|
Jahon sporti
|
|
| OSIYO | Date: Yakshanba, 05-Iyun-2011, 21:30 | Message # 1 |
 Peshqadam
Group: Ishonchli
Messages: 7133
Status:  | Bu forumga jahon sporti yangiliklaridan qo'yib bo'ramiz
|
| |
| |
| OSIYO | Date: Yakshanba, 05-Iyun-2011, 23:47 | Message # 2 |
|
Peshqadam
Group: Ishonchli
Messages: 7133
Status: |
|
| |
| |
| DURDON | Date: Seshanba, 07-Iyun-2011, 00:57 | Message # 3 |
 SUPER ADMINKA
Group: Admin yordamchisi
Messages: 10140
Status: | Eronlik futbolchi ayollar ro'mol o'ragani uchun Olimpiya o'yinlarida qatnashmaydi
FIFA ro'mollarni taqiqlanishi xavfsizlik nuqtai nazaridan kelib chiqganini aytmoqda.
07.06.2011
Eronning ayollar futbol jamoasi 2012 yil Londonda o‘tadigan yozgi Olimpiya o‘yinlarida ishtirok etmaydi.
Bunga Osiyoning eng kuchli jamoalardan hisoblangan Eron futbolchi ayollarining islomiy sport kiyimlari FIFA talablariga to‘g‘ri kelmagani sababi bo‘ldi.
2010 yilning aprelida FIFA futbolchi ayollarga maydonga ro'mol bilan tushishni ta'qiqlagan edi. Bunga javoban Eron ayollar jamoasi atayin badanga yopishib turadigan bosh kiyim turini o'ylab topishgan. Eron jamoasining aytishicha, yangi ro'mol FIFA talablariga to'liq javob beradi.
Biroq o‘tgan hafta Xalqaro futbol federatsiyasi boshiga ro‘mol o‘ragani uchun eron futbolchilarini Iordaniya jamoasi bilan Lononda o'tadigan Olimpiya o'yinlariga saralash matchiga qo‘ymadi. Eron rasmiylari bu yuzadan o‘z noroziligini bildirishdi.
Bo‘yinni o‘rovchi bunday ro‘mollar taqig'i xavfsizlik nuqtai nazaridan kelib chiqqanligi borasida FIFA rasmiy Texronni oldindan ogohlantirganini bildirdi.
Eslatamiz, Eronning ayollar futbol jamoasi FIFA o'yinlari doirasida O'zbekiston ayollar terma jamoasi bilan ham o'ynashi kerak edi.
|
| |
| |
| DURDON | Date: Dushanba, 13-Iyun-2011, 08:05 | Message # 4 |
SUPER ADMINKA
Group: Admin yordamchisi
Messages: 10140
Status: | "Bunyodkor" va "Paxtakor" OFK Chempionlar ligasi 2011 da qancha daromad ko'di?
Osiyo Futbol Konfederatsiyasi 2011 yilgi OFK Chempionlar ligasida ishtirok etgan klublarning shu kungacha olgan daromadlarini e'lon qildi. OFK bergan rasmiy ma'lumotga ko'ra, Toshkentning "Bunyodkor" klubi jami bo'lib 320 ming (6-o'rin), "Paxtakor" esa 170 ming (26-o'rin) AQSh dollariga teng foyda ko'rishgan.
Ro'yxatining birinchi va ikkinchi o'rinlarini Saudiya Arabistoning "Al Hilol" va Yaponiyaning "Kashima Antlers" klublari egalladi. Ikkala klub ham mavsum davomida 360 ming dollar foyda ko'rishgan.
Saudiya Arabistonining "Al Shabbob", Yaponiyaning "Serezo Osaka" va Janubiy Koreyaning "Chjonbuk" klublari har biri 340 mingdan daromad olib, ro'yxatning uchinchi, to'rtinchi va beshinchi o'rinlarini egallashgan.
Eslatamiz, OFKning Chempionlar ligasidagi klublar daromadi haqida bergan ma'lumoti chempionat tugaguncha bir necha bor o'zgarishi aniq. Ahir Chempionlar ligasi finalida yutib chiqgan klubni 1,5 million AQSh dollari kutmoqda. Afsus poytaxtimizning ikkala jamoasi ham bu yilgi OFK Chempionlar ligasining guruh bosqichidan pley-off o'yinlariga chiqa olishmagan.
|
| |
| |
| OSIYO | Date: Juma, 17-Iyun-2011, 05:10 | Message # 5 |
|
Peshqadam
Group: Ishonchli
Messages: 7133
Status: | 
2011 йилнинг 6 июнида Италияда якунланган Kickboxing WAKO World Cup 2011 кикбоксинг бўйича жаҳон кубоги мусобақаларида ўшлик Дилшод Обиджонов олтин медални қўлга киритди. Россиянинг Челябинск шаҳридаги бокс мактабларида Обиджоновдан ташқари яна бир гуруҳ ўшлик бокс усталари тарбияланмоқда.
