|
Farzand tarbiyasi
|
|
| ilyosbek | Date: Dushanba, 17-Dek-2012, 19:31 | Message # 31 |
 Peshqadam
Group: Ishonchli
Messages: 2946
Status:  |
Aqliy rivojlantiruvchi o’yinlar (1,5-2 yoshli bolalar uchun)
“Hayvonot olami”. Bu mashg’ulot uchun uch-to’rtta hayvonning surati kerak bo’ladi (suratlar, albatta, rangli va tiniq bo’lishi kerak). Bu suratlarni birma-bir qo’lingizga olib, bolaga ko’rsating. Rasmdagi har bir hayvonning qanday ovoz (masalan, itning vovillashi, sigir “muu”, echki “mee” va hk.) chiqarsa, siz ham shunday ovoz chiqaring. Keyin esa bu tovushlarni FARZANDingiz bilan birgalikda chiqaring.
Asta-sekin bu hayvonlarni odamlar nima uchun uyda boqishlari haqida FARZANDingizga gapirib bering. Bir necha muddat vaqt o’tgach, bolangizni yovvoyi hayvonlar bilan tanishtiring. Uy hayvonlari yoki yovvoyi hayvonlar haqida tushuncha berib o’tar ekansiz, aslo bolani “Hozir u seni yeb qo’yadu” yoki “”Aytganimni qilmasang unga berib yuboraman” deb qo’rqitmang. Aks holda, bolani qo’rqoq qilib qo’yishingiz yoki bu bilan mashg’ulotlardan bezdirib qo’yishingiz mumkin.
|
| |
| |
| DURDON | Date: Chorshanba, 03-Apr-2013, 00:10 | Message # 32 |
 SUPER ADMINKA
Group: Admin yordamchisi
Messages: 10133
Status: | Болам ёлгон сузлаяпти
Бола тарбиясига оила муҳитининг таъсири жуда катта. Фарзандлар биринчи бўлиб ота-онасининг гап-сўзи, хулқи, муомаласидан андаза олишади.
Кўчада бир аёлнинг ҳасрат билан "Болам ёлғон сўзлаяпти..." деганини эшитиб қолдим. Болалар рост ёки ёлғон гапиришни кимдан ўрганишади? Жавоби оддий — ота-онасидан.
Абдулқодир Гилоний ҳазратларининг болалик чоғларида кечган бир воқеа жуда ибратли. Макка сафарига отланган карвонда илм олиш ниятида йўлга чиққан ёш Абдулқодир ҳам бор эди. Саҳрога етганларида карвон қароқчилар ҳужумига учрайди. Бор нарсаларини талон-тарож қилади. Кароқчилар бошлиғи Абдулқодирга яқин келиб:
— Сенинг ниманг бор? — сўрайди.
— Кирқ тиллам бор.
— Кани улар?
— Чопонимнинг этагига тикилган. Кароқчи олдинига боланинг гапига ишонмайди. Яна сўрагач, Абдулқодир тилла тангаларини чиқариб беради. Ўзи айтмаса, қароқчилар билишмасди, аммо сафарга отланаётиб, онасига ёлғон гапирмасликка ваъда берган эди. Ўша ваъдасига содиқ иш тутди. Боланинг рост гапи тўдабошига қаттиқ таъсир қилиб, тортиб олинган молларни эгаларига қайтариб беради. Бу "ҳунар"идан бутунлай воз кечади.
Онасининг "Ҳеч қачон ёлғон гапирмасликка ваъда бер" деган сўзи фарзанди учун нега бунча қадрли бўлган? Чунки меҳрибон онанинг ўзи ростгўйлик қадрини англаган ва бутун ҳаётини шу асосга қурган. Нега биз бугун боламизга "ёлғон айтма" десак ҳам яна алдайверади? Чунки ўзимизнинг сўзимизда ёлғон бор. Сўраб келган одамга боламиздан "Уйда йўқлар" деб айттирамиз ёки қўнғироқларга "Йўқ эдилар" деб жавоб беришини буюрамиз. Оддий юмушларда ҳам фарзандимиз кўз олдида ёлғон ишлатаверамиз.
Болалар оила ойналари. "От изини той босади", дегани каби фарзанд ҳам ота-она изидан улғаяди. Айтганларини, қилганларини қайтаради. Вояга етиб ҳам уларнинг изидан боради. "Онасини кўриб қизини ол" нақли ниҳоятда ўринли.
Аллоҳ таоло айтади: "Эй мўминлар! Аллоҳдан қўрқинглар ва тўғри сўзланглар!" (Аҳзоб ,70).
Аллоҳдан қўрққан банда рост гапиради. Фарзандларимизга яхши обод, рост гапиришни ўргатишимиз керак.
Расулуллоҳ (соллаллоҳу алайҳи ва саллам): "Ростгўйликда хавфу хатар кўрсаларинг ҳам, рост сўзланглар, шунда нажот топасизлар. Гарчи фойда кўриб турган бўлсаларинг-да, ёлғондан сақланинглар. Чунки барибир ёлғоннинг охири вой", деб марҳамат қилганлар (Ибн Можа).
Фарзандларимизга рост сўзлашни, чиройли одобни мерос қилайлик.
Зебунисо ҲУСАЙН қизи.
|
| |
| |
| DURDON | Date: Chorshanba, 03-Apr-2013, 00:36 | Message # 33 |
SUPER ADMINKA
Group: Admin yordamchisi
Messages: 10133
Status: | Луқмони Ҳакимнинг ўғли отасига: "Эй отажон, инсон учун қайси хислат яхшироқ?" деди. Отаси: "Дин", деб жавоб берди. "Агар хислат иккита бўлса-чи?" деб сўради. Отаси: "Дин ва мол", деди. "Агар учта бўлса-чи?" деди ўғли. Отаси: "Дин, мол ва хаё", деди. Ўғил: "Агар тўртта бўлса-чи?" деди. Отаси: "Дин, мол, хаё ва чиройли хулқ", деди. "Агар бешта бўлса-чи?" деди ўғли. Отаси: "Дин, мол, хаё, чиройли хулқ ва сахийлик", деб жавоб берди. Ўғил яна: "Олтита бўлса-чи?" деб ҳам сўраган эди, Луқмони Ҳаким: "Эй ўғлим, агар инсонда мана шу беш хислат жамланса, у покиза, тақводор, Аллоҳга дўст ва Шайтондан узоқ бўлади" деб жавоб қилди.
Мана шу бешта хислатлар борлиги ҳам мўминлик сифатларидандир.
Анас ибн Молик айтадилар: "Албатта, банда чиройли хулқи билан Жаннатда олий мақомга етади, гарчи (нафл) ибодатини кўп қилса ҳам". Ушбу зотнинг сўзларидан маълум бўладики, инсон ёмон хулқи билан бошқа инсонларни кўнглига озор берадиган бўлса, ўша хулқи туфайли қилган яхшиликлари ҳам бекор бўлади.
|
| |
| |
