Kirish Azolik 21-Dek-2024, 12:27
USD $56 EUR 67.85 ММВБ 1960.69 USD 59.175 ···
Chicago °
   RSS
Yangiliklar-Новые сообщения · Azolarimiz-Участники · Forum qoidasi-Правила форума · Qidirish-Поиск
Ishga En
Ishga Uz
Ishga Ru
  • Page 1 of 2
  • 1
  • 2
  • »
Forum moderator: DURDON, SAKINA  
Forum » AYOLLAR BO'LIMI » Muslimalar honasi » Муслиманинг дин китоби
Муслиманинг дин китоби
BAXORDate: Chorshanba, 29-Iyun-2011, 20:17 | Message # 1
Peshqadam
Group: Ishonchli
Messages: 4071
Status:



Бисмиллаҳир роҳманир роҳийм

ДИН НИМА? ИСЛОМИЯТ НИМА ДЕГАНИ?

Суюкли қизим! Дин инсонларнинг Аллоҳ таолога оид илмлари, ибодатларини, унинг инсонларга тегишли бўйруқ ва нахийларини баён қилади. Инсон бу дунёга нима учун келди, қаёнга бормоқда, бу йуловчиликнинг том маъноси нима?

Дин инсонларга мана шу келиб-кетишнинг ғояларини, бу дунёда Аллоҳ ризолиги йўлида қилинадиган ишларни ўргатади. Исломият эса бутун динларнинг энг сўнггиси, Аллоҳ таоло томонидан билдирилганларнинг энг буюги ва неъматларшшг энг устунидир.

Суюкли қизим! Ислом инсонларнинг ҳар турли ёмонликлардан узоқлаштириш, саломат ва саодат топиши демакдир. Инсонлар фақат бу муборак диннинг амрларига бўйин эгиш ва у қайтарган нарсалардан узоқ туриш билангина бундай саломат ва саодатга эриша оладилар, бунинг устига Аллоҳ ёнида энг севимли бир инсон бўла оладилар. Бу муборак динга Ислом деб ном берган Аллоҳ таолодир. Қуръони каримдаги Моида сурасининг 3-ояти каримасида "Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим", дея марҳамат қилинмоқда. Кўряпсизки, динимиз бутун неъматларни ўзида жамъ этган бир диндир. Ҳа, бу динга Ислом дейилган. Исломият Аллоҳдан ўзга тангри йўқлигини баён этади. Ва яратувчига ибодат етмоқликни буюради.

Суюкли қизим!.. Ер юзида мухталиф (бир неча) динлар бўлса ҳамки, Аллоҳ томонидан юборилган пайғамбарларнинг Аллоҳ ҳақидаги илмлари, даъватлари алал оқибатда Аллоҳнинг ягоналигига — тавҳид эьтиқодига таянади. Одам алайҳиссаломдан Пайғамбаримиз саллаллоҳу алайҳи васалламга қадар бу илм осон ўргатилган бўлса-да, кейинчалик баъзи кимсалар уни ўзгартирдилар, тавҳид эътиқодини янглиш талқин этдилар. Қуръони карим бу ҳақиқатларни очиқ баён қилмоқда.
 
BAXORDate: Shanba, 09-Iyul-2011, 14:45 | Message # 2
Peshqadam
Group: Ishonchli
Messages: 4071
Status:
kapalaklar



ҚАЧОНДАН БЕРИ МУСУЛМОНСАН? — "ҚОЛУ БАЛО"ДАН БЕРИ МУСУЛМОНМАН.

Севгили қизим!.. Аллоҳ таоло бу оламни бунёд этмасдан аввал руҳ оламини яратди ва бутун руҳларга хитоб қилиб: "АЛАСТУБИРОББИКУМ?", яъни "Мен сизнинг Роббингиз эмасманми?"—деб сўради. Улар "ҚОЛУ БАЛО" — яъни, "Сен бизнинг Роббимизсан" деб жавоб бердилар. Шу тахлит руҳ оламида Аллоҳ, таолонинг бирлигини тан олдилар. Шунинг учун биздан "Қачондан бери мусулмонсан?" — дея сўралганда, руҳ оламидаги иқроримизни эсга олиб: "ҚОЛУ БАЛОДАН БЕРИ МУСУЛМОНМАН", деймиз. Ўша вақтдаги иқроримиз билан Аллоҳ таолонинг ягоналигини, шериги, ўхшаши йўқлигини эътироф этганлигимиз сабабли Алҳамдулиллаҳки, мусулмон бўлдик. Бу дунёда ҳам ушбу талқинни қабул этганлигимизни исбот этмоқдамиз. Аллоҳ таоло бутун руҳларга руҳ оламида: "Мендан ўзга илоҳ йўқдир. Мен сизнинг Роббингизман. Менга ширк келтирманг, ким ширк келтирса ундан ИНТИҚОМ оламан. Мен сизга расуллар юборгайман. Улар сизга менинг аҳди мисоқимни билдирадилар. Сизга китоблар нозил қилгайман", деди. Буни эшитган руҳлар: "Гувоҳлик берамизки, Сен бизнинг Роббимизсан, Аллоҳимизсан", дедилар. Шундай қилиб, улардан аҳд олинди. Ҳа, биз руҳ оламида Аллоҳнинг бирлигини тасдиқ этишлик билан алҳамдулиллаҳ, мусулмон бўлдик "Қолу балодан бери мусулмонмиз", дейишликнинг маъноси шудир.
 
BAXORDate: Shanba, 09-Iyul-2011, 14:53 | Message # 3
Peshqadam
Group: Ishonchli
Messages: 4071
Status:


ЭЪТИҚОД (ИШОНЧ) АЛЛОҲГА ИЙМОН

Севгили қизим!.. Биз Аллоҳ таолони бир деб биламиз. Унга ибодат қиламиз. Қуръони каримнинг "Ихлос" сураси Аллоҳ нечта дегувчиларга: " Айтинг: «У – Аллоҳ Бирдир. (Яъни Унинг ҳеч қандай шериги йўқдир. У яккаю ёлғиздир). Аллоҳ (барча ҳожатлар билан) кўзлангувчидир (яъни барча ҳожатлар Ундан сўралади, аммо У ҳеч кимга муҳтож эмасдир). У туғмаган ва туғилмагандир (яъни Аллоҳнинг ўғил-қизи ҳам, ота-онаси ҳам йўқдир. У азалий ва абадий зотдир). Ва ҳеч ким У зотга тенг эмасдир» дея хитоб этади. Севгили қизим! Бу маълумот Ислом динининг асосидир. "ЛА ИЛАҲА ИЛЛАЛЛОҲ" калимаси ҳам шу руҳни ташийди. Шунга биноан, бу сура "Сураи асос" ҳам дейилади. Кимки бу асосга ишонса, мусулмон бўлади. Бу сурани "Сураи ихлос" ҳам дейишади. "Ихлос" сурасининг маъносини яхши англаб, эътиқод қилган киши жаҳаннамдан қутулган каби, "ЛА ИЛАҲА ИЛЛАЛЛОҲ" калимасини сидқидилдан айтган киши ҳам жаҳаннам оловидан қутулгувсидир, иншаАллоҳ. Исломиятнинг тамали бўлган "ЛА ИЛАҲА ИЛЛАЛЛОҲ"га шунинг учун "Калимаи Нажот" ҳам дейилади. Бу сура инсонларни Аллоҳ ҳақидаги илмларнинг устига чиқаргани туфайли "Сураи маърифат" дея сифатланади ва яна "ЛА ИЛАҲА ИЛЛАЛЛОҲ"ни билиш, маъносини қамраб олиш, инсонларни Аллоҳ наздидаги илмларнинг энг юқорисига чиқарганлигидан бу калимага ҳам "Калимаи маърифат" дейилади. Аллоҳ таолонинг ягоналигини баён қилганлигидан "Ихлос" сурасига "Сураи Тавҳид" дейилади. "ЛА ИЛАҲА ИЛЛАЛЛОҲ" эса Аллоҳ таолонинг бирлигини энг гўзал шаклда баён этганлиги учун "Калимаи Тавҳид" дея номланган. Севгили қизим! Аллоҳ ерларни, осмонларни, ҳамма нарсани яратган Азалийдир, доимо тирикдир. Унинг борлиги билан бу олам бор бўлди. Шу сабаб Аллоҳ таоло Қуръони каримда ўзини "АЛЛОҲУ ЛА ИЛАҲА ИЛЛА ҲУВАЛ ҲАЙЙУЛ ҚОЙЙУМ" деб бошланувчи ояти каримасида шундай билдиради: "Аллоҳ Ундан ўзга илоҳ йўқ зотдир. У тирик ва қаййумдир. Уни мудроқ ҳам, уйқу ҳам олмас. Осмонлару ердаги нарсалар Уникидир. Унинг ҳузурида Ўзининг изнисиз ҳеч ким шафоат қила олмас. У уларнинг олдиларидаги нарсани ҳам, ортларидаги нарсани ҳам билур. Унинг илмидан ҳеч нарсани иҳота қила олмаслар, магар Ўзи хоҳлаганини, халос. Унинг курсиси осмонлару ерни қамраган. Уларни муҳофаза қилиш Уни чарчатмас. Ва У Олий ва Азим зотдир" (Бақара сураси 255 оят).

Бу ояти карималар бизга ягона бўлган Аллоҳ таолони англатади. Биз - мусулмонлар Аллоҳга ишонамиз. Унта ширк (шерик) келтирмаймиз. Бу юксак туйғулар бир бутун ҳоли ила "ЛА ИЛАҲА ИЛЛАЛЛОҲ" калимасида ўз ифодасини топган. Биз "ЛА ИЛАҲА ИЛЛАЛЛОҲ" дегач, юқорида баҳс этганимиз, баён этганимиз, билдирганимиз бир бўлган, шериги йўқ, ҳеч нарсага муҳтож бўлмаган, туғилмаган, туғмаган, азалий тирик, ўлим ориз бўлмаган (ўлим келмайдиган — Тарж.), ҳамма нарсани яратган, ўхшаши йўқ, ибодатга лойиқ-ягона Аллоҳ эканлигини англаймиз ва тасдиқ этамиз. Бу билан Исломиятнинг асосини қабул қилган бўламиз. "МУХАММАДУН РАСУЛУЛЛОҲ" калимасини айтишлик билан эса бизга Аллоҳ томонидан бу юксак туйғуларни билдирган буюгимиз, Сарвари Олам Ҳазрати Муҳаммад алайҳиссаломнинг Аллоҳга расул эканликларини эътироф этамиз. Яна, Расулуллоҳ орқали бизга келтирилган, Аллоҳга иймон келтириш ва амал қилишимиз учун керакли бутун маьлумотлар, ибодатларни қабул қилганлигимизни билдирамиз.

Севгили қизим! Бу муборак калима, яъни "ЛА ИЛАҲА ИЛЛАЛЛОҲ МУҲАММАДУН РАСУЛУЛЛОҲ" калимасини тилда айтиб, дилда тасдиқ этдингми, бас, сен шу дунёдаги энг бахтиёр ва масъуд бир инсон ҳисобланасан. Бу калимани чин дилдан айта билиш доимий вазифанг бўлсин. Бинобарин, "ЛА ИЛАҲА ИЛЛАЛЛОҲ МУҲАММАДУН РАСУЛУЛЛОҲ" калимасини айтгандан кейин, орқасидан "сидқан ва ҳаққан" десанг нур устига нур бўлур. Бунинг маъноси, мен Исломиятнинг тамали (асоси) бўлган калималарга жону дилдан ишондим, уларни қабул қилдим, демакдир.

Ҳа, севгили қизим, бу туйғуларни қалбингга жо қилсанг, қалбинг куфр зулматини бу нур ёруғлиги ила маҳв этгай, пировардида сен пок қалбли инсонга айланасан. Калимаи Тавҳид инсон қалбини ана шундай бебаҳо эътиқод нури ила ёритганлигидан "Калимаи нур" деб шарафланади. Инсонлар бу калиманинг нақадар буюклигини билсалар, катта давлатга эришганларини англайдилар. Бас, шундай экан, севги¬ли қизим, сен ҳам ушбу калимаи муборакни юқоридаги маъноларига тушуниб айтсанг, бу дунёда энг катта фойдага, энг катта маьнавий бойликка эришган бўласан.

Севгили қизим! Бир кимса чин юракдан "ЛА ИЛАҲА ИЛЛАЛЛОҲ МУҲАММАДАН РАСУЛУЛЛОҲ" деса, унга жаннат эшиклари очилади. Ҳар турли Жаҳаннам қурқувларидан қутулади. Шу боисдан бу калимани "Калимаи нажот" ҳам дейишади. Яъни, қутулиш калимаси, демакдир. Энг буюк саодатга шу калима ила эришилади. Ҳа, қизим, буюк саодатга эришмоқликиинг йули ана шу. Бироқ, Аллоҳ таоло буни севган қулларигагина насиб этади. Нақадар бахтлисанки, кичик ёшингдан бу давлатга эришиб турибсан. Аллоҳ сени шундай лутфига қовуштиргани учун, Унга нақадар ҳамду сано ва шукрлар айтсанг ҳам оз. Бир киши сендан "ҚАЙСИ ДИНДАСАН?" — дея сўраганида бу буюк неъматни билиб, ҳис қилиб жону дилдан "АЛҲАМДУЛИЛЛАҲ МУСУЛМОНМАН" дейишинг керак. Бу дунёда сенга совға берганларга инсонийлик юзасидан раҳмат айтасан. Ваҳоланки, Аллоҳ таоло сени мусулмон қилиб яратибди, сенга энг буюк бир неъматни бериб қўйибди-ку! Шунинг учун ҳам "АЛҲАМДУЛИЛЛАҲ, АЛЛОҲГА ШУКРОНАЛАР БЎЛСИНКИМ, МУСУЛМОНМАН" дейсан. Чунки Аллоҳ таоло сени яхши кўрганидан, миллионлаб инсонлар ичида сенга ҳам ушбу неьматни эҳсон этган. Сенданда бой, сендан-да бахтиёр кимса борми бу дунёда?

Севгили қизим! Бизга "мусулмон" деган номни берган ҳам Аллоҳ таолодир. Қуръони каримдаги Ҳаж сурасининг 78-оятида "Сизга мусулмон номини берган Аллоҳдир" дея марҳамат қилинади. Аллоҳга шукрлар бўлсинким, бизни мусулмонлардан қилди. Унинг юборганига ишондик, иймон келтирдик. Унга ибодат қиламиз, таважжуҳ* (Таважжуҳ - бир нарса томон йўналмоқ, қайтмоқ —Тарж. )этамиз.

Севгили қизим! Мусулмон, бу — Аллоҳга ишонган, Унга иймон келтирган, Унга ибодат этган, Унинг амрига бўйинсунган, У қил, деган амалларни қилиб, қилма, деган амаллардан ўзини сақлаган кишидир. Севгили қизим!.. Мусулмонлик мусоламатга (ўзаро тинч-тотувлик, сулҳга — Тарж.) буюради. Тартиб-интизомни, тўғриликни, ҳалолликни, яхши, тарбияли ҳает кечириш йўлларини ўргатади.


Muslima.uz.
 
OSIYODate: Shanba, 09-Iyul-2011, 15:59 | Message # 4
Yangilardan
Group: Ishonchli
Messages: 7125
Status:
ПАЙҒАМБАРЛАРГА ИЙМОН


Севгили қизим! Аллоҳ таоло инсонларни тўғри йўлга бошлаш учун уларга пайғамбарлар юборган. "Пайғамбар" калимаси бизга форсчадан ўтган бўлса-да, ўзбекчаси “хабарчи” маъносига тўғри келади. Арабчаси Расул ва Набийдир.

Севгили қизим! Энди сен билан Аллоҳ томонидан юборилган пайғамбарлар ва улар орқали Аллоҳ томони¬дан нозил қилинган илоҳий китоблар ҳақида гаплашамиз. Пайғамбарлар инсонларни Аллоҳ йўлига даъват этадилар. Аллоҳ йўли эса энг тўғри йўлдир. Биз ҳар куни "ИҲДИНАС СИРОТОЛ МУСТАҚИЙМ" дея Аллоҳдан бу тўғри йўлни сўраймиз. Ҳар ким ўз тушунчасига кўра ўзини тўғри, ҳақли деб ўйлайди. Ҳолбуки, Аллоҳ наздидаги тўғри йўл — У баён этган нарсаларга ишонмоқ, бўйруқларига амал қилмоқ, қайтарганларидан сақланмоқликдир.

Севгили қизим! Келган ҳамма пайғамбарлар инсонларга ўша илоҳий ишончларни, ўша тўғри йўлни кўрсатганлар. Бу тўғри йўл устида бўлганларга эса мўмин дейилган. Ҳар мўмин ҳар қачон Роббидан бу тўғри йўлдан бошламоғини сўрайди. Чунки ундан айрилганлар Аллоҳнинг ғазабига учрайдилар. Аллоҳ таоло уларни азобига гирифтор қилиб жаҳаннамга киргизади. Саодат йўли, Жаннат йўли, инсонларга инсонлигини ўргатган, уларга ҳар турли яхшиликларни билдирган, ҳар қандай ёмонликдан қайтарган бу тўғри йўлдир. Ким бу тўғри йўлдан кетган экан, Аллоҳнинг суюкли қули бўлибди, ким ундан айрилган бўлса, Аллоҳга душманлик қилгани учун азобга мустаҳиқ бўлур.

