик, ревматизм, бронхиал астма ва уйқусизлик касаллигини олдини олади.
8.Шувоқ қайнатмаси меъда-ичак йўли ишини жонлантириб, ўт ажралишини ва меъда ости бези функциясини кучайтиради, овқат ҳазмини яхшилайди. Овқат таркибидаги зарарли бактерия ва замбуруғларни ўлдириб, яллиғланишга қарши таъсир кўрсатади, марказий нерв системасини қўзғатиб, юрак ишини жойига келтиради. (Қайнатмани 15 кун 3 маҳал 2 ош қошиқдан ичиш керак).
|
| |
| |
| SAKINA | Date: Juma, 28-Dek-2012, 12:37 | Message # 21 |
Group: IJODKOR
Messages: 2598
Status: | Талоқ касаллигининг давоси
Талоқ шишганининг белгиси шуки, қўлни талоқ жойлашган жойга босилса, оғриқ кўпаяди.
1. Талоқ шиши ва оғриғида, албатта, парҳез қилиш керак. Ковул кулчасига сканжубин қўшиб, 10 кун 3 маҳал 1 ош қошиқдан ичса, фойда қилади. Ковул кулчасини тайёрлаш усули: ковул томирининг пўстидан 5 дирҳам, узун зирадан 2 дирҳам, тоғ мурчи ва қора мурчнинг ҳар биридан 6 дирҳам олиниб, ҳаммасини аралаштириб туйиб, элакдан ўтказиб, 30 дирҳам эски узум сиркаси ва 4 дирҳам каврак елими билан қорилади. Сўнг кулчалар ясалади. (1 дирҳам — 2,975 грамм; 1 мисқол - 4,25 грамм)
Бемор 100 фоиз яхши бўлгунча сканжубиндан 10 мисқолини 20 мисқол арпабодиён қайнатма сувига аралаштириб, 15 кун 3 маҳал парҳези билан 1 ош қошиқдан ичади.
Овқати - нўхат суви, қатиқ ва сирка қўшиб овқат қилинади ва 3 маҳалдан ейилади. Бемор тузалганини билиш учун талоқ устига қўли билан босади, оғриқ бўшаса, тузалган бўлади.
Ковул илдизини туйиб, талқонини 10 кун 3 маҳал 1 чой қошиқдан капалаб, орқасидан қайноқ сув ичилса, тузалади.
Чойнакка ёввойи беда баргидан ярим сиқим ташлаб, 10 минут бостириб, чой қилиб ичилса ҳам тузалади. (Муолажа шарти: 10 кун 3 маҳал парҳези билан ичиш).
|
| |
| |
| SAKINA | Date: Juma, 28-Dek-2012, 12:44 | Message # 22 |
Group: IJODKOR
Messages: 2598
Status: | Бавосил касаллигининг давоси (геморрой)
1. Бўйимодароннинг 500 грамми 6 литр сувда 12 минут милтиллаб қайнатилиб, 12 кун 3 маҳал оч ҳолда 100 граммдан ичилса, (парҳези билан) тузалади.
2. 12 кун 3 маҳал овқатдан кейин, сигирқуйруқдан 3 ош қошиғини кичик чойнакка дамлаб, 15 минут бостириб, иссиқ-иссиқ 4-5 пиёладан ичилса. фойда қилади.
3. 12 кун дуб (эман) дарахти пўстлоғининг 500 граммига 6 литр сувда мил-мил 30 дақиқа қайнатилади, шу сувда 30 дақиқадан ванна қилинса, (парҳези билан) касал юз фоиз тузалади. (Қайнатмани ҳар сафар иситиб, суви тугагунча қайта - қайта ишлатиш мумкин)
4.Тўтиёнинг 50 грамми 300 грамм ёмғир сувида 1 сутка ивитилиб, сўнг 7 дақиқа мил-мил қайнатилади. 3 маҳал қайнатмага озгина пахтани тўйинтириб, орқа тешикка 3 сантиметр киргизилиб, тиқиб қўйилса, чиқиш бўлмайди.
5.Ич қотса, қорин дамласа, 3 кун 1 маҳал 15 донадан маккаи сано еса, даф бўлади, бешубҳа.