Италиянинг Римини шаҳрида 3-6 июн кунлари бўлиб ўтган кикбоксинг бўйича Жаҳон кубоги мусобақасида Россия шарафини ҳимоя қилган асли ўшлик Дилшод Обиджонов бу спорт турининг энг оғири ҳисобланган “фулл-контакт” синфи бўйича жаҳоннинг энг зўр жангчиси деб тан олинди.
Озодлик жаҳон чемпиони билан суҳбатлашди:
- Бу бокс фақат оëқда тепилади корпусга. Корпусга, каллага тепилади. Лоу кик уже полний контакт. Как будто кўча урушига ўхшаб кетади. Биринчи бўлиб венгриялик билан тушдим. Уни ютдим. Иккинчи жанг украиналик, учинчи жанг полшалик. Қийин бой (жанг) украиналик билан бўлди. Ўтган йил мен урушдалик пайтимда (Ўш қирғини-муал.) у чемпион бўлган экан.
Озодлик: Сиз неча карра Россия чемпионисиз?
- Беш карра.
Озодлик: Беш карра Россия чемпиони ва бир марта жаҳон чемпиони.
- Яна боксдан Осиë чемпиониман. Кикбоксингдан беш карра Россия чемпиони, профессионалллар орасида России чемпиони ва мана жаҳон чемпиони бўлдим. Пулдан қийналамиз. Бошқа ҳаммаси яхши,- дея кулади жаҳон чемпиони.
Дилшод Обиджонов Озодлик билан суҳбатда чемпионлик супасига кўтарилиши тарихини ҳам гапириб берди.
- Челябинскка 2008 йили феврал ойида спорт орқали, Қирғизистонда бизни қирғиз ўзбек бўлиб кўтаришмаганда. Бутун умр ният қилардим чемпион бўлишни. Бу ерда Музаффар деган катта тадбиркор олдига келганман. Кучли тренер бор Фаригат Фатқулович деган. Ëнига олиб кирган. Шунақа бўлиб келиб қолганман. Биз оилада уч ўғил, бир қиз. Дадам боксëр бўлган ўзи. Ҳасан-боксëр, деб дадам Ўшда танилган инсон бўлган. Дадам қатори кетганману фақат мен кикбоксдан кетдим. Телман мактабда ўқиганман. Ҳозир Челябинскда иккинчи курсда МВДда ўқияпман. Худо хоҳласа, икки йилдан кейин лейтенант бўламан. Август ойида практика тугайди,- дейди Дилшодбек.
Чемпион 2008 йилда Россия биринчилиги мусобақасида ғолиб чиқиши биланоқ унга Россия фуқаролигини беришган.
Суҳбатдошимиз ўтган йили уйлангани Қирғизистонга келиб, тўйга тайёргарлик кўраётганида Ўш воқеалари бошланиб кетади.
Озодлик: Ўтган йил Ўшда бўлган воқеалардан хабарингиз бор. Ўша пайтда қаерда эдингиз?
- Ўзи аслида июн ойида уйлайман деб бувам тўйга чақирган эди мени. 2010 йил 13 июн куни тўйим бўлиши керак эди. 9 июн куни кечки пайт оилам билан “эртага бориб қўй оламиз” деб ният қилиб ўтирган эдик. 9 июндан 10 июнга ўтар кечаси соат 2 ларда эди. Ўшанда уруш бошланиб кетди. Эртаси куни ота-оналарнинг ҳаммасини Дўстликка жўнатдик. У нарсаларни эсласангиз қийин бўлади ака. Родной акамнинг хотинининг уйи Черëмушкида. У ëниб кетган. 30 июн куни уйландим. Куëв бола бўлиб уч-тўрт кун юрдим. Мен исташаяпти экан. Менинг сочим узун эдида. “Сочи узун спортсмен бола экан. Йўғон бола экан. Ўша болани ушлаш керак” деганда мен қочиб чиқиб кетиб қолганман, дея эслайди эндиликда Россия шарафини жаҳон чемпионатларида ҳимоя қилаётган Дилшодбек Обиджонов.
|
| |
| |
| OSIYO | Date: Juma, 17-Iyun-2011, 05:11 | Message # 6 |
|
Peshqadam
Group: Ishonchli
Messages: 7133
Status: | Кикбокс бўйича ўшлик Жаҳон чемпиони улкан ютуқларга эришгани билан, кикбоксинг катта даромад келтирмаслиги ва шу сабабли қўшимча даромад излашга тўғри келишини айтади.
Озодлик: Билишимча, сиз Челябинск Агроуниверситетини ҳам битиргансиз.
- У ерда заочний. Тўғрисини айтсам ëрдам йўқ. Мен жаҳон чемпиони бўлиб Москвадаги ўзимнинг родной акам Фарҳод машина совға қилган. Мен такси қилиб юрибман. Ўрислар ҳам ҳайрон бўлаяпти. Телевизорда кўриб қолганлар, таниб қолганлар, энди бостириб кепка кийиб юрибман, “Сен жаҳон чемпиони бўлиб туриб такси қилаяпсанми? ”, дейди.
