MIRJALOL KOSIMOV

Kirish Azolik 21-Noya-2024, 05:00

USD $56 EUR 67.85 ММВБ 1960.69 USD 59.175 ···

Chicago °

RSS

Yangiliklar-Новые сообщения · Azolarimiz-Участники · Forum qoidasi-Правила форума · Qidirish-Поиск

Page 1 of 1 1	Archive - read only
Forum moderator: MASTER, DURDON, SAKINA

MIRJALOL KOSIMOV (IJODI)

MIRJALOL KOSIMOV

kokalam

Date: Juma, 11-Yan-2008, 19:18 | Message # 1

Yangilardan

Group: Foydalanuvchi

Messages: 10

Status:

Mirjalol Qosimov

Mirzo_91

Date: Payshanba, 13-May-2010, 13:24 | Message # 2

Group: Ishonchli

Messages: 465

Status:

Mirjalol Qosimov Olimpiya terma jamoasida rasman ish boshladi O’zbekiston Futbol Federatsiyasi Prezidenti Mirabror Usmonov mamlakat terma jamoasining sobiq a’zosi, ayni paytda Muborakning “Mash’al” futbol klubida yordamchi murabbiy sifatida ish olib borayotgan millat futboli yulduzi Mirjalol Qosimovni O’zbekiston Olimpiya terma jamoasiga yordamchi murabbiy etib tayinlash to’g’risidagi buyruqqa bugun imzo chekdi. So’nggi vaqtlarda Mirjalol Qosimovning xizmatlaridan terma jamoalar miqyosida foydalanish kerakligi haqida ko’pgina matbuot nashrlarining maxsus minbarlarida ashaddiy ishqibozlar bir necha bora chiqish qilishgandi. Ularning deyarli barchasi o’zbek futbolining haqiqiy yulduzi – Mirjalol Qosimovni terma jamoalarga jalb etish haqida bong urishardi. Bu masala anchadan beri O’zbekiston Futbol Federatsiyasi rahbariyatining ham muhokamasi markazida edi. Qolaversa, matbuotdagi chiqishlar ham Qosimovning terma jamoalarda ish boshlash jarayonini ham tezlatdi. Bu masala O’zbekiston Futbol Federatsiyasi Prezidenti Mirabror Usmonov qoshidagi Murabbiylar Kengashida ham keng tahlil qilingan edi. Har tomonlama kengashilgach, yangilangan Olimpiya terma jamoasiga bosh murabbiy etib Vadim Abramov tayinlandi. Mirjalol Qosimov esa unga yordam beradi. Mirabror Usmonov Mirjalol Qosimov bilan sobiq futbolchining Olimpiya terma jamoasidagi taqdiri haqida shaxsan suhbatlashdi. Muhokama va tahlillarga boy bo’lgan tet-a-tet uchrashuvdan so’ng, Mirjalol Qosimov Olimpiya terma jamoasida ishlashga rozilik berdi. ”Albatta, bunday takliflardan har qanday sportchining boshi osmonga yetadi. Men uchun bu quvonarlidir. Hozirgina Mirabror Zufarovich bilan suhbatda bo’ldim va ularning takliflarini bajonidir qabul qildim”, - deya so’z boshladi Mirjalol Qosimov. ”Olimpiya terma jamoasi bu xalq jamoasi, millatning yuzi va g’ururi hisoblanadi. Shu sababli ham, har bir o’zbek ushbu terma jamoaning yutug’i va nurli kelajagi uchun qo’lidan kelganicha yordam berishi kerak deb o’ylayman. Bunday jamoada ishlash esa men uchun sharafdir”, - deya ta’kidladi terma jamoaning sobiq a’zosi. Mirjalol Qosimovning futboldan ketganligini ochig’i haligacha hech kim xazm qila olmaydi. Jamoadoshlari va futbol mutahassislari, sharhlovchilar hamda kuzatuvchilar tomonidan “terma jamoaning yuragi”deb ko’klarga ko’tariladigan mazkur charm to’p ustasi salomatligi bilan bog’liq muammolar tufayli ham katta futbol bilan hayrlashdi. U futbolsiz yashay olmaydi. Shu sababli ham Jahon chempionati baxslarining final qismida to’p surish orzusi so’nggi pallada ushalmay qolgan Qosimov murabbiylik faoliyati bilan shug’ullanishni boshladi. U Muborakning “Mash’al” jamoasida avvaliga Viktor Jalilov, keyinchalik esa Viktor Kumikovga yordamchi murabbiy sifatida ko’mak berdi. ”Men hali o’zimni yosh murabbiy deb hisoblayman. Chunki bu boradagi faoliyatim endi boshlandi. Tez orada ishni boshlaymiz. Vadim Abramov bilan hali birga ishlamagan bo’lsam-da, uni yaxshi taniyman. Har holda salom aligimiz bor. O’ylaymanki, biz yaxshi til topishib ketamiz. Ish bor joyda xato ham bo’ladi. Xatolardan o’rganib, ularni takrorlamaslik uchun eng avvalo harakat qilamiz. Bilasizmi, muvaffaqiyat har doim ham murabbiyga bog’liq emas. Maydonda to’p suradigan futbolchilarda ham g’ayrat, shijoat va g’alaba uchun istak bo’lishi kerak. Ular bor imkoniyatlarini ishga solishlari kerak. Umid qilamanki, biz Abramov bilan ana shunday g’ayratli va shijoatga to’la terma jamoani tuzib, ularning ko’ngillariga yo’l topa bilamiz”, - deya fikrini davom ettirdi Qosimov. Mirjalol Qosimov ayni paytda, ko’pchilik yaxshi biladi, Muborakning “Mash’al” klubida ish olib bormoqda. U yerda ham sobiq yarim himoyachi yordamchi murabbiylik lavozimidan mehnat qilmoqda. Ohirgi yillarda “Mash’al”da faoliyat yuritgan Qosimovni kuzatib qo’yish klub rahbariyatiga ham oson bo’lmaydi. ”Faoliyatimni aynan “Mash’al” futbol klubida yakunlab, murabbiylik davrimni shu yerda boshladim. Bu jamoa hayotim va faoliyatimda katta o’rin tutadi. Ammo, bugungi kunda Olimpiya terma jamoasida ishlashdek sharafli taklif tushayotgan ekan, nega men unga rad javobini berishim kerak?”, - deydi Qosimov. Uning “Mash’al”dagi faoliyati chempionat baxslariga tugashi bilan nihoyasiga yetadi. Shundan so’ng, Mirjalol Qosimov Olimpiya terma jamoasidagi ishlarini boshlaydi. ”Aslida ish bugundan boshlandi. Hozir ro’yxatdagi futbolchilar bilan tanishib chiqmoqdaman. Biroq, “Mash’al”da boshlab qo’ygan ishlarimmi tugatib kelmasam bo’lmaydi. Shuning uchun ham terma jamoada chempionatning qolgan ikki turidan so’ng bemalol ishlashim mumkin”, - deydi Qosimov. Ishqibozlar hamda kuzatuvchilar matbuotlardagi chiqishlarda Mirjalol Qosimovning terma jamoada bosh murabbiy bo’lib ishlashlarini istashmoqda. Shunday ekan, ko’pchilikda Qosimov nima sababdan bosh murabbiy sifatida ishlashni boshlay qolmayapti degan savol tug’iladi… ”O’rinli savol. Javob ham oddiy. General shunchaki general bo’lib qolmaydi. U barchasini askarlikdan boshlaydi. Men hali murabbiylik ayvonida juda yosh bir mutahassisman. Tajriba to’plashim va ko’p o’rganishim kerak. Bosh murabbiylik zinapoyasigacha bo’lgan masofani bosib o’tishim kerak. Shundagina, nimagadir erishish mumkin deb o’ylayman”, - deya so’zladi milliy terma jamoasining sobiq futbolchisi.

