|
Qur'on va uning ilmlari
|
|
| SANJAR80 | Date: Payshanba, 03-Dek-2009, 19:14 | Message # 1 |
Group: Ishonchli
Messages: 3741
Status:  | Куръон ёдлашнинг энг яхши йўли кандай?
Савол: Куръон ёдлашнинг энг яхши йўли кандай?
Жавоб: Куръон ёдлашнинг йўллари турлича бўлиб уларнинг баъзилари булардир:
1) Аллох учун холис бўлиши, риё-хўжакўрсинга бўлиб колишидан сакланиш. Чунки, киёмат куни жаханнам биринчи бўлиб, Кори!- дейилиши учун куръон ўкиган киши учун киздирилади. Сизнинг куръон ўкишдан максадингиз Аллохдан бўладиган ажр-мукофот ва куйидаги хадисларда зикр килинган мартаба ва даражалар бўлсин!.
Охиратда: «Ўки ва юкори даражага кўтарил, дунёда тиловат килганинг каби тиловат кил, сенинг манзилинг сен ўкиб бориб тўхтаган энг охирги оят олдидадир» дейилади. (Бу хадисни Термизий: 2914 ва Абу Довуд: 1464 -хадисда Аблуллох ибн Амр ибн ал Ос -розияллоху анхумо- дан ривоят килдилар).
Расулуллох саллаллоху алайхи ва саллам: «Сизларнинг яхширогингиз куръонни ўрганиб, уни ўргатган кишидир» дедилар. (Бу хадисни Бухорий 5027- хадисда Усмон -розияллоху анху- дан ривоят килганлар).
Анас ибн Молик -розияллоху анху- ривоят килиб, дедилар: Расулуллох саллаллоху алайхи ва саллам: «Одамлар орасида Аллох таъолонинг ахли бодир. — дедилар». Ё Расулуллох саллаллоху алайхи ва саллам улар кимлар? — Деб сўрадилар: Пайгамбар саллаллоху алайхи ва саллам «Улар куръон ахли, Аллохнинг ахли ва унинг хос кишиларидир»— дея жавоб бердилар. (Ибн Можа сахих санад билан 215- хадисда ривоят килдилар).
2) Замонавий янги жихозлар ва алока воситаларидан фойдаланиб токатингизга караб, мумкин кадар кироатни тузатиш. Бирок булар кироатни яхши биладиган устоздан бехожат килолмайди.
3) Ёдланган жойларни дафтарга белгилаб кўйиб, бир хафта, ўн кун ёки узоги билан икки хафтага бўлиб, узуликсиз такрорлаб турасиз токи бу эсда яхши сакланиб колсин.
4) (3 ракамда айтилганидек) Белгиланган кунлик ўтган дарсларни такрорлаб бўлгандан сўнг, янгисини ёдлашга киришинг. Агар такрорни яхши килмаган бўлсангиз янги ёдлашга киришманг. Бу сизга фойдали ва тез ёдлашингиз учун яхшидир.
5) Янги ёдлаганингиз мустахкам бўлиши учун шу куннинг ўзида кучингиз етганича такрор килинг.
6) Янги ёдлаганингизни тўрт кун кетма-кет такрор килинг сўнг (3-ракамдаги) умумий такрорга кўшиб кўйинг.
7) Озрок бўлса хам зерикиш ва малолланиш хосил бўлмайдиган микдорда ёдланг. Гап узлуксиз давомли ёдлашдадир. Чунки, йўлда тўхтамай юрган манзилга етади, отининг чопкирлигига суяниб дангасалик килган одам манзилга хам етолмайди отини хам халок килади.
8) Факат бир хил куръондан ёдланг, уни бошка нусхага ўзгартирманг. Агар ёзуви катта-катта бўлса ёдлаш хатодан холирок бўлади.
9) Янги ёдлаганни аввалгиси билан богланг. Аввалги дарснинг охирги оятини янги ёдланган дарснинг бош ояти билан доимо боглаб кетинг.
10) (Агар араб тилини билсангиз) Малик Фахднинг бирлашмаларида чоп килинган «Ат-тафсирул-Муяссар» ва Ашкарнинг «Зубдату тафсир мин фатхил кадир» каби жуда мухтасар тафсирлардан фойдаланинг, тушуниш билан ёдлаш тезлашади.
11) Ёдланган сураларни намозда ва холи вактингизда ўкишни машк килинг.
12) Такрорлаш тўла суратда давом этиши учун хафтада бир кунни таъйинлаш лозим. Бу кунда кайтара олмай колган кунларингиздаги карзларингизни адо киласиз.
13) Ўзингизга муносиб вактларни танлаб олинг, акл жамланиб турганда ёдлаш хам осон, хам яхши бўлади.
14) Аллохга богланишни ва сизга куръонни ёдлашни енгил килиши хамда бу ишда сизга муваффакият беришини сўраб дуони кўпрок килинг.
15) Гунохлардан сакланинг. Хусусан, кўз ва кулок гунохларидан сакланинг.