Озодлик: Демак, жаҳон чемпионлиги катта даромад келтирмаяпти эканда...
- Кикбоксинг олимпийский вид спорт бўлмагани учун спонсорлик қилинмаяпти. Бу ерда бой акахонлар жуда кўп. Ўшалардан бир-икки марта сўрасам “ана, мана”, деди. Шу билан йўқолиб кетди. Энди ғурур бор экан, ўзим ҳам сўрамай қўйдим, дейди Дилшод Обиджонов.
У ҳозир Челябинскдаги “Буревестник” спорт мактаби ва Челябинск давлат агроинженерия академияси номидан Фаригат Касимов мураббийлигида мусобақаларда қатнашиб келмоқда. Дилшод ҳозир Македонияда бўлиб ўтадиган кикбоксинг бўйича Жаҳон чемпионатига тайёргарлик кўраётганини, насиб қилса, ўта оғир вазнда чемпионлик камарини тақишни нияти борлигини айтди.
Маълум бўлишича, Россиянинг турли халқаро мусобақаларида Челябинск шаҳри шарафини бир гуруҳ ўшлик боксер йигитлар ҳам ҳимоя қилмоқда. Улар қаторида Ўш воқеаларидан кейин шаҳардан бир гуруҳ шогирдларини олиб чиққан ва ҳозирда Челябинскдаги “Чемпион” профессионал бокс клубида уларга бокс бўйича мураббийлик қилаётган Олимжон Абдуллаев ҳам бор.
У шогирдларини Қирғизистондан иккита эски “Жигули”да олиб чиққан. Шунга қарамасдан бокс бўйича охирги бешта халқаро беллашувларда унинг шогирдлари деярли барча совринли ўринлар ва кубокларни эгаллаган. Абдуллаев бошланишида жуда қийин бўлишига қарамасдан бугунги кунда улар Россия шароитига кўникиб қолганини айтади.
- Мен Андижонда Муҳаммадқодир Абдуллаев, Руслан Чагаевлар билан ўқидим. Қайтиб келиб икки маротаба Қирғизистон чемпиони бўлдим. Кейин 6 йилча тренер бўлиб ишладим. Ҳозир бу ерда тренерлик қиляпман. Бу ерда ҳаммаси ўзингизга боғлиқ экан: қанчалик натижа кўрсатсангиз, шунчалик яхши бўлар экан. Мана 20 кун олдин Санкт-Петербургда катта турнирга олиб борган учта уқувчимдан уччаласи ҳам биринчи ўринни олди. Свердловск вилоятидаги мусобақага олиб борган тўртта шогирдим барчаси призовой ўринни эгаллади. Қаерга борсак битта-иккита чемпион бўлиб келяпти,- дейди Олимжон Абдуллаев.
Ўшлик спортчиларни қабул қилиб, уларни уй-жой билан таъминлашда кўмаклашган “Чемпион” клуби катта мураббийси Юрий Кабулов ўзбек бокс мактаби ҳақиқатан дунёда энг кучлилардан эканини эътироф этади. “Дядя Юра” кочқин боксчиларга клубда бепул машқ қилиш имкониятини яратиб берди.
Ўз йигитлари билан спорт майдонига Қирғизистон байроғи остида тушаётганини гапирган Олимжон Абдуллаев яқин кунларда шогирдлари билан Ўшга бориб келиш ниятида эканиги маълум қилди.
“Мана 30 ёшимда 9 фарзанд отасига айландим”, дея ҳазиллашади Олимжон.
- Шахсан ўзим билан тўртта бола туради. Қолганлари билан 8 киши. Уларни мактабга ўқишга олиб кирганман- ўқиши ҳам керак-ку. ЎЗимни иккита болам билан 9 боланинг отаси бўлиб ҳатто ота-оналар мажлисларига ҳам боряпман. Мошинам бор, Оллоҳ беряпти. Ўзим емасам ҳам буларга едиряпман,- дейди бокс мураббийси Олимжон Абдуллаев.
Суҳбатимиз сўнггида Олимжон яқин келажакда Челябинскда Дилшод Обиджонов каби қатор жаҳон чемпионлари етишиб чиқишига ишонишини айтди.
|
| |
| |
| OSIYO | Date: Shanba, 18-Iyun-2011, 05:31 | Message # 7 |
|
Peshqadam
Group: Ishonchli
Messages: 7133
Status: |
Ўшлик Фарҳоджон жаҳон чемпионатига тайёрланмоқда
Ўшлик 27 ёшли Фарҳоджон Шарипов “қоидасиз кураш” йўналишида 3 карра Флорида чемпиони. Айни пайтда у жаҳон чемпионатига тайёргарлик кўрмоқда.