Парҳезлари: юз фоиз тузалгунча хамирли овқатлар, қовурма овқатлар, аччиқ, шўр нарсалар, қовун, мош, нўхат, нордон ва совуқ нарсалар ейилмайди. Жинсий алоқадан сақланади. Доимо орқани совуқ сув билан ювиш шарт.
|
| |
| |
| SAKINA | Date: Juma, 28-Dek-2012, 12:49 | Message # 23 |
Group: IJODKOR
Messages: 2598
Status: | Қулоқ иллатларини кеткизиш
1.Исириқ ёғини 6 кун 3 маҳалдан томизилса, қулоқ оғриғи даф бўлади.
2.Қулоқ оғриғига 6 кун 3 маҳалдан аёл сутини томизса, оғриқ кетади.
3.Қулоқда қурт бўлса, шафтоли баргининг суви 5 кун 3 маҳал томизилса, қуртлар тушиб кетади.
4.Ялпиз ва шафтоли барг сувини тенг қўшиб, 5 кун 3 маҳал томизилса ҳам, қулоқ қуртлари бегумон тушиб қочади.
5.Алой сувига мол ёғини тенг қўшиб томизилса ҳам, қуртлар тушади. (Муддат 1 ҳафта).
6.Қулоққа 5 кун 3 маҳалдан узум сиркаси томизилса ҳам, қуртлар тушади.
7.Қулоққа сув кирса, най қамиш олиб, бир учини қулоққа, иккинчи учини оловга яқинлаштиринг, сувлар чиқиб кетади, бегумон.
8.Қулоқ оғриса, кабобнинг пишган вақтда оқадиган сувидан 5 кун 3 маҳал томизилиб, орқасидан ҳўл пахта тиқиб қўйилса, тузалади.
9.Қулоқ оғриғига зайтун ёғи ҳам фойда қилади.
10. Қулоқ оғриса ва йирингласа, 10 кун 3 маҳалдан аччиқ бодом ёғини томизса, тузалади, бегумон.
(Яна кушимча; Кулок огриганда она сути куллокка томизилса хам яхши фойда килади)
|
| |
| |
| SAKINA | Date: Juma, 28-Dek-2012, 13:05 | Message # 24 |
Group: IJODKOR
Messages: 2598
Status: | Сувлар ҳақида
Сув тўрт унсурга бўлинади. У ўз ичига қабул қилинадиган бутун нарсаларга қўшилган бўлиши билан ҳамма унсурлардан ажралади; у кишини озиқлантирмайди; балки озиқли моддаларни ўтказади ва уларнинг қуюқ-суюқлигини ҳазмга мослаштириб беради.
Сувлар бир-бирларидан сувлик моддасига қараб эмас, балки ўзларига аралашган нарсаларга ва кайфиятларидан қайси бири ғолиб эканига қараб фарқ қилинади. Сувларнинг энг тозаси булоқ суви. Лекин ҳамма булоқнинг эмас, балки ери ва тупроғи тоза, оқадиган жойлари тошли бўлиши керак, чунки у балчиққа ўхшаб сасимайди. Аммо тоза тупроқли ер тошли ердан яхшироқ. Ҳамма тоза тупроқли булоқнинг суви яхши бўлавермайди; у сув яна оқар сув бўлиши керак, оқадиган ҳам қуёш ва шамоллар учун очиқ жойда оқиши керак, чунки булар оқар сувга фазилат берадиган нарсалардандир. Кўлмак сувга келсак, у аччиқ бўлган вақтда баъзан ёмон сифатларни ўзига олади, у чуқурликда бўлса яхши сифатли бўлади. Ҳар қандай офтобрўя бўлган оқар сув ҳам яхши бўяавермайди, фақат ўзани лойли бўлгани яхши бўлади.
Сувни татиб кўриш орқали сувнинг сифати аниқланади. Енгилроқ сув кўпинча яхшироқ бўлади. Сувнинг тоза ва нотоза ҳамда оғир ва енгиллигини билиш учун икки бўлак латта ёки пахтани икки хил сув билан ҳўллаб, улар қуритилади ва тортилади; қайси пахта енгил келса, ўша ҳўлланган сув яхшироқ ҳисобланади. Олимларнинг шоҳидлик беришларича, қайнаган сув қоринни кўп шиширмайди, чунки идиш остида чўкма тузлар қолади.