Куръон ёдлашнинг булардан бошка йўллари хам бор, уларни зикр килсак гап чўзилиб кетади. Уларга кўпрок изланиш ва ўзингиз каби ўртогларингиздан сўрашлик билан эришасиз.
Аллох сизга тавфик берсин ва сизу бизни куръон ахлидан килсин!
Жавоб берувчи: Абдулхаким ал Косим (Ал ислам ал явм)
|
| |
| |
| OSIYO | Date: Seshanba, 21-Iyun-2011, 18:14 | Message # 2 |
 Yangilardan
Group: Ishonchli
Messages: 7125
Status: | Allohning Qur’ondagi matematik mo’jizalari
Qur'onning biz shu paytgacha ko‘rib chiqqan mo‘jizaviy xususiyatlaridan tashqari, «matematik mo‘jizalari» ham bordir. Qur'onning bunday ajoyib jihatiga ko‘plab misollar keltirish mumkin. Bu mo‘jizalarga bir misol Qur'ondagi ba'zi so‘zlarning takroriyligidir. Ba'zi so‘zlar esa hayratlanarli tarzda bir xil miqdorda takrorlanadi. Quyida bunday so‘zlarning ro‘yxati va ularning Qur'onda takrorlanish soni keltirilgan.
«Yetti osmonlar» (sab'a samaavaat) xabari yetti marta takrorlangan. «Osmonlarning yaratilishi» (xolq as-samaavaat) ifodasi ham yetti marta takrorlangan.
«Kun» (yavm) so‘zi 365 marta birlik shaklda takrorlangan bo‘lsa, uning ko‘pligi va ikkilik shakli «kunlar» (ayyaam va yavmayn) birgalikda 30 marta takrorlangan. «Oy» (shahr) so‘zi esa 12 marta takrorlangan.
«O'simlik» (nabat) va «daraxt» (shajar) so‘zlarining takroriyligi bir xil - 26 tadandir.
«To‘lov yoki mukofot» (jazaa) 117 marta takrorlangan bo‘lsa, Qur'onning asosiy odoblaridan biri bo‘lgan «afv etish» (mag‘firoh) ifodasi bu raqamdan roppa-rosa 2 marta ko‘p, ya'ni 234 marta takrorlangandir.
«Ayt» (qul) so‘zini sanasak, uning 332 marta uchrashini ko‘ramiz. «Aytdilar» (qolu) so‘zini sanaydigan bo‘lsak, unga ham shuncha marta duch kelamiz.
«Dunyo» (dunyaa) va «Oxirat» (aaxiroh) so‘zlarining takrorlanishi ham bir xil - 115 martadandir.
Qur'onda «shayton» (shaytoon) so‘zi xuddi «farishtalar» (malaaikah) so‘zi kabi 88 marta ishlatilgan.
«Imon» (iimaan) va «kufr» (kufr) so‘zlari Qur'onda 25 martadan qo‘llanilgan.
«Jannat» (jannah) va «jahannam» (jahannam) so‘zlarining har biri 77 martadan takrorlangan.
«Zakot» (zakaah) so‘zi Qur'onda 32 marta takrorlangan, shuningdek, «barakot» (barokah) so‘zi ham.
«Shafqatlilar» (al-abroor) ifodasi 6 marta, «gunoh-korlar» (al-fujjaar) ifodasi esa uning yarmicha, ya'ni 3 marta ishlatilgan.
«Yoz-issiq» (sayf-harr) va «qish-sovuq» (shitaa-bard) so‘zlarining takrorlanish miqdori bir xil - 5 martadir.
«Sharob» (xamr) va «sarxupshik» (saqoro) so‘zlari Qur'onda bir xil miqdorda - 6 martadan takrorlangan.
«Aql» (‘aql) va «nur» (nuur) so‘zlarining uchrashi 49 martadandir.
«Til» (lisan) va «va'z-nasihat» (mav'iza) so‘zlarining har ikkalasi ham 25 martadan takrorlangan.
«Foyda» (naf) va «buzg‘unchilik» (fasad) so‘zlari 50 martadan uchraydi.
«Mukofot» (ajr) va «qilmish» (fa'il) so‘zlarining har biri 107 martadan takrorlangan.
«Muhabbat» (al-mahabbah) va «itoat» (at-taa'ah) ifodalarining takrorlanishi 83 martadandir.
«Taqdir» (masiir) va «abadiy» (abadan) so‘zlari Qur'onda bir xil miqdorda - 28 martadan uchraydi.
«Musibat» (al-musiibah) va «shukr» (ash-shukr) so‘zlari Qur'onda bir xil miqdorda - 75 martadan uchraydi.
«Quyosh» (shams) va «nur» (nuur) so‘zlarining har biri Qur'onda 33 martadan uchraydi. «Nur» so‘zi sanalganda faqatgina so‘zning sodda shakllari hisobga olindi.