Севикли қизим! Пайғамбарларнинг адади кўп бўлса-да, Қуръони каримда номлари зикр этилган қуйидаги пайғамбар бор. Биз сен билан буларнинг исмларини ўрганамиз, қолганларининг номларини ёлғиз Аллоҳ билади. Бизнинг билишимиз лозим бўлган бу йигирма саккиз пайғамбарларнинг исмлари қуйидагилардир:

1) Одам алайҳиссалом;

2) Идрис алайҳиссалом;

3) Нуҳ алайҳиссалом;

4) Ҳуд алайҳиссалом;

5) Солиҳ алайҳиссалом;

6) Иброҳим алайҳиссалом;

7) Исҳоқ алайҳиссалом;

8) Исмоил алайҳиссалом;

9) Ёқуб алайҳиссалом;

10) Юсуф алайҳиссалом;

11) Шуайб алайҳиссалом;

12) Лут алайҳиссалом;

13) Яҳё алайҳиссалом;

14) Закариййа алайҳиссалом;

15) Мусо алайҳиссалом;

16) Хорун алайҳиссалом;

17) Довуд алайҳиссалом;

18) Сулаймон алайҳиссалом;

19) Илёс алайҳиссалом;

20) Аййуб алайҳиссалом;

21) Аляса алайҳиссалом;

22) Зулкифл алайҳиссалом;

23) Юнус алайҳиссалом;

24) Узайир алайҳиссалом;

25) Луқмон алайҳиссалом;

26) Исо алайҳиссалом;

27) Муҳаммад алайҳиссаломлардир.

Одам алайҳиссалом дунёга келган илк инсон ва илк пайғамбардир. Аллоҳ таоло у кишини "МИНАЛ МАИ ВАТ-ТИЙН", яъни сув билан қоришган лойдан, яъни биз билган балчиқдан яратган ва унга руҳ уфуриб бугунги одам жасади вужудга келган. Одам алайҳиссаломнинг чап қобирға суягидан Ҳаво волидамиз яратилганлар. Кейинги зурриётлар ана шу жуфтликдан зуҳур этди. Ҳақ Таоло Одам ва Ҳаввони дастлаб жаннатга қўйди, уларга ҳамма нарсалардан еб-ичишлари мумкинлиги, фақат мамнуь бўлган бир дарахтнинг мевасидан емасликларини буюрди. - Одам Ато асло бу маън этилган дарахтга яқинлашмаган бўлса-да, шайтон унга севиклиси Ҳазрати Ҳавво волидамиз воситасида васваса солиб, йўлдан оздиришга ҳаракат қилди.

Севикли қизим! Хотинлар соф, покиза қалбли яра¬тилганлар. Шайтон ҳам бундан фойдаланиб, уни таьқиқланган мевадан едиришга муваффақ бўлди. Пировардида, Ҳазрати Одам ва Ҳавво волидамиз жаннатдан туширилдилар, ер юзида узоқ йиллар айри муҳитларда яшаб, ниҳоят бугун ҳожилар тўпланиб дуо этадиган Арафот тоғида топишишди. Арафот — топишув жойи, шу билан бирга Одам Ато ва Момо Ҳаввонинг, Аллоҳга қилган исёнлари учун тавба қилганликлари, тавбалар қабул этиладиган жой, демакдир. Бу ер, раҳмати илоҳиййанинг нузули ила барчанинг авфига мазҳар бўлганидан эса "Жабали Раҳма", яъни раҳмат индирилган тоғ, деб ҳам юритилади. Ҳар бир ҳожи бу ерга боради, дуо қилади, Ҳазрати Одам Ато ва Ҳавво каби гуноҳларини эътироф этиб, кечирилишини Ҳақ таолодан ёлвориб сўрайди.
 
OSIYODate: Shanba, 09-Iyul-2011, 16:08 | Message # 5
Yangilardan
Group: Ishonchli
Messages: 7125
Status:
КИТОБЛАРГА ИЙМОН


Тўрт катта китоб тўрт буюк пайғамбарга нозил қилинди. Булардан, Таврот — Мусо алайҳиссаломга, иккинчиси, Забур — Довуд алайҳиссаломга, учинчиси, Инжил — Исо алайҳиссаломга индирилди. Қуръони карим эса энг сўнгги пайғамбар бўлмиш пайғамбаримиз Муҳаммад Мустафо саллоллоҳу алайҳи васалламга туширилди. Бошқа пайғамбарлар ва набийларга эса саҳифалар туширилган. Бу саҳифалар ва китобларнинг ҳаммаси Аллоҳнинг бирлигига, Унга ибодат қилиш йўлини, ҳалол ва ҳаромни, инсонларнинг қилиши ва қилмаслиги лозим бўлган амалларни баён этади. Мўъмин бу китобларга ҳам ишониши имоннинг арконларидан бири ҳисобланади.

Севгили қизим! Бизнинт муқаддас китобимиз Қуръони карим бутун ҳақиқатларни тўла ва ўз аслича билдиради. Бу китобда ҳеч бир янглишлик ва тузатишга муҳтож ўрин йўқдир. Баъзи китобларда маълум иловалар бўлгани ҳолда, бизнинг муқаддас Китобимиз Расулуллоҳнинг саодат замонларидаги каби ҳеч бир ўзгаришсиз қолган. Бинобарин, инсонлар фақатгина бу китобимизга ишониш билан ҳақиқий саодат, саломат ва тўғри йўлни топганлар.

Севгили қизим! Нақадар бахтлисанки, бу катта, тўғри йўлга қовушибсан. Нақадар бахтлисанки, бу китобга ишонибсан. Аллоҳнинг суюкли ҳабиби, расули Муҳаммад алайҳиссаломни Пайғамбар деб қабул қилибсан. Унга иймон келтирибсан. Барча пайғамбарлар ҳам руҳ оламида эканликларида, бу оламга келгандан кейин Пайғамбаримиз саллаллоҳу алайҳи васалламнинг келишларидан хабар беришлик хусусида Аллоҳга сўз беришган. Улар ҳар вақт Пайғамбаримизни чуқур эҳтиром кўрсатишган. Ҳатто Исо алайҳиссалом яҳудий қавмига келганида: "Эй Исроил ўғиллари! Мен сизга, мендан илгари Тавротни тасдиқлаш ва мендан сўнгра Аҳмад исмли бир расул келишини муждалаш (хушхабарини етказиш) учун келдим" деган эди. Не бахтки, сен хушхабари берилган Ул Пайғамбар саллаллоҳу алайҳи васалламга уммат бўлибсан. Бунинг учун оламларнииг робби бўлган Аллоҳга бехад шукр этмоғинг керакки, Аллоҳ Таоло бундай шарафни севган қулларигагина насиб этгай.
 
BAXORDate: Chorshanba, 13-Iyul-2011, 19:31 | Message # 6
Peshqadam
Group: Ishonchli
Messages: 4071
Status:
ФАРИШТАЛАРГА ИЙМОН




Севгили қизим! Аллоҳнинг фаришталарига ишонч ҳам иймоннинг асосларидан биридир. Аллоҳнинг борлигига, бирлигига ишонгандан сўнг барча мўминлар Унинг нурдан яратилган фаришталарига ишонадилар. Инчунун, Қуръони каримдаги "АМАНАР-РАСУЛУ..." оятида "КУЛЛУН АМАНА БИЛЛАҲИ ВА МАЛАИКАТИҲИ", яъни, "Аллоҳга иймон келтиргандан кейин у мўминлар Аллоҳнинг яратгани малакларига (фаришталарига) ҳам иймон келтирадилар" дея марҳамат қилинади (Бақара сураси 177 оят). Бу фаришталар сон-саноқсиздир. Уларнинг сонини ёлғиз Аллоҳ билади. Бироқ Қуръони карим тўрт энг катта фариштани маълум қилади.

Булардан бири Жаброил алайхиссаломдир. Жаброил алайхиссалом фаришталарнинг энг каттаси, Аллоҳ томонидан пайғамбарга юборилган таблиғларни билдирган фариштадир. Китоблар бу малак воситасида пайғамбарларга нозил қилинган. Аллоҳ таоло Қуръони каримда унинг исмини бошқа фаришталардан олдин зикр этадики, бу унинг Аллоҳ наздидаги даражасини кўрсатади. Бу малак воситасида Аллоҳ таоло ўтмишда бир неча осий қавмларга азоб берган, уларнинг юртларини хароб этган. Яна бир малакнинг исми Микоил алайҳиссаломдир. У раҳматга, ризқка маъмур (вазифали) малакдир. Аллоҳ ер юзидаги бутун жонли мавжудотнинг ризқларини бу малак ва унинг ёрдамчилари воситаси ила тарқатади. Учинчи катта фариштанинг исми Исрофил алайҳиссалом. Исрофил алайҳиссалом дунё поёнига етган замон найга уфлайди ва ер юзидаги бутун мавжудот ўлади. Най иккинчи марта уфланганда эса бутун ўликлар қайта бор тириладилар. Маҳшар деб аталувчи ҳисоб жойига, дунёдаги амалларидан сўроққа тутилиши учун ҳузури Илоҳийга тўпланадилар. Тўртинчи энг катта фаришта эса Азроил алайҳиссаломдир. Бу фариштага жонларни олиш вазифаси юкланган. Ҳеч бир тирик жон ундан қутулолмайди. Бу малакнинг амрида ҳам сонсиз малаклар бор. Фаришталар биз каби жасадлари бўлмаган, руҳоний борлиқлардир. Чунончи, улар бизга ўхшаб еб-ичишмайди ва ухлашмайди. Еб-ичиш, ухлаш бадан озуқасидир. Малаклар руҳоний бўлганлари учун, уларнинг озуқаси ҳам руҳоний бўлиб, улар тўхтовсиз Аллоҳни зикр этадилар.
 
BAXORDate: Chorshanba, 20-Iyul-2011, 16:51 | Message # 7
Peshqadam
Group: Ishonchli
Messages: 4071
Status:



ШАЙТОН

Севикли қизим! Аллоқ таоло Одам Отамизни яратгандан кейин, фаришталар ва Иблис (Шайтон)ни у кишига сажда қилишга буюрди. Бироқ Иблис ўз илмига ишониб кибрланди. "У лойдан яратилди. Мен оловдан яратилдим, ундан устунман" дея Аллоҳга осий бўлди. Пировардида, Аллоҳнинг раҳматидан қувилди. Инсонларни Аллоҳ йўлидан адаштиришга аҳд қилди.

Севикли қизим! Шайтоннинг васвасасига алданиб, унга эргашган киши Аллоҳга душманлик қилган, ўзини куфрга судраган бўлади. Агар тавба қилиб бу йўлдан қайтмаса дўзахга киради. Ҳа, севикли қизим. Шайтон қалбингга кириб, сенга Аллоҳнинг буйруқларини қилдирмайди. Аллоҳ таьқиқлаган амалларни чиройли кўрсатиб гуноҳга етаклайди. Ёмонлик ва куфр йўлига бошлайди.
 
BAXORDate: Chorshanba, 20-Iyul-2011, 17:00 | Message # 8
Peshqadam
Group: Ishonchli
Messages: 4071
Status:


ҚАЗО ВА ҚАДАРГА ИЙМОН

Севикли қизим! Иймон асосларидан навбатдагиси — сенииг қазо ва қадар (такдир)га ишонмоғингдир. Ҳар нарсаяи яратувчи, ҳамма нарсани билгувчи Аллоҳдир. Инсоннинг илми унга фақат Аллоҳ таоло билдиргани қадардир. Аллоҳ таоло бирор воқеа-ҳодисани у ҳали содир бўлмасдан аввал билади. Биз мусулмонлар Аллоҳ таолонинг ҳамма нарсани олдиндан билиб тақдир этганига иймон келтирамиз. Инсонлар бу дунёда расулларга ишониб, уларга эргашсалар - яхши йўлларни танлаган, эргашмасалар - ўзларини ёмонликка йўллаган бўладилар. Аллоҳ таоло яхшилик қилганни Жаннат ила муждалайди, (куфр йўлини танлаб — Тарж.) ёмон амал қилганни Дўзахга қўйишини маълум қилади. У ҳолда, инсонлар ўз раъйлари ила ўзларини яхшиликка ё ёмонликка бошлаб жаннатий ва ёки дўзахий булар эканлар. Яхшиликни ҳам, ёмонликни ҳам яратган Аллоҳдир. Булардан бирини танлаш эса инсоннинг ихтиёридадир. Яхшилик қилган мукофотга эришади, ёмонлик қилган эса жазоланади. Аллоҳнинг ўз азалий илми орқали буни билишига Қадар (тақдир) дейилади. Аллоҳнинг илми азалийсида бўладиган нарсалар дунёда зуҳур этади (со¬дир бўлади). Бу зуҳур қазодир. Шунинг учун биз Аллоҳнинг қамма нарсани билишлигига ишониб "ҲОЙРИҲИ ВА ШАРРИҲИ МИНАЛЛОҲИ ТАЪАЛА" деймиз. Сўнгра эса яхши тарафни танлаймиз. Аллоҳдан хайрли оқибат сўраймиз.
 
BAXORDate: Juma, 05-Avg-2011, 00:53 | Message # 9
Peshqadam
Group: Ishonchli
Messages: 4071
Status:


ОХИРАТГА ИЙМОН

Севикли қизим! Буларга ишонгандан кейин охират кунига иймон келтириш лозим бўлади. Охират, бу - дунёнинг охири, ниҳояси. Бу дунё бир кун келиб тугайди. Ҳар бир жонли ўлади, ҳамма бу дунёдаги амалларидан суроққа тутилади. Ҳар бир киши дунё ҳаётида қилган яхшиликларининг мукофотини олади, ёхуд ёмонликларининг жазосини кўради. Бинобарин, Қуръони Азимушшанда Аллоҳ таоло: "Бас, ким бу дунёда зарра қадар яхшилик қилган бўлса, (Қиёмат кунида) унинг мукофотини кўрур, ким бу дунёда зарра қадар ёмонлик қилган бўлса, унинг жазосини кўрур" (Залзала, 7).

Ҳа, севикли қизим. Бу оламда содир этганинг зарра қадар ёмонлик учун хам жавоб берасан. Кимки бу дунёда зарра мисқолчалик яхшилик қилса, унинг мукофотини кўражак севинажакдир. Мужозотини кўриш учун эса жаҳаннам оловида ёнади, турли азобларга гирифтор қилинади. Агар иймон келтириб, яхши амаллар билан ҳаёт ўтказган бўлса, Қиёматда қурқув, ҳузун, қадардан узоқ бўлади. Жаннатда турли хил неъматларга ғарқ бўлади.

Ҳа, қизим. Аллоҳга бўлган ишончинг, яхшиликка майлинг туфайли сени жаннат кутади, ИншаАллоҳ. Иймонсизлар ва ёмон амал қилганлар эса даҳшатли Жаҳаннамга кирадилар. Севгили қизим! Бу эътиқоднинг (ишончнинг) МОҲИЯТИ олти нарсада мужассам бўлган. Мана эшит: "АМАНТУ БИЛЛАҲИ ВА МАЛАИКАТИҲИ ВА КУТУБИҲИ ВА РУСУЛИҲИ ВАЛ ЯВМИЙЛ —АХИРИ ВА БИЛ ҚАДАРИ ХОЙРИҲИ ВА ШАРРИҲИ МИНАЛЛОҲИ ТАЪАЛА ВАЛ БАЪСИ БАЪДАЛ МАВТ". Маъноси: "АМАНТУ — мен ишондим, БИЛЛАҲИ — Аллоҳга, ВА МАЛАИКАТИҲИ — фаришталарига, ВА КУТУБИҲИ — Ва (Аллоҳ томонидан юборилган) китобларга, ВАРУСУЛИҲИ — Ва (Аллоҳ томонидан юборилган) пайғамбарларга, ВАЛ ЯВМИЛ АХИРИ — Охират кунига, ВА БИЛ ҚОДАРИ ХОЙРИҲИ ва ШАРРИҲИ МИНАЛЛОҲИ ТАЪАЛА — яхшиликни ҳам, ёмонликни ҳам яратувчи Аллоҳ эканлигига, ВАЛ БАЪСИ БАЪДАЛ МАВТ — ўлгандан сўнгг қайтадан тирилишга" демакдир. Булар Исломнинг асоси бўлган ишончлардир. Булардан сўнг амал боби келадики, уни сен билан бирга Қуръони карим орқали ўрганиб оламиз.

