Tadbirda dalani ekishga tayyorlashda tuproq sharoitiga alohida e’tibor qaratish lozimligi ta’kidlandi. Urug‘lik sifati, ishchi kuchi va ajratilgan texnika vositalaridan samarali foydalanish borasidagi ilg‘or tajribalar xususida so‘z yuritildi.

– Bu yil 11 ming 500 gektar maydonga chigit ekiladi, – deydi tuman qishloq va suv xo‘jaligi bo‘limi boshlig‘i o‘rinbosari Olimboy Seytimbetov. – Paxta yetishtirish yuzasidan 388 fermer xo‘jaligi bilan shartnoma imzolangan. Unga muvofiq asosiy maydonlarda “Buxoro-102” navli g‘o‘za parvarishlanadi.