«To‘g‘ri yo‘lga boshlash» (al-hudaa) va «shafqat» (ar-rohmah) ifodalari 79 martadan uchraydi.
«G'am» (dayq) va «shodlanmoq» (tamaniyya) so‘zlarining har biri Qur'onda 13 martadan takrorlangan.
«Erkak» (rojul) va «ayol» (mar'a) so‘zlari teng miqdorda - 23 martadan ishlatilgan. «Erkak» va «ayol» so‘zlarining Qur'onda takrorlanish soni bo‘lgan 23, ayni zamonda inson embrionining shakllanishida tuxum va spermatozoiddagi xromosomalar soni hamdir. Inson xromosa-malarining jami soni 46 ta bo‘lib, ular ayol va erkakning tuxum va spermatozoididagi xromosomalar sonining yig‘indisidir.
«Xiyonat» (xiyaanah) so‘zi 16 marta takrorlangan, shuningdek, «qabih» (xobis) so‘zi ham.
«Inson» (insan) so‘zi 65 marta qo‘llanilgan: insonning yaratilish bosqichlariga ishoratlar soni ham aynan shuncha, ya'ni: tuproq 17 marta, nutfa 12 marta, embrion (alaq) 6 marta, muzg'o 3 marta, et (lahm) 12 marta, suyak (izham) 17 marta ishlatilgan.
«Solavaat» so‘zi Qur'onda besh marta uchraydi va Alloh insonlarga bir kunda 5 daf'a namoz (solat) o‘qishni amr etdi.
«Quruqlik» (barr, yabas) so‘zi Qur'onda 13 marta, «dengiz» (bahr) so‘zi esa 32 marta, ular jami bo‘lib 45 marta uchraydi. Agar quruqlikning Qur'onda ishorat etilishi sonini, ya'ni 13 ni 45 ga bo‘lsak, 28,888888888889% raqami chiqadi. Dengizlarning Qur'onda ishorat etilish soni bo‘lgan 32 ni 45 ga bo‘lganimizda esa, 71,111111111111% hosil bo‘ladi. G'ayrioddiy tarzda, bu raqam bugungi kunda quruqlik va dengizning Yerdagi aniq nisbatlarini aks ettiradi.252
|
| |
| |
| OSIYO | Date: Seshanba, 21-Iyun-2011, 18:15 | Message # 3 |
|
Yangilardan
Group: Ishonchli
Messages: 7125
Status: | Qur’oni karimning adabiy jihatdan mukammalligi
Bu bo‘limga qadar Qur'onning ilmiy va tarixiy nuqtai nazardan mo‘‘jizaviy xususiyatlarini ko‘rib chiqqan edik. Bularga qo‘shimcha ravishda, Qur'onning ayni paytda adabiy jihatdan hayratlanarli, betakror uslubga ega ekanligini, uning xitoblari har qachon, har qanday inson guruhlariga qaratilganligini ham ta'kidlash lozim. O'quvchining bilimi va madaniy saviyasi qay darajada bo‘lmasin, Qur'on har kim anglay oladigan aniq va tushunarli bir uslubda yozilgan. Oyatlarning birida Alloh Qur'on haqida quyidagicha vahiy qiladi:
Biz Qur'onni zikr (eslatma) uchun oson qilib qo‘ydik... («Qamar» surasi, 22-oyat)
Qur'onning bu qadar oson anglashiladigan uslubda yozilganiga qaramay, unga hech bir jihatdan taqlid qilishning imkoni bo‘lmagan. Alloh ba'zi oyatlarda Qur'onning betakror tabiatga ega ekanligiga diqqatni tortadi:
Agar bandamiz (Muhammad)ga tushirgan narsamiz (Qur'on)dan shubhada bo‘lsangiz, bas, siz ham unga o‘xshash (birgina) sura (yozib) keltiring va Allohdan o‘zga guvohlaringizni chaqiring - agar rostgo‘y bo‘lsangiz. («Baqara» surasi, 23-oyat)
Yoki: «Uni (Muhammad) to‘qigan», - deydilarmi?! Ayting: «U holda, agar rostgo‘y bo‘lsangiz, unga teng birgina sura keltirib, Allohdan boshqa kimga imkoningiz bo‘lsa, o‘shalarni (yordamga) chorlangiz!» («Yunus» surasi, 38-oyat)
Qur'onning mo‘‘jiza ekanligini isbotlovchi sabablardan biri, yuqoridagi oyatlarda ta'kidlangani kabi, inson kuchi bilan unga o‘xshash biror narsani hech qachon yozishning iloji bo‘lmaganligidadir. Bu ilojsizlik qanchalik buyuk bo‘lsa, biz ko‘rib turgan mo‘‘jizalar ham shunchalik buyukdir. Shuning uchun Qur'on uslubini asrlar davomida milliardlab insonlar orasidan hech bir kishi taqlid qila olmaganligi uning haqiqiy mo‘‘jiza ekanligining dalilidir. F. F. Arbusnot The Construction of The Bible and The Qur'an (Bibliya va Qur'onning tuzilishi) nomli kitobida Qur'on haqida quyidagicha izohlar keltiradi:
Adabiy nuqtai nazardan Qur'on sof arab tilining yarim nazm va yarim nasr uslubida yozilgan namunasi hisoblanadi. Ma'lum bo‘lishicha, grammatika mutaxassislari ba'zi hollarda Qur'onda qo‘llanilgan ayrim jumla va ifodalarga mos keluvchi o‘z qoidalarini qabul qilganlar va Qur'onga teng bir asar yaratish uchun bir qancha urinishlar qilib ko‘rgan bo‘lsalar-da, bu urinishlarning hech biri bu sohada hanuzgacha amalga oshmagan.