Севикли қизим! Буюк раҳбаримиз Расули Акрам саллаллоҳу алайҳи васаллам ҳар бир хайрли ишни "Бисмиллоҳ" билан бошлар, ниҳоясида эса Аллоҳга ҳамд айтар эдилар. Сен ҳам ейишда, ичишда, бирор ишни бошлашингдан олдин бу илоҳий калимани айтишни унутма. Аллоҳнинг номи ила бошланган ҳар иш муваффаққият ила тугайди. Унинг номи билан ичилган сувлар руҳларга маънавий бир озуқа бўлади.

Muslima.uz.
 
BAXORDate: Yakshanba, 07-Avg-2011, 03:34 | Message # 10
Peshqadam
Group: Ishonchli
Messages: 4071
Status:


Муслиманинг дин китоби-2

АМАЛ. ҚИЗ БОЛАНИНГ ВАЗИФАЛАРИ

Севикли қизим! Ҳар мусулмон қиз балоғат ёшига етгач, унга муборак динимизнинг амрларини бажармоқ фарздир. Энди сенга муборак динимизнинг мусулмон қизларга фарз килган амрларини навбат билан тушунтириб бераман. Исломият етти ёшига қадар хоҳ ўғил бўлсин, хоҳ қиз бўлсин, болаларни маъсум деб ҳисоблайди. Яъни, улар бу ёшгача айбсиз, гуноҳсиз бўладилар, (амалларидан масьул бўлмайдилар. — Тарж.) Етти ёшдан сўнг Исломий маълумотлар ва туйғулар муҳақкақ ўрганилади. Ота-она қизларига мусулмонликни секин-аста ўргатадилар. Аллоҳ таолони танитадилар. Расулулоҳнинг йўлларини кўрсатадилар, фарзандларига Қурьони каримни ўргатадилар. Ғусл, таҳорат, таяммум, рўза, закот ва ҳаж каби амалларни тушунтирадилар.

Севикли қизим. Исломнинг шарти бештадир. Бу беш шартни ҳар бир мусулмон билиши лозим.

Булар: Калимаи Шаҳодат, Салот — намоз, Савм — рўза, Закот, Ҳаждир.

Калимаи шаҳодат қуйидагичадир: "АШҲАДУ АЛЛА ИЛАҲА ИЛЛАЛЛОҲУ ВА АШҲАДУ АННА МУҲАММАДАН АБДУҲУ ВА РАСУЛУҲ" АШҲАДУ — мен гувоҳлик бераманки, АН ЛА ИЛАҲА ИЛЛАЛЛОҲ — Аллоҳнинг бирлигига, Ундан бошқа илоҳ йўқлигига, ВА АШҲАДУ АННА МУҲАММАДАН АБДУҲУ ВА РАСУЛУҲ — ва яна гувоҳлик бераманки, Муҳаммад алайҳиссалом Аллоҳнинг қули ва Расули, яьни элчисидирлар.

Севикли қизим! Бу муборак калимаи шаҳодатни айтгандан сўнг, сенга тушадиган вазифа намоз ўқиш, рўза тутиш, молинг бўлса, закотини бериш, қодир бўлсанг, умрингда бир марта хажга боришдир.

Севикли қизим! Буларни балоғат ёшига етгунга қадар мутлақо ўрганиш керак. Ота-она фарзандини намоз ўқишга ташвиқ қилади, агар фарзанд ўқимаса уни уради.
 
BAXORDate: Yakshanba, 07-Avg-2011, 04:57 | Message # 11
Peshqadam
Group: Ishonchli
Messages: 4071
Status:


ОҚИЛ НИМА ДЕГАНИ?

Севикли қизим! Ҳар бир мусулмон қиз оқила бўлиши билан диний ишларни бажаришликка мукаллафдир. Яъни, Аллоҳ унга буюрган вазифаларни адо этишга мажбурдир. Оқил дегани, боланинг ҳамма нарсага ақли етиши демакдир. Ақли бўлмаган телбаларга Аллоҳнинг бўйруқларинн бажариш фарз эмас. Балоғат ёши, қизнинг қизлик чоғига эришиши, қон кўриши демакдир.

Севикли қизим! Аллоҳнинг амри билан муаййан вақтга келиб қизлардан ойда бир марта қон келади. Бунга одат (ҳайз) қони дейишади. Одат қони бадбўй бўлади. Бинобарин, бу қонга ойбоши қони ҳам дейилади. Аёлларда бу қон баъзан йўлини ўзгартиради. Бу сўзларимни диққат билан эшитишинг лозим. Оёқ орасидан келмай, оғиз, бурун, маммадан келиши ҳам воқеъ бўлади. Бу ҳолга "йўлини адаштирди" дейишади.

Севикли қизим! Бу қон аксарият вақт оёқлар орасидан келади. Ойбоши кўрадиган қизларда зуҳур этишга бошлайди. Буларнинг ой бошларида келиши қоннинг ҳидланиши, қуюклашувидан маълум бўлади. Севикли қизим. Бу ҳолат аёллар орасида ойбоши кўриш, одат кўриш, кирли (нопок) бўлиш ҳам дейилади. Қуръон тилида эса ҳайз дейилади. Бундай қон оққан муддат ичида аёллар, қизлар кирли (нопок) ҳисобланадилар. Бу кунларда намоз ўқимайдилар, рўза тутмайдилар, масжидга киролмайдилар, Қуръони Каримга қўл уролмайдилар, уни ўқиёлмайдилар, эрлари билан муносабатда бўлолмайдилар.

Севикли қизим. Нопок вақтингда эринг билан ётишинг мамнуъдир, таъқиқлангандир. Қон тўхтагач, тоза сув билан ювиниб ғусл олишинг керак. Ғусл қилгандан кейинги ҳолингга тоза (пок) кунлар дейилади. Бу нопок қон оқаркан, оққан жойни тоза докалар билан боғлаш лозимдир. Бу докалар нотоза бўлса ҳам касаллик келтиради, ҳам бадбўй ҳид чиқишига сабаб бўлади.

Севикли қизим. Қон келиши қизнинг балоғатга етганлигини билдиради. Ойбоши кўрган қизлар шаҳвоний ҳисларга тушкун бўлади. Ҳар сўзга, ёмонликка алданиб қолиши мумкин. Ёмон сўзлар, баъзи ишқий мавзудаги романлар, ёмонликка майл эттирувчи қўшиклар, бу даврда ёлғиз қолган қизга акс таъсир кўрсатади. Уни номусига иснод келтирувчи ҳолатларга бошлаши мумкин, бинобарин, бу даврда эҳтиёт бўлиш лозим.

Севгили қизим. Бу даврда инсонларни яхшиликка, эзгуликка етакловчи, ёмонликлардан узоқлаштирувчи нарса Аллоҳ севгиси - қўрқусидир. Аллоҳ севгиси, туйғуси қалблардан жой олдими, бу қалб эгаси турли ташқи таъсирлардан сақлана олади. Акс ҳолда эса, соний бир ҳаяжон сабаб бўлиб ёмон оқибатлар вужудга келади.
 
BAXORDate: Yakshanba, 07-Avg-2011, 05:03 | Message # 12
Peshqadam
Group: Ishonchli
Messages: 4071
Status:


ОЙБОШИ КЎРГАН ҚИЗНИНГ ВАЗИФАЛАРИ

Севгили қизим! Биринчи ёхуд иккинчи ойларда қон кўрган қиз бу қоннинг оқиш ва тўхташ вақтларини жуда яхши билиб олиши лозим. Чунки бу муаййан кунлар, динимизга кўра одат кўриш кунлари ҳисобланади. Бу кунлар қиз қарилик чоғига етгунга қадар давом этади.

Севгили қизим. Йилда 13 марта қон кўриш; 28-29 кунда ойбоши қони кўриш бир қизнинг интизомли тарздаги саломатлигига ишоратдир. Ойбошида бу қон Аллоҳ амр этган суратда 3 кундан 10 кунгача оқиши мумкин. 3 кундан кам ёки 10 кундан ортиқ оққан қонлар ҳайз қони ҳисобланмайди.

ҚОННИНГ РАНГИ

Севгили қизим! Бу масалаларни билиб олмоғинг кони фойдадир. Зеро, илмда ҳаёсизлик бўлмайди. Яхши ўрганган, муҳаққақки, яхши инсон бўлиб етишади.

Севгили қизим. Бу қон қизил, қора-қизил, тўқ сариқ, оч сариқ, яшилга яқин (ўхшаш) сариқ, оққа ўхшаган сариқ рангларда бўлиши мумкин. Санаб ўтилган бу олти рангда бўлганлар ойбоши қонидир. Оқ, сут ранги ёки сомон рангида келган сув ойбоши қони эмас. У бир сув оқишидир. Аёллар бунга оқлик дейишади.

ОЙБОШИ КУТГАН ҚИЗНИНГ БИЛИШИ ЛОЗИМ БЎЛГАН АМАЛЛАР

Севгили қизим! Юқорида ҳам айтиб ўтганимиздек ойбоши кўрган қиз қон тўхтагунча намоз ўқимайди, бу муддат ичида ўқиёлмаган намозларини қазо ҳам этмайди. Қуръони Каримга қўл теккизмайди ва ўқиёлмайди, агар бу қон муборак Рамазони шарифга тўғри келиб қолса, рўза тутолмайди, тутмаган кунларини бошқа бир кунда, покиза пайтда қазо қилиб тутиб беради. Агар Ҳажда кўрса, Байтуллоҳни зиёрат қилолмайди, эрига яқинлашолмайди. Меҳрибон ва раҳмли Аллоҳимиз бу кунларни сиз учун бир истироҳат палласи қилиб қўйган. Бу муддат оралиғида намоз ўқимасангиз ҳамки, ўқиган каби сизга савоб берилур... Қон тўхтагач эса дарҳол ғусл қилинади. Намоз ўқилади, рўза тутилади.

Севгили қизим, агар бу қон ўн кундан кўп келса, билингки, бу ойбоши қони эмас, вужуддаги бир хасталикдир.

Севгили қизим. Бу қон ўн кундан олдин тўхтаса, ғусл қилиб тозаланади, бинобарин, шундан сўнг намоз ўқийди, рўзасини тутади, Ҳажда бўлса Байтуллоҳни тавоф қила олади. (Ҳанафий мазҳабида ўн кунлик ҳайз кўрган аёлга ҳайзи тўхташи билан яқинлик қилса бўлади.Ўн кундан оз муддат ҳайз кўрган аёлга эса, ҳайзи тўхтаб ғусл қилганидан кейин ёки агар ғусл қилмаса - бир намознинг вақти ўтгандан кейин, яқинлашишга рухсат берилган — таржимон иловаси.) Қуръони Каримдаги Бақара сурасининг 222-ояти каримасида шундай марҳамат қилинади: " Сиздан ҳайз ҳақида сўрайдилар. Айтинг: «У кўнгилсиз-нопок нарсадир. Бас, ҳайз пайтида аёлларингиздан четланингиз ва то покланмагунларича уларга яқинлашмангиз! Пок бўлганларидан кейин уларга Аллоҳ буюрган тарафдан келингиз! Албатта Аллоҳ тавба қилгувчиларни ва ўзларини мудом пок тутгувчиларни севади».

Севгили қизим. Динимизнннг бу амрларини замонамиз табиблари ҳам қабул қилганлар, бу қон оққан даврда яқинлашишнинг касалликка сабаб бўлишини айтганлар. Бу қон оқиши аёлларнинг бола туғишга қўлай бир ҳол олишларини таъминлайди. Қоннинг оқиши билан аёлнинг вужуди тозаланади. Бу муддат ичида эркакка яқинлашиш билан заиф далага уруғ таъсир этмагани каби ёмон натижалар олинади.


 
BAXORDate: Yakshanba, 07-Avg-2011, 05:11 | Message # 13
Peshqadam
Group: Ishonchli
Messages: 4071
Status:


ҲОМИЛАДОРЛИК

Севгили қизим! Аёллар ҳомиладор бўлишгач, "ойбоши" дейилувчи қон тўхтайди. Эмизикли боласи бор аёлдан ҳам бу одатлар кесилади. Севгили қизим. Иккинчи, учинчи ойда хам қон келмаса, аёлнинг ҳомиладорлиги маълум бўлади. Икки ойдан бошлаб ҳисобланиб, тўққиз ой, ўн кунда бола туғиладиган вақт келади. Ҳомиладор аёллар жуда кўп қийинчиликни бошларидан ўтказадилар. Баъзан бу қийинчиликка чидамай ёхуд келажакда болани боқишдан андиша қилиб уни туширишга уринадилар. Бу ўта золимлик ва калтафаҳмликдир. Шуни унутмаслик керакки, боласини туширган уни ўлдирган кабидир. Ҳа, қизим, бу энг катта гуноҳдир. Мўмина аёл ҳар туғилган боланинг ризқини Раззоқ сифатли Аллоҳ бериши, инчунун фарзандни ҳам Аллоҳнинг бир неъмати деб билмоғи лозим. Ҳомиладорлик даврида тортган қийинчиликлари туфайли Ҳақ таоло аёлга жуда улуғ даражалар эҳсон этади.

Севгили қизим. Ҳомиладорлик даврига “бошқоронғулик даври" ҳам дейишадики, бу давр мобайнида ҳомиладор аёлларнинг кўнгли турли овқатларни тусаб қолади. Уларни ўз вақтида истеъмол қилишлик бўлажак фарзанднинг чиройли, соғлом бўлишига бир васила бўлади.

Севгили қизим. Кўз ёриш муддати яқинлашган сайин оғриқлар орта бошлайди. Бу оғриқлар дастлаб раҳмда бўлмайди, ўтиб кетади. Бу оғриқларга ёлғончи дард дейишади. Кўз ёриш пайтида эса раҳмда оғриқ бошланади. Раҳмда оқ бир суюқлик ҳосил бўлади. Бу оқ суюқлик докага оқ доғ (из) қолдиради, ранги ним пушти (оч қизил), лимон рангидадир. Бу рангга нишона дейишади. Дарҳақиқат, ним пушти (оч қизил) рангда келган бу суюқлик туғилишдан нишонадир.

Севгили қизим. Юқорида айтиб ўтилганидек кўз ёриш пайтидаги машаққатлари учун Аллоҳ аёлга бир неча ажр-савоблар ва даражалар эҳсон этади. (Шу ўринда Абдуллоҳ бин Умар разияллоҳу анҳудан нақл қилинган қуйидаги ҳадиси муборакни келтиришни лозим деб топдик: "Аёл, ҳомиладорлигидан кўзи ёригунга қадар ва болани сутдан ажратгунга қадар Аллоҳ йўлида ҳудудларда қўриқчилик қилган мужоҳид кабидур." (Доим шундай савоб олиб туради, агар бу сарҳадларда ўлса, унга шаҳид мукофоти ва савоби бордир — Таржимон иловаси). Чақалоқ туғилгач киндигининг тўрт бармоқ юқорисидан кесилади. Тоза жундан ўралган ип билан боғлаб қўйилади. Катта заҳмат билан кўзи ёриган аёл беҳуш, ҳеч бир нарсадан хабарсиз вазиятда бўлади. Энага аёл эса чақалоқни тоза буз матога ўраб, онасининг қучоғига қўяди.
 
BAXORDate: Yakshanba, 07-Avg-2011, 05:15 | Message # 14
Peshqadam
Group: Ishonchli
Messages: 4071
Status:



ТУҒИЛГАН ЧАҚАЛОҚ ОЛДИДАГИ ВАЗИФАЛАР

Севгили қизим! Туғилган зурриётнинг қўлоғига энг аввал эшиттириладиган овоз Аллоҳнинт бирлиги ва Унинг элчиси Муҳаммад алайҳиссаломнинг рисолатларини маълум қиладиган овоз бўлмоғи керак. Шунинг учун мусулмон ота-онага тушадиган энг муҳим вазифалардан бири боланинг ўнг қўлоғига азон, чап қўлоғига такбир айтиб, бу муборак калималарнинг бола қалбига ўрнашишига ҳаракат қилмоқдир. Азон инсонларни Аллоҳнинг бирлигини қабул қилишга, У Ҳолиқи Мутлаққа ибодат этишга чорлайди. Юқорида айтиб ўтганимиздеқ инсонлар руҳ оламидаёқ Аллоҳнинг бирлигини тан олганлар, вужуд (тан) оламига келмасдан ҳам унинг қўлоғига бу муқаддас калималарни эшиттириб қалбларга жойлаштирадилар. Ҳа, бу катта бир вазифадир.

Севгили қизим. Ота-онанинг яна бир вазифаси фарзанди ҳаққига қуйидагича дуо этмоқдир: "Аллоҳий, шу боламни ота-онага итоатли, Ислом йўлида қадамларини баракотли қилгин”. Ота-онанинг авлоди ҳақига қилган дуоси Пайғамбарнинг уммати ҳақига қилган дуоси каби мақбулдир. Бинобарин, фарзандларингиз ҳақига ҳамиша хайрли дуо қилинг.

