Дата: Seshanba, 09-Sen-2008, 23:25 | Сообщение # 1
Adminstrator
Группа: ADMINISTRATOR
Сообщений: 7547
Статус:
Норасмий Қийноқларга қарши кураш бўйича тезкор гуруҳ эълон қилган янги ҳисобот Россиядаги ўзбекистонлик меҳнат муҳожирлари учун ўзларининг ватандошлари асосий таҳдидлардан бири деган хулосага келган.
Гуруҳ эълон қилишича, янги ҳисобот Россиядаги ўзбекистонлик муҳожирларнинг ҳаёти ва саломатлигига мавжуд таҳдидлар нималардан иборат эканлигини ўрганган.
Ҳисоботда сўнгги икки йил мобайнида Бухоро ва Хоразм вилоятларига расман қайддан ўтказилган 24 ўзбекистонликнинг жасади қайтариб олиб келингани ўзига маълум бўлганини хабар қилади Қийноқларга қарши тезкор гуруҳ.
Ҳисоботда айтилишича, гуруҳ Россиянинг уч ҳудудида пул ишлаб топиб қиш пайтида Ўзбекистонга қайтган меҳнат муҳожирлари ўртасида сўров ўтказган.
"Қайси бир гуруҳ Россиядаги муҳожирлар - Ўзбекистон фуқароларининг ҳаётига энг катта хавф солаяпти", деган саволга Россия Узоқ Шарқидаги ўзбекистонликларнинг қарийб 30 фоизи, Урал, Челябинск, Екатеринбургдаги 32, Москва ва Москва атрофидаги 40 фоиз сўралганлар "Ватандошлар" дея жавоб қайтаришган.
Тезкор гуруҳга кўра, ўзбекистонлик муҳожирлар орасида ноқонуний иш топиб берувчилар одам савдоси билан шуғулланадиганлар ва маҳаллий жиноий гуруҳлар билан алоқа ўрнатганлар.
"Ҳозир инсон траффиги нима? Бу одамларни чет элга қул қилиб олиб бориб сотишдан бизнес қилаётган криминал структуралар фаолияти. Катта пул катта жиноятларга етаклаяпти. Шунинг учун Ўзбекистон меҳнат муҳожирлари учун - Россиядаги тақирбошлар, ҳуқуқни муҳофаза қилиш ходимларининг ноқонуний амаллари ва меҳнат шароити билан бир қаторда у ердаги ўзбекистонликлардан иборат жиноий гуруҳлар асосий хавфлардан бирига айланган", дейди ҳисобот муаллифларидан бири Шуҳрат Ғаниев.
Тезкор гуруҳ, меҳнат муҳожирлари орасида бўлган жиноий гуруҳлар айрим ҳолатларда Россиядаги тақирбошлардан ҳам бедодликда ошиб тушади, деган хулосага келган.
"Биз учун энг қўрқинчли кун маош оладиган кун бўлган - ўша куни Вестерн орқали уйингга пулни жўнатолсанг, хурсанд бўласан. Чунки эртаси куни ойлигингни ярмини ўзингнинг юртдошинг - бандитга беришингга мажбур бўлардинг", - дея жавоб қайтарди Москвадаги 100 ўзбек-муҳожирдан 85 нафари, дейилади Тезкор гуруҳ эълон қилган ҳисоботда. [url=http://www.bbc.co.uk/uzbek/news/story/2008/09/080909_migrants_threat.shtml]Manba وَلاَ حَوْلَ وَلاَ قُوَّةَ إِلاَّ بِاللَّ
Сообщение отредактировал credo - Seshanba, 09-Sen-2008, 23:30
Дата: Seshanba, 21-Iyun-2011, 11:18 | Сообщение # 2
Peshqadam
Группа: Ishonchli
Сообщений: 7142
Статус:
Ғурбатда ғариб шодмон бўлмас эмиш,
Эл анга шафиқу меҳрибон бўлмас эмиш!
Ассалому‑алайкум, уйидан узоқ жойларда юрган акалар‑укалар, юртдошлар! “Элга келган тўй”, деб тирикчилик орқасидан уйдан чиқиб меҳнат муҳожирлигида яшаётган яхшилар! Топганингиз ҳаёт қийинчиликларини енгишга ёрдам берсин, асқотсин! Ўзингизнинг, бола‑чақаларингизнинг тўйларига буюрсин!
Энди, “тўйгача тузалиб кетади”, деганларидек, тўйгача тузаладиган анча оғриқ, дард, камчиликларимиз бор. Бу нарсаларни барча Ўзбекистонликлар ҳис қилиб турибди. Энг кўп оғриқ нуқталаримиз қуйидагилар: Уйда тўйдириш, кийинтиришимиз керак бўлган оиламиз бор. Қимматчилик бир дард бўлиб турибди. Сал енгиллик берадиган ёз ҳам тез ўтиб кетиб қолади. Газ, электр тўловлари қиммат. 0ғир меҳнатингизга яраша тез бойиб ҳам кетмайсиз. Кунлик оғир меҳнатни ўтказаётганингиз билан бир қаторда, уйда қолган хотин, бола‑чақани ҳам машаққатли меҳнатда кун кечираётганини билиб турибсиз. Мардикорчиликда кун кечиришнинг ўзи бўлмайди. Ҳар кунингизда нақд харажат бор. Ишдан кейин хотиржам дам ололмайсиз. Иш ҳам зўриқишли, дам ҳам беҳаловат. Уйдагилар телефон қилиб қолишса ва ё ўзингиз гаплашсангиз, юрак ҳовучлаб турасиз. Кутилмаган муаммо айтиб қолмасмикан деб хавотирланасиз.