Фарҳоджон Ўшнинг Турон шаҳарчасида туғилиб ўсган. Тўрт фарзандли оилада катта бўлган суҳбатдошимиз ёшлигидан спортнинг бир неча тури бўйича шуғулланган.
- Дадамиз ёшликдан спортга берган эди. Дадам ўзи спортсмен. Қозоғистонда Милиция олий мактабини битириб, доимо бизни спорт билан шуғуллантирган. Ёшликдан югуртирар эди, спортга олиб борар эди. Бошида каратэ додан бошлаганман. У пайтлар Брюс Ли афсона эди. Шу учун шу спорт турига қатнашар эдим, - дея эслайди Фарҳоджон.
Ўшлик 27 ёшли Фарҳоджон каратэдан сўнг дзюдога, кейин таэквондо, футбол, бокс каби спорт турларига қизиқиб қатнашган.
Шу пайтнинг ўзида Ўшдаги собиқ Ўзбек-қирғиз университетини иқтисод йўналишида ҳам тамомлашга улгурган.
Сўнгги уч йилдан буён ўшлик Фарҳоджон АҚШнинг Флорида штатида чемпион унвонини кетма-кет қўлга киритиб келмоқда. Уни америкаликлар “Френк Шарипов” номи билан танишади.
- Ҳар-хил спорт турлари бўйича қатнашаман. “Бой без правил “ дейишади, ёки "восмиуголник”. Унда қоидалар деярли йўқ. Кўзга қўл тиқилмайди. Яна бир икки қоидаси бор. Энди бизда “бой без правил” деб қўйиб олишган. Ўзи Америкада “микс маршал арт” , яъни “MMA” дейишади,- дейди спортсмен Фарҳоджон.
Фарҳоджон уч йил ичида 16та ўйинда қатнашган. Шундан 14тасида ғалаба қозонган. Унинг айтишича, мусобақаларда қатнашаётганида жароҳат олишини билса-да, қўрқмасдан рингга тушади.
- Октябрда Худо хохласа жаҳон чемпиони унвони учун курашаман. Ундан ташқари Канадага бориб, белбоғ учун курашишим керак. Ҳозир менежерим шу бўйича музокаралар олиб бораяпти,- дея ўзининг келгуси режалари ҳақида гапиради ўшлик спортчи.
Ўшлик ўзбек йигитининг АҚШда шу пайтга қадар эришган ютуқлари ҳам анча экан.
- Натижалар катта. Бундай қарасангиз, самбо бўйича Америка чемпионатида учинчи ўринни олганман,- деди Фарҳоджон.
Фарҳоджон Флоридадаги барлардан бирида бармен бўлиб ишлайди. Ундан ташқари, спорт турлари бўйича ёшларга сабоқ ҳам бериб туради.
27 ёшли ўшлик Фарҳоджонга кўра, унинг туғилиб ўсган шаҳрида иқтидорли спортчи йигитлар кўп.
- Менинг билишимча, боксда, курашда ўзбеклар Ўшда яхши натижалар кўрсатган. Бекзод, Шерзод деганлар бор эди. Кикбоксингдан Мансур деган бола Осиё чемпионатида жуда яхши натижа кўрсатган эди. Унинг жаҳон чемпионатида учинчи ўрин олган укаси ҳам бор эди. Бизда барибир шароит қийин. Иқтидорлиларни қўллаб-қувватлашмайди. Қарасангиз истаган спорт турида ўзбеклардан жуда ҳам талантли болалар бор, - деди Фарҳоджон.
Бугун АҚШда спорт тури бўйича “қирғизистонлик ўзбек” дея эълон қилиниб, мусобақага чорланаётган Фарҳоджон ўз ёнига Ўш қирғинидан сўнг ота-онасини олиб кетган. Ягона орзуси Ўшда қолган фарзанди ва оға-иниси билан билан тезроқ кўришиб, тинчликда яшаш.
|
| |
| |
| DURDON | Date: Payshanba, 23-Iyun-2011, 05:49 | Message # 8 |
SUPER ADMINKA
Group: Admin yordamchisi
Messages: 10140
Status: | Душанбедаги футбол ўйини тартибсизликка уланди
22 июн оқшомида Тожикистон пойтахтида тартибсизлик келтириб чиқарган қирққа яқин фуқаро жиноий жавобгарликка тортилди.
Душанбенинг “ЦСКА-Помир” ва Кўлобнинг “Равшан” командалари ўртасида 22 июн куни бўлиб ўтган учрашув 3:2 ҳисоби билан кўлобликлар фойдасига якунланди.
Душанбе шаҳрининг жанубий ҳудудида жойлашган “Политехникум” майдонидан кўчага чиққан футбол мухлислари, воқеа гувоҳларининг айтишларича, йўл четдаги машиналар ва уйларни тошбўрон қилган.