Севгили қизим. Фарзанд дунёга келгач, имконингиз бўлса, Аллоҳнинг бу буюк неъматига шукрона сифатида бир қурбонлик суйинг. Бу қурбонликка Ақиқа қурбонлиги дейилади. Сарвари Олам пайғамбаримиз Муҳаммад алайҳиссалом неваралари Ҳасан ва Ҳусайнларга дарҳол ақиқа қурбонлиги суйганлар. Ўзлари учун эса ақиқа қурбонлигини қирқ ёшларидан кейин суйганлар. Қурбонлик учун қўй, эчки каби ҳайвонларни суйиш мумкин. Баъзилар қурбонлик сифатида хўрозни суйишади. Бу қурбонлик ҳисобланмайди. Бинобарин, хўрозни қурбонлик қилиш одати динимизда йўқдир. Бу бизга қадимги туркларнинг динидан қолган ботил одатдир.

Севгили қизим. Ота-она фарзандига яхши исм қўймоғи лозим. Жоҳилият даврида, яъни Исломиятдан илгари диний маълумотлари, ишончлари бўлмаган қавмлар баъзан болаларига Абдушшамс (Қуёшнииг қули) каби ёмон исмлар қўйганлар. Расули Акрам бу исмни Абдуллоҳ дея ўзгартирдилар. Абдуллоҳ - Аллоҳнинг қули демакдир. Шунинг учун хам фарзандларингизга муқаддас динимизнинг кўрсатмаларига мувофиқ исм қўйинг. Бутпарастлик замонидаги исмларни қўйишдан сақланинг.

Севгили қизим. Ота-оналарга оид вазифалардан яна бири ўғил фарзандларини суннат-хатна қилдирмоқликдир. Иброҳим алайҳиссалом барча пайғамбарларнинг отаси ҳисобланадилар. Ҳатто ул Зот хам Аллоҳнинг амри билан тўқсон беш ёшларида хатна бўлганлар. Шу сабабдан Бани Исроилга мансуб бутун пайғамбарлар ва умматлари суннат бўлдилар. Яҳудийларда жуда кичик ёшидан, бизнинг динимизда уч ёшдан ўн икки ёшгача хатна бўлиш давридир. Бу даврда ҳар мусулмон ўғил бола хатна бўлиши керак.

Севгили қизим. Болаларингга Қуръони Каримни, шариат йўлини ўргатиш энг муҳим вазифаларингдандир. Шу билан бирга уларни дунёвий илм, санъатдан воқиф қилмоқ лозим. Чунки инсон бешикдан қабргача илм ўрганмоғи лозим. Сарвари Олам саллаллоҳу алайҳи васаллам бир ҳадиси муборакларида "Ҳар бир мусулмон аёл ва эркакнинг илм олмоғи фарздир” деганлар. Қурбонлик учун қўй, эчки каби ҳайвонларни суйиш мумкин. Баъзилар қурбонлик сифатида хўрозни суйишади. Бу қурбонлик ҳисобланмайди. Бинобарин, хўрозни қурбонлик қилиш одати динимизда йўқдир. Бу бизга қадимги туркларнинг динидан қолган ботил одатдир.

Севгили қизим. Ота-она фарзандига яхши исм қўймоғи лозим. Жоҳилият даврида, яъни Исломиятдан илгари диний маълумотлари, ишончлари бўлмаган қавмлар баъзан болаларига Абдушшамс (Қуёшнииг қули) каби ёмон исмлар қўйганлар. Расули Акрам бу исмни Абдуллоҳ дея ўзгартирдилар. Абдуллоҳ - Аллоҳнинг қули демакдир. Шунинг учун хам фарзандларингизга муқаддас динимизнинг кўрсатмаларига мувофиқ исм қўйинг. Бутпарастлик замонидаги исмларни қўйишдан сақланинг.

Севгили қизим. Ота-оналарга оид вазифалардан яна бири ўғил фарзандларини суннат-хатна қилдирмоқликдир. Иброҳим алайҳиссалом барча пайғамбарларнинг отаси ҳисобланадилар. Ҳатто ул Зот хам Аллоҳнинг амри билан тўқсон беш ёшларида хатна бўлганлар. Шу сабабдан Бани Исроилга мансуб бутун пайғамбарлар ва умматлари суннат бўлдилар. Яҳудийларда жуда кичик ёшидан, бизнинг динимизда уч ёшдан ўн икки ёшгача хатна бўлиш давридир. Бу даврда ҳар мусулмон ўғил бола хатна бўлиши керак.

Севгили қизим. Болаларингга Қуръони Каримни, ша¬риат йўлини ўргатиш энг муҳим вазифаларингдандир. Шу билан бирга уларни дунёвий илм, санъатдан воқиф қилмоқ лозим. Чунки инсон бешикдан қабргача илм ўрганмоғи лозим. Сарвари Олам саллаллоҳу алайҳи васаллам бир ҳадиси муборакларида "Ҳар бир мусулмон аёл ва эркакнинг илм олмоғи фарздир” деганлар. Болаларга аввало "ЛА ИЛАҲА ИЛЛАЛЛОҲУ МУХАММАДУР РОСУЛУЛЛОҲ" калимасининг маъносини тушунтириб берасиз. Аллоҳнинг яккаю ягоналиги, ҳар нарсани яратган Аллоҳ эканлиги, шериги ва ўхшаши йўқлиги, ҳаар маҳлуқотнинг Унга муҳтожлигини ўргатасиз. Муҳаммад алайҳиссалом Аллоҳнинг қули ва элчиси эканликларини билдирасиз. Хуллас, Аллоҳ ва Унинг ҳабиби Муҳаммад алайҳиссаломни севдиришга ҳаракат қиласиз. Ҳар ишда инсониятга намуна бўлган Муҳаммад алайҳиссаломни ўргатиш ва севдириш болаларни энг катта давлатга эриштириш демакдир.

Севгили қизим. Фарзандларингизга доимо очиқ чеҳра, ширин сўз билан, бошларини силаб муомалада бўлинг. Номақбул иш қилсалар бунинг олдини олишга интилинг. Қиз бола туғилган уйда барака, ризқ мўл бўлади. Расулуллоҳ саллоллоҳу алайҳи васаллам "Зинҳор қиз болалардан юз ўгирманг. Мен қизлар(нинг) отасиман", дея марҳамат қилганлар. Исломиятдан аввал, яъни жоҳилият замонида қиз бола туғилса ундан юз ўгиришар, юзларини буриштиришар, ҳаттоки баъзан тириклайин кўмишар эдилар. Исломият бу жоҳилона одатга бардам берди. Аёлнинг мавқеини кўтарди. Расулуллоҳ саллоллоҳу алайҳи_и васаллам ҳам вафотларидан олдин, видо ҳажидаги хутбалари-да: "Эй инсонлар! Хотинлар ҳақларига риоят этингиз. Улар билан шафқат, меҳр ила муомалада бўлингиз. Уларнинг ҳақлари хусусида Аллоҳдан қўрқингиз! Хотинлар сизларга Тангрининг омонатидир, Уларни Аллоҳ номига сўз бериб олдингиз, улар амри Илоҳий ила сизга ҳалол бўлди. Сизнинг хотинлар устида ҳақларингиз бўлгани каби, хотинларнинг ҳам сизда ҳақлари бордир. Сизнинг хотинлардаги ҳақларингиз — хотинларнинг оила шарафини сиз ёқтирмайдиган ҳеч бир кимсага оёқ ости қилдирмасликларидир. Хотинларингизнинг ҳар турли ейиш ва кийим эҳтиёжларини таъминлашингиз эса, уларнинг сизнинг устингиздаги ҳақларидир. Улар сизнинг ҳақларингизга риоят этмоқлари керак. Сиз ҳам уларга назокат билан муомала этишингиз лозим. Бир хотин эрининг рухсатисиз унинг молидан бирор нарсани бировга бериши ҳалол эмас", дея марҳамат қилганлар.

Севгили қизим. Ўлим ҳар бошда бор. Бинобарин, вафот этган фарзандининг аламига дош берганлар катта савоб ва даражаларга эришгайлар, ИншаАллоҳ. Боласи ўлгач, дод-фарёд кўтармай, Аллоҳга таваккул қилган ҳолда Ундан сабр сўраш ҳар оқила мўминанинг фазилатларидандир. Зеро, Расули Акрам саллаллоҳу алайҳи васаллам бир кун хотинларга: "Орангизда ҳеч бир хотин йуқки, фарзандидан учтасини ўзидан олдин охиратга йўлласин-да, бу фарзандлари унга дўзахдан тўсиқ бўлмасин", дея марҳамат қилганларида у ердаги аёллардан бири "Ё, Расулоллоҳ, иккитаси вафот этса ҳам шундайми?" —деб сўради. Расули Акрам саллаллоҳу алайҳи васаллам "Ҳа, иккитаси вафот этса ҳам шундай", дедилар.
 
BAXORDate: Yakshanba, 07-Avg-2011, 05:20 | Message # 15
Peshqadam
Group: Ishonchli
Messages: 4071
Status:


НИКОҲ

Севгили қизим! Аллоҳ таоло инсон зурриёти давом этсин учун уларни жуфт қилиб яратди. Одам алайҳиссаломни тупрокдан яратгандан сўнг, чап умуртқа суякларидан Ҳавво онамизни халқ этди. Аллоҳнинг изни билан икковлари ер юзида никоҳланиб турмуш қурдилар. Шу тарифа инсонлар кўпайди.

Севгили қизим. Никоҳ икки ёшнинг оила қураётганлигини билдирувчи аҳдномадир. Никоҳ эълон қилинади. Шоҳидлар (гувоҳлар) ҳозир бўлишади. Улар икки томоннинг турмуш қуришга розиликларини эшитишади. Қуръони каримдан никоҳ ҳақидаги оятлардан ўқилиб, мустақил оила ҳаётига қадам қўяётганларга бахт-саодат тиланади, муборакбод этилади.

Севгили қизим. Насаб алоқаси туфайли никоҳ ҳаром қилинган аёллар борки, буларни жуда яхши билиб олмоғинг шартдир. Бу мавзу билан алоқадор ояти карималарни қуйида келтирамиз: " Сизлар учун оналарингиз, қизларингиз, опа-сингилларингиз, аммаларингиз, холаларингиз, ака-укаларингизнинг қизлари, опа-сингилларингизнинг қизлари, эмизган оналарингиз, эмишган опа-сингилларингиз, қайноналарингиз, жинсий алоқада бўлган хотинларингизнинг тарбиянгизда бўлган қизлари (мана шу санаб ўтилган аёлларга уйланиш ҳаром қилинди) — агар хотинларингиз билан жинсий алоқада бўлмаган бўлсангиз (уларни талоқ қилгандан кейин аввалги эрларидан туғилган қизларга уйлансангиз) сизлар учун гуноҳ йўқдир. Яна ўз пушти камарингиздан бўлган ўғилларингизнинг хотинларига (уйланишингиз) ҳамда опа-сингил-алмашларингиз (яъни бирини талоқ қилмай туриб бошқасига уйланишларингиз ҳаром қилинди). Магар илгари ўтган бўлса (Аллоҳ афв этар). Албатта Аллоҳ мағфиратли ва меҳрибон бўлган зотдир" (Нисо сураси, 23-оят). Бошқа бировларнинг боласини овутиш мақсадида эмизсанг ҳамки сенинг боланг у билан эмикдош бўлди. Бунта аксарият ҳолларда кўп ҳам эътибор берилмайди. Пировардида, эмикдошларни бир-бирига никоҳлаб катта гуноҳга йўл қўйишади.

Севгили қизим. Эр-хотин оилада бир-бирига яхши муомалада бўлиши, арзимаган нарсалар сабаб бўлиб бир-бирининг дилини оғритмаслиги лозим. Баъзи аёллар эр олиб келаётган неъматларни оз билиб, ношукрлик қиладилар, исён кўтарадилар. Аллоҳ асрасин, бу сабрсизлик жаҳаннамга олиб бориши мумкин. Шу ўринда Расулуллоҳ саллоллоҳу алайҳи васалламнинг Меърож ҳодисаси билан алоқадор қуйидаги ҳадиси мубораклари ўта ибратлидир.

— Меърож кечаси менга дўзах кўрсатилди. Қарадимки, аҳли дўзахнинг кўпчилигини аёллар ташкил қилган экан. Улар куфр келтирадилар.

— Ё Расулаллоҳ! Улар Аллоҳга куфр келтиришадими? — дея сўрадилар саҳобалар.

— Йуқ. Улар эрларига қарши куфрони неьматда бўладилар. Яъни, яхшиликка муқобил куфр этадилар. Бирисига дунё тургунча яхшилик қилсанг ва у ёктирмайдиган бир иш тутсанг, мен сиздан ҳеч бир хайр (яхшилик) кўрмадим, дейди” дедилар Расули Акрам саллаллоҳу алайҳи васаллам.

Севгили қизим. Энди бу ҳадиси шарифга ҳам қўлоқ тут. Расули Акрам марҳамат қиладилар: "Қайси хотин эри ундан мамнун (рози) бўлган ҳолда ўлса, жаннатга киради". Ҳа, қизим. Кўряпсанки, оила ҳаётида завжингга севги ва муҳаббат, чуқур ҳурмат ила боғланишинг лозим экан.

Севгили қизим. Эри вафот этган ёки турли сабаблар билан оиласидан ажрашган аёллар уч иддат, яъни уч ҳайз кўриш вақтини кутишлари шарт. Бу вақт мобайни-да турмушга чиқа олмайдилар. Чунончи, бу вақт ичида аёлнинг раҳми батамом тозаланади. Шундай қилиб, бўлажак фарзанднинг насл-насаби ҳам аниқланади. Расули Акрам "Аёлларнинг энг хайрлиси диндор бўлганидир",деганлар. У зоти бобаракот эркакларга насиҳат қилиб, яна шундай марҳамат қиладилар: "Бир аёл тўрт сифати учун никоҳга олинади: моли, чиройи, насл-наса¬би ва диндорлиги учун. Сен диндор бўлганини танла, барака топкур". Бу тавсияга амал қилинса, дунё ва охират саодатига эришилади, иншааАллоҳ.
 
BAXORDate: Yakshanba, 07-Avg-2011, 05:22 | Message # 16
Peshqadam
Group: Ishonchli
Messages: 4071
Status:


ОТА-ОНАГА ИТОАТ ВА ҲУРМАТ

Севгили қизим! Ота-онага яхшилик қилиш ва ҳурмат кўрсатиш, уларга итоат — фарзанднинг бурчидир. Аллоҳ таоло Қуръони каримда шундай марҳамат қилади: "Парвардигорингиз, ёлғиз Унинг Ўзига ибодат қилишларингизни ҳамда ота-онага яхшилик қилишларингизни амр этди. Агар уларнинг (ота-онангизнинг) бирови ёки ҳар иккиси сенинг қўл остингда кексалик ёшига етсалар, уларга қараб «уф» тортма ва уларнинг (сўзларини) қайтарма! Уларга (доимо) яхши сўз айт! Улар учун, меҳрибонлик билан, хорлик қанотини паст тут — хокисор бўл ва: «Парвардигорим, мени (улар) гўдаклик чоғимдан тарбиялаб-ўстирганларидек, сен ҳам уларга раҳм-шафқат қилгин», деб (ҳақларига дуо қил)!" (Ал-Исро, 23-24). Ҳазрати Али разияллоҳу анҳу бу оятни ўқигач, агар ота-онага қарши "уф" сўзидан ҳам юмшоқ сўз бўлса эди, Аллоҳ таоло бизни уша сўз билан наҳий этарди (қайтарарди), деган эканлар.

Севгили қизим. Айниқса онанинг фарзандлари устидаги хақлари каттадир. Бинобарин ҳар доим унта назокат ила муомала этишинг, қўлингдан келган яхшиликни қилишинг лозим. Бир киши Расули акрам саллаллоҳу алайҳи васалламдан:

— Ё, Расулуллох, мен кимга яхшилик қилай? — деб сўради.

Расулуллоҳ саллаллоҳу алайҳи васаллам уч марта "Онангга", шундан кейин эса "Отангга" дедилар.

Ота-онага ҳар доим ҳурматда бўлсанг, уларнинг дилларини оғритмасанг буюк давлатга эришасан. Ота-онанг сени Аллоҳ рози бўладиган ҳар қандай ишга буюрса сўзсиз бажар. Агар ёмонликка бошлайдиган бўлсалар, уларга итоат этмайсан.
 