Баъзи табибларнинг фикрича, қайнатилган сувдан ла-тиф қисми учиб кетиб, оғири қолади, демак, қайнатилган сув оғирликни орттиргани учун ундан фойда йўқ, деб ўйлайдилар. Лекин билиш керакки, сувнинг ҳамма бўлаклари оғирликдир. Оғирлик ва енгилликда бир хилдир, чунки у содда жисм бўлиб, мураккаб эмас. Қайнатишдан мақсад, суюқликдан пайдо бўлган қуюқликни кетказиш ва ундаги аралашмалар чўктириш орқали тозаланади. Ёмғир суви ҳам яхши сувлар жумласига киради. Бироқ у яхши сув ҳисобланса ҳам, тез сасийди, чунки жуда суюқ бўлиб, ер ва ҳаво унинг бузилишига таъсир қилади. Зарур бўлиб ёмғир суви ичилса, орқасидан нордон нарса ейиш лозим, шунда зараридан сақланилган бўлади.
Қудуқ ва ер ости каналларининг суви оқиб чиқадиган булоқ сувларига нисбатан ёмонроқдир. Чунки улар узоқ муддат давомида ер бўлаклари билан аралашган ҳолда қамалиб ётиш натижасида маълум даражада сасишдан холи бўлмайди. Ҳар хил қўрғошин қувурлардан ўтувчи сувлар ёмон ҳисобланади, чунки у (қўрғошин) қувватни ўзига олиб, кўпинча ошқозон ва ичак яраларини келтириб чиқаради. Муз ва қор сувларига келсак, улар қуюқ бўлади. Тўқайли ердаги кўлмак сувлари, очиқ бўлса-да, ёмон ва оғир бўлади. Муз солинган сувлар ҳам киши организмига зарар қилади. Шўр сувлар ҳайдовчи куч туфайли ични суради ва охирида ўз табиатидаги қуритиш билан боғлайди; ундай сув қонни ҳам бузади, қичима ва қўтирни келтириб чиқаради. Лойқа сув тош ва тиқилмалар пайдо қилади; уни ичгандан кейин, орқасидан сийдик ҳайдовчи дорилар ичиш керак. Масалан, ёғли ва ширин нарсалар шўр сувнинг зарарини кесади. Темир моддаси бор сув талоқ касаллигини тузатади
|
| |
| |
| SAKINA | Date: Juma, 28-Dek-2012, 13:13 | Message # 25 |
Group: IJODKOR
Messages: 2598
Status: | Пистанинг даволиги
1.Пистани 5 кун 3 маҳал оч ҳолда 100 граммдан ихлос билан еса, ич кетиши тузалади.
2.Пистани 10 кун 3 маҳал оч ҳолда 100 граммдан парҳези билан ихлос қилиб еса, жигар оғриғи, камқонлик ва ўпка сили касалликларида яхши фойда қилади.
3.Пистанинг 400 граммини 5 литр сувда секин 1 соат қайнатиб, 10 кун 3 маҳал 100 граммдан оч ҳолда ичилса, ичак касалликлари, эркак ва аёллар пуштсизлиги, мижоз сустлигида фойда қилади.
4.Писта ошқозон — ичак яллиғланишига қарши, сийдик ҳайдайдиган, иштаҳа очадиган деб ҳисобланади. (Муолажаси: 10 кун 3 маҳал 100 граммдан ейиш).
5.Писта мағзидан 100 грамм, бодом мағзидан 100 грамм, ёнғоқ мағзидан 100 грамм ва қора кишмиш майизидан 100 грамм олиб, ҳаммасини оз-оздан қўшиб, ҳавончада туйиб, чинни ёки сопол идишга солиб, қоронғи жойда, ёруғ туширмай сақласа, шу доридан саҳар 1 маҳал 3-4 ош қошиқдан ейилса, иштаҳани очади, рангни тозалайди ва семиртиради.
6.Писта қайнатмасини 10 кун 5-6 мартадан оғизга солиб, 12 дақиқадан ихлос билан ғарғара қилинса, томоқ оғриғи тузалади.