- Стадионда 700 дан ортиқ мелиса бор эди. Майдон ичкарисида хавфсизлик масаласи жуда яхши йўлга қўйилганди. Тартибсизлик ўйиндан кейин кўчада бўлди. Оломон асосан 14 ва 16 ёшли болалардан иборат эди, - дейди воқеа гувоҳларидан бири бўлган Равшан исмли суҳбатдошимиз.
Гувоҳларнинг айтишича, йўлида учраган машина ойналари ва турар-жой биноларининг деразаларини тошбўрон қилиб, синдирган оломонни ҳатто милиция ходимлари ҳам тарқатиб юбора олмаган.
Тожикистон Ички ишлар вазирлиги расмийси Тоҳир Норматовнинг Озодликка маълум қилишича, шундан сўнг ОМОН ходимлари ёрдамга юборилган, воқеа жойига Ички ишлар вазири Абдураҳим Қаҳҳоров ҳам етиб борган.
- Воқеа жойида қирққа яқин киши ҳибсга олинди. Лекин айтиш лозимки, бирор киши тан жароҳати олгани йўқ. Фақат учта машина ойнаси синдирилган, қолган зарарлар ҳозирча ўрганилмоқда. Тартибсизликда гумонланиб, қўлга олинганларга нисбатан Тожикистон Жиноят кодексининг “безорилик” моддаси бўйича жиноий иш очилди, - дея маълум қилди Тоҳир Норматов.
Шу ўринда айтиш жоизки, Тожикистондаги футбол командаларининг учрашуви шунинг билан учинчи марта жанжал билан якунланмоқда.
Аввалроқ Кўлоб марказий майдонида Душанбенинг “Истиқлол” ва Кўлобнинг “Равшан” командалари учрашуви сўнгида ҳам юзлаб футбол мухлислари жанжал чиқарган эди.
Ўшанда ҳуқуқ-тартибот идора ходимлари тартибсизлик келтириб чиқарганларга қарши шовқин чиқарувчи гранаталар ва кўздан ёш оқизувчи газ қўллаганди.
Кўлобдаги воқеада, расмий маълумотларга кўра, ўндан ортиқ киши турли тан жароҳатлари олганди.
Мустақил таҳлилчиларга кўра, бу тартибсизликлар олдиндан уюштирилган бўлиб, унинг сиёсий омиллари мавжуддир.
- Бугунги кунда мамлакатимизда футбол ҳам сиёсий кураш усулига айланди. Бунинг ўзига хос сабаблари мавжуд. Асосий сабаби шундаки, фуқаролар, хусусан, ёшлар сиёсий тузим ўзгаришини истайди. Биздаги сиёсий партиялар ва фуқаролик жамиятларининг жуда заифлигини ҳис қилаётган ёшларимиз ўзгариш фақат Яқин Шарқдаги сингари инқилоб ёрдамида бўлиши мумкинлигини англаб етди ниҳоят, - дейди мустақил таҳлилчи Ражаби Мирзо.
Бошқа бир таҳлилчи Абдулло Ҳабибов мулоҳазасича, мамлакатдаги ижтимоий аҳвол, ижтимоий тенгсизлик, инсон ҳуқуқлари, виждон эркинлиги каби масалаларда ҳукумат мулозимлари томонидан йўл қўйилаётган адолатсизликлар халқнинг сабр косасини тўлдирган.
- Албатта бундай норозилик намойишлари, инқилоблар сиёсий режимдан норози мухолиф кучлар ва сиёсий партиялар томонидан режалаштирилади. Ёшлар эса шунчаки ижрочи, холос, - дейди хавфсизлик масалалари бўйича мустақил таҳлилчи Абдулло Ҳабибов.
“Хўш, нега айнан Кўлобнинг “Равшан” командаси қатнашган ўйинлар шундай тартибсизликлар билан якунланаяпти?” дея сўраймиз таҳлилчидан.
- Ҳақли савол. Тожикистонда конститутциявий тузум барпо қилишда айнан кўлобликларнинг ҳиссаси кўпроқ бўлган. Уларнинг жамиятдаги нуфузи қандайлигини мухолиф кучлар, айрим доиралар жуда яхши билади. Улар: “Агар намойишларда кўлобликлар олдинги сафда бўлса, ҳукуматга айнан Кўлоб қарши турса, инқилоб ташкилотчилари мақсадга тезроқ етиш мумкин”, деб ўйлайди, - дея мулоҳаза билдиради мустақил таҳлилчи Абдулло Ҳабибов.
Тожикистон президенти ҳузуридаги стратегик тадқиқотлар маркази расмийси Сайфулло Сафаров футболдаги тартибсизликларга сиёсий бўёқ бериш нотўғрилигини айтади.