BAXORDate: Yakshanba, 07-Avg-2011, 05:26 | Message # 17
Peshqadam
Group: Ishonchli
Messages: 4071
Status:



ЭНГ КАТТА ТАҲЛИКА

Севгили кизим! Зино энг ёмон ва катта гуноҳдир. У оилаларни йиқади, ахлоқни бузади. Жамият ҳаётини катта таҳликага солиб қўяди. Қуръони каримда "ВАЛА ТАҚРАБУЗЗИНА", яъни "Зинога яқинлащманг" амри бор. Агар яхшилаб ўйлаб кўрилса, бу оят бизни зино у ёқда турсин, зинога яқинлаштирувчи ҳар қандай йўлга киришдан қайтармоқда. Олди-қочди романларни ўқиш, ҳаёсиз киноларни кўриш, уятсиз сўзларни гапириш, рўмолсиз, ярим яланғоч юриш зинога яқинлаштирувчи воситалардир. Зино йўлига яқинлашиш инсониятни катта таҳликага олиб боради. Насллар бузилади. Чунончи, газетларда тез-тез ўқиб турамиз хунук хабарлар, ўлимларнинг аксариятига шу зино сабаб бўлмоқда. Охиратда энг шиддатли азобга дучор бўладиганлар ҳам зино қилганлар ва унга яқинлашгандардир. Дунёнинг энг номусли кишилари зинодан ҳазар қиладиганлар ва "Аллоҳдан ҳақрост қўрқишлик билан" қўрқадиганлардир. Қуръони каримда сиз муҳтарама аёллар ўраниб юриш, рўмол ўрашга буюрилгансизлар. Зеро, исломий ҳаёт зинога олиб борувчи йўлларга тўсиқдир. Нур сурасининг 31-оятида шундай марҳамат қилинади: "Мўминаларга ҳам айтинг, кўзларини (номаҳрам эркакларга тикишдан) тўссинлар ва авратларини (ҳаромдан) сақласинлар! Ҳамда кўриниб тургандан бошқа зеб-зийнатларини (яъни устларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар! Улар зеб-зийнатларини кўрсатмасинлар, магар эрларига ё оталарига ё эрларининг оталарига ё ўғилларига ё эрларининг ўғилларига ё ўзларининг оға-иниларига ё оға-иниларининг ўғилларига ё опа-сингилларининг ўғилларига ё ўзлари (каби) аёлларга ё қўл остиларидаги чўриларга ё (аёллардан) беҳожат бўлган (яъни жуда кексайиб қолган ёки ақлсиз-девона) эркак хизматкор-қулларга ё аёлларнинг авратларидан хабардор бўлмаган гўдакларгагина (кўрсатишлари жоиздир). Яна яширган зеб-зийнатлар билинсин учун оёқларини (ерга) урмасинлар! Барчаларингиз Аллоҳга тавба қилинглар, эй мўминлар! Шоядки (шунда) нажот топсангизлар".

Севгили қизим. Агар ояти кариманинг маъносига эътибор берган бўлсанг, ҳар турли бегона ва ёмон қарашлардан сақланишинг учун Аллоҳ рўмол ўрашингни буюрмоқда. Ҳаёсиз, динсиз кимсалар каби йўл тутсанг, ёмонликка қўрол бўласан. Бу дунёда беҳузур, охиратда эса даҳшатли азобга гирифтор бўласан.
 
BAXORDate: Yakshanba, 07-Avg-2011, 05:38 | Message # 18
Peshqadam
Group: Ishonchli
Messages: 4071
Status:


ТОЗАЛИК

Севгили қизим! Бизнинг динимиз тозалик асосига бино бўлган. Ҳазрати Пайғамбаримиз саллаллоҳу алайҳи васаллам: "Тозалик иймондандир” деган муборак сўзлари билан бизнинг ҳар хусусда тоза бўлишлигимизни тавсия этмоқдалар. Аллоҳ таоло ҳам Расули саллаллоҳу алайҳи васалламга Мудассир сурасида: “Либосларингизни пок тутинг!” дея марҳамат қилади. Уст-бош, вужуд, уй тозалиги Исломиятдаги аҳамиятли масалалардандир. Ибодат қилиш учун ҳам энг аввало покизалик талаб қилинади. Меҳрибон Роббимиз тоза юришимиз, ибодатларимизни тозаланиб адо этишлигимиз учун сув каби бебаҳо неъматни яратиб қўйибди.

ҒУСЛ

Севгили қизим! Аёлларда ҳайз ва нифос қони тўхтагач, завжа ила жимоъдан кейин ғусл қилинади. Севгили қизим. Қуйидагилар ғуслнинг фарзларидандир. Уларни яхшилаб билиб олиш лозим:

1. Тоза сув билав оғизни ғарғара қилиб бўғизгача ювиш.

2. Димоққача бурунга сув тортиш.

3. Бутун вужудни ювиш.

Умуман, ғусл қилиш тартиби қуйидагича:

1. Аввало ғусл қилишликка ният қилинади.

2. Аврат жойлар ювилади.

3. Намоздан олдин таҳорат олингани каби таҳорат олинади.

4. Бошга, ундан сўнг ўнг ва чап елкаларга сув қўйилиб, бадан яхшилаб ишқалаб ювилади.

Ғусл қилганда вужуднинг ҳеч бир жойи қуруқ қолмаслиги керак. Соч ўрилган бўлса ёйиш шарт эмас. Бироқ сочларнинг остига албатта сув тегиши даркор. Оёқ остида ғусл суви қолган бўлса оёқлар қайтадан ювилади. Ғусл қилинаётганда лунгисиз қиблага томон бурилмайди. Ғуслдан кейин намоз ўқиш, рўза тутиш, Қуръон ўқиш мумкин.
 
BAXORDate: Yakshanba, 07-Avg-2011, 05:45 | Message # 19
Peshqadam
Group: Ishonchli
Messages: 4071
Status:




ТАЯММУМ

Севгили қизим! Таҳорат ва ғусл учун сув топилмаса тоза тупроқ билан таяммум қилинади. Бу ҳақда Қуръони каримда қуйидаги оят бор: "... Агар бетоб ё сафарда бўлсангизлар, ёки сизлардан бирон киши ҳожатхонадан чиққан бўлса, ёхуд хотинларингиз билан яқинлашган бўлсангиз ва (мазкур холатларда) сув топа олмасангиз покиза тупроқ билан таяммум қилиб, юз ва қўлларингизга суртинглар. Албатта Аллоҳ афв этувчи ва мағфиратли бўлган зотдир" (Нисо, 43). Аввало "Таяммум олмоқликка ният этдим" дейсан. Қўлларингни икки марта тоза тупроққа уриб, орқа ва олдига суркагандан сўнг юзингга масҳ тортасан.Тоза тупроққа қўлларингни иккинчи бор суркаб, дастлаб чап қўлнинг кафти билан ўнг қўлингни, ва ўнг қўлингнинг кафти билан чап қўлингга тирсаккача масҳ этасан. Шу билан таяммум қилинган ҳисобланади. Агар жунубликдан покланмоқ учун таяммум қилишга тўғри келса, "Ният қилдим ғусл учун таяммум олишга", дейилади. Таҳорат олиш мақсадида таяммумга эҳтиёж сезилганда эса "Ният этдим таҳорат учун таяммумга", деб ният қилинади. Бироқ таяммум билан бир марта намоз ўқий оласан. Вақти кирган навбатдаги намоз учун эса қайтадан таяммум қилиш лозим. Кўп сувни кўриш таяммумни бузади. Бинобарин, бундай пайтда сув билан қайта бор ғусл ёки таҳорат олинади. Таҳоратни бузадиган ҳоллар таяммумни ҳам бузади. Доимий тарзда таҳоратни бузадиган хасталиклар бўлса, ойбоши муддати бўлган ун кундан кейин, фарзанд кўргач, қирқ кундан кейин яна қон ёки суюқлик келса, пешобни тутишнинг иложи бўлмаса ҳар намоз учун алоҳида таҳорат ёки таяммум олиб намоз ўқишда давом этилади. Бундай ҳолдагиларга узр соҳиби дейилада.
 
BAXORDate: Yakshanba, 07-Avg-2011, 05:50 | Message # 20
Peshqadam
Group: Ishonchli
Messages: 4071
Status:
ТАҲОРАТ

Севгили қизим! Таҳорат олишлик ибодатнинг тамалидир. Таҳорат арабчада вуду дейилади. Намоздан олдин вужуддаги муайян аъзоларни ювишлик таҳоратдир. "Моида" сурасининг 6-ояти каримасида қуйидагича марҳамат қилинади: " Эй мўминлар, намозга турганингизда юзларингизни ҳамда қўлларингизни чиғаноқларигача ювингиз, бошларингизга масх тортингиз (яъни нам қўлларингиз билан силангиз) ва оёқларингизни ошиқларигача ювингиз! Агар жунуб бўлсаларингиз, чўмилингиз! ... " Ояти каримада кўрсатилганлар таҳоратнинг фарзларидир. Таҳорат олишга ният қилиб, "Бисмиллаҳил азийм, валҳамдуллиллаҳи ва ала дийнил Ислам" дейиш, бир қўлнинг бармоқлари билан иккинчи қўлнинг бармоқлари орасини ишқалаш, қўлларни билакларгача уч марта ювиш, бармоқларни ҳилоллаш (бармоқ ораларини ишқалаш), бармоқда узук бўлса, уни уйнатиб остита сув теккизиш, мисвок ёки тиш чуткаси ишлатиш, юз, қўл ва оёқларни уч марта ювиш, оёқ бармоқларининг ора¬сини ишқалаш, бошнинг ҳамма томонини масҳ этиш, шаҳодат бармоқ билан қўлоқнинг ичини, бош бармоқ билан қўлоқнинг орқасини (ташқарисини) масҳ этиш кабилар суннат амалларидир. Тирноқларга сурилган лак теридаги ҳар хил буёқлар кетказилмасдан олинган таҳорат ҳақиқий ҳисобланмайди. Бу ҳолда ибодат қилиб бўлмайди.

ТАҲОРАТНИНГ МУСТАҲАБЛАРИ

Севгили қизим! Мустаҳаб ўта савобли амаллардандир. Қиблага қараб таҳорат олиш, сув сачратмаслик учун баландроқ жойда ўтириш, обдаста билан таҳорат олаётганда унинг сопини ювиш, обдастани чап томонга қўйиш, кучи етса бошқа кишига сув қўйдирмаслик таҳорат ниятини тил билан айтиш, таҳорат дуоларини ўқиш, дуоларни билмаса, "ЛА ИЛАҲА ИЛЛAЛЛОҲ МУҲАММАДУР РАСУЛУЛЛОҲ" дейиш, узр соҳиби бўлса ҳар намоз учун таҳорат олишлик таҳорат пайтида дунёвий сўзлардан гапирмаслик бурунни чап қўлда қоқиш, шаҳодат бармоғи ва уч бармоқ билан буйинга масҳ тортиш кабилар мустаҳаб, яъни жуда савобли амаллардандир.

ТАҲОРАТ ҚАНДАЙ ОЛИНАДИ?

Севгили қизим! Энди биргаликда таҳорат олиш тартибини ўрганамиз.

1. Аввало таҳорат олишга ният қилинади. Агар билсанг "БИСМИЛЛАҲИЛ АЗИЙМ ВАЛХАМДУЛИЛЛАҲИ ВА АЛА ДИЙНИЛ ИСЛАМ" деб қўлингни билакларинггача уч марта ювасан, бармоқларнинг орасини ҳилоллаб, агар узук бўлса қимирлатиб остига сув теккизасан.



2. Ўнг қўл билан сув олиб оғзингни уч марта чайқайсан.



3. Бурнингга уч марта сув тортиб ювасан.





4. Юзингни уч марта ювасан.





5. Олдин ўнг, сўнгра чап қўлни тирсаклар билан қўшиб ювасан.



6. Бошнинг тўртдан бир қисмини ҳўл қўл билан суркайсан, яъни масх этасан. Кичик бармоқ билан қўлоқнинг ичини, бош бармоқ билан ташқарисини, кафтинг орқаси билан эса буйиннинг икки ёнига масҳ тортасан.







7. Аввал чап қўлинг билан ўнг оёғингни, бармоқлари орасини ҳилоллаган ҳолда, кейин ўнг қўлинг билан чап оёғингни айни тарзда уч марта ювасан.


 
BAXORDate: Yakshanba, 07-Avg-2011, 06:00 | Message # 21
Peshqadam
Group: Ishonchli
Messages: 4071
Status:


ТАҲОРАТНИ БУЗАДИГАН НАРСАЛАР

Севгили қизим! Қуйидаги ҳолларда таҳорат бузилади:

1. Ел чиқариш, кичик ё катта ҳожат;

2. Бадандан қон, йиринг, сариқ сув кабилар чиқиб ёйилса;

3. Оғизни тўлдириб қўсиш;

4. Чўзилиб ухлаш, бир нарсага суяниб ёки ўтириб ухлаб қолганда бир томонга оғиш;

5. Хушдан кетиш, тутқаноқ тутиш, ақлдан озиш, маст бўлиш;

6. Намоз пайтида қаҳқаҳа отиб, озиқ тишлари кўринадиган даражада ёки ёндаги киши эшитадиган қадар кулиш таҳорат ва намозни бузади. Табассум, яъни ҳеч овоз чиқармай кулиш намоз ва таҳоратни бузмайди.

7. Таяммум қилган киши сувни кўрса таяммуми бузилади, яъни унинг таҳорат олиши лозим бўлади.

8. Узрли кишилар, яъни доимо бурни қонаб юрадиган, ел, кичик ва катта ҳожатини тутиб туролмайдиганлар ҳар намоз учун қайта таҳорат оладилар. Бундайлар бир вақт намозга олинган таҳорат билан вақти кирган иккинчи намозни ўқий олмайдилар, чунки иккинчи намоз вақти кириши билан таҳоратлари бузилган ҳисобланади.

ТАҲОРАТ БУЗИЛМАЙДИГАН ҲОЛАТЛАР

Севгили қизим! Қуйидаги ҳолатларда таҳорат бузилмайди: тупуриш, балғам ташлаш, бурун қоқиш, болани эмизиш, тирноқ олиш, соч кесиш, иллат сабабсиз кўз ёши тўкиш, ярадан чиқиб оқмаган, ёйилмаган қон, қўлоқ, оғиз, бурундан қурт чиқиш, ярадан чиққан эт парчалари. Таҳорати борлигига шубҳа қилиб, сўнгра таҳоратли эканлигига қаноат ҳосил қилган кишининг ҳам таҳорати бузилмаган саналади.

МАСХ

Севгили қизим! Совуқ кунларда оёқларни тез-тез ювишлик касаллик пайдо қиладиган бўлса, таҳорат олингач махси киямиз ва хўл қўлларимизнинг тўрт бармоғи билан махсининг устини пастдан юқорига томон суртамиз. Бу масҳ дейилади. Бу масҳ билан йигирма тўрт соатгача намоз ўқиш мумкин, яъни бу вақт оралиғида таҳорат бузилиб, қайта таҳорат олаётганда оёқларни ювмасдан махси устидан масҳ тортилса таҳорат саҳиҳ ҳисобланади. Махси юпқа теридан бўлиши, тоза бўлиши, уч бармоқдан куп йиртиғи бўлмаслиги лозим. Тўпиқ суяклари маҳсидан чиқса, масҳнинг фазилати олмайди.Мусофир, яъни ўн саккиз соатлик масофага ўн беш кундан оз муддат қолиш нияти билан йўлга чиққан киши учун масҳ муддати уч кеча, уч кундуздир. Оёқдан махси ечилгандан кейин таҳорат ҳам бузилади. Махси кийиш Расулуллоҳнинг суннатларидандир. Кўпинча совуқ муҳитларда ишлатилади. Бироқ уйда, иссиқ жойларда оёқларнннг ювилиши янада авлодир. Махси тўпиқ (чиғаноқ)ларнинг устини бекитиши лозим. Тўпиқларнинг махсидан чиқиши масҳнинг бузилишига сабаб бўлади. Махси минг икки юз қадамлик йўлга ярайдиган даражада мустаҳкам бўлиши керак.

ТАҲОРАТ ОЛИНАДИГАН СУВЛАР

Cевгили қизим! Таҳорат учун ишлатилаётган сувлар доимо тоза бўлмоғи даркор. Нопок ифлос сувлар микробли бўлгани учун касаллик туғдириши мумкин. Шунинг учун ҳам динимиз таҳорат сувининг тоза бўлишлигига эътибор беради. Бинобарин, ароқ, шароб қўшилган ёки ит, бўри, йиртқич ҳайвонлардан қолган, сичқон еган мушукдан ортган сувларни таҳорат ва ғусл учун ишлатиб бўлмайди. Доимо оқар ва тоза сувдан фойдаланиш мақсадга мувофиқдир. Тоза қудуқлардан олинган сувларни ичиш билан бирга бундай сувлар билан таҳорат ва ғусл қилиш мумкин. Қудуққа ахлат тушса ва у ёйилмасдан олиб ташланса, сув мурдор (ифлос, нопок) бўлмайди. Бир ҳайвон тириклайин қудуққа тушса ва у ўлмасидан чиқарилса, агар устида ахлати бўлмаса, сувни мурдор этмаган бўлади. Ит, чучқа каби ҳайвонлар тушган қудуқларнинг суви бўлғанган ҳисобланади. Чунки динимизга кўра бу ҳайвонларнинг гўшти ҳаромдир. Чумчуқ, сичқон кабилар қудуққа тушса ва ўлса 20 челакдан 30 челаккача, мушук, товуқ тушиб ўлса 60 челаккача сув чиқариб ташлаб қудуқ тозаланган бўлади. Ит, қўй тушиб ўлган бўлса, сув тозаланганига қаноат қилинганга қадар 200 челак сув чиқарилади. Бинобарин, шу тариқа қудуқ суви тозаланган ҳисобланади. Қудуққа тушган ҳайвон ўлган ва шишиб жунлари сувга тўкилган бўлса, (билмасдан) бу қудуқнинг суви билан таҳорат олиб ўқилган уч кунлик намоз қайтадан адо этилади.