7.Писта талқони танадаги барча яра-чақаларга сепилса, тузатади.
|
| |
| |
| SAKINA | Date: Juma, 28-Dek-2012, 13:18 | Message # 26 |
Group: IJODKOR
Messages: 2598
Status: | Сутли ўтнинг хосиятлари
Сутли ўтлар лалми ва суғориладиган ерларда ёввойи ҳолда ўсади. Уларнинг ҳаммаси ўлдирувчи бўлиб, асосан, сути заҳарлидир. Масалан, бўтакўз, ёввойи семиз ўт, қўйпечак кабилар. Бундан ташқари, сигир қуйруқ, тугмача гул деган турлари ҳам бор. Шу айтганларнинг ҳаммасига фозил ҳаким Дисқуридус гувоҳлик беради.
1.Сутли ўтнинг япроқлари ҳовузга ташланса, балиқлар сув устига қалқиб чиқади.
2.Тут шаклидаги сўгал ва умуман сўгаллар, холлар, тирноқлар атрофидаги ортиқча этларга 7 кун 3 маҳал ҳўл япроғи эзиб боғланса, қўпориб туширади. Агар мўйга суртиб қўйилса, мўйни тарашлаб туширади.
3.Агар илдиз талқонига узум сиркасини аралаштириб, 10 кун 3 маҳал оқма тешиклар атрофидаги қаттиқликларга суртиб боғланса, юмшатади.
4.Илдиз талқонига сирка аралаштириб, темираткига 8 кун 2 маҳалдан суртиб боғлаб қўйилса, тузатади.
5.Илдизи талқонига мум суртмасини аралаштириб, 10 кун 3 маҳалдан суртилса, ҳидланган ва ёйилган яраларни, суртиб боғлаб қўйилса, қўтирларни ҳам тузатади.
6.Бурун йўли яраси, бурун ҳидланиши, бурундан сув оқиши, бурун битиб, нафас олиш қийинлашиши ва гангрена касалликларида илдиз талқонига мум қўшилган аралашмани бурунга тиқиб ва суртиб юрилса, (12 кун 3 маҳал) бу касалликларни тузатади.
7.Илдизини сиркага қўшиб қайнатиб, оғиз чайилса, тиш оғриқларини қолдиради.
8.Сутини 12 кун 3. маҳал бавосилга (геморой) орқага суртилса, (парҳези билан) тузатади.
9.Агар сутини 3 кун 1 маҳал анжирга томизиб ейилса, ични суради. Барг талқонини нонга тенг қўшиб еса ҳам ични суради.
10. Барг талқонига мум ва асал қўшиб, 1 кун қолдириб, сўнг 10 кун 3 маҳалдан томоқ ва кичик тилча отриғига парҳези билан суртилса тузалади.
|
| |
| |
| SAKINA | Date: Juma, 28-Dek-2012, 13:22 | Message # 27 |
Group: IJODKOR
Messages: 2598
Status: | Катаракта ҳақида
Катаракта тиқилмалардан пайдо бўлган касаллик бўлиб у кўзнинг ўқ-ёйсимон табақа тешигида оқсилсимон суюқлик билан мугузсимон табақанинг орасида туриб қоладиган чет суюқликдан иборат. У суюқлик нарсаларнинг қораси (силуэти) кўзга тушишига тўсқинлик қилади. Камина табобатни ўрганаётган ақлли кишилардан бирини кўрдим. У кишида катаракта касаллиги пайДо бўлган эди. У ўзини бўшатишлар, парҳез қилиш, овқатни кам ейиш, шўрвалардан ва ҳўлловчи нарсалардан сақланиш, кабоб қилинган ва қовурилган овқатлар билангина чекланиш ва тарқатиб шишдирувчи ва латифлаштирувчи сурмаларни ишлатиш билан даволанди ва натижада кўриш сезгиси ўзига қайтди.
Ҳақиқатдан ҳам катарактани бошланишидан пайқаб қолиб тадбир қилинса, юқоридаги амал фойда беради. Кундуз ўртасида бир марта овқатланиш билан чекланиш керак. Парҳези: балиқ, ҳўл мевалар, айниқса, ҳазми оғир гўштлардан сақланиш лозим.
1.Бу касалга тўтиёнинг суюқлик ёки қайнатмаси 15 кун 3 маҳал 2-3 томчидан томизилса, (парҳези билан) яхши фойда қилади.
2.Узун мурч, оқ ва қора мурчларни тенг қўшиб туйиб, элакдан ёки 2 қават докадан ўтказиб, кўзга 15 кун 3 маҳал сурмадай қилиб суртилса фойда қилади.