- Дунёнинг барча йирик давлатлари, жумладан, Москва, Берлин, Лондон каби шаҳарларда ҳам ўйиндан кейин фанатлар ўз ҳиссиётларини турли йўл ва ҳаракатлар билан намойиш қилмоқчи бўлади. Бизда ҳам айнан шундай ҳолат бўлган. Бунга сиёсий тус бериш мутлақо нотўғридир. Йилдан-йилга Тожикистонда ҳам демократия ривожланаётганини фуқароларимиз яхши англайди. Эндиликда фуқаролар ўз эркини европача шаклда ифодалаш мумкинлигини тушуниб етмоқда, - дейди Сайфулло Сафаров.
Эслатиб ўтамиз, 3 май куни Душанбе шаҳрида, 14 июн куни Кўлоб шаҳрида ва 22 июн куни яна Душанбе шаҳрида юзага келган тартибсизликларда қатнашган ўнлаб ёшлар Тожикистон қонунлари доирасида жиноий жавобгарликка тортилди. Ҳибсга олинганлардан бирор киши қўйиб юборилгани ҳақида маълумот йўқ.
Тожикистон президенти Имомали Раҳмоннинг ўғли Рустам Имомалига тегишли “Истиқлол” футбол командасига рақиб кўрилган Кўлобнинг “Равшан” командасидан эса Кўлобдаги воқеа ортидан 3000 сомоний ёки сал кам 650 АҚШ доллари миқдорида жарима ундирилди.
|
| |
| |
| MASTER | Date: Yakshanba, 03-Iyul-2011, 19:36 | Message # 9 |
 Adminstrator
Group: ADMINISTRATOR
Messages: 7470
Status: | Туркияда футбол жанжали: 40 дан ортиқ одам ҳибсга олинди
Туркия футболи
Туркияда футбол миллионлар ўйини ҳисобланади
Туркияда футбол клубларининг 40 дан ортиқ раҳбарлари ва бошқарувчилари келишилган футбол матчларини ташкиллаштиришда гумонланиб, ҳибсга олинди.
Ҳибсга олинганлар орасида Туркиянинг энг номдор клуби - "Фенербахче" президенти Азиз Йилдирим ҳам бор.
Полиция бир вақтнинг ўзида Туркиянинг 12 шаҳри футбол клублари ва хусусий уйларга рейд уюштирган.
Келишилган футбол учрашувлари орасида, айниқса, бир матч алоҳида кучли гумон остига олинган.
Ўтган йил Туркия футбол лигаси финалида "Фенербахче" рақиби "Сивасспор" устидан 4:3 ҳисобида ғалабага эришган эди.
"Анадўлу" хабар агентлигига кўра, ҳибсга олинганлар орасида шунингдек "Эксишеҳирспор" футбол клуби бош мураббийи ва Туркия миллий жамоасининг собиқ ўйинчиси Умит Каран, ҳозирда Туркия миллий жамоаси сафида тўп сураётган Сердар Кулбилге ва Серкан Чалик ҳам бор.
"Доған" хабар агентлигининг маълум қилишича, яқинда 9 миллион долларга "Карабукспор" футбол жамоасидан "Фенербахче"га трансфер бўлган нигериялик Эммануел Эменике ҳам ҳибсга олинган.
Шу йил апрел ойида Туркия ҳукумати футболда коррупция қарши кескин курашиш мақсадида жазо чораларини кучайтирди.
Келишилган футбол матчлари учун эндиликда 12 йилгача қамоқ жазоларини тайинлашга қарор қилинган.
manba bbc uzbek
وَلاَ حَوْلَ وَلاَ قُوَّةَ إِلاَّ بِاللَّ
|
| |
| |
| DURDON | Date: Shanba, 09-Iyul-2011, 14:53 | Message # 10 |
SUPER ADMINKA
Group: Admin yordamchisi
Messages: 10140
Status: | Stol tennisi
|
| |
| |
| OSIYO | Date: Shanba, 23-Iyul-2011, 17:44 | Message # 11 |
|
Peshqadam
Group: Ishonchli
Messages: 7133
Status: | Қирғизистон терма жамоаси тор-мор этилди!
Учрашув ҳар икки жамоанинг ҳужумлари билан бошланди. Лекин рақиб ўнинчи дақиқадан кейин устунликни вакилларимиз қўлига топшириб қўйди. Унгача меҳмонлар томонидан берилган бир зарбани Нестеров қийинчилик билан майдон ташқарисига чиқариб юборди. Вадим Абрамов шогирдлари эса, 20 дақиқа ичида тўрт марта Волков дарвозаси олдида хавфли вазиятни юзага келтирди. Лекин Гейнрих, Бикмаевга омад етишмади. Бир вазиятда Жепаровнинг жаримадан йўллаган зарбасини дарвоза устуни қайтарди. Босимни оширган вакилларимиз танаффусга йирик ҳисобдаги ғалаба билан чиқиб кетишлари мумкин эди, аммо футболчиларимиздан омад очиқчасига юз ўгирди. Чунки ҳар доим бизни қийин вазиятлардан олиб чиқиб кетадиган Гейнрих яқин масофадан бўш қолган дарвозани нишонга ола билмади. Сервернинг ажойиб зарбасини яна устун қайтарди. Лекин барибир вакилларимиз биринчи бўлиб ҳисобни очишди. Андреевнинг чап қанотдан етказиб берган тўпини Саша голга айлантирди – 1:0.