НИФОС ҲАҚИДА БИР СУҲБАТ

Севгили қизим! Нифос бола туғилгандан кейин қирқ кун давомида келадиган қондир. Бу муддат камроқ ҳам бўлиши мумкин. Нифос қони тўхтагач ғусл олиб намоз ўқилади, рўза тутилади. Ҳайз ҳолатидаги каби нифос пайтида ҳам намоз ўқилмайди ва бу ўқилмаган намознинг қазоси ҳам адо этилмайди. Нифос қонининг оқиши Рамазони шарифга тўғри келиб қолса, рўза тутмайсан, бироқ тугагач, ювиниб рўзани қазо қилиб тутасан. Севгили қизим. Ҳайз ва нифос кунлари Қуръони каримни ўқиш, ушлаш ҳаромдир, аммо зарурат бўлганда бир мато билан ушласа бўлади.
 
BAXORDate: Yakshanba, 07-Avg-2011, 15:09 | Message # 22
Peshqadam
Group: Ishonchli
Messages: 4071
Status:


Муслиманинг дин китоби -3

БАЪЗИ МАҲРАМ СУҲБАТЛАР

Севгили қизим! Динимиз ҳукмларини яхши билиб олиш учун яна баъзи хос суҳбатларни ўтказамиз. Зеро, бунда ҳеч бир уят ё ёмонлик йўқ. Ҳазрати Оиша волидамизнинг олдиларига ҳам баъзи аёллар келишар, аёлларга доир саволлар билан мурожаат қилишар эди. Оиша онамиз: "Бу аёллар қандай ҳам яхши аёлларки, ҳаёлари уларни диний хусусда илм олмоқликдан тўсиб қўймаяпти" дея бу аёллардан мамнун бўлганликларини изҳор этганлар. Ҳа, қизим, илм ўрганишда уят йўқ. Муҳаққақ ўрганасан ва бошқаларга ўргатасан.

Севгили қизим. Никоҳ ўқилиб, шайтоний уйин-кулгу ва шайтоний ичимликлардан холи, шариатга мувофиқ базм ўтказилгач, бўлажак завж ва завжа гўшангага кирмасдан олдин икки ракаат намоз ўқийдилар.

Бу намоз даргоҳи илоҳийда жуда мақбулдир, иншаАллоҳ. Намоз сўнгида Раббил аъламийндан гуноҳларнинг авф ва мағфиратини, қурилажак оиланинг хайрли бўлишлигини, солиҳ фарзандлар ато этишлигини сўраб дуо қилинади. Муомаладан олдин: "Бисмиллаҳ. Ё Раббий, бизни ва биздан туғилажак фарзандимизни шайтондан узоқ қил..." дея дуо қилинса нур устига нур бўлади. Ахлоқсиз, ғайриинсоний яқинлашишдан сақланиш лозим. Бинобарин, суюкли пайғамбаримиз Муҳаммад Мустафо саллаллоҳу алайҳи васаллам: "Аёлларга ғайри машруь томондан яқинлик қилганларга Аллоҳ таоло раҳмат назари ила қарамайди", деганлар. Яна бир ҳадиси муборакларида: "Умматимдан Лут қавмининг амалини бажариб вафот этган кишини Ҳақ таоло Лут қавми билан бирга жазолантиради, улар билан бирга ҳашр этади", дея марҳамат қиладилар.

Севгили қизим. Ўн беш кунда бир марта ё ҳеч бўлмаганда ойда бир марта қўлтиқ ости тукларни ва ёмон тукларни олиш мусулмонликка оид бир вазифадир. Бунга мутлақо риоя қилмоғинг керак.

Севгили қизим. Ҳайз ҳолида аҳли билан яқинлик қилган ҳам катта гуноҳ иш қилган ҳисобланади. Бундай ҳолда қаттиқ тавба қилиб, бу номақбул ишни такрорламасликка сўз бериш керак. Мабодо ҳайзнинг бошланғич кунларида яқинлик қилинган бўлса, бир олтин, охирида содир бўлган бўлса, ярим олтин миқдорда садақа берилади... Рўза кунлари саҳарлик тугагач, яъни тонг оқаргандан сўнг ҳайз ва нифоси тугаган аёл ўша куни рўза тутади. Тонг отгандан кейин тўхтагани сабабли еб-ичса, ўша кунги рўзасининг қазосини тутиб бериш лозим бўлади. Агар ўша куни тонг отгандан сўнгра, ҳатто ифторга бир-икки соат қолганда қон келса рўзани бузиш керак. Соддароқ тушунтирадиган бўлсак, бир аёлдан тонг отгандан кун ботгунга қадар ўтган вақт мобайнида (бомдод, пешин, аср, шомда) қон келса, бу аёл намоз ўқишдан, рўза тутишдан ва эри билан яқинлик қилишдан тўхтайди.

Зеро, ҳайз ва нифос пайтлари рўза тутиш, намоз ўқиш мамнудир, маън этилгандир. Агар қон уч кун ўтмай, биринчи ё иккинчи кун тўхтаса, яъни шом ва бомдодга йигирма дақиқа қолгунча, макруҳ вақт кирмасдан намоз ўқиладиган вақт қадар кутади. Бу вақт оралиғида яна қон келса, намозини ўқимайди, келмаса фақатгина таҳорат олиб намозини ўқийди. Бундай ҳолатда ғусл қилиш шарт эмас. Чунки, уч кундан аввал тўхтаган қон истиҳоза, яъни хасталик қонидир. Бироқ қон учинчи куни тўхтаса, ғусл олиш лозим. Фарз бўлган бир намозни ўқиш асносида ҳайз қони келса, ўша намоз фосид бўлади. Кейинчалик бу намоз қазо қилиб ўқилмайди. Бироқ бу ҳолат нафл намози ўқиётган пайтда содир бўлса, у аёлга ҳайз ё нифосдан поклангандан кейин бу намозни қазо этишлик вожиб бўлади. Ўн кундан кейин ошган қон мараз (хасталик) қони¬дир. Бундай ҳолатда ғусл олиб намозингни ўқийверасан. Бу қон таҳоратни бузади. Худди қон ё бурундан қон чиққанда таҳорат бузилгани каби. Инчунун, мараз қони намоз ўқиш, рўза тутиш ва жимони манъ этмайди. Нафосда, яъни кўз ёриганда ҳам хукм ана шундайдир. Яъни, нифос қони муддатидан олдин тўхтаса, ғусл килинади. Намоз ўқилади. Жимо қилинмайди. Қирқ кун тугагач эса, яна ғусл қилиб намоз ўқийди, қон оқса таҳорат олади. Кўзи ёригач аёлдан қон келмаса ҳам, унта ғусл вожиб бўлади. Қирқ кун тугаб қон оқса яна ғусл олиши лозим.

Бинобарин, шундан сўнг намозини ўқийди, унга жимо ҳалол бўлади. Боласи ўлик туғилган аёл, агар боланинг бир аъзоси аниқ бўлса, бутун бола кўргандай, нифос қони қоидаларига юқорида кўрсатилгандек амал қилади. Бир аёл ҳайз тўхтагач ўн беш кун ва яна кўпроқ вақт покиза турса, сўнг аъзоси аниқ билинмайдиган бир нарса туширса ва шундан кейин уч кун қон келса, бу ҳайз қонидир. Нифос қони эмасдир. Чунончи, бундай ҳолда ҳайз ҳукмларига риоя этилади. Агар бу аёлда қон уч кундан олдин тўхтаса ва ҳайз тўхтагандан бери ўн беш кун тўлмаган бўлса, у қон ҳайз қони эмас, ҳукми бурундан оққан қон кабидир. Бир аёлда қон тўхтагандан кейин ўн беш кун тўлмасдан яна келган қон ҳам ҳайз қони эмас. Бу қон намоз, рўза ва жимога моне бўлолмайди. Бир аёлдан ҳар кун ёки уч кунда бир марта қон келса, у аёл ўн кун ҳайз ва ун беш кун покиза ҳисобланади. У кунларда намоз ўқимайди, рўза тутмайди, жимо қилмайди. Беш кундан кейин ўн беш кун намоз ўқийди, рўза тутади ва жимо қилади.

Севгили қизим. Тўққиз ёшга кирмаган қиз кўрган қон ва суюқликлар ҳайз эмасдир. Бу мараз (хасталик) қонидир. Бу ёшдаги қиз қанчалик гавдали, дуркун бўлмасин, балоғатга етмаган бўлади. Балоғатлик аломати аник-равшан бўлмоғи керак. Эллик ёшдан ошган аёлларда кўринган қирмизи (тўқ қизил) қон, қорнида боласи бор бўлган аёлдан келадиган қон ҳам истиҳоза, яъни мараз қонидир. Зеро, ҳомиладор аёлнинг раҳми бекилади. Раҳм ичидаги бола ҳайз қони билан озиқланади ва пировардида ҳайз қони тўхтайди.

Севгили қизим. Бу баёнлар дин илмининг қизларнинг хусусий ҳолларига тааллуқли баёнлардир. Буларни яхши ўрганиб ҳамжинсларингизга билдириш вазифангиз ва иншоАллоҳ Аллоҳ ризолигидаги амаллардандир.
 
BAXORDate: Yakshanba, 07-Avg-2011, 15:20 | Message # 23
Peshqadam
Group: Ishonchli
Messages: 4071
Status:


БОЛАЛАРНИ ТАРБИЯЛАШ

Севгили қизим! Саййидул Башар — Пайғамбаримиз саллоллоҳу алайҳи васаллам бир ҳадиси муборакларида шундай марҳамат қиладилар: "Ҳар бир фарзанд Исломий фитратда туғилади, сўнгра ота-онасининг таъсири билан яҳудий ё насроний ёхуд мажусий бўлади". Ҳа, боланинг яхши ё ёмон бўлиб етишиши ота-онага, фарзанд яшаётган муҳитга ҳам боғлик. Бинобарин, ота-онага оид энг катта вазифа болаларга яхши тарбия беришдир. Шу ўринда Расулуллоҳ саллаллоҳу алайҳи васалламнинг қуйидаги сўзларини ҳам келтиришни ўринли деб биламан. "Фарзандларингизни ўз орзуларига, ўз ҳолларига қўйманг, уларни гўзал тарзда тарбия қилинг. Ота-она фарзандига гўзал тарбиядан кўра фазилатли бир ҳадия қолдирмайди".

Севгили қизим. Бу муборак тавсияларга амал қилган ҳолда фарзандингга гўзал диний тарбия берасан; энг аввало унга бутун маҳлуқотларнинг яратгувчиси, Ҳолиқи Мутлақ бўлган Аллоҳни танитасан. Чунки Аллоҳни билмаган, тан олмаган кимса ҳайвонданда олчоқдир. Дунёнинг энг фазилатли кишиси Аллоҳни таниб, унга қулчилик қилган кишидир. Расули Акрам саллаллоҳу алайҳи васалламнинг ушбу тавсияларини ҳам қўлоғингга сирғадек тақиб ол: "Фарзандингиз етти ёшга борганда унга "Намоз ўқи!" дея буюринг. Ўн ёшга кириб бу амрингизга итоат этмаса, енгилгина уринг. Уларнинг жойларини алоҳида қилинг, қиз ва ўғилни бир кўрпага ётқизманг".
 
BAXORDate: Yakshanba, 07-Avg-2011, 15:28 | Message # 24
Peshqadam
Group: Ishonchli
Messages: 4071
Status:



НАМОЗ

Севгили қизим! Намоз ўқиш Исломнинг беш шартларидан бири, Яратгувчи меҳрибон Аллоҳнинг биз бандаларига амри, айни пайтда улуғ неъматидир. Намоз форсча сўздир. Қуръони карим лисонида намозга "солат" дейилган. Қуръони каримнинг бир неча оятларида намозга даъват, бу ибодатнинг юксак фазилатлари зикр қилинади. Келинг, улардан айримларини эсга олайлик. Шоядки бу баъзи "ҳужжатталаб" кимсаларга таъсир этиб уларни туғёнларидан қайтарса...

"Намозни тўкис адо қилинг, закотни беринг ва руку қилгувчилар билан бирга руку қилинг" (Бақара, 43).

"(Албатта у (намоз ўқиш) оғир ишдир. Магар ўзларининг Парвардигорларига рўбарў бўлишларини ва шубҳасиз, унга қайтажакларини биладиган шикастанафс зотларга (оғир эмасдир)” (Бақара, 46).

"Албатта у (намоз ўқиш) оғир ишдир. Магар ўзларининг Парвардигорларига рўбарў бўлишларини ва шубҳасиз, унга қайтажакларини биладиган шикастанафс зотларга (оғир эмасдир)" (Бақара, 143).

"(Эй Муҳаммад), иймон келтирган бандаларимга айтинг, намозни тўкис адо қилсинлар ҳамда олди-сотди ва ошна-оғайнигарчилик бўлмайдиган Кун (қиёмат) келиб қолишидан илгари Биз уларга ризқ қилиб берган нарсалардан махфий ва ошкора инфоқ-эҳсон қилсинлар" (Иброҳим, 31).

"Қуёш оғишидан то тун қоронғусигача намозни тўкис адо қилинг..." (Ал-Исро, 78).

"Аҳли-умматингизни намоз ўқишга буюринг ва ўзингиз ҳам (намоз ўқишда) чидамли бўлинг!" (Тоҳа, 132).

"Дарҳақиқат мўминлар нажот топдилар. Улар намозларида (қўрқув ва умид билан) бўйин эгувчи кишилардир” (Мўъминун 1-2 оят)

“Улар (барча) намозларини (вақтида адо этиб қазо бўлишдан) сақлагувчи кишилардир” (Мўъминун, 9).

Яна қаранг: Бақара, 3, 83, 110, 152, 177, 238, 239, 277; Нисо, 77, 162; Моида, 12, 55, 58, 91, 106; Анъом, 72, 92, 162; Аъроф, 170; Анфол, 3, 35; Тавба, 5, 11, 71; Юнус, 87; Раъд, 22; Иброҳим, 37, 40; Марям. 31, 55; Тоҳа, 14; Анбиё, 73; Ҳаж, 35, 78; Намл, 3; Нур, 37, 56; Рум, 31, 39; Лўқмон, 4, 17; Аҳзоб, 33; Фотир, 18, 29; Мужодала, 13; Маориж, 22, 23, 34; Муззаммил, 20.

Муҳаммад алайҳиссалом бир муборак ҳадисларида "Намоз дининг устунидир. Намозини ўқиган динини барпо қилади, Уни тарк этган динини йиқади", дея марҳамат қилдилар. Яна бир ҳадисларида эса шундай дейдилар: "Қиёмат куни қул энг аввало намоздан ҳисоб-китоб қилинади. Агар намози дуруст чиқса у нажотга эришибди ва ютибди".

Севгили қизим. Кўряпсанки, намозни тарк этиш, ибодатсиз юриш ўта таҳликали ва мусибат экан. Демак, бу улуғ ибодатни сабр-тоқат билан бекаму кўст ўрганиш ва амал қилиш лозим.
 
BAXORDate: Yakshanba, 07-Avg-2011, 15:29 | Message # 25
Peshqadam
Group: Ishonchli
Messages: 4071
Status:


Севгили қизим. Намознинг ичида ва ташқарисида билишимиз керак бўлган ўн икки шарт бор. Еттитаси намоз бошланмасдан олдинги шартдирки, улардан бири таҳоратдир, яъни покизаликдир. Нажосатдан вужудимизни сақлашдир. Бинобарин, нажосат теккан вужуд ва кийим билан намоз ўқиб бўлмайди. Иккинчиси, ҳадасдан покланишки, бу таҳорат олиш, агар лозим бўлса, ғусл қилишдир. Намознинг бошидаги шартларидан яна бири сатри аврат, яъни ўранган ҳолда иамозга киришишдир. Аврат - вужуддаги бекитилиши, номаҳрам эркакларга кўрсатилиши таъқиқланган жойлар демакдир. Аёл кишининт юзи, кўзи, қўлларининг билаклардан пастки қисмм, оёкларининг тўпиғидан пастидан ташқари жамики жойи аврат ерларидир. (Шу ўринда Ислом динимизда аёлларнинг ёпиниб юриши уларнинг эркинликларини бўғиб қўйиш учун эмас, балки уларнинг шарафини, иффатларини қўриш учун эканлигини таъкидламоқчимиз. - Тарж.) Намоз ўқилаётганда аврат жойлари "СубҳанАллоҳ" дегулик вақтгача очилиб турса, ўша намоз фосид бўлади (бузилади). Демак, ҳар намоздан олдин тоза-озода кийимларни кийиб, жойнамоз устига — Роббингизнинг ҳузурига чиқасиз. Аллоҳ таоло Қуръони каримда масжидга чиройли кийимлар билан киришликни буюрган.