Mirzo_91

Date: Payshanba, 13-May-2010, 13:25 | Message # 3

Group: Ishonchli

Messages: 465

Status:

Mirjalol Qosimov Olimpiya terma jamoasida rasman ish boshladi
davomi....
Vadim Abramov va Mirjalol Qosimovlar noyabr oyida terma jamoa bilan yaqindan tanishish uchun o'quv-mashg'ulot yig'inlarini o'tkazishadi. Bu vaqtda olimpiyachilar o'rtoqlik uchrashuvlarida ishtirok etishlari ham ehtimoldan holi emas.

Dekabr oyiga borib esa, O'zbekiston Olimpiya terma jamoasi Pekinda o'tadigan Olimpiada baxslari uchun saralash baxslarining birinchi bosqichiga tayyorgarlik ishlarini boshlab yuboradi.

Ushbu bosqichda Abramov shogirdlariga Tojikistonlik olimpiyachilar raqiblik qilishadi. Birinchi o'yin 7-fevral kuni Toshkentda o'tkazilsa, javob o'yini bir hafta o'tib, 14-fevral kuni Dushanbeda bo'lib o'tadi. Olimpiada baxslariga yo’llanma olish vazifasi qo’yilgan terma jamoa a’zolari ushbu o’yinlarda g’alaba qozonishlari suv va xavodek zarurdir.

”Ko’pgina masala, 7-fevral kuni o’tkaziladigan o’yinga bog’liq. Ushbu sanada biz olib borgan ishlarning samarasini ham ko’rish mumkin bo’ladi”, - deydi Qosimov.

O’zbekiston Futbol Federatsiyasida olib borilayotgan islohotlarni tashkilot prezidenti Mirabror Usmonovning nomi bilan bog’lash mumkin. Rahbarlik vazifasiga kirishgan vaqtidan buyonoq Mirabror Usmonov barcha jabhada ijobiy o’zgarishlarni amalga oshirdi va ishqibozlarning, futbol xalqining bundan xabarlari bor, albatta.

”Biz Mirjalol Qosimovning qanday futbolchi ekanligini, uning yetakchilik fazilatlariyu orttirgan tajribalari terma jamoalarga qanday foyda keltirishini yaxshi bilamiz. Shu sababli ham uning xizmatlaridan foydalanishga ahd qildik”, - deydi O’zbekiston Futbol Federatsiyasi Prezidenti Mirabror Usmonov.

Ushbu xushxabardan so’ng, O’zbekiston Futbol Federatsiyasi binosining kirish joyida biz bilan suhbatda bo’lgan Mirjalol Qosimovni milliy terma jamoa bosh murabbiyi Valeriy Nepomnyashiy qarshi oldi. Rossiyalik mutahassis Mirjalol Qosimovni sharafli vazifani bajarishga kirishgani bilan qutlab, unga omad va zafarlar tiladi.

Tilak samimiy bo’lsa, u albatta amalga oshadi deydi o’zbek xalqining donishmandlari. Biz ham Valeriy Nepomnyashiyning tilaklariga qo’shilib qolamiz.

Sanjarbek Rizayev
O’zbekiston Futbol Federatsiyasi
Axborot va tahlil bo’limi boshlig’i.
manba': www.uzfootball.com

Mirzo_91

Date: Payshanba, 13-May-2010, 13:30 | Message # 4

Group: Ishonchli

Messages: 465

Status:

MIRJALOL KOSIMOV (IJODI)

Page 1 of 1
1