Голдан кейин майдонда бироз сокинлик юзага келди. Бироқ бу узоққа чўзилгани йўқ. Устунликни ўз қўлида ушлаб турган вакилларимиз 44–дақиқада жуда қулай имкониятни кўкка совуришди. Карпенкони ўнг қанотдан етказиб берган тўпини дарвозага йўллаш чоғида Гейнрихга озгина айёрлик етишмади. Шу тариқа биринчи бўлим терма жамоамизнинг кичик ҳисобдаги ғалабаси билан якунланди.
Иккинчи бўлим ҳам футболчиларимизнинг устунлигида бошланди. Натижада ўн дақиқа оралиғида ҳисоб 3:0 кўринишини олди. Аввалига Бикмаев жарима майдони ичига кирар-кирмас дарвоза томон ажойиб зарба йўллади. Олдинга чиқиб кетган Волков узоқ бурчагидан тўп олиб чиқди – 2:0. Орадан кўп ўтмай Жепаров мухлисларимизни хушнуд қилди. Чиройли комбинациядан кейин меҳмонлар дарвозаси учинчи бор ишғол қилинди. Захирадан майдонга тушган Насимов ва Бақоев ўйинни кучайтиришдик-ку, лекин уларга ҳужумларни якунлаш борасида аниқлик етишмади. Аммо Бақоев барибир майдонни голсиз тарк этгани йўқ. Ҳакам томонидан қўшиб берилган дақиқаларда Улуғбек ўзининг услуби бўйича ҳисобни 4:0 кўринишига олиб келди. Гейнрихнинг жарима зарбасидан етказиб берган тўпини Бақоев бош билан дарвозага йўллади. Бу учрашувдаги сўнгги гол бўлди.
ЖЧ-2014. ИККИНЧИ САРАЛАШ БОСҚИЧИ
Дастлабки ўйин. 23 июль. Тошкент. соат 19:00.
ЎЗБЕКИСТОН – ҚИРҒИЗИСТОН 4:0 (1:0)
Бош ҳакам: Абдуллоҳ ал Балуший (Қатар)
Голлар: Александр Гейнрих 28, Марат Бикмаев 48, Сервер Жепаров 56, Улуғбек Бақоев 90+2
ЎЗБЕКИСТОН: Игнатий Нестеров, Шавкат Маллажонов, Азизбек Ҳайдаров, Сервер Жепаров (Баходир Насимов 66), Станислав Андреев, Александр Гейнрих, Марат Бикмаев (Улуғбек Бақоев 57), Темур Кападзе, Виталий Денисов, Ислом Тўхтахўжаев, Виктор Карпенко (Жавлон Иброхимов 76).
Бош мураббий: Вадим Абрамов
ҚИРҒИЗИСТОН: Владислав Волков (Руслан Амиров 74), Даврон Асқаров, Азамат Бойматов, Курсанбек Шератов, Азиз Сиддиқов, Анатолий Власичев, Валерий Кичин (Шухрат Рахмонов 60), Мирлан Мурзаев (Владимир Хорошунов 72), Қаюмжон Шарипов, Марат Ажиниязов, Веньямин Шумейко
Бош мураббий: Мурат Жумакеев
Огохлантиришлар: Азамат Бойматов 13, Даврон Асқаров 26, Веньямин Шумейко 37, Марат Ажиниязов 65.
Manba: fanat.uz
|
| |
| |
| BAXOR | Date: Payshanba, 18-Avg-2011, 06:29 | Message # 12 |
 Peshqadam
Group: Ishonchli
Messages: 4075
Status: | 
В Ташкенте пройдет чемпионат мира по тайскому боксу
Ташкент с 20 по 27 сентября примет чемпионат мира по муай таю.
О том, как идет подготовка к этому престижному международному турниру, рассказали на пресс-конференции, организованной Ассоциацией любительского и профессионального муай тая Узбекистана.
Было особо отмечено, что проведение соревнований такого высокого уровня - знаменательное событие не только для отечественных мастеров боевых искусств,
но и в спортивной жизни страны.
В Ташкент прибудут свыше тысячи спортсменов и гостей из более 70 стран мира.
На сегодняшний день уже около 60 государств из Европы, Азии, СНГ, а также Канада, Марокко и Бразилия подали свои заявки на участие в чемпионате. Полным ходом идет подготовка и нашей сборной.
В прошлом месяце в Самарканде состоялся чемпионат республики, в котором состязалось более 250 тайбоксеров. А в настоящее время проходят учебно-тренировочные сборы, которые завершатся 18 сентября. Ассоциацией любительского и профессионального муай тая Узбекистана при активном содействии, которое в соответствии с распоряжением Кабинета Министров республики, оказывает ряд государственных организаций и ведомств, проделана большая подготовительная работа. Решены вопросы обеспечения участников и гостей турнира жильем, транспортом, медицинским обслуживанием. Разработана программа культурно-развлекательных мероприятий, сообщает "Правда Востока". Для победителей и призеров изготовлено 256 медалей и 70 статуэток, выпущены памятные подарки и сувениры.