Севгили қизим. Намоз ташқарисидаги шартлардан яна бири Истиқболи Қибла, яъни намоз ўқишдан аввал Қиблага — Макка томонга бурилишдир. Бу фарздир. Бир киши қибланинг қайси томондалигини суриштирмай на¬моз ўқиб бўлгач, қибла томонини билса, у намоз саҳиҳ (ҳақиқий) бўлмайди. Қиблани билиш мумкин бўлмаган бир жойда қибла деб гумон қилинаётган томонга бурилиб намоз ўқилади. Далада, йўл чеккасида намоз ўқишга тўғри келса, олдига (қибла томонга) бир сутра қўйилади. Сутра, олдиндан ўтаётганларнинг намозга халал бермасликлари учун тикилган, камида олтмиш сантиметрлик бир нарсадир.

Севгили қизим. Намоздан ташқарида билиниши лозим бўлган шартлардан яна биттаси Намознинг вақтларидир. Ҳар намоз ўзининг вақти кирганда ўқилади. Бомдод намози тонг отиб қуёш чиққунга қадар ўқилади. Бу орада ўқиёлмай қолса, қуёш чиқиб, икки найза буйи кўтарилгандан бошлаб пешингача қазосини ўқиб олади. Пешин намозининг вақти нарсаларнинг (масалан да- рахтнинг) сояси энг қисқа бўлган пайтдан бошланади. Соя нарсанинг (дарахтнинг) ўзидан икки марта узун бўлгунга қадар давом этади. Аср намозини пешин намози тугагандан қуёш ботгун- гача ўқиш мумкин. Шом намозининг вақти қуёш ботгандан кейин бош¬ланади. Қизил шафақ йўқолиб, осмонда юлдузлар кўрингунга қадар давом этади. Хуфтон намозининг вақти эса юлдузлар кўриниши билан бошланиб, бомдод намозининг вақти киргунгача давом этади. Ҳар намоз вақтида азон чақирилади. (Азонни фақат эркаклар чақиришади). Севгили қизим. Намознинг ичидаги фарз (шарт)дан бири Ниятдир. Қайси намозни ўқиётган бўлсанг, шунта кўра ният қиласан. Масалан, бомдод намозининг суннатини ўқимоқчи бўлсанг, қуйидагича ният қиласан: "Ният қилдим, Аллоҳ ризолиги учун Бомдод намозининг суннатини ўқимоқликка...”. Агар бомдод намозининг фарзини жамоат билан, имомга эргашиб ўқисанг "Ният қилдим, Аллоҳ ризолиги учун Бомдод намозини фарзини ўқимоқликка. Имомга иқтидо қилдим, эргашдим" дея ният қиласан. Бошқа барча намозларда ҳам худди шу тарзда ният қилинади. Фақатгина ўқилаётган намознинг номи (бомдод, пешин, аср, шом, хуфтон) ва унинг фарз, суннат, вожиб ёки нафл намози эканлиги қайд этилса бўлди. Ниятдан кейин "Аллоҳу Акбар" деб намоз ўқишга бошланади. Бу Тахрим Такбири ёки Ифтитоҳ такбири (Бошловчи такбир), деб ҳам айтилади. Таҳрим такбири ҳам намознинг шартларидан биридир.

Севгили қизим. Намознинг ичидаги билишимиз лозим бўлган шартлардан биринчиси Қиёмдир. Қиём тикка туриб қиблага томон туришдир. Тикка туришга монелик қиладиган жиддий касал бўлмаса, намоз пайтида қиёмга туриш фарз. Намознинг ичидаги фарзлардан яна бири Қироатдир._ Қироат намоз ўқиётган кишининг қиёмда Қуръони каримдан маълум оятларни ўқишлигидир. Руку намоз ичидаги шартлардан учинчисидир. Руку қиёмда Қурьондан оятларни ўқиб бўлгандан кейин эгилиш. Рукуда уч марта "Субҳанал Роббийал азийм” дейилади.

Севгили қизим. Намоз ичидаги тўртинчи шарт Сужуд (Сажда)дир. Саждада бурун, пешона, билак, тизза ерга тегизилиб, уч марта "Субҳанал Роббийал аъла" дейилади. Бешинчи шарт Қаъдаи охира, яъни намоз охирида "Аттаҳиййат" дуосини ўқийдиган қадар ўтиришдир. Намоз ичидаги бу шартлар Намознинг рукнлари ҳам дейилади. Севгили қизим! Намознинг юқоридаги фарз (шарт)ларидан ташқари, вожиблари ҳам бор. Вожиб тарк этилса гуноҳ бўладиган, қилиниши лозим бўлган амаллардир. Намознинг ҳар ракаатида Фотиҳа сурасини ўқиш, тўрт ракаатли намозларнинг илк икки ракаатида Фотиҳадан сўнг Қуръондан кичик зам сура ёки оятлардан ўқиш, имомларнинг бомдод, шом, хуфтон, жума намозлари фарзининг бир ва иккинчи ракаатида, ҳайит намозларида Фотиҳа ва зам сурани овоз чиқариб, пешин ва аср намозларининг фарзини овоз чиқармай ўқишлари, бу намозларда имомга эргашилганда Фотиҳа ва зам сура ўқимасдан туриш вожибдир.

Севгили қизим. Намознинг ичидаги биз санаб ўтган фарз (шарт) лардан биттаси адо этилмаса намоз саҳиҳ (ҳақиқий) бўлмайди. Вожиб амаллардан бири сахван (билмасдан) тарк этилса намоз сўнгида "Аттаҳиййату"ни ўқиб бир ёки икки томонга салом берилади ва қайтадан саждага борилади, саждадан бошни кўтариб ўтирган ҳолда яна Аттаҳиййату, Аллоҳумма солли, Аллоҳумма борик, Роббана дуолари ўқилиб икки томонга салом берилади. Бу САЖДАИ САҲВ дейилади. Саждаи саҳв билан намоздаги нўқсонлар тўлдирилади. Севгили қизим. Қиёмда, яъни намозда тикка турганингда кўзларинг сажда қилинаётган жойга қарасин. Рукуда эса икки оёқ орасига, сажда қилаётганингда бурун учига, қаъдада, яъни ўтирганингда қучоғинга қарайсан. Хуллас, намоз пайти уёқ-буёққа қараш мумкин эмас. Ибодат пайти ҳам жисминг, ҳам қалбинг билан Ҳаққа йўналишинг лозим. Намозда кўйлак, соч ва ҳоказо билан уйнаш, юзни қибладан буриш, бўйинни бўкиш, оёқни кўтариш, икки оёқ орасини кенг очиш тўғри эмас.

Севгили қизим. Намознинг муфсидлари, яъни намозни бузадиган ҳаракатлар ҳам борки, улар қуйидагилар: намоз пайтида гапириш, амали касир, яъни намозга тегишли бўлмаган иш билан машғул бўлиш, намозхоннинг ўзи эшитадиган даражада кулиши, йиғлаши. Агар ёнидаги эшитса, таҳорати ҳам бузилади. Бироқ Аллоҳ севгиси, Аллоҳдан қўрқиб гуноҳларига тавба қилиб йиғлаш намозни бузмайди. Шунингдек намозда "оҳ", "уф" дейиш, тишлар орасидаги нўхатдан катта нарсаларни ютиш, чангга ўхшаш нарсаларга пуфлаш, тирсаги билан ёндаги шеригини атай туртиш кабилар ҳам намоз¬ни бузади.

Севгили қизим. Қуёш чиқаётганда ва ботаётганда, тикка келганда намоз ўқиб бўлмайди. Бу макруҳ вақтлардир. Шунингдек бомдод намозининг суннатига улгурмай, фарзини имомга иқтидо қилиб ўқигандан кейин суннат ўқилмайди. Чунки бомдод намозининг фарзидан сўнг қуёш чиққунгача намоз ўқиш ҳам дуруст эмас. Севгили қизим. Энди беш вақт намознинг ракаатларини ўрганиб оламиз.

Бомдод намози 2 ракаат суннат, 2 ракаат фарздан иборат.

Пешин намози 10 ракаат бўлиб, илк тўрт ракаати ва сўнтти 2 ракаати суннати муаккада, яъни Ҳазрати Пайғамбаримиз саллаллоҳу алайҳи васаллам тарк қилмай ўқиганлари намозлар, 4 ракаати фарз намозидир.

Аср намози 4 ракаат фарздан иборат.

Шом намози 5 ракаатдир. Уч ракаати фарз, икки ракаати суннат.

Хуфтон намози 6 ракаат: 4 ракаати фарз, 2 раакати суннат.

Хуфтон намози ўқиб бўлингач уч ракаат витр вожиб намози ўқилади.

Севгили қизим. Шу нарсаларни ҳам эслаб қолгинки, аёллар азон айтишмайди, имомликка ўтишмайди, намозда эркаклар овоз чиқариб ўқийдиган оятларни овоз чиқармай ўқишади. Жума ва ҳайит намозларига боришмайди. Юқорида айтилгандек узрли кунларда намоз ўқишмайди. Имомга иқтидо қилишса эркаклар билан ёнма-ён туришмайди.
 
BAXORDate: Yakshanba, 07-Avg-2011, 15:54 | Message # 26
Peshqadam
Group: Ishonchli
Messages: 4071
Status:


МУСОФИР ВА ҚА30 НАМОЗИ

Севимли қизим! Туя юриши билан уч кунлик бир жойга борилса йўлда ва у ерда 15 кундан кам муддатга қолинса, ёлғиз ҳолда ўқиётганинг тўрт ракаат фарз намозларини икки ракаатга қисқартириб бомдод намозининг фарзи каби ўқийсан. Бироқ уч ракаатлик шом намози ва витр вожиб намозлари қисқартирилмай тўлиқ ўқилади. Севимли қизим. Тоза кунларингда ўқиёлмай қолган намозларнинг фарзларини кейинчалик қазо қилиб ўқийсан. Ниятда "Ният қилдим ўз вақтида ўқиёлмаганим бомдод, пешин, шом ёки хуфтон намозининг фарзини ўқимокликка..." деб ният қиласан.

Дуо
 
BAXORDate: Yakshanba, 07-Avg-2011, 16:04 | Message # 27
Peshqadam
Group: Ishonchli
Messages: 4071
Status:


РАМАЗОН РЎЗАСИ

Севикли қизим! Ўн икки ойнинг бири Рамазон ойидир. Динимизда муборак бир ой ҳисобланган бу ойга Рамазон исмини берган Аллоҳ таолодир. Қурьони карим бу ойда нозил бўла бошлаган. Бақара сурасининг 185-ояти каримасида: " (У саноқли кунлар) Рамазон ойидирки, бу ойда одамлар учун ҳидоят бўлиб ва ҳидоят ва Фурқон (ҳақ билан ботилни ажратгувчи)нинг очиқ оятлари бўлиб Қуръон нозил қилинган. Бас, сизлардан ким бу ойга ҳозир бўлса, рўза тутсин", дея марҳамат қилинган. Аллоҳ таоло томонидан мақталган бу ойни Ўн икки ойнинг султони, десак янглишмаймиз. Расули Акрам севикли саҳобаларига шундай марҳамат қилган эдилар: "Сизга муборак бўлмиш Рамазон ойи келди. Аллоҳ таоло бу ойда сизга рўза тутишни фарз қилди. Бу ойда осмон эшиклари очилади. Дўзах эшиклари ёпилади, шайтонлар занжирбанд қилинади. Рамазон ичида шундай бир кеча борки, унинг файзидан маҳрум қолган, ҳар турли хайрдан маҳрум қолади". Ул зоти бобаракот яна шундай дейдилар: "Агар умматим Рамазони Шарифнинг файзини ва юксак шарафини билганларида эди, йил бўйи Рамазон бўлишини орзу қилишар эди".

Севимли қизим. Бу ойда ҳар турлик ёмонликлардан, кундузи ейиш-ичишдан ўзни тийиб, нафс тарбияланади. Бинобарин, бу ойга сабр ойи ҳам дейишади. Ҳа, рўза Аллоҳ наздидаги энг буюк ва севимли ибодатлардандир.

Севимли қизим. Рўза арабчада "савм" дейилади. Ал лоҳга ишонган мўминлар, ўн беш ёшдан юқори қиз ва аёллар тоза кунларида Аллоҳ ризолиги учун рўза тутадилар. Бироқ йўловчилар, беморлар, рўза тутолмайдиган даражадаги қари кишилар, эмизикли боласи бор хотин-лар, ҳомиладор аёллар рўза тутмайдилар ва тутолмаган кунларини кейинчалик муайян вақтларда тутиб берадилар. Бунга қазо дейилади. Рамазонда тутган рўзасини қасддан (била туриб) бузган киши, бир кун қазо, олтмиш кун жазо (каффорат), жами 61 кун кетма-кет рўза тутади.

Севимли қизим. Рамазонда рўза тутган қизлар, аёллардан қон келса, улар рўзаларини очадилар. Қон келиши тугаб, ғусл олингач, рўза тутишда давом этадилар.

Севимли қизим. Саҳарликда оғизни ёпаётганда: "Ал¬лоҳим, Сенинг ризолигинг учун Рамазон рўзасини тутишга ният қилдим. Менга қўлайлик ва сабр бер. Бу ибодатимни даргоҳингда қабул айла", деб ният қиласан. Ушбу муборак ой осмонда ой кўриниши билан бошланади. Шунинг учун шабон ойи охирги кунининг шом пайтидан осмонда ҳилолни қидириш вожибдир. Рамазондан олдинги кунга, "явми шак" дейилади, Явми шак: "Бугун рамазонми, рамазон эмасми?" — дея шубҳа қилинган кундир. Явми шак куни рўза тутилмайди. Севимли қизим. Рўзанинг фарзлари: ният қилиш, оғизни бекитиш ва очиш вақтларини билиш, саҳарликдан ифторгача рўзани бузадигаи амаллардан ўзини сақламоқликдир. Ейиш, ичиш, жимо этиш кабилар рўзани бузади. Рўза эканлигинг ёдингдан кўтарилиб бирор нарса есанг ё ичсант рўзанг бузилмайди. Оғзингни чайқаб рўзангни давом эттираверасан. Қасддан рўзанн бузган киши каффорат тўлаши лозим бўлади. Каффорат юқорида айтиб ўтганимиздек олтмиш бир кун кетма-кет рўза тутиб беришликдир. Рўзани бир неча марта очган бўлса, бир кунга олтмиш бир кун, қолганларига бир кундан рўза тутади. Олтмиш бир кун рўза тутолмаган кишилар олтмиш бир фақирни эрталабдан кечгача туйдиришади ёхуд ҳар фақирга 1457 грамм бўғдой ёки унинг қиймати миқдоридаги пул беришади. 2950 грамм арпа ёхуд унинг қиймати берилиши ҳам мумкин. Ойбоши ҳоллари бу ойда тўхтаса, дарҳол рўза тутишда давом этилади. Бу ҳолат, яъни қон келиши тонг отгандан кейин тўхтаса, ўша куни еб-ичмай, ният қилиб тутилади. Агар еб-ичса, ўша кунги рўзанинг қазосини тутиб беради. Тонг отгандан кейин қон келса, ўша куни еб-ичади. Бу қон саҳарликка турилган куннинг пешин ё аср вақтида, ҳатто шомга (ифторга) бир-икки соат қолган пайтда келса ҳам рўзани очиш лозим бўлади.

Севимли қизим. Қуйидаги ҳолларда рўза бузилмайди: рўза эканлигини унутиб еб-ичиш, кўзга сурма суриш, хожамат бўлиш, яъни қон олдириш, томоққа тутун, чанг, пашша, қўлоққа сув кириш, бурун ичидан келаётган оқинти (сув) ни, оғизга келган балгам, тупукни ютиш, ўзи хоҳламаган ҳолда бурунга тутун кириши, тишлар орасидаги саҳарликдан қолган нўхатдан кичик нарсани ютиш, рўзани бузишга ният қилиш. Оғиз тўлиб қусиш, қўсганни меъдага қайтариш, ўз хоҳиши билан тутунни ҳидлаш, оғизни юваётганда бўғизга сув кириш, тишлар орасидаги нўхатдан катта нарсани ютиш кабилар рўзани бузади. Бундай ҳолларда бузилган рўзанинг қазоси тутиб берилади.