3.Бу касалликда зайтун ёғини ҳам 15 кун 3 маҳал кўзга томизилса парҳези билан) фойда қилади.
Мен юқоридаги дорилар билан кўз оғриғи, кўзга парда, эт тушиши, кўз қичиши, кўздан сув оқиши каби касалликларни даволашга ҳаракат қилганман, Аллоҳнинг изни билан барчаси тўлиқ шифо топишган.
Кўп йиллик тажрибам давомида уйимда жуда кўп шифобахш неъматлар ишончли ҳолда сақланиб турибди. Мен изланишни ва одамларга фойдам тегишини ўз бурчим деб биламан.
|
| |
| |
| SAKINA | Date: Juma, 28-Dek-2012, 13:28 | Message # 28 |
Group: IJODKOR
Messages: 2598
Status: | Чекишнинг зарари ҳақида
Тамаки чекиб юрган кишилар ёшлигидан ҳар хил касалликларга гирифтор бўладилар. Йўтал, ўпкаси сили, ошқозон — ичак яраси, ориқланиш, кўз нурларининг камайиши ва рак касалликларига гирифтор бўлиши мумкин. Охирида эса «тамаки чеккан кинга ҳассага таяниб қолади». Тамакидан келадиган даромад катга ер эгаларига ниҳоятда фойда келтиради, лекин унинг заҳридан минг-минглаб кишилар кўп мамлакатларда ҳалок бўлади. ХVI-ХVII асрларда Англияда чекувчилар ўлимга ҳукм қилинарди. Уларнинг бошларини кесиб, оғизларидаги трубкалари билан катта майдонларда осиб қўярдилар. Пётр I Голландияда бўлган вақтида тамаки чекишга ўрганиб қолди. У Россияга қайтиб келгандан кейин, чекишга ва уни сотишга рухсат берилди, лекин сотувчи ва чекувчилардан солиқ олина бошланди.
Аслида киши ҳаёти учун энг зарури ақл бўлса ҳам, кўпгина одамлар ўзларининг вақтинчалик ҳузурларини ўйлаб, шу АҚШни тамаки, вино, пиво, ароқ билан заҳарлашдан ҳам тоймайдилар. Киши ичиш ва чекишни ташламаса, барча ҳаёт ҳодисаларини унга янгидан очиб берувчи ақлий тиниқликни йўқотиб, бузуқ дунёқарашга эга бўлиб боради.
Ж.Пти ва бошқа француз олимларининг маълумотларига кўра етук ёшда ўпка силига учраган юзта бемордан 95 таси чекувчилар ҳисобига тўғри келади. Олимлар кунига 1 қутидан сигарет чекадиган кашандалар ўз умрларини 5 йилга, 2 қути чекадиганлар эса 15 йилга қисқартиради, деб хулосаларини эълон қилдилар.
«Агар одамлар чекмай қўйсалар, - деб ҳисоблайди машҳур инглиз олими Джорд Дан, - у ҳолда рак касалликларидан ўлиш даражаси уч ҳисса камайган бўлур эди. Ўпка ва нафас йўлларининг баъзи касалликлари амалда бутунлай йўқолар эди, юрак касалликларидан ўлиш эса тўрт ҳисса камаяр эди».
30 йилдан ортиқ рентгенолог бўлиб ишлаган кишидан: «Соғлом одамнинг ўпкаси рентгенда қандай кўринади?» - деб сўрашди. «Соғлом одамнинг ўпкаси рентгенда худди яшнаган, кўм-кўк майсаларга бурканган водийга ўхшаб кўринади. Узоқ йиллар тамаки чеккан одамнинг ўпкаси худди чақир тошлар билан тўлиб-тошган, қурум босган тошлоққа ўхшайди», деди у.
Никотин қон томирларини, айниқса, юракни қон билан таъминловчи томирларни қисади, кўкрак қисиши - стенокардия касаллигига мубтало қилади.
В.Соколовский деган олимнинг фикрича: «Ҳомиладор аёл чекганда, унинг ҳомиласи бошқа нарсадан эмас, балки никотин туфайли кислород етишмаслигидан нобуд бўлади».
|
| |
| |
| SAKINA | Date: Juma, 28-Dek-2012, 13:32 | Message # 29 |
Group: IJODKOR
Messages: 2598
Status: | Тил касалликларини даволаш
Тил касалликлари: таъмни билмаслик ва сезгининг йўқолиши.