Qur'onda ishlatilgan so‘zlar ham ma'no, ham ravonlik hamda uslubiy ta'sirchanlik jihatdan o‘ta darajada go‘zaldir. Biroq Allohning amri va taqiqlari nozil qilingan Qur'onning muqaddas bir kitob ekanligiga imon keltirishni istamaydiganlar unga nima uchun rioya etmasliklariga turli bahonalar topdilar. Ular Qur'onni inkor qilish orqali uning go‘zalligidan o‘zlarini olib qochishga harakat qilib ko‘rdilar. Alloh imon keltirmaydiganlarning Qur'on haqida bildirgan fikrlariga qarshi quyidagi oyatlarni vahiy qildi:
(Muhammadga) she'rni ta'lim bermadik va unga (shoirlik) mumkin ham emas. U (vahiy) faqat zikr (eslatma) va aniq Qur'ondir. (U) tirik (aklli) kishilarni ogohlantirish va kofirlarga (azob haqidagi) lafz muqarrar bo‘lishi uchun (nozil qilingan)dir. («Yosin» surasi, 69-70-oyatlar)
|
| |
| |
| BAXOR | Date: Seshanba, 28-Iyun-2011, 10:21 | Message # 4 |
 Peshqadam
Group: Ishonchli
Messages: 4071
Status: | Sahovat va Qur'on
Ибни Аббос айтадилар: Расулуллох одамларнинг энг саховатлиси эдилар. Ул кишининг энг саховатли бўлишлари Рамазон ойида, Жаброил Ул кишига йўликканда бўларди. Жаброил Рамазоннинг хар кечасида Ул киши хузурларига келиб, икковлари бирга Куръонни дарс килишарди. Шундай экан, Расулуллох яхшиликда, хар доим эсиб турадиган шамолдан хам тез эдилар.
Шарх: Лозим бўлган нарсани керакли ўринга беришга саховат деб аталади.
Термизий ривоятларида пайгамбар айтадиларки:
Маъноси: "Шубхасиз Аллох сахийдир. Саховатни яхши кўради".
Нававий (деган олим киши) айтадилар: "Ушбу хадисда бир канча фойдалар бор. Улар:
- одамларни хар доим саховатга кизиктириш. Рамазон ойида ва солихлар билан йигиланда уни янада кўпайтириш.
- солихлар ва ахли хайрларни зиёрат килиб туриш. Агар зиёрат килинаётган киши ёмон кўрмаса, зиёратни кайта-кайта такрорлаш.
- Рамазон ойида Куръон ўкишни кўпайтириш. Зеро Куръон ўкиш зикрларнинг энг афзалидир. Агар зикр килиш Куръон ўкишдан афзал ёки унга тенг бўлганида, пайгамбар билан Жаброил у билан машгул бўлишарди".
Мен айтаманки: (Ибни Хажар сўзлари) Ушбу хадисда, Куръон нозил бўлишининг аввали Рамазон ойида бўлганлигига ишора бор. Чунки Ибни Аббосдан ривоят килинган сахих хадисда, Куръон тўлик холда Дунё осмонига Рамазон ойида туширилган. Жаброил хар йили Рамазондан Рамазонгача нозил бўлган оятларни пайгамбаримиз билан бирга музокара килишар эди.
Фотима ривоят килган сахих хадисда, пайгамбаримиз вафот этган йил келганда, улар Куръонни икки марта музокара килишди.
|
| |
| |
| DURDON | Date: Shanba, 25-May-2013, 01:26 | Message # 5 |
 SUPER ADMINKA
Group: Admin yordamchisi
Messages: 10133
Status: | Куръон ёдлаётган дўстимга фойдали маслахатлар ва кимматли насихатлар
Алхамду лиллах, вассолату вассаламу ала Расулиллах.
Азиз биродар, Аллох сиздан рози бўлсин!