Севимли қизим. Энди рўза давомидаги савоб амалларни баён қиламиз. Саҳарликда туриб еб-ичиш савобликдир. Зеро Расули Акрам саллаллоҳу алайҳи васаллам: "Саҳарликка турингиз, саҳарлик (емаги) баракатдир", дея марҳамат қилганлар. Ифторликка шошилиш, оғизни ўз вақтида очиш ҳам савобли амаллардандир. Сарвари коинот шундай дейдилар: "Уч нарса анбиё ахлоқидандир: ифторга шошилиш, саҳарликни тезроқ тугатиш, намозда ўнг қўлни чап қўл устига қўйиш”.

Севимли қизим. Оғизни очаётганингда Расулуллоҳ саллаллоҳу алайҳи васаллам ўқиганлари ушбу муборак дуони ўқигин: "Аллоҳим, Сенинг учун рўза тутдим. Сен берган ризқ билан ифтор қилдим. Дуоларимни қабул айла, сен эшитгувчи, бигувчи Зотсан”.
 
BAXORDate: Yakshanba, 07-Avg-2011, 16:07 | Message # 28
Peshqadam
Group: Ishonchli
Messages: 4071
Status:


РЎЗА ТУТИШ ҲАРОМ БЎЛГАН КУНЛАР

Севимли қизим! Рамазон ҳайитининг биринчи куни, Қурбон ҳайитининг биринчи, иккинчи, учинчи ва тўртинчи кунлари, жума кунлари нафл (ихтиёрий) рўза тутиш ҳаромдир. Ражаб, Шаъбон ойлари ҳам муборак ойлар хисобланади. Аҳли иймондан кўпчилик савоб умидида бу ойларда ҳам нафл рўза тутадилар. Расули Акрам ҳар душанба ва пайшанба кунлари рўза тутганлар. Бу суннати сониййага эргашганлар Аллоҳнинг ажр-мукофитидан бенасиб қолмагайлар, ИншаАллоҳ.

САДАҚАИ ФИТР НИМА?

Севикли қизим. Садақаи фитр вужуднинг закоти демакдир. Бунга садақаи раъс, яъни бош садақаси ҳам дейилади. Садақаи фитр Рамазон ойининг охирида берилади. Расулуллоҳ саллаллоҳу алайҳи васаллам бу садақа ҳақида шундай марҳамат қиладилар: “ Хоҳ ҳур бўлсин, хоҳ тул бўлсин, хоҳ катта бўлсин, хоҳ кичик бўлсин, Рамазони шарифда рўза тутсин ё тутмасин, нисобга молик бўлган барча мусулмонлар бўғдой, хурмо, арпадан, бунга муқобил қуриган узумдан (майиздан) бир саьй, яъни бир ўлчов миқдорида садақаи фитр беришлари вожибдир". Садақаи фитрнинг миқдори икки килограмм бўғдой ё шу миқдордаги пулдир. Садақаи фитрни Рамазони Шарифнинг илк кунидан ҳайит намози ўқилгунга қадар бериш мумкин. Садақаи фитр ният қилиниб камбағал мусулмонларга берилади. Бир садақаи фитрни фақат бир кишига бериш мумкин. Бир аёл ҳомиладор бўлиб, ҳайит намозидан олдин қорнидаги боласининг қимирлаганини билса, қорнидаги бу ҳомиласи учун ҳам фитр садақаси берилади.

ЗАКОТ

Севимли қизим! Исломнинг беш шартидан бири закотдир. Закот арабча калима бўлиб, тозалик ва орттириш маъноларини ифода этади. Соддароқ тушунтирадиган бўлса, закот берган киши молини тозалаган бўлади. Инчунун, молни тозалаш, у молдаги фақирнинг ҳаққини бериш билан адо этилади. Мол-мулк Аллоҳникидир. Аллоҳ таоло бойларга мол бериб, бу молнинг муайян миқдорини камбағалларга беришни буюради. Демак за¬кот Аллоҳнинг бўйруғи, мол билан ўрнига келтириладиган ибодатдир. Ихлос билан Қуръон ўқишинг тил орқали бажариладиган ибодатдир. Намоз ўқишлигинг ҳам, тил ҳам вужудга оид бир ибодатдир. Ҳажга борган мусулмон ҳам вужуд, ҳам мол, ҳам тил билан ибодат қилган ҳисобланади. Молга оид бўлган закот ҳам Аллоҳ наздидаги севимли бир ибодатдир. Закотни бермаган киши бу дунёда молининг баракотини тополмагандек охиратда азобга мустаҳақ бўлади. Бир киши Расулуллоҳ саллаллоҳу алайҳи васалламнинг ёнларига келиб: "Менга шундай амал ўргатингки, уни бажарсам жаннатга кирайин", деди. Шунда Пайғамбаримиз саллаллоҳу алайҳи васаллам: "Аллоҳни ягона деб бил, Унга шерик қушма, намозингни ўқи, закотингни бер, Рамазон ойида рўза тут", дея марҳамат қилдилар. Кўряпсанки, закот бериш ҳам жаннатга олиб борувчи йўллардан биридир. Бинобарин, моли нисобга етиб закотини бермаганлар жаннатнинг йўлини адаштириб қўядилар. Тавба сурасининг 34-оятида: " ... Олтин-кумушни босиб, уни Аллоҳ йўлида инфоқ-эҳсон қилмайдиган кимсаларга аламли азоб «хушхабарини» етказинг!", дея марҳамат қилинади. Ҳа, инсон бойликка муккасидан кетиб, молининг закотини бермай ўзини жаҳаннам азобига мустаҳақ қилиб қўяди. АЛЛОҲ асрасин.
 
BAXORDate: Yakshanba, 07-Avg-2011, 17:26 | Message # 29
Peshqadam
Group: Ishonchli
Messages: 4071
Status:


ЗАКОТ БЕРИШ КИМЛАРГА ФАРЗ?

Севимли қизим! Балоғатга етган, аҳли бор, хур мусулмонлар йилда бир марта закот берадилар. Қуръони каримнинг бир неча оятларида намоз билан закот ёнма-ён зикр этилади. Бу эса закотнинг даргоҳи илоҳийдаги аҳамиятини билдиради: " Намозни тўкис адо қилинг, закотни беринг ва руку қилгувчилар билан бирга руку қилинг" (Бақара, 43).

" Намозни тўкис адо қилинг ва закотни беринг! ..." (Бақара, 110).

" Албатта иймон келтирган, яхши амаллар қилган ва намозни тўкис адо қилиб, закотни берган зотлар учун Парвардигорлари ҳузурида ажр бор. Улар учун ҳеч қандай хавф-хатар йўқ ва улар ғамгин бўлмайдилар" (Бақара, 277).

" Закотни (ҳақдорларга) ато этмайдиган, ўзлари охиратга кофир бўлган мушрикларга эса ҳалокат бўлгай!" (Фуссилат, 7). "... Ва намозни тўкис адо этинглар, закотни (ҳақдорларга) ато этинглар ва (бечора мискинларга хайру саховат қилиш билан) Аллоҳга қарзи ҳасана беринглар! ..." (Муззаммил, 20).

Қуйидаги сифатга эга бўлганларга закот фарздир:

1) Мусулмон бўлган;

2) Ақлли бўлган (ақли жойида бўлмаганларга намоз, ҳаж каби закот хам фарз змас);

3) Балоғатга етган;

4) Ҳур (озод) бўлган, чунки ҳур бўлмаган бир киши молга ҳам эга бўлолмайди, у бировнинг қарамоғи остида бўлади;

5) Моли нисобга етганларга.

Нисобга эга бўлиш, бир мусулмон қиз ё эркакнинг эҳтиёжларидан ташқари кумушдан икки юз дирҳам, олтиндан йигирма мисқол миқдордаги пулга эга бўлиши демакдир. Уйи, ўзи ишлатаётган ашёси, оти, машинаси кабилардан ташқари, қарздор бўлмаган киши закот беради.

Севимли қизим. Бошқачароқ ифода билан айтадиган бўлсак закот бой мусулмонларнинг молининг қирқдан бирини муҳтож мусулмонларга беришидир. Закот бера олишликнинг шартларидан бири ҳавли ҳавалондир. Ҳавли ҳавалон ортиқча молнинг устидан бир йил ўтиши, бу молнинг бир йил ишлатилмаганлиги демакдир. (Аммо баъзи солиҳ зотлар бир йил ўтишини кутмасдан закот берганлар. — Тарж). Қирқ қўй ё қирқ эчкидан бир юз йигирма қўй ёки эчкигача бир қўй ё эчки закот сифатида берилади. Бир юз йигирма қўй ёки эчкидан икки қўй ё икки эчки закот тариқасида берилади. Молнинг сони ортиши билан закот миқдори ҳам орта боради. Чунончи, икки юз бир қўй ёки эчкидан уч юз қўй ёки эчкигача уч қўй ё эчки берилади.

Севимли қизим. Ҳавли ҳавалон, яъни устидан бир йил ўтган ўттиз сигирдан закот бериш бошланади. Ўттиздан қирқта сигиргача, икки ёшдаги эркак ё ўрғочи бир бузоқ закот учун берилади.

Севимли қизим. Олтин ёки кумуши бор кишилар икки юз дирхам кумуш, йигирма мисқол олтиндан закот беради. Икки юз дирҳам кумушга беш дирҳам кумуш, йигирма мисқол олтин учун ярим мисқол олтин закот фарздир.

Севимли қизим. Танга ва қоғоз пулларнинг қиймати олтин ёки кумушнинг нисобига етиши билан қирқдан бир қисми фақирларга закот тариқасида берилади. Бир киши тижорат учун уйини, дўконини ижарага берса ва ижарага берилган кундан бошлаб бир йил тўлса, ижара бадалидан қирқдан бири закот улароқ берилади. Деҳқончиликдан топилаётган маҳсулотларнинг ўндан биридан закот берилади. Бу маҳсулотнинг устидан бир йил муддат ўтиши кутилмайди.

Қуръони каримдаги Тавба сурасинннг 60-ояти каримасида қуйидаги саккиз тоифа кишиларга закот берилиши марҳамат қилинади:

1) фақирларга;

2) йўқсилларга;

3) закот йиғувчиларга;

5) асирларнинг озод этилишига;

6) қарздорларга;

7) Аллоҳ йўлида бўлганларга;

8) йўловчиларга. З

акотни фақир ақрабога беришдан бошлаш фазилатлидир. Қариндош уруғларнинг ичида фақирлари бўлмаса муҳтож бўлган мусулмон қўшниларига берилади. Ундан кейин, қарзини қайтаролмай юрган ҳақиқий қарздорлар¬га, йўловчиларга, Аллоҳ йўлида вақфи ҳаёт этган кимсаларга бериш яхшидир.

Севимли қизим. Закот мусулмончиликнинг асосий шартларидандар. Аёлларнинг олтин, кумуш тақинчоқларидан ҳам закот берилади. Бунинг учун Муборак Рамазон ойида бу каби молларнинг ҳисоб-китоби чиқарилади, туллар, етимлар ва қарздорларга, муҳтожларга закот берилиб улар қувонтирилади.
 
BAXORDate: Yakshanba, 07-Avg-2011, 17:29 | Message # 30
Peshqadam
Group: Ishonchli
Messages: 4071
Status:


ҲАЖ

Севимли қизим. Шарт-шароити яхши бўлган ҳар му¬сулмон учун ҳаётида бир марта Ҳажга бориш фарздир. Ҳаж, Байтуллоҳни Аллоҳнинг амри ила зиёрат қилишга ниятдир. Бу улуғ ва муборак мақсаддир. Ҳажга муаййан вақтларда борилади, муаййан жойлар зиёрат этилади. Маҳсус дуолар ўқилади. Байтуллоҳ Ҳаж ойининг 8, 9, 10, 11-кунлари зиёрат қилинади. У ердаги хос зиёратгоҳ Маккадаги Байтуллоҳ ва Арафотдир. Тавоф қилинадиган жойларга келингач, ҳаж ниятида миқот дейилувчи ерларда дунё кийимларини ечиб эҳром дейилувчи кийимлар кийилади. Ҳажнинг фарзлиги Қурьони Мубийнда шундай билдирилади: " Ва йўлга қодир бўлган кишилар зиммасида Аллоҳ учун мана шу уйни ҳаж-зиёрат қилиш бурчи бордир. Кимда-ким кофир бўлса (яъни Каъбани зиёрат қилиш фарз эканини инкор қилса), бас, албатта Аллоҳ бутун оламлардан беҳожат бўлган зотдир” (Ол-и Имрон, 97). Дунёдаги бутун мусулмонлар бу муборак Уй атрофида тўпланадилар, бир-бирлари билан танишадилар. Оламларга раҳмат бўлган Жаноби Пайғамбаримиз Муҳаммад Мустафо саллоллоҳу алайҳи васаллам шу муборак уй жойлашган Макка шаҳрида туғилганлар, Қуръони карим ҳам ама шу жойда нозил бўла бошлаган. Бугунги Байтуллоҳни Иброҳим алайҳиссалом Аллоҳнинг амри ила ўғиллари Исмоил алайҳиссалом билан бирга қуриб тавоф этишган. Аллоҳ таоло Иброҳим алайҳиссаломга: " Ва одамлар орасида (юриб уларни) ҳажга чақиргин, улар сенга (яъни сенинг даъватингга жавобан) яёв ҳолларида ва йироқ йўллардан келадиган ориқ-ҳолдан тойган туялар устида келурлар. Улар ўзлари учун бўлган (диний ва дунёвий) манфаатларга шоҳид бўлиш учун ва маълум кунларда (яъни Қурбон ҳайити кунларида Аллоҳ) уларга ризқ қилиб берган чорва ҳайвонларини (қурбонлик учун сўйиш) устида Аллоҳ номини зикр қилиш учун (келурлар). Бас, ундан ўзларингиз ҳам еяверинглар, бечора камбағалларга ҳам едиринглар", дея буюрган (Ҳаж, 27, 28). Иброҳим алайҳиссалом Жабали Чубайс (Чубайс тоғи) га чиқиб инсонларни муқаддас зиёратгоҳга даъват этганлар. Ҳажга борган ҳожилар ҳам Аллоҳ таолонинг бу амрига ижобат маъносида қуйидагича талбия айтишади:

"Лаббайк Аллоҳумма лаббайк лаббайк ла шарика лака лаббайк Иннал ҳамда ван-неъмата лака вал мулка, ла шарийка лак".

Маъноси:

"Эй Аллоҳим, Сенинг даъватингга "лаббай" деб жавоб бермоқдаман. Сенинг амр-фармонингга "лаб¬бай" деб жавоб бермоқдаман. Сенинг шеригинг йўқ. Сен ҳамду санога лойиқсан. Барча неьматлар Сендан. Бутун мулк Сенингдир. Сенинг ўртоғинг йўқ. Тоат-ибодатим ёлғиз Сенгадир".

Севимли қизим. Ҳажга қарзлари бўлмаган, ҳоли вақти жойида бўлган, соғлиги яхши бўлган кишилар боради. Кўрлар, соғлик ёки чўлоқлиги туфайли юришга қодир бўлмаганлар, беморлар бормайдилар. Йўл хавотирли бўлса ҳам ҳажга борилмайди. Маккада тўпланган ҳожи ва ҳожиялар Байтуллоҳни маҳсус дуолар ўқиб етти марта айланадилар, бунга тавоф дейишади. Кейин Замзам деб аталувчи муборак сувдан ичишади, дуо қилишади. Шундан сўнгра Ҳазрати Ҳожар югурган Сафо- Марва тепаликлари орасида етти марта югурадилар. Бу саъй дейилади. Саъй қилгандан кейин Одам алайҳиссалом билан Ҳавво онамиз танишишган ва Расулуллоҳ ҳам борганлари - Арафот жойига келадилар. Бу ер Каъбага анча узоқдир.

Бу жойда Жабали Раҳма дейилувчи кичик тоғнинг атрофида тўпланиб дуо ўқийдилар. Бу тўпланишга вақфа дейилади. Арафотдан Маккага қайтилади. Мино билан Макка орасида Машҳарул ҳарам дейилган жойда дуо ўқилади. Бу ерда, Минода шайтонга тош отиш учун тошлар йиғилади. Минога келиб шайтонга тош отилади, қурбонликлар суйилади. Сўнгра Маккага қайтиб келинади, Байтуллоҳ тавоф этилади. Пировардида, ҳожилик шарафига эришилади. Мадинада Расулуллоҳ саллаллоҳу алайҳи васалламнинг қабрлари зиёрат этилади. Ҳаж мана шулардан иборатдир.
 
Forum » AYOLLAR BO'LIMI » Muslimalar honasi » Муслиманинг дин китоби
  • Page 1 of 2
  • 1
  • 2
  • »
Search:
Yordam
Maxsus loihalar
UzigaBek qoidasi
Materiallardan har qanday foydalanishga faqat qayta chop etish qoidalari va giperhavola bilan ruxsat etiladi

Ushbu saytda taqdim etilgan yangiliklar, tahliliy ma'lumotlar, prognozlar va boshqa materiallar aktivlarni sotib olish yoki sotish bo'yicha taklif yoki tavsiyani tashkil etmaydi.

Barcha huquqlar himoyalangan© UzigaBek Portali,
2007—2024