Организаторы чемпионата поддерживают постоянную связь с Международной федерацией IFMA. Планируется, что в начале сентября в столицу Узбекистана приедет рабочая группа под руководством генерального секретаря этой авторитетной организации Стефана Фокса.
|
| |
| |
| OSIYO | Date: Juma, 26-Avg-2011, 04:10 | Message # 13 |
|
Peshqadam
Group: Ishonchli
Messages: 7133
Status: | Qozog’iston sportchilarini Amerikaga taklif qilishdi
Ilmiy va jismoniy ta’limni birday olib borish, nogiron insonlar uchun imkoniyat yaratish, sport orqali ayollar va qizlarga dalda berishgaqaratilgan bu dasturda 54 davlat vakillari qatnashgan
AQSh Davlat departamenti jismonan zaif sportchilarni qo’llab-quvvatlash maqsadida Qozog’istondan 14 nafar volleybolchini tajriba almashish uchun taklif qilgan.
10 kun davomida ayol va erkak sportchilar Oklaxoma shtatiga borib, Amerika volleybol jamoasi bilan bellashadi.
Davlat kotibasi Xillari Klinton sport diplomatiyaning muhim qismi ekanini ta’kidlab keladi.
Xalqlarni birlashtirish, o’zaro murosani mustahkamlashda sportning o’rni katta, deydi u.
Ilmiy va jismoniy ta’limni birday olib borish, nogiron insonlar uchun imkoniyat yaratish, sport orqali ayollar va qizlarga dalda berishgaqaratilgan bu dasturda 54 davlat vakillari qatnashgan.
|
| |
| |
| OSIYO | Date: Seshanba, 30-Avg-2011, 22:37 | Message # 14 |
|
Peshqadam
Group: Ishonchli
Messages: 7133
Status: | «МЮ» - «Арсенал» — 8:2. «Олд траффорд»да хоккей ўйнашди
Англия премьер лигасининг учрашувлари бир-биридан қизиқарли суратларда давом этмоқда.
Бугун яна бир марказий ўйин ўз ниҳоясига етди. Унда "Манчестер Юнайтед" клуби ўз майдонида Лондоннинг "Арсенал" жамоасини қабул қилди. Ҳисоб хоккейча кўринишда якун топди, 8:2.
Бу оқшом "Қизил иблислар" "канонирлар"ларга деярли ўйин беришмади. Ҳужумчи Уэйн Руни хет-трик муаалифига айланди.
"Манчестер Юнайтед"– "Арсенал" – 8:2
Голлар: 1:0 – Уэлбек (22), 2:0 – Эшли Янг (28), 3:0 – Руни (42), 3:1 – Уолкотт (45), 4:1 – Руни (64), 5:1 – Нани (67), 6:1 – Пак Чжи Сун (70), 6:2 – ван Перси (75), 7:2 – Руни (87, пенальтидан), 8:2 – Эшли Янг (90).
МАНЧЕСТЕР ЮНАЙТЕД: Де Хеа, Смоллинг, Джонс, Дж. Эванс, Эвра, Клеверли, Андерсон (Гиггз, 68), Эшли Янг, Нани (Пак Чжи Сун, 68), Уэлбек (Х. Эрнандес, 36), Руни.
АРСЕНАЛ: Шчесни, Журу, Женкинсон, Косьельни, А. Траоре, Рэмзи, Росицки, Уолкотт (Лэнсбери, 84), Коклен (Окслейд-Чемберлен, 62), Аршавин, ван Перси (Шамах, 84).
Огоҳлантиришлар: Аршавин (15), Дж. Эванс (26), Эшли Янг (26), Женкинсон (40), Джуру (63).
Майдондан четлатиш: Женкинсон (77).
Manba: uff.uz
|
| |
| |
| Saodat | Date: Yakshanba, 09-Okt-2011, 16:33 | Message # 15 |
 Yangilardan
Group: Ishonchli
Messages: 955
Status: | Киевда Евро-2012 финал ўйини бўладиган янги ўйингоҳ очилди
Украина пойтахти Киевда Футбол бўйича 2012 йилги Европа чемпионати финал ўйинига мезбонлик қиладиган янги ўйингоҳ расман очилди.
60 минг томошабинга мўлжалланган ўйингоҳ очилишида жаҳон юлдузлари, жумладан колумбиялик поп-юлдуз Шакира ҳам қатнашди.
Евро 2012 ўйинлари Украина ва Полшанинг саккиз шаҳрида бўлади.
Финал ўйини эса Киевда 1 июл куни ўтказилади.
|
| |
| |