Куйида Куръони каримни ёд олишингизга кўмак бўладиган бир неча фойдали маслахатларни такдим киламиз:
1. Аллох субханаху ва таолога дуоларни кўп килиб, сизга Куръонни ёд олишга ёрдам беришини ялиниб ёлборинг. Чунки Куръон — Мухаммад ибн Восеъ айтганларидек: "Аллохни танийдиган кишиларнинг богидир. Улар хар качон у богга киришса, бир рохат, дилхушликка кирадилар"
Шуни билингки, дуода ўтиниб сўраш, дуо одобларининг энг улугларидандир. Расулуллох саллаллоху алайхи ва саллам шундай мархамат киладилар: "Банда, агар гунох билан, кариндош уруглардан алокани узиш билан дуо килмаса ва шошкалоклик килмаса, унинг дуоси ижобат бўлаверади" — дедилар. Сўрашдики: "Ё Расулуллох шошкалоклик нима?" Шунда у зот: "Банда: Дуо килаяпман, дуо килаяпман, лекин, хеч ижобат бўлмаяпти" деб ноумид бўлади ва дуо килишни тарк килади. Мана шу шошкалокликдир." — дедилар. (Абу Хурайра розияллоху анхудан Муслим ривояти)
Яна айтиладики: "Кимки эшик кокишда давом этса, эшикнинг очилиши якин бўлади"
2. Сиз ўзингизга Куръон тиловатидан кундалик вазифа килиб олинг ва у бир порадан (жуздан) кам бўлмаслигига каттик харакат килинг. Мана шу вазифангизни тамомлагандан кейингина бошка илмларни ўкишга киришинг. Куръонни ёдлашингиз сизни Куръон тиловатидан банд килиб куймасин. Чунки тиловат ёдлашнинг ёнилгисидир.
3. Эрталабки, кечкурунги, уйкудан олдинги ва кейинги зикр ва дуоларда давомий бўлинг. Хамда шайтондан химояланиш учун таълим берилган дуо (муаввизот)ларни давомий ўкиб юришликда хам астойдил бўлинг. Чунки зикр шайтоннинг душманидир. Аллох таоло дейди: «Арок, кимор сабабли шайтон ўрталарингизга бугзу адоват солишни хамда сизларни Аллохни зикр килишдан ва намоз ўкишдан тўсишни истайди, холос! Энди тўхтарсизлар!» (Моида: 91). Агар Аллох сизни шайтоннинг зараридан сакласагина, Аллох субханаху ва таолонинг Китобини ўкиш ва ёд олишга кодир бўласиз. Агар шайтон мусулмон кишини ширк, бидъат ва гунохи кабиралар килдиришдан ожиз бўлса, унга на савоб ва на гунох бўлмаган, дунёга хам, охиратга хам фойдали бўлмаган мубох ишлар билан машгул бўлишга васваса килиб чакиради. Ёки бўлмаса, афзал амални кўйиб пастрок амални килишга ундайди. Бунинг мисоли фарз намози ўкиётган имом ва жамоат бўла туриб, нафл намоз ила машгул бўлаётган хамда Куръони каримдан жуда оз ёдлагани холда, инсоннинг каломи бўлмиш турли шеър ва газалларни ёдлаш билан машгул юрган кишилар кабидир.
4. Олимлар иштирокида бўладиган илм мажлисларидан, хусусан Куръон мажлисларидан беузр колманг. Сиз узрингизни шунга киёсланг, агар сизга ўша мажлисда катнашиш учун юз минг сўм ваъда килсалар, келмасдан колармидингиз!!! Баъзи кишиларни акика ва тўйларга таклиф килинса, хозир бўлишга шошиб колишади, агар илм мажлисларига чакирилса, турли бахоналарни рўкач килиб, кетиб колишади. Яна баъзилар илм мажлисларини магнитафўн тасмаларидан эшитиб кўя коламиз дейишади!!! Лекин шу сўзларни айтаётган бечора ўзини канчалик улкан ажрдан махрум килаётганини билсайди. Абу Хурайра розияллоху анху Расулуллох саллаллоху алайхи ва салламдан ривоят киладилар: "Пайгамбар саллаллоху алайхи ва саллам дедилар: "Кайси бир кавм Аллохнинг уйларидан бир уйда тўпланишиб, Аллох азза ва жаллани китобини тиловат килиб, ўзаро дарс килиб ўрганишса, уларни устларига Аллох томонидан сокинлик нозил килинади ва уларни рахмат ўраб олади хамда фаришталар уларни куршаб оладилар ва Аллох таоло Ўзининг хузуридаги зотларга уларни зикр килади" дедилар". (Муслим ривояти)
5. Яна Куръон ёдлашга кўмак бўладиган сабаблардан бири, сизни Аллох зикрига кувватлайдиган, ёрдам берадиган дўстга эхтиёжингиздир. Чунки баъзи дўстларни Куръон тиловатига чакирсангиз, сизга зарур иши борлигини бахона килади. Лекин, дунёвий мавзуда сухбатлашишга таклиф этсангиз, зарур ишларини хам четга суриб, соатлаб гаплашишдан малолланмайди. Шунинг учун сиз яхши такводор дўстни изланг. Агар топсангиз, бебахо хазинага эришган бўласиз.