Агар ҳўллик ва совуқдан бўлса, белгиси — оғиздан сув оқиши, томирларнинг мулойимлиги, сийдикнинг рангсизлиги, тил тешилиб оғиздан сув оқиши, тилнинг оқариши, кўзнинг қизил бўлиши, тил ости ва устининг яра бўлиши. Давоси: горчица (хантал) ва узум сиркаси баравар қўшиб аралаштирилиб, 10 кун 3 маҳалдан ғарғара қилинса, яхши бўлади. Овқати: каптар боласининг гўшти, нўхат суви, долчин ва заъфарондан қўшиб 5 кун 1 маҳалдан шўрва қилиб ичиш.
Тил шишган бўлса, тил қизарган бўлса, демак қондан бўлган ҳисобланади. Давоси: қон олдириш керак.
Тилнинг ёрилиши қуруқ-иссиқ моддадан бўлса, белгиси — оғизнинг қуруқлиги, чанқаш ва овқатга иштиёқсизлик. Давоси: зирк илдизини қайнатиб, 10 кун 3-4 маҳал овқатдан кейин ғарғара қилинса, тузалади.
Тилнинг куйиши сафродан бўлса, белгиси — оғизнинг аччиқчиги, тилнинг йўғонлашуви, томирнинг тез уриши. Давоси: беҳи уруғи қайнатмасига семиз ўт сувини тенг қўшиб, 10 кун 3 маҳал оғиз чайилса, бартараф қилади.
|
| |
| |
| SAKINA | Date: Chorshanba, 02-Yan-2013, 14:48 | Message # 30 |
Group: IJODKOR
Messages: 2598
Status: |
Пиёзнинг даволиги
1.«Тулки касаллиги»да мўй (соч) тўкилган жойга 10 кун 3 маҳал пиёз билан ишқаланса, жуда яхши фойда қилади.
2.Уруғининг талқонидан 100 граммига 30 грамм кон тузи қўшиб, 1 суткадан кейин бошлаб 10 кун 2 маҳал сўгаллар бор жойга қўйиб боғланса, сўгалларни қўпоради.
3.Пиёз суви 3 кун 3 маҳал бурунга юборилса, бошни тозалайди.
4.Бош оғриғида, қулоқ шанғиллашида, қулоқда йиринг ва сув пайдо бўлишида пиёз суви қулоққа томизилади. Узоғи билан 10 кун 3 маҳал бу амал бажарилса, бош ва қулоқ оғриғи, қулоқ шанғиллашдан халос бўлади.
5.Пиёз суви катарактада 5 кун 3 маҳал томизилса, фойда қилади.
6.Кўзга оқ тушганда аёл сутига оқ пиёз сувини тенг қўшиб, 12 кун 3 маҳал томизилса, оқ кетади.
7. 10 грамм пиёз уруғининг талқонига 20 грамм асал қўшиб аралаштириб, 1 суткадан кейин бошлаб, оз-оздан 15 кун, 2 маҳал қўйиб боғланса ҳам, кўз оқи кетади.
8. Бавосил иллатида пиёз сувига пахтани тўйинтириб, 10 кун 2 маҳалдан боғлаб юрилса, фойда қилади. Парҳези: хамирли, қовурма овқатлар, нўхат, ловия, аччиқ ва шўр нарсаларни тўлиқ тузалгунча емаслик керак, жинсий алоқадан тўхтаб турилади.
9. Пиёзни хомлайига ёки пишириб кўп еса, шаҳватни қўзғатади.
10. Пиёзни қовуриб еки хомлигича 5 кун 3 маҳалдан ейилса, ҳайз қонининг юргизиб, ични юмшатади.
11.Сувини газак ўт билан бирга аралаштириб,. қутурган ит тишлаган жойга боғлаб қўйилса, фойда қилади.
12.Пиёзни ҳалқадай кесиб, қўй ёғида қип-қизил қилиб қовуриб, 5 кун 2 маҳалдан тизза оғриқларига қўйиб боғланса, оғриқ кетади.
13.Жинсий қувват камайиб қолса, 10 кун 1 маҳалдан 200 граммини 200 грамм гўштга аралаштириб, қип-қизил қилиб, қовуриб ейилса, ўз ўрнига тушади.
|
| |
| |