10. Яшаётган жойингизга бирон томондан хавф келиб қолмасмикан деб безовталанасиз.
11. Уйдагиларни соғиниб юрагингиз ғаш юрасиз.
12. Ҳужжатларингизнинг сроги ўтиб кетмаслиги учун алоҳида ғам чекасиз.
18. Фарзандларимиз илмсиз бўлиб катта бўлишмоқда. Ягана, чопиқ, чеканкаю пахта теримидан бўшамаётган ёш авлодга илм олиш учун вақт қаёқда дейсиз.
19. Болаларимиз камқувват бўлиб қолишмоқда.
20. Дала ишларига мажбур жалб қилинаётган аёлларимизнинг аксариси камқонли.
Шунча ва бундан ҳам зиёд дардларимиз бор‑ку, лекин уни эшитадиган, унга ечим берадиган жавобгаримиз, ғамкашимиз йўқ. Ўзинг учун ўл етим ҳолида яшаб юрибмиз. Ҳатто асалари ва чумолиларда ҳам яшаб ривожланишлари учун ташвишланадиган маликалари бор. Наҳот, шу ҳашоротларчалик қадримиз қолмаётган бўлса. Шунчалар ерга урилиб бораётган элга айланаётган бўлсак? Бу кетишда яқин келажакда фарзандларимиз яққол кимларнингдир қулига айланиб қолмайдими? Ахир ҳозирнинг ўзида ҳам ўз юртида гадо бўлишяпти‑ку?! Илмсиз, саводсиз, жоҳиллашган эл доимо бошқаларга қарам бўлиб келган‑ку! Кунлик хотиржамлик бермаётган ғам‑ташвишларга ўралашиб юравермасдан, масаланинг бу мудҳиш томонига ҳам назар ташлаб қўйсак бўлади‑ку!?
Биз кундан‑кунга ишсиз, бора‑бора саводсизлашиб қолмоқдамиз. Бундай кунларга тушишимизга диктатор Каримовнинг золим режими сабаб бўлмоқда. Атрофга боқайлик! Ахир қайси президент ўз элини хор бўлишига қўйиб беряпти? Россия бизга жой, иш ва шароитлар яратиб бераётган вақтда имкониятлар кенг бўлган юртимизда ишсизлик, меҳнатимиз қадрсизланиши, порахўрлик, мансабдорларнинг менсимаслиги, ўзимиз ва оиламизга зулм ўтказилишидан қийналмоқдамиз! Ўзбекистонда пахтадан тушаётган бир йиллик даромад тўғри тақсимланса, 28 миллион эмас, балки 80 миллион аҳолининг турмуш тарзини яхшиласа бўлади. Бу фақат пахтага боғлиқ имконият. Бундан ташқари юртимизда олтин, нефьт, газ захиралари етарли бўлиб, даромаддан ўзга халқларга ҳам хотиржамлик улашиш даражасига аниқ чиқа оламиз.
Бунинг ўрнига ҳаққимизни талон‑тарож қилаётган маккор Каримов ва унинг қизлари келтираётган зарар оқибатини биргалашиб тортяпмиз. Ўзимиз чидаганимиз етмаганидек, аёлларимиз ва болаларимизга ҳам бу оғир қисматни раво кўряпмиз!
Азизлар, Россия яратиб бераётган ҳақ‑ҳуқуқларимиздан фойдаланишни ўрганайлик‑да, ич‑ичимиздан золим Каримов режимига қаршилигимизни, ундан бу дунёю у дунё рози эмаслигимизни тиниқ шакллантирайлик! Сиёсий онгимизни оширайлик! Бутун дунёдаги халқлар қорнига эмас, қадрига йиғлаётган ушбу кунларда биз гўл бўлиб юрсак, бу энг аввало ўзимиз учун уят! Маккор Каримов бизни яна, такрор ва такрор алдашга шайланаётганида, биз ота‑бобомиздан қолган: “Кўр ҳассасини бир марта йўқотади” мақолини ёдга олиб, вақтида эсимизни йиғайлик!
Дунё халқларида энг қадрли бўлган тушунчалардан бири – ўз давлатида хотиржам яшашликдир! Бу нарсадан бизни маҳрум этдилар! Қайта бу нарсага эришишга ҳақлимиз! Бунинг учун биздан талаб қилинаётган нарса: а) бугунги кунни тўғри баҳолаш, тўғри тушуниш, б) ҳақ‑ҳуқуқларимизни ўрганиш, в) қалбан золим Каримов сиёсатига бўйсунмаслик!
Этот сайт использует файлы cookies для более комфортной работы пользователя. Продолжая просмотр страниц сайта, вы соглашаетесь с Политикой использования файлов cookies.
Hush kelibsiz saytimizga! Qanday yordam kerak? iltimos ayni saytdagi muammo yoki tushunmovchilik haqida habar yo'llang.Aks holda jiddiy bo'lmaga har qanday savol etiborsiz qoldirilishi mumkin! Yoki pastdagi savollardan tanlashingiz mumki!