6. Имомнинг ортида намозда иктидо килсангиз, кироат килаётган оятларига кулок тутинг, ундан хато излашдан кўра сомеъ бўлишга харакат килинг. Агар имом кироатда янглишиб кетса, оятни тўгрилаш пайтида, ниятингиз Аллохнинг каломини улуглашлик ва саклашлик бўлсин. Акс холда ушбу хадиснинг мазумунига дахлдор бўлиб колишингиз мумкин. Расулуллох саллаллоху алайхи ва саллам мархамат килиб: "Кимки илмни олимларга мактаниш, ахмоклар билан тортишиш ва одамларни ўзига каратиш учун ўрганса, Аллох уни жаханнамга киритади" дедилар. (Ибн Можа Абу Хурайра розияллоху анхудан сахих санад билан ривоят килган)
7. Шуни яхши билингки, илмнинг боши Куръонни ёд олишдир. Ёдлаётган хар бир янги оятингиз сиз учун Аллох сари очилган бир эшикдир. Сиз хали ёдламаган ёки унутган хар бир оят Аллох билан сизни ўртангизни ёпиб турган бир эшикдир. Чин мусулмон учун дунё тўла олтин берилса хам, Куръондаги энг киска бир сурани унутишга тенг бўлмайди. Кискарок сура у ёкда турсин, Аллохнинг Китобидан бир харфнида унутишлик муъминга лойик эмас.
8. Куръон кироат килаётган вактда доимо суннатга мувофик тахоратли бўлинг.
9. Доимо истигфорда бўлиш ва уни кўп айтиш. Чунки Куръонни унутиш гунох хисобланади. Абдуллох ибни Масъуд: "Албатта мен эгаллаган илмини унутган кишининг бу унутиш сабаби, шубхасиз, килган гунохи туфайлидир деб хисоблайман." деган эдилар. Имом Абу Ханифа рохимахуллохга агар бирон масаланинг ечими чигаллашиб колса, асхобларига: "Бу факат килган гунохим туфайлидир" дер эдилар ва Аллохга истигфор айтардилар, гохида туриб намоз ўкирдилар. Кейин масала ойдинлашар эди. Шунда: "Менинг гунохим кечирилди, деб умид киламан" дердилар. Бу хабар Фузайл ибн Иёзга етганда, у зот каттик йигладилар ва: "Бу унинг гунохи камлигидан, ундан бошкалар бунга огох бўлмайдилар (яъни, бирор масала ечилмаса ёки бирон билган илми ёдидан чикса истигфор айтиш кераклигига огох бўлмайдилар)" деган эканлар. Ибн Хажар "Тахзибут тахзиб" китобларида Вакиъ ибн Жаррох ал Кўфийнинг таржимаи холини баён этиб, шундай ёзадилар: "У машхур хофиз имомларнинг биридир. Одамлар Куръон илмини машаккат билан ёдласалар, у жуда осонлик ила ёд оларди. Али ибн Хасрам айтадилар: "Вакиънинг хеч кўлига китоб ушлаганини кўрмадим. У факат ёдларди. Мен ундан ёдлашнинг давосини сўраганимда, у: "Давоси — гунохларни тарк килишдир, мен ундан яхширогини кўрмадим" деб жавоб берди. Ибнул Коййим рохимахуллох "Фавоид" китобларида шундай ёзадилар: «Гунохлар жарохатлардир, гохида жарохат ўлим нукталарига етади. Банда, калби котишдан ва Аллохдан узок бўлишдан хам кўра каттарок укубатга дучор бўлмайди! Аллохдан энг узок бўлган калб, тош котган калбдир! Агар калб котса кўз курийди (яъни, кўз ёши курийди). Калб каттиклиги тўрт нарсадан бўлади агарла уларни хаддан ошириб юборилса: ухлаш, ейиш, сўзлашиш ва аралашиш.»
Яна Ибнул Коййим ўзларининг "Жавабул кафий" китобида айтишларича: "Илмдан махрум бўлишлик гунохларнинг таъсиридандир. Чунки, илм Аллох таоло банданинг калбига ташлайдиган нурдир. Маъсиятлар эса, шу нурни ўчириб кўяди". Имом Шофеий Имом Моликнинг хузурида ўкидилар. Имом Молик Шофеийдаги зийраклик, ўткир зехнлилик, етук зукколикни кўриб, гоятда ажабланиб шундай деган эканлар: "Шубхасиз, мен сизнинг калбингизга Аллох нурни солиб кўйганини кўраяпман. Уни гунохлар зулмати билан сўндириб куйманг."
Ибн Касир "Шуро" сурасидаги: "(Эй инсонлар) сизларга не бир мусибат етса, бас, ўз кўлларингиз килган нарса-гунох сабабли (етур)" оятининг тафсирида Доххакдан шундай ривоят киладилар: "Биз Куръонни ёдлаб, сўнг уни унутган кишини эшитсак, у факат гунох туфайли деб биламиз, дедилар ва яна: "Куръонни унутишдан хам кўра каттарок бўлган кандай мусибат бор!!!" деб кўшиб кўйдилар.
10. Куръондан ёд олган ва ундан ўрганган илмингиз билан гурурланиб колишдан эхтиёт бўлинг. Куръонни таълим олишингиз Аллох хузуридаги нарсаларни исташ, Аллохдан кўркиш, сокинлик ва викорга эга бўлишга харакат бўлсин, мутакаббирлик бўлмасин. Аллома Мановий "Файзул Кадийр" китобларида: "Албатта, илмни факат тавозе ва камтарлик ила кулок солиш билан эгалланади. Шогирднинг устозига бўлган тавозеси-юксаклик, ундан ўзини паст тутиши-азизлик, унга бўйсуниши эса фахрдир. — деганлар." Сулаймий айтадилар: "Бирон киши Саид ибн Мусаййибдан амирдан изн сўрагандек, изн сўрамагунча савол беришга журъат килолмасди." Шофеий рохимахуллох айтадилар: "Мен Имом Моликни олдиларида китоб ўкиганимда, варакнинг шитирлашини эшитиб колмасликлари учун жуда охисталик билан вараклар эдим." Шофеийнинг шогирдлари Рабийъ бўлса, шундай дейдилар: "Аллохга касамки, Шофеий караб турган бўлсалар, хатто сув ичишга журъат килолмаганман."
Аллох хаммамизга рахм килсин, салафларимизнинг талаби илмда ва бошка ишларда кандай тавозели бўлганларига назар солинг. Сиз Куръон ёдлаяпсизу бошкалар ёдламаяпти деб, уларга камситиш назари билан карашдан нихоятда эхтиёт бўлинг! Бу жуда ёмон мусибатдир!
11. Эй биродарим! Билингки, Куръон ёдлаш, ёд олувчига шукр килишга лойик улкан неъматдир. Эй хофизи куръон! Аллохга хамд айтинг ва ато этмиш бу неъматлари учун Унга кўп шукр килинг! Ва: "Яна Парвардигорингиз билдирган (бу сўзларни) эслангиз: "Касамки, агар сизлар (Менинг берган неъматларимга) шукр килсангизлар, албатта (уларни янада) зиёда килурман. Энди агар куфрони (неъмат) килсангизлар, албатта азобим хам каттикдир." (Иброхим: 7)
Тавфик Аллохдандир.
Вадуд Ахмад таржимаси
|
| |
| |
| DURDON | Date: Seshanba, 28-May-2013, 14:25 | Message # 6 |
SUPER ADMINKA
Group: Admin yordamchisi
Messages: 10133
Status: | Robbim!
Senga axvolimdan arz qildim.
Javob berding:" Allohning raxmatidan noumid bo'lmang" (Zumar,53)
Aytdim:''Xech kim qalbimni tushunmaydi, taskin berolmaydi''
Javob berding: ''Allohni zikr etish bilan qalblar orom olur(va taskin topur) (Ra'd 28)
Ma'yuslandim:'' Odamlar menga ozor berishadi, dilimni og'ritishadi...''
Javob berding: ''... ularni avf eting, (gunohlari uchun) kechirim so'rang'' (Oli Imron159)
''Yolg'izman'' deb o'ksindim
Javob berding ''Biz unga(insonga) bo'yin tomiridan ham yaqinroqdurmiz (Kof 16)
Xazin tortdim: ''Shunchalar gunohkormanki...''
Javob berding ''.... gunohlarni faqat Allohgina mag'firat etar' (Oli Imron135)
Yolvordim ''meni tashlab qo'yma...''
Javob berding : ''Meni yod eting , (men ham) sizlarni yod eturman'' Baqara 152)
Aytdim: Hayotda qiyinchiliklarga juda ko'p duch kelaman''
Javob berding :'' Kim Allohga taqvo qilsa , U unga (tashvishlardan) chiqish yo'lini (paydo) qilur'' (Taloq2)
Umidlandim:'' Amalga oshishini istagan qancha orzularim bor...''
Javob berding '' Menga duo qiling , Men sizlar uchun (duolaringizni) ijobat qilay!''(G''ofir60)
|
| |
| |
| DURDON | Date: Dushanba, 08-Iyul-2013, 13:30 | Message # 7 |
SUPER ADMINKA
Group: Admin yordamchisi
Messages: 10133
Status: | Агар сизга муҳаббат, хотиржамлик ва таскин керак бўлса Рум сурасининг 21-оятини ўқинг!
وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ
“Унинг аломатларидан (яна бири) – сизлар (нафсни қондириш жиҳатидан) таскин топишингиз учун ўзларингиздан жуфтлар яратгани ва ўртангизда иноқлик ва меҳрибонлик пайдо қилганидир. Албатта, бунда тафаккур қиладиган кишилар учун аломатлар бордир”.
Агар сиз руҳан эзилаётган бўлсангиз, қалбингиз ором олишини истасангиз Раъд сурасининг 28-оятини ўқинг!
الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ
“Улар имон келтирган ва қалблари Аллоҳнинг зикри билан ором оладиган зотлардир. Огоҳ бўлингизки, Аллоҳни зикр этиш билан қалблар ором олур (ва таскин топур)”.
Агар сиз яқин дўстингизни соғинсангиз Қоф сурасининг 16-оятини ўқинг!
وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
“Инсонни (Биз) яратганмиз, (демак,) унинг нафси васваса қиладиган (кўнглидан ўтадиган) нарсаларни ҳам билурмиз. Биз унга бўйин томиридан ҳам яқинроқдирмиз”.
Агар сиз қадрингиз йўқлигини, обрўйингиз тушиб кетаётганини ҳис қилсангиз Инсон сурасининг 22-оятини ўқинг!
إِنَّ هَذَا كَانَ لَكُمْ جَزَاءً وَكَانَ سَعْيُكُمْ مَشْكُورًا
“Албатта, бу сизлар учун мукофот ва сизларнинг саъй-ҳаракатларингиз (Аллоҳ наздида) мақбулдир”.
Агар сиз ўзингизни муваффақиятсиз, омадсиз деб ҳисобласангиз, ноумидликка тушсангиз Юсуф сурасининг 87-оятини ўқинг!
يَا بَنِيَّ اذْهَبُوا فَتَحَسَّسُوا مِنْ يُوسُفَ وَأَخِيهِ وَلَا تَيْئَسُوا مِنْ رَوْحِ اللَّهِ إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ
“Эй, ўғилларим! Борингиз-да, Юсуф ва унинг укасини излангиз ва Аллоҳнинг раҳматидан ноумид бўлмангиз. Зеро, Аллоҳнинг раҳматидан фақат кофирлар қавмигина ноумид бўлур”.
Агар ўзингизни ҳамма нарсадан маҳрум қилинган деб ўйлаётган бўлсангиз Иброҳим сурасининг 34-оятини ўқинг!
وَآَتَاكُمْ مِنْ كُلِّ مَا سَأَلْتُمُوهُ وَإِنْ تَعُدُّوا نِعْمَةَ اللَّهِ لَا تُحْصُوهَا إِنَّ الْإِنْسَانَ لَظَلُومٌ كَفَّارٌ
“Шунингдек, сизларга барча сўраган нарсаларингиздан ато этди. Агар Аллоҳнинг неъмат(лар)ини санасангиз, саноғига ета олмайсиз. Ҳақиқатан, инсон (ўзига) ўта золим ва (Раббига) жуда ношукрдир”.
|
| |
| |
| DURDON | Date: Dushanba, 08-Iyul-2013, 13:31 | Message # 8 |
SUPER ADMINKA
Group: Admin yordamchisi
Messages: 10133
Status: | Агар сиз қийинчилик ва машаққатлардан чарчаган бўлсангиз Шарҳ сурасининг 5-оятини ўқинг!
فَإِنَّ مَعَ الْعُسْرِ يُسْرًا
“Бас, албатта, ҳар бир қийинчилик билан бирга енгиллик бордир”.
Агар одамлар сиз билан жанг бошласалар Фурқон сурасининг 63-оятини ўқинг!
وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا
“Раҳмоннинг (суюкли) бандалари ерда камтарона юрадиган, жоҳил кимсалар (бемаъни) сўз қотганда “Саломатлик бўлсин!” деб жавоб қиладиган кишилардир”.
Агар сиз турли қўрқувлардан қутулишни истасангиз Бақара сурасининг 62-оятини ўқинг!
إِنَّ الَّذِينَ آَمَنُوا وَالَّذِينَ هَادُوا وَالنَّصَارَى وَالصَّابِئِينَ مَنْ آَمَنَ بِاللَّهِ وَالْيَوْمِ الْآَخِرِ وَعَمِلَ صَالِحًا فَلَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ
“Албатта, мўминлар, шунингдек, яҳудийлар, насронийлар ва собиийлардан кимки Аллоҳга ва охират кунига имон келтирса ҳамда солиҳ амалларни қилса, уларга Раббиларидан ажр бордир, уларга хавф йўқдир ва улар ташвиш ҳам чекмаслар”.
Собиийлар – яҳудий ва насроний динларидан воз кечиб, фаришталарга сиғинувчи тоифа кишилари. Баъзи олимлар уларни юлдузларга сиғинувчилар деб таърифлайдилар.
Агар гуноҳларингиз кечирилишини истасангиз Оли Имрон сурасининг 135-оятини ўқинг!
وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ
“Улар бирор фаҳш иш қилиб қўйсалар ёки ўзларига зулм қилиб қўйсалар, (дарҳол) Аллоҳни эслаб, истиғфор айтадилар. Ваҳоланки, гуноҳларни фақат Аллоҳгина мағфират этар. Яна, улар била туриб, қилмишларида давом этмайдиган кишилардир”.
Интернет материаллари асосида
Нозимжон Ҳошимжон тайёрлади
|
| |
